རབ་བརྟན་གྱིས་བཞེངས་པའི་ཐམས་ཅད་མཁྱེན་པ་བསོད་ནམས་རྒྱ་མཚོའི་སྐུ་འདྲ་དང་། རིགས་གསུམ་མགོན་པོ་རྣམས་བཞུགས་སོ། །ནག་ཕྱོགས་བདུད་སྡེའི་དཔུང་ཚོགས་བྲག་གི་རི། །འཇོམས་ལ་རང་བྱུང་སྐུ་བརྙན་གནམ་ལྕགས་ཐོག །འཇིག་རྟེན་དབང་ཕྱུག་གཙོ་འཁོར་སྐལ་ལྡན་གྱི། །མིག་གི་བདུད་རྩིར་གཙང་ཁང་བྱང་འདིར་བཞུགས། །ཞེས་པ་སྟེ། ཐུགས་རྗེ་ཆེན་པོ་བཅུ་ག…

བས་རྟེན་དེ་རྣམས་དྲངས་ཏེ་ཐུགས་ཀར་ཐིམ་ཞིང་། དེ་ཡང་ནུབ་ཕྱོགས་ཟླ་བ་ཚལ་གྱི་དུག་ཤིང་སྡོང་པོ་རྐང་གཅིག་གི་རྩ་ན་ལྷ་སྲིན་རྣམས་འཚོགས་ཏེ། ཆོས་སྒྲུབ་པ་ལ་བར་དུ་གཅོད་པའི་འདུན་མ་ཤོམས་པ་ལ། ཐུགས་རྗེ་ཆེན་པོ་བཞད་པའི་ཞལ་ལས་འོད་ཟེར་གཉིས་བྱུང་བས། གཅིག་གི་སྣ་ལ་ཁྲོ་བོ་བདུད་རྩི་འཁྱིལ་པ་བྱུང་ནས་མ་མོའི་ཉལ་ས་ཕྲོགས་ཏེ་རྡོ་རྗེའི་…

རྗེས་བཟུང་ཐང་སྟོང་པས། རབ་བཞེངས་མཁས་དང་གྲུབ་པའི་གཟུགས་ཀྱི་སྐུ། །ཡ་མཚན་བཀོད་པའི་རིམ་པ་འདི་ལྟར་རོ། །ཞེས་པ་སྟེ། དེ་ནས་ཕྱིར་འོངས་པ་ན། གཙང་ཁང་གི་ཕྱིའི་ཁྱམས་ན་རིམ་པ་བཞིན། གཏེར་སྟོན་ཐང་སྟོང་རྒྱལ་པོས་བཞེངས་པའི་ཉིད་ཀྱི་སྐུ་དང་། དམ་པ་སངས་རྒྱས། གྲུབ་ཐོབ་བིཪྺི་པ། ཁ་ཆེ་པཎ་ཆེན་ཤཱཀྱ་ཤྲཱི། སྒོ་ཁང་སྟེང་། དུས་གསུམ་སངས…

པ་དེ་ཡིས་སོ། །ཞེས་པ་སྟེ། ཕྱིའི་ཁྱམས་ན་རིམཔ་བཞིན་དུ་ཆོས་རྒྱལ་ཡབ་ཡུམ་སྐུ་ཁྲུས་གསོལ་བའི་ཁྲུས་རྡོ་པདྨ་སྤུངས་པ། གཏེར་སྟོན་པདྨ་གླིང་པས་བཞེངས་པའི་མཁན་ཆེན་ཐམས་ཅད་མཁྱེན་པ་ཞི་བ་འཚོ། དུས་གསུམ་མཁྱེན་པ་པདྨ་སཾ་བྷ་ཝ། །མཁས་པའི་དབང་པོ་ཀ་མ་ལ་ཤཱི་ལ་གསུམ་དང་། ནེ་ཆུང་རི་པས་བཞེངས་པའི་རྒྱལ་བ་སྨན་པའི་རྒྱལ་པོ་རྣམས་བཞུགས་སོ།…

