དང་། ཨ་ཏི་པུ་ཧོཿས་བདག་དང་ཡེ་ཤེས་པ་གཉིས་སུ་མེད་པ་ཕྱག་གི་ངོ་བོ་དང་། པྲ་ཏཱིཙྪ་ཧོཿས་གཉིས་མེད་ཀྱི་དཀྱིལ་འཁོར་དེའང་གསལ་ལ་རང་བཞིན་མེད་པར་ཉམས་སུ་ལེན་པ་ཕྱག་གི་ལན་ཡིན་ནོ། །སྤྲོ་ན། ན་མཿསརྦ་ཏ་ཐཱ་ག་ཏ་མ་ཧཱ་ཡོ་གི་ནི་ཨ་ལ་ལ་ཧོཿ ཞེས་པས་རྟོག་པ་བརྡ་འཇལ་བ་ལ་ངོ་མཚར་བསྐྱེད་པ་ཡིན་ལ། མ་བྱས་ཀྱང་འགལ་བ་མེད་དོ། །གཉིས་པ་ནི། གྲངས…

མཆོད་བྱ་བ། དངོས་གྲུབ་བླང་ཞིང་བདུད་རྩི་མྱང་བའོ། །དང་པོ་ནི། མྱོང་གྲོལ་དམ་རྫས་དང་སྦྱར་ཨ་མྲྀ་ཏ། །སོགས་བརྗོད་དེ། སྔགས་ལན་གསུམ་གྱིས། བླ་མ་ཡི་དམ་ཆོས་སྐྱོང་སོགས་ལ་དབུལ་ཞིང་། བདུད་རྩི་མུ་ཏིག་དཀར་པོ་དྲི་མ་མེད་པ་ལྟ་བུ་མཆོད་ཡུལ་རྣམས་ཀྱི་ཞལ་དུ་གསོལ་བས། ཐུགས་ཟག་མེད་ཀྱི་ཡེ་ཤེས་ཆེན་པོས་གང་ཞིང་དགྱེས་ཏེ་དངོས་གྲུབ་སྩོ…

ཆགས་རྩད་ནས་བཅད་པར་བསམ་མོ། །གསུམ་པ་བྷ་ལིང་ནི། ཞིང་བཅུ་བསྒྲལ་བའི་ཤ་རུས་དབང་ལྔའི་རྡུལ། །ཞེས་སྔགས་དང་བཅས་པས་གཏོར་མ་བདུད་རྩིའི་རྒྱ་མཚོ་འདོད་ཡོན་དྲུག་གི་ལྷ་མོས་མཆོད་པར་བསམ། དེའང་ཚིག་ཟིན་ལ། རྡུལ་མང་བརྩེགས་པའི་རིན་པོ་ཆེ་སྣ་བཞི་ལས་གྲུབ་པའི་ལྷུན་པོ། །རྒྱུ་དང་ཚད་ཆེ་ཞིང་ཕུན་སུམ་ཚོགས་པ་དཔེར་མཚོན་ནས། ཞིང་བཅུ་བསྒྲ…

དུས་གསུམ་རྒྱལ་བ་མ་ལུས་པའི། །ཞེས་སོགས་ཀྱིས་དབུས་ཀྱི་གཙོ་བོ་ཕྱག་རྒྱ་ཟིལ་གནོན་ནས་བཟུང་སྟེ། དཀྱིལ་འཁོར་གྱི་ལྷ་ཚོགས་ཐམས་ཅད་ལ་བསྟོད་པར་བྱ་བ་ཡིན་ནོ། །དེའང་འདིའི་དོན་ཡེ་ཤེས་ལྔ་སོགས་ལ་སྦྱར་ཏེ་རྒྱས་པར་འོག་ཏུ་འཆད་ཅིང་། ཚིག་ཟིན་གཙོ་བོའི་མངོན་རྟོགས་དང་མཐུན་པ་ལྟར་ཡིན་ལ། འཁོར་རྣམས་ཉི་མས་པད་ཚལ་རྒྱས་ཤིང་། འུག་པ་སོགས…

