ལ་མི་རྨོངས་པས་དོན་དེ་ལ་དགོངས་ནས། འཇིག་རྟེན་གྱི་མིག་གཅིག་པུ་ལོ་ཆེན་ཐམས་ཅད་མཁྱེན་པའི་ཞལ་ནས། སྐར་རྩིས་སྙན་ངག་སྡེབ་སྦྱོར་དང་། །མངོན་རྗོད་ཟློས་གར་འདི་ལྔ་ལ། །རིག་གནས་ལྔ་ཞེས་འཕགས་ཡུལ་ན། །གྲགས་པའི་བ་དན་རླུང་ལྟར་སྒྲོག །ཅེས་སོ། །འཇམ་དབྱངས་ཁ་ཆེ། སྣ་ཐང་པཎ་ཆེན་སཾགྷ་ཤྲཱི། རིན་སྤུངས་ངག་དབང་འཇིགས་གྲགས་སོགས་ཀྱིས་སྒྲ…

མཇུག་སྒང་རྒན་འོད་ཟེར་རྒྱལ་མཚན། གྲངས་ཆེན་རབ་འབྱམས་པ་འཇམ་དཔལ་རྡོ་རྗེ། སྐད་གཉིས་སྨྲ་བ་སངས་རྒྱས་དཔལ་བཟང་། སྨོན་འགྲོ་པཎྜི་ཏ་རིག་གནས་རྒྱ་མཚོ་པ་ཚེ་དབང་དོན་གྲུབ་སོགས་མཁས་པ་མང་པོ་ཆུ་གཉེར་ལྟར་གཅིག་རྗེས་གཅོག་ནོན་དུ་འབྱུང་བར་མངོན་དུ་ཕྱོགས་པའི་དུས་སྐབས་བཟང་པོར་སོང་བས་མཁས་པ་མཁས་པའི་དྲུང་ན་མཛེས་པར་སྣང་། དེང་སང་ནི་…

བརྒྱད་གསུངས་པ་ལྟ་བུས་མཚོན་ནུས་སོ། །གཞན་ཡང་སྙན་ངག་མེ་ལོང་དུ། འདི་ལྟར་རྒྱུ་རྩལ་དྲུག་ཅུ་བཞིར། །ཞེས་པ་ལྟར། བཟོ་ལ་སོགས་པར་གཏོགས་པ་སུམ་ཅུ། རོལ་མོའི་བྲེ་བྲག་བཅོ་བརྒྱད། གླུ་དབྱངས་ཀྱི་ངེས་པ་བདུན། གར་གྱི་ཆ་བྱད་དགུའོ། །དང་པོ་བཟོ་ལ་སོགས་པར་གཏོགས་པ་སུམ་ཅུ་ནི། ཡི་གེ །ལག་རྩིས། གྲངས། རྩིས་ཆེན། ཐོད་ཚུགས། གོམ་སྟབས། ལ…

དྲི་བ་གཉིས་པ།ཟླ་བཤོལ་ཇི་ལྟར་འདོན་ལུགས་སོགས་ཀྱི་དྲིས་ལན།དྲི་བ་གཉིས་པ་ནི། གཉིས་པ་དེང་སང་ཟླ་བཤོལ་འདོན་པ་ལ། །བཞེད་ལུགས་མཚན་མོའི་སྐར་ཚོགས་ལྟར་མང་བའི། །ལ་ལ་དབུགས་ཐོབ་བསྒང་ཚད་གཙོ་ཆེ་ཟེར། །ལ་ལ་ཟླ་དགའ་འབར་བ་ཡིན་ནོ་སྐད། །རྒྱ་ནག་རྩིས་དང་གསོ་དཔྱད་གཞུང་ལུགས་སོགས། །བགྲང་ཡས་དཔག་མེད་བཞེད་ལུགས་འདུག་མོད་ཀྱང་། །དུས་འཁ…