པར་རྟེན་མཛད་པའི། །འཇིག་རྟེན་མིག་གཅིག་སྒྲ་བསྒྱུར་ལོ་ཙཱ་བས། །རྨོངས་པ་མཁས་པའི་གོ་སར་འགྱིང་མིན་པའི། །གྲགས་པ་དོན་དང་མཐུན་པའི་པཎྜི་ཏ། །བུ་སྟོན་ཆོས་རྗེ་སོགས་ཀྱི་སྐུ་བརྙན་རྣམས། །འདྲེན་བྱེད་ཡུལ་གྱི་བདུད་རྩིའི་མཚར་དུ་དངར། །ཞེས་པ་སྟེ། ལོ་ཆེན་བྱང་ཆུབ་རྩེ་མོས་བཞེངས་པའི་ཀུན་མཁྱེན་བུ་སྟོན་རིན་པོ་ཆེ། རྒྱལ་སྲས་ཐོགས་…

སངས་རྒྱས་སྣང་བ་མཐའ་ཡས། འཁོར་སྤྱན་རས་གཟིགས། སའི་སྙིང་པོ། སྒྲིབ་པ་རྣམ་སེལ། ནམ་མཁའི་སྙིང་པོ། ཀུན་ཏུ་བཟང་པོ། འཇམ་དབྱངས། ཕྱག་ན་རྡོ་རྗེ། བྱམས་པ་རྣམས་ཆོས་རྒྱལ་དུས་སོ། །རྒྱ་ནག་དམག་ཚོགས་བཟློག་ནུས་དཔུང་ཆེན་པོ། །གང་གི་ལྟོ་བར་གནས་པའི་ཁྱོན་ཡངས་འདི། །ཤོང་བའི་སྣོད་དུ་ཕ་མཐའ་ཡས་པའི་ས། །འཇིག་རྟེན་མེས་པོས་ཆེད་དུ་བསྐྲུ…

ཟླ་ཞེས། །འཆི་མེད་དབང་པོའི་ཚོགས་ཀྱང་གཏམ་དུ་གླེང་། །མཐོང་ན་མི་མཐུན་མེད་པའི་རྣམ་གྱུར་གྱིས། །ཀུན་གྱི་མིག་ལ་བདུད་རྩི་དཔལ་སྟེར་ན། །རྒྱལ་རྣམས་མངོན་སུམ་མཇལ་བའི་སྐལ་བས་ཀྱང་། །གཟུགས་སྐུ་དེ་མཐོང་དག་ལས་ཅི་ཞིག་ལྷག །མིག་སྟོང་ཅན་གྱི་ནོར་བུའི་མནྡྷ་ར། །ལས་བཟང་གཡོན་མིག་སོར་མོའི་རྣ་བའི་རྩེར། །སྤུད་ཚེ་ལྷར་བཅས་སྐྱེ་བོའི…

རྒྱལ་བ་ཉིད་ཀྱིས་རབ་ཏུ་གནས་པར་མཛད་དེ། རིམ་གྱིས་ལྷ་དང་། ཨོ་ཌི་ཡ་ན་ཞེས་པ་བོད་སྐད་དུ་འཕུར་འགྲོ །དེང་སང་ཟུར་ཆག་པས། ཨོ་རྒྱན་ཡུལ་གྱི་འགྲོ་བའི་དོན་མཛད། དེ་ཡང་ཆོས་འབྱུང་མང་པོ་ན་ལོ་ལྔ་བརྒྱ་རེ་ཟེར་ཡང་། རྒྱལ་བ་མྱ་ངན་ལས་འདས་ནས། ཆོས་རྒྱལ་བར་གྱི་ལོ་གྲངས་དང་མི་འགྲིག་པས་ཁུངས་ཆེ་བར་མ་མཐོང་ཞིང་། ཡུལ་དེ་དག་གི་རྗེས་སུ་ད…

