གཤིན་རྗེ་དྲེགས་པ་འཇོམས་བྱེད་ཀྱི་ལས་བྱང་བདུད་ལས་རྣམ་པར་རྒྱལ་བ་ཚངས་པའི་རྔ་ཆེན་བཞུགས་སོ། །

ན་མོ་གུ་རུ་ཡཱ་མཱནྟ་ཀཱ་ཡ། དུས་གསུམ་རྒྱལ་བའི་སྤྱི་གཟུགས་པདྨ་འབྱུང་། །འཇིག་རྟེན་མིག་གཅིག་རྣམ་སྣང་ལོ་ཙཱ་བ། །དྲིན་ཅན་བླ་མ་ཆོས་རྒྱལ་གཏེར་བདག་གླིང་། །བྱང་ཆུབ་བར་དུ་བདེ་ཆེན་འཁོར་ལོར་བཞུགས། །བོད་འབངས་དགའ་སྤྲོར་བྱེད་པ་གནས་ཀྱི་མཆོག །ཨོཾ་ཌི་ཡཱ་ནའི་གླིང་མཚུངས་ཤེལ་བྲག་ནས། །སྤྱན་དྲངས་གཤིན་རྗེ་དྲེགས་པ་འཇོམས་བྱེད་ཀྱ…

རཀྟའི་ཆག་ཆག་གདབ༔ མ་རྡལ་ཆོས་འབྱུང་འཁོར་ལོ་དང་༔ མུ་ཁྱུད་སྒོ་སོགས་ཚད་ལྡན་བྲི༔ དེ་དབུས་མཉྫི་ཁྲིའུའི་ཁར༔ མཚན་ལྡན་ཐོད་པ་བདུད་རྩིས་བཀང་༔ ཨཱ་དརྴ་ཡི་ཁ་བཀབ་སྟེང་༔ རིན་ཆེན་བུམ་པ་བཅུད་ལྡན་དང་༔ དམིགས་རྟེན་འཇམ་དཔལ་སྐུ་ཡང་བཙུགས༔ སྨན་རཀ་དམ་རྫས་གཏོར་མ་དང་༔ ཕྱི་ནང་ཚོགས་མཆོད་ཚང་བར་བཤམས༔ དེ་ནས་བདེ་བའི་གདན་ལ་འདུག༔ སྔོན་…

ཤེས་འཚོ་རྒྱལ་གནས་གསུམ་མཁའ་འགྲོའི་གཙོ། །གསོལ་བ་འདེབས་སོ་དགྲ་བགེགས་འཇོམས་པར་ཤོག །བཻ་རོ་ཙ་ན་དོན་གྱི་པཎྜཱི་ཏ། །ཟབ་གསང་བསྟན་པ་རྒྱས་མཛད་གཏེར་བདག་གླིང་། །བཀའ་དྲིན་མཉམ་མེད་རྩ་བའི་བླ་མ་ལ། །གསོལ་བ་འདེབས་སོ་དགྲ་བགེགས་འཇོམས་པར་ཤོག །རྡོ་རྗེ་སློབ་དཔོན་མཆོག་གིས་ཉེར་བཟུང་ནས། །དཀྱིལ་འཁོར་ཆེན་པོར་དབང་གིས་ལེགས་སྨིན་ཅི…

བདག་ལ་དགོངས་སུ་གསོལ། །སྒོ་གསུམ་དང་བས་རབ་ཏུ་ཕྱག་འཚལ་ཞིང་། །ཟག་མེད་ཀུན་བཟང་མཆོད་སྤྲིན་རྒྱ་མཚོས་མཆོད། མི་དགེའི་ལམ་ཞུགས་སྡིག་སྒྲིབ་ནོངས་པ་བཤགས། །དུས་གསུམ་རྒྱལ་བའི་མཛད་པར་རྗེས་ཡི་རང་། །བླ་མེད་ཆོས་འཁོར་བསྐོར་ཞིང་བཞུགས་གསོལ་འདེབས། །བདག་གཞན་དགེ་ཚོགས་བྱང་ཆུབ་མཆོག་ཏུ་བསྔོ། །འཁོར་བ་ཡོངས་དག་ཆོས་དབྱིངས་ཐོབ་པར་ཤོ…

