འདོད་དེ། མཛོད་འགྲེལ་ལས། ཡང་དག་པར་བླངས་པའི་ཚུལ་ཁྲིམས་ནི་རྣམ་པར་རིག་བྱེད་ལ་རག་ལུས་པའི་ཕྱིར། ལས་ཀྱི་ལམ་གཟུགས་ཅན་བདུན་ནི་གདོན་མི་ཟ་བར་རྣམ་པར་རིག་བྱེད་དང་རིག་བྱེད་མ་ཡིན་པ་རྣམ་པ་གཉིས་ཀ་ཡོད་དེ། ཞེས་གསུངས་པའི་ཕྱིར། དེ་ཡང་སོ་ཐར་གྱི་སྡོམ་པ་ཐོབ་ནས་མ་བཏང་བ་དེ་སྲིད་དུ་རྣམ་པར་རིག་བྱེད་མ་ཡིན་པའི་གཟུགས་ཀྱི་ངོ་བོར་ག…

གཉིས་པ་བྱེ་བྲག་ཏུ་བཤད་པར་རྣམ་པ་རིག་བྱེད་ཀྱི་གཟུགས། རྣམ་རིག་མ་ཡིན་པའི་གཟུགས། དང་པོ་ལ་ལུས་ངག་གཉིས། ཕྱི་མ་ལ་སྡོམ་པ། སྡོམ་མིན་བར་མ་གསུམ། དང་པོར་ཡང་སོ་ཐར། བསམ་གཏན། ཟག་མེད་རྣམས་སུ་ཡོད། གཉིས་པ་མདོ་སྡེ་པ་ནི། ལུས་ངག་མི་བདེ་བ་ལས་སྡོམ་པར་བྱེད་པའི་རྒྱུད་ཡོངས་སུ་འགྱུར་བའི་ཁྱད་པར་ལ་འདོད། གསུམ་པ་སེམས་ཙམ་པ་ནི་གཞན་ལ…

ཉིད་ལ། བྱེ་སྨྲ་ལྟར་ན་འདོད་པའི་སས་བསྡུས་པའི་ངེས་འབྱུང་གི་བསམ་པས་ཟིན་པའི་སྡོམ་པའི་ཚུལ་ཁྲིམས། འདིར་བསམ་གཏན་ཟག་མེད་སོ་ཐར་གྱི་སྡོམ་པ་གསུམ་འགལ་བར་འདོད་དེ། འདོད་པའི་སས་བསྡུས་སོ་ཐར། གཟུགས་ཀྱི་སས་བསྡུས་བསམ་གཏན། ཁམས་གསུམ་གང་རུང་གི་སས་མ་བསྡུས་པ་ཟག་མེད་དུ་འདོད། ཐེག་པ་ཆེན་པོ་ལྟར་ན། སོ་ཐར་གྱི་སྡོམ་པ་འགྲུབ་པར་བྱེད…

སོ་སོ་ཐར་པའི་སྡོམ་པ་ཡིན་གྱི་སོ་སོ་ཐར་པ་མ་ཡིན་ཏེ། སྡིག་པ་མི་དགེ་བའི་ཆོས་ལས་དང་པོར་ཐར་པ་མ་ཡིན་པའི་ཕྱིར། དེ་སྐད་དུ་ཡང་། དང་པོའི་རྣམ་རིག་རྣམ་རིག་མིན། །ཞེས་པའི་རང་འགྲེལ་དུ། སྡོམ་པ་ཡང་དག་པར་བླངས་པའི་རྣམ་པ་རིག་བྱེད་དང་རྣམ་པ་རིག་བྱེད་མ་ཡིན་པ་དང་པོ་དག་ནི་སོ་སོ་ཐར་པ་ཞེས་བྱ་སྟེ། དེས་སྡིག་པ་ལས་སོ་སོར་ཐར་པའི་ཕྱི…

དམན་པ་ལྟར་གཟུགས་ཅན་དུ་འདོད་པའི་ལྡན་ཚུལ་གཉིས་ཀྱི་དང་པོ་ནི། ཐེག་པ་ཆེན་པོ་ལྟར་ན་དགེ་བསྙེན་དགེ་ཚུལ་དགེ་སློང་རིམ་ཅན་དུ་ནོད་པའི་དགེ་སློང་གི་རྒྱུད་ལ་སྡོམ་གསུམ་ངོ་བོ་ཐ་དད་ཅིག་ཅར་དུ་ལྡན་པ་ཡང་མ་ཡིན་ཏེ། སྡོམ་པ་གསུམ་པ་དེ་དག་ཤེས་པ་གང་ཞིག །གཙོ་སེམས་གཅིག་གི་འཁོར་དུ་སྡོམ་པའི་ངོ་བོར་གྱུར་པའི་སྤོང་སེམས་རྫས་གཞན་པ་གསུམ…

