ལྷ་ཡིན་ཞེས་གསུངས་ནས་དེར་འཁོད་པ་ཀུན་ལ་བྱིན་རླབས་རེ་གནང་། རྗེ་གོང་མའི་ཧོར་ཤེལ་གྱི་ཕྱག་འཕྲེང་ཞིག་དྲུང་ནས་ཀྱི་ཕྱག་ན་ཡོད་པ་དེ་ལ་གཟིགས་ནས། འདི་ངའི་འཕྲེང་བ་ཡིན་འཕྲེང་ཐག་དེ་བརྗེ་དགོས་པ་ཡོད་གསུངས། ཕུལ་བར་མགུལ་དུ་བཞེས། ངའི་ཆོས་གོས། སྣམ་སྦྱར། པཎ་ཞྭ་རྣམས་གང་ན་ཡོད་གསུང་བ་སོགས་འཁྲུལ་པ་མེད་པའི་ཡིད་ཆེས་པ་བྱུང་། དཔོ…

བའི་ངག་མ་གཅག །གང་གི་ཐད་དུའང་སེམས་ཀྱི་ཁྲེལ་བ་མེད། །ཅེས་བཀའ་སྩལ་བ་ལྟར་གྱི་འཕྲིན་ལས་ཀྱི་བྱེད་པོར་བྱིན་གྱིས་བརླབས་པའི་རྗེ་ཉིད་ཀྱི་སྤྲུལ་པར་ངེས་སོ། །དེ་ནས་ཕྱོགས་ཐམས་ཅད་དུ་ཁང་གསར་གྱི་སྡེ་པའི་སྲས་པོ་དེ། རྗེ་ཐམས་ཅད་མཁྱེན་པའི་སྐུའི་སྐྱེ་བ་ཡིན་པར་ཐེ་ཚོམ་མི་འདུག་གོ་ཞེས་སྙན་གྲགས་ཀྱིས་ཁྱབ་པར་བརྟེན། སྔོན་གྱི་བླ་མ…

འདུས་ཆེ་ཞེས་ཀུན་ངོ་མཚར་དུ་འཛིན། རྗེ་གོང་མའི་དུས་ཀྱི་ཡི་དམ་ཆོས་སྐྱོང་གི་གཏོར་ཆོག་བསྐང་བཤགས་སོགས་འབད་མེད་དུ་མཁྱེན་ཅིང་། ཐུགས་དམ་བསྐང་གསོ་ལ་གཙོ་བོར་མཛད་ཅིང་སྐུ་རིམ་པ་རྣམས་ཀྱི་གྲལ་དབུ་ལ་ཕལ་ཆེར་བཞུགས་པས། མཐའ་དག་ཀྱང་མ་ཡེངས་པར་ཐུགས་དམ་ཤུགས་དྲག་ཏུ་བྱེད་དགོས་པ་ཞིག་ཡོད་འདུག་ཅིང་། ཡར་ངོའི་ཚེས་གསུམ་ཞིག་གི་ཉིན། …

བ་ན། ཕྱག་གཉིས་སྙན་གྱི་ཐད་ཀར་གདེངས་པ་བོང་བུའི་རྣ་བ་ལྟར་མཛད། ལྗགས་རྐན་སྒྲ་ཏོག་པ་དང་བཅས་པས་ཨོཾ་ཝཱཀྱེ་དི་ན་མཿ གསུང་བས། སྔགས་སྔ་མ་དེ་འཇམ་དཔལ་གྱི་སྔགས་ཡིན་འདུག་པ་འཇམ་དཔལ་རྩ་རྒྱུད་ལས་གསུངས་པ་དེ་དྲན་ནས་ལུང་ཞུས་སོ། །སྐབས་འགར་སྐུ་དྲང་པོར་བསྲངས་ཕྱག་མཉམ་བཞག་མཛད་དེ་རྒྱལ་བ་ཚེ་དཔག་མེད་ཡིན་གསུང་བ་དང་། ཡང་ཕྱག་གཡས་སྡ…