ལྟ་བུ་བྱུང་། བ་སྤུའི་བུ་ག་ཐམས་ཅད་ནས་འཕྲོས་ཏེ་བདག་གཞན་གྱི་སྡིག་སྒྲིབ་དགྲ་བགེགས་ཐམས་ཅད་བ་མོ་ལ་ཉི་མ་ཤར་བ་བཞིན་དུ་དག་པར་བསམ་མོ། །དེའང་སྔགས་ཀུན་གྱི་ཐོག་མར་སྐུའི་སྔགས་བཟླ་བར་གསུངས་ཏེ། སྔགས་དོན་གསལ་སྒྲོན་དུ། དྲག་པོ་སྔགས་ཀྱི་འབྲུ་བཅུ་གཉིས་པ་དེ་དག་ནི་ཞལ་གྱི་དམོད་པ་དྲག་པོ་མངོན་དུ་ཕྱུང་སྟེ་གསང་ཆེན་གཅིག་ཏུ་དྲིལ…

མ་འགགས་རང་སྣང་རོལ་པའི་རྩལ། །ཆོས་ཀུན་སྙིང་པོར་གྱུར་པ་ཡི། །འཇམ་དཔལ་གཞོན་ནུ་ཡིན་པར་བཤད། །ཅེས་གསུངས་སོ། །བྷ་སུ་དྷ་རའི་རྒྱུད་ཀྱི་སྤྱི་སྤྱོད་ལས། ཕྱི་སྐོར་སྐུ་ཡི་དྲག་སྔགས་དང་། ནང་སྐོར་གསུང་གི་དྲག་སྔགས་དང་། གསང་སྐོར་ཐུགས་ཀྱི་དྲག་སྔགས་དང་། ཡང་གསང་རྒོད་ཀྱི་དྲག་སྔགས་སོ། །དེ་ལ་ཕྱི་སྐོར་སྐུ་ཡི་དྲག་སྔགས་ནི། རྩ་བའ…

པོ་འདབ་མ་བརྒྱད་པའི་ཟེའུ་འབྲུ་ལ་ཧྲཱི༔དམར་པོར་གནས་པའི་མཐའ་སྐོར་དུ་སྔགས་ཕྲེང་གིས་བསྐོར་བ་ལ་ཕོག །སླར་འོད་ཟེར་སྟེང་དུ་འཕྲོས་པས། ཀླད་པ་དུད་ཁང་དུ་ཟླ་བའི་དཀྱིལ་འཁོར་གྱི་སྟེང་དུ་ཨཱོཾ་དཀར་པོར་གནས་པའི་མཐར་སྔགས་ཀྱི་ཕྲེང་བས་བསྐོར་བ་ལ་ཕོག །སླར་ཡང་ལྕེ་སྟེང་ནས་ཐུགས་ཀར་འཕྲོས་ཤིང་དེ་ལྟར་འཕྲོ་འདུ་འཁོར་མོར་བྱས་པས་ལུས་ང…

བརྒྱ་དང་ཞེ་དགུ་པ་འདི་ཉིད་ལ་བསྙེན་པ་བྱེད་དོ། །དེ་སྐད་དུའང་། རྩ་བ་ལུས་ཀྱི་དྲག་སྔགས་ལ། །ཡིག་འབྲུ་བརྒྱ་དང་ཞེ་དགུ་ཡོད། །ཅེས་དང་། དེ་ནི་ལུས་ཀྱི་ཚུལ་ཡིན་ཏེ། །བསྙེན་པ་དང་ནི་ཉེ་བར་བསྙེན། །ཅེས་སོ། །བྷ་སུ་དྷ་རས། དང་པོ་ཁོ་ན་དྲག་པོ་དབང་སྡུད་སྔགས་རིང་ལ་ནན་ཏན་བྱ་སྟེ། དེའང་སྐུ་གསུང་ཐུགས་ཀྱི་འཕྲེང་བ་ལས་གཅུན་པ་དང་། ག…

