ལྡན་ལ་རྫས་བདུན་ནོ། །དབང་པོ་གཞན་ལྡན་རྫས་བརྒྱད་དོ། །ཞེས་པ་གཅིག་དོན་གྱིས་ཐོབ་པ་ཡིན་པའི་ཕྱིར། ཇི་སྐད་བཤད་པ་དེ་འཐད་པ་ཡིན་ཏེ། གཟུགས་ཁམས་ན་དྲི་རོ་གཉིས་མེད་པའི་དབང་གིས་ཡིན་པའི་ཕྱིར། བཞི་པ་གཅད་བྱ་གཅོད་བྱེད་ཀྱི་སྒོ་ནས་དབྱེ་བ་ནི། ཤེས་བྱ་ཆོས་ཅན། ཁམས་བཅོ་བརྒྱད་པོ་དེ་དག་ལས་གཅོད་བྱེད་དང་གཅད་པར་བྱ་བ་ཉིད་ཀྱི་ཁྱད་པར་…

དབང་རྟེན་ཁོག་པ་རྒྱས་པར་བྱས་པའི་ཕྱིར། སྒྲ་ཆོས་ཅན། རྒྱས་པ་དང་རྒྱུ་མཐུན་གཉིས་ལས་བྱུང་བ་ཡོད་ཀྱི། རྣམ་སྨིན་ལས་སྐྱེས་པ་མ་ཡིན་ཏེ། འདོད་དགུར་དབང་སྒྱུར་དུ་ཡོད་པའི་ཕྱིར། གསུམ་པ་ནི། ཐོགས་མེད་རྣམ་ཤེས་བདུན་སེམས་བྱུང་དང་བརྒྱད་ཆོས་ཅན། རྒྱུ་མཐུན་ལས་བྱུང་བ་དང་རྣམ་སྨིན་སྐྱེས་ཡིན་ཏེ། སྐལ་མཉམ་དང་ཀུན་འགྲོའི་རྒྱུ་ལས་བྱུང…

དང་པོའི་སས་བསྡུས་ཀྱི་དེ་གཉིས་ཀ་ཡོད་པའི་ཕྱིར། གསུམ་པ་དེར་ཐལ། གཟུགས་མེད་ནས་བསམ་གཏན་དང་པོར་སྐྱེ་བའི་ཚེ། གཟུགས་མེད་ཀྱི་སས་བསྡུས་ཀྱི་གཉིས་པ་མེད། དང་པོའི་སས་བསྡུས་ཀྱི་གཉིས་པ་ཡོད་པའི་ཕྱིར། བཞི་པ་དེར་ཐལ། བསམ་གཏན་དང་པོ་ནས་གཟུགས་མེད་དུ་སྐྱེ་བའི་ཚེ་རྟགས་སྔ་མ་སྦྱོར་རོ། །གཉིས་པ་ཕྱི་ནང་གི་སྒོ་ནས་དབྱེ་བ་ནི། ནང་གི་…

དབྱེ་བ་ལ། ལྟ་བ་ཡིན་མིན་གྱི་སྒོ་ནས། རྣམ་ཤེས་ཡུལ་དུ་གྱུར་ཚུལ་གྱི་སྒོ་ནས། རྟག་མི་རྟག་གི་སྒོ་ནས། དབང་པོ་ཡིན་མིན་གྱི་སྒོ་ནས་དབྱེ་བ་དང་བཞི། དང་པོ་ལ་ལྟ་བའི་དབྱེ་བ་སྤྱིར་བསྟན་པ། མིག་ལྟ་བར་སྒྲུབ་པ། དབང་པོའི་ཁྱད་ཆོས་དང་གསུམ། དང་པོ་ནི། ཤེས་བྱ་ཆོས་ཅན། ལྟ་བ་དང་ལྟ་མིན་གྱི་ཁྱད་པར་ཡོད་དེ། མིག་དང་ཆོས་ཁམས་ཀྱི་ཕྱོགས་ག…