སིང་ཙ་ན་ངས་ལག་པ་བརྒྱབ་ལ་བཏང་ནས་ཁྱོད་ལ་གཏད་པ་དེ་གར་སོང་གསུངས་པས་དྲན་ཏེ་བཙལ་ནས་ཕུལ་པས། ལེགས་བྱུང་ང་ལ་བརྗེད་པ་ཡོང་མ་མྱོང་གསུངས་ཏེ། དེ་ཡང་། བསྙེལ་བ་མི་མངའ་བའི་དྲན་པ་ཡང་དག་གི་ཡེ་ཤེས་ནི། བྱང་ཆུབ་ཀྱི་ཡན་ལག་རྣམས་མཐར་ཕྱིན་པའི་སངས་རྒྱས་ཉག་གཅིག་གིས་ཁྱད་པར་དུ་འཕགས་ཆོས་ཡིན་པར་མདོ་རྒྱུད་དུ་མ་ལས་གསུངས་པའི་ཕྱིར་ཏེ།…

གསོའི་ཚེ་གཞན་རྣམས་དང་མི་བསྟུན་པར་ཕྱག་སིལ་དང་ཕྱག་རྔ་དྲག་ཏུ་བརྡུངས་ཤིང་། ཆོ་ག་ཐུན་མོང་མ་ཡིན་པ་མང་པོ་ཞིག་སཾ་སྐྲྀ་ཏའི་སྐད་དུ་གསུངས། དེའི་མཐར་བོད་སྐད་དུ། སྲིད་གསུམ་བདག་མོ་ནམ་གྲུ་མ། ཁྱོད་ཀྱིས་འཕྲིན་ལས་དུས་ལ་བབ། །བསྟན་སྲུང་རྒྱ་མཚོ་ཁྱེད་རྣམས་ཀྱིས། །བདག་གིས་ལས་བཅོལ་འགྲུབ་པར་མཛོད། །འདིར་ནི་ཆོས་སྐྱོང་ཕྱག་བཞི་ད…

འདྲ་ཞུས་པས། ལོས་ཤེས་འདི་ངའི་སྐུ་ཡིན་མོད་གསུངས་པ་ལ། ཡབ་ཀྱིས་ཁྱེད་ལ་ཕྱག་དྲུག་བྱས་པའི་སྐུ་ཞེད་པོ་འདི་འདྲ་ཡོད་དམ་ཞུས་པས་ཡོད་ངེད་ལ་སྐབས་འགར་ལག་པ་སྟོང་ཡང་ཡོད་གསུངས་པར། འོ་ན་མཚན་ལ་ཇི་སྐད་ཟེར་ཞུས་པར། ཤཱི་མ་ཧཱ་ཀཱ་ལ་ཡང་ཟེར། རེས་འགའ་བླ་མ་དགེ་འདུན་རྒྱ་མཚོ་ཡང་ཟེར་གྱི་འདུག །གཞན་མིང་མང་གསུང་། དེ་ནས་ཟིལ་གནོན་ཞེས་པ་…

རྩེ་མོ་རྣམས་མགུལ་གོང་དུ་བཅུག་པས། དབུའི་གྲིབ་མ་དབུ་ཟླུམ་གྱི་རྣམ་པ་ལྟ་བུ་ཞིག་བྱུང་ལ་མཉེས་ཏེ། ཨ་ལི་བླ་མ་དགེ་འདུན་རྒྱ་མཚོའི་དབུ་ལོ་ཞུས་འདུག་གསུངས། དཔལ་ལྡན་ལྷ་མོ་ཆིབས་པ་དང་བཅས་ཏེ་བྱོན་བྱུང་འབྲས་སྤུངས་པ་རྣམས་དེ་རིང་འོང་བ་ཡོད་གསུང་བ་ལྟར་ཆོས་གྲྭ་ཆེན་པོའི་སློབ་དཔོན་རྣམས་བྱོན་པའི་བཞུགས་གྲལ་དང་པོ་གྲོལ་གཉིས་པ་མ…

