སྟོབས་བཅུ་བཤད་པ།གཉིས་པ་ལ། སྟོབས་བཅུ་མདོར་བསྟན་པ། དེ་རྣམས་རྒྱས་པར་བཤད་པ། ཡོན་ཏན་ཀུན་བརྗོད་མི་ནུས་པའི་ཚུལ། ཡོན་ཏན་གཉིས་ཤེས་པའི་ཕན་ཡོན་བསྟན་པ་དང་བཞི། དང་པོ་ནི། སྟོབས་ནི་ཆོས་ཅན། བཅུ་པོ་འདི་དག་ཡོད་དེ། གནས་དང་གནས་མིན་པ་མཁྱེན་པའི་སྟོབས། དེ་བཞིན་དུ་ལས་ཀྱི་རྣམ་སྨིན་བློ་སྟེ་མཁྱེན་པའི་སྟོབས་མོས་པ་སྣ་ཚོགས་ཐུགས་…

དེ་ཆོས་ཅན། མོས་པ་སྣ་ཚོགས་མཁྱེན་པའི་སྟོབས་ཞེས་བྱ་སྟེ། འདོད་ཆགས་དང་། དད་སོགས་ས་བོན་གྱི་སྟོབས་ལས་འདོད་པ་ནི་ཤིན་ཏུ་སྣ་ཚོགས་པ་དམན་འབྲིང་དང་གང་ཡང་ཁྱད་པར་འཕགས་པའི་འདོད་པ་དང་དེ་ལས་གཞན་པའི་ཆོས་རྣམས་ཀྱིས་དེ་གཡོགས་པའི་མོས་པ་ལའང་མཁྱེན་པ་ནི་དུས་གསུམ་དུ་འགྲོ་བའི་ཤེས་བྱ་མ་ལུས་པར་ཁྱབ་པའི་ཕྱིར། དེ་ཆོས་ཅན། ཁམས་ཀྱི་སྟ…

འབྱོར་པའི་བྱེ་བྲག་ལ་ཐ་དད་བསམ་གཏན་བཞི། རྣམ་ཐར་བརྒྱད་དང་གང་ཞི་གནས་གང་དག་དང་། སྙོམས་འཇུག་གི་ཁྱད་པར་གཅིག་དང་བརྒྱད་དུ་གྱུར་པ་སྟེ། དེ་ལ་མཁྱེན་པ་ཆགས་ཐོགས་མེད་པའི་ཕྱིར། ཆོས་ཅན། རྗེས་དྲན་གྱི་མཁྱེན་པའི་སྟོབས་སུ་བཤད་དེ། ཇི་སྲིད་གཏི་མུག་དེ་སྲིད་དེ་ཐོག་མ་མེད་པའི་སྲིད་པར་གནས་པའི་འདས་པའི་དུས་སུ་བདག་དང་སེམས་ཅན་གཞན་…

ཟད་པའི་དབང་གིས་མ་ཡིན་ཏེ། སློབ་མ་ཉན་ཐོས་དང་བཅས་པའི་རང་སངས་རྒྱས་དང་སངས་རྒྱས་ཀྱི་སྲས་རྣམས་ཀྱི་བློའི་ནུས་པ་ཟད་པའི་དབང་གིས་སངས་རྒྱས་ཀྱི་ཡོན་ཏན་མཁའ་ལྟར་མཐའ་ཡས་པ་མ་བརྗོད་པར་ལྡོག་པར་འགྱུར་བའི་ཕྱིར། དཔེར་ན་ནམ་མཁའ་ལྡིང་མཁའ་ལ་འཕུར་བ་ན་ནམ་མཁའ་མེད་པས་འདབ་ཆགས་ཀྱི་དབང་པོ་དེ་ལྡོག་པར་མི་འགྱུར་གྱི། འདིར་ནི་ནམ་ཞིག་ན་ར…