གཉིས་པས་དུས་གསུམ་ག་ཡུལ་དུ་བྱེད་པའི་ཕྱིར། སྣ་སོགས་གསུམ་ནི་ཆོས་ཅན། དེ་ལས་གཞན་དུ་ཡུལ་དང་ཕྲད་དེ་འཛིན་པ་ཡིན་ཏེ། སྣ་ལ་སོགས་པ་དེ་གསུམ་གྱིས་རང་དང་མཉམ་པའི་ཡུལ་འཛིན་པར་འདོད་པའི་ཕྱིར། དེར་ཐལ། ལྕེ་དབང་གིས་རང་གི་རྡུལ་དང་མཉམ་པའི་རོའི་རྡུལ་འཛིན་པ་ཡིན་གྱི། དེ་ལས་གཞན་དུ་མི་འཛིན་པ་སོགས་རིགས་འགྲེ་བའི་ཕྱིར། གཉིས་པ་ནི། …

མའི་མིག་གིས་གོང་མའི་གཟུགས་མཐོང་བ་མ་ཡིན་ཏེ། འོག་མའི་མིག་དམན། གོང་མའི་གཟུགས་མཆོག་ཡིན་པའི་ཕྱིར། ཤེས་བྱ་ཆོས་ཅན། འོག་མའི་མིག་གིས་གོང་མའི་རྣམ་ཤེས་ཀྱི་རྟེན་མི་བྱེད་དེ། རྟགས་སྔ་མ་ལྟར་རོ། །དེའི་ཡུལ་དུ་གྱུར་པའི་གཟུགས་འོག་ས། རང་ས། གོང་ས་གསུམ་གར་གཏོགས་པ་ཡོད་དེ། བསམ་གཏན་དང་པོའི་རྟེན་ཅན་གྱིས་བཞི་པའི་དངོས་གཞི་བསྒྲ…

འཁོར་ལོའི་རི་མོས་ལག་པད་ལ། །རྣམ་པར་བཀྲ་དེས་གཞལ་བྱ་རྟོགས་དཀའ་བའི། །དབང་པོའི་རྣམ་གཞག་སྟོན་ལ་དབྱིག་གཉེན་ཞབས། །དཔེ་ཟླར་འོས་པ་དཀོན་མཆོག་ཆོས་འཕེལ་རྒྱལ། །དྲང་སྲོང་དམོད་པའི་མཐུ་ཡིས་འདྲེན་བྱེད་སྟོང་། །ལུས་ལ་རྣམ་པར་ལྡན་པའི་བརྒྱ་བྱིན་ཡང་། །ཕྲ་ཞིབ་གཞུང་ལུགས་འདི་འདྲ་མ་རྟོགས་པས། །སྐྱེངས་ཏེ་ཤོལ་མེད་མ་ཡི་མངལ་དུ་ཡིབ།…

བྱ་ཆོས་ཅན། ཕོ་མོའི་དབང་པོ་སོགས་བཞི་པོ་རྣམས་ནི་དོན་གཉིས་གཉིས་ལ་དབང་བྱེད་དེ། དང་པོས་རང་གང་ལ་ལྡན་པའི་རྟེན་གྱི་གང་ཟག་ཕོ་ཉིད་དུ་མཚོན་པ། སྐད་གཟེངས་མཐོ་བ་སོགས་ཕོའི་རང་བཞིན་ལ་དབང་བྱེད། གཉིས་པས་མོ་ཉིད་དུ་མཚོན་པ་དང་། སྐད་ཕྲ་བ་སོགས་མོའི་རང་བཞིན་ལ་དབང་བྱེད། གསུམ་པས་དབང་པོའི་རིགས་འདྲ་སྔ་མ་ལས་ཕྱི་མ་འབྱུང་བ་དང་། བ…

