ཡི་དམ་རེ་རེ་གཉིས། །ཞལ་གཟིགས་བྱུང་ལ་ཡ་མཚན་བྱེད། །མགོན་འདིས་བགྲང་ཡས་ལྷག་པའི་ལྷ། །མངོན་སུམ་མཇལ་པས་ཁེངས་པ་མེད། །ཅེས་སོ། །དེ་ནས་ལོ་འཁོར་བའི་ཚེ། ཡབ་ཀྱི་མཆོད་ཁང་ལ་རབ་གནས་ཤིག་བྱེད་པའི་དུས། རྗེ་འདི་ཉིད་ཀྱང་དེར་ཕེབས་ཏེ་རྟེན་གྲལ་གྱི་སྐུ་རྣམས་ལ་ཞིབ་ཏུ་གཟིགས་ཤིང་། ཞབས་དྲུང་རིན་པོ་ཆེ་བསོད་ནམས་རྒྱ་མཚོའི་སྐུ་ལ་ཕྱག་…

ཁོང་རྣམས་ཀྱིས་ཕུལ་བའི་མཇལ་དར་མཆོད་ཤོམས་ཀྱི་རྟེན་རྣམས་ཀྱི་ན་བཟར་སྒྲོན་པ་གནང་། དེ་ནི་གསོལ་དཔོན་པ་དྲུང་འཁོར་རྙིང་པ་ཡིན་པ་དང་། ཞམ་འབྲིང་བའི་མཇལ་མིའི་ཐོག་མར་སོང་བས་དཔོན་སློབ་གསར་རྙིང་ཐམས་ཅད་ཞལ་འཛོམ་པ་དང་། དབུས་ཕྱོགས་ནོར་འཛིན་གྱི་ཐིག་ལེར་མྱུར་དུ་འབྱོན་པའི་རྟེན་འབྲེལ་གྱི་དགོས་པ་ཁྱད་པར་ཅན་ལ་དགོངས་པ་འདྲ། ལྕག…

ཀྱི་ཆོ་ག་སོགས་སྔོན་ཆད་གཟིགས་རྟོག་མཛད་མ་མྱོང་ཡང་། ཐོག་མར་གསུང་གི་གདངས་དྲག་པོ་དང་བཅས་ཏེ། ཨོཾ་ཧཱུྃ་ཕཊ། ཅེས་བགེགས་སྤྲོད་པའི་ཚུལ་དང་། ཕྱག་རྒྱ་དང་གར་དབྱངས་མང་པོའི་རྣམ་པ་དང་། ལྷ་སྤྱན་འདྲེན་པ་དང་བསྟིམ་པའི་ཚུལ་མཛད་དོ། །རྗེ་གོང་མའི་སྐུ་ཞང་རིག་སྔགས་འཆང་བའི་འཁོར་ལོས་སྒྱུར་བ་ཀུན་བཟང་རྩེ་བ་བྱོན། གོང་མའི་ཐང་ཞུ་དང་…

པ་དང་རྗེས་སུ་ཡི་རང་ལ་སོགས་དགེ་བ་བཅུའི་ལས་ལམ་དབྱར་གྱི་ཆུ་མཚོ་ལྟ་བུར་འཕེལ་བར་གྱུར་ཏོ། །ཕུན་ཚོགས་གྲུ་འཛིན་རི་བོའི་ཕོ་བྲང་ནས། །རབ་འབྱམས་རྒྱལ་བ་ཀུན་གྱི་སྙིང་རྗེའི་གཟུགས། །མཐའ་འཁོབ་གདུལ་དཀའི་འགྲོ་བ་འདྲེན་སླད་དུ། །སྣ་ཚོགས་སྒྱུ་དྲའི་རོལ་གར་དེ་རྨད་བྱུང་། །འཁོར་འདས་མཉམ་ཉིད་མི་གཡོ་ཆོས་ཀྱི་སྐུ། །མངོན་དུ་གྱུར་ཀྱ…

