འགྲོ་སྐྱབས་སེམས་དང་། དངོས་གཞི་བཤེས་གཉེན་བསྟེན་པའི་ལམ་ཉམས་སུ་ལེན་ཚུལ་དངོས་གཉིས། དང་པོ་ནི་མཁས་པ་ཁ་ཅིག །ཆོས་ཐམས་ཅད་ཀྱི་ཐོག་མ་བཤེས་གཉེན་བསྟེན་ཚུལ་ཁོ་ན་ཡིན་པས་དེའི་སྔོན་དུ་འགྲོ་བའི་ཆོས་གཞན་མེད་པར་འཆད་ཅིང་དེ་ལ་དག་ཁུངས་སུ་བྱེད་པ་མང་དུ་སྣང་ཡང་། དེ་ལྟར་ན་བཤེས་གཉེན་བསྟེན་པའི་ཆོས་སྐོར་ལ་བློ་སྦྱོང་བའི་བྱང་ཆུབ་ལ…

ལྟ་བུར་གསུངས། །ཞེས་དང་། གལ་ཏེ་སྐྱེས་བུ་ཆུང་འབྲིང་གི་ཆོས་སྐོར་རྣམས་སྐྱེས་བུ་ཆེན་པོའི་སྔོན་འགྲོ་ཡིན་ན་སྐྱེས་བུ་ཆེན་པོའི་ལམ་རིམ་དུ་བྱས་པས་ཆོག་མོད། ཆུང་འབྲིང་དང་ཐུན་མོང་བའི་ལམ་རིམ་ཞེས་ཐ་སྙད་བྱ་ཅི་དགོས་ཤེ་ན་ཞེས་གསུངས་པས་སྐབས་འདིར་འཆད་པའི་ཡུལ་ནི་སྐྱེས་བུ་ཆེན་པོའི་གདུལ་བྱ་ཡིན་ལ། དེ་ལ་སྔོན་འགྲོའི་ཚུལ་དུ་སྐྱ…

སངས་རྒྱས་མ་ཐོབ་ཀྱི་བར་དུ་མགོན་སྐྱབས་དང་དཔུང་གཉེན་ཞུ་སྙམ་པའི་དད་པ་ལྷང་ལྷང་བ་ཞིག་སྔོན་དུ་བཏང་ལ་སྐྱབས་མགོན་དེ་རྣམས་དགྱེས་པའི་ཚུལ་གྱིས་བདག་གི་མགོན་སྐྱབས་སུ་མངོན་སུམ་དུ་བྱོན་ཡོད་སྙམ་པའི་མོས་པ་དུང་དུང་བ་ཞིག་བྱས་པའི་མཐུས་སྐྱབས་གནས་དེ་དག་མཁྱེན་བརྩེ་ནུས་གསུམ་གྱི་ཡོན་ཏན་ཁྱད་པར་ཅན་མངའ་བས་བྱ་ནམ་མཁལ་ལ་འཕུར་བ་ལྟར…

རང་ལ་མེད་ཀྱང་དཀོན་མཆོག་ལ་གསོལ་བ་བཏབ་སྟེ་རྒྱབ་རྟེན་བཅོལ་ན་ཡོད་པར་ངེས་པ་རྣམས་ཀྱི་སྒོ་ནས་འདི་ལྟར་བརྗོད་དགོས་པས། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་བྱང་ཆུབ་སྙིང་པོ་ལ་མཆིས་ཀྱི་བར་དུ་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ།…

རྣམས་རྒྱུད་ལ་སྐྱེ་བའི་དགོས་པ་ཁྱད་པར་ཅན་ཡོད་པས། ཇི་སྐད་དུ། བཟུང་ན་ཚིག་མི་ཟིན། བསམས་ན་དོན་མི་གོ །བསྒོམས་ན་རྒྱུད་ལ་མི་སྐྱེ་བའི་བློ་མཐུ་ཤིན་ཏུ་ཆུང་བའི་དུས་སུ་ཞིང་གི་མཐུ་ལ་བརྟེན་པ་ནི་མན་ངག་ཡིན་ནོ། །ཞེས་ཐོག་མར་སྐྱབས་འགྲོ་དགོས་པའི་ཤེས་བྱེད་ཤིན་ཏུ་ཆེ་ཞིང་། འདི་ནས་བཟུང་སྟེ་སྐྱབས་འགྲོའི་བསླབ་བྱ་མདོར་བསྡུས་ཙམ་…

