བགེགས་ཀུན། །ལྔ་པའི་ལམ་ནས་འོག་མིན་ཞིང་དུ་འདྲེན། །ཐུན་མོང་ཙམ་ལ་མི་རེ་ཚེ་གཅིག་ལ། །འོང་སྐུར་གྲོལ་བའི་དབང་རྣོན་སྔོན་མང་དིང་། །སྦྱངས་པའི་ལས་འཕྲོ་སད་པའི་བརྩོན་འགྲུས་ཅན། །མི་འབྱུང་ཞེས་བྱའི་མཐའ་དེ་སུ་ཡིས་བཀག །དུས་སྐལ་ཕྲ་ཡང་འཇམ་དཔལ་ཞི་དང་ཁྲོའི། །ཚོམ་བུར་ཆོས་ཉིད་བར་དོར་ཤར་གྲོལ་ཞིང་། །ཆེས་དམན་མི་ལུས་ཐོབ་ནས་ལམ་ག…

སོགས་འགའ་ཞིག་གིས་མི་སྲུན་སྒྱུ་དྲ་ལ་བརྟེན་སྐྱོ་མ་སྔ་བཙན་གྱིས་སྐྱོན་མཐའ་དག་སེལ་མ་བདེ་བར་ལུས་པ་འདི་ཉིད་ལྷག་པའི་ལྷར་སོང་གཤིས་དག་སྐྱོར་གལ་པོ་ཆེར་མཐོང་ནས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་རྣམས་ཀྱི་ཉམས་ལེན་དུ་མན་ངག་རྩ་བ། སེ་སྟོན་ཆེན་པོའི་ལས་བྱང་ལ་ཆོས་རྒྱལ་དབང་པོའི་སྡེས་ལྷན་ཐབས་སྦྱར་བའི་དགོངས་དོན་སོར་བ…

འཇམ་དཔལ་ཚེ་བདག་ནག་པོའི་བསྙེན་ཡིག་དངོས་གྲུབ་གཏེར་མཛོད་བཞུགས་སོ། །

འཁོར་འདས་ཕྱག་རྒྱ་ཟིལ་གྱིས་གནོན་པའི་རྩལ། །འཇམ་དཔལ་རྣམ་པར་ཁྲོས་པ་དུས་དགྲའི་གར། །སྒྱུར་མཛད་ཚེ་བདག་ནག་པོ་ལ་བཏུད་ནས། །དེ་ཉིད་བསྙེན་པའི་མན་ངག་འབྲི་བར་བྱ། །དེའང་འཇམ་དཔལ་ཚེ་བདག་ནག་པོའི་བསྙེན་པ་བྱ་བ་ལ། སྔོན་དུ་འགྲོ་བ་དངོས་གཞི་རྗེས་ཀྱི་རིམ་པ་དང་གསུམ། དང་པོ་ནི། པད་གནུབས་བརྒྱུད་པའི་བཀའ་སྲོལ་མ་ཉམས་པའི་དབང་གི་ཆུ་…

ན་རྡུལ་ཚོན་གྱི་དཀྱིལ་འཁོར། འབྲིང་རས་བྲིས་ཀྱི་དཀྱིལ་འཁོར། བསྡུ་ན་སྨན་རཀ་གཏོར་གསུམ་ཙམ་ལའང་བརྟེན་དུ་རུང་། སྒྲུབ་ཆེན་ནས་བཤད་པའི་སྔོན་འགྲོ་རྒྱས་པ་མི་མཛད་ཀྱང་། དཀར་གཏོར་དམར་གཏོར་བཤམས་ནས་གཞི་བགེགས་ལ་བཀའ་བསྒོ། མཐོ་བཞི་ལ་རྒྱལ་པོ་བཞིའི་སྐུ་དང་བཅས་ཏེ། བསྐྱེད་ཆོག་ནས་འཕྲིན་བཅོལ་གྱི་བར་སྤྱི་དང་མཐུན། སྲུང་འཁོར་བསྒ…

