རིགས་གསུམ་གྱི་མགོན་པོས་གསུངས་པ་ལ་བརྟེན་ནས། འཚོ་བྱེད་གཞོན་ནུ། དཔལ་ལྡན་དཔའ་བོ་སོགས་ཀྱིས་རྒྱ་ཆེར་བསྟན་ལ་ཁྱད་པར་རང་ཅག་གངས་ཅན་པ་རྣམས་ལ་བཀའ་དྲིན་མཚུངས་པ་མེད་པ་ཆོས་རྒྱལ་མེས་དབོན་རྣམ་གསུམ་གྱིས་གསོ་བ་རིག་པའི་དབུ་བརྙེས། སྲོལ་བཏོད། དར་རྒྱས་སུ་མཛད་པ་ལས། མཐའ་བཞིའི་གཞུང་ལུགས་སོགས་ཆེས་མང་ཡང་། ཉི་མའི་འོད་ཀྱིས་ཟླ་སྐ…

ཐོག་མར་སློབ་མ་གསར་འཇུག་གི་ཚེ་སྣོད་བརྟག་པ་གལ་ཆེ་བས། སྣོད་ངན་རྣམས་ཀྱིས་གདམས་པའི་བཅུད་མི་ཐུབ། །དཔེར་ན་སེང་གེ་དཀར་མོའི་འོ་མ་དེ། །རིན་ཆེན་མ་ཡིན་སྣོད་ངན་ཕལ་པར་བླུག །སྣོད་ཀྱང་འཆག་ལ་འོ་མའི་བཅུད་ཀྱང་འབོ། །དེ་ཕྱིར་གསང་བའི་སྣོད་ངན་འདི་ལྟ་བུ། །སློབ་དཔོན་གསང་ཞིང་རང་ཆེ་འབྱིན་པ་དང་། །ཐབས་ཀྱིས་བརྐུ་ཞིང་གཞོགས་སློང་བ…

ཞེས་པའི་དོན་ཡོངས་སུ་ཚང་བ་དུས་དབང་གིས་དཀའང་། དེའི་རྗེས་སུ་མཐུན་པ་ཞིག་དགོས་ཤིང་། འཇུག་བྱའི་གང་ཟག་ཀྱང་། འཛིན་ཤེ་གཏན་ནས་མེད་པ་དང་། རིགས་ཤིན་ཏུ་དམའ་བའི་ཡ་བཤན་ལྟ་བུ་དང་ན་ཚོད་ཡོད་པ་དང་། ཤིན་ཏུ་གཞོན་སྐྱོན་གྱིས་སློབ་གཉེར་མི་ནུས་པ་མ་ཡིན་པའི་རིས་ལ། ལོ་ལྔ་དྲུག་ཚུན་སྡོད་པ་དང་། རྒྱུད་བཞི་ཡོངས་རྫོགས་འཛིན་ཅིང་། མ་འ…

རྒྱུ་ངོམ། མི་དཔུང་གྲ་སྡེབས། ཡུལ་ལུགས་ལ་བསྙད་པའི་ཤེད་ཆེ་མི་བྱེད། རྩེད་མོ་འཛིང་རྒྱག་སོགས་བག་མེད་ཀྱི་སྤྱོད་པ་བྱས་པར་བརྒྱ་ཕྱག་གནང་བ་མ་ཞུས་པར་ཕྱིན་པ་དང་། ཁ་འཐབ། ཁུ་ཚུར་བརྡེགས་པ་སོགས་ལག་འཐབ་ཕྲན་བུ་བྱས་པར་གཏོང་ཆ། རྨས་ཁྲག་བཏོན་པ་སློབ་གཉེར་བྱེད་རིང་ཉེ་སྐོར་དུ་ནག་ཆང་བྱས་པ་ལ་གནས་དབྱུང་བྱེད། ཟླ་བ་བརྒྱད་པའི་ཚེས་…

ཧོར་གྱི་བཙུན་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ། །ཀུན་མཁྱེན་ཟས་གཙང་སྲས་ཀྱི་འཕྲིན་ལས་པར་མིང་ཡོངས་སུ་གྲགས་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །བཀའ་གདམས་རིན་པོ་ཆེའི་ཆུ་འགོ ། གདན་ས་ར་སྒྲེང་རྒྱལ་བའི…

