འདུ་ཤེས་པས་ཟོས་ན་ཉེས་མེད་ཀྱི་མུ་གཉིས་འབྱུང་བ་ཡིན། རང་གླིང་ཞེས་པ་སྐྱེས་པ་དང་། གནས་པའི་གླིང་དུ་བཞེད་པ་མི་མཐུན་པ་མང་ཡང་ཞུ་བ་ལས་སྐྱེས་པའི་གླིང་གཙོ་ཆེ་བར་བཤད་པ་སྤྱིར་བཏང་དང་། གཏམ་གཞི་ལས་གནས་པའི་གླིང་གཙོ་ཆེ་བར་བཤད་པ་དམིགས་བསལ་ཡིན་པས་ཕྱི་མ་དབང་བཙན་པར་བཞེད། ཉེས་མེད་ནི་སྨན་ཕྱི་མ་གསུམ་ཕྱི་དྲོ་ཟོས་པ་ལྟ་བུ་དང་།…

སྤངས་པ་ཡོངས་རྫོགས་སུ་མ་སོང་བས་ལྷག་བོར་མ་བྱས་པར་ཟོས་ཀྱང་སྤང་ཟའི་ལྟུང་བྱེད་མི་འབྱུང་བར་སེམས་སོ། །དེ་ཡང་བཟའ་བ་ལྔ་གང་རུང་ཞིག་སྤངས་ན་བཟའ་བཅའ་ཐམས་ཅད་སྤངས་པར་འགྱུར་ཏེ་གཙོ་བོ་ཡིན་པའི་ཕྱིར་རོ། །བཅའ་བ་ལྔ་གང་རུང་ཞིག་སྤངས་ན་བཅའ་བ་ཐམས་ཅད་སྤངས་བར་སོང་གི་བཟའ་བ་གང་ཡང་སྤངས་པར་མ་སོང་སྟེ། གཙོ་བོ་མ་ཡིན་པའི་ཕྱིར། ལྷག་པོ…

རྩ་བར། གནས་མ་བཏང་བས་བྱ་བ་ཉིད་དོ། །ཞེས་དང་། ཚིག་ལེ་ལས། འདུག་ས་མ་ནོར་དགེ་སློང་གིས། །གང་ཟོས་དེ་ནི་ལྷག་བོར་ཡིན། །ཞེས་གསུངས་པས་སོ། །བརྩམས་ལྡང་ནི། དགེ་སློང་ནད་པ་མིན་པས་ཆོག་པར་ཟོས་མ་ཟིན་པ། དགག་བྱ་ཟིལ་གནོན་དུ་འགྲོ་བའི་དགག་དགོས་གཞན་མེད་པ། སྨན་རྣམ་བཞི་གང་རུང་ཟ་བའི་འཕྲོ་བ་ལྡང་འདོད་ཀྱི་བསམ་པ་རྒྱུན་མ་ཆད་ཅིང་འདུ་…

དེ་ནི་རྣམ་པ་གཉིས་སུ་གསུངས། །ཞེས་པ་ལྟར། དུས་རུང་ནི། སྔ་དྲོ་ཟ་ཆེད་ཀྱི་བྱིན་ལེན་བྱས་པ་དེ་མ་ཞིག་པར་གུང་ཚིགས་ལས་འདས་པར་བཅང་ན་གསོག་འཇོག་ཏུ་འགྱུར་ལ། སྨན་ཕྱི་མ་གསུམ་བྱིན་གྱིས་མ་བརླབས་ན། སྔ་དྲོ་བྱིན་ལེན་བྱས་པ་མ་ཞིག་བར་གུང་ཚིགས་ཡོལ་བའི་ཚེ་དང་། ཕྱི་དྲོ་བྱིན་ལེན་བྱས་པ་ཐུན་ཚོད་ཀྱི་མཐར་གསོག་འཇོག་ཏུ་འགྱུར། བྱིན་གྱ…

རྩམ་རྐྱལ་སོགས་དེ་དང་ཉེ་བའི་སྟ་གོན་དུ་གནས་པ། རང་ངམ་རང་དང་འདྲ་བ་དབང་ཞིང་གནས་སྐབས་དབང་བྱར་ཡོད་པ། བྱིན་ལེན་སྟོབ་པར་འོས་པ་དང་མ་འབྲེལ་བ་རང་ངམ་རང་དང་འདྲ་བས་བྱིན་ལེན་ཆགས་ལ་མ་ཞིག་པ་མ་ཡིན་པ། ཆུད་ཟ་བའི་རྐྱེན་མེད་པ། གཞི་བརྟན་པོ་དང་མ་འབྲེལ་བར་དགོས་པ་ཟ་ཆེད་མ་ཡིན་པར། བསམ་པ་འདུ་ཤེས་མ་འཁྲུལ་ཞིང་ཀུན་སློང་རེག་འདོད་རྒྱ…

