ཚོགས། །པདྨའི་རྫིང་བུར་བུང་བ་ཇི་བཞིན་དུ། །ཐོགས་མེད་སྡུད་མཛད་སྙན་འཇེབས་གསུང་ལ་བསྟོད། །སྲིད་ཞིའི་རྣམ་རྟོག་སྒྱུ་མའི་གར་མཁན་མ། །ཀུན་རྫོབ་འཁྲུལ་ངོར་ཤར་རྣམས་དྲི་བྲལ་སྤྱན། །འཁོར་བའི་ཕ་མཐའ་དཀྱུས་རིང་གིས་འཇལ་བར། །ཐོགས་མེད་ཡེ་ཤེས་ཀློང་ཡངས་ཐུགས་ལ་བསྟོད། །འབུམ་ཕྲག་ཉི་མའི་འོད་ཀྱིས་ཆ་ཙམ་དུ། །སྒྲུན་པར་ནུས་པ་མིན་པའི…

བསམས་པའི་དོན་ཆོས་དང་མཐུན་པར་ཡིད་བཞིན་འགྲུབ་པར་མཛད་དུ་གསོལ། ཕུད་གཏོར། རུ་མཚོན་སྒྲེང་ཞིང་རོལ་མོ་བྱ། བྷྱོཿ དཔལ་ལྡན་ལྷ་མོ་རིགས་འཛིན་རལ་གཅིག་མ་ལ་དམ་རྫས་རྒྱན་ལྡན་ཞེས་སོགས་གོང་དང་འདྲ་མ་མོ་ཤ་ཟ། བཀའ་སྡོད་དྲེགས་པའི་ཚོགས་རྣམས་ལ་དམ་རྫས་རྒྱན་ལྡན་ཞེས་སོགས་འདྲ། འཕྲིན་ལས་འཆོལ་བ་ནི། རལ་གཅིག་ལྷ་མོ་འཁོར་དང་བཅས་རྣམས་ཀྱ…

རྣམས་རྫོགས་ལྡན་དུས་ཀྱི་སྐྱེ་རྒུ་བཞིན། །བདེ་ཞིང་སྐྱིད་པའི་དཔལ་ལ་སྦྱོར་བར་མཛོད། །བསིལ་བའི་ཚལ་མཚུངས་མཆིམས་ཕུའི་གནས་འཛིན་པ། །དཔལ་གྱི་རི་བོར་གསང་སྔགས་འཆང་བའི་གླིང་། །འཁོར་ལོ་གསུམ་གྱིས་སྲིད་མཐར་དར་རྒྱས་ཤིང་། །རྒྱལ་དབང་པདྨའི་བཞེད་པ་འགྲུབ་པར་མཛོད། །དུག་མཚོན་གཡུལ་དང་རྫས་སྔགས་འཁྲུལ་འཁོར་སོགས། །སྣ་ཚོགས་ཐབས་ཀྱི…

ཤི །རང་རང་གནས་ནས་གནོད་སྦྱིན་མཆེད་ལྔ་དང་། །སྤྲུལ་པ་གསང་ཡུམ་བློན་པོ་ཕྱག་བརྙན་སོགས། །བཀའ་སྡོད་དྲེགས་པའི་དཔུང་གི་དམག་ཚོགས་བཅས། །ཐོགས་པ་མེད་པར་གནས་འདིར་ད་ཚུར་སྤྱོན། །དགྲ་ལྷ་སྐྱེས་གཅིག་མཛེས་བྱེད་པདྨ་སྐྱེས། །རྡོ་རྗེ་གྲགས་ལྡན་འཁོར་ཚོགས་རྒྱ་མཚོར་བཅས། །ཚུར་སྤྱོན་མཐུན་པའི་དམ་རྫས་བཤམས་ལགས་ན། །དགྱེས་སྐྱེད་འཕྲིན་…

བྱུགས་པའི་དྲི་ངད་འཇེབས། །ལྷ་མིའི་བཟའ་བཅའི་བཤོས་བུ་རི་ལྟར་སྤུང་། །རོལ་མོའི་སྒྲ་ཡིས་གནམ་སའི་ཁྱོན་ཀུན་འགེང་། །ཕྱི་མཆོད་ཆོས་སྐྱོང་འཁོར་བཅས་དགྱེས་ཕྱིར་འབུལ། ཁྲག་ཆང་བཏུང་བའི་རྦ་རླབས་མཁའ་ལ་འཕྱོ། །མིག་སྣ་རྣ་ལྕེ་དོན་སྙིང་འཕྲིག་ཅིང་འདར། །བམ་རོ་གསར་རྙིང་བསྲེགས་པའི་དུད་སྤྲིན་འཐུལ། །ཚིལ་ཆེན་རོ་སྐྲ་ལས་སྦར་མར་མེ་འ…