དེ་ནི་ཚུར་ཐོང་དང་གསུང་མཉེས་མཉེས་མཛད། ལ་ལ་དག་གི་ཞུ་ཡིག་ལ་གཟིགས་ནས། ཁོང་ང་ལ་དད་པ་ནི་མེད་ཅེས་གསུང་བ་ཡང་ཡོད་འདུག །སྡེ་པ་དཔོན་གཡོག་རྣམས་རྗེ་བཙུན་ས་སྐྱ་པ་ཡབ་སྲས་རྣམས་མ་གཏོགས་གཞན་མ་གང་ལ་ཡང་ངག་མི་སྟེར་བ་ཞིག་ཡོད་པར་དགོས་པའི་དབང་གིས་རྒྱལ་བ་བཙོང་ཁ་པའི་སྐུ་ཆེ་བའི་ཡོན་ཏན་མང་དུ་གསུངས་ཤིང་། དཔོན་གཡོག་ཐམས་ཅད་དམིགས་…

མོང་གདུལ་བྱའི་སྣང་ངོར་ཅིར་ཡང་སྟོན། །ཕྲ་ཞིང་བླང་དོར་འབྱེད་པའི་རྣམ་དཔྱོད་ཀྱིས། །སྒོམ་ཆེན་རྒན་པོའི་ཡོངས་འཛིན་རྒྱང་དུ་བསྲིངས། གསན་བསམ་མཛད་པར་འོས་ཀུན་ལྕགས་ཕྱེ་དང་། ཁབ་ལེན་རྡོ་བའི་སྣང་ཚུལ་ཇི་བཞིན་གྲུབ། །སྙན་གྲགས་མི་དབང་རྣ་ལུང་རྒྱན་གྱུར་པས། །ཕུན་ཚོགས་རྟེན་འབྲེལ་སྒོ་འཕར་བརྒྱ་ཕྲག་ཕྱེ། སྔོན་གནས་རྗེས་སུ་དྲན་པའ…

འདབས་སུ་ཕེབས་པ་ན། དགེ་འདུན་གྲངས་མེད་པ་ཆོས་གོས་སྣམ་སྦྱར་གསོལ། ངུར་སྨྲིག་གི་རྟགས་ཀྱིས་མཛེས་པར་ཀླུབས་ཤིང་སྤོས་ཕོར་ཐོགས་པས་སྣ་དྲངས། གདུགས་རྒྱལ་མཚན། བ་དན། རྔ་ཡབ། སིལ་སྙན། རྔ། འཁར་རྔ། དུང་དཀར། ཟངས་དུང་། རག་དུང་། རྒྱ་གླིང་སོགས་ཀྱི་རོལ་མོ་དང་། གཞན་ཡང་མཆོད་རྫས་སྣ་ཚོགས་པ་ཐོགས་པའི་སེར་སྦྲེངས་ཀྱི་བཀོད་པས་མཛེས་ཤ…

པ་ཉིད་བཞུགས། གཡས་གྲལ་ལ་སློབ་དཔོན་རྣམ་པ་སོགས་དགེ་འདུན་པའི་རིགས་དང་། གཡོན་གྲལ་ལ་སྡེ་པ་ཡུམ་སྲས་སོགས་སྦྱིན་བདག་གི་ཚོགས་དང་། ཡར་ཁྱུའི་གྲལ་ལ་ཕྱོགས་ཀྱི་མི་སྣ་སོགས་གང་འོས་བསྒྲིགས། སློབ་དཔོན་རྣམས་ཀྱིས་རིག་ལུང་མཛད་པས། རྗེ་འདིས་ཐལ་སྐད་མཛད་ནས། ཤེས་བྱ་འདི་ལ་ང་མཁས་ཞེས་གསུངས། བཞུགས་གྲལ་གྲོལ་འཕྲལ་དུ་ངའི་དྲིལ་བུ་ཤིང…

