ཆེན་པོ་སྐུ་ཁོག་ལ་ཞུགས་ནས་བྱོན་ཏེ། དགོས་པ་ཁྱད་པར་ཅན་གྱི་སླད་དུ་སྤྱན་དྲངས་པ་ལ་བརྟེན་ནས་རྗེ་བཙུན་རིན་པོ་ཆེ་དཔོན་སློབ་ལྔ་མཛད་ནས་ཤིན་ཏུ་གསང་བའི་ཚུལ་གྱིས་གནས་དེར་གཤེགས་ཏེ། ལྷའི་རྒྱལ་པོས་ལེགས་པར་བཤམས་པའི་སྟན་བཟང་པོ་ལ་བཞུགས་སོ། །དེ་ནས་གསོལ་ཇ་དང་གསེར་སྐྱེམས་བཞེས་པའི་རྗེས་སུ། རྗེ་བླ་མའི་ཞབས་དྲུང་དུ། ཆོས་སྐྱོང…

མེད། སྡེ་བརྒྱད་ཐམས་ཅད་ཀྱི་ཡང་རྗེ་དྲེགས་པ་ཀུན་འདུས་ཀྱི་རྒྱལ་པོ་དེ་ང་ཡིན་པས་ན། ངའི་བཀའ་ལས་འདའ་བར་ནུས་པའི་གདོན་བགེགས་སུ་གྱུར་པ་ནི་སུ་ཡོད། དེ་བས་ན་བསྐུལ་བར་མ་ཞན་ཞིག་ཐུགས་ཆུང་མཛད་མི་དགོས་སོ། །ཞེས་སོགས་ཕྱི་ནང་གསང་བའི་བཀའ་མཆིད་ཐུན་མོང་མ་ཡིན་པ་ཞུས་གནང་གི་སྒོ་མང་དུ་གནང་བའི་མཐར། ཆོས་སྐྱོང་ཆེན་པོ་དེས་ཡང་འདི་སྐ…

གསུངས་ཏེ། འོ་ན་དབུས་སུ་མཐོང་བ་དོན་ལྡན་གྱི་སྐུ་ས་གནོན་མཉམ་གཞག་མཛད་པ་གཙོ་བོ་དེའི་བཞུགས་གནས་ཐམས་ཅད་མེ་ཏོག་པདྨའི་རང་བཞིན་ཡིན་པ། སྟོད་ཀྱི་ཆ་ལ་རྣམ་ཐར་གྱི་བཀོད་པ་ཡོད་པ་དེ་ཡང་པདྨ་རེ་རེའི་གེ་སར་གྱི་སྟེང་དུ། སྔོན་ཇི་ལྟར་སྐུ་བལྟམས་པ་ནས་ཉེ་བར་བཟུང་སྟེ། ང་པེ་དཀར་རྒྱལ་པོ་དང་ཞལ་འཛོམ་མཛད་པ་ཡན་གྱི་མཛད་པ་རྣམ་ཐར་རེ་རེ…

ཀུན་ལ་དགའ་ན་བྲིས་པ་དྲག །ལྷ་བཙུན་པས་ཀྱང་དེའི་རས་གཞི་ཐོན། ང་ལ་རྣམ་ཐར་མི་དགོས་ཀྱང་། བསྟན་པ་དང་སེམས་ཅན་ལ་ཕན་ན་བྱེད་རིན་ཆོག་ཅེས་བཀའ་གནང་། ཡང་དུས་རེ་ཞིག་ན། ཆོས་སྐྱོང་གི་ཞལ་ནས་སྤྲུལ་སྐུ་འཕྲང་ཁ་བ་ལ་འདི་སྐད་གསུངས་ཏེ། ཁྱོད་ལ་ངས་སྔར་བྱས་པའི་བཀོད་པ་དེའི་ལོགས་ཤིག་ཏུ། ཆོས་འཁོར་ལྷ་སའི་བཀོད་པ་ཞིག་བྱུང་ན་འཇིག་རྟེན་ལ…