རྒྱུད་ཁོ་ན་འདོད། །ཅེས་པ་སྤྱིར་ཟླ་བཤོལ་འདི་མདོ་རྒྱུད་ཐ་སྙད་ཀྱི་གཙུག་ལག་མང་པོ་ནས་གསུངས་ལ། དེའང་ཕྲ་མོ་ནས་བརྩིས་ཏེ་ལོ་ཟླ་འཇོག་དགོས་པས། དམ་པའི་ཆོས་འདུལ་བའི་ལུགས་ལ། མཛོད་ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་སྐད་ཅིག་དེ་དག་ཀྱང་། །དྲུག་ཅུ་ལ་ནི་ཐང་གཅིག་གོ །ཡུད་ཙམ་ཉིན་ཞག་ཟླ་གསུམ་ནི། །གོང་ནས་གོང་དུ་སུམ་ཅུར་འགྱུར།…

འབྲིང་ཐ་ཆུང་གི་ཐ་སྙད་མེད་པས། རྒྱ་དཔེར་མགོ་ཟླ་བ་ལ་མཱརྒ་ཤིཪྵི་ཞེས་པ་ལས་ར་བའི་སྐད་དོད་མེད་དོ། །དུས་ཚིགས་ལྔར་ཕྱེ་བ་ནི། དབྱར་ཕྱི་མ་ཁས་ལེན་པ་ལ་དབྱར་ཐུང་ངུ་ཤེས་པའི་ཆེད་དེ། རྒྱ་ཆེར་འགྲེལ་ལས། དེ་ནི་ཉིན་ཞག་གཅིག་སྟེ། དབྱར་ཟླ་ཐ་ཆུང་གི་ཚེས་བཅུ་དྲུག་གོ་ཞེས་བྱ་བའི་ཐ་ཚིག་གོ །ཞེས་གསུངས་པས། དབྱར་སྔ་མ་ཁས་མ་བླངས་པ་ཞིག་…

བསྟན་བཅོས་ལས། ཟླ་བའི་བཤོལ་འདོར་བ་ནི་རྒྱལ་པོའི་རྗེས་སུ་འབྲང་བས་ཤེས་པར་བྱའོ་ཞེས་གསུངས་སོ། །འོན་ཀྱང་འདུལ་བ་འཛིན་པ་ཕལ་ཆེར་གྱིས་བཤད་པའི་སྐོར་རྣམས་རགས་བརྩིས་སུ་འདུག་པས་དཔྱད་ནས་ཞག་གསུམ་གྱི་རྣམ་དབྱེ་མ་དགོངས་པའི་སྐྱོན་ཅུང་ཟད་ཡོད་པར་སྣང་། མཁས་པ་ལ་ལ། རྟ་བྱ་བྱི་བ་ཡོས་ལ་བཤོལ། །སྟོན་དགུན་དཔྱིད་དབྱར་འབྲིང་པོ་གཉིས།…

།ངོ་མཚར་རྩིས་སུ་སུ་ཞིག་བྱེད། །དུད་འགྲོའི་སྐད་གསང་ཕྱུགས་དཀྱིལ་དུ། །འབྱིན་ན་ཤིན་ཏུ་མཛེས་པ་ཡིན། །བློ་ལྡན་སྐྱེ་བོའི་ཁྲོད་ནང་དུ། །འབྱིན་ལ་ངོ་མཚར་སུ་ཞིག་འཛིན། །ཞེས་གསུངས་པ་ལྟར། ཁོ་བོ་བརྩོན་པ་ཆུང་བ་དང་སྦྱངས་པ་ཞན་ལ་ཤེས་རབ་དམན་པས། ཕྲ་མོའི་གནད་འདི་དག་ཚུལ་བཞིན་སྨྲ་བའི་སྤོབས་པ་ཐོབ་པར་མ་གྱུར་ཅིང་། ཁྱད་པར་དུས་འཁོ…

