གོས་པ་མེད་པར་དྲུངས་པར་ཤོག །གཟོ་གཡོས་བཀོད་པ་བྲན་དང་ཡང་བྲན་དུ། །ཉེར་བཀོལ་ཚུལ་འདིར་མཐུན་རྐྱེན་བསྒྲུབས་སོ་ཅོག །ཆོས་དཀར་གཟིངས་ཀྱིས་འཁོར་བའི་མཚོ་བསྒྲལ་ཏེ། །ཐར་པའི་རིན་ཅེན་གླིང་དུ་བགྲོད་པར་ཤོག །དེར་མ་གྱུར་པའི་སྲིད་འཁྱམས་མཐའ་དག་ཏུ། །ལྷ་མིའི་རྟེན་བཟང་རབ་རྙེད་སྡུག་བསྔལ་གྱི། །ཟུག་རྔུས་གཙེས་པ་མེད་པར་བདེ་བ་ལ། །ས…

ཆེན་མཛེས་པའི་ཕྲ་ཚོམས། (སྡེབ་སྦྱོར་མེ་ཏོག་ཕྲེང་ཅན། )དཱིཧཱནཱསུཾབྷབཱགྲེསཱརཏྭཾཏྲིདྷཱཏཱིཤདྷཱསཾམཧཱདེབཔཱདཱངྒུལེ༔། སྤྲུཤམཏྲོཏུབཀོཌིཏཱདྷཱནསེནཱསྱནྟཱིཡདྭཀྵིཎྱཀུ་ནྲཀུརུ། རིང་པོའི་སྣ་ཞགས་སྲིད་པའི་རྩེར་བརྐྱངས་ནས། ཁམས་གསུམ་དབང་སྐུར་ལྷ་ཆེན་ཞབས་སོར་གྱིས། །རེག་ཚེ་ནེལ་ལེའི་ཁ་ནས་སྐྱུགས་པའི་ནོར། །སྡེ་འདིའི་ཡོལ་གོར་གཡས་ས…

ཡུལ་གྲུ་ཡར་ཀླུངས་ཀྱི་སའི་ཆར་བསོད་ནམས་རྒྱ་མཚོའི་ཞིང་གྱུར་རི་བོ་ཆོས་གླིང་གི་དངུལ་གདུང་ཆེན་མོའི་དེབ་ཐེར་བཀོད་པ་ལ། ༦ ས་བྱ་ས་ཆ་ཡར་ཀླུངས་རི་བོ་ཆོས་གླིང་གི་གཙུག་ལག་ཁང་གཙང་ཁང་མགོན་ཁང་བཅས་པའི་མཆོད་རྫས་ཀྱི་དེབ་ཐེར་འགོ་བརྗོད་དུ་བཀོད་པ་ནེལ་ལེའི་ཁ་ནས་བབས་པའི་ནོར་བུ་དགའ་འཁྱིལ་སོགས། (སྡེབ་སྦྱོར་ཆུ་འཛིན་འཕྲེང་བ། )ཡ…

གསུམ་དབང་སྒྱུར་དཔལ་ལྡན་རེ་མ་ཏཱི། །བསྟན་སྲུངས་རྒྱ་མཚོས་མེལ་ཚེ་ལེགས་མཛད་ནས། །བསམས་པའི་རེ་བ་སྐོང་བའི་ལས་མཛོད་ཅིག །ཅེས་ཤིས་པ་བརྗོད་པའི་ཚིག་སྔོན་དུ་བཏང་ནས་དགེ་བཅུ་ཀུན་ཚང་ཡར་ཀླུངས་ཀྱི་སའི་ཆར་ཁྲིམས་ལྡན་འདུས་པའི་སྡེ་རི་བོ་ཆོས་གླིང་གི་གཙུག་ལག་ཁང་དང་གཙང་ཁང་སོགས་ཀྱི་མཆོད་རྫས་རྣམས་དེབ་ཐེར་དུ་བཀོད་པ་ལ། ས་བྱ་ཟླ་བ…

