ཆོས་ཀྱི་དབྱིངས་ཀྱི་ཡེ་ཤེས་ནི། །འོད་ཟེར་མཐིང་ག་སྙིང་ལ་གནས། །སྙིང་ལ་ཡེ་ཤེས་ངོ་སྤྲད་པས། །རྣམ་པར་སྣང་མཛད་ཞལ་དང་མཉམ། །འདི་ལ་ཐེ་ཚོམ་བྱར་མི་རུང་། །རྫོགས་པའི་སངས་རྒྱས་ཨ་ལས་བྱུང་། །ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། ཁོང་ནས་འབྱུང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ…

ཆུབ་སེམས་དཔའི་གནས་དེ་ནི། བྱང་ཆུབ་སེམས་དཔའ་རང་ལས་གཞན་གྱིས་མཐོང་བར་མི་ནུས་ཏེ། སྣང་བ་ཐམས་ཅད་སྣང་ལ་རང་བཞིན་མེད་པ་ལ། ཁ་དོག་སྣ་ཚོགས་འབར་བའི་འོད་དུ་ཡོད་དེ། སྐུའི་སྣང་བ་བསམ་གྱིས་མི་ཁྱབ་པར་སྣང་ངོ་། །ནམ་མཁའ་ལ་ལོངས་སྤྱོད་ཅིང་ལོངས་སྤྱོད་པ། ནམ་མཁའི་མཐའ་ལ་རབ་ཏུ་གནས་སོ། །ཕྱི་ནས་བལྟས་ན་ནང་ན་ཡོད་པར་གསལ་ལོ། །ནང་ནས་བལ…

ཤེལ་དངས་ཡོད་པ། ཅོ་ལེ་ཡོད་པས། དེ་དག་གི་ཡོན་ཏན་ལོངས་ན། ཕན་ཡོན་ཤིན་ཏུ་ཆེའོ། ཁྱད་པར་དུ་ཤེལ་རིགས་བཞི་ཡོད་པ་ལས། རྡོ་ཤེལ། མེ་ཤེལ། ཆུ་ཤེལ། མན་ཤེལ་ལོ། །རྡོ་ཤེལ་ལ་བཟོ་སྣ་མང་པོ་བཏུབ་བོ། །མེ་ཤེལ་ལ་མེ་འཐོན། ཆུ་ཤེལ་གྱིས་མེ་ཐུབ། རིན་པོ་ཆེ་མན་ཤེལ་གྱིས་བདེ་བར་གཤེགས་པའི་སྐུ་དང་ཞིང་ཁམས་ཀྱི་ངོ་འཕྲོད་དོ། །རྡོ་རྗེ་སེམས་ད…

བས། ཁྱེའུའི་མཚན་ཡང་འཇམ་དཔལ་བཤེས་གཉེན་དུ་འཇམ་དཔལ་སྨྲ་བའི་སེང་གེས། བཏགས་སོ། །བྲམ་ཟེ་ཁྱེའུ་ལ་ཞུས་ལན་དྲི་མ་མེད་པ་གསུངས་པས། དུས་དེ་གར་དཔལ་རྡོ་རྗེ་སེམས་དཔས། རིན་པོ་ཆེ་མན་ཤེལ་གྱི་དབང་དང་ངོ་སྤྲོད་གནང་ནས། ཡིག་ཚོགས་ལག་མཐིལ་གང་ལ་ཆོས་ཐམས་ཅད་ཀྱི་དོན་ཐུགས་སུ་ཆུད་དོ། །དེ་ལྟར་འཇམ་དཔལ་གྱི་སྨིན་བྱེད་གཏོར་མ་ལ་བརྟེན་ནས…

གྱུར་ཅིག །ཅེས་བརྗོད་ཅིང་མེ་ཏོག་གི་ཆར་དབབ་བོ། །སྒྱུ་འཕྲུལ་དྲ་བའི་བཅུད་ཀྱི་སྙིང་པོ་ལས། བསྟོད་པ་གླུར་བླངས་ལེའུའི་རོ་བདའི་ཟས། །དངར་པོར་འཐུལ་བ་འཇམ་དཔལ་རྫོགས་པ་ཆེ། །སངས་རྒྱས་མངོན་སུམ་རང་ངོ་སྤྲོད་པའི་ཆོས། །ཆོས་འདི་ཟབ་མོའི་གཏེར་དུ་རྒྱས་བཏབ་གནས། །སྟག་ཚང་ཕུག་ཏུ་མཁའ་འགྲོ་ཤེ་སྒྲོན་གྱིས། །ལོ་བདུན་ཉམས་བཞེས་འཇའ་ལུ…

