སྙན་ངག་མེ་ལོང་གི་དཀའ་འགྲེལ་དབྱངས་ཅན་དགྱེས་པའི་གླུ་དབྱངས་ཅེས་བྱ་བ་བཞུགས་སོ། །

མཆོད་བརྗོད།བྲ ཀྲྀ ཏ སུ ས དྷ ར བྱ སཾ ཁྱ ཏྲི ཁྱ ཏྲི གུ ཧྱཱ ཛ ཡེ ཤ རྱ བ ཛྲ སྱ དྷཱ ཏོ རྣ་བྷ ངྒཱ ཨ ནུ ཏྟ རྱ ཙཱ དྷ རྨྨ དྷཱ། །བླ་ན་མེད་པའི་གསང་གསུམ་རང་བཞིན་གཞོམ་མེད་རྡོ་རྗེའི་ཁམས་ལས་ལེགས་གྲུབ་བགྲང་ཡས་རྒྱལ་བ་ཀུན་གྱི་དབང་ཕྱུག་ཉིན་མོར་བྱེད།(༢ན)

ཏྭ ཝ བྷ ས ག ག ན ཤྩ སཱི མ ནྟི ནཱི ཝ རྱ མུ ཁྱོ ད ཡ ཛྙཱ ན བ ཀྲཱ ཡ ཏཱ ཏཱི ཀྵྞ ར སྨྱཱ ཨ སཱ དྒཱ ཤ རཱ། །ཆོས་དབྱིངས་ཀུན་གསལ་ཀ་ཤི་མཛེས་དགའི་བཞིན་རས་ལ་འཆར་ཡེ་ཤེས་འོད་རྣོན་འཁྱོག་པོར་འཕྲོ་བའི་དཀྱུས་རིང་འདྲེན་བྱེད་ཟུར་མདའ་ཡིས། །(༢བ)

པྲ བྷ ད ཡ པ རི ཛཱ ག ཀཱ ཡཱ ནུ རཱ གཱ པྶ རཱ པཱ ཤ དཱི རྒྷཱ སུ ཁཱི ཡ སྱ ཏོ རྨྨཱི སྨི ཏཱ པ ཏྲ སཱ ཧ སྲ ནི། ལུས་ཅན་ཆུ་སྐྱེས་ཚོགས་ལ་རྗེས་ཆགས་བརྩེ་བའི་ཞགས་འོད་རིང་པོར་རྐྱོང་བས་སྐྱེ་དགུ་ཡོངས་ལ་ཕན་བདེའི་འདབ་སྟོང་འཛུམ་རླབས་ཅན། །(༣ན)

ཏྲི བྷ ཝ ཀ ར ཙ ཤཱ ཀྱ སི དྷཱ ན མོ ནཱ མ ཏེ ཛོ བྷྲ མཱ ན ནྟ ཏཱ མ པྲ མ རྡི ནྱ ནིཿ ཤེ ཥ སེ ན དྭི ཥཱ། །མཚན་གྱི་གཟིས་ཀྱང་མཐའ་བྲལ་འཁོར་བའི་དགྲ་སྡེའི་མུན་ཚོགས་མ་ལུས་འཇོམས་མཛད་སྲིད་གསུམ་འདྲེན་པ་ཤཱཀྱ་སེང་གེར་ཕྱག་འཚལ་ལོ། །(༣བ)

ཕུལ་བྱུང་མཁྱེན་པའི་མེ་ལོང་གཙང་མར་གྲངས་མེད་ཆོས་ཀྱི་སྣང་བརྙན་མ་ལུས་གཅིག་ཅར་འཆར་བའི་རྣམ་དཔྱོད་རྩེ་དགའི་ལྕགས་ཀྱུ་ཡིས། །ཕྲ་ཞིབ་ལང་ཚོ་མངོན་པར་རྒྱས་པའི་ཁེངས་ལྡན་ཤེས་བྱ་རི་དྭགས་མིག་ཅན་དགའ་བས་མགྲིན་འཁྱུད་ལེགས་བཤད་དགྱེས་དགུར་སྤྱོད་པ་ལས། །ཟབ་གསལ་གཉིས་མེད་བདེ་ཆེན་གྱིས་མྱོས་མཚམས་སྤྲིན་གཞོན་ནུས་ལན་བརྒྱར་བྱུགས་པའི…