འགྲེལ་བའི་རྗེས་སུ་འབྲངས་ཏེ་ཞི་བར་འབོད་པ་གངས་རིའི་ལྗོངས་འདིར་རྒྱ་ནག་པོའི་གཙུག་ལག་དང་བསྟུན་ས་མོ་བྱའི་ལོའི་ཟླ་བ་ཆེ་ག་མོ་ཞེས་བྱ་བའི་གཟའ་སྐར་དུས་སྦྱོཪ་ཕུན་སུམ་ཚོགས་པའི་ཉིན་ལྷོ་བྲག་གང་རྒྱལ་བཀའ་ལུང་གཞིས་ཀའི་འབྲུ། ཤ་མར། རྩྭ་སོག །དཔུས་ཆ་སོགས་ཀྱི་དེབ་ཐེར་གསར་དུ་བཀོད་པ་ལ། དོན་ཀུན་གྲུབ་ཞལ་མ་དྲོས་ཆུ་ཀླུང་ལས། །ལྟ…

སྡེབ་སྦྱོར་རྒྱུན་ཆག་གསུམ་པ་རྒྱ་མཚོ། སུལིཁསཀལཏོ྅ཏིཤེཥཱཔྲསཾབཎྞསོཀལྤིཀེདཾསཧཔྲསྱབུདྡྷལིམོཀྟགྲཐིཎྱཾརུཔཱཡུཥཀརཎཙཀརྨབིཤྭ་སྱཙིཏྲཉྩཔརཡནྟགཱམཱམཏེརསྤཊིཀེམཱུཁཀིཉྩོདཡྀརྨཡཀཾ ། ལེགས་བྲིས་རྣམས་ཀྱིས་ཆེས་ཆེར་རབ་བསྔགས་བསྐལ་བཟང་འདི་ལ་སངས་རྒྱས་སྟོང་གི་མུཾ་ཀྟ་ཀ་འཕྲེང་ཚར་དངར་བ། །སྐུ་ཚེ་མཛད་འཕྲིན་སྣ་ཚོགས་ཚོན་རིས་མཐའ་ཀླས་འགྲོ…

གཉིས་མེད་གསུང་ཞབས་འཁོར་ལོས་མཚན་མིན་སཱ་ལའི་ལྗོངས་ཞེས་བྱང་གི་ཕྱོགས་ལས་བྱང་ཕྱོགས་འདིར། །གདུལ་བྱའི་ཡིད་ཅན་ཐབས་ཀྱིས་བྲིད་ནས་ཡང་དག་ལམ་སྦྱོར་ཆོས་རྒྱལ་མེས་དབོན་རིམ་བྱོན་ཚོགས། ཁྱད་པར་སྐྱེ་རྒུའི་བསོད་ནམས་ཞིང་མཆོག་ཐུབ་པའི་ཞལ་སྐྱིན་རྒྱ་བལ་ཡུལ་ནས་འདྲེན་མཛད་པ། །ལག་ན་པད་དཀར་ས་སྐྱོང་ཚུལ་འཛིན་སྲོང་བཙན་སྒམ་པོའི་སྙན་པ…

ཁྱབ་འཇུག་ཞབས་ཟུང་བསིལ་བྱེད་མཁན། །མར་མེ་མཛད་དཔལ་དྲང་སྲོང་ཛཿཧཱུཾ། །ལུང་རིག་མཚོན་གྱིས་ལོག་རྟོག་དྲ་བ་རྣམས། །གཅོད་མཛད་རྔོག་ལོ་ཆ་གཙང་རྗེས་འབྲང་བཅས། །ཤོང་དཔང་བརྒྱུད་པའི་སྲོལ་འཛིན་འཇིག་རྟེན་མིག །མཁྱེན་དཔྱོད་ཉི་མས་རྨོངས་མུན་ཕ་མཐར་བསྐྲད། །སྨིན་གྲོལ་རྒྱུད་བཤད་ངེས་གསང་རྡོ་རྗེ་ཐེག །འཛིན་མཛད་འཇམ་པའི་རྡོ་རྗེ་ས་སྐྱ…

