འཇམ་དཔལ་ཚེ་བདག་ནག་པོའི་ལས་མཐའ་ཡང་བཟློག་མེའི་སྤུ་གྲིའི་ལས་བྱང་རང་གཤེད་དབབ་པ་རྡོ་རྗེའི་ཕ་ལམ་ཞེས་བྱ་བ་བཞུགས་སོ། །

དཔལ་ལྡན་གདོད་མའི་སངས་རྒྱས་ཀུན་ཏུ་བཟང་། །སུམ་ལྡན་རྡོ་རྗེ་འཛིན་པའི་རྣམ་རོལ་ཅན། །ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་ལ། །གུས་པས་འདུད་དོ་བྱང་ཆུབ་བར་དུ་སྐྱོངས། །དེ་ལ་འདིར་ཁྲོ་བོའི་དབང་པོ་དུས་ཀྱི་དགྲ་ཆེན་པོའི་ལས་ཚོགས། ཕྱི་སྐོར་ལྕགས་འདྲ། གསང་སྐོར་གནམ་ལྕགས་ཐོག་མེའི་སྐོར་གསུམ་གྱི་ནང་ཚན་དུ་མི་གཏོགས་པའི། གཅེས་…

དབང་བཞི་ཐོབ་ཅིང་། དཀྱིལ་འཁོར་ཡོངས་རྫོགས་ཀྱི་འཕྲིན་ལས་སྔོན་དུ་འགྲོ་བ་ཞིག་གིས་ཉམས་སུ་ལེན་པའི་ཕྱག་བཞེས་ཡོད་པས། འདི་འཕྲིན་ལས་ཐུན་མོང་མ་ཡིན་པ་རྣམས་མ་གཏོགས། ཐུན་མོང་བ་རྣམས་ལས་བྱང་གནམ་ལྕགས་འཁོར་ལོ་ལྟར་འདྲི་བར་བྱའོ། །དེ་ལ་ཐོག་མར་སྐྱབས་འགྲོ་ནི། བདག་དང་མཁའ་མཉམ་ལུས་ཅན་མ་ལུས་ཀུན། །དེང་ནས་བཟུང་སྟེ་བྱང་ཆུབ་སྙིང་པ…

ཨཱཿཧཱུཾ་མ་ཧཱ་པཉྩ་ཨ་མྲྀ་ཏ་ཛྭ་ལ་མཎྜ་ལ་ཧཱུཾ། མ་ཧཱ་བྷ་ལིཾ་ཏ། མ་ཧཱ་རཀྟ་ཧཱུཾ་ཧྲཱིཿཋ། སྲུང་འཁོར་ལྷ་དང་བཅས་པར་བསྐྱེད་པ་ནི། ཨཱོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོ྅་ཧཾ། ཆོས་རྣམས་མ་ལུས་སྟོང་པ་ཉིད་དུ་གྱུར། དྷརྨ་དྷ་ཏུ་ཨཱཿགྲངས་མེད་ལུས་ཅན་ཚོགས་རྣམས་བསྒྲལ་བའི་སླད། བོ་དྷི་ཙིཏྟ་ཧཱུཾ། རང་སེམས་གདོད་མའི་མགོན་པོ་ཧཱ…

རྩ་བའི་ཞལ། །ཕྱག་དྲུག་འཁོར་ལོ་རལ་གྲི་རྡོ་རྗེ་འཕེན། །ལྕགས་ཀྱུ་གཏུན་ཤིང་སྡིགས་མཛུབ་མེ་དཔུང་འཕྲོ། །ཞབས་བཞི་གཡས་བརྐྱང་གཡོན་བསྐུམ་ཚུལ་གྱིས་བཞུགས། །ལྷ་ལམ་ཁྱབ་པའི་རྡོ་རྗེའི་གཤོག་པ་སོགས། །དཔལ་གྱི་ཆས་བརྒྱད་དུར་ཁྲོད་རྒྱན་རྣམས་ཀུན། །བཀོད་ལེགས་བགྲང་ཡས་འཕྱང་འཕྲུལ་ལེགས་སྤུད་ཅིང་། །འཇིགས་རུང་གར་དགུའི་ཉམས་ཀྱི་རྣམ་འག…

ནག་གཅེར་བུ་རྒྱན་མེད་འཇིགས་གཟུགས་ཅན། །ཞལ་གཅིག་ཕྱག་གཡས་ལྕགས་ཀྱུ་མཁའ་ལ་འཕྱར། །གཡོན་པ་ཐུགས་ཀར་བནྡྷ་ཁྲག་གང་འཛིན། །ཞབས་གཉིས་དོར་སྟབས་མ་མོ་བྱེ་བས་བསྐོར། །སླར་ཡང་ཐུགས་ཀའི་འོད་ཟེར་རྩེ་ལ་ཡ། །དམར་ནག་ཡོངས་གྱུར་ཡ་མ་རཱ་ཙ་ནི། །ཞལ་གཅིག་ཕྱག་གཉིས་གཡས་པ་རལ་གྲི་དང་། །གཡོན་པ་ཙིཏྟ་འདྲད་ཅིང་ཞིང་ཆེན་གསོལ། །ཞབས་གཉིས་སར་བརྡེ…