སོགས་མཐོང་བརྒྱུད་ཀྱི་ཕྱག་ལེན་ལྟར་བཤམ། སྒྲུབ་གཏོར་དང་མཆོད་གཏོར་སོ་སོར་མཛད་སྲོལ་རྙིང་མ་གལ་ཆེར་ལ་མི་འདུག་ནའང་། འདིར་བྱུང་བས་སོ་སོར་ཡོད་ན་དངོས་གྲུབ་ལེན་མ་རན་གྱི་བར་སྒྲུབ་གཏོར་ལྷར་བསྐྱེད་པ་ཁོ་ནས་ཆོག་མོད། དེའང་རྣམ་པ་ཐ་དད་ཡིན་པའི་དཀྱིལ་འཁོར་དང་མི་འདྲ་ལ། གཏོར་མ་གཅིག་ལས་མེད་ན་ཤེས་པ་རྣམ་པ་གསུམ་གྱི་དབྱེ་བས་འཕྲ…

ཚོགས་མཆོད་བམ་བསྐང་དང་ཚོགས་ནུབ་རེ་བཞིན་མི་གཏོང་ཕྱིན་ལྷག་མ་བསྟན་མ་སྐྱོང་བའི་བར་གཞུང་བཞིན་བཏང་། སླར་ཡང་དཀྱིལ་འཁོར་རྣམས་གསལ་འདེབས་སྐྱོར་བྱས་ནས་རང་གིས་རང་མཆོད་པའི་ཚུལ་གྱིས་མཆོད་བསྟོད་བསྡུས་པ་ཞིག་བྱ། དེ་ནས་རྟེན་བརྟེན་པ་ཐམས་ཅད་མི་དམིགས་པ་རྫོགས་ཆེན་ཀ་དག་གི་ངང་དུ་ཅུང་ཟད་མཉམ་པར་བཞག །སླར་ཡང་ཆུ་ལས་ཉ་འཕར་བའི་ཚུལ…

པ་ཡིན་པས། དེའང་སྔར་བཤད་པའི་ཨ་ཀྲོ་སྤྱི་བསྙེན་གྱི་དམིགས་པ་རྣམས་སྔགས་ཁ་སྤོ་བ་མ་གཏོགས་འདིར་ཡང་བླངས་ལ། དེ་ལ་བསྙེན་པ། སྒྲུབ་པ། སྒྲུབ་པ་ཆེན་པོ། ལས་སྦྱོར་དང་བཞི་ཡོད་པའི་བསྙེན་པའི་དམིགས་པའི་མཇུག་ཏུ། རྣམ་ངེས་རིན་ཅེན་སྒྲོན་མེ་ནས་གསུངས་པའི་སྐུ་གསུང་ཐུགས་སོ་སོའི་སྒོས་ཀྱི་དམིགས་པ་རྣམས་སྦྱོར། སྐུ་གསུང་ཐུགས་ཀྱི་བསྙ…

གྲུབ་བླང་བ། དཀྱིལ་འཁོར་བསྡུ་ཆོག །ཤིས་བརྗོད་ཀྱི་བར་རྒྱས་པར་བྱ། རྒྱལ་ཆེན་བཞི་ལ་གཏང་རག་འབུལ། ནང་མཚམས་འགྲོལ་ཉིན་དེར་དམ་ཚིག་གཙང་བའི་མཆེད་ལྕམ་འགའ་ཞིག་དང་འཕྲད། མིག་དགྲ་ཕྱོགས་སུ་ལྟ་སྟངས་བྱེད་པ་ནི་དེ་ཐུལ་བའི་དགོས་པ་དང་། ཉི་ཟླའི་ཕྱོགས་སུ་བལྟ་བ་ནི་ཚེ་ཉི་ཟླ་དང་མཉམ་པའི་རྟེན་འབྲེལ་ཡིན་ཞེས་གོང་མ་རྣམས་གསུང་ངོ་། །འཕ…