རྒྱ་མཚོའི་ཚོགས་དང་བཅས་ལ་བསྟོད། །གསང་བདག་དྲེགས་འདུལ་རྟ་མགྲིན་དབང་གི་རྒྱལ། །པདྨ་ཐོད་འཕྲེང་ཉི་མ་འོད་ཟེར་སོགས། །རྩ་བརྒྱུད་བླ་མའི་དམ་ཚིག་ཉེར་དགོངས་ལ། །ཐུབ་བསྟན་སྤྱི་དང་མཉམ་མེད་བཙོང་ཁ་པའི། །བཤད་དང་སྒྲུབ་པའི་བསྟན་པ་ཕྱོགས་བཅུར་རྒྱས། །དེ་འཛིན་སྐྱེས་བུ་འདུས་པའི་སྡེ་རྣམས་འཕེལ། །བོད་སྐྱོང་རྒྱལ་པོའི་སྐུ་ཚེ་མངའ་ཐ…

ངམ་གཤོད་རྒྱལ་པོ་ཆེན་པོར་མཆོད་གཏོར་འབུལ་ཚུལ་ནི། །རང་དཔལ་རྟ་མགྲིན་དུ་གསལ་བའི་ཐུགས་ཀ་ནས་འཕྲོས་པའི་རཾ་ལས་ཡེ་ཤེས་ཀྱི་མེས་གཏོར་མའི་དངོས་འཛིན་བསྲེགས། ཡཾ་ལས་རླུང་གིས་གཏོར། ཁཾ་ལས་ཆུས་བཀྲུས། ཀཾ་ལས་མི་མགོའི་སྒྱེད་བུ་གསུམ་གྱི་སྟེང་དུ་ཨ་ལས་ཐོད་པ་ཡངས་ཤིང་རྒྱ་ཆེ་བའི་ནང་དུ་གཏོར་མ་ཤ་ཁྲག་གི་རྒྱ་མཚོ་ཆེན་པོའི་སྟེང་དུ་ཨ…

ཀུན་བཀང་ནས་འབུལ། །དགེ་བསྙེན་ཆེན་པོ་འཁོར་དང་བཅས་པའི་ལྗགས་ཧཱུྃ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་གྱུར། ཀརྨ་མ་ཧཱ་རཱ་ཛ་སརྦ་ས་པ་རི་ཝཱ་ར་ཨ་ཀཱ་རོ་མུ་ཁཾ་སོགས་གཏོར་སྔགས་བཏགས་ལ་ལན་གསུམ་གྱིས་ཕུལ། སྔགས་གཤམ་དུ་ཨརྒྷཾ་སོགས་དང་། མ་ཧཱ་པཉྩ་ཁཱ་ཧི། མ་ཧཱ་རཀྟ་ཁཱ་ཧ…

བར་ཆད་ཞི་བ་དང་། །ཚེ་དང་བསོད་ནམས་དཔལ་འབྱོར་སོགས། །ཡར་ངོའི་ཟླ་ལྟར་འཕེལ་བར་མཛོད། །མ་འབྱོར་བ་དང་ཞེས་སོགས་ཀྱིས་བཟོད་པར་གསོལ། བཛྲ་མུཿས་གཤེགས་སུ་གསོལ། མཇུག་ཏུ་བཀྲ་ཤིས་ཅི་རིགས་པ་བྱའོ། །ཞེས་ངམ་གཤོད་རྒྱལ་ཆེན་ཀརྨ་འཕྲིན་ལས་ལ་མཆོད་གཏོར་འབུལ་ཚུལ་རྒྱས་པ་ཞིག་དགོས་ཞེས་མཆོད་དཔོན་ངག་དབང་ཤེས་རབ་ཀྱིས་བསྐུལ་བ་ལྟར་ཟ་ཧོར་ག…

ཡུལ་དུ་བདེ་བ་ཁྱད་པར་ཅན་བསྐྱེད་པར་ནུས་པའི་མཆོད་པའི་སྤྲིན་ཕུང་བསམ་གྱིས་མི་ཁྱབ་པར་གྱུར། ཨོཾ་བཛྲ་ཨརྒྷཾ་ནས་ཤབྡའི་བར་བརྗོད། གཏོར་མ་བསངས་སྦྱང་། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པའི་སྟེང་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས་པས་འཁོར…

