ཅེན་དྲ་བའི་གདོང་གཡོགས་ཅན། །སྙན་འགྱུར་ཚིག་གི་སྤུ་སྡུག་བཀྲ་བཞིན་དུ། །ནུབ་ཕྱོགས་ཆུ་ལྷའི་ངོས་ཀྱང་ཕང་བར་སོང་། །སྒར་ཆེན་བྱང་ཕྱོགས་འབྲི་ཆུའི་འགྲམ་དུ་འབྱོར་ཐོག་མདོ་སྟོད་ཀྱི་བླ་དཔོན་སོགས་མཆོག་དམན་མང་པོ་དང་ལྷན་ཅིག་བར་ཁམས་རི་བོ་ཆེ་ནས་སྟག་ལུང་ཞབས་དྲུང་ངག་དབང་བཀྲ་ཤིས་དཔལ་གྲུབ་ཀྱི་ཕྱག་མཛོད་པ་ངག་དབང་བཟང་སྦྱིན་བྱུང…

རྒྱལ་ཀུན་ཟད་མི་ཤེས་པའི་འཕྲིན་ལས་གཟུགས། །གང་གི་རྨད་བྱུང་མཛད་པའི་ཨཱ་དརྴར། །འགོག་མེད་ཤར་བའི་སྙན་འགྱུར་དབྱངས་ཀྱི་སྒྲ །རྣ་བའི་བཅུད་ལེན་གྱུར་ནས་མཆིད་འདི་གསོལ། །རིང་མིན་རྣམ་པར་དགེ་བའི་དུས་ཀྱི་ཆར། །གསང་གསུམ་མི་ཟད་རྒྱན་གྱི་འཁོར་ལོའི་གར། །གྲངས་མེད་གདུལ་བྱའི་ཁམས་དང་བསམ་པའི་ངོར། །འཚོ་ཞིང་གཞེས་པའི་སྐལ་བཟང་དེ་རྨད…

སྒོམ་ལམ་ཡོལ་བ་ཡི། །བདག་འདྲས་ཡར་ལྟའི་ཚུལ་དུ་མིག་ལྟ་བ། །ཕ་བང་མཁའ་ལྡིང་དབང་པོར་འགྲན་པར་བཞིན། །ཞི་བདེར་གནས་པའི་གདེང་ཙམ་མི་ལྡན་པར། །རྒྱ་ཆེན་གཞན་ཕན་བསྒྲུབ་ཅེས་སྟོང་འུར་གྱིས། །རང་གཞན་གཉིས་ཀ་སླུ་བའི་ཆུ་དོང་ལ། །སྙན་གྲགས་ཕུབ་མས་གཡོགས་འདི་སྐལ་བ་ཕྲ། །བཟོད་དཀའ་ངན་སོང་སྡུག་བསྔལ་མེ་འོབས་དོང་། །སྲིད་འབྱོར་གློག་གི་བ…

ཨཽ ད ཡྻ སུ ཤུ བྷ ཙ ཤཱ ནྟ བྷཱ བ དྷ ཏོ ས རྦེ བྷི བྷོ ཝ བ རི ན མྱ ཙ སྠ ཙཱ ཨཱ མཱ རཱ ད ཛི དཱ ཤ བ ལ ཙཱ བ རཱ ཀྲ མཱ ཙཱ བྲཱ ཛི སུཾ ཤུ བྷ ཙ ཙཱ རྐ བ ནྡྷུ ཡཙྪ། སྲིད་(སྡེབ་སྦྱོར་རབ་དགའ་ཅན།)ཞིའི་ཁམས་ན་དར་བའི་དགེ་ལེགས་ཀྱི། །དངོས་པོ་ཀུན་གྱིས་ཡོངས་སུ་བཏུང་བྱའི་གནས། །སྟོབས་བཅུའི་རྩལ་གྱིས་བདུད་ལས་རྒྱལ་བའི་མགོན། །རྒྱལ་…