རྡོ་རྗེ་བསྐོ་གཞག་བགྱིས་ཡོད་པ། སྤྱིར་ཡང་ཐར་པ་དོན་དུ་གཉེར་བ་མཐའ་དག་དང་ཁྱད་པར་བཀའ་གདམས་རིན་པོ་ཆེའི་རྗེས་སུ་ཞུགས་པ་རྣམས་ཀྱིས་ནན་ཏན་སྙིང་པོར་བསྒྲུབ་བྱ་བསྟན་པའི་རྩ་བ་ཚུལ་ཁྲིམས་རིན་པོ་ཆེ་རྣམ་པར་དག་པའི་གཞི་བཟུང་། ཀློག་པ་ཐོས་བསམ་དང་སྤོང་བ་བསམ་གཏན་གྱི་ཚུལ་ལ་སྒོ་གསུམ་གྱི་འབད་པ་བསྟེན་པ་ཁོ་ནར་གདའ་བས། མཁན་པོས་ཀྱང…

པོ་རྣམས་ཀྱིས་དགེ་བ་བཅུའི་ཁྲིམས་ལ་བརྟེན་པས་རང་གཞན་གྱི་དོན་རླབས་པོ་ཆེ་སྐྲུན་པ་ལྟར་སྐྱེ་རྒུ་ཀུན་གྱི་ཕན་བདེ་འབྱུང་བ་ནི། རྒྱལ་བའི་བསྟན་པ་རིན་པོ་ཆེ་ལ་རག་ལུས་ཤིང་། དེའང་ལུགས་སོ་སོའི་ས་ཆེན་སྐྱོང་པ་རྣམས་ཀྱི་རྒྱལ་ཁྲིམས་ཆོས་བཞིན་དུ་སྤྱོད་པ་ལ་རག་ལུས་པས། སྔོན་ནས་རྒྱུ་མཚན་རིམ་པར་སོང་བ་ལྟར་ཕྱོགས་དེའི་ཕྱི་ནང་ཀུན་ཏུ…

ཧོར་གྱི་རྒྱལ་ཁམས་སུ་ཏཱ་ལའི་བླ་མ་བཛྲ་དྡྷཱ་ར། མིང་གཞན་དེ་བཞིན་བཤེགས་པའི་འཕྲིན་ལས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །ལུས་ཅན་ཀུན་གྱི་ལེགས་བྱས་རྒྱ་མཚོའི་དཔལ་གྱིས་ཉེ་བར་བསྒྲུབས་པའི་སྒྲོན་མེའི་བསྐལ་པ་རྣམས་ཀྱི་ནང་ནས་བླ་ལྷག་ཏུ་འགྱུར་པ་བཟང་པོའི་བསྐལ་པ་ཞེས་སྟོབས་བཅུ་མ…

པའི་བྱང་ཆུབ་སེམས་དཔའ་ཆེན་པོ་དཔལ་ཕག་མོ་གྲུབ་པ་རྡོ་རྗེ་རྒྱལ་པོ་གང་གི་རིང་ལུགས་གདུགས་དཀར་པོ་གཅིག་གིས་ནོར་འཛིན་གྱི་ཁྱོན་ཀུན་ཡོངས་སུ་ཁྱབ་པའི་འཕྲིན་ལས་ཀྱི་སྒོ་འཕར་ལས་གྲུབ་པའི་དཔལ་སྟག་ལུང་ཐང་པའི་བཀའ་རྒྱུད་ཅེས་གྲགས་ཤིང་། གོང་མའི་ལུང་དང་ལས་ཀས་བོད་གླིང་དགུའི་རྒྱལ་ཁམས་སུ་དབང་གིས་ཆེ་བའི་ལུགས་གཉིས་ནས་མངོན་པར་མཐོ…

ཛི ནཻཿ ཤཽ དྷོ ད ན སྱ ཀ རེ ཡ ཡ བ རི ནཱ མེ བྷི ར ཡ ཡ ཤོ ཝ གཱི ཤྭ རཻཿ སུ དྲཻ ར བྷཱ ཡཻ ར ཝ ཉ རྨྨེ བྷ དྨུ ནི ཤཱ ས ན སྱ ཡུ བ ནཱ ནཱི སེ ནཱ ནཱ ངྐཱ དེཿ། རྒྱལ་བ་ཟས་གཙང་གི་སྲས་པོའི་འཕྲིན་ལས་པར་མིང་ཡོངས་སུ་གྲགས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །འཕགས་མཆོག་ཕྱག་ན་པདྨས་འད…

མེ ཕ ཛྙ ས རྦྦ ཨ ཀྵ ཡ ཝ ལ ཙཱ མྲྀ ཏི ཀཿ སུ ཁོ མ ཧཱ། ཤེས་བྱ་ཐམས་ཅད་མཁྱེན་པའི་བདུད་རྩི་ལ། །སྤྱོད་པའི་མི་ཟད་འབྲས་བུ་བདེ་བ་ཆེ། །ཤ བ ལ ཀུ བུ ར སྐྲྀ ཏཿ ས དེ བེ ཀྭཱ ཀུ བ རཱ ཎ དེ ཤ ཧཱ། །སྟོབས་བཅུའི་འཆི་བ་མེད་པའི་འདུན་ས་དེ། །བུ་རམ་ཤིང་པ་མིག་སྟོང་ཅན་གྱི་ཡུལ། ཨ ཤྩ རྱ པ དྨ ཧྲི ད ཡཾ ར སོ དྷ རྨོ ཧཱ ཨ སཾ ཧྱ ཤྩ དྷོ ཀ…