བའི་སྟ་གོན་དུ་གནས་པ། བདག་ཉིད་གནས་པའི་དུས་ཅན་མིན་པ། བསམ་པ་འདུ་ཤེས་མ་འཁྲུལ་ཞིང་། ཀུན་སློང་མེའམ་རླངས་པ་སོགས་ལ་རེག་འདོད་རྒྱུན་མ་ཆད་པ། སྦྱོར་བ་རང་ངམ་བསྐོས་པས་རེག་པར་རྩོམ་པ་མཐར་ཐུག་རེག་པ་ན་གྲུབ། རྗེན་པ་དང་མ་བྲལ་བའི་མཚན་ཉིད་ནི། ཤ་སྐམ་པོ་དང་འབྲས་སོགས་མི་སྙི་པ་སུམ་ཆ་བངས་པ་དང་། ཤ་རློན་པ་ལྟ་བུ་སྙི་བ་རྣམས་ཁ་དོག…

ལས་ལན་གཉིས་སུ་བཟའ་བ་ལྔ་གང་རུང་མགྲོན་གྱི་ཚད་དུ་ལོངས་པ། ཀུན་སློང་ཟས་སྔ་མ་དེ་ཟོས་ནས་ཕྱི་མ་དེའི་ཟས་ཟ་འདོད་རྒྱུན་མ་ཆད་ཅིང་། འདུ་ཤེས་མ་འཁྲུལ་བ། སྦྱོར་བ་ཟས་ཕྱི་མ་དེ་ཟ་བར་རྩོམ་པ། མཐར་ཐུག་མགུལ་དུ་མིད་པ་ན་ཡང་ཡང་ཟ་བའི་ལྟུང་བྱེད་འབྱུང་བས་དེ་བསྲུང་དགོས་ལ། སེལ་བ་ནི། ནད་པ་དང་། ལམ་དུ་འགྲོ་བ་དང་། ལས་བྱེད་པ་དང་། སྦྱི…

འདུལ་བ་མདོ་རྩ་ལས། གསོ་སྦྱོང་གི་གནས་ལ་བློ་མཐུན་པར་བྱའོ། །ཞེས་གསུངས། སྐབས་འདིར་དམིགས་ཀྱི་བསལ་བ་བསྙེན་རྫོགས་ཀྱི་གནས་ལ་བློ་མཐུན་ཡིན་ཀྱང་། གསོ་སྦྱོང་། དབྱར་གནས། དགེ་འདུན་གྱི་ལས་ཕལ་མོ་ཆེར་བློ་མཐུན་པ་དགོས་ཏེ། གནས་ལ་བློ་མཐུན་བྱས་པས་དགེ་འདུན་རྣམས་ཐུགས་མཐུན་པར་འགྱུར་བ་དང་། བྱེ་བྲག་ཏུ་ལས་ཀྱི་བྱ་བ་ཀླག་ཅོར་དུ་མི…

ཆོ་ག་གསུམ་གྱི། དང་པོ་ནི། མཚམས་བཅད་པར་བྱའོ། །དཔག་ཚད་ཕྱེད་དང་གསུམ་གྱི་མཐའ་ཚུན་ཆད་དོ། །ཞེས་གསུངས་པ། རྒྱ་ཆེར་འགྲེལ་དུ། ཕྱོགས་བཞིར་དཔག་ཚད་ཕྱེད་གསུམ་གྱི་མཐའ་ཚུན་ཆད་དོ་ཞེས་བྱ་བའི་ཐ་ཚིག་གོ །ཞེས་དང་། དབུས་ནས་དཔག་ཚད་ཕྱེད་དང་གསུམ་གྱི་མཐའ་ལས་ལྷག་པར་མཚམས་བཅད་པ་མི་ཆགས་སོ། །ཞེས་གསུངས་པ་གནས་དེའི་དབུས་ནས་གཞལ་བ་ཡིན་པ…

མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བཙུགས་པ་དག་བརྗོད་པར་བྱའོ། །དེའི་འོག་ཏུ་དགེ་སློང་ལས་བྱེད་པ་གཅིག་གིས་གསོལ་བ་བྱས་ཏེ་ལས་བྱའོ། །ཞེས་གསུངས།གསུམ་པ་ཆོ་ག་ནི། དེ་ཉིད་ལས། འདི་ལྟར་བྱ་སྟེ། འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སླ…

མཚམས་ཆེན་པོ་གཅོད། འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་ནས། མཚན་མ་བརྟན་པོ་ལགས་ཏེ། དེའི་སླད་དུ་དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པ་འདི་ལྟ་སྟེ་ནས། མཚམས་ཆེན་པོ་གཅོད་ན་ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་སོགས་ནས་མཚམས་ཆེན་པོ…

བློ་མཐུན་པར་བྱའོ། །ཞེས་གསུངས་པ་ལས་གསལ་བར་མ་བཤད་ཀྱང་། མཚོ་སྣ་པ་དཀྱིལ་འཁོར་པའི་ཚད་གདིང་བ་བཞི་བཅུ་དང་བསྒྲུབ་བྱ་གཤོང་བ་སྟེ། ལུང་ལས། དཀྱིལ་འཁོར་གང་དུ་གྲངས་བཞི་བཅུ་བསྒོ་བ་གཤོང་བའོ། །ཞེས་གསུངས། བུ་ཊཱིཀ་ཏུ་ཆེ་ཚད་དཔག་ཚད་གཉིས་སམ་རྒྱང