སྟེ། །བློ་ཆུང་རིག་པས་མགུ་བ་སླ། །ཞེས་པ་ལྟར། དུས་འཁོར་ཤེས་པར་ཁས་འཆེ་བ་དགུ་མཐའ་ཙམ་ཡང་སློབ་མ་མྱོང་པའི་མུན་ནག་འདོམ་འཇལ་གྱི་རིགས་མཐའ་ཀླས་ཤིང་། ལྔ་བསྡུས་གཟའ་འཛིན་ཙམ་ཤེས་པས་རྩིས་པ་ཆེན་པོ་སྲིད་སྒྲུབ་གཉིས་པ་ལྟ་བུར་རློམ་པ་མང་ལ། ཞག་གསུམ་རྣམ་དབྱེ་རྣ་བའི་ཁུང་བུར་སོན་པ་ཉུང་བར་སྣང་། རང་ལུགས་པདྨ་དཀར་པོའི་ཞལ་ལུང་གི་ད…

བརྒྱ་དྲུག་ཅུ་རྩ་ལྔ་བྱུང་བ་ནི་ཉིན་ཞག་གི་དཀྱིལ་འཁོར་ཏེ། ཆུ་ཚོད་བཅུ་དྲུག །ཆུ་སྲང་བཅུ་བཞི། དབུགས་གཅིག །འདོད་ཆ་བཅུ་གཉིས། རི་མཁའ་རིའི་ཆ་བརྒྱ་ཉེར་གཅིག་ཡོད་དོ། །ཚེས་ཞག་གི་ཡུན་ཚད་ནི། ཟླ་རྐང་ལས་བྱུང་བའི་ལོངས་སྤྱོད་ལ་རག་ལུས་པས། རིམ་པའི་སྔ་རྐང་དུ་རྒྱུན་དང་ཞག་གཉི་ཀ་ལ་ནོར། ཕྱི་རྐང་དུ་རྒྱུན་ལ་ནོར་དང་། ཞག་ལ་བུ་ལོན།…

ལྷག་མར་མཚན་མོའི་ཐ་སྙད་མཛད་པར་ལོ་ཆེན་ནམ་མཁའ་བཟང་པོས། མངོན་པར་འབྱུང་བའི་མདོ་ལས། གཞོན་ནུས་བླ་ན་དེ་ཐོས་པ་དང་ཉི་མ་དེ་ཉིད་ལ་གྲགས་འཛིན་མ་ལའང་ཁྱིའུ་ཞིག་བཙས་སོ། །བདུད་རྩི་ཟས་ལའང་ཁྱིའུ་ཞིག་བཙས་སོ། །དེ་ཉིད་ཀྱི་ཉིན་མོ་ཟླ་བའང་སྒྲ་ཅན་གྱིས་ཟིན་ཏོ། །ཞེས་པར། དུས་དེར་ཕྱི་རོལ་པའི་ལུགས་ཀྱི་རྩིས་ལས་མེད་པའི་ཁུངས་དང་བཅས་ཏ…

ཅུ་རྩ་བཞི་ཙམ་འབྱུང་བའི་སྐབས་ཡོད་ནའང་འགྲིབ་དུས་ཆུ་ཚོད་ལྔ་བཅུ་རྩ་བཞི་ཙམ་ལས་མི་འོང་པས་ཟླ་བའི་ཆ་བཅོ་ལྔ་པོ་འཕེལ་འགྲིབ་ལ་ལྟོས་པས་ན་ཕལ་ཆེར་ནམ་མ་ལངས་གོང་ནས་རྫོགས་པ་མང་བས། དཔེར་ན་ཆོས་ཀྱི་དུས་ལོངས་ལ། ཆུ་ཚོད་ང་དགུ། ཆུ་སྲང་གསུམ། དབུགས་བཞི། ཆ་ཤས་བཅུ་དྲུག །ཉིན་ཞག་གི་དུས་ལོངས་ལ་ཆུ་ཚོད་དྲུག་ཅུ། ཁྱིམ་ཞག་གི་དུས་ལོངས་…