ཨུཏྤལ་དམར་པོ་འཛུམ་དབུས་ཚངས་དབྱངས་རྐང་དྲུག་རྒྱུད་མང་གླུར་ལེན་གཙུག་ལག་བྱེ་བའི་ལི་ཤིའི་དྲི་བསུང་རབ་འཐུལ་བ། །རིན་ཆེན་རྒྱན་གྱི་གདུབ་སིལ་སྒྲ་འཁྲོལ་སྨིན་ལེགས་འབུམ་གྱི་སྙེམས་པ་ཀུན་འཕྲོག་དབྱངས་ཅན་ལྷ་ཁྱོད་མགྲིན་པར་བཞུགས་ལ་ངག་གི་འདོད་པ་འཇོ་བར་མཛོད། །མཁྱེན་ཡངས་ཟླ་བའི་མ་མ་ལས་འོངས་ཉམས་དང་འགྱུར་བའི་རྒྱུད་མར་ལེགས་བ…

གང་ཞིག་ཐོས་ཉུང་འདོད་པའི་ཟས་ལ་རྣམ་པར་སྲེད་པས་ངོ་མཚར་གཏམ་གྱི་རང་འོད་ཉེར་བཅོམ་རྨོངས་རྟུལ་མུན་ཁྲོད་ལ་འཁྱམས་ཚེ། །མེས་པོ་བི་ཤྭ་ཀརྨའི་སོར་རྩེས་རྣམ་པར་འདར་བའི་ཐ་སྙད་གཙུག་ལག་ནམ་མཁའི་ནོར་བུ་ལེགས་བཤད་སྣང་བའི་འོད་སྟོང་ཅན། །འཇམ་དབྱངས་མཁྱེན་པའི་བདུད་རྩིས་ལེགས་བྲན་མརྒད་གཞོན་ནུའི་ཁ་དོག་ལ་འཁུ་བློ་གྲོས་དྲི་བཞོན་ཤིང་ར…

ལག་རྣམ་བཞིའི་དཔུང་པ་ཡིས། །རིས་བྲལ་རྒྱལ་བའི་བསྟན་པ་གླིང་བཞི་ཀུན་ལ་ལྷུན་གྱིས་གྲུབ་པའི་འཇིག་རྟེན་རྣམས་ཀྱི་མིག་གཅིག་པུ། །དམ་པའི་ཆོས་ཀྱི་འཁོར་ལོས་བསྐོར་བའི་ཤེས་བྱ་ཀུན་གཟིགས་ཆོས་སྐྱོང་བཟང་པོ་རྒྱལ་གྱུར་ཅིག །རྣམ་དཔྱོད་བརྩོན་པའི་གྲུ་གཟིངས་ལ་བརྟེན་མཐའ་ཀླས་རིག་གནས་རྒྱ་མཚོ་ཆེར་བགྲོད་པས། །ངོ་མཚར་ལེགས་བཤད་ནོར་བུའ…

དོག་པ་ཇི་བཞིན་འབྱེད་མཛད་པས། །སཱ་ལའི་ཡུལ་ལྗོངས་ཐ་སྙད་མནྡྟ་ར་བའི་ཕྲེང་མཛེས་མང་དུ་ཐོས་པའི་དཔག་བསམ་ཡོངས་འདུའི་འབྲས་བུར་སྤྱོད་པའི་དགའ་སྟོན་ཚོགས། །སྔོན་བྱོན་མཁས་པའི་ཟླ་མེད་དྲིན་གྱི་འཕགས་ཡུལ་པཎ་ཆེན་རྣམ་པར་ཐར་པ་ས་འདིར་འཕོས་ལ་སྙིང་ནས་དགའ་བས་ཡིད་རབ་ཕྲོགས། །འོན་ཀྱང་དེང་དུས་བློ་གྲོས་ན་ཚོད་ཆེས་ཆེར་ཡོལ་བས་རྣམ་དཔྱ…