དཔལ་གྱི་སྒྲོན་མེ་བཏེག །རི་ལ་ཤིང་སྣ་ཚང་། །ས་གཞི་ཡངས་པ་ལ། འབྲུ་སྣ་ལྔ་ཡི་ཚོགས། །གོ་མཚམས་མེད་པར་སྐྱེས། །གསེར་དངུལ་ཟངས་ལྕགས་སོགས། །རིན་ཅེན་དུ་མ་ཡོད། །གནག་རྟ་ལུག་གསུམ་རྒྱས། །དགའ་སྐྱིད་དེ་ལྟར་ཡོད། །ཨེ་མ་ངོ་མཚར་ཆེ། །ལྷ་གཅིག་ཀོང་ཅོ་གསོན། །ཞེས་སྤྲོ་བ་བསྐྱེད་པའི་གླུ་བླངས། དེ་ནས་ཀོང་ཅོས་ཡབ་རྒྱལ་པོ་ལ། །ཡབ་ཀྱི་མཆ…

སེམས་དཔའི་གདུང་ཁང་། རྒྱལ་བ་ཙོང་ཁ་པས་རག་ནས་བཏོན་པའི་རྡོ་ཆེན་ཨ་མོ་ལོང་། དྲིལ་གདང་ལ་མོའུ་གལ་གྱིས་ཡུམ་ལ་མ་ཎི་འདྲེན་འཇུག་པའི་དྲིལ་བུ་རྣམས་བཞུགས་སོ། །འོད་དཔག་མེད་ཀྱི་སྒྱུ་འཕྲུལ་དྲ་བའི་གར། །པཎ་ཆེན་ཚུལ་གྱིས་བཀའ་གདམས་བསྟན་པའི་སྲོལ། །འཛིན་མཁས་དཱི་པཾ་ཀ་ར་ཡབ་སྲས་ཀྱི། །སྐུ་དང་གང་དེའི་ལྷ་མཆོག་རྗེ་བཙུན་མ། །ཞེས་པ་ས…

སྐབས། རྟེན་སྐལ་དུ་ཐོབ། ལམ་དུ་བྲག་དང་ཆུ་འཐབས་ཞབས་ཐང་ལ་དངོས་སུ་བྱོན་པ་དང་། ཕྱིས་འོད་ཟེར་འཕྲོས་པའི་ལྷ་སྟེ་ངོ་མཚར་བའི་རྟེན་ནོ། །དེའི་འཁོར་དུ་ཆོས་རྒྱལ་དུས་ཀྱི་སྒྲོལ་མ་འཇིགས་པ་བརྒྱད་སྐྱོབ་དང་། སྤྱན་རས་གཟིགས་སེམས་ཉིད་ངལ་གསོ་རྣམས་བཞུགས། ངོ་མཚར་འཕྲུལ་གྱི་གཙུག་ལག་འོད་འཆང་རྡོའི། །ཕུད་དུ་བཞེངས་པའི་ཚངས་དང་བརྒྱ་བ…

དུ་གྲུབ། །ཅེས་པ་སྟེ། གཙང་ཁང་ནང་དུ་རྒྱལ་པོ་གླང་དར་གྱིས་དུས། པཎྜི་ཏ་ཚུལ་ཁྲིམས་ནོར་གྱིས་འཛམ་ལ་བསྒྲུབས་ཤིང་། རྨེ་རུའི་འཛམ་ལའི་ཐུགས་ག་ནས་དངུལ་བཏོན་པར། ཉེ་གནས་ཁ་ཆེ་ཨུཏྤ་ལས། དངུལ་གར་ཐུགས་ཀྱི་བྱམས་པ་མཆེད་བཞི་བཞེངས་པའི་ཡ་གྱལ། རྒྱལ་པོ་འོད་ཟེར་གོ་ཆའི་ཐུགས་དམ་རྟེན་གྱི་འཇམ་དབྱངས། ཀླུ་མེས་ཀྱིས་བཞེངས་པའི་ཁ་སཪྤ་ནི་…