ཁྲོ་གར་ཡོད། སྨྱོན་པ་དེའི་བུས་ཟེར་བ་ལ་ཐ་སྙད་མི་ཡོང་ཞེས་གླེང་། ཕལ་ཆེ་བ་དག་གིས། རྗེ་ཐམས་ཅད་མཁྱེན་པའི་རྣམ་སྤྲུལ་དུ་ནི་གོར་མ་ཆག་པས་ཁྲོ་ངེས་པར་ཡོད་དོ་ཞེས། སླར་ཡང་ས་ཁྲུ་གང་ཙམ་ཞིག་བྲུས་པའི་འོག་ནས་ཁྲོ་ཤིན་ཏུ་ཆེ་བ་ཁ་ལ་མིས་སྐོར་བ་བྱེད་ཐུབ་པ་ཞིག་འཐོན་པ། སའི་སྟེང་དུ་འདྲེན་པ་ལ་ཤེས་རབ་ཀྱི་རྩལ་མགྲིན་བཟང་གི་གྲོགས་པོ…

པོ་མང་པོ་དང་བཅས་ཏེ་མངགས་པ་འབྱོར། ཕྱག་དབང་ཞུས་པས་ཕུན་ཚོགས་ཡོངས་པ་ཨེ་ཡིན་ཞེས་ངོས་འཛིན་མཛད། རྒྱ་མི་ཞིག་གིས་བླ་མ་ཁྱེད་སུ་ཡིན་ངས་ངོ་མ་ཤེས་ཞེས་ཚོད་བགམ་པར། ཁྱོད་རང་ང་ལ་ཐེ་ཚོམ་བྱེད་མི་དགོས། སྤྱན་རས་གཟིགས་སུ་མོས་ལ་གསོལ་བ་ཐོབ་ཅིག་ཅེས་གསུངས་པས་སྤོབས་པ་མེད་པར་གྱུར། མཆོད་རྟེན་དཀར་པོར་ཕེབས་པའི་ཚེ། དཀོན་ཅོག་ཐའི་ཇི…

ཁྲོམ་ཆེན་པོའི་དབུས་སུ་རྗེ་གོང་མའི་མཛད་པའི་རིམ་པ་མདོར་བསྡུས་ཙམ་དང་། མ་འོངས་པ་འབྱུང་འགྱུར་གྱི་ལུང་བསྟན་རགས་རིམ་ཞིག་འཇིགས་པ་མེད་པའི་གསུང་གིས་བཀའ་སྩལ། གཟིམས་ཆུང་དང་མགོན་ཁང་རྣམས་སུ་ཕེབས་ཏེ། མཆོད་ཤོམས། གཏོར་མ། ཞལ་འབག་སོགས་སོ་སོར་ངོས་འཛིན་གནང་། དེ་ནས་རེ་ཞིག་གི་བར་ཕྱག་བྲིས་འདྲི་ཀློག །ཕྱག་དཔེ་འཛིན་པ་སོགས་ཐུག…

ཞན་ཚང་མ་དང་འགྲོགས་ལུགས་མཁས་ཤིང་ལེགས་པས། རིན་པོ་ཆེ་ཀུན་བཟང་རྩེ་པ་དེ་སྐུ་ཞབས་སུ་ཅར་མར་བཞུགས་པ་གནང་། ཕྱག་མཛོད་གུ་ཤྲི་བླ་མ་ལ་གུས་ཞེན་ཆེ་བ་ནི་ཡོངས་སུ་གྲགས། འཇིག་རྟེན་ཕྱོགས་ཀྱི་མཛད་སྒོ་ཧ་ཅང་གི་ཞིབ་ཆ་མི་ཆེ་བ་ཞིག་ལ། ཕྱི་བླ་གང་ཆེ་ཞིང་ནང་ཕྱག་རྫས་ལ་རུ་ང་བ། མཐོན་པོའི་གཉའ་གཅོག་དམའ་བའི་སྐྱོང་བསྟར་སོགས་སྒར་གྱི་འཛི…