ཕྱོགས་མཚམས་འཁོར་ལོ་རྩིབས་བཅུ་འབར༔ རྩིབས་སྟེང་དཔལ་ཆེན་ཁྲོ་བོ་བཅུ༔ བསྲུང་བཟློག་འཕྲིན་ལས་མཛད་པའི་ཕྱིར༔ རྣོ་དབལ་མཚོན་ཆ་ལྔ་ཡི་གུར༔ བསྲ་བརྟན་མི་ཤིགས་ར་བས་བསྐོར༔ སྤྲུལ་པའི་ཁྲོ་ཚོགས་གློག་ལྟར་འཁྱུག༔ ཡེ་ཤེས་མེ་ལྕེ་ཀུན་ཏུ་འབར༔ བགེགས་དང་འབྱུང་པོ་རྡུལ་དུ་རློག༔ ཨཱོཾ་མ་ཧཱ་ཀྲོ་དྷ་རཀྵ་ཛྭ་ལ་རཾ་ཧཱུཾ་ཕཊ༔ བདུན་པ་བཤགས་པ་…

པོ་ཨེ་ཡི་གཞལ་ཡས་ནས། །དྲེགས་པ་འཇོམས་བྱེད་ཡབ་ཡུམ་སྤྲུལ་པ་གསུམ། །སྤྱི་མགྲིན་སྙིང་ལྟེར་གནས་པའི་གཤེད་པོ་བཞི། །རྒོད་སྟག་ཀང་སྤྱང་གདོང་ཅན་སྒོ་བ་བཞི། དྲག་པོའི་ལས་མཛད་ཕོ་ཉ་དམ་ཅན་ཚོགས། །དཀྱིལ་འཁོར་ལྷ་ཚོགས་རྣམས་ཀྱིས་བྱིན་ཕོབ་ཅིག །བདག་ཅག་སེམས་ཅན་ལས་ཀྱིས་མནར་བ་ལ། །རེ་ཞིག་དཔུང་གཉེན་གཞན་ན་མ་མཆིས་པས། །ཐུགས་རྗེ་ཆེན་པ…

པདྨ་དམར་པོ་འདབ་མ་བརྒྱད་པའི་ལྟེ་བ་ལ་ར་དམར་པོ། དེ་ལས་རཀྟའི་རྒྱ་མཚོ་ཆེན་པོ་རྦ་ཀློང་འཁྲུག་ཅིང་འཕྱོ་བའི་སྟེང་དུ་ཡི་གེ་ར་དམར་པོ་འོད་ཟེར་འཕྲོ་བར་གྱུར། དེ་ལས་འོད་ཟེར་གྱི་འཕྲོ་འདུས་རཀྟའི་ངོ་བོ་བདུད་རྩིའི་རོ་མཆོག་བརྒྱད་དང་ལྡན་པ་ཟེགས་མ་ལ་འདོད་ཡོན་གྱི་ལྷ་མོ་དཔག་ཏུ་མེད་པ་འཕྲོ་བར་གྱུར། ཨཱོཾ་ཨཱཿཧཱུཾ་མ་ཧཱ་རཀྟ་ཛྭ་ལ་…