གང་དེས་བླང་དོར་ཉེར་བསྟན་རང་ཉིད་ཀྱིས། །སྙིང་སྟོབས་ཕྲག་པར་བླངས་ཏེ་གནྡྷོ་ལར། །སྲི་ཞུའི་བྱེད་པོ་ས་སྐྱོང་དགའ་ལྡན་པ། །གཟུགས་ཅན་སྙིང་པོ་ས་འདིར་འོངས་པ་བཞིན། །བསོད་ནམས་རླུང་བཞོན་གྱིས་དྲངས་དཀར་བའི་འབྲས། །ཙནྡན་དྲི་བསུང་བསྐྱོད་པ་དངར་བའི་ངད། །བྱང་ཆེན་ནོར་འཛིན་མཐའ་སྙེད་བསིལ་བའི་བདེ། །སྦྱིན་པའི་ཆོ་ག་རྫོགས་ལ་གཅིག་ཏ…

ལ་ཉམས་གསོས་དང་། །རི་མོར་བསྐྲུན་ཚུལ་ཞིབ་མོར་བརྗོད་པའི་ཁུར། །ཨ་མྲའི་ཚིག་གིས་ཆུ་གཏེར་འཇལ་བ་བཞིན། །འོན་ཏེ་མདོ་ཙམ་གླེང་པའི་དབྱུ་གུ་ཡིས། །འབྱུང་འགྱུར་མི་རྗེའི་ཐོས་འཛིན་དུནྡུ་བྷི། །བསྐུལ་བས་རླབས་ཆེན་དགེ་ཚོགས་སྒྲུབ་པའི་སྒྲ། །ཕྱོགས་བྲལ་རྣ་བར་འཇེབས་པའི་རིན་ཅེན་རྒྱན། །དེ་ཕྱིར་མགྲིན་པ་སྐྱེ་བ་ལྔ་པའི་དུང་། །བརྗོད…

ཕུན་སུམ་ཚོགས་པ་ཡིན་ནོ། །ཞེས་པ་ལྟར་གཟིགས་པ་རྣམ་པ་ལྔ་ལས་རིགས་ཕུན་སུམ་ཚོགས་པ་འཁོར་ལོས་སྒྱུར་བའི་རྒྱལ་ཟས་གཙང་མའི་རིགས་རས་ལ་གཟིགས་ནས་སྐུ་བལྟམས་ཏེ་རྒྱུ་རྩལ་གྱི་གནས་སོགས་འཇིག་རྟེན་མཐུན་འཇུག་གི་རིམ་པ་མུ་སྟེགས་བྱེད་སོགས་ཀྱིས་འཕྱ་བ་སྤང་བའི་ཆེད་དུ་བསྟན་ནས་རྡོ་རྗེ་གདན་གྱི་སྤོ་ལ་མངོན་པར་རྫོགས་པར་སངས་རྒྱས་པའི་ཚུལ…

དོན་དུ་འཕགས་པ་ཐུགས་རྗེ་ཆེན་པོ་དང་ཇོ་མོ་སྒྲོལ་མས་བྱིན་གྱིས་བརླབས་པའི་སྤྲེའུ་དང་བྲག་སྲིན་མོ་འདུས་པ་ལས་འགྲོ་བ་དྲུག་ནས་ཆད་པའི་ཕྲུག་གུ་གདོང་དམར་ཤ་ཟན་གྱི་རིགས་ལས་མཆེད་དེ་མིའི་རྒྱལ་ཁམས་སུ་གྱུར་པ་ཡིན་ལ། དེ་ཡང་རྗེ་རྒྱལ་པོ་གཉའ་ཁྲི་བཙན་པོ་ནས་བཟུང་རྒྱལ་རབས་ཉི་ཤུ་རྩ་དྲུག་པ་ས་ལུག་ལ་ལྷ་ཐོ་ཐོ་རི་གཉན་བཙན་གྱིས་དམ་པ་ཆ…