བོད་འབངས་མ་ལུས་པ། །དགའ་བའི་པདྨོ་ཀུན་ནས་རྒོད་པའི་ཚུལ། །རི་མོ་འཕྲེང་བར་སྤེལ་བའི་ཛི་ན་ཀ །བློ་ལྡན་ཐོད་དུ་འཆིང་བའི་རྒྱན་གྱི་མཆོག །བླ་ན་མེད་པའི་སྙིང་སྟོབས་བཙན་པོ་ཅན། །འཇིག་རྟེན་དབང་ཕྱུག་མི་རྗེའི་ཚུལ་འཛིན་ལ། །འཇིག་རྟེན་དྲེགས་པའི་ལྷ་ཀླུ་སྲིན་པོ་ཡིས། །གཙུག་ལག་ཁང་བཟང་བསྲུང་བར་གཡར་དམ་བཅས། །ཞེས་པ་སྟེ། དེ་ནས་ལྡེ…

ཁང་ཐམས་ཅད་དུ་སངས་རྒྱས་བྱང་སེམས་ཀྱི་སྐུ་གཟུགས། རྟེན་དང་བརྟེན་པའི་དཀྱིལ་འཁོར་མཐའ་ཡས་ཤིང་། ཁྱད་པར་འོད་ཟེར་འཕྲོས་པའི་ལྷ། ལྷོ་ན་སྒྲོལ་དཀར་དང་། ནུབ་ན་རྟ་མགྲིན་གཉིས་བཞུགས། དཔལ་ལྡན་རྒྱལ་བ་ཀུན་གྱི་བསྟན་སྲུང་ཆེ། །དཔལ་མོའི་སྙེམས་པ་འཕྲོག་པའི་མཛེས་སྡུག་ཅན། །དཔལ་འབྱོར་འདོད་དགུ་མཐའ་དག་སྩོལ་མཛད་པའི། །དཔལ་གྱི་ལྷ་མོའ…

སེམས་དཔའི་ཚུལ་དུ་བྱས་ནས་ད་ལྟའི་འབུར་སྐུ་ཁྲོ་ཆགས་བརྗིད་པའི་རྣམ་འགྱུར་ཅན་འདི་ཉིད་ཚལ་པ་ཁྲི་དཔོན་གྱི་དུས་སྤྲུལ་སྐུ་མགོ་གྲུ་བཞིས་བཞེངས། སེང་ལྡེང་སྒོ་ཁང་གི་རྩེར་མིང་དངོས་བཀྲ་ཤིས་ཁྲི་སྒོ། ད་ལྟ་གནས་བཅུ་ཁང་དུ་གྲགས་པ་འདི་ནི། ས་སྐྱ་ལས་བོད་ཁྲི་སྐོར་བཅུ་གསུམ་ལ་བདག་བྱེད་པའི་དུས་ཀྱི་དཔོན་ཆེན་གོང་ལོ་ཏའི་ཧུ་སི་ཏུ་སྭ…

ཆེར་སྒྲོག །མི་མཐུན་མུན་ཚོགས་རིང་ནས་སྐྲོད་བྱེད་ཅིང་། །ལེགས་བྱས་པད་དཀར་གཞོན་ནུ་འཛུམ་ཞིང་གཡོ། །ཆོས་ནོར་གཏེར་གྱི་རིན་ཅེན་སྒྲོམ་བུ་ལ། །གཞོམ་མེད་རྡོ་རྗེའི་ཕྱག་རྒྱས་ལེགས་སྤྲས་པས། །གྲངས་མེད་ཡོན་ཏན་ཕུང་པོ་བྱུང་ངོ་ཞེས། །སྲོང་བཙན་གསུང་ལས་མི་འགྱུར་ཞལ་གྱིས་བཞེས། །ཞེས་པ་སྟེ། ཀ་བ་ཤིང་ལོ་ཅན་དང་ཉེ་བའི་སར་ཆོས་དང་གསེར…