དན་ཤམ་བུ་དམར་པོ་ཅན་འཕྱར་བ། སྐུ་ལ་དར་དཀར་གྱི་ཙེ་གོས་ཟ་འོག་སྔོན་པོའི་མཐའ་ཅན། རིན་པོ་ཆེའི་ཐོད་དང་ཕྱག་ཞབས་ཀྱི་གདུ་བུ་སྙན་ཆ་དོ་ཤལ་སོགས་ཀྱིས་སྤྲས་པ། ཞབས་ལ་སག་ལྷམ་དམར་པོ་གསོལ་བ། འབྲོང་གཡག་དཀར་པོའི་རྭ་དང་རྨིག་པ་བཻཌཱུརྱའི་མདོག་ལྟར་འཚེར་ཞིང་ཁ་རླངས་ན་བུན་ལྟར་འཐུལ་བ་ལ་བཅིབས་ནས། མེ་རླུང་འཚུབ་མའི་དབུས་ན་བཞུགས་པ། …

ཀྱི་གནས་ནས་སྲིད་པའི་ལྷ་རབས་ཤམ་པོ་ཡུམ་སྲས་བློན་པོ། །བཀའ་ཉན་དྲེགས་པའི་ཚོགས་དང་བཅས་པ་སྐད་ཅིག་གིས་བཛྲ་ཨངྐུ་ཤ་ཛཿ ཀྱེཿ ནུབ་བྱང་མཆོད་བསྟོད་དྲེགས་པའི་དཀྱིལ་འཁོར་དུ། །ཨོ་རྒྱན་སངས་རྒྱས་གཉིས་པས་ལེགས་བཅུག་ནས། །གསང་བདག་ཧེ་རུ་ཀ་དང་དབྱེར་མེད་པ། །ཡེ་ཤེས་དཀྱིལ་འཁོར་ལྷ་ཆེན་གནས་འདིར་གཤེགས། །སྔོན་ཚེ་གངས་ཅན་བོད་ཀྱི་སྲིད…

ལྡན་དྲི་ཡི་ཆབ། །ཐུགས་ཀ་ལ་སོགས་སྐུ་ཡི་ཆ་ལ་འབྱུག །རོ་བརྒྱ་ལྡན་པ་ལྷ་མིའི་བཟའ་བཅའ་རྣམས། །ཕུང་པོ་སྤུངས་པ་ལྗགས་ཀྱི་དབང་པོས་རོལ། །པི་ཝང་སིལ་སྙན་དུང་དང་རྔ་ཆེན་སོགས། །སྙན་བརྗིད་རོལ་མོ་ཐོས་འཛིན་རྒྱན་དུ་སྤེལ། །རིན་ཆེན་གདུ་བུ་དོ་ཤལ་རྣ་ཆ་དང་། །དར་དཀར་གོས་བཟང་རལ་གྲི་རྣོན་པོའི་མདུང་། །འབྲོང་གཡག་གངས་རིའི་དུམ་བུ་ཆད་…

ཅིག །བདག་སོགས་རྣམས་ཀྱིས་མ་རིག་འཁྲུལ་བ་ཡི། །འཁོར་བཅས་སྐུ་གསུང་ཐུགས་དང་འགལ་གྱུར་པའི། །ཉེས་ཚོགས་མཐའ་དག་སྙིང་ནས་བཤགས་བྱེད་ན། །བཟང་པོར་བཞེས་ལ་ཚངས་པའི་དངོས་གྲུབ་སྩོལ། །ལྷ་ཆེན་འཁོར་དང་བཅས་པའི་ལྗགས་ཧཱུྃ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་བསམས་ལ། ཨོཾ་བཛྲ་ས་དུ…

བཞིའི་རྒྱལ་ཁབ་ཆེན་པོ་འདིར། །ནད་མཚོན་མུ་གེ་འཐབ་རྩོད་ཉེར་ཞི་ཞིང་། །རིང་པོའི་ཚེ་དང་འཛད་མེད་ལོངས་སྤྱོད་སོགས། །བདེ་སྐྱིད་དགའ་སྟོན་ཚོགས་ལ་སྦྱོར་བར་མཛོད། །སྤྱི་དང་བྱེ་བྲག་རྒྱལ་བའི་ལུང་རྟོགས་བསྟན། །འཛིན་པའི་མདོ་སྔགས་སྡེ་རྣམས་དར་ཞིང་རྒྱས། །ས་སྐྱོང་རྒྱལ་པོའི་སྐུ་ཚེ་མངའ་ཐང་དང་། །མཚན་ཇུས་ཆབ་སྲིད་ཕྱོགས་བཅུར་རྒྱས…

