ལ་ཕེབས། ཐུགས་གཉེར་གནང་སའི་སྟོབས་ཀྱིས་ལྔ་མཆོད་བར་བབས། གནས་ཚང་གིས་བཤད་པ་གནང་སའི་ཀ་བ་དེ་ལ་རྡོ་རྗེ་གཡུ་སྒྲོན་མ་གནས་པས་གསོལ་མཆོད་གནང་བ་འགབ་ཚུལ་ཞུས་པ་ལྟར་མཆོད་མཇལ་དང་སྦྲགས་གསོལ་མཆོད་བཟབས་རྒྱས་མཛད་པས་མཆོད་ཁང་ནང་དུ་ཕེབས་དུས་སྟེང་གི་དར་ལྕོག་དང་སྙན་ཤལ་རྣམས་གཡོ་ཞིང་དབུ་ཐོག་ཏུ་སྙན་དར་ཞིག་བབས་པ་སྲུང་མ་དགྱེས་པའི་…

སྙིང་ལ་བཤད་པ་མཛད་པ་ཤིན་ཏུ་ལེགས་ཞེས་དགྱེས་པར་བྱུང་། སྔར་ཨེ་བྲག་སྣ་རབ་འབྱམས་པ་ལའང་རྩོད་པ་བྱུང་འདུག་པས་ད་ལམ་ཡང་དེ་རིས་མི་ཡོང་བའི་ངེས་པ་མེད་པས་ཟོན་སྐྱོར་མཛོད་གསུང་བའི་བསླབ་སྟོན་དང་། དྲུང་འཁོར་ཕྱགས་ཕྱི་བ་རྣམས་ལ་དེ་རིང་བར་པ་འདྲ་ཡང་མི་དགོས་པའི་ངེས་པ་མེད་པས་བཤད་པའི་སར་ལྟད་མོར་རྒྱུག་ཅེས་ཕྱག་གཡོག་འཕྲལ་སེལ་མ་ག…

བཟློག་གི་ཐབས་དགོས་ཚུལ་གསོལ་བ་ལྟར་སྤྱི་སོའི་སྐུ་རིམ་མངོན་བྱུང་གི་སྒོ་ནས་གནང་། བྱང་པ་རིགས་འཛིན་ཆེན་པོ་རྩེས་དང་ཟ་ར་བས་གདན་དྲངས་པའི་ཞབས་ཕྱིར་ཕེབས་གསུང་གླེང་ཞིབ་མོལ་དང་བསྟན་པའི་རྣམ་གཞག་མཛད་པར་ལེགས་སྐྱེས་སྩལ། གཏེར་ཁ་གོང་མའི་བྲག་དམར་འབྲིང་ཕོ་མོའི་སྤུ་གྲིའི་དབང་ཞུ་བ་གནང་། དཔལ་རི་སྒྲུབ་སྡེར་ཕེབས་ནས་རིགས་འཛིན…

ཐམས་ཅད་ཀྱི་ནང་ནས་འགྲན་ཟླ་དང་བྲལ་བ་ཡར་ཀླུངས་ཤེལ་གྱི་བྲག་ཕུག་མཇལ་བར་ཕེབས། གནས་འདི་ཨོ་རྒྱན་ཆེན་པོས་སྨན་སྒྲུབ་མཛད་པ་ཡིན་ཞིང་གཉགས་ཛྙཱ་ན་ཀུ་མཱ་ར་ཆེ་མཆོག་ཡོན་ཏན་གྲུབ་པའི་བཀའ་བབས་པས་གནས་ཞག་གནང་སྐབས་རྩ་བ་གསུམ་གྱི་ཞལ་གཟིགས་དང་སྔོན་གནས་རྗེས་དྲན་གསལ་བར་བྱུང་། པདྨ་གསང་ཕུག་དང་མཚོ་རྒྱལ་ཕུག་སོགས་གནས་གཟིགས་ཞིབ་པ་དང་…