ཤུལ་སེལ་བུད་མེད་ཅི། །ནས་མོ་ལག་གཡས་ཧུ་ལུ་མ། རྒྱག་ཕྱིར་ར་ལྤགས་གཡང་གཞི་འཕྱར། །གཡོན་པ་ཐལ་རྡེབ་རྒྱག་པའི་ཚུལ། ཁ་ནས་དྲག་སྔགས་འབོད་པ་ནི། །མི་བཟད་རལ་པ་གཡོ་བ་བྲིས། །རྒྱབ་ནས་སྔགས་པ་ཕུར་ཐོགས་ནི། །རྔམ་བརྗིད་གར་འཆམས་བྱེད་པ་བྲིས། །གཡས་ན་ཉན་ཐོས་ཞི་དུལ་རྣམས། །ལྷུང་བཟེད་འཁར་བསིལ་གཡས་ན་འཆང་། །ཆོས་གོས་ཟླུམ་པོར་བགོས་པ་ཡ…

འགྲོ་འདུལ་བསྟན་པ་རྒྱས་པར་འགྱུར། །བླ་མའི་ཞབས་ཏོག་དེ་ཡིན་ལ། །བསྟན་པའི་ཞབས་ཏོག་ཀྱང་དེ་ཡིན། །ཁྱོད་ཀྱི་ཐུགས་དམ་དེས་ཆོག་སྟེ། །ཚོགས་གསོག་དེ་ལས་ལྷག་པ་མེད། །འདི་ནས་བརྩིས་པའི་བྱང་ཕྱོགས་སུ། །ཆོས་དང་ཆོས་མིན་གཉིས་ཀ་དང་། །ལྡན་མིན་རྒྱལ་བློན་འཁོར་བཅས་རྣམས། །མཐོང་ཐོས་རྣམས་ཀྱི་དོན་ལྡན་བྱེད། །དེ་ནས་ཀྱང་ནི་ཡུལ་གཞན་དུ། …

འབུལ་བ་གནང་ནས། ཀུན་གྱི་སྤྱི་བོའི་རྒྱན་དུ་འགོད་པ་ཞུ་ཞེས་བྱུང་བ་ལ། བཀའ་ལས། ཕེབས་སྐད་ལྟར་ཡིན་ཕྱིན་བསྒྲུབ་པ་ལས་འོས་མེད་གསུངས། ཇོ་བོ་རིན་པོ་ཆེར་སྙན་ངག་གི་ཚིགས་བཅད་དང་བཅས་ཐམ་ཕུད་ཕུལ། ཧོར་ཟླ་བཅུ་གཉིས་པའི་ཚེས་ལྔ་ལ་ཆིབས་ཁ་བསྒྱུར་ཏེ། ཐོག་མར་འཕྱོས་སུ་ཕེབས། སྡེ་པ་དཔོན་གཡོག་གིས་བསྙེན་བཀུར་ཕུན་སུམ་ཚོགས་པ་མཛད། འདོ…

རྩེ་ཞབས་དྲུང་དང་མཇལ་རྒྱུའི་དེ་ནུབ། ཞབས་དྲུང་གོང་མ་ཆེན་པོའི་མནལ་ལམ་དུ་ཞབས་དྲུང་རང་ཉིད་སྤང་ལྗོངས་མེ་ཏོག་སྣ་ཚོགས་ཤར་བ། སྤྲོ་ཞིང་ཡངས་པ་ཞིག་གི་དཀྱིལ་དུ་བཞུགས་འདུག་པ་ལ། རི་ཞིག་གི་རྩེ་ནས་སྤྲིན་ཤིན་ཏུ་དཀར་བ་ཞིག་དབུའི་ཐད་དུ་ནར་གྱིས་བྱུང་བའི་དཀྱིལ་ན་མི་དཀར་པོ་ཞིག་གིས་འོ་མའི་ཆུ་ཞིག་དབུ་ལ་བླུག་བྱུང་བ་དང་། ཐུགས་…