ཀྱིས་རྦོད་གཏོག་རང་ལ་བཟློག །ཏྲིག་ནན་སྦུར་ཡ་ནན༔ ལྔ་ཡིས་སྟོབས་དང་ནུས་པ་གནོན། །ཨེ༔གཅིག་གིས་སྟོང་སྲོག་གནད་ཡིག་འགྱུར། །ཧུར་ཐུམས་ཛཿ གསུམ་གྱིས་སྲོག་གི་འབྲས་བུ་སྡུད། །ཁཾ་ཤག །འབྲུ་གཉིས་རྩ་དང་དངས་མ་འབྲེལ། རོ་མྱགས༔ གཉིས་ཀྱིས་སྟོབས་དང་ནུས་པ་གནོན། མུགས་ཏི་རྦད༔ གསུམ་གྱིས་ལུས་སྲོག་སྦྱོར་བ་གཅོད། །ཅེས་གསུངས་སོ། །བསྙེ…

པར་སྤྱོད་པ་ལྟར་བྱུང་རྒྱལ་དུ་འཇུག་པ་ནི་རང་ཉིད་ཕུང་བར་བྱེད་པའི་རྒྱུ་ཡིན་པས། སྲོག་ལ་གཅེས་པ་རྣམས་བག་དང་ལྡན་པར་བྱོས་ཤིག །སྐབས་སུ་ཨུར་མོ་ངར་གཅོད་དང་། ལྷ་སྲིན་གྱི་ཚེ་བདུད་ཀྱང་ཤེས་པར་བྱའོ། །དེ་སྐད་དུའང་། སློབ་དཔོན་ནོར་འཛིན་གྱིས་གནུབས་ཆེན་ལ་གདམས་པར། ཨྱེ་རིང་སྟོང་སྲོག་ལྷ་ཡི་ང་རྒྱལ་དང་། །རང་གཤེད་སྤྱང་མོ་དྲུག་ག…

དམ་པའི་ཞབས་པད་རིང་དུ་བསྟེན། །རྟོག་གེའི་དུག་ཆུས་མྱོས་པའི་མཁས་རློམ་དང་། །སྟོབས་ལྡན་བླུན་པོས་བཀུར་བའི་དྲེགས་པ་ཅན། །བསྟན་འཛིན་ལུང་མེད་གཞན་ལ་འཆང་བའི་ཆོས། །ཡངས་པའི་ས་འདི་གང་ཕྱིར་ཚུལ་འདི་གསང་། །ཞེས་སོ། །གཞུང་གི་གསུམ་པ་ལས་དང་འབྲས་བུ་བསྟན་པ་ནི། ཐོག་མར་ལས་བཤད་པར་བྱ་སྟེ། དེའང་དབུས་ཀྱི་གཙོ་བོ་ཕྱག་རྒྱ་ཟིལ་གནོན་ག…

སྲོག་བདག་གིས་བཤིག་པའི་ལས་མཐའ་དག་བྱེད། ཚེ་བདག་གིས་བསད་པའི་ལས་མཐའ་དག་བྱེད། གཤེད་པོ་བཞིས་རང་གི་རྩ་ཆེན་བཞི་བསྲུང་ཞིང་བདུད་བཞིའི་གཉེན་པོ་བྱེད་དོ། །མོན་བདུད་བརྒྱད་ཀྱིས་རྣལ་འབྱོར་པའི་རྣམ་ཤེས་ཚོགས་བརྒྱད་བསྲུང་ཞིང་དགྲ་བོའི་གཤེད་བྱེད་དེ། དེའང་བྱེ་བྲག་ཏུ། དུང་གི་མོན་པས་སྲིད་པའི་ཕུང་པོ་ལྔ་དང་འབྲལ། ལྕགས་ཀྱི་མོན་…