རྒྱ། །བར་དུ་རྒྱས་མཛད་ཤཱཀ་འབུམ་གཡུང་སྟོན་རྗེ། །ཐ་མར་གཤིན་རྗེ་མཁན་པོ་ནུབ་དགོན་པའི། །གདམས་པའི་གཏེར་འཛིན་དབང་པོའི་སྡེའི་གསུང་རྒྱུན། ཁྱབ་བདག་པདྨ་དབང་གི་ཞལ་ལུང་ལས། །ཟབ་དོན་རོ་བརྒྱའི་དཔལ་གྱིས་དངར་བའི་བཅུད། །སྙིང་གི་ཟ་མ་ཏོག་ཏུ་ལེགས་བཀོད་པས། །ཅུང་ཟད་སྨྲ་བའི་མགྲིན་པ་གཟེངས་སུ་མཐོ། །གོང་ཆོག་ལག་ལེན་ཕྲ་མོའི་མགྲོན…

འཇམ་དཔལ་ཚེ་བདག་ཕྱག་རྒྱ་ཟིལ་གནོན་གྱི་ལས་བྱང་གནམ་ལྕགས་འཁོར་ལོ་ཞེས་བྱ་བ་བཞུགས་སོ།།

ན་མ་ཤྲཱི་ཡ་མ་རཱ་ཛཱ་ཡུརྦ་ཏ་ཡེ། བདེ་ཆེན་འགྱུར་མེད་ཆོས་དབྱིངས་ཀུན་གསལ་མཛེས་མར་གྲངས་མེད་གཟུགས་སྐུའི་མི་ལྟུང་ཕྱང་ཕྲུལ་ལེགས་པར་འགོད་མཁས་བྱེད་པོ་ཀུན་ཏུ་བཟང་། །སྲིད་གསུམ་བདུད་སྡེའི་ཤ་མཆོག་སྦྱིན་བྱུང་ཕོན་པོ་ཕྱེ་མར་འཐག་མཛད་ལོངས་སྐུ་གཙུག་ན་ཟླ་བའི་ཉག་ཕྲན་འཇམ་དཔལ་གཤིན་རྗེའི་གཤེད། །རྒྱལ་ཀུན་གསང་གསུམ་ཡོན་ཏན་ཕུང་པོ…

ལེགས་པར་འདོན་མཛད་རྡོ་རྗེ་འོད་འབར་སོགས། །རབ་འབྱམས་ལས་བཞིའི་རིན་ཆེན་བང་མཛོད་མཆོག །འཛིན་མཁས་དངོས་བརྒྱུད་ཡོངས་འཛིན་ཚོགས་རྣམས་ལ། །གུས་པས་འདུད་དོ་བརྩེ་བའི་སྤྱན་གྱིས་གཟིགས། །སྡིག་རྒྱུད་གནམ་ལྕགས་ཐོག་མདའ་ལས་གྲུབ་པའི། །ཕྲིན་ལས་འཁོར་ལོ་འབར་བ་རྩིབས་སྟོན་ཅན། །མན་ངག་ཧ་ལ་ནག་པོས་དར་བཏགས་པ། །ཕྱོགས་བཅུར་འཁོར་རོ་བདུད་…

འདེབས་སོ་དངོས་གྲུབ་རྣམ་གཉིས་སྩོལ། །རིགས་འཛིན་དབང་པོ་གངས་བན་བཀྲ་ཤིས་དར། །མཐུ་སྟོབས་དབང་ཕྱུག་གངས་པ་རི་དཀར་བ། །སྡེ་བརྒྱད་བྲན་དུ་འཁོལ་བ་ཤཱཀ་འབུམ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །སྔ་འགྱུར་བསྟན་པའི་སྲོག་ཤིང་རྡོ་རྗེ་དཔལ། །ཟབ་སྦས་གསལ་བར་སྟོན་པའི་ཤཱཀྱའི་མཚན། །རིགས་འཛིན་མཁས་གྲུབ་མཁྱེན་རབ་དཔལ་མགོན…