སྒོ་ནས་རྒྱུད་ལེགས་པར་དུལ་ཞིང་། མང་དུ་ཐོས་པ་ལུང་གི་ཡོན་ཏན། དེ་ཁོ་ན་ཉིད་རྟོགས་པའི་ཤེས་རབ་ཀྱི་བསླབ་པ་ཁྱད་པར་བ། སློབ་མ་རྣམས་ལས་ཆེས་ལྷག་པའི་ཡོན་ཏན་ཁྱད་པར་འཕགས་པ། ལུང་དོན་རིགས་པས་འབྱེད་ནུས་པའི་རྣམ་དཔྱོད་ཀྱིས་གདུལ་བྱའི་རྣ་བར་སྙན་ཞིང་ཡང་དག་པའི་ལམ་ལ་བཀྲི་བར་མཁས་པ། རྙེད་བཀུར་སོགས་ལ་ལྟོས་པ་མེད་པར་འགྲོ་བ་ཉམ་ཐག་…

དོགས་པ་བསེལ་ཞིང་ཆུ་བོ་རྣམས་ལས་སྒྲོལ། །དད་པ་བདེ་ལེགས་གྲོང་ཁྱེར་མཚོན་བྱེད་ཡིན། །དད་པ་རྙོག་པ་མེད་ཅིང་སེམས་དང་བྱེད། །ང་རྒྱལ་སྤོང་ཞིང་གུས་པའི་རྩ་བ་ཡིན། །དད་པ་ནོར་དང་གཏེར་དང་རྐང་པའི་མཆོག །ལག་པ་བཞིན་དུ་དགེ་སྡུད་རྩ་བ་ཡིན། །ཞེས་གསུངས་པ་ལྟར་དགེ་བའི་བཤེས་གཉེན་ལ་མི་ཕྱེད་པའི་དད་པ་ཞིག་ངེས་པར་སྔོན་དུ་འགྲོ་བ་གལ་ཆེ།…

གསུང་གི་གདངས་ཐུགས་དཀྱེལ་ཆེ་ཆུང་། མདོར་ན་འབྱོན་བཞུད་ན་བཟའ་བཞེས་ཚུལ་སོགས་ཕྲ་མོ་རྣམས་ཀྱིས་མཐའ་བརྟེན་པའི་མཛད་པ་བཟང་ངན་འབྲིང་གསུམ་ཅི་འདྲ་ཞིག་ཡོད་པ་ཐམས་ཅད་ཡང་ཡང་གསལ་གདབ་ཅིང་རང་བབས་སུ་འཆར་བཅུག་པ་ན་སྣང་ཚུལ་ལེགས་ཉེས་མངོན་སུམ་དུ་ད་ལྟ་མཛད་པ་ལྟར་ལྷང་ལྷང་གི་འཆར་བས་དེ་མ་བྱུང་གི་བར་དུ་བསམ། དེ་ནས་འདི་ལྟར་སྣང་བ་དེ་བ…

འཇམ་དཔལ་བཤེས་གཉེན་ཁྱིམ་བཙུན་རྒད་པོ་ཆོས་གོས་ཀྱིས་ཐོད་བྱས་ནས་རྨོ་རྨོད་ཅིང་རོལ་ནང་གི་སེམས་ཅན་མང་པོ་ཆུ་ནང་དུ་འཚོད་པ། ནཱ་རོ་པས་ཏེ་ལོ་པ་ཉ་གསོན་སྲེག་བྱེད་པ། དགེ་ཚུལ་ཚེམ་བུ་བས་རྡོ་རྗེ་ཕག་མོ་མཛེ་མོར་མཐོང་བ་དང་། ཡབ་སྲས་མཇལ་བའི་མདོ་ལས་དེ་བཞིན་གཤེགས་པས་བདུད་དུ་སྤྲུལ་ནས་སེམས་ཅན་གྱི་དོན་མཛད་པར་ཡང་བཤད་པས་རྒྱུ་མཚན་…

དང་ཡོན་ཏན་ཆུང་ངུ་ལ་ཡང་དད་པ་ཅི་འཕེལ་དུ་བྱ་བ་ནི་རང་ལ་ལེགས་ཚོགས་དངོས་གྲུབ་ཐམས་ཅད་གྱི་རྩ་བར་ཡོད་པས་གནད་ཤིན་ཏུ་ཆེ། དེ་ལྟར་མི་འཕྲོགས་པའི་དད་པ་ཁྱད་པར་ཅན་ནི་རང་ཉིད་ལ་དངོས་སུ་བཀའ་དྲིན་གྱིས་ཕན་པར་གྱུར་པ་མིན་ནའང་སྙན་པའི་གྲགས་པ་ཐོས་པ་ཙམ་ལ་ཡང་འབྱུང་མོད། གུས་པ་ཆེན་པོ་སྐྱེད་པར་བྱེད་པ་ལ་བཀའ་དྲིན་རྗེས་སུ་དྲན་པ་གལ་ཆེ…