ཞལ༔ ཞལ་གདངས་མཆེ་གཙིགས་སྤྱན་དམར་འཁྲུག༔ འཁོར་ལོ་རལ་གྲི་གྲི་གུག་གཡས༔ ཐོད་ཁྲག་བེ་ཅོན་སྡིགས་མཛུབ་གཡོན༔ དཔལ་དང་དུར་ཁྲོད་ཆས་ཀྱིས་བརྒྱན༔ གཉིས་མེད་ཡུམ་མཆོག་པེ་ཏ་ནག༔ གྲི་ཐོད་འཛིན་ཞིང་ཡབ་དང་འཁྲིལ༔ སྤྱི་བོར་སྤྲུལ་པའི་བྱ་ཁྱུང་མཐིང་༔ སྤུ་གྲི་སྒྲོ་གཤོག་ཀླུ་གདོན་འདུལ༔ བདག་གི་སྐུ་ཡི་ཆ་ཀུན་ནས༔ སྤྲུལ་པའི་ཁྲོ་ཚོགས་གྲངས…

རོལ་མོའི་སྒྲར་བཅས་ཏེ༔ གདུང་བའི་དབྱངས་ཀྱིས་སྤྱན་འདྲེན་པ༔ ཧཱུཾ། འོག་མིན་ལྷུན་རྫོགས་ཆོས་དབྱིངས་ཕོ་བྲང་ནས༔ སངས་རྒྱས་ཀུན་གྱི་ཡེ་ཤེས་འཇམ་དཔལ་དབྱངས༔ བདེ་ཆེན་ཞི་བའི་ངང་ལས་མ་གཡོས་ཀྱང་༔ ལོག་འདྲེན་གདུག་པའི་ཚོགས་རྣམས་འདུལ་བའི་ཕྱིར༔ མི་བཟད་དྲག་པོར་ཁྲོས་པ་ཁྲོ་བོའི་རྒྱལ༔ བཅོམ་ལྡན་དཔལ་ཆེན་འཇམ་དཔལ་གཤིན་རྗེའི་གཤེད༔ ད…

པོས་བརྒྱན༔ ལྔ་པ་གུས་པས་ཕྱག་འཚལ་བ༔ ཐལ་སྦྱར་དང་བའི་སེམས་ཀྱིས་ནི༔ ཧཱུཾ། ལྷ་ཡི་ལྷ་མཆོག་བཅོམ་ལྡན་འདས༔ གཤིན་རྗེ་གཤེད་པོ་ཁྲོ་བོའི་རྒྱལ༔ གཙོ་འཁོར་སྤྲུལ་པར་བཅས་རྣམས་ལ༔ རབ་གུས་དུངས་པས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏི་ཙ་ཧོ༔ དྲུག་པ་མཆོད་པའི་ལས་རིམ་ནི༔ ཧཱུཾ། དངོས་བཤམས་ཡིད་ལས་རྣམ་སྤྲུལ་བའི༔ མེ་ཏོག་གདུག་སྤོས་མར་མེ་ད…

ཁ་རཾ་ཁཱ་ཧི། ཤནྟིཾ་གརྦྷ་རིགས་འཛིན་པདྨ་འབྱུང་། །ཇོ་མོ་འཚོ་རྒྱལ་གན་ཇག་ཐང་ཏ་དང་། །གཏེར་བདག་གླིང་པ་རྩ་བའི་བླ་མ་ལ། །སྨན་མཆོད་འབུལ་ལོ་མཐུ་དང་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི། དྲེགས་པ་འཇོམས་བྱེད་ཡུམ་ཆེན་པེ་ཏ་ལི། །གཤེད་ཆེན་བཞི་དང་སྒོ་བསྲུང་གཤིན་རྗེའི་ཚོགས། །ལས་ཀྱི་གཤིན་རྗེ་གཏེར་སྲུང་རྡོར་ལེགས་ལ། …

གར་གྱི་ཉམས་དགུ་མཚན་དཔེ་ཡོངས་སུ་རྫོགས༔ རབ་བརྗིད་གཤིན་རྗེའི་གཤེད་ལ་ཕྱག་འཚལ་བསྟོད༔ སྐྱེ་མེད་དབྱིངས་ལས་འགག་མེད་ལྷར་སྣང་བ༔ དབྱིངས་དང་ཡེ་ཤེས་རིག་རྩལ་ལས་ཤར་བའི༔ གཉིས་མེད་སྦྱོར་སྒྲོལ་ཡུམ་དང་མཁའ་ལྡིང་ཁྱུང་༔ སྐུ་གསུམ་ཐུགས་སྤྲུལ་ཚེ་འཆི་སྲོག་བདག་གསུམ། །འཇིགས་བྱེད་གཤིན་རྗེ་ཆེན་པོ་རྣམ་བཞི་སོགས༔ འཁོར་བཅས་དམ་ཚིག་ཅན…