མ་བྱུང་ནའང་། རྡོ་རྗེ་ཐེག་པའི་སྨིན་གྲོལ་གྱི་གདམས་པ་དང་ཕྲ་ཞིབ་ཕྱག་ལེན་ལ་བརྟེན་ནས། དོན་གཉིས་རླབས་པོ་ཆེ་ལྷུན་གྱིས་གྲུབ་པ་ཞིག་འོང་རྒྱུར་འདུག་ཀྱང་། དྲུང་དུ་ཉེ་བར་འཁོད་པ་མཐའ་དག་མཇུག་མ་མེད་པའི་རྡོ་རྗེའི་རྣ་ལྡན་ཤ་སྟག་ཏུ་སོང་བས། གསན་བསམ་གྱི་འཕྲོར་ལུས་སོ། །ཕྱག་མཛོད་ཆེན་པོ་མཚན་དངོས་དཔལ་ལྡན་རྒྱ་མཚོ། རྒྱ་ནག་གོང་མ…

དཔོན་ཆེ་ཕྲ་མང་པོ་དང་། སེར་འབྲས་དགེ་གསུམ་གྱིས་ཐོག་དྲངས་པའི་ཆོས་སྡེ་ཁག་རྣམས་ཀྱི་གདན་འདྲེན་པ་དང་བཅས་མཁར་སྔོན་པོར་འབྱོར།ཐོག་མར་མཇལ་བའི་ཚེ། སྔོན་གནས་རྗེས་དྲན་གྱིས་ངོས་འཛིན་གྱི་གསུང་དུ་མ་སྩལ་བས། ཕྱག་མཛོད་ཀྱིས་གཙོས་པའི་དྲུང་འཁོར་རྙིང་པ་རྣམས། རྗེ་གོང་མ་དྲན་པས་དགའ་བ་དང་སྐྱོ་བ་སྤེལ་མའི་རྣམ་འགྱུར་སྣ་ཚོགས་བསྟན།…

དང་རྐྱང་ཐང་སྒང་དུ་ཕྲད་བྱུང་ཞེས། བོད་ཀྱི་མཁས་པ་ཆེན་པོར་ངོས་བཟུང་བ་དེ་ཉིད་དགའ་ལྡན་གི་ཁྲི་ཟུར་བཞུགས་མཛད་ནས། རྒྱལ་ཁང་རྩེར་བཞུགས་སྐབས་ཡིན་འདུག་པས། ཕྱག་མཛོད་གུ་ཤྲི་སོག་ཡུལ་དུ་སྤྱན་འདྲེན་ལ་འབྱོན་གདོང་། འཕྲལ་ཡུན་གྱི་གསུང་གླེང་མང་དུ་གནང་ཞིང་། ཁྱད་པར་ངེད་ན་ཚོད་མཐོས་པས་སོག་ཡུལ་དུ་སྐུ་ཞབས་སུ་སླེབ་པ་ཞིག་མི་ཡོང་འ…

པ་རྟ་མིང་རྒྱལ་པོ་དང་མཆོད་ཡོན་དུ་སོང་བ་སོགས་རྒྱ་ཧོར་གྱི་ཏི་ཤྲིར་གྱུར་པས། དངོས་སྤྱད་བཟང་རྔམས་ཆེ་ཆེ་མོ་མང་པོ་ལ་ལོངས་སུ་སྤྱད་པ་དང་། ལ་ལ་བོད་དང་བོད་ཁམས་རྣམས་སུ་ཇ་སྣམ་ཕྲུག་བྱུ་རུ་སྤོས་ཤེལ་གྱིས་གཙོ་བྱས། ནས་དང་ཚྭ་ཉིགས་ཀྱི་མཐའ་བརྟེན་པ་ལ་འབུལ་བ་ཆེན་པོར་བྱེད་པ་ཐམས་ཅད། སྔོན་གྱི་ཆོས་པ་བཟང་པོ་ཇོ་བོ་བཀའ་གདམས་པ་དང་…