མཐའ་མེད་ཀྱི་འཁོར་བ་འདིར་འཁོར་ཏེ་སྡུག་བསྔལ་མྱོང་བཞིན་པ་འདིར་ཟད། ད་རེས་མི་ལུས་ཐོབ་པའི་དུས་འདིར་བཤེས་གཉེན་དམ་པ་འདི་རྣམས་དང་མ་མཇལ་ན་དཀོན་མཆོག་གསུམ་གྱི་སྒྲ་ཙམ་ཡང་མི་ཐོས་པའི་མི་ཁོམ་པའི་གནས་སུ་འཁྱམ་དགོས་པ་ལ། སངས་རྒྱས་དངོས་སུ་མཇལ་ཡང་དེ་ཕན་ཆད་ལས་འགྲོ་རྒྱུ་མེད་པའི་ཟབ་པ་དང་རྒྱ་ཆེ་བའི་ཆོས་ནི་དགེ་བའི་བཤེས་གཉེན་ག…

རྣམས་སྤོང་བ་ཞིག་དགོས་པ་ཡིན་པས་སྔོན་བདག་ཅག་གི་སྟོན་པས་ཚིགས་བཅད་གཅིག་ཐོས་པའི་དོན་དུ་སྐུ་ལུས་ལ་མར་མེ་སྟོང་བཙུགས་པ། ལྕགས་གཟེར་སྟོང་བཏབ་པ། བུ་དང་བཙུན་མོ་མངའ་འབངས་ལོངས་སྤྱོད་ཐམས་ཅད་ཕུལ་བ། བྱང་ཆུབ་སེམས་དཔའ་རྟག་ཏུ་ངུས་འཕགས་པ་ཆོས་འཕགས། ནཱ་རོས་ཏཻ་ལོ། ཇོ་བོ་ཆེན་པོས་བླ་མ་གསེར་གླིང་པ་ལ་བྱང་ཆུབ་ཀྱི་སེམས་ཞུ་བའི་དོ…

གཏན་ལ་འབེབས་དགོས་པར་གདའ། དེ་ལྟར་ཚུལ་བཞིན་མ་བསྟེན་ན་ཉེས་པ་ཐམས་ཅད་ཀྱི་རྩ་བ་དང་། བསྟེན་ན་ལེགས་ཚོགས་ཐམས་ཅད་ཀྱི་འབྱུང་གནས་སུ་འགྱུར་བར་སྡོང་པོ་བཀོད་པའི་མདོ་དང་ལག་ན་རྡོ་རྗེ་དབང་བསྐུར་བའི་རྒྱུད་ལ་སོགས་པ་གསུང་རབ་དགོངས་འགྲེལ་དང་བཅས་པ་ལས་གསུངས་པ་ལ་ངེས་ཤེས་རྙེད་ནས་ཚིག་ཙམ་དུ་མ་ལུས་པར་ལག་ཏུ་ལེན་པ་ཞིག་དགོས་ནའང་རྟག…

སྭ་བྷཱ་ཝའི་སྔགས་ཀྱིས་སྦྱངས་ཏེ་དམ་ཚིག་པ་བསྐྱེད་པར་གསུངས་པ་འཇམ་དཔལ་དབྱངས་སྟག་ལུང་བྲག་པ་བློ་གྲོས་རྒྱ་མཚོའི་གསུང་རྒྱུན་དུ་རྩ་བའི་བླ་མ་མགོན་པོ་འཇམ་དབྱངས་སུ་བསྐྱེད་དེ་གསོལ་འདེབས་ཀྱི་ཚུལ་དུ་དྷཱི་མང་དུ་བགྲང་བ། འཁྲིད་ཡིག་ལ་ལ་ན་བླ་མ་ཐུབ་དབང་དང་རྡོ་རྗེ་འཆང་དུ་བསྐྱེད་པ། པདྨའི་འདབ་མ་ཕྱི་ནང་མང་པོར་བྱས་ཏེ་དེའི་སྟེ…

མེད་འགྲོ་ལ་ཕྱོགས་བཅུར་གཟིགས། །རྒྱལ་བ་ཀུན་གྱི་འཕྲིན་ལས་རྒྱས་མཛད་པའི། །དུས་གསུམ་བླ་མ་འཁོར་བཅས་གནས་འདིར་གཤེགས། །ཞེས་དང་། མ་ལུས་སེམས་ཅན་ཀུན་གྱི་མགོན་གྱུར་ཅིང་། །ཞེས་སོགས་ཤོ་ལོ་ཀ་གསུམ་གྱིས་སྤྱན་དྲངས་པས་ཆོས་འདི་སྟོན་པའི་དྲིན་ཅན་རྩ་བའི་བླ་མ་དང་གཉིས་སུ་མེད་པའི་སྟོན་པ་མཉམ་མེད་ཤཱཀྱའི་རྒྱལ་པོ་ལ་རྒྱ་ཆེན་སྤྱོད་བ…