བལྟམས་ནས་མཁན་ཆེན་ཐམས་ཅད་མཁྱེན་པ་ཞི་བ་འཚོ་སྤྱན་དྲངས། ཕོ་བྲང་རླུང་ཚུགས་སུ་ཁ་ཆེ་ཨཱ་ནནྡས་ལོ་ཙཱ་བྱས་ནས་དགེ་བ་བཅུ། ཁམས་བཅོ་བརྒྱད། རྟེན་འབྲེལ་བཅུ་གཉིས་ཀྱི་ཆོས་གསུང། །བར་སྲིད་པའི་ལྷ་ཆེན་དང་བསྟན་མ་བཅུ་གཉིས་སོགས་བོད་ཀྱི་ལྷ་སྲིན་རྣམས་མ་དགའ་བར་ཡར་ཀླུངས་ཕང་ཐང་ཆུས་ཁྱེར། དམར་པོ་རིར་ཐོག་དང་མི་དང་ཕྱུགས་ལ་ནད་སོགས་འཚུ…

བར་ཞུགས་ནའང་། སྦ་བཞེད་དུ་བློན་པོས་སྐྱོ་མ་བྱས་ཏེ་སླར་བརྫངས་ཞེས་ཟླ་བ་བཅོ་བརྒྱད་ལས་མ་བཞུགས་པ་དང་། ལ་ལར་དེ་ལས་ཀྱང་ཡུན་ཐུང་བ་སོགས་སྣ་ཚོགས་སྣང་བ་བདུད་བློན་སོགས་སློབ་དཔོན་བཞུགས་པར་མི་དགའ་བ་རྣམས་ཀྱི་སྣང་ངོར་དེ་ལྟར་ཤར་ཞིང་བསྟན་པ་དོན་ལ་མི་གནོད་དེ། ཐབས་ལ་མཁས་པའི་མདོ་ལས། གང་ཡང་ལྷས་བྱིན་གྱིས་དེ་བཞིན་གཤེགས་པ་གསད་…

བོད་མུན་པའི་སྨག་རུམ་དུ་ཡུད་ཅིག་གྱུར་ནའང་། འཕགས་པ་རིགས་གསུམ་གྱི་མགོན་པོའི་ཐུགས་བསྐྱེད་དང་། སྐྱེ་རྒུའི་ལེགས་བྱས་ཀྱི་ཕུང་པོ་ཟད་མི་ཤེས་པར་བརྟེན། དཔལ་གྱི་རྡོ་རྗེས་རྒྱལ་པོ་སྡིག་ཅན་པ་བཀྲོངས་པའི་རྗེས་སུ་སོ་སོ་ཐར་པའི་བསྟན་པ་སྟོད་སྨད་ནས་མེ་རོ་བསོས་ཤིང་། ངེས་གསང་རྡོ་རྗེ་ཐེག་པའི་ཆོས་ཚུལ་ནི་སྔགས་འཆང་གྲུབ་བརྙེས་ག…

བོའི་གསེར་གྱི་གོང་བུ་ནི། །སྟོང་ཕྲག་བརྒྱས་ཀྱང་དེ་དང་མཉམ་པ་མིན། །ཞེས་དང་། གསལ་རྒྱལ་གྱི་ཚིགས་སུ་བཅད་པ་ལས། ཐུབ་དབང་མཆོད་རྟེན་རྡོ་ཐལ་བྱུགས་པ་ཡིས། །ལྷ་མི་འཇིག་རྟེན་དག་ན་ཚེ་རིང་ཞིང་། །ལུས་སེམས་ནད་དང་མྱ་ངན་བྱེད་སྤངས་ཏེ། །རྟག་ཏུ་སྐྱིད་ཅིང་ནོར་གྱིས་ཕྱུག་པར་འགྱུར། །ཞེས་པ་ལྟར་དེ་བཞིན་གཤེགས་པ་དངོས་སམ། དེའི་རིང་བ…