སླར་ཡང་གསོ་རིག་ཡན་ལག་བརྒྱད་ལྡན་གྱི། །ཆབ་ཏུ་བྱས་ནས་འགྲོ་ལ་བྲིམས་མཁས་པ། །བློ་བཟང་དྲང་སྲོང་མཆོག་ཁྱོད་རིང་མོ་ནས། །ཡིད་ལ་གཅགས་ཤིང་མཛའ་བས་བཅིངས་གྱུར་པས། །ལྷག་བསམ་ཟླ་བའི་འོད་ཀྱི་བྱུགས་པ་བཞིན། །ཀུན་ཏུ་དཀར་བའི་འཕྲིན་འདི་རྒྱང་ནས་སྨྲས། ༣ །སྣང་རིག་རྗེས་སྦྱངས་ཡངས་པའི་ནམ་མཁའ་ལ། །གཤོག་རླབས་གཞོན་ནུའི་དུས་ནས་རབ་རྫོག…

སྐྱོགས་ཅན། ཁ་ལོ་སྒྱུར་ཞིང་དགེ་བར་ལྷུན་ཆགས་ཞེས། །སེམས་ལ་འབབ་པ་མཛའ་བའི་འཕྲིན་ཡིག་དར། །རྣ་བར་འཇེབ་ཅིང་གཤིན་པ་སྙན་པོའི་གཏམ། ༡༠ །སྟོང་འཁུན་མཛེས་མའི་ལག་སོར་འདུ་བྱེད་ཀྱིས། །དིང་ཕོན་ཐགས་སུ་གྲུབ་པའི་པར་དང་བཅས། །ཕོ་ཉས་དགའ་བའི་འཛུམ་དང་ལྷན་ཅིག་ཏུ། །སོན་པས་ཀུན་དགའི་བདུད་རྩི་ཅི་ཡང་ཐོབ། ༡༡ །འདི་ན་ལྷ་གཟིགས་རླངས་ཀྱི…

བའི་དུས་མིན་ནམ། ༡༧ །ལྟ་བར་མི་མངོན་གཙུག་ཏོར་གཡས་འཁྱིལ་བ། །བུང་བ་ལྟར་གནག་ལྕང་ལོ་རིང་པོ་ཅན། །བྲེགས་ཤིང་རབ་ཏུ་འབྱུང་བའི་བྱེད་པོ་ནི། །སོ་སོ་སྐྱེ་བོའི་བླ་མས་འོས་པ་མིན། ༡༨ །རིགས་ཀྱི་མངོན་པར་མཐོ་བ་གངས་ལས་སྐྱེས། །སྙིང་སྟོབས་རྟུལ་ཕོད་དཔའ་བར་ལྷུན་ཆགས་པ། །གདོང་ལྔའི་དབང་པོ་གཞོན་ནུར་གྱུར་ཀྱང་དེ། །རི་དྭགས་ཕལ་གྱི་ར…

པ་ཡེ་ཤེས་སྒྱུ་མ་ཆེན་པོའི་དཔྱིད། །མཆོག་དམན་བློ་དང་འཚམ་པའི་རོལ་རྩེད་ཀྱིས། །གདུལ་བྱའི་རེ་བ་ཐམས་ཅད་སྐོང་བར་མཛོད།༢༥ །དེ་ལྟར་རྒྱལ་སྲས་གཞོན་ནུ་མཆོག་དེ་ལ། །སྙིང་གི་པདྨོའི་ཁོང་ནས་སྦྲང་རྩིའི་བུ། །དད་པའི་གླུ་དབྱངས་རྒྱང་ནས་ལེན་པ་འདི། །ལན་གཅིག་མིན་པར་ནན་གྱིས་གསོལ་བར་གྱིས། ༢༦།དྲང་སྲོང་ཁྱོད་ཀྱང་ཞབས་ཀྱི་པདྨོ་ལ། །རྟ…