སོགས་ཀྱི་དྲི་རྨེད་ཞིབ་པར་གནང་། ཞུ་ལན་ཚིག་དོན་བཟང་པོ་ཕུལ་བས་བཞུགས་གྲལ་མཐའ་དག་གསན་སྤྲོ་བར་གྱུར། དེ་ནས་ལྷའི་བཙུན་པ་དང་རྩེས་ཐང་ལས་ཆེན་སངས་རྒྱས་མགོན་པོ་གཉིས། བཞུགས་གྲལ་ལ་ཆོས་ཀྱི་འབེལ་གཏམ་མཛད་དེ། སྟོན་པས་བདེན་བཞིའི་ཆོས་འཁོར་གྱི་སྔོན་དུ་ལུང་གི་ཆོས་གསུངས་པར་ཐལ། དེའི་སྔོན་དུ་ལྷའི་བཀྲ་ཤིས་དོན་གྲུབ་མའི་ཚིགས་བཅ…

དང་། ཧོར་དཔོན་ཡང་མཇལ་བར་ཡོང་བ་སོགས་ལ་བརྟེན། འབྲས་སྤུངས་དང་ཧོར་དཔོན་སོགས་ཀྱིས་གདན་འདྲེན་བྱུང་བས་སྐྱིད་ཤོད་དུ་ཆིབས་ཁ་སྒྱུར། འབྲས་སྤུངས་སུ་ཕེབས། ཧོར་དཔོན་ལ་མཇལ་ཁ་བཀའ་ཆོས་སོགས་ཀྱིས་ཚིམ་པར་གནང་། དཔོན་གྱིས་ཀྱང་ད་ལམ་ཡར་ཀླུངས་ཀྱི་མཛད་པ་གལ་ཆེན་རྣམས་བཤོལ་ནས། བདག་གི་དོན་ལ་ཕེབས་པ་ཐུགས་རྗེས་བཟུང་། དེ་ཡང་སངས་རྒྱས…

གྲུ་པའི་ཅོད་པན་དུ། གྱུར་པའི་སྙན་གྲགས་ཕྱོགས་ཀྱི་འགྲམ་པར་སྒྲོག །རྣམ་བཞིའི་སྦྱིན་པས་རིས་མེད་འགྲོ་བ་ཀུན། ཕན་བདེའི་ལམ་དུ་བཀོད་ལ་མཚར་དུ་ཅི། གཟོད་མ་ཉིད་ནས་ལུས་ཅན་མ་ལུས་པ། འདྲེན་པའི་ཕུལ་བྱུང་དམ་བཅའ་མཛད་མིན་ནམ། །དེ་ཡང་ཕག་མོ་གྲུ་པའི་སྡེ་སྲིད་འདི། སྤྱིར་རྒྱལ་ཁམས་སྒོས་སྡེ་དཔོན་རྣམས་ལ་གཅེས་པ་ཡིན་ཞེས། སྤྱན་སྔ་ཆོས…

མཛད་པ་ཡིན་པར་སྣང་། གཞན་དུ་ན་ཀར་འབྲུག་སྤྲུལ་སྐུ། སྟག་ལུང་ཆོས་རྗེ་སོགས་བོད་འདིའི་རང་གཞན་གྱི་འགྲོ་བའི་འདྲེན་པ་ཆེན་པོར་གྲགས་པ་ཕལ་ཆེ་བ་ལ་དངོས་སུ་ཐུགས་སུན་ཕྱུང་བ་དང་། བརྒྱུད་ནས་བར་དུ་གཅོད་པ་བཏང་བ་སོགས་བླ་མ་སྲང་ལ་འདེག་པ་ཞིག་ཡིན་འདུག་ཀྱང་། དམ་པ་འདི་ཉིད་ལ་བཀུར་བཟོས་ལེགས་པར་ཕུལ། འདས་མ་འོངས་ཀྱི་ལུང་བསྟན་གསལ་བར…