ཐོག་དྲངས་གསང་སྔགས་སྔ་འགྱུར་གྱི་བསྟན་འཛིན་དུ་མ་དང་ཁྱབ་བདག་བཀའ་འགྱུར་བ་ཆེན་པོའི་རིགས་ཀྱི་དབོན་རིན་པོ་ཆེ། རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་རྣམས་ལ་ཆོས་འདི་བཀའ་རྫོགས་ལུང་རྫོགས་སུ་ཕུལ་བའི་ཚེ་སྣ་ནམ་པ་རྡོ་རྗེ་བདུད་འཇོམས་ཀྱི་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས། བཻ་རོའི་ཡང་སྲིད་གཏེར་ཆེན་ཆོས་ཀྱི་རྒྱལ…

འཇམ་དཔལ་ཞི་བའི་འཕྲིན་ལས་སངས་རྒྱས་མངོན་སུམ་སྟོན་པའི་ལག་བཅངས་བཞུགས་སོ། །

ཆོས་ཀུན་སྒྲིབ་བྲལ་གཟིགས་པའི་སྤྱན་རས་ཀྱིས། །ཤེས་བྱ་ཐམས་ཅད་མཁྱེན་པའི་རྡོ་རྗེ་འཛིན། ངེས་པ་དོན་གྱི་འཇམ་མགོན་བླ་མ་མཆོག །ཆོས་དབྱིངས་རང་གྲོལ་སྙིང་དབུས་པད་མཚོར་བཞུགས། །གདོད་ནས་དག་པའི་རང་གི་སེམས་ཉིད་འདི། །འཇམ་དཔལ་རྡོ་རྗེ་མངོན་སུམ་ངོ་སྤྲད་ནས། །ཚེ་འདིར་བྱང་ཆུབ་བསྒྲུབ་པ་གསང་བའི་ལམ། །གནུབས་ཆེན་འབྱུང་བའི་ལུགས་སྲོ…

དགའ་སྟོན་འདིར་སྤྱོད་ཅིག །དེ་ལ་འདིར་འཇམ་དཔལ་ཕྱག་རྒྱ་ཟིལ་གནོན་དང་ཟུང་དུ་འབྲེལ་བར་འཇམ་དཔལ་ཞི་བའི་སྒྲུབ་སྐོར་ལ། གཙོ་བོར་བྱ་སླ་ཞིང་འཁྱེར་བདེ་བ་གནམ་ལྕགས་སྡིག་པའི་ཆོས་སྡེའི་བྱང་ཆུབ་བསྒྲུབ་པའི་སྐོར་ལྕགས་འདྲའི་ཆོས་ཚན་འཇམ་དཔལ་ཞི་བའི་སྒྲུབ་ཐབས་བདུད་རྩིའི་ཐིགས་པ་དང་གཏེར་ཁ་མི་གཅིག་པ་སྤྲུལ་པའི་གཏེར་སྟོན་གསར་བན་ཕྱ…

ཕྱིས་སུ་རྗེ་འབྲི་གུང་པ་ཆེན་པོ་དབུར་སྨྱོན་ཆོས་ཀྱི་གྲགས་པས་ཡིག་ཆ་ཞིག་མཛད་པ་དངོས་གཞི་ཤིན་ཏུ་ལེགས་ནའང་ཕྱིས་འགྱུར་གྱི་ཆོ་ག་དང་འབྲེལ་བ་ཞིག་འདུག་པ་དེ་ཉིད་མི་རུང་བ་མ་ཡིན་མོད། འོན་ཀྱང་གཏེར་བྱོན་རྡོ་རྗེའི་གསུང་འཁྲུལ་པ་མེད་པ་ཉམས་སུ་བླང་བྱ་ཡོད་བཞིན་དུ་དེ་ཁོ་ན་ལྟར་བྱེད་པར་རིགས་ཤིང་། དེའང་གོང་དུ་སྨོས་པ་གསུམ་གྱི་ན…

མངོན་པར་འདུ་བྱས། དེའང་རྫོགས་ཆེན་དང་འབྲེལ་བའི་དབང་དུ་བྱས་ན་གདོན་བགེགས་རང་སྣང་རིག་པའི་ཆོ་འཕྲུལ་ལས་ལོགས་སུ་མེད་པས་ཀ་དག་གི་དབྱིངས་སུ་གནོད་བྱ་གནོད་བྱེད་དང་བྲལ་ནའང་སྒྱུ་མའི་སྲིན་པོ་ལྟར་ཀུན་རྫོབ་དང་བསྟུན་ཏེ་རང་ཉིད་ཟིལ་གནོན་གཤིན་རྗེའི་གཤེད་ཀྱི་ང་རྒྱལ་ལ་གནས་པས་གཞི་བགེགས་ལ་བཀའ་བསྒོ་བ་ནས་སྲུང་འཁོར་གྱི་བར་ལས་བྱ…