ཕྱིན་པ་འདུག་གོ་ཞེས་ལུང་བསྟན་བཞིན་ཡིན་ན་མ་གཏོགས། ནང་ཆ་ཐམས་ཅད་ཕྱི་ལ་མ་སྟོན་ཞེས་ཁོ་བོ་ཐལ་མོ་སྦྱར་ཏེ་གསོལ་བ་འདེབས་སོ། །གཉིས་པ་ལ་ཚིག་དོན། མཐའ་དཔྱད་པ་གཉིས་ལས། དང་པོ་ནི་མིག་སོགས་དབང་པོ་དྲུག་ལ་དབང་པོ་ཞེས་བྱ་སྟེ། དང་པོ་ལྔས་རང་གི་དོན་གཟུགས་སོགས་དང་། ཡིད་དབང་གིས་ཆོས་ཐམས་ཅད་ལ་དམིགས་པར་དབང་བྱེད་པའི་ཕྱིར། ཕོ་མོའི…

དབང་པོ་ཡོད་པའི་ཕྱིར། དེར་ཐལ། དང་པོས་སྨྲ་བ་ལ་དབང་བྱེད། གཉིས་པས་འདེགས་འཇོག་ལ་དབང་བྱེད། གསུམ་པས་འགྲོ་འདུག་ལ་དབང་བྱེད། བཞི་པས་ཀུན་དགའ་བ་ལ་དབང་བྱེད། ལྔ་པས་རྟུག་པ་ལ་དབང་བྱེད་པའི་ཕྱིར། ཟེར་ན། མི་འཐད་པར་ཐལ། བྱེ་མདོ་གཉིས་ཀའི་ལུགས་ལ་ཁྱབ་པ་མེད་པའི་ཕྱིར། དང་པོ་དེར་ཐལ། སེམས་ཅན་གྱི་རྫས་ཀྱི་རྟེན་བྱེད་པའི་ཆ་ནས་རྒྱུ…

པོ་དེ་བཞག་པ་ཡིན་པའི་ཕྱིར། ཁ་ཅིག །འབྲས་བུ་ཐོག་མ་རྒྱུན་ཞུགས་ཀྱི་འབྲས་བུ་དང་། ཐ་མ་དགྲ་བཅོམ་པའི་འབྲས་བུ་གཉིས་དབང་པོ་དགུ་དགུས་འཐོབ་པ་ཡིན་ཏེ། དང་པོ་རྒྱུན་ཞུགས་ཀྱི་འབྲས་བུ་དེ་ཉན་ཐོས་ཀྱི་མཐོང་ལམ་སྡུག་བསྔལ་རྗེས་བཟོད་ཀྱི་ཚོགས་པ་ན་ཡོད་པའི་དད་སོགས་དབང་པོ་ལྔ། ཡིད་དང་ཚོར་བ་བཏང་སྙོམས་ཀྱི་དབང་པོ་གཉིས། དྲི་མེད་ཀྱི་ད…

ཅིག །གཟུགས་ཁམས་ན་ཕོ་མོ་གཉིས་མེད་པར་ཐལ། དེ་ན་ཕོ་དབང་མོ་དབང་མེད་པའི་ཕྱིར། ཟེར་ན། སྐྱོན་མེད་དེ། གཟུགས་ཁམས་པའི་ལྷ་རྣམས་སྐད་ཀྱི་གདངས་དང་ནུ་མ་སོགས་ཀྱི་སྒོ་ནས་འཇོག་པའི་ཕྱིར། གཉིས་པ་གྲངས་ངེས་ལ། བྱེ་བྲག་སྨྲ་བའི་ལུགས་དང་། མདོ་སྡེ་པའི་ལུགས་གཉིས། དང་པོ་ནི། དབང་བསྒྱུར་བྱ་ཇི་སྙེད་པའི་དབང་དུ་བྱས་ནས་དབང་པོའི་གྲངས་ད…