རྩེ་བརྒྱ་འཛིན་པའི་མཆོད་སྦྱིན་བརྒྱ་པ་ཚངས་སྲས་བཞད་པའི་རྡོ་རྗེས་དབྱངས་ཅན་དགྱེས་པའི་གླུ་དབྱངས་ལེན་ནོ་ཀྱེ། །སྙན་འགྱུར་འབུམ་གྱི་རྒྱུད་མངས་ཁྲོལ་བའི་རྩེར། །ཉམས་ལྡན་སྟོང་གི་གླུ་དབྱངས་ལེན་པ་ཡི། །སྒྲ་འཛིན་དགའ་བདེར་སྤྱོད་པའི་ཆུ་གཏེར་ཆེར། །གྲངས་མེད་རྒྱན་གྱི་ཟླ་བའི་སྣང་བསྙན་འཆར། །ཡིད་འོང་རྐང་འཐུང་འཁྲིགས་པའི་དགའ་ཚ…

དབྱིངས་རྩིག་ངོས་མཛུབ་རྩེའི་ཚོན་པིར་གྱིས། །རི་མོ་འཆར་འདོད་གྲོང་ཚིག་གླེགས་བམ་གྱི། །ངལ་བ་བསྟེན་རྣམས་ཆུལ་འཆོས་མུན་ཁུང་དུ། །རིགས་མཐུན་བླུན་པོའི་སྟེགས་ལ་ངལ་སོས་ཤིག །དཔང་སྟོན་ལེགས་བཤད་གུར་ཀུམ་གཞོན་ནུའི་ཚོས། །གྲུབ་རིགས་རྒན་པའི་ངག་ཆལ་སྣག་ཚ་དང་། །བསྲེས་པའི་གླེགས་བམ་བྱ་རོག་བསད་པའི་ཤ །གནག་རྫིས་བླུན་རྒན་བ་ལང་ཁྲོ…

གླེང་གཞི།ཞེས་སྙན་འགྱུར་འབུམ་སྡེའི་རྒྱུད་ལས་ཉེ་བར་དྲངས་པའི་ཚིགས་སུ་བཅད་པའི་གླུ་དབྱངས་ཀྱི་ཕྲེང་བས་སྔུན་བསུས་ཏེ། སྐབས་སུ་གླེང་བར་བྱ་བ། སྐལ་བ་མཆོག་གི་བདུད་རྩིའི་རོ་ལ་ལོངས་སུ་སྤྱོད་པའི་ལེགས་བྱས་ཀྱི་བགོ་སྐལ་ཉེ་བར་ཐོབ་པའི་རང་ཅག་རྣམས་ཀྱི་རྣམ་འདྲེན་དམ་པ་ཀུན་མཁྱེན་ཟས་གཙང་སྲས་པོའི་རིང་ལུགས་དྲི་མ་མེད་པ་དཔྱིད་ཀྱ…

ནི། ཚིག་དོན་འཁྲུལ་པ་ཞུགས་པ་ཚར་གཅོད་པ་བརྡའ་སྤྲོད་དང་གཏན་ཚིགས། གཞན་ལ་ཕན་ཞིང་རྗེས་སུ་འཛིན་པར་བྱེད་པ་བཟོ་དང་གསོ་བ། རང་ཉིད་ཆོས་ཀུན་ཤེས་པར་བྱེད་པ་ནང་དོན་རིག་པ་སྟེ། ལྔ་པོ་འདི་ནི་ཁོང་དུ་ཆུད་པ་ལ། འཕགས་པའི་ཡུལ་དུ་མཧཱ་པཎྜི་ཏ་ཞེས་གྲགས་ཤིང་། དེ་དང་མཐུན་པར་རྗེ་བཙུན་ས་པཎྜི་ཏས། དེ་ཡུལ་བརྡའ་སྤྲོད་རྟོག་གེ་དང་། །འཚོ་བ…