གནས་ཆོས་བཀའ་ཡི་སྲུང་མར་བཅས་པ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །འཁོར་བའི་ངང་ཚུལ་ཀུན་ལ་ཡིད་ལོག་ཅིང་། །འགྲོ་རྣམས་སངས་རྒྱས་ས་ལ་འགོད་པའི་ཆེད། །རྨད་བྱུང་ཐེག་པ་མཆོག་གི་ལམ་ཞུགས་ནས། །མཆོག་ཐུན་དངོས་གྲུབ་འགྲུབ་པར་བྱིན་གྱིས་རློབས། །བགྲོད་པ་རྣམ་པ་གསུམ་གྱི་འཇུག་ངོགས་ལས། །སྨིན་པར་བྱེད་པ་དབང་གི་རིམ་པ་དག…

ཡིད་འོང་གཞོན་ནུ་ཟུར་ཕུད་ལྔ་པ་ཅན། །ཕྱག་ཟུང་ཤེས་རབ་རལ་གྲི་ཨུཏྤལ་གྱི། །འདབ་སྟོང་རྒྱས་རྩེར་ཤེར་ཕྱིན་གླེགས་བམ་བསྣམས། །ཞབས་གཉིས་མི་ཕྱེད་རྡོ་རྗེ་སྐྱིལ་ཀྲུང་ཅན། །སྣ་ཚོགས་རིན་ཆེན་ཕྲེང་བའི་དོ་ཤལ་དང་། །རབ་བཀྲ་ལྷབ་ལྷུབ་དར་གྱིས་མངོན་པར་ཀླུབས། །ཐུགས་ཀའི་ཧཱུཾ་ལས་འོད་ཟེར་འཕྲོ་འདུ་ཡིས། །དམ་ཚིག་པ་དང་ཡེ་ཤེས་གཉིས་མེད་ག…

ནི། མདུན་དུ་རིན་ཆེན་ཁྲི་པད་ཉི་ཟླའི་སྟེང་། །བཅོམ་ལྡན་ཕྱག་རྒྱ་ཟིལ་གནོན་ཅོད་པན་དུ། །ཀུན་འདུས་རྡོ་རྗེ་སློབ་དཔོན་བཞུགས་པ་ལ། །དམ་ཚིག་ཡེ་ཤེས་གཉིས་སུ་མེད་པར་གྱུར། །ཨཱོཾ་བཛྲ་ས་མ་ཡ་ཧཱུཾ་ཛཿ རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་སྟོན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ…

ཁྲོ་རྒྱལ་མཚོན་ཆ་མེ་རི་འབར། །འབར་བའི་མཚམས་ལས་མ་འདའ་ཞིག །ཨཱོཾ་སུམྦྷ་ནི་སུམྦྷ་ཧཱུཾ། གྲྀ་ཧྞ་གྲྀ་ཧྞ་ཧཱུཾ། གྲྀ་ཧྞ་པཱ་ཡ་གྲྀ་ཧྞ་པཱ་ཡ་ཧཱུཾ། ཨཱ་ན་ཡ་ཧོ༔ བྷ་ག་ཝཱ་ན་བིདྱ་རཱ་ཛ་ཡ་ཧཱུཾ་ཕཊ། སྲ་བརྟན་མི་གཡོ་རྡོ་རྗེའི་གུར་ཁང་དང་། །གཏུམ་དྲག་ཁྲོ་བོ་རོལ་པས་རབ་གཏམས་ཤིང་། །རྣོ་ངར་མཚོན་ཆ་ཁ་དོག་ལྔ་ལྡན་པའི། །དུས་མཐའི་མེ་ཡིས་བར…