མཆིས། །ངེས་དོན་གྲུབ་པའི་སྟི་གནས་སྨན་ལྗོངས་དེར། །ལེགས་སྦྱར་སྐད་ཀྱི་འགྱུར་ཁུགས་སྙན་སྒྲོག་པ། །སྒྲ་སྒྱུར་འཇིག་རྟེན་མིག་གཅིག་ཀོ་ཀི་ལ། ཁྱོད་མིན་གཉིས་པ་གཞན་ཞིག་གང་དུ་མཆིས། །རྒྱ་ཆེན་གསུང་རབ་ཀུན་གྱི་ཞུས་ཆེན་ལ། །ཟླ་མེད་ཆོས་སྐྱོང་བཟང་པོར་གྲགས་དེ་རྫུན། །བདེན་ན་བརྡ་སྤྲོད་གཙུག་ལག་མཐའ་ཀླས་པར། །སྨྲ་བའི་དཔྱོད་ལྡན་ཁྱ…

རབ་བྱུང་བཅུ་གཅིག་པའི་ཆུ་སྦྲུལ་ལོར་བྲིས་པའི་ཆབ་ཤོག་འཕྲིན་ཡིག་ཁག །ཆུ་སྦྲུལ་གྱི་ལོ་ཕོ་བྲང་ཆེན་པོ་ནས་བཏེག་སྐབས་གོང་ནས་ཁེ་ཤིང་གི་ཆིང་དབང་ཏའི་གའི་གཟིམས་ཁང་གསར་པའི་བར་སྐྱེལ་མར་བཏང་བ་ཕྱིར་ལོག་པ་དང་མཉམ་དུ་བསོད་ནམས་དབང་རྒྱལ་བཏང་བའི་ཞུ་ཡིག་མེས་པོའི་ཁེངས་པ་འགུགས་པའི་དབྱར་རྔ། པུ ཎྱཱ སུ ཝ རྞྞ ཤུ དྡྷཱ ར ས ཧ སྲ ཛྭཱ…

དེང་དུས་ལེགས་བྱས་བྱེ་བའི་ཆུ་གཏེར་ལས། །མཛེས་སྡུག་གཟུགས་སྐུའི་སྣང་བརྙན་རི་བོང་འཛིན། །མི་མཐུན་ཆུ་འཛིན་རྙོག་མས་མ་གོས་པ། །ངོ་མཚར་རྣ་བའི་དགའ་སྟོན་འགྱེད་ལས་ཅི། །ཕོ་བྲང་ཁང་བཟང་མེས་པོའི་ཞལ་གྱི་སྒོ། །གྲངས་མེད་སྡེ་བཞིའི་ནོར་བུའི་འབྱུང་གནས་ཅན། །གསེར་མངལ་ཅན་གྱིས་ཁེངས་པའི་རྒྱུད་འགུགས་པའི། །བྱེད་པོར་གནམ་ནས་འོངས་པ་…

ཟུང་(སྡེབ་སྦྱོར་དཔྱིད་ཀྱི་ཐིག་ལེ།)འཇུག་སྐུ་བཞིའི་བདག་ཉིད་བདེ་བ་ཆེ། །མཚན་དཔེ་ལང་ཚོ་རྒྱས་པའི་གར་མཁན་ཅན། །ཐུབ་དབང་དེའི་གསུང་ཆོས་དང་སློབ་མར་བཅས། །སྐྱབས་མཆོག་བསླུ་བ་མེད་པས་ཁྱོད་ལ་སྲུངས། །སྐྱེ་བར་གོམས་པའི་ལེགས་བྱས་ས་བོན་མཆོག །རབ་སྨིན་དལ་བའི་རྟེན་བཟང་ཙན་དན་ལྗོན། །བླང་དང་དོར་བྱའི་དྲི་བསུང་སྤྲོ་བཞིན་དུ། །བདེ…