དང་། དེ་ལྟར་ཁྱོད་ཀྱིས་འཇིག་རྟེན་གཡོ་བག་གི་སྤྱོད་པ་ཅན་རེ་བ་སྟེ་སྲེད་པའི་ཞགས་པས་མངོན་པར་བཅིངས་པ་མ་ལུས་པ་ཐུགས་རྗེ་ཆེན་པོས་མྱང་འདས་ལ་བཀྲི་བར་མཛད་པའི་ཕྱིར། བཞི་པ་ནི། བཅོམ་ལྡན་འདས་ཆོས་ཅན། ཁྱོད་ཀྱིས་འགྲོ་བ་ལ་ཐེག་པ་མི་མཉམ་པ་དབྱེར་མེད་པའི་ཐེག་པ་གཅིག་ཁོ་ནར་བསྟན་ཏེ། གང་ཕྱིར་འདི་ན་དེ་ཉིད་ཤེས་པ་ལས་དྲི་མ་མཐའ་དག་ས…

ཚོགས་ཀྱི་ངལ་བ་ཉེ་བར་སེལ་བའི་ཕྱིར་དུ་གྲོང་ཁྱེར་ཡིད་དུ་འོང་བ་བར་དུ་རྣམ་པར་བཀོད་པ་སྟེ་སྤྲུལ་པ་ལྟར་རོ། །ལྔ་པ་ལ་གཉིས། མངོན་པར་བྱང་ཆུབ་པའི་དུས་དང་། བཞུགས་པའི་དུས་ཀྱི་བཤད་པའོ། །དང་པོ་ནི། ཆོས་ཅན། བྱང་ཆུབ་ཀྱི་སྙིང་པོར་སངས་རྒྱས་ཚུལ་སྟོན་པའི་གྲངས་བསམ་གྱིས་མི་ཁྱབ་སྟེ། ཕྱོགས་བཅུའི་སངས་རྒྱས་ཀྱི་ཞིང་མ་ལུས་པའི་ཡུལ་…

ན་མི་མཁས་པ་དངོས་པོ་དང་དངོས་པོ་མེད་པར་བདེན་པར་ཞེན་པའི་བློ་ཅན་གྱིས་སྐྱེ་བ་དང་འཇིག་པའི་གནས་སྐབས་དང་། སྡུག་པ་དང་བྲལ་བ་དང་། མི་སྡུག་པ་དང་ཕྲད་པས་བསྐྱེད་པའི་སྡུག་བསྔལ་དང་། སྡིག་ཅན་གྱི་འགྲོ་བ་ཐོབ་པ་དེའི་ཕྱིར་དང་། འཇིག་རྟེན་ཐུགས་བརྩེ་བ་ཆེན་པོའི་ཡུལ་དུ་རབ་ཏུ་དོང་བའི་བཅོམ་ལྡན་འདས་ཁྱོད་ཐུགས་རྗེ་ཆེན་པོས་ཐུགས་ཞི་…

མཇུག་གི་དོན་བཤད་པ།བཞི་པ་མཇུག་གི་དོན་ལ། སློབ་དཔོན་གང་གིས་མཛད་པ་དང་། ལོ་པཎ་གང་གིས་བསྒྱུར་བ་གཉིས། དང་པོ་ནི། དབུ་མ་ལ་འཇུག་པ་ཟབ་པ་དང་རྒྱ་ཆེ་བའི་ཚུལ་གསལ་བར་བྱེད་པ་པོའི་སློབ་དཔོན་ཡོད་དེ། ཡུལ་ས་མན་ཏར་སྐུ་འཁྲུངས་པའི་དཔལ་ལྡན་ཟླ་བ་གྲགས་པ་ཞེས་ཐེག་པ་བླ་ན་མེད་པ་མཆོག་

ལ་ཐུགས་རབ་ཏུ་གཞོལ་ཞིང་། མི་འཕྲོགས་པའི་མཁྱེན་རབ་དང་ཐུགས་རྗེ་མངའ་བ། རི་མོར་བྲིས་པའི་བ་བྲུས་མ་ལས་འོ་མ་བཞོས་པས་གཞན་གྱི་བདེན་ཞེན་བཟློག་པར་མཛད་པ་དེས་སྦྱར་བའི་ཕྱིར། གཉིས་པ་ནི། ཤེས་བྱ་ཆོས་ཅན། བསྟན་བཅོས་འདིའི་སྒྱུར་བྱེད་ལོ་པཎ་ཡོད་དེ། རྒྱ་གར་གྱི་མཁན་པོ་ཏི་ལ་ཀ་ཀ་ལ་ཤ་དང་། བོད་ཀྱི་ལོ་ཙཱ་བ། པ་ཚབ་ཉི་མ་གྲགས་ཀྱིས་ཁ་…