བཞིན་ལོངས་སྐུ་འཇམ་དཔལ་རིགས་ལྔའི་ཚོགས། །ཐུགས་རྗེ་སྣ་ཚོགས་སྤྲུལ་པའི་ཟློས་གར་གྱིས། །སྐུ་གསུང་ཐུགས་ཡོན་འཕྲིན་ལས་བྱིན་ཆེན་ཕོབ། །ཨཱོཾ་མཉྫུ་ཤྲཱི་ས་མ་ཡ་ཨ་བེ་ཤ་ཡ་ཨ་ཨས་བྱིན་དབབ། རྟེན་གཏོར་དོར་བའི་སྨན་རག་གཏོར་གསུམ་དང་མཆོད་པ་བྱིན་རླབས་ལས་བྱང་ལྟར་བྱ། དངོས་གཞི་ནི་གཏེར་གཞུང་ལས། དེ་རྫོགས་བསམ་གཏན་ཏིང་འཛིན་ནི༔ རང་ཉིད…

ཐུགས་ཀར་ཐབས་ཤེས་ཟུང་འཇུག་ཉིན་མཚན་གྱིས། །མདངས་མཚོན་ཟླ་ཉི་ཁ་སྦྱོར་གའུའི་ནང་། །འཇའ་འོད་ཀློང་དུ་ཨ་ཡིག་མཐིང་དཀར་སེར། །དམར་ལྗང་ཐ་མར་སྙིང་པོའི་སྔགས་ཀྱིས་བསྐོར། །ཞེས་བདག་བསྐྱེད་ཀྱི་ཏིང་འཛིན་སྔོན་དུ་བཏང་སྟེ་མདུན་བསྐྱེད་བསྒྲུབ་པ་ནི། ཆོས་སྐུ་སྟོང་པའི་རང་མདངས་མ་འགགས་པའི། །ཡེ་ཤེས་འོད་ལྔའི་འཇའ་རིས་རྣམ་བཀྲ་བ། །ཐིག…

རིག་དག་པའི་ཀློང་ནས་ས་མཱ་ཛཿ། ཧཱུྃ། རང་བཞིན་སྤྲོས་བྲལ་ཆོས་ཉིད་ཕོ་བྲང་ནས༔ རང་བྱུང་ཡེ་ཤེས་ཞི་བའི་ཆ་ལུགས་ཅན༔ གསེར་མདོག་གཟི་མདངས་འོད་ཟེར་ཕྱོགས་བཅུར་འཕྲོས༔ ཕྱག་གཉིས་ཤེས་རབ་རལ་གྲི་པོ་ཏི་ཅན༔ བདེན་པ་དབྱེར་མེད་འཇའ་ཚོན་ཀློང་ན་བཞུགས༔ མ་རིག་རྟོག་པའི་མུན་པ་སེལ་བའི་ཕྱིར༔ རང་བྱུང་ཡེ་ཤེས་སྤྱན་འདྲེན་གཤེགས་སུ་གསོལ༔ ཨེ་…

རྫུས༔ རྒྱུད་དྲུག་སེམས་ཅན་ཀུན་སྒྲོལ་བ༔ དུག་ལྔ་སེལ་བའི་བདུད་རྩི་འདི༔ བླ་མ་ཡི་དམ་རྣམས་ལ་འབུལ༔ སརྦ་པཉྩ་ཨ་མྲྀ་ཏ་ཁཱ་ཧིཿ བླ་མ་བརྒྱུད་མཆོད་ནི༔ ཉམས་ལེན་དཀྱུས་མ་ལ་ལས་བྱང་ཆེན་མོ་ལྟར་དང་། ཡང་བཟློག་གི་སྔོན་འགྲོར་སྒེར་དུ་བྱེད་ན། དེ་གའི་རྒྱུན་མཆོད་ལེན། དུག་ལྔ་རང་གྲོལ་ཡེ་ཤེས་ལྔ་ཡི་བདག༔ བཅོམ་ལྡན་འཇམ་དཔལ་ཡེ་ཤེས་སེམས་…