དེས་ན་ཚིགས་གསུམ་རིམ་གྱིས་ནོད་པའི་དགེ་སློང་གི་རྒྱུད་ལ་སྡོམ་པ་གསུམ་ངོ་བོ་ཐ་དད་པའི་ཚུལ་གྱིས་ཅིག་ཅར་དུ་ལྡན་པ་ལ་རིགས་པ་དང་འགལ་བ་མེད་དེ། སྡོམ་པ་གསུམ་པོ་དེ་ཐོབ་བྱེད་ཀྱི་རྒྱུས་ཐོབ། གཏོང་བྱེད་ཀྱི་རྒྱུས་མ་བཏང་བའི་གཟུགས་ཅན་ངོ་བོ་ཐ་དད་ཡིན་པའི་ཕྱིར། དེ་ཡང་དགེ་སློང་གི་སྡོམ་པ་དེ་ལུས་ངག་གི་སྤང་བྱ་བདུན་སྤོང་པའི་སྤོང…

གནས་ཀྱི་སྡོམ་པ་འགྲུབ་པར་བྱེད་པའི་རྒྱུ་ཕུན་སུམ་ཚོགས་པ་ལ་བརྟེན་ནས་ཐོབ་ཅིང་། བསྙེན་གནས་ཀྱི་སྡོམ་པའི་མི་མཐུན་ཕྱོགས་སུ་གྱུར་པའི་སྤང་བྱ་བརྒྱད་ཉིན་ཞག་ཕྲུགས་གཅིག་གི་བར་དུ་སྤོང་བར་ཁས་བླངས་པའི་ངེས་འབྱུང་གི་ཚུལ་ཁྲིམས། རང་དགེ་ཚུལ་གྱི་སྡོམ་པར་འགྲུབ་པར་བྱེད་པའི་རྒྱུ་ཕུན་སུམ་ཚོགས་པ་ལ་བརྟེན་ནས་ཐོབ་ཅིང་། དགེ་ཚུལ་གྱི…

རྩ་བའི་ས་བཅད་གསུམ་པ་ཁྱད་ཆོས་ལ། ལྡན་ཚུལ། ཐོབ་ཚུལ། གཏོང་ཚུལ། བསླབ་བྱ། ཕན་ཡོན་དང་ལྔ་ལས། དང་པོ་ནི། སྤྱིར་མི་མ་ཡིན་པ་དང་སྒྲ་མི་སྙན་པ་དང་ཟ་མ་དང་མ་ནིང་མ་ཡིན་པར་ལྡན། བྱེ་བྲག་དགེ་ཚུལ་སློང་དགེ་བསྙེན་ཕ་མ་བསྙེན་གནས་པ་བརྒྱད་ལ་ལྡན། ཐོབ་ཚུལ་ལ་རྒྱུ་གང་ལས་ཐོབ་ན་སྤྱིར་ཆོ་ག་ལ་བརྟེན་ནས་ཐོབ་པ་དང་། ཆོ་ག་ལ་བལྟོས་མེད་དུ་རང…

དགོས་པའི་ཕྱིར། གཏོང་ཚུལ་ལ། སྤྱིར་བཏང་དང་། རྩ་ལྟུང་སྡོམ་པའི་གཏོང་རྒྱུ་ཡིན་མིན་དཔྱད་པ་གཉིས། དང་པོ་ནི། བསླབ་པ་ཕུལ་བས་གཏོང་སྟེ། སྡོམ་པའི་མི་མཐུན་ཕྱོགས་ཁས་བླངས་པའི་ཕྱིར། ཤི་འཕོས་པས་གཏོང་སྟེ། ཁས་བླངས་པ་དུས་ལས་འདས་པའི་ཕྱིར། མཚན་གཉིས་ཅིག་ཅར་དུ་བྱུང་བ་དང་མཚན་ལན་གསུམ་དུ་གྱུར་པས་གཏོང་སྟེ། སྡོམ་པའི་རྟེན་ཉམས་པའི…

གཉིས་པ་རྩ་ལྟུང་སྡོམ་པའི་གཏོང་རྒྱུ་ཡིན་མིན་དཔྱད་པ་ལ། སེམས་ཙམ་པ་ཡན་ཆད་ཀྱི་ལུགས། མདོ་སྡེ་བའི་ལུགས། བྱེ་སྨྲའི་ལུགས་དང་གསུམ་གྱི་དང་པོ་ནི། དགེ་སློང་གིས་གཞི་བསམ་སྦྱོར་བ་མཐར་ཐུག་གིས་ཡན་ལག་ཚང་བའི་སྒོ་ནས་རྩ་བའི་ལྟུང་བ་སྤྱད་ན་ཕམ་པར་འགྱུར་ཞིང་། དེ་ལ་འཆབ་བཅས་འཆབ་མེད་གཉིས་པོ་གང་བྱུང་ཡང་སྣོད་ཆུས་བཤལ་བ་བཞིན་དུ་སྡོམ…