ལ་དད་པ་ཨེ་སོང་ཞུས་པས། དེ་འདྲ་མ་ཟེར་ངེད་ཀྱི་བླ་མ་ཡིན་པས། ཆོས་ཀྱི་རྗེ་བསོད་ནམས་གྲགས་པའི་ཞལ་སྔ་ནས་ཟེར་བ་གྱིས་གསུངས་སྔར་གོང་མའི་སློབ་མ་ཡིན་པའི་ཆ་ནས། ཞེས་སོགས་ཆེར་མི་གནང་ཡང་། དགེ་བསྙེན་གྱི་སྡོམ་པ་བཞེས་པ་ཚུན་ནས། ཞེས་དང་གུས་པ་ཕུན་སུམ་ཚོགས་པ་མཛད། དེའི་ཉིན་ཧྲིལ་པོར་འཇའ་འོད་ཀྱི་གུར་དང་དྲི་བཟང་གིས་ཀུན་ཏུ་ཁྱབ་ཅ…

ཙམ་འདུག་ཀྱང་། རང་རེའི་འཕྱར་དར་འདི་ལ་ཤོང་སོང་བས་འདི་དཔལ་ལྡན་ལྷ་མོ་དངོས་ཡིན་གསུངས། དེ་ནས་ཆོས་སྲུང་གཞན་རྣམས་ཀྱི་འཕྱར་དར་ལའང་རབ་གནས་གནང་བས་ཡེ་ཤེས་པ་རྣམས་ཐིམ་པ་དངོས་སུ་གཟིགས། ཡབ་ཡུམ་རྣམས་རང་གི་གཞིས་སུ་འབྱོན་ཁར། བཀའ་བསྒོ་ཞུས་པས། ས་སྐྱ་པའི་ཆོས་སྐྱོང་འདི་འོས་གསུང་མགོན་པོ་ཞལ་གྱི་བཀའ་བསྒོ་གནང་། ཆོས་སྐྱོང་ཁྱེད…

རེ་རེ་གཏོར་ཏེ་བླ་མ་ཡི་དམ་མཁའ་འགྲོ་ཆོས་སྐྱོང་ལ་འབུལ་ལོ་གསུངས། ཡོན་ཆབ་རྣམས་ཕན་ཚུན་དུ་གཏོར་བ་དང་ལྡུགས་པ་སོགས། གཟིམས་ཆུང་གི་ཕྱི་ནང་ཀུན་ཆལ་ཆིལ་དུ་མཛད་པས། དྲུང་ནས་ཀྱིས། རང་བཞིན་གྱི་རོལ་རྩེད་ཡིན་པར་མངོན་ནས་སྐུ་རྫི་རྣམས་ལ་ཡང་བཀའ་བཀྱོན་མཛད། ཞབས་དྲུང་ལ་ཡང་ཁྱེད་འགྲོ་བ་མཐའ་དག་གི་སྐྱབས་གནས་ཡིན་པ་ལ། འདི་ལྟར་བྱིས་…

ཐིགས་པའི་ཚུལ་གྱིས་ཆིབས་བཅགས་མཛད། ད་གསུང་རབ་པ་བབས་གསུངས་ནས་ཞབས་དྲུང་ཉིད་ཀྱིས་ཆིབས་ཁ་ཕར་བསྒྱུར་ཚུར་བསྒྱུར་ཁ་ཡར་མཛད། དེ་ནས་ཆར་བབ་པ་དང་ཆིབས་ལས་གཞོལ་ལོ། །དེའི་སྔོན་ཙམ་དུ་ནམ་མཁའ་ཤིན་ཏུ་གཡའ་དག་པར་ཡོད་པ་ལ། དེ་འཕྲལ་དུ་ཆུ་འཛིན་གྱི་ཚོགས་སྟུག་པོ་འཁྲིགས་ཏེ། དབྱར་རྔ་དལ་གྱིས་དགོད་པ་དང་བཅས། ཆར་གྱི་རྒྱུན་ཕྱོགས་ཀུན་ཏ…