རཾ་ཁཱ་ཧི༔ ཞེས་པས་ནང་གི་མཆོད་པ་འབུལ། ཧཱུཾ། འཇམ་དཔལ་དཔལ་དང་ལྡན་པའི་མཆོག༔ མཆོག་སྦྱིན་རྡོ་རྗེ་མཆོག་ཁྱོད་འདུད༔ ཡང་དག་མཐར་གྱུར་ཁྱོད་ལ་འདུད༔ སྟོང་ཉིད་ལས་བྱུང་ཁྱོད་ལ་འདུད༔ སངས་རྒྱས་བྱང་ཆུབ་ཁྱོད་ལ་འདུད༔ སངས་རྒྱས་ཆགས་པ་ཁྱོད་ལ་འདུད༔ སངས་རྒྱས་འདོད་ལ་ཕྱག་འཚལ་འདུད། སངས་རྒྱས་དགྱེས་པ་ཁྱོད་ལ་འདུད༔ སངས་རྒྱས་རོལ་པ་ཕྱག…

དུ་གསོལ༔ འདུ་བའི་ནད་དང་བར་གཅོད་ཀྱི་གདོན་ཞི་བ་དང་ཚེ་དང་བསོད་ནམས་དང་ཡེ་ཤེས་རྒྱས་པ་དང་སེམས་ཀྱི་ཆོས་ཉིད་ལ་རང་དབང་བསྒྱུར་ཏེ་རྟོག་པའི་མཚན་མ་ཐམས་ཅད་དབྱིངས་སུ་གཞོམ་དུ་གསོལ། ཞེས་གསོལ་བ་གདབ་ཅིང་ནོངས་པ་བཤགས། དེ་ནས་བསྐྱེད་རིམ་ལ་གསལ་སྣང་ཐོན་པ་བསྒོམ། གཏེར་གཞུང་ལས། བཟླས་བརྗོད་བྲལ་བ་སྙིང་པོའི་དོན༔ བསམ་གཏན་དྲན་རིག་ང…

གོང་བུར་གྱུར། །སླར་འཕྲོས་སྣོད་བཅུད་ཀུན་ཚང་སྣོད་གཞལ་ཡས། །བཅུད་ཀུན་ལྷར་གྱུར་གསང་སྔགས་འབྲུག་ལྟར་སྒྲོག །འཁོར་འདས་རྣམས་ཀྱི་ཕུན་ཚོགས་ཡོན་ཏན་ཀྱང་། ཁབ་ལེན་རྡོ་དང་ལྕགས་ཀྱི་སྣང་ཚུལ་བཞིན། །མ་ལུས་བདག་ལ་འདུས་ཏེ་རོ་གཅིག་གྱུར། །ཨོཾ་བཛྲ་མཉྫུ་ཤྲཱི་ཨཿ ཨཱོཾ་ཝཱ་གི་ཤྭ་རི་མུཾ༔ དྷརྨ་དྷཱ་ཏུ་སངྒྷ༔ ཛྙཱ་ན་གརྦྷ་ཨ་ཧྲཱི༔ ཨ་ཨི་ཨེ…

ལས། ཞི་རྒྱས་དབང་དྲག་མངོན་སྤྱོད་རྣམས༔ ཞེས་དང་། ཆོས་ཉིད་འཆི་ཁའི་འཕོ་བ་ནི༔ སོགས་ཀྱི་གནས་སྐབས་ལས་ཀྱི་ཁ་བསྒྱུར་དང་སྡིག་པོ་ཆེ་བཙན་ཐབས་སུ་འཚང་རྒྱ་བའི་མྱུར་ལམ་ཟབ་མོ་རྣམས་ཀྱང་པད་གནུབས་གདམས་པའི་མན་ངག་ལ་འདྲིས་པར་བྱས་ཏེ་ཉམས་སུ་བླང་ངོ་། །མཇུག་ཆོག་ནི། ཨཱོཾ་ཨཱཿཧཱུཾ་ཧྲཱིཿས་ཚོགས་བྱིན་གྱིས་བརླབས། འཇམ་དཔལ་རིགས་ལྔའི་ལྷ…

རྣམ་འབྱོར་ཟབ་མོ་ལ། །བརྟེན་ནས་ཡི་གེ་དྲུག་པ་རྡོ་རྗེའི་སྒྲ། །ཉམས་སུ་བླངས་པས་ཚེ་འདིར་འཇའ་ལུས་སྐུ། །མངོན་གྱུར་འཇམ་དཔལ་ཀུན་བཟང་ཐོབ་པར་ཤོག །ཅེས་སྨོན་ལམ་གདབ། འཇམ་དཔལ་རིགས་ལྔའི་དཀྱིལ་འཁོར་ལྷ་ཚོགས་ཀྱི། །སྐུ་གསུང་ཐུགས་ཀྱི་ཡོན་ཏན་བསམ་ཡས་པ། །འགྲོ་བ་ཀུན་གྱི་རྒྱུད་ལ་རབ་ཞུགས་ནས། །དངོས་གྲུབ་རྣམ་གཉིས་འཕེལ་བའི་བཀྲ་ཤིས…