སློང་དུ་མི་རུང་སོགས་ཀྱི་ལུང་འདྲེན། གཉིས་པ་མདོ་སྡེ་བའི་ལུགས་ལ། རྩ་བའི་ལྟུང་བ་ལ་འཆབ་བཅས་འཆབ་མེད་གཉིས་སུ་ཡོད་ཅིང་། དགེ་སློང་ལ་འཆབ་མེད་བྱུང་བའི་ཚེ་སྡོམ་པ་ཡང་མི་སྟོང་ལ་ཕམ་པ་ཡང་མ་བྱུང་སྟེ། ཕམ་པ་ལ་ངེས་པར་འཆབ་སེམས་ཡན་ལག་ཏུ་དགོས་པའི་ཕྱིར། ལུང་ལས་གལ་ཏེ་སེམས་ནི་གཅིག་གིས་ཀྱང་། །འཆབ་པ་མེད་པར་འཆགས་བྱེད་ན། །ཐ་མ་བྱ…

ལ་གནས་སྐབས་སུ་གྲོགས་ཚངས་པ་མཚུངས་པར་སྤྱོད་པ་རྣམས་དང་ལྷན་ཅིག་ཏུ་གནས་ནས་ཆོས་དང་ཟང་ཟིང་ལོངས་སྤྱོད་པ་དང་། མཐར་ཐུག་ནི་དགོས་པ་ཚེ་འདིར་དགེ་བའི་བྱ་བ་ལ་བརྩོན་པ་བྱས་པ་ལ་བརྟེན་ནས་བྱང་ཆུབ་ཐོབ་ནུས་པའི་སྐལ་བ་ཡོད་པའི་ཕྱིར། རྩ་ལྟུང་འཆབ་བཅས་ཀྱིས་དགོས་པ་བསྒྲུབ་ནུས་པ་ལས་ཀྱང་ཉམས་ཏེ། དེ་ལ་གནས་སྐབས་མཐར་ཐུག་གི་དགོས་པ་དེ་གཉ…

གཉིས་པ་སོ་སོར་བཤད་པ་ལ། ཁྱིམ་པའི་ཕྱོགས་སུ་གཏོགས་པའི་སོ་ཐར་སྡོམ་པའི་བསླབ་བྱ་དང་། རབ་བྱུང་གི་ཕྱོགས་སུ་གཏོགས་པའི་དེ་གཉིས། དང་པོ་ལ། དགེ་བསྙེན་དང་། བསྙེན་(༦༡ན)

གནས་ཀྱི་བསླབ་བྱ་གཉིས། དང་པོ་ལ། བྱེ་བྲག་ཏུ་སྨྲ་བའི་དང་། ཐེག་པ་ཆེན་པོའི་ལུགས་གཉིས། དང་པོ་ནི། དགེ་བསྙེན་གྱི་བསླབ་བྱ་བསྡུ་ན། སྐྱབས་གསུམ་འཛིན་པའི་དང་། ཡོངས་རྫོགས་ཀྱི་དགེ་བསྙེན་གྱི་བསླབ་བྱ་གཉིས་སུ་འདུས། དང་པོ་ནི། སྒྲུབ་པའི་སྒོ་ནས་དཀོན་ཅོག་གསུམ་ལ་ཡིད་ཆེས་ཀྱི་དད་པ་ལྡན་པས་སྐྱབས་སུ་འགྲོ་བ་དང་། དགག་པའི་སྒོ་ནས་…

བའི་ཆེད་ཡིན་པའི་ཕྱིར། མཛོད་ལས། བསླབ་པ་ཐམས་ཅད་འདས་གྱུར་ན། །བརྫུན་དུ་ཐལ་བར་འགྱུར་བའི་ཕྱིར། ཞེས་སོ། །བསླབ་པ་ལྷག་མ་རྣམས་རྫོགས་པར་བྱེད་པའི་ཡན་ལག་ཏུ་མྱོས་འགྱུར་སྤོང་དགོས་པ་ཡིན་ཏེ། མྱོས་འགྱུར་བཏུངས་བ་ན་དྲན་པ་ཉམས་ནས་སེམས་བག་མེད་པར་འགྱུར་ཏེ་ཉེས་པ་གཞན་ལ་སྦྱོར་བར་བྱེད་པའི་ཕྱིར། མཛོད་ལས། བཅས་པའི་ཁ་ན་མ་ཐོ་བ། །མྱ…