དབུས་ཀྱི་གྲུ་གསུམ་མཐིང་ནག་ནི་ཡུམ་གྱི་མཁའ་ཆོས་ཀྱི་དབྱིངས་སྤྲོས་བྲལ་མཚོན་པའོ། །ཟླ་གམ་གསུམ་ནི་ཁམས་གསུམ་རྣམ་པར་དག་པ་བདེ་བ་ཆེན་པོའོ། །ཐོད་ཕྲེང་ནི་ཐུགས་རྗེ་རོལ་པའོ། །ཐོད་མཁར་བཞི་ནི་ཡེ་ཤེས་བཞིའོ། །འཁོར་ལོ་རྩིབས་བརྒྱད་རྩིབས་མཚན་དང་བཅས་པ་ནི་ཡེ་ཤེས་བཅུ་དྲུག་གོ །ལྕགས་མཁར་བཅུ་གཉིས་ནི་སྐྱེ་མཆེད་བཅུ་གཉིས་རྣམ་པར་ད…

གྱི་རྐང་པ་བཞིར་གྲོལ་པའི་དོན་ནོ། ཁྲོ་བོའི་ཆས་དགུ་ནི་རྒྱན་དུ་ཆགས་པར་འཛིན་པ་ཉིད་གར་དགུ་དག་ནས་འབྲས་བུ་མཚན་བཟང་པོ་སུམ་ཅུ་རྩ་གཉིས། དཔེ་བྱད་བཟང་པོ་བརྒྱད་ཅུར་གྲོལ་བའི་དོན་ནོ། །རང་འོད་རྡོ་རྗེའི་མེ་དཔུང་ནི། མ་རིག་པ་ཉིད་རང་བཞིན་གྱིས་འདི་གསལ་བའི་ཡེ་ཤེས་སུ་དག་ནས་འབྲས་བུ་ཡེ་ཤེས་ཆེན་པོའི་ཀློང་དུ་རང་གྲོལ་བ་དེ་བཞིན་…

བྱ་ཁྱུང་རྒྱལ་པོའི་སྐུར་དག་ནས་འབྲས་བུ་སོ་སོར་རྟོག་པའི་ཡེ་ཤེས་སུ་གྲོལ་བ་པདྨའི་རིགས་སོ། །དེ་ལྟར་ཡོངས་སུ་རྫོགས་པའི་དྲུག་པ་རྡོ་རྗེ་འཆང་ཆེན་པོ་སངས་རྒྱས་ཀུན་གྱི་སྤྱིའི་གཟུགས་ཅན་ཕྱག་རྒྱ་ཟིལ་གནོན་ཞེས་བྱའོ། །རྒྱུད་ལས། སེམས་མིན་ལོགས་ནས་འཆར་བའམ། རྐྱེན་ལས་འབྱུང་བ་མ་ཡིན་ཏེ། ཡེ་ཤེས་ཆེན་པོར་ལྷུན་གྱིས་གྲུབ། །ཅེས་སོ།…

སུ་དྷ་རས། ཆོས་སྐུ་སྐྱེ་མེད་ལས་རང་བྱུང་གི་ཡེ་ཤེས་རང་ཤར་བས་ཡེ་ཤེས་ལྷུན་གྲུབ། གཟུགས་སྐུའི་འགྲོ་དོན་རྩོལ་མེད་དུ་སྤྱོད་པས་རྣམ་པ་ལྷུན་གྲུབ། ཐབས་ལ་མཁས་པའི་སངས་རྒྱས་ཀྱི་མཛད་པ་སྒྱུ་མ་ལྷུན་གྲུབ། དེ་ཉིད་འཕྲིན་ལས་བསྙེན་སྒྲུབ་འཕྲོ་འདུའི་རྩོལ་བ་དང་བྲལ་ཞིང་ཡོངས་རྫོགས་སུ་གནས་པས་དབང་པོ་ལྷུན་གྲུབ། ཅིར་སྣང་ཕྱག་རྒྱར་གས…