གཞོགས་གཡས་ན་རྟེན་མཆོད་མང་པོ་འདུག་པའི་ཁྲོད་ན་རྒྱལ་བ་ཚེ་དཔག་མེད་མགོན་གྱི་སྐུ་བཞུགས། ཨྱོན་རིན་པོ་ཆེའི་རྣམ་ཐར་ཐང་ཁ་ཞིག་ཀྱང་འདུག་པས། །བཞུགས་ཚུལ་དང་བཀོད་པ་ཐམས་ཅད་རྨི་ལམ་དང་མཐུན་པ་བྱུང་གསུང་། རིན་པོ་ཆེ་པ་དེ་ཞབས་དྲུང་རིན་པོ་ཆེ་བསོད་ནམས་རྒྱ་མཚོ་ལ་སྤྱན་རས་གཟིགས་དངོས་ཀྱི་མོས་པ་གནང་བ་ཡིན། ཕྱིས་ཀུན་བཟང་རྩེར་ཞལ་ཐ…

དུ་བཞུགས་སུ་གསོལ། སླར་རྩེས་ཐང་དུ་ཕེབས། དྲག་པོ་ཞེས་པ་ལྕགས་སྤྲེལ་གྱི་ལོ་གསར་གནང་། གཞན་དོན་གྱི་འཕྲིན་ལས་རྒྱུན་མི་འཆད་པའི་ངང་ནས། དབྱར་ཆོས་ལ་རྒྱལ་དུ་ཕེབས། དེའི་ཚེ་ཡང་སྔར་གྱི་མཁའ་འགྲོ་མ་དེ་བྱུང་ནས། གཞན་དོན་མཛད་པ་ལ་ཐབས་སྣ་ཚོགས་ཤིག་དགོས། དེ་ལ་སྔར་ཞུས་དེ་ལྟར་ཐུགས་ལ་ཨེ་བཞེད། བཞེད་ན་ནི་གདན་ས་རིན་པོ་ཆེ་འདིར་ཕེབ…

མཆོད་པ་རྒྱ་ཆེན་པོ་དང་ཕྱག་མཆོད་མང་དུ་མཛད་དོ། །དེ་ནས་ཡང་ཉིན་གཅིག་རྗེའི་ཞལ་ནས། མདང་ངའི་རྨི་ལམ་དུ་ངེད་འཁོར་བཅས་གཞན་མི་ཁ་ཡར་དང་བཅས་པ། རི་ཞིག་གི་སྒང་ཞིག་ལ་འགྲོ་གིན་འདུག་པས། དེ་ན་ཁང་པ་གསུམ་ཐོག་མ་ཞིག་འདུག །ང་ལ་མི་གཅིག་གིས། ཁྱེད་རང་སྐུ་སྐྱེ་གོང་མ་གཉིས་པོ་མཇལ་བ་ལ་ཨེ་འབྱོན་ཟེར། ངའི་བསམ་པ་ལ། ཐམས་ཅད་མཁྱེན་པ་སྐུ་…

གནང་། བཀའ་བསྒོ་དང་བཅས་པ་གནང་སྟེ། འོ་ལགས་ཡོད་དོ། །འདི་བཞི་ཤིན་ཏུ་དཀོན་པ་ཡིན་པས། ད་རེས་རྐང་བཙུགས་སུ་བྱས་པ་ཡིན་བཀའ་ཕེབས་བྱུང་། སླར་འོག་ཏུ་ཐམས་ཅད་མཁྱེན་པ་དགེ་འདུན་རྒྱ་མཚོའི་སྐུ་མདུན་དུ་ཕྱིན་པས། ཁྱེད་ལ་ཅི་གནང་བྱུང་གསུངས་། རྗེས་གནང་འདི་བཞིན་གནང་བྱུང་ཞུས་པས། འོ་དེ་ཡག །དེས་དཔལ་ལྡན་ལྷ་མོའི་ཆོས་སྐོར་ཐམས་ཅད་ཐོ…