བཞག །གནས་ནས་ཟག་མེད་ཀྱི་བདེ་བ་ལ་ལོངས་སྤྱོད་པའི་དབང་དུ་བྱས་ནས་ཀུན་ཤེས་ལྡན་པའི་དབང་པོ་བཞག་པའི་ཕྱིར། གསུམ་པ་ངོ་བོ་ལ། ཚོར་བའི་དབང་པོ་ལྔ་བཤད་པ་དང་། དྲི་མེད་ཀྱི་དབང་པོ་གསུམ་བཤད་པ་གཉིས། དང་པོ་ལ། ཚིག་དོན་དང་། མཐའ་དཔྱད་པ་གཉིས། དང་པོ་ནི། ཤེས་བྱ་ཆོས་ཅན། ཚོར་བ་སྡུག་བསྔལ་གྱི་དབང་པོའི་མཚན་ཉིད་ཡོད་དེ། སིམ་པ་མ་ཡིན་པ…

མི་ནུས། ཁ་ཅིག །ཚོར་བ་བདེ་བའི་དབང་པོ་ཡིན་ན། ཚོར་བ་ལ་ལྔར་ཕྱེ་བའི་ཚོར་བ་ཡིད་བདེ་བའི་དབང་པོ་ཡིན་པས་ཁྱབ་ཟེར་ན། ཚོར་བ་ཡིད་བདེ་བའི་དབང་པོ་ཆོས་ཅན། དེར་ཐལ། དེའི་ཕྱིར། དེར་ཐལ། ཚོར་བ་ལ་གསུམ་དུ་ཕྱེ་བའི་ཚོར་བ་བདེ་བའི་དབང་པོ་ཡིན་པའི་ཕྱིར། དེར་ཐལ། ཆོས་ཅན་དེ་ཡིན་པའི་ཕྱིར། ཁ་ཅིག །དད་སོགས་དབང་པོ་ལྔ་པོ་གང་རུང་ཡིན་ན། ལ…

བཞི་པ་དབང་པོའི་དབྱེ་བ་ལ། དབང་པོའི་དབྱེ་བ་དངོས། དབང་པོ་རྙེད་སྟོང་གི་ཚུལ། དགེ་སྦྱོང་ཚུལ་གྱི་འབྲས་བུ་དབང་པོ་དུས་འཐོབ་ལ་དཔྱད་པ། དབང་པོ་ལྡན་ཚུལ་དཔྱད་པ་དང་བཞི། དང་པོ་ལ། ཉིས་ཚན་དང་། སུམ་ཚན་གྱི་སྒོ་ནས་དབྱེ་བ་གཉིས། དང་པོ་ལ། ཟག་པ་དང་བཅས་མ་བཅས་ཀྱི་སྒོ་ནས་དབྱེ་བ། རྣམ་སྨིན་ཡིན་མིན་གྱི་སྒོ་ནས། རྣམ་སྨིན་དང་བཅས་མ་བ…

ཡིད་བདེ་མ་གཏོགས་པ་གཞན་བཞི་དང་བཅུ་གཉིས་ལ་རྣམ་སྨིན་ཡིན་མིན་གཉིས་ཀ་ཡོད་ལ། ཐ་མ་རྣམ་བྱང་གི་དབང་པོ་བརྒྱད་དང་། ཡིད་མི་བདེ་ནི་རྣམ་སྨིན་དུ་མ་གཏོགས་པའི་ཕྱིར། གསུམ་པ་ནི། ཤེས་བྱ་ཆོས་ཅན། རྣམ་སྨིན་དང་བཅས་མ་བཅས་ཀྱི་དབྱེ་བ་ཡོད་དེ། ཡིད་མི་བདེ་དེ་གཅིག་པུ་ནི་རྣམ་སྨིན་དང་བཅས་པ་ཡིན་ལ། ཡིད་དབང་དང་། ཚོར་བ་གཞན་བཞི། དད་པ་ལ་…