གསུམ་ཀུན་ཏུ་དྲི་ངད་ལྡང་བ་ཡི། །ཞེས་སོགས་ཀྱིས་དྲི་བཟང་། སྲབ་འཇམ་ཡང་བ་ལྷ་ཡི་གོས། །ཞེས་སོགས་ཀྱིས་ན་བཟའ། བདག་དང་འགྲོ་ལ་ཐུགས་བརྩེའི་ཕྱིར། །སོགས་ཀྱིས་ཚོགས་ཀྱི་ཞིང་དུ་བརྟན་པར་བཞུགས་སུ་གསོལ། དེ་ནས་བསག་སྦྱང་གི་གནད་བསྡུས་པ་ཡན་ལག་བདུན་པའི་ཐོག་མར་ཕྱག་འཚལ་བ་ནི། སྐྱབས་ཡུལ་གྱི་དམིགས་པ་རྣམས་མ་དོར་བའི་ངང་ནས་ཕྱག་འཚལ་བ…

མཎྜལ་གྱི་རྒྱུ་རིན་པོ་ཆེ་ནས་བཟུང་། མ་འབྱོར་ན་གཡམ་པ་སོགས་ལ་ཚོམ་བུ་དགོད་རྒྱུའི་འབྲུ་སོགས་སྟ་གོན་བྱས་ལ། ཐོག་མར་ཚོམ་བུ་སོ་བདུན་ལ་གྲངས་ཇི་ལྟར་འདོད་པ་དང་། མང་ཁྱད་ཚོམ་བུ་བདུན་མ་གཙོ་བོར་བྱས་ཏེ་གྲངས་ཉེར་གཅིག་ནས་བརྒྱའི་བར་སོགས་ཚིག་དང་དམིགས་པ་བསྟུན་ནས་དབུལ། བསོད་ནམས་ཀྱི་ཚོགས་གསོག་པའི་དུས་འདིར་དངོས་སུ་བཤམས་པའི་མ…

ཞེས་སོགས་ཀྱིས་ཆུ་གཉིས་ཉེར་སྤྱོད་རོལ་མོ་དང་། གཞན་ཡང་ཚིགས་བཅད་ཅི་རིགས་པའི་སྒོ་ནས་འདོད་ཡོན་ལྔ་དང་རྒྱལ་སྲིད་སྣ་བདུན་ལ་སོགས་པ་རྣམས་ཀྱང་དབུལ། ཐུན་ཇེ་མང་དུ་སོང་བ་དང་རྒྱུན་གྱི་ཉམས་ལེན་ལ་ཅུང་ཟད་འཁྱེར་བདེ་བར་བྱེད་ཚེ། མེ་ཏོག་དམ་པ་ཕྲེང་བ་དམ་པ་དང་། །ཞེས་སོགས་ཙམ་གྱིས་མཆོད་པའི་ཡན་ལག་སྟེ་དངོས་བཤམས་ཡིད་སྤྲུལ་གྱི་མཆོ…

མཛད། །དེ་བཞིན་བྱང་ཆུབ་ཡོངས་བསྔོས་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་དགེ་བ་ཆུད་མི་ཟ་ཞིང་རྒྱ་ཆེར་འཕེལ་བའི་གནད་ཟབ་པ་ཞིག་འདིར་གདའ་འོ། །འཁྲིད་གཞུང་རྙིང་པ་ན་སྤྱི་བཤགས་སོགས་བྱ་བར་གསུངས་པ་ཕུན་སུམ་ཚོགས་པའི་ཡན་ལག་ཏུ་འགྱུར་ནའང་འོག་ཏུ་རྒྱས་པར་འབྱུང་བས་འཇུག་པ་བདེ་བའི་དབང་དུ་བྱས་ཏེ་དེང་སང་ཕྱག་ལེན་དུ་…

གནས་སོགས་ལ་འཇོག་སྒོམ་གཙོ་ཆེ་ཡང་། དཔེར་ན་བཤེས་གཉེན་བསྟེན་པའི་ཆོས་སྐོར་ལྟ་བུའི་ཚེ་བླ་མའི་ཡོན་ཏན་བསམ་པ་སོགས་དཔྱད་སྒོམ་དང་། དེའི་མཐར་རྟོག་པ་གཞན་རྣམས་བག་ལ་ཞ་སྟེ་དད་པ་ལ་རྩེ་གཅིག་ཏུ་གནས་པ་ནི་འཇོག་སྒོམ་དང་། ཞི་གནས་སྒོམ་ཚུལ་གྱི་གནད་ལ་ཡང་ཡང་སེམས་པ་ནི་དཔྱད་སྒོམ་དང་རྩེ་གཅིག་ཏུ་གནས་པ་ནི་འཇོག་སྒོམ་ཡིན་པས་གནད་དེ་ད…