མལ་ཆེ་མཐོ་དང་བརྒྱད་སྤོང་པ་ལ་དགོས་ཏེ། བཤེས་སྤྲིང་ལས། འཚེ་དང་ཆོམ་རྐུན་འཁྲིག་པ་རྫུན་དང་ནི། །ཆང་དང་དུས་མིན་ཟས་ལ་ཆགས་པ་དང་། །མལ་སྟན་མཐོ་ལ་དགའ་དང་གླུ་དག་དང་། །གར་དང་འཕྲེང་བའི་ཁྱད་པར་རྣམས་སྤོངས་ཤིང་། །ཞེས་པ་ལྟར་རོ། །དེ་དག་ཀྱང་བསྡུ་ན། ཚུལ་ཁྲིམས་ཀྱི། བག་ཡོད་ཀྱི། བརྟུལ་ཞུགས་ཀྱི་ཡན་ལག་དང་གསུམ་དུ་འདུས། རྩ་བ་བཞི…

ཞར་ལ་བར་མ་རབ་བྱུང་གི་བསླབ་བྱ་ནི། དཀོན་ཅོག་གསུམ་ལ་སྐྱབས་སུ་འགྲོ་བ། མཁན་སློབ་ལ་གུས་པར་བྱེད་པ། ཁྱིམ་པའི་རྟགས་སྤོང་བ། རབ་ཏུ་བྱུང་བའི་རྟགས་ཡང་དག་པར་ལེན་པ་བཞི་ལ་གཙོ་བོར་སློབ་དགོས་ཏེ། བར་མ་(༦༣ན)

རབ་བྱུང་གི་སྐབས་སུ་བཞི་པོ་འདི་ལ་སློབ་པར་ཁས་བླངས་པའི་ཕྱིར། གཉིས་པ་དགེ་སློང་ཕའི་བསླབ་བྱ་ལ། ཕམ་པ་བཞི་ལྷག་མ་བཅུ་གསུམ་མ་ངེས་པ་གཉིས་སྤང་ལྟུང་སུམ་ཅུ་ལྟུང་བྱེད་འབའ་ཞིག་པ་དགུ་བཅུ་སོ་སོར་བཤགས་པ་བྱ་བ་བཞི་ཉེས་བྱས་བརྒྱ་དང་བཅུ་གཉིས་ཏེ་ཁྲིམས་ཉིས་བརྒྱ་དང་ལྔ་བཅུ་རྩ་གསུམ་ལ་སློབ་བོ། །ལྔ་པ་ཕན་ཡོན་ལ། སྤྱིར་བསྟན་པ་དང་། བ…

ངུས་འགྲུབ་པ། གནས་སྐབས་དང་མཐར་ཐུག་གི་སྨོན་ལམ་འགྲུབ་པ་དང་བཅུ། ཞེས་གསུངས་པའི་དོན་གལ་ཆེ་བའི་རགས་རིམ་རྣམས་བཀོད་པ་ཡིན་ནོ། །གོང་གི་སྡོམ་པ་གཏོང་རྒྱུ་དང་ཕྱོགས་མཐུན་པ་འདུལ་བ་རྒྱ་མཚོའི་སྙིང་པོ་ལས། སྡོམ་པ་གཏོང་བའི་རྒྱུ་ལ་གཉིས། །བསླབ་པ་ཕུལ་དང་ཤི་འཕོས་དང་། །མཚན་གཉིས་བྱུང་དང་ལན་གསུམ་འགྱུར། །དགེ་རྩ་ཆད་རྣམས་ཐུན་མོང་…

འཆབ་བཅས་བྱུང་བ་གསོ་མི་རུང་བ་མ་ཡིན་ཏེ། དེ་ལྟར་དབང་བཞི་གཞན་ལས་ནོས་པའམ་རང་གིས་བདག་འཇུག་བླངས་པའི་ཚེ་དབང་གསུམ་པའི་དུས་ཡེ་བརྒྱ་ལ་བརྟེན་ནས་ཀྱང་དབབ་ལྡོག་གི་བདེ་བ་ཉམས་སུ་མྱོང་བས་ཀྱང་སྡོམ་པ་འཇིག་པ་སོགས་ཀྱི་སྒྲུབ་བྱེད་མང་དུ་མཛད་པས་མཚོན། གོང་མའི་གསུང་རབ་ལ་གཅེས་པར་འཛིན་པ་ཕལ་ཆེར་དགོངས་པ་མཐུན། པཎ་ཆེན་ཤཱཀྱ་མཆོག་ལྡན…