བི མ ལ ཤི ལ བ ཀུ ལ བ ཀྟྲ སྟྲཱི ཤོ ཙི ཀ མ ཏྱ ཏ ཨུ བ ཧ ཏ ཎ ནཿ། དྲི་མེད་ཚུལ་ཁྲིམས་བ་ཀུ་ལ་ཡི་ཁ། །ཚངས་སྤྱོད་མཛེས་མའི་ཆང་གིས་ལེགས་ཕྱེ་བའི། །བྷོ ཏེ ཥ ཛི ཤཱ ས ར ཐ ཤི ར དྭི ཛི པཱ ར ཛྙ ས རྦྦ ཤི བ ར ཀྵི ཏ། །གངས་རིའི་ལྗོངས་འདིའི་ཐུབ་བསྟན་ཤིང་རྟ་པ། །ཀུན་མཁྱེན་ཞི་འཚོའི་ཞབས་ཟུང་གཙུག་ན་རྒྱལ། །དེ་ཡི་རིགས་ལས་སྡོམ་གསུ…

རྣམ་དཔྱོད་གངྒཱའི་ཆུ་ཀླུང་རྟག་འབབ་པ། །འཆད་རྩོད་རྩོམ་ལ་འདུན་པའི་བགྲོད་པ་ཡིས། །ལེགས་བཤད་རྒྱ་མཚོར་འཇུག་ལ་རིངས་པར་བྲེལ། །མཐའ་བྲལ་ཆོས་ཚུལ་མེས་པོའི་ཐོད་ཡངས་ལས། །བྱ་བ་ལས་ཀྱི་འཁོར་ལོའི་ཉལ་འགྲོ་ཡིས། །རྒྱལ་བསྟན་འཇུག་པ་བཅུ་པའི་ཞབས་བསིལ་དུ། །རྣམ་པར་སྦྲེང་བའི་ཁྲིམས་ལྡན་འདུས་པའི་སྡེ། །འཇུག་དང་འཇུག་བྱ་མ་ཡིན་ཕྲ་རགས་…

པའི་སྡེ་ཆེན་པོར་གནས་པའི་ཚངས་པར་སྤྱོད་པ་པོ་རྣམས་ཀྱིས་ལག་ཏུ་བླང་བར་བྱ་བ་འདི་ལྟར་རོ། །དེ་ཡང་ཡུལ་གཞན་ནས་སྡོམ་པ་ནོད་ཟིན་པ་མིན་པའི་འདི་གར་གསར་བུ་ཞུགས་པ་རྣམས་ན་ཚོད་ཕྲ་བ་སོགས་ཀྱིས་དམིགས་བསལ་བྱུང་ན་མ་གཏོགས། ཟླ་བ་གསུམ་ལས་མ་འགྱངས་པར་བར་མའམ་དགེ་ཚུལ་གང་རུང་བསྒྲུབ་དགོས་ཤིང་། དེ་གའི་རྟིང་བསྐུལ་དགེ་རྒན་ངོ་ཤེས་དང་། …

དགེ་འདུན་སྤྱི་དང་མཐུན་པ་བྱེད། གྲལ་མཚེས་པ་ལ་ལོང་གཏམ་སྨྲ་བ། རྩིག་པ་དང་ཀ་བ་ལ་སྙེ་བ། མཆིལ་སྣབ་གོས་ཀྱིས་མ་གབ་པར་དོར་བ། གཉིད་ལོག་པ། བཟའ་བཏུང་གི་ཚེ་ཅག་ཧུབ་ཀྱི་སྒྲ་སྦྱིན་པ། ལྷུང་བཟེད་རྩི་མེད་དང་ཕོར་པ་ཚད་ལས་འདས་པ་དང་ཁམ་ཕོར་འཁྱེར་བ། དགེ་སྐོས་ཀྱིས་དགོས་པའི་དབང་གིས་བཏང་ན་མ་གཏོགས། རང་དྲན་གྱིས་ཚོགས་མ་གྲོལ་བར་འགྲོ…