བྱང་ཆུབ་ལམ་རིམ་ཆེ་ཆུང་། རྩ་འཇུག་གི་རྣམ་བཤད། ཚུལ་ཁྲིམས་ལེའུའི་རྣམ་བཤད་སོགས་མདོ་ཕྱོགས་དང་འབྲེལ་བའི་གསུང་རབ་དུ་མ། གསུང་འབུམ་ཐོར་བུ། འདུལ་འཛིན་པའི་གླེང་འབུམ། བསླབ་བྱ་ཆེ་ཆུང་ཀུན་རིག་ཊཱིཀ་ཆེན་གྱིས་གཙོས་རྒྱལ་ཚབ་མཁས་གྲུབ་སོགས་རྗེས་འབྲངས་ཀྱི་ཡིག་ཆ་དུ་མ། ཡང་དགོན་པའི་རི་ཆོས། རྒྱལ་སྲས་བཀའ་འབུམ། སྤྱན་སྔ་ལྷ་གཟུགས…

ལུང་འཁྲིད་རྣམས་རྫོགས་པར་གསན་ཞིང་ཀ་དག་ལྷུན་གྲུབ་ཀྱི་འཁྲིད་བསྐྱངས་པ་སྔར་རྗེ་ངག་དབང་ཡེ་ཤེས་གྲུབ་པ་ལ་མཁའ་འགྲོ་སྙིང་ཏིག་གསན་པ་གཅིག་གྲོགས་གཅིག་ཏུ་སོང་བའི་སྐུ་ཚེ་འདི་ག་ལ་ཆོས་ཉིད་རང་སར་འཁྱོལ་བ་འདྲ་དགོངས་པ་ཙམ་གྱི་ཉམས་རྟོགས་ཆེས་ཆེར་འཁྲུངས། ར་སའི་གཙང་ཁང་བྱང་ནས་སྤྲུལ་སྐུ་དྲི་མེད་ལྷུན་པོས་གདན་དྲངས་པའི་རྫོགས་པ་ཆེ…

ཕྱག་མཛོད་དང་གཉེར་ཚང་གི་གསོས་ལ་ཕན་པ་འདུག་ཚུལ་བྱུང་བ་གླུ་མའི་ཞབས་ཏོག་ཏུ་དགོངས་ཏེ་འབད་ནས་མཛད་པས་ཕྱག་བྲིས་ཀྱང་ཞག་སྐྱེད་ཉིན་སྐྱེད་ཀྱིས་ཐོན། ཤིང་གླང་ལོ་སོག་པོ་ཚོ་ཆེན་བཞི་བཅུའི་གུར་དཀར་པོའི་བདག་པོ་ཇི་ནོར་རྒྱལ་པོའི་གཅུང་ཐུབ་པ་ཐལ་སུན་ཧུང་ཐའི་ཇི་མདུན་ན་འདོན་མི་བཟང་སོགས་དཔུང་ཆེན་པོའི་རྟ་རྨིག་གི་རྡུལ་གྱིས་ནམ་མཁ…

གནང་གི་ཕྱག་ལེན་མི་མཐུན་པའི་ཁྱད་ཆོས་མཐའ་དག་ཟིན་བྲིས་སུ་བཏབ་ནས་སྤྱན་ལམ་དུ་ཕབ།སླར་ཕ་བོང་ཁར་ཕེབས་ནས་ཀྱང་བྱང་འགྲུལ་དང་དབུས་གཙང་གི་ཆོས་ཞུ་བ་དུ་མར་ཚེ་དཔག་མེད་གྲུབ་རྒྱལ་ལུགས། རྟ་མགྲིན་སྐྱེར་སྒང་། ལྕགས་རལ་ཅན། སྒྲོལ་མ་ཉེར་གཅིག །སྣར་ཐང་བརྒྱ་རྩ། མགོན་པོ་བཅུ་གསུམ། རིགས་གསུམ་མགོན་པོ་ལུགས་མི་གཅིག་པ་དུ་མ། སྒྲོལ་དཀར…