ད་ལྟ་ལག་ལེན་དུ་བྱེད་མཁན་ཤིན་ཏུ་ཉུང་བས་ཕྱོགས་འདི་ལ་རོ་འཛིན་གཡོ་བར་ནུས་པའི་མཁས་པ་རྣམས་ཀྱིས་ལེགས་བཤད་ཀྱིས་ཟུར་བརྒྱན་པར་འཚལ་ལོ། །འཇིག་རྟེན་ན་ཡོངས་སུ་གྲགས་པའི་ལོ་གཅིག་ལ་ཞག་སུམ་བརྒྱ་དྲུག་ཅུར་བཤད་པའང་སྤྱིར་བཏང་སྟེ། ཚེས་ལོངས་ཐུང་བ་རྣམས་བསྟུད་མར་བྱུང་ཚེ། ཚེས་ཞག་གི་ཆུ་ཚོད་ང་བཞི་ཙམ་དེས། ཉིན་ཞག་དྲུག་ཅུ་མ་ཐུབ་པར…

པས་ཉིན་ཞག་གི་ཚེས་ཞག་མ་ཐུབ་པར། ཚེས་ལོངས་དྲུག་ཅུ་རྩ་བཞི་པོའི་དྲུག་ཅུས་ཉིན་ཞག་རྫོགས་ནས་ལྷག་མ་བཞི་པོས། ཉི་མ་སྔ་ཕྱི་གཉིས་ཀར་ཆུ་ཚོད་གཉིས་རེ་ཙམ་དོན་གྱིས་ཐོབ་པས་ན་ཚེས་ཞག་གཅིག་ལ་ཉིན་ཞག་གསུམ་གྱི་དོན་མེད་པས། དཔེར་ན་ཚེས་གཅིག་ལ་རེས་གཟའ་ཉི་མ་ལ་ཚུ་ཚོད་ང་བརྒྱད། རྐང་པའི་ལོངས་སྤྱོད་རྣམས་ནོར་གྱི་དབང་གིས་ཚུ་ཚོད་འཁོར་ལོ…

ཚེ་ཟླ་བའི་ཆ་ཟླུམ་པོ་ལ་ཕྱོགས་གཅིག་འབུར་མོར་ཡང་མི་འབྱུང་བས་སོ། །དེ་ལྟར་ཚེས་ཞག་དང་ཉིན་ཞག་གཉིས་ཕན་ཚུན་གཅིག་གིས་གཅིག་གི་དོད་མ་ཐུབ་པར་ལོ་རེ་ལ་ཚེས་ཆད་པ་བཅུ་གཉིས་ཙམ་དང་ལྷག་པ་དྲུག་ཙམ་བྱུང་བ། ཆད་ལྷག་ཕན་ཚུན་མགོ་བསྡེབས་པའི་ལྷག་མ་རྣམས་ཀྱི་ནུས་པས། འཇིག་རྟེན་ཡོངས་གྲགས་ཀྱི་ལོ་གཅིག་ཉིན་ཞག་སུམ་བརྒྱ་དང་ང་བཞི་ལས་མི་འོང…

རི་མཁའ་རིའི་ཆ་ལྔ་བརྒྱ་གྱ་དྲུག་དང་བཅས་པ་མི་རྫོགས་ཤིང་། ཚེས་ཞག་ལྷག་པོ་བཅུ་གཅིག་རྗེས་འབྲང་དང་བཅས་པའི་ལྷག་པོ་བཅུ་གཅིག་དང་དོད་སྙོམས་པའི་ཉིན་ཞག་གི་དབང་དུ་བྱས་ཏེ་རྩི་ན། དྲུག་ཅུ་རེ་ལྔ་པའི་ལྔ་པོ་དང་། བར་ཁྱད་ཉིན་ཞག་དུ་བཏང་བའི་ཞག་ལྔ། ཆུ་ཚོད་ཞེ་གཉིས། ཆུ་སྲང་ང་ལྔ། དབུགས་གསུམ། འདོད་ཆ་གཉིས། རི་མཁའ་རིའི་ཆ་ལྔ་བརྒྱ་ད…