ཞི་ཁྲོ་རབ་འབྱམས་དཀྱིལ་འཁོར་འཁོར་ལོའི་མགོན། ཁམས་གསུམ་ཟིལ་གནོན་སྲིད་གསུམ་དབང་དུ་སྡུད། །ཡིད་བཞིན་ནོར་ལྟར་གྲུབ་ཀུན་ཀུན་སྩོལ་བའི། །སངས་རྒྱས་ཀུན་དངོས་པདྨ་འབྱུང་གནས་རྒྱས། །གང་དེའི་བཀའ་སྡོད་སྡེ་བརྒྱད་དྲེགས་པའི་གཙོ། །དཔལ་ལྡན་སྤྲུལ་པའི་ཆོས་རྒྱལ་ཆེན་པོ་ཡི། །རྡོ་རྗེའི་ཚིག་གི་རི་མོ་སྔ་ཕྱི་དང་། །ཉམས་མེད་སུག་པར་སོ…

ཨ མྲྀ ཏྱ བི དྱཱ དྷ ར ཨཱ ཛ ཡཱ ཧོ ས དྷཱ ཏྲི གུ ཧྱ སྱ ཙ བ ཛྲ ནི རྟི། །ཏྲི མཱུ ལ པ དྨཱ ཀ ར ཨཱ ས མཱ ཛཱ རྠ ཙཱ ནི རཱ བྷོ ག ཀྲྀ སི དྡྷི ཡ ཙྪ། །རྒྱལ་(སྡེབ་སྦྱོར་ཉེ་དབང་རྡོ་རྗེ)བ་ཀུན་གྱི་གསང་གསུམ་རྡོ་རྗེ་གར། །འཆི་མེད་རིག་འཛིན་གྲུབ་པའི་ངོ་མཚར་ཅན། །རྩ་གསུམ་ཀུན་འདུས་པདྨ་འབྱུང་གནས་ཀྱིས། །དངོས་གྲུབ་སྩོལ་ལ་དོན་རྣམས…

མཆོག་ཆོས་ཀྱིས་འགྲོ་ཀུན་སྨིན་གྲོལ་ལ། །ལེགས་བཀོད་སྙན་པའི་གཏམ་འདི་རྣ་བར་འཇེབས། །འདི་ན་ཟ་ཧོར་རིགས་ཀྱི་ལྡོམ་བུ་བ། །སྒྱུ་ལུས་དུས་ཀྱི་ཞགས་པས་མ་བཅིངས་ཤིང་། །ཤར་ཕྱོགས་རྒྱལ་པོའི་ཁབ་ལས་ཕྱིར་བཏེག་ནས། །དབུས་འགྱུར་གངས་ཅན་ཕྱོགས་དེར་འོང་སྐབས་ཡིན། །གནམ་གྱིས་བསྐོས་པའི་འཇམ་དབྱངས་གོང་མ་ཞེས། །ས་ལ་མངོན་སུམ་རྒྱུ་བའི་ཚངས་པ…

ཀྱིས་གང་། །དེ་ཕྱིར་དྲི་མ་མེད་པའི་ཐུབ་པའི་བསྟན། །ཚུལ་བཞིན་གནས་པ་ཁ་བའི་སྨན་ལྗོངས་ལས། །རྒྱལ་ཁམས་གཞན་དུ་མེད་པར་ངེས་རྙེད་ན། །ཕྱོགས་དེར་བགྲོད་པར་མི་རིངས་ཤེས་ལྡན་སུ། །འཁྱོག་འགྲོ་བློ་ཡི་ལྕེ་གཉིས་རྐྱོང་ནུས་པ། །རང་གཞན་ཕུང་འཚེངས་སྒྲུབ་པའི་རྣམ་ཐར་འགའི། །རྗེས་སུ་འཇུག་ན་སྲིན་བུའི་བྱིན་ཤ་གང་། །འདར་བྱེད་མཐའ་འཁོབ་ཡུ…