དབང་བྱབ་ཁྲུས་གནང་བའི་སྐུ་ཚབ་ཏུ་རྫོང་བདའ་མཛད། མཁར་རྔར་ཐོག་མར་ཕེབས་པའི་ནུབ། ནུབ་བྱང་གི་ཟུར་དུ་ཐུགས་དམ་ལ་བཞུགས་པས་མནལ་ཐུམ་ཞིག་སད་པའི་སྲོད་འཁོར་ལ་མུན་ནག་གི་དབུས་ནས་མེ་མཐེ་བོང་ཙམ་ཞིག་འདུག་པ་ཇེ་ཉེར་འགྲོ་བ་བྱུང་བས་བར་གཅོད་ཀྱིས་མཐོ་འཚམ་པ་ཞིག་ཡིན་འདྲ་དགོངས་ནས་མགོ་འཁོར་དང་ཚར་ཚད་མི་ཡོང་བའི་ཕུང་པོ་ཟན་སྐྱུར་གྱི་…

རྫོགས། སངས་རྒྱས་གླིང་པའི་འཇམ་དཔལ་ཞི་དྲག་ཕྱེད་མ། རྣམ་སྲས་སྐོར་སོགས་གསན། ཆོས་རྗེ་རྒྱལ་སྲས་ཕ་བོང་ཁར་ཐུགས་དད་དང་ངེད་ལ་དཔོན་ཞེན་གྱི་ཕྲད་པར་འབྱོན་བཞེད་པའི་རྗེ་ཉིད་ལ་དགེ་རྒན་གནང་དགོས་ཚུལ་གསུངས་ནའང་སླར་གྲ་པ་འདྲས་བསྒྱུར་བ་ཡིན་ནམ་ཐུགས་དོགས་ཅི་འདྲ་ཞིག་ཤར་རུང་ད་ལམ་ལོང་མི་འདུག་ཅེས་ལྷ་ས་ནས་འཕྱོང་རྒྱས་སུ་ཤར་མར་བྱོ…

འབྲིང་པ་མཁར་གྲོང་ཆོས་མཛད་ལ་ཕུག་ལུགས་ཚེས་སྤྱོད་ཉིན་ཞག་གི་གཟའ་ལྔ་རྩ་སྒྲུབ། མཁས་གྲུབ་ནོར་བཟང་པའི་མགྱོགས་རྩིས། དུས་སྦྱོར་དུམ་དྲུག་ཏཏྐཱལ་དང་བཅས་པ། ཉི་ལྡོག་འཁོར་ལོ། ཞག་གསུམ་རྣམ་དབྱེ། སྟོང་འཇུག་དབྱངས་འཆར་སོགས་ལ་སྦྱོང་དར་མཛད། སྐབས་ཤིག་བྲག་ཁར་བྱང་བདག་རིགས་འཛིན་ཆེན་པོས་འཇམ་དཔལ་གཤིན་རྗེ་གཤེད་ཀྱི་དྲག་པོའི་སྦྱིན…

ཆོས་རྗེ་རྫིང་ཁ་བའི་ཁྲི་སྟེང་ནས་སྒྲུབ་པ་ཕོ་མོ་ལ་སྤྱན་སྔ་ལྷ་གཟིགས་རས་པའི་ཆོས་དྲུག་གི་ལུང་དང་། ཆོས་རྗེ་སྐུ་སྐྱེར་སྦེར་དུ་པདྨ་གླིང་པའི་གུ་རུ་ཞི་དྲག་སོགས་དབང་ལུང་མང་དུ་གནང་། ཚུར་འབྲུག་པ་སྤྲུལ་སྐུ་པདྨ་དཀར་པོས་མཛད་པའི་ཕྱག་ཆེན་ཆོས་དྲུག་བསེ་འཕོ་སོགས་ཀྱི་ཡིག་ཆའི་ལུང་ཡང་གསན་ཞིང་དཔོན་སློབ་གཉིས་ཀ་ཐ་སྙད་རིག་པ་ལ་བ…