རིན་པོ་ཆེའི་རྒྱལ་ས་ཐོབ་པ་དང་། རིན་པོ་ཆེའི་ཀཀྞི་ལ་འཛེགས་པ་དང་། བདུད་རྩིའི་ཆུ་ལ་ཁྲུས་བྱེད་པ་དང་། ཤ་ཁྲག་དང་འདོད་ཡོན་ལ་རོལ་བའི་རྨིས་ལྟས་དང་། ཞེས་དང་། འཁོར་ལོ་ནག་པོའི་རྒྱུད་ལས། དེ་ལ་རྟགས་ཀྱི་རིམ་པ་འབྱུང་ངོ་། །མགོ་ལ་སྐུ་གདུང་ཉི་ཟླ་གབ། །བདུད་རྩིའི་ཆུ་ལ་ཁྲུས་བྱེད་དང་། མེ་ཆུ་འཚུབ་མར་འཁྱིལ་བའི་ལྷ། །ཀླུ་ལ་གདོད…

བསད་པ་འབྱུང་། །རང་ཡང་དབུགས་འཐུམས་ལྕེ་མི་བདེ། །རང་འཁོར་རང་ལ་གནོད་པ་བྱེད། །མན་ངག་ལྡན་པས་འཁྲུལ་འཁོར་འགྱུར། །ཞེས་དང་། རྒྱ་གར་དྷ་ན་དྷ་ལས། རྟགས་ནི་སྐུ་དངོས་སུ་མཐོང་བ་དང་། རྟེན་གྱི་བྲིས་སྐུ་ཞལ་བཞད་པ་དང་། ནམ་ལངས་པ་དང་། འོད་ཀྱིས་རྒྱལ་ཁམས་ཁེངས་པ་དང་། །ཉི་ཟླ་གཟའ་སྐར་དུས་གཅིག་ཏུ་ཤར་བ་དང་། ལུས་ཀྱི་ཟག་པ་ཟད་པ་དང་།…

སྤྲོས་ཏེ་སྤྱིར་མཆོད་པ། བྱེ་བྲག་ཏུ་ཞལ་གཡས་དཀར་ལ་མཆོད་པ། གཡོན་དམར་ལ་བཤགས་པ། དབུས་མཐིང་བ་ལ་སྟོབ་པ། ཚོགས་ལ་རོལ་བའོ། །དང་པོ་ནི། རཾ་ཡཾ་ཁཾ་གིས་ཚོགས་ཀྱི་ཡོ་བྱད་ཀུན། །ཞེས་སོགས་བརྗོད་དེ། རཾ་ཡཾ་ཁཾ་གསུམ་གྱིས་ཚོགས་མ་དག་པ་རྣམས་མེས་བསྲེགས། རླུང་གིས་གཏོར། ཆུས་བཀྲུས་ཏེ་སྦྱངས། ཨཱོཾ་ཨཱཿཧཱུཾ་གིས་སྦྱངས་རྟོགས་སྦར་ཞིང་། ཧ…

ཡོན་གྱི་ལྷ་མོ་རང་གི་ཐུགས་ཀར་བསྡུ། ཨྱེ་རིང་ཚར་གཅིག་གིས་ང་རྒྱལ་གསར་ཞིང་སྤྲུལ་པ་སྤྲོ། ནྲྀ་ཛཿསོགས་ཀྱི་ཕྱག་རྒྱ་བཞིས་དགུག་བཅིང་བསྡམ་མྱོས་དབྱེ་གཞུག་བྱ། སླར་ཡང་གྲུ་གསུམ་ཨེ་ཡི་སོགས་ཀྱིས་ཕོ་ཉ་མངགས་ཤིང་འགུགས་པར་བྱའོ། །གཉིས་པ་ནི། འོག་ནས་འབྱུང་བ་ལྟར་གྱི་དམིགས་པ་དང་བཅས་ཏེ། ཨྱེ་མྱགས་སོགས་བརྗོད་ཅིང་ཕུར་བུ་བཏབ་སྟེ་བ…