ཚོགས་གསུང་གི་འགྱུར་ཁུག་གདངས་སྙན་གྲགས་སྟོང་སྒྲ་ནི་རིས་བྲལ་གདུལ་བྱའི་ཐོས་འཛིན་དཔྱིད། །འགྱུར་མེད་ཐུགས་ཀྱི་ཐམས་ཅད་མཁྱེན་པའི་ཡེ་ཤེས་མཆོག་ནི་ལུས་ཅན་ཀུན་ལ་བརྩེ་བ་ཅན། །གསང་བ་གསུམ་གྱི་ཕན་བདེ་སྩོལ་བའི་བྱེད་པོ་དེ་ནི་སྟོན་པ་བླ་མེད་ཤཱཀྱའི་གཙོ། །གང་གི་གསུང་རབ་རབ་འབྱམས་ཤེས་བྱའི་དོན། །ཇི་བཞིན་འགྲེལ་མཁས་མཁས་མཆོག་ཀླུ…

ཤེས་ལྷག་པར་སྐྱེས། །ཆོས་བརྒྱད་བྱ་བའི་ཆང་གིས་ཆེར་མྱོས་པས། །ངན་འགྲོའི་གཡང་ལ་གོམ་པ་འཕྱན་བྱེད་ཀྱང་། །ཚུལ་བསྟན་སྙན་པའི་གཏམ་གྱིས་མདུན་བསུས་པའི། །དམ་པའི་སྤྲུལ་པར་ཁས་འཆེ་གད་མོའི་ཡུལ། །ཀླ་ཀློའི་སྐྱེ་བོ་འབྱོར་པའི་ནོར་ལ་སྤྱོད། །མཐོན་པོའི་ཁྲི་ལ་ཐ་ག་པ་ཀུན་འདུག །འཁོར་གཡོག་འདུ་འགོད་འདབ་ཆགས་བྱས་ཀྱང་བྱེད། །དོན་མེད་མཚ…

ཆོས་ལོག་མཁན་པོའི་མནོང་ཡང་འཁུར་མ་དགོས། །སྦྱངས་པས་ཤེས་པ་མིན་ཞེས་ངན་པའི་གཏམ། །མཆོག་དམན་ཀུན་གྱིས་གླེང་བ་བདག་མིན་པས། །ཅུང་ཟད་བསླབས་པའི་འབྲས་རྟགས་ཡང་དག་ཏུ། །སྙིང་པོར་བསྒྲིལ་བའི་གླེགས་བམ་འདི་ན་བསྐྲུན། །དགེ་དེས་ཐམས་ཅད་མཁྱེན་པ་ཙོང་ཁ་པའི། །དྲི་མེད་སྙིང་པོའི་བསྟན་པ་དཔག་བསམ་ལྗོན། །སྐལ་བཟང་འཆི་བ་མེད་པའི་དགའ་སྟོན…

ལས་སྐྱེས་པའི་ཐེག་ཆེན་སྨྲ་བའི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། ཐམས་ཅད་འདུལ་ཞེས་པ་མེ་མོ་ཕག་གི་ལོ། ཆུ་ཤེལ་གྱི་དབང་པོ་ས་གས་ཉ་བའི་དམར་ཕྱོགས་ཀྱི་དགའ་བ་གཉིས་པ། དབྱངས་ཨཱ་འཆར་བའི་ཏཏྐཱ་ལ་སེང་གེའི་དུས་སྦྱོར་ལ་བབ་པའི་ཚེ་དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོར་སྦྱར་བའི་ཡི་གེ་པ་ན…

ཤོག་སྟོང་

ལམ་གྱི་གཙོ་བོ་རྣམ་གསུམ་གྱི་མཆན་འགྲེལ་བཞུགས་སོ། །

ནམོཝཱགཱིཤྭརེཎསྭརསྭསྟྱཻ།ཟུར་ཕུད་ལྔ་པའི་ཐུགས་རྗེའི་གྲུ་ཆར་གྱིས། །བློ་གྲོས་བཟང་པོའི་ལོ་འདབ་གཡུར་ཟ་བ། །གྲགས་པའི་དབྱར་རྔ་ཕྱོགས་བྲལ་མདོངས་ལྡན་གྱི། །སྒྲ་འཛིན་པདྨའི་མིག་ཏུ་སྒྲོག་མཁས་རྒྱལ། །ཞེས་མཆོད་པར་བརྗོད་ནས་ཚིག་དོན་མཆན་བུས་བཀྲལ་བ་ལ། རྗེ་བཙུན་བླ་མ་རྣམས་ལ་ཕྱག་འཚལ་ལོ། །རྒྱལ་བའི་གསུང་རབ་ཀུན་གྱི་སྙིང་པོའི་དོན…