ཡངས་ཤིང་རྒྱ་ཆེ་བ་གཉིས་ཀྱི་ནང་དུ་ཤ་ལྔ་དང་བདུད་རྩི་ལྔའི་རང་བཞིན་རྣམ་པ་དགྲ་བགེགས་ཀྱི་ཤ་ཁྲག་རུས་རྐང་ལྷ་བ་ཚིལ་བུ་ཕུང་པོར་སྤུངས་པ་རོ་མཆོག་བརྒྱ་ཕྲག་ལྡན་པ་དང་། བྷནྡྷ་ལྕང་ལོ་ཅན་གྱི་ནང་དུ་རཀྟའི་རྒྱ་མཚོའི་རྦ་ཀློང་ཕྱོགས་བཅུར་འཕྲོ་བར་གྱུར། ཨོཾ་བྷ་ལིཾ་སོགས་དང་། མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲཱིཿ སྔགས་དྲུག་དང་ཕྱག་རྒྱ་ད…

སག་ལྷམ་དམར་པོ་གསོལ་བ། རྟ་མཆོག་དམར་པོ་སྒ་སྲབ་གོང་རྨེད་སྤུ་ལེན་ཟེ་ལོང་གི་ཁེབས་སོགས་རྒྱན་རྣམས་ཀྱིས་སྤྲས་པ་ལ་བཅིབས་པ། འཁོར་དུ་རང་འདྲའི་ཀླུ་བཙན་དྲུག །བཙན་འཁོར་སུམ་བརྒྱ་དྲུག་ཅུ། སྡོམ་དང་སྡིག་པ་བྱ་ཁྲ་ལ་སོགས་འཇིགས་སུ་རུང་བའི་སྤྲུལ་པ་སྣ་ཚོགས་ཀྱིས་བསྐོར་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀ…

ཀུམ་མཁྲིས་པའི་དྲི་ཡི་བྱུག །རོ་བརྒྱའི་ཟས་དང་ཤ་རུས་ཞལ་ཟས་སྤུངས། །ཐོད་རྔ་རྐང་གླིང་སྙན་པའི་རོལ་མོ་ཡིས། །རྫོང་བཙན་འཁོར་བཅས་ཐུགས་དམ་སྐོངས་གྱུར་ཅིག །སྒ་སྲབ་གོང་རྨེད་དར་གྱི་ཅོད་པན་གྱིས། །རབ་སྤྲས་རླུང་གི་ཤུགས་འཆང་རྟ་མཆོག་ཆེ། །བསེ་ཡི་ཁྲབ་རྨོག་གྲུ་བཞི་ལྕོག་དར་དང་། །རུ་མཚོན་རྣོན་པོ་དར་ལྕེ་མཁའ་ལ་འཕྱོ། །ཙིཏྟ་རིན་…

བདག་ཆེན་པོ་ཁྱོད་ལ་བསྟོད། །རང་འདྲའི་ལས་བྱེད་སྤྲུལ་པ་དྲུག །སུམ་བརྒྱ་དྲུག་ཅུའི་བཙན་རྒོད་འཁོར། །སྡིག་སྦྲུལ་ཁྲ་སོགས་ཆོ་འཕྲུལ་གྱི། །སྤྲུལ་པ་སྣ་ཚོགས་སྟོན་ལ་བསྟོད། །རྒྱལ་དབང་པདྨཱ་ཀ་ར་དང་། །ཡབ་རྗེ་ཨྱོན་གླིང་པའི་ཞབས། །གར་གྱི་དབང་ཕྱུག་ནས་བཟུང་སྟེ། །ཟུར་ཆེན་རྩ་བའི་བླ་མའི་བར། །རིགས་འཛིན་རིམ་པར་བྱོན་རྣམས་ཀྱི། །བཀ…

ཕྱོགས་གཅིག་ཏུ་བཀོད་པ་ལ། རང་དཔལ་རྟ་མགྲིན་དུ་གསལ་བའི་ཐུགས་ཀའི་ཧཱུྃ་ལས་རཾ་ཡཾ་ཁཾ་གསུམ་རིམ་པ་བཞིན་དུ་འཕྲོས་པས་ཕྱི་ནང་གི་མཆོད་གཏོར་གྱི་མ་དག་པའི་དྲི་མ་ཐམས་ཅད་མེས་བསྲེགས། རླུང་གིས་གཏོར། ཆུས་བཀྲུས། ཨོཾ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བ…