ང་ཨ་མ་ཡིན་དོགས་མེད་ཡུམ་ཁང་གསར་གོང་ན་བཞུགས་པ་ལ་ཞུས་པས། དེ་ཡང་ཨ་མ་ཡིན་ཏེ། འཁོར་བར་འཁོར་ཙ་ན་ཁྱོད་ཀྱང་ངའི་ཨ་མ་ཡིན། ང་ཡང་ཁྱོད་ཀྱི་ཨ་མ་ཡིན། ང་ཨ་བར་དུ་སོང་ཙ་ན་ཁྱོད་རྒས་འདུག །དེ་ཡང་ཁྱོད་གཞོན་ནུར་གྱུར་པ་ན་ང་རྒས་ཡོང་སྟེ། ཁྱོད་ལ་བྱམས་པོ་བྱེད་དོ་གསུངས་པས། ཞུ་ལན་དུ། བཀའ་དྲིན་བསྐྱངས་ཚེ་ཕྱི་མར་ཡང་ཞབས་ཕྱིར་འོང་བ་མཛ…

སློབ་ཀྱིས་གཙོས་པའི་ཚལ་གུང་གི་སྐྱ་སེར་རྣམས་ཀྱིས་བསུ་བ་དང་བསྙེན་བཀུར། ཁྱད་པར་ནང་སོ་དགའ་ལྡན་པ་དཔོན་གཡོག་གིས་བཀུར་སྟི་ཕུན་སུམ་ཚོགས་པ་བསྒྲུབས། མཆོད་ཁང་རྣམས་ཞིབ་མཇལ་དང་། མགོན་པོ་བྱ་རོག་གི་མཚན་ཅན་ལ་གཉེར་གཏད་གནང་། དེར་འཁོད་པའི་ཁྲོམ་མཐའ་ཡས་པ་ལ་བླ་མའི་རྣལ་འབྱོར་གྱིས་ཚིམ་པར་མཛད་དེ། རིམ་གྱིས་གསར་ལ་བརྒྱུད། བར་ནང…

པའི་མཆེད་གཉེར་དུ་བྱས་འདྲ་བའི་རྟེན་འབྲེལ་མ་བསྒྲིགས་པར་ལྷུན་གྱིས་གྲུབ་བོ། དབུ་རྩེ་རིགས་གསུམ། གླིང་བཞི་གླིང་ཕྲན། ཇོ་མོ་གླིང་གསུམ་དང་བཅས་པ་ཞིབ་ཏུ་མཇལ་ཞིང་སྨོན་ལམ་དང་། བསྟན་སྲུང་སྤྲུལ་པའི་རྒྱལ་པོ་ལ་འཕྲིན་ལས་བཅོལ་བ་གནང་། དབུ་རྩེ་རིགས་གསུམ་ལ་ཞིབ་ཏུ་གཟིགས་ཏེ། འདི་དག་ལ་དཀའ་ལས་ཆེན་པོ་བྱས། བོད་ལ་ང་དང་། ཨྱོན་པད…

ཀྱིས་བསུ་བའི་བཀོད་པ་ངོ་མཚར་བ་བྱས། མཆོད་ཁང་རྣམས་ཞིབ་པར་མཇལ། བྱམས་མགོན་གྱི་དྲུང་དུ་ཕྱག་མཆོད་སྨོན་ལམ་གནང་ཞིང་སྤྱན་ཆབ་གསིལ་བས། དེར་འཁོད་པ་ཐམས་ཅད་དད་པ་དང་། སྐྱོ་བ་དང་སྤྲོ་བ་རྣམས་ཅིག་ཅར་དུ་བྱུང་། གསོལ་བ་བཏབ་པ་ལ་མ་ལྟོས་པར་གསོལ་འདེབས་རྒྱལ་མདུན་མ་དང་། རབ་འབྱམས་རྒྱལ་བ་མ་གཉིས་ཀྱི་ལུང་གནང་། མགོན་ཁང་དུ་གཏོར་གསོས…