ས་སྦྲུལ་ལོ་བཀྲ་ཤིས་ལྷུན་པོ་ནས་དཔོན་སློབ་པཎ་ཆེན་རིན་པོ་ཆེའི་ཞབས་དྲུང་གདན་ས་ཆེན་པོ་རི་བོ་དགའ་ལྡན་གྱི་གསེར་ཐོག་བཞེང་བར་ཕེབས་པའི་འདི་ལོ་དགུང་སྐག་སྔ་བསུ་དང་མོ་རྩིས་དང་སྤྱན་ལྟས་ལའང་འཚུབ་ལྷོངས་ཀྱི་ཐུགས་རྟོག་ཆེ་བའི་བླ་མ་གོང་མ་ཞིག་གིས་པུས་འཁྱུད་དྲ་མིག་མ་སོགས་བྱིན་རྟེན་མང་པོ་སྐུ་ལ་བཅངས་འདུག་ཅིང་། རྒྱུ་མཚན་མ་ག…

གསུངས་ནས་ངེད་ཕ་བོང་ཁར་ཡོང་སྐབས་རྗེ་ཉིད་ཞབས་ཕྱིར་བཞུགས་པའི་སྒེར་གྱིས་ངོས་འཕྲད་ལ་བྱོན། དེ་སྔ་ཕན་སྤྱན་འདྲིས་ཙམ་ལས་མེད་ཀྱང་འདི་སྐབས་ནས་ཐུགས་འདྲིས་པའི་འགོ་ཚུགས། འོན་ཀྱང་ངེད་རང་ན་ཕྲ་གཤིས་ངོས་ཀྱི་གསུང་གླེང་སོགས་ནི་མ་བྱུང་། ས་སྐྱོང་བསོད་ནམས་རབ་བརྟན་དང་ཚ་བ་དཀའ་བཅུ་བ་སོགས་ཀྱིས་ཟིང་པ་སྐུ་སྐྱེ་འདི་སྤྱོད་ལམ་ཞི་ད…

འོད་ཀྱི་འཁོར་ལོའི་གདུང་ཆོག་བཙུགས་པའི་སྟོང་རྩ་དང་། རྗེ་ངག་དབང་ཡེ་ཤེས་གྲུབ་པ་དཔོན་སློབ་སུམ་ཅུ་སྐོར་གྱིས་ཞག་གསུམ་གྱི་བར་གསུང་ཆོག་དང་རྗེས་སུ་སྲེག་སྦྱང་མཛད་དགོན་སྡེ་མང་པོར་མང་ཇ། བླ་མ་དུ་མར་བསྔོ་རྟེན། དཔལ་ལྡན་སྟོད་རྒྱུད་གྲ་ཚང་དུ་ཚ་ར། བྲིས་འབུར་གྱི་རྟེན་བཞེངས་སོགས་དགོངས་པ་རྫོགས་ཐབས་རྒྱས་པར་མཛད། ཐུགས་བྲེལ་ར…

ལ་ཅི་འགབ་ཀྱི་བསླབ་སྟོན་ཞུ་བ་གནང་བར་ཁྱེད་ལ་དེང་སང་བཞུགས་པའི་པར་བཀབ་ཅིག་མི་འདུག་པས་རེ་ཞིག་ཁོང་ཚོའི་འདོད་པ་དང་བསྟུན་ནས་བླ་མ་མཛད་ན་འཕྲིན་ལས་ཀྱང་ཆེ་ཞིང་ལེགས་པ་འོང་ཚུལ་བསླབ་བྱ་རྒྱས་པར་གནང་། སྔར་སྤོས་དགའ་གསང་སྔགས་མཁར་པའི་དགོན་ལག་ལྟ་བུས་སྔགས་མཁར་ནས་བསྐོ་སྲོལ་ཡོད་པ་ལྟར་དཔོན་སློབ་ཁྲི་རིན་པོ་ཆེ་ནས་ཐུགས་ཁུར་བཞེ…