ཆུ་གྲི་མཚོན་ཆ་འཁོར་ལོ་སོགས། །འཚུབ་མ་དྲག་པོའི་འོད་ཟེར་འཕྲོས་པ་ཡིས། །དགྲ་བགེགས་ཐམས་ཅད་ཐལ་བའི་རྡུལ་དུ་གྱུར། །རང་སྔགས་དབྱངས་གསལ་འཕྲེང་འཁྲིགས་དགྲ་བགེགས་ཀུན། །སོད་ཅེས་སྟོང་ཉིད་རང་སྒྲ་སྒྲོག་པའི་གུར། །ཐུན་ཕུར་ལས་གཤིན་དམར་ནག་ཞལ་གཅིག་ལ། །ཕྱག་གཡས་བེ་ཅོན་བརྡེག་ཚུལ་གཡོན་ཐུན་ཐག །འཛིན་པས་དགྲ་བགེགས་དོན་སྙིང་འདྲད་ཚུ…

བརྒྱུད་བླ་མ་ཡི་དམ་ལྷ་ཚོགས་དང་། །བསྟན་སྲུང་རྒྱ་མཚོའི་ཚོགས་དང་བཅས་ལ་འབུལ། །ཨཱོཾ་ཨ་ཀྲོ་ཏེ་ཀ་ཡ་མཱནྟ་ཀ་ཡ་མ་རཱ་ཛ་མ་མ་ཨེ་ཀ་ཛཱ་ཊི་ཨེ་ཧྱེ་ཧི་ཛ༔ཧཱུཾ་བཾ་ཧོ། མ་ཧཱ་པཉྩ་ཨ་མྲྀ་ཏ་ཁཱ་རཾ་ཁཱ་ཧི། དངོས་གྲུབ་བླང་བ་ནི། ཨཱོཾ་ཨཱཿཧཱུཾ། སླར་ཡང་རིགས་འཛིན་སྨྲ་བའི་འབབ་སྟེགས་ཁར། །བདེ་ཆེན་བདུད་རྩིའི་རོ་མཆོག་མྱང་བ་ཡི། །ཟིལ་གནོན་སྐུ…

བས་ཕྱག་འཚལ་ལས་ཀུན་ཐོགས་མེད་སྒྲུབས། །བསྙེན་པ་བྱ་བ་ནི། ལྷ་ཚོགས་ཐུགས་ཀའི་ཧཱུཾ་གི་འོད་ཟེར་ལས། །ཕོ་ཉ་སྤྲུལ་པ་ཡང་སྤྲུལ་དཔག་མེད་འཕྲོས། །བདག་གཞན་བསྲུང་བྱའི་ཚེ་སྲོག་ཎིའི་རྣམ་པ། །སྡེ་བརྒྱད་རྣམས་ཀྱིས་བརྐུ་འཕྲོགས་ཡར་བ་སོགས། །སྲིད་རྩེ་མནར་མེད་བར་དུ་གར་ཡོད་ཀྱང་། །གནོད་བྱེད་ཚར་བཅས་ཚེ་སྲོག་ཧཱུཾ་ཡིག་གི །རྣམ་པར་བྱས་ལ…

ཁྲོས་ཤིང་། །ཞལ་ཕྱིར་གཟིགས་ནས་བཟློག་པའི་ལས་མཛད་ལ། །ཐུགས་ཀ་བ་སྤུ་རྣམས་ནས་ཁྲོ་བོའི་ཚོགས། །མཚོན་ཐོགས་སྐར་ལྟར་འཁྲུག་ཅིང་གློག་ལྟར་འཁྲུག །བྱད་མ་ཕར་བཟློག་ཐལ་བ་ལྟར་བཏང་ཞིང་། སྟོབས་ཆེར་ཚུལ་བཟློག་རྣམས་ཀྱང་མཚོན་ཆས་གཏུབས། །བྱད་སྟེམས་ཕབ་ཅིང་རང་གཤེད་དབབ་པར་གྱུར། །ཨཱོཾ་ཨེ་ཀ་ཡ་མ་དུ་རུ་ཙཀྲས་བཟློག །ཧེ་ཀ་ཡ་མ་དུ་རུ་ཙཀྲས…

ཤམ་བུ་དང་བཅས་པས་ཐུན་བརྡེག་ཅིང་། དེ་ནས་རང་ཉིད་ཚེ་བདག་གསལ་བའི་ཕྱག་གཉིས་པོ། །ཟླ་བ་ཉི་མའི་དཀྱིལ་འཁོར་གྱུར་པའི་བར། །ལྷག་མར་ལུས་པའི་འོག་འདྲེན་དགྲ་སྡེའི་ཚོགས། །ཐལ་བའི་རྡུལ་ཕྲན་བཞིན་དུ་བརླག་པར་གྱུར། །ཞེས་དམིགས་པ་དང་བཅས་པས་ཐུན་གཏོར་འཕང་། གཏང་རག་མཆོད་པ་ནི། ཁྲོ་རྒྱལ་ཕྱག་རྒྱ་ཟིལ་གནོན་འཁོར་བཅས་ལ། །མ་ཧཱ་བྷ་ལིང་བད…