སོང་བས། དེའི་འབྲས་བུ་ལ་སྐྱོན་ཞིག་ཡོད་དེ་ནམ་བྱུང་ཙ་ན་ཐབས་ཀྱིས་གཞོག་ལ། ཕ་གི་ཟུངས་ཤིག །བཟུང་བའི་ཚེ། ལ་ལའི་ཡིད་གདོན་གྱིས་བསྒྱུར་ནས་སྐུར་འདེབས་ལ་སོགས་པའི་བར་ཆད་འགལ་རྐྱེན་ཅི་ཐུབ་བྱེད་པ་འོང་ཡང་འགོག་མི་ཐུབ། འོན་ཀྱང་འགལ་རྐྱེན་བཟློག་པའི་སླད་དུ་ཉིན་རེ་བཞིན་ཆོས་སྐྱོང་གི་བསྟོད་པ་རྐང་བརྒྱད་དེ་ཉི་ཤུ་རྩ་གཅིག་རེ་ཐོན…

ལས་བྱང་འཕྲིན་ལས་རྒྱ་མཚོ་དང་དེའི་ཁ་སྐོང་། ཆོས་རྗེ་བླ་མས་མཛད་པའི་དབང་ཆོག་རྟོགས་པར་སླ་བ་རྣམས་ཀྱི་ཕྱག་དཔེ། ས་སྐྱོང་ཆོས་ཀྱི་རྒྱལ་པོ་གྲགས་པ་འབྱུང་གནས་ཀྱི་བླ་དཔེ་ལས་བཤུས་པའི་དངོས་གཙང་བ་ཞིག་སྐུ་ཞང་རིན་པོ་ཆེས་ཕྱག་ཏུ་ཕུལ་བ་ད་ལྟའང་མཆིས་ཤིང་། ཚེས་བཅུའི་བླ་མ་གསང་འདུས་ཀྱི་ལས་བྱང་། རྩེ་ལུགས་ཀྱི་ཆོག་བསྒྲིགས་ཇི་ལྟ་བ…

ཨེ་དགོས་གསུང་། མི་དགོས་ལགས། ཉི་མ་འདི་ལ་སྡད་ཆོག་པ་འདུག་ཞུས། ཉི་མཐོངས་ལ་བསྡད་པས། ཐམས་ཅད་མཁྱེན་པའི་སྐུ་པང་ན་ཉི་མ་འདུག་ཅིང་། རི་ལ་ཉི་མ་ལྡོས། ངལ་དུ་འདུག་གསུངས། དེ་ནས་གསུང་རབ་པ་ལངས་ཏེ། ད་འོ་ན་ཁྱེད་རང་དཔོན་སློབ་བཀའ་གྲོས་གནང་བ་ཞུ། ངས་ཕྱིན་གྱི་ཟེར་ནས་སོང་། རྗེ་ཐམས་ཅད་མཁྱེན་པའི་ཞལ་ནས། ངས་སྔར་བསླབས་པ་དེའི་སྐོར…

ནས་བྱིན་རླབས་ཞུས་པ་ལ། ཕྱག་དབང་རེ་ཡང་གནང་སོང་། གྲྭ་ས་ལ་ཞིག་རལ་འོང་པ་དེ་ལ་བཟློག་ཐབས་མེད་དམ་ཞུས་པས། ཕྱིར་འཕུལ་ཡིན་ན། རིམ་གྲོས་ལོ་དྲུག་ཅུ་ཙམ་ཐུབ། དེ་ལས་གཏན་མེད་ལ་བཟློག་པའི་ཐབས་མི་འདུག་ཕེབས། འོ་ན་ངས་འདི་ཉིད་དུ་ཆོས་ཀྱིས་ཕན་ཐོགས་མི་འོང་བ་འདྲ་ཞུས་དུས། འོ་སྐོལ་ཀྱི་ཆོས་ཀྱི་ཕན་ཐོགས་འདི་མུ་མཐུད་བྱས་པ་དང་། ཟུར་ད…