སོང་། དགོན་བདག་སྟབས་ནས་ཟ་དམ་ཀརྨ་ཐུབ་བསྟན་ཉིན་བྱེད་གླིང་གི་གནས་མཇལ་དང་མང་ཇ་ཞུ་བར་ཕེབས། སློབ་དཔོན་རབ་འབྱམས་པ་སྨན་ཐང་པ་དང་གཉེར་པ་གཉིས་ཀྱིས་བཀུར་བཟོས་མཛེས་མཚོན་ཆེ་བ་བྱས། ཚོགས་ལ་སྒྱུ་འཕྲུལ་གྱི་གསུང་བཤད་མཛད་པར་དཀའ་རབ་འབྱམས་རྣམས་ཀྱིས་ལེགས་གསོའི་ཚིག་གི་མེ་ཏོག་གཏོར། གྲ་ཚང་གི་གྲ་རྒྱུན་ཡེར་པ་བ་ཚོས་ཕྱོགས་དཀར་གྱ…

སྨན་གྱི་དྲི་ངད་ཡང་ཡང་ལྡང་བས་མི་ཀུན་ཅི་ཡིན་སྙམ་པའི་ཐེ་ཚོམ་ཟ་བ་བྱུང་། ནུབ་ཅིག་གི་མནལ་ལམ་དུ། ཉི་ཐང་ལྷ་རྗེ་བློ་བཟང་རྒྱ་མཚོ་འདི་མཚོ་སྨད་མཁན་ཆེན་གྱི་སྐྱེ་བ་ཡིན་པས་ལུང་ཚར་གཅིག་བསྐྱར་ནས་ཉོན་ཟེར་བ་ཞིག་བྱུང་བར་བརྟེན། སྤོས་དགར་གདན་དྲངས་ནས་གཡུ་ཐོག་སྙིང་ཏིག་དང་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་…

བཅུ་བཞི་ལ་ཐུགས་རྩོམ་མཛད་པ་ཞབས་དྲུང་རིན་པོ་ཆེའི་སྤྱན་ལམ་དུ་ཕབ། དེ་ལན་རྒྱས་པ་ཞིག་མཛད་རྩིས་ཀྱི་ནུབ་ལྷོ་ཕྱོགས་ནས་མཚོན་ཆའི་ཆར་པ་འབབ་པའི་མནལ་ལྟས་བྱུང་བ་འཇམ་དཔལ་དུག་སྡོང་མ་མཉེས་པའི་ཐུགས་དོགས་ཀྱིས་རིན་པོ་ཆེ་ངག་དབང་ཡེ་ཤེས་གྲུབ་པར་འཇམ་དཔལ་རིགས་གསུམ་འདུས་པའི་དབང་བརྒྱ་ཚར་གསན་ཏེ་ཡང་ལན་མ་གནང་བར་བཞག་སྐད། ཆུ་སྤྲེལ་…

དང་སློབ་དཔོན་ཆེན་པོའི་རྣམ་ཐར་ཞིང་བཀོད་ཕྱག་བྲིས་སུ་མཛད། ཁམས་སྟོད་ནས་བླ་མ་དཔལ་འབར་དྲུང་པ་ལྷ་སར་འོངས་ཏེ་ལྟག་སྒོ་བའི་དེར་གནས་ཚང་བྱས། དགོངས་འདུས་གཙོ་བོ་དགུའི་གསེར་སྐུ་དང་བྲིས་ཐང་སོགས་བཞེང་བའི་ཞལ་བཀོད་དང་། གོན་ཇོ་སྐུ་སྐྱེ་ཟར་བས་ཆོས་ལོངས་སྤྲུལ་གསུམ་གྱི་གསེར་སྐུ་ཁྲུ་རེ་ལྷག་ཙམ་བཞེང་བ་སོགས་ཁོང་ཁག་གཉིས་ཀའི་འབུ…