ལོའི་དབང་ཕྱུག་ཟུང་དུ་འཇུག །མཁས་གྲུབ་བསྟན་འཛིན་རྒྱུ་སྐར་ལྟ་བུར་འཁྲིགས། །ས་སྤྱོད་མཆོད་ཡོན་ཉི་ཟླ་ཟུང་གཅིག་སོགས། །བསྟན་ལ་རི་མོར་བགྱིད་པའི་སྦྱིན་པའི་བདག །ཆོས་རྒྱལ་མྱ་ངན་མེད་ཀྱི་དཔེ་ཟླ་ཡིས། །གསེར་ལྡན་མ་དེའི་ལྟོ་བ་དོག་པོར་བྱས། །དེ་ཕྱིར་ལྕག་གིས་ཡང་ཡང་ཉེར་བསྐུལ་བའི། །ཅང་ཤེས་རླུང་གི་ཤུགས་ལ་འགྲན་བཟོད་པར། །བརྟེ…

རྒྱལ་(སྡེབ་སྦྱོར་རྨ་བྱའི་འགྲོས།)ཀུན་གསང་བ་གསུམ་གྱི་དབྱིངས། །མཚན་བཟང་ལང་ཚོ་དར་བའི་དཔལ། །སྒྱུ་འཕྲུལ་དྲ་བའི་གར་མཁན་ཅན། །སྒྲུབ་རྒྱུད་ཤིང་རྟ་ཆེན་པོའི་དྲུང་། །དེང་དུས་དག་པ་དོན་དམ་མི་ཟད་པའི། །འཁོར་ལོའི་མཛོད་དུ་འབྱོར་པའི་དབང་ཕྱུག་ཀྱང་། །ཀུན་རྫོབ་སྒྱུ་མར་སྣང་བའི་གཟུགས་ཀྱི་སྐུ། །གཞོམ་མེད་རྡོ་རྗེའི་དཔལ་ལ་སྤྱོད…

གདོང་ལྔས་བཏེག་པའི་ཁྲི་སྟེང་དུ། །ནམ་ཡང་འགྱུར་བ་མེད་པར་བརྟན་པར་གསོལ། །རི་མོ་གསུམ་པའི་རྀ་ཥི་ཡི། །ངོ་མཚར་ལས་འོངས་ཕེབས་ཚོགས་ཀྱི། །ཡན་ལག་བརྒྱད་དང་ལྡན་པའི་ཀླུང་། །བདུད་རྩིའི་དཔྱིད་དུ་གྲུབ་པར་མཛོད། །རྗོད་བྱེད་མདོངས་མཐའ་ལ་བཞོན་ཀརྟི་ཀ །དོན་བཟང་སྭསྟིའི་སྒྲ་དབྱངས་སྒྲོག་པ་ཅན། །བདོག་པའི་གླེགས་བམ་སུག་པར་ཐོགས་བཞིན་…

དེང་དུས་སྐྱེ་རྒུའི་བསོད་ནམས་ཆུ་གཏེར་ལས། །ལེགས་འོངས་མཚན་དཔེའི་རི་དྭགས་སྣང་བརྙན་ཅན། །རྨད་བྱུང་གཟུགས་སྐུ་ཆུ་ཤེལ་དབང་པོ་དག །རྒྱལ་བསྟན་མཁའ་ལ་འགོག་མེད་འཆར་བའི་ངོས། །བཀའ་ཐམ་ལེགས་བཤད་ག་བུར་གཟེགས་མ་འབུམ། །ཉམས་འགྱུར་ཚིགས་སུ་བཅད་པའི་འོད་ཟེར་གྱིས། །བདག་ཡིད་ཨུཏྤལ་ཁོང་ནས་འཛུམ་པ་དང་། །སྐྱེས་བཟང་སྣང་བས་ཀུན་གསལ་ལྷན་…