སྙན་ངག་རྒྱན་གྱི་ཆ་ལ་བཏང་སྙམས་ཀྱང་། །བྱམས་ལྡན་མ་མའི་ངག་གིས་བུ་ལ་བཞིན། །རང་བཞིན་གསོང་པོར་སྨྲས་འདིར་རྣ་བ་གཏོད། ༣༣།ཅེས་རི་མོ་རྟེན་དང་བཅས། ལྕགས་མོ་གླང་ལོ་ཆུ་སྟོད་ཟླ་བའི་དཀར་ཕྱོགས་རྒྱལ་བ་གསུམ་པའི་ཚེས་ལ་དགེ་ལེགས་སུ་བྲིས། ཞེས། ཞབས་དྲུང་རིན་པོ་ཆེར་བསྔགས་བརྗོད་དང་སྙན་འབུལ་སྙན་ཞིང་འཇེབ་པ་འདི་བཞིན་གནང་འདུག །དབུ…

ནས་བཞད་པ་ཡིན་ནོ། །དེ་ལྟར་དངོས་གཞི་ཡར་ཕེབས་པ་ལ་བཀག་ཆ་མཛད་མ་ཐུབ་ཀྱང་། ཕེབས་རྫོངས་གྲ་མ་འགྲིག་པར་ཁག་བཏགས་པའི་ཞག་འཕུལ་ཉིན་འཕུལ་བྱུང་བར། རྫོང་པ་སོགས་མ་བསྒུགས་ན་རེ་འཁང་བྱུང་དོགས་ཀྱི་ཐུགས་རྣམ་པར་སྲབ་པའི་འཚབ་འཚུབ་དང་། རྫོངས་པའི་རྙེད་པ་ལ་སྲེད་པའི་ལྟོགས་བླ་མེ་འབར་གྱི་བློ་བྲིད་མཐའ་དག་ཇི་མི་སྙམ་པར་མཛད་ནས། ལྟོས་མ…

ས་ཐག་འདུམ་པའི་ཁྱད་དང་བཅས་རྒྱའི་ལྕགས་རི་དང་ཉེ་བའི་ཕྱི་ཕྱོགས་ཀྱི་ལམ་བརྒྱུད་དེ་མཚོ་ཁར་ཕེབས། དེར་དཔོན་པོ་ཁོ་ལོ་ཆེས། འདིར་ལོ་གསུམ་ཙམ་བཞུགས་ཀྱང་ཟླ་བ་གསུམ་ཙམ་གྱི་ཡུན་ཚད་ཀྱི་ཉམས་ལས་མི་ཡོང་བ་འདུག་པས། བཞུགས་དགོས་ཞུས་པར། ཕྱག་མཛོད་ཀྱི་གསུང་ལས། ཉི་མ་ལ་ཉེ་རིང་མེད་ཀྱང་བྲག་ཕུག་ཁ་བྱང་བལྟས་སུ་ཉི་མ་མི་འཆར་བ་ཆོས་ཉིད་ཡི…

བསྙེན་བཀུར། ཆོས་ཁྲིའི་སྟེང་དུ་ཕེབས་ཏེ་བཀའ་གདམས་གླེགས་བམ་གྱི་ཆོས་གསུངས་པས། མེ་ཏོག་གི་ཆར་འཇའ་འོད་ཀྱི་གུར་སོགས་ཡ་མཚན་པའི་ལྟས་བསམ་གྱིས་མི་ཁྱབ་པ་བྱུང་བ་ན། འབྲོམ་རང་ཉིད་ཀྱི་གདན་སར་ཕེབས་ནས་གསང་ཆོས་གླེགས་བམ་གསུང་བ་ལ་ལྷ་རྣམས་ཀྱིས་མཆོད་པ་ཕུལ་བར་འདུག །ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་དུ། ངེད་རང་གིས་བཀའ…