བར་སྐོར་གྱི་ཕྱི་ན་ཉག་རེ་རིན་ཅེན་གྲགས་ཀྱིས་བཞེངས་པའི་སྒྲོལ་མ་ལྷ་ཁང་། ཨཱརྱ་ལྷ་ཁང་ན་སྤྱན་རས་གཟིགས་ཕྱག་སྟོང་སྤྱན་སྟོང་གི་སྐུ་ལི་ལས་གྲུབ་པ་སོགས་བཞུགས། ཆོས་རྗེ་བློ་གྲོས་རྒྱལ་མཚན་གྱིས་བཞེངས་པའི་བྱམས་པ་ཁྲོམ་གཟིགས། དེ་ཡང་བློན་གོང་རྒྱལ་པོས་དེར་སྐུ་ཆེན་པོ་ཞིག་བྱུང་ནས་དཔྱད་ཉམས་འགྲོ་བ་ཤེས་ནས་བྱམས་པའི་སྐུ་འདི་བཞེ…

ཡུལ་དམ་པའི་ཞིང་སར་ཡོངས་བཏབ་པས། །འཕྲལ་ཡུན་ལེགས་ཚོགས་འབར་བའི་འབྲས་བུ་ལ། །འཛད་མེད་ལོངས་སུ་སྤྱོད་པའི་དགའ་སྟོན་རྒྱས། །ཞེས་པ་སྟེ། བོད་ཡུལ་གྱི་རྡོ་རྗེ་གདན་ར་ས་འཕྲུལ་སྣང་གི་གཙུག་ལག་ཁང་རྟེན་བརྟེན་པ་དང་བཅས་པ་འདི་ཉིད་བོད་དང་བོད་ཆེན་པོའི་འགྲོ་བ་ཙམ་དུ་མ་ཟད། ལྷར་བཅས་སྐྱེ་དགུ་ཀུན་གྱི་ལེགས་བྱས་ཀྱི་སྒོ་བརྒྱ་ཕྲག་འབྱེ…

བཅོས་དང་། རགས་ཀྱི་ཞབས་ཏོག །རྒྱ་ཕིབས་འཁོར་མ་བསྒྲུབས། ཟངས་མཁར་ལོ་ཙཱ་བས་ཤར་གྱི་གློ་འབུར་བསྐྱེད་ཅིང་ནང་གི་སྐུ་གཟུགས་མང་དུ་བཞེངས། སྒམ་པོ་ཟླ་འོད་གཞོན་ནུ་ཁུ་དབོན་གྱིས། རྒྱབ་ཡོལ་ཞིག་གསོས་སོགས་ཀྱི་ཞབས་ཏོག་དང་། ཁྱད་པར་དྭགས་པོ་སྒོམ་ཚུལ་གཙུག་ལག་ཁང་འདི་ཉིད་ཀྱི་བསྙེན་བཀུར་ཞང་འགྲོ་བའི་མགོན་པོ་གཡུ་བྲག་པ་ལ་སྒྲུབ་དགོ…

མཚན་དང་ལྡན་པས་སྙིང་པོའི་མཐའ་ཅན། དབུ་རྒྱན་ཕུལ་ཏེ། ཤཱཀྱ་མུ་ནི་སྤྲུལ་སྐུ་ལས་ལོངས་སྐུར་ཞལ་བསྒྱུར་ཞིང་། ཆོ་འཕྲུལ་གྱི་མཆོད་པ་རྒྱ་ཆེན་པོ། ཇི་སྲིད་ཐུབ་བསྟན་རིན་པོ་ཆེ་གནས་པ་དེ་སྲིད་དུ་རྒྱུན་བཟང་པོ་འཛུགས་པ་གནང་བ་ཡིན་ནོ། །གཞན་ཡང་རིག་འཛིན་རཏྣ་གླིང་པ། རྡོ་རྗེ་གླིང་པ་སོགས་ཁུངས་མ་མང་པོའི་གཏེར་ལུང་དུ་རྗེ་བླ་མ་ལ་བསྔ…