དབང་དང་། ཚོར་བ་བདེ་བ། ཡིད་བདེ། བཏང་སྙོམས་གསུམ་ཆོས་ཅན། ཁྱོད་ལ་རྣམ་པ་གསུམ་ཡོད་དེ། མཐོང་སྤང་། སྒོམ་སྤང་། དེ་གཉིས་གང་རུང་མ་ཡིན་པའི་ཆ་དང་གསུམ་ཡོད་པའི་ཕྱིར། ཚོར་བ་ཡིད་མི་བདེ་ཆོས་ཅན། ཁྱོད་ལ་གཉིས་ཡོད་དེ། མཐོང་སྒོམ་གཉིས་ཀྱིས་སྤང་བྱའི་ཆ་ཡོད་པའི་ཕྱིར། གཟུགས་ཅན་གྱི་དབང་པོ་བདུན། སྲོག །ཚོར་བ་སྡུག་བསྔལ་ཏེ་དགུ་ནི་ས…

དང་བརྒྱད་ཅིག་ཅར་དུ་སྙེད་པའི་ཕྱིར། གཉིས་པ་ཁམས་གོང་མའི་དབང་དུ་བྱས་པ་ནི། ཤེས་བྱ་ཆོས་ཅན། གཟུགས་ཁམས་ན་དེ་རྙེད་ཚུལ་ཡོད་དེ། སྔར་བཤད་པའི་དེ་དྲུག་པོ་དེ་ཅིག་ཅར་དུ་རྙེད་པའི་ཕྱིར། ཤེས་བྱ་ཆོས་ཅན། དེའི་གོང་མ་གཟུགས་མེད་ན་ཅིག་ཅར་དང་རིམ་གྱི་ཐ་སྙད་མི་འདོགས་ཏེ། རྣམ་སྨིན་སྲོག་སྐྱེས་གཅིག་པུ་ཡིན་པའི་ཕྱིར། གཉིས་པ་གཏོང་བའི…

གནས་སྐབས་ཐམས་ཅད་དུ་དད་སོགས་དབང་པོ་ལྔ་ཅིག་ཅར་དུ་འགག་དགོས་པའི་ཕྱིར། གསུམ་པ་དགེ་སྦྱོང་ཚུལ་གྱི་འབྲས་བུ་དབང་པོ་དུས་ཐོབ་ཅེ་ན། འབྲས་བུ་མཐའ་མ་རྒྱུན་ཞུགས་ཀྱི་འབྲས་བུ་ཆོས་ཅན། དབང་པོ་དགུས་ཐོབ་སྟེ། ལམ་རྗེས་བཟོད་ཀྱི་ངོ་བོར་གྱུར་པའི་དད་སོགས་དབང་པོ་ལྔ་ཡིད་དབང་། བཏང་སྙོམས། མི་ཤེས་པ་ཀུན་ཤེས་པར་བྱེད་པའི་དབང་པོ། ལམ་ཤེ…

སོགས་དབང་པོ་ལྔ། ཡིད་དབང་། ཚོར་བ་བདེ་བ་ཡིད་བདེ་བཏང་སྙོམས་དང་གསུམ་གང་རུང་ཅིག་དང་། མི་ཤེས་པ་ཀུན་ཤེས་པར་བྱེད་པའི་དབང་པོ། ལམ་རྗེས་ཤེས་ཀྱི་ངོ་བོར་གྱུར་པའི་ཀུན་ཤེས་པའི་དབང་པོ་དང་དགུས་འཐོབ་པའི་ཕྱིར། ཤེས་བྱ་ཆོས་ཅན། བསྟན་བཅོས་རབ་ཏུ་བྱེད་པ་ལས་དགྲ་བཅོམ་པའི་འབྲས་བུ་དབང་པོ་བཅུ་གཅིག་གིས་འཐོབ་པར་བཤད་པ་དང་འགལ་བའི་སྐ…