ཉོན། ཅིག་པར་བསྐུལ་བའི། །རྣམ་དག་སྟེ་བཅོས་མ་མིན་པའི་ངེས་འབྱུང་གི་བསམ་པ་ཤུགས་དྲག་པོ། མེད་པར་སྲིད་མཚོ་ཡི། བདེ་འབྲས་ཏེ་འཁོར་བའི་བདེ་སྐྱིད་རྣམས་ཐོབ་པར་འདོད་ཅིང་། དོན་གཉེར་བའི་བསམ་པ་ཞི་བའི་སྟེ་ལྡོག་པ། ཐབས་མེད་པ། སྲིད་པའི་བདེ་བ། ལ་བསྐམ་པ་སྟེ་སྲེད་པ། ཡིས་ཀྱང་རིགས་གི །ཅན་རྣམས། འཁོར་བའི་གནས་འདིར་ཉིང་མཚམས་སྦྱོར…

སྨོན་སྐད་ཅིག་ཙམ་ཡང་མི་སྐྱེ་ཞིང་། དེ་ལ་བརྟེན་ནས། ཉིན་མཚན་ཀུན་ཏུ་ཐར་པ་དོན་དུ་བའི་གཉེར་བློ། །རྣལ་མ་བྱུང་བ་ན་དེ་ཚེ་ངེས་འབྱུང་གི་བསམ་པ་རྣམ་དག །སྐྱེས་པའི་ཚད། ལགས་སོ། །སྔར་སྐྱེས་པའི། ངེས་འབྱུང་གི་བསམ་པ། དེ་ཡང་གཞན་དོན་དུ་རྫོགས་བྱང་ཐོབ་འདོད་ཀྱི། རྣམ་དག་སེམས་བསྐྱེད་ཀྱིས། ཟིན་པར་མ་ཟད་ཚུལ་དེ་ལ་སྙིང་ཐག་པ་ནས་ཞེན་…

ལུགས་ཕྱིན་ཅི་མ་ལོག་པར་ངེས་པའི་བདག་མེད། རྟོགས་པའི་ཤེས་རབ་འང་མི་ལྡན་ན། སྔར་བཤད་པའི། ངེས་འབྱུང་གི་བསམ་པ་དང་། བྱང་ཆུབ་ཀྱི། སེམས་ལ་ཇི་ཙམ། གོམས་པར་བྱས་ཀྱང་། འཁོར་བ་ལས་མི་གྲོལ་ཏེ། དེ་གཉིས་ཙམ་གྱིས། སྲིད་པའི་རྩ་བ་བདག་འཛིན་གྱི་ཞེན་ཡུལ་སུན་དབྱུང་ཞིང་། གཅད་པར་མ་ནུས་པས། རྒྱུ་མཚན། དེའི་ཕྱིར་ན་སྟོང་ཉིད། རྟེན་འབྲེལ…

གང་ཟག་དེས། ནམ་ཞིག་སྔར་བཤད་པའི་གོ་བ་དེ་གཉིས། རེས་འཇོག་པ་མེད་པར་ཅིག་ཅར་དུ། །གཅིག་ལ་ངེས་པ་འདྲོངས་པས་ཅིག་ཤོས་ལ་ཡང་འབད་མེད་དུ་ངེས་པ་རྙེད་པ་ཞིག་དགོས་པས། རྟེན་འབྲེལ་གྱི་ཚུལ། མི་བསླུ་བར་མཐོང་བ་ཙམ་ཉིད་ལ་བརྟེན། ནས། །དེ་ལྟ་བུའི་ངེས་ཤེས་ལྷང་གིས་སྐྱེས་པ་དེའི་ཚེ་ཡུལ་རང་བཞིན་གྱིས་གྲུབ་པར་འཛིན་པའི་བདེན་འཛིན་གྱི། བླ…