གྱི་གཞིར་བཟུང་བའི་སྟེང་དུ། སྙན་དངགས་ཤེས་ན་ཚིག་རྒྱན་ལ་མི་རྨོངས། སྡེབ་སྦྱོར་ཤེས་ན་ཚིགས་བཅད་ལ་མི་རྨོངས། མངོན་བརྗོད་ཤེས་ན་མིང་ལ་མི་རྨོངས། ཟློས་གར་ཤེས་ན་སྐད་རིགས་ལ་མི་རྨོངས་ཤིང་། དཔང་ལོ། འཇམ་ཁ། སྣར་ཐང་པ། རིན་སྤུངས་པ་སོགས་ཀྱི་འགྲེལ་ཆེན་ན། སྒྲ་ཐེ་བའི་རིག་གནས་ཆུང་བ་ལྔར་བཤད་ཀྱང་། དཔལ་སྒང་ལོ་ཙཱ་བས་སྐར་རྩིས་རི…

ལྷག་མཐོང་གི་རྟེན་གཞིར་གྱུར་པའི་ཞི་གནས་དེ་ལ་གོམས་པའི་ཕྱི་རོལ་པ་ཇི་སྙེད་ཅིག་འབྱུང་བས། ཁྱོད་རང་རྣམས་ཀྱི་ཞི་གནས་དེ་ཡང་སྤང་བྱར་མི་འགྱུར་རམ། ངེད་ཀྱི་ཞི་གནས་ལ་སྐྱབས་འགྲོ་དང་སེམས་བསྐྱེད་སོགས་ཀྱི་ཁྱད་པར་ཡོད་དོ་ཞེས་སྨྲ་ན། ངེད་ཅག་ཐ་སྙད་མཁན་པོ་རྣམས་ཀྱི་ཐ་སྙད་རིག་པ་ལའང་ཐེག་པ་ཆེན་པོའི་སེམས་བསྐྱེད་ཀྱི་རྩིས་ཟིན་པའི…

རྗེ་བླ་མ་ལ་ཟུར་ཟ་བར་འདོད་པའི་ཚིག་སྦྱོར་བ་བྱེད་པ་ནི། ས་དགེའི་མཁས་པ་ལུང་རིགས་ཀྱི་ལུས་སྟོབས་རྫོགས་པའི་སྟག་སེང་ཁ་འཐབ་པའི་བར་དུ་བཀའ་བརྒྱུད་པའི་སྒོམ་ཆེན་ཝ་སྐྱེས་ལྟ་བུ་དག་རྒྱུ་བ་ནི་ཤིན་ཏུ་འཚང་ཆེ་བས་བག་ཡོད་པར་བྱོས་ཤིག །དེ་ཡང་ཐ་སྙད་རིག་པ་ལྔའི་ནང་ནས་ཐོག་མར་གང་ལ་སློབ་ཅེ་ན། ཟུར་མཁར་བློ་གྲོས་རྒྱལ་པོས། རྒྱལ་པོ་ལང…

མཚན་དོན་དང་འགྱུར་ཕྱག་སོགས་བཤད་པ།འདི་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། བསྟན་བཅོས་འདིའི་མཚན་ལ་རྒྱ་གར་དུ་སྐད་རིགས་བཞི་ཡོད་པའི་ལེགས་(༡༠ན)

སྦྱར་ལྷའི་སྐད་དུ། ཀ་བཱི་ཨ་དཪྴ༔སྟེ དེ་བོད་སྐད་དུ་བསྒྱུར་ན། ཀ་བི་ནི་སྙན་དངགས། །ཨཱ་དཪྴཿནི་མེ་ལོང་། དེ་གཉིས་མཚམས་སྦྱར་བའོ། །ཡང་ན་ཨཱ་ནི་ཀུན་དང་། དཪྴཿནི་མཐོང་བ་སྟེ། ཚིག་འགྱུར་བྱས་ནའང་འགྲིག་སྟེ། བསྟན་བཅོས་ཀྱི་མེ་ལོང་དུ་སྙན་ངག་གི་ལུས་སྲོག་རྒྱན་གསུམ་འཆར་བ་དང་། བསྟན་བཅོས་འདིར་སྔོན་བྱུང་གི་སྙན་ངག་གི་བརྗོད་བྱ་ཀ…