ཏེ། རྒྱུ་མཚན་ནི་གོང་དུ་བཤད་པའི་རང་ལུགས་ཀྱིས་ཤེས་སོ། །ཞེས་པ་ལྟར། ཆུ་ཚོད་མང་བའི་ཚེས་འཆད་ཅིང་ཉུང་བའི་ཚེས་ལྷག་པ་ནི་ལེགས་ལ། ཁྱད་པར་རྩིས་སྐར་ནག་སྒོ་བསྟུན་པའི་ཚེ་ཆད་ལྷག་གི་སྔ་ཕྱིའི་དུས་ངེས་ཅན་དུ་མ་བྱུང་ན་ས་བདག་འཕྱུགས་པའི་ཉེས་པ་འབྱུང་བར་མངོན་ནོ། །མཁས་པ་དག་གིས་གཟའ་འདས་པར་གསུངས་པ་དང་། ལ་ལ་དག་འདས་པ་དང་མ་འདས་པའ…

དང་། སྤེན་པ་སྟེ་མི་མཉམ་པ་རྣམས་ལའོ། །མིག་སྟེ་གཟའ་གཉིས་པ་དང་། རིག་བྱེད་དེ་གཟའ་བཞི་པ་དང་། རོ་སྟེ་དྲུག་པ་ལ་བྱ་བ་འགྲུབ་པར་གྱུར་རོ་ཤིན་ཏུ་མཉམ་པའི་གནས་སུ་གྱུར་པ་ཟླ་བ་དང་། གཟའ་ལག་པ་དང་། པ་ཝ་སངས་རྣམས་ལ་ལྷག་མ་གནས་པར་གྱུར་ནའོ། །ཞེས། བདུན་གྱིས་བགོས་པའི་ལྷག་མ་གཅིག་ཉི་མ་ཡིན་པ་སོགས་རྡོ་རྗེའི་ཚིག་འདི་ལ་ཀླན་ཀ་མི་འཇུ…

པར་འགྱུར་ལ། ལ་ལ་རགས་པ་ཟླ་བའི་ཡེ་ཤེས་ཀྱི་ཆ། འབྲིང་ཉི་མའི་ཡེ་ཤེས་ཀྱི་ཆ། ཕྲ་བ་སྒྲ་གཅན་གྱི་ཡེ་ཤེས་ཀྱི་ཆར་འདོད། འགའ་ཞིག་ཟླ་བ་རང་ལ་རགས་འབྲིང་ཕྲ་གསུམ་གྱི་ཡེ་ཤེས་ཀྱི་ཆར་བཤད་པའང་བྱེད་དོ། །རྒྱུད་ཀྱི་སྐབས་འདིར་སྟོང་ཕྲག་ཉི་ཤུ་ལ་ཁྲི་ཚོ་གཉིས། རྩ་གཅིག་གི་གཅིག་པུས་སྟོང་ཕྲག་གཅིགརོ་བརྒྱས་དྲུག་བརྒྱ་བསྟན་པས་ཞག་གཅིག་ལ་ད…

དབང་གིས་ཆ་ཤས་ལ་མང་ཉུང་ཡོད་དམ་སྙམ་པའི་ཐེ་ཚོམ་གྱི་དྲ་བར་ཚུད་ནའང་། འདི་ལ་ཉིན་ཞག་མང་པོར་བསམ་བློ་བཏང་བའི་དཀའ་ཐུབ་ཀྱི་ངལ་བ་སྟེན་མི་དགོས་ཏེ། དཔེར་ན། ནད་ཀྱི་ཕུང་པོ་གཅིག་འཇལ་བྱེད་ཀྱི་བྲེ་འབོ་སྣ་ཚོགས་ཡོད་པ་ལྟ་བུའོ། །འོན་ཀྱང་། རི་མཁའ་རིས་བསྒྱུར་བའི་ཆ་ཤས་བཅུ་བཞི་ལྟ་བུས་བགོས་པ་ནི་མིན་ནོ། །དེ་ལྟར་གཟའ་ལྟ་བུ་མཚོན་ན…