མཐུ་རུ་རློམ་པའི་རིགས་སྔགས་འཆང་། །བླུན་རྨོངས་སྐྱེ་བོའི་གཙུག་ཏུ་མངོན་པར་མཛེས། །རྒྱུད་རྒྱལ་མ་ཧཱ་ཡོ་གའི་རྒྱ་མཚོ་ལས། །གཤེད་སྐོར་ཡིད་བཞིན་དབང་གི་རྒྱལ་པོ་ཆེ། །འཛིན་པའི་ཁས་འཆེ་མང་ཡང་ཟབ་མོའི་གནད། །ཚུལ་བཞིན་ཤེས་པ་ཨུ་དུམ་ཝཱ་ར་བཞིན། །སྣོད་ལ་མི་ལྟ་བུ་སོགས་འགའ་ཞིག་ལ། །སྟོན་པའི་རིགས་ནས་དྲང་སྲོང་གསང་ཚིག་དང་། །ཕན་ཚུ…

རྩལ་རྡོ་རྗེས། ཆོས་འཁོར་དཔལ་གྱི་ལྷ་སའི་བྱ་འདབས་དགའ་ལྡན་ཁང་གསར་དུ་བྲིས་པའི་ཡི་གེ་པ་ནི་ངག་དབང་དགེ་ལེགས་སོ། །

འཇམ་དཔལ་མེའི་སྤུ་གྲིའི་དམོད་པ་ཟོར་བསྐུལ་རྡོ་རྗེ་ཕ་ལམ་བཅས་པ་བཞུགས་སོ། །

ཨཱོཾ་ཧཱུཾ་ཏྲིག་ཁྲོཾ་བྷོ༔ མ་ནི་མ་ར་ནི་བྷྱོ༔ མ་ར་དུན་བྷྱོ༔ ར་མ་ར་ག་ཤ་ན༔ ཏིང་ཡཱ་རཀྴ་བྷྱོ༔ མཱ་ར་ཡ༔ ཡ་མཱ་རཱ་ཙ༔ ཀཱི་ལཱ་ཡ་བྷྱོ༔ ན་མོ་སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། བླ་མ་རྡོ་རྗེ་འཛིན་པའི་བཀའ་བདེན་པ་དང་། ཕྱག་རྒྱ་ཟིལ་གནོན་ཚེ་བདག་ནག་པོའི་ལྷ་ཚོགས་རྣམས་ཀྱི་བཀའ་བ…

པར་བུ་རླུང་གི་འཁྲུལ་འཁོར་སོགས་རིག་སྔགས་ཀྱི་སྟོབས་དང་རྫུ་འཕྲུལ་དང་། ངན་སྔགས་ཀྱི་དཔལ་དང་། ཁོའི་ཆོས་སྐྱོང་སྲུང་མ་དང་བཅས་པ་ཐམས་ཅད་ཁོ་རང་གི་སྟེང་དུ་བཟློག་ཅིང་། རང་སྲོག་རང་གིས་ཆོད་ཅིག །རང་ཤ་རང་གིས་ཟོ་ཞིག །རང་ཁྲག་རང་གིས་འཐུང་ཞིག །རང་ནུས་རང་ལ་སྨིན་ཅིག །རང་མཚོན་རང་ལ་རྒྱོབ་ཅིག །རང་གཤེད་རང་ལ་ཕོབ་ལ་ཐལ་བའི་རྡུལ་…

འཇམ་དཔལ་ཚེ་བདག་ནག་པོའི་བཟློག་དཀྱིལ་ལ་མཁོ་བའི་སྔོན་འགྲོའི་ཆོ་ག་ཉུང་ངུ་རྣམ་གསལ་བཞུགས་སོ།།

བློ་གྲོས་འདབ་སྟོང་ཐུགས་རྗེའི་ཉི་མ་ཡིས། །བཞད་པའི་དྲིན་ཅན་བླ་མ་རྡོ་རྗེ་སེམས། །ཡིན་པར་ངེས་རྙེད་སངས་རྒྱས་ཐོབ་ནས་ཀྱང་། །གཙུག་ཏོར་རྩེ་མོར་རིགས་ཀྱི་བདག་པོར་བཞུགས། །དེ་ལ་འདིར་འཇམ་དཔལ་དུས་དགྲའི་དབང་པོའི་དྲག་པོ་ཟོར་གྱི་འཕྲིན་ལས་སྒྲུབ་པ་ལ་ཉེ་བར་མཁོ་བ་རྡུལ་ཚོན་ལ་བརྟེན་པའི་བཟློག་དཀྱིལ་འདྲི་བ་ལ། དེ་ཡང་མདོས་གཏོར་ག…