རྣམ་རྒྱལ་ཞེས་དགའ་ལྡན་ཨ་བསོད་དུ་གྲགས་པས་རིན་སྤུངས་པའི་ཞབས་ཏོག་བསྒྲུབས་པའི་ལག་རྟགས་སུ་ལོ་སྤྲེལ་སྣ་གདོང་མན་ནས་སྙེ་མདའ་ཆུ་སོ་ཁ་ཡན་གཏན་ཚིགས་ཀྱིས་ཆོད། རིང་པོར་མ་ལོན་པར་དཔལ་ཕག་མོ་གྲུ་པ་ངག་གི་དབང་ཕྱུག་བཀྲ་ཤིས་གྲགས་པ་རྒྱལ་མཚན་ཕྱོགས་ཐམས་ཅད་ལས་རྣམ་པར་རྒྱལ་བ་ཀྭན་དིང་ཏའི་གུཤྲཱི་ཆེན་ཧོ་ཝང་གི་དགོངས་པར་འབྱོར་པའི་དོ…

སྟོབས་འབྱོར་གྱི་དྲེགས་པས་མྱོས་པའི་དབང་ཕྱུག་རྣམས་འདུལ་བའི་དཔུང་ཚོགས་ཆེན་པོ་བཏེག་པའི་དུས་ཞི་དྲག་གི་ཞབས་ཏོག་ཏུ་འགྱུར་བར་བརྟེན་ཡབ་མེས་ཀྱིས་རིགས་ཕལ་ཆེ་བ་འཇགས་པའི་ཐོག་ཏུ་རྒྱལ་བཟང་ནང་སོར་བཀའ་བཀྱོན་བྱུང་སྐབས་ངེད་རང་ནས་མཚམས་སྦྱོར་བའི་ཐོག་ཏུ་མཆོད་ཡོན་གྱིས་ཤིང་མོ་བྱ་ལོར་ཚོང་འདུས་བྲག་ཁ་དང་ཟུང་བསམ་ཡས་རྣམས་ཀྱི་རྫ…

མཇལ་བར་མི་གནོད་པའི་དངུལ་གྱི་ན་བཟའ། བྱང་ཆུབ་ཆེན་པོར་གསེར་ཟངས་ལས་གྲུབ་པའི་དབུ་གདུགས། ཆུ་ཡོས་ཁ་ཐི་ཚོས་ཁ་བདུན་ཁྲ་བསྒྲིགས་ཁྱད་ཐོན་གྱི་ཕྱེ་ཕུར་ཐོག་ཚད་མ་ནང་ཤ་དར་རྦོད་དང་བཅས་པ་ཆ་གཉིས། ཤིང་ཕོ་འབྲུག་ལོ་ནང་སྐོར་གྱི་བྱང་སྟར་བསྒྱུད་ལ་ཞབས་འབོང་ཚན་ཆེ་བའི་སྟེང་ལྕམ་ལེན་གྱི་ཚུགས་ཀ ། ཤིང་མོ་སྦྲུལ་ལོ་བྱང་ཆུབ་ཆེན་པོའི་ག…

བའི་ཐིགས་འཛད་ཞིག་པ་རྣམས་གསོས། ཆོས་རྒྱལ་དཔོན་བློན་གྱིས་དབུ་རྩེ་ཚོགས་ཁང་ཞིག་གསོས་དུས་བབས་དང་རྒྱ་བསྐྱེད་དགོས་པའི་ལུང་བསྟན་ལྟར་བཤུ་འབུབ་མཛད་པས་ལྕམ་སུམ་ཆ་གཉིས་ཙམ་དང་ཀ་བའི་རྩ་བ་རྣམས་རུལ་བར་བརྟེན་ལྷག་པར་ལུང་བསྟན་ལ་ངེས་པ་རྙེད་དེ་ལྕགས་སྒོའི་མདུན་གྱི་རྡོ་པདྨ་ཅན་ནང་དུ་ཆུད་པའི་ཀ་བ་བཅོ་བརྒྱད་ཀྱི་ས་ཤུལ་གསར་བཞེངས་…