སྨོན་ལམ། བཟང་སྤྱོད་སྨོན་ལམ། བྱམས་སྨོན། ཐོག་མཐའ་བར་གྱི་སྨོན་ལམ། གསང་འདུས་སྨོན་ལམ། དཔལ་ལྡན་དམག་ཟོར་མ། ཞལ་ལྕམ་སྲིང་དང་བཅས་པའི་གཏོར་འབུལ་རྣམས་བྱེད། སྦྱིན་བདག་གིས་དམིགས་བསལ་གྱི་སྐུ་རིམ་ལ་ཚེ་གཟུངས་དང་སྒྲོལ་མ་ལྟ་བུ་འདོན་དགོས་བྱུང་ན་སྐབས་དང་སྦྱོར། ཚྭ་ར་ཉིན་ཐུབ་ཡོད་ཚེ། གསང་འདུས་ཀྱི་བདག་འཇུག་སྟ་གོན་དང་སྒྲགས་པ…

ལེགས་བཤད་གླིང་དུ་སུམ་ཚན། སྣེ་མོ་བ་རྣམས་ལ་རྣམ་གཞག །ནད་པ་ལ་རྨས་འཇལ་སོགས་སྐབས་སྦྱར་གྱི་གཅོད་རྒྱ་བྱེད། དེ་མཚུངས་འོལ་དྭགས་འབྲོག་པ་སོགས་ཀྱི་བཙུན་པ་ཡུལ་ཆེན་སོ་སོའི་ཕྱོགས་སྡེབས་ཀྱིས་ཚོ་ལོངས་བྱས་པ་བྱུང་ན། སྤྱི་པའི་གོང་གི་ཆད་པ་འདབ་འཕར་དང་གཏེ་པོ་ངོ་མ་རྩད་ཆོད་ན་དེ་ལ་ཆད་པ་སྒེར་དུ་འགེལ། དེ་མཚུངས་རྐུ་འཕྲོག །ཨར་ཇག་…

སྣེའི་རིགས་ཀྱིས་བབ་ཐོག་ཡོད་པ་རྣམས་བབ་འབྲེལ་དང་བསྟུན་པའི་ཐོ་གང་གྲྭ་བཙུགས་ཀྱིས་བྱེད། མཚམས་མིན་པའི་ཚེ་རི་ཁྲོད་པ་རྣམས་ཚོགས་ལ་གང་རྟག་འབྱོན། རི་ཁྲོད་པ་ནས་སྤྱི་པའི་དབུ་མཛད་བསྐོས་ཚེ། དབུ་མཛད་མ་བཞག་པར་རི་ཁྲོད་ཀྱི་སྒྲིགས་མི་འགྲིམ། རི་ཁྲོད་ཡས་མས་གཉིས་ནས་ཚོགས་དཔོན་དགེ་སྐོས་དབུ་མཛད་འོས་པ་ཡོད་ཚེ་དགོངས་པ་མི་ཞུ། རི…

པའི་དབུ་མཛད་སུས་བྱེད་ཀྱིས་སློབ་གྲའི་སློབ་དཔོན་བྱེད་དགོས་ཤིང་། སློབ་གཉེར་བྱེད་ལུགས་གོང་གསལ་རྒྱུན་འདོན་གྱིས་ཁྲོད་ནས་རྒྱན་འཇུག་གདུགས་དཀར་གསུམ་བཞགས་པའི་གཞན་མ་རྣམས་འཛིན། དེ་རྗེས་གསང་འདུས་སྟ་གོན་བདག་མདུན་དབང་ཆོག་དང་བཅས་པ་དང་། འཇིགས་བྱེད་ཀྱི་བདག་བསྐྱེད། མགོན་པོ་ཕྱག་དྲུག་པ། རྣམ་སྲས་ལས་གཤིན། དཔལ་ལྡན་ལྷ་མོ་དམ…

དུ་ཤེས་རབ་ཆེ་བ་རྣམས་ཀྱིས་ཁ་གྲས་ཚད་མ་ལྔ་བཅུ། འབྲིང་གིས་སུམ་ཅུ། ཆུང་བས་ཉི་ཤུ། ཟླ་བ་བཅུ་གཅིག་པའི་ཚེས་བཅུ་གཅིག་ནས་དགུན་གྱི་སློབ་གྲྭའི་དབུ་བཙུགས་པའི། བརྒྱད་མཆོད་ཆེན་མོའི་གདོང་དུ་ཤེས་རབ་ཆེ་འབྲིང་ཆུང་གསུམ་གྱིས་ཤོག་བུ་ཉི་ཤུ། བཅུ་བཞི། བདུན་རྣམས་ཀྱི་རྒྱུགས་སྤྲོད། རྒྱུགས་མ་འཕྲོད་ན་ཆད་པ་སློབ་གྲྭ་རང་དུ་མང་ཇ་དང་།…