རབ་བྱུང་བཅུ་གཅིག་པའི་ཤིང་རྟ་ལོར་བྲིས་པའི་ཆབ་ཤོག་འཕྲིན་ཡིག་ཁག །ཤིང་རྟ་བཙུན་མོ་ཚལ་ནས་ཚངས་པ་དུང་ཐོད་ཅན་གྱིས་སྐུ་རིམ་བསྐུལ་བའི་ལན་བྱིན་ཟ་ཉལ་འགྲོར་སྒྱུར་བའི་འཁྲུལ་འཁོར། སྲིད་དང་ཞི་བའི་དགེ་ལེགས་ཀུན་གྱི་གཏེར། །རིག་འཛིན་པདྨའི་བཀའ་སྲུང་དུང་ཐོད་ཅན། །གང་གི་རྡོ་རྗེའི་གསང་བའི་གསུང་གི་ཚིག །ལྷ་དང་རྟེན་དང་བཅས་པ་ཉམས…

ཀུན་བཟང་མཆོད་པའི་སྤྲིན་གྱིས་དགྱེས་པར་མཛོད། །འཆི་མེད་རོ་བརྒྱའི་བཅུད་ལྡན་བཏུང་བའི་མཆོག །ཚེ་རིང་དོན་དང་ལྡན་པ་རྒྱ་ཇའི་བཅུད། །སྣང་སྲིད་དྲེགས་པའི་གཙོ་བོར་ལེགས་འབུལ་ན། །འདོད་པའི་དོན་ཀུན་ལྷུན་གྱིས་གྲུབ་པར་མཛོད། །བསྟན་དང་བསྟན་འཛིན་འགྲོ་བའི་བདེ་སྐྱིད་སྤེལ། །མ་རུང་བསམ་སྦྱོར་འཆང་བའི་དགྲ་དཔུང་ཆོམས། །ནག་པོ་བདུད་ཀ…

ཕུན་ཚོགས་རོ་བརྒྱའི་དཔལ་ཀུན་འཛིན་པའི་ཇ། །འཆི་མེད་བདུད་རྩིའི་རྒྱ་མཚོར་རབ་འཁྱིལ་བ། །བསྟན་སྲུང་དབང་པོ་འཁོར་དང་བཅས་ལ་འབུལ། །ཕན་བདེའི་འབྱུང་གནས་སངས་རྒྱས་བསྟན་པ་རྒྱས། །འགྲོ་བ་རྣམས་ཀྱང་དགའ་སྐྱིད་ལོངས་སུ་སྤྱོད། །རིག་འཛིན་བདག་གིས་བཅོལ་བའི་འཕྲིན་ལས་ཀུན། །བསམ་པ་ཇི་བཞིན་ལྷུན་གྱིས་གྲུབ་པར་མཛོད། །ངོ་མཚར་ཀུན་ནས་དགའ…

ཕུན་(སྡེབ་སྦྱོར་དབང་པོ་རྡོ་རྗེ།)ཚོགས་རྣམ་པར་རྒྱལ་བའི་ཁྲི་ཆེན་པོར། །ལེགས་བྱས་པད་དཀར་མངལ་ལས་མཐོན་པའི་ལྷ། །འཇིག་རྟེན་བྱེད་པོ་ཚངས་པ་མི་གཟུགས་ཅན། །འཇམ་དབྱངས་གོང་མ་རྒྱལ་པོའི་ཞབས་དྲུང་དུ། །གངས་ཅན་ནོར་འཛིན་དཔལ་མོའི་ལྟོ་བ་ན། །ཀུན་མཁྱེན་རྒྱལ་བའི་དྲི་མེད་བསྟན་པ་ལ། །ཐོས་བསམ་སྒོམ་པར་མོས་བློའི་སྡོམ་བུ་པ། །སྡོམ་བར…