ཡཀྵེ་ཡ་ཡཀྵེ་ཡ་ཚ་ནི་ར་མ་ཡ་ཧཱུཾ་ཕཊ༔ འདི་ནི་སྒྲུབ་པའི་རྩ་སྔགས་ཏེ༔ བདུན་འབུམ་ཉི་ཁྲི་རྟགས་དང་སྦྱར༔ ལས་སྦྱོར་སྔགས་ཀྱི་ཤམ་བུ་ནི༔ རིག་པའི་མདའ་དང་བསྟུན་ཏེ་སྦྱར༔ མཐུན་མཐར་འཛབ་བསྐུལ་དངོས་གྲུབ་བླང་༔ ཞེས་པའི་དགུ་པ་འཛབ་བསྐུལ་ནི༔ ཨེ་དྲེགས་པ་འཇོམས་བྱེད་ཆོས་ཀྱི་དབྱིངས་ཀྱི་གསུང་ཞེས་སོགས། འཛབ་བསྟོད་ཟོར་གྱི་འཕྲིན་ལས་གན…

ལས་འོད་ཟེར་འཕྲོས་པས་ལྷོ་ཕྱོགས་གཤིན་རྗེའི་གནས་ནས་འཁོར་བཅས་སྤྱན་དྲངས༔ ཧཱུཾ། ལྷོ་ཕྱོགས་གཤིན་རྗེའི་འཇིག་རྟེན་གྱི༔ འཇིགས་སུ་རུང་བ་མུན་པའི་ཀློང་༔ དྲེགས་པ་ཀུན་གྱི་བཤན་ཁང་ནས༔ ལས་བྱེད་གཤིན་རྗེ་འཁོར་དང་བཅས༔ བདག་གིས་དད་པས་སྤྱན་འདྲེན་ན༔ དགྲ་བགེགས་འདུལ་ཕྱིར་གནས་འདིར་སྤྱོན༔ ཨེ་ཡ་མ་ར་ཛ་ས་པཱ་རི་ཝཱ་ར་བཛྲ་ས་མཱ་ཛཿཛཿཧཱ…

གཏོར་མ་འདི་བཞེས་ལ༔ ཁྱོད་ཀྱི་ཐུགས་དམ་དུས་ལ་བབ༔ སྡང་བའི་དགྲ་བོ་སོད་ལ་ཤོག༔ བདུན་བརྒྱུད་རྩད་ནས་ཆོད་ལ་ཤོག༔ ལེགས་པའི་བྱ་བ་ཤོལ་ལ་ཤོག༔ ཉེས་པའི་བྱ་བ་བསྐུལ་ལ་ཤོག༔ གནམ་གྱི་འཇུ་ཐག་ཆོད་ལ་ཤོག༔ ས་ཡི་རྟེན་ཕུར་ཕྱུངས་ལ་ཤོག །གདུག་པའི་དཔུང་ཚོགས་འཇོམས་པར་མཛོད༔ ཅེས་བསྟོད་ཅིང་བསྐུལ་ལོ༔ ས་མ་ཡ༔ རྒྱ་རྒྱ་རྒྱ༔ ལས་ཀྱི་གཤིན་རྗེ་…

སྨུག་ཞལ་གཅིག་ཕྱག་གཉིས་པ༔ དར་དམར་བེར་གསོལ་ཁྲོ་ཆས་ཅན༔ ཕྱག་གཡས་རྡོ་རྗེས་དགྲ་དཔུང་འཇོམས༔ གཡོན་པ་དམ་ཉམས་ཙིཏྟ་བསྣམས༔ ཆིབས་སུ་སྟོབས་ལྡན་སེང་གེ་ཆིབས༔ མཆེད་འཁོར་སུམ་བརྒྱ་དྲུག་ཅུས་བསྐོར༔ བསྟན་པའི་བཀའ་སྲུང་མཐུ་སྟོབས་ཅན༔ འཁོར་དང་བཅས་ལ་ཕྱག་འཚལ་བསྟོད༔ དམ་རྫས་མཆོད་པ་འདི་བཞེས་ལ༔ དཀོན་མཆོག་གསུམ་གྱི་བསྟན་པ་སྲུངས༔ གདུ…

མེད་པའི་འདོད་ཡོན་རྫས། ཁ་དོག་དྲི་རོ་བཅུད་ལྡན་པའི༔ ཚོགས་ཀྱི་མཆོད་པ་རྒྱ་ཆེན་འདི༔ འཇམ་དཔལ་གཤིན་རྗེའི་ཚོགས་ལ་འབུལ༔ བཞེས་ནས་ཀུན་ཏུ་དགྱེས་པར་མཛོད༔ ཨོཾ་ཀྲོ་དྷ་ར་ཛ་ཡ་མནྟ་ཀ་ག་ན་ཙཀྲ་པཱུ་ཛཿཁཱ་ཧི༔ བར་པས་བཀང་ཞིང་བཤགས་པ་བྱ། ཧཱུཾ། འདོད་ཡོན་ཚོགས་ཀྱི་ལོངས་སྤྱོད་དང་༔ སྲིད་ཞིའི་མཆོད་རྫས་སྣ་ཚོགས་ཀྱིས༔ ཁྲོ་རྒྱལ་འཁོར་བཅས་…

ལ་མོས༔ སྟོང་གསུམ་བསྐོར་ཞིང་དུར་ཁྲོད་མྱུལ༔ དམ་ཚིག་ཅན་གྱི་ལས་མཁན་མཛད༔ དམ་ཚིག་ཉམས་པའི་གཤེད་མ་བྱེད༔ འདིར་སྤྱོན་འདོད་ཡོན་ལྷག་གཏོར་བཞེས༔ དགྲ་བགེགས་ཞིང་བཅུ་ཆམ་ལ་ཕོབ༔ བཅོལ་བའི་འཕྲིན་ལས་སྒྲུབ་པར་མཛོད༔ ཨོཾ་ཨུ་ཙིནྟྲ་བ་ལིཾ་ཏ་ཁ་རཾ་ཁཱ་ཧི༔ དེ་ནས་ཐུགས་དམ་བསྐུལ་བ་ནི༔ ཧཱུཾ། ཆོས་ཀྱི་དབྱིངས་ནས་དྲག་པོའི་སྐུར༔ གདུག་པ་འདུ…

རྟེན་གཞལ་ཡས་ཁང་༔ ཀུན་ཀྱང་འཇམ་དཔལ་གཤིན་རྗེ་གཤེད༔ ཐབས་མཆོག་རྐང་གཡས་བྲོ་བརྡུངས་པས༔ ཕོ་སྲི་ཐམས་ཅད་གཡས་སུ་མནན༔ ཤེས་རབ་གཡོན་གྱི་བྲོ་བརྡུངས་པས༔ མོ་སྲི་ཐམས་ཅད་གཡོན་དུ་མནན༔ གཉིས་སུ་མེད་པར་བྲོ་བརྡུངས་པས༔ ཆུང་སྲི་དམ་སྲི་དབྱིངས་སུ་མནན༔ དྲག་པོའི་གར་གྱི་བྲོ་བརྡུངས་པས༔ དགྲ་བགེགས་ཐམས་ཅད་རྡུལ་དུ་ལྷོགས༔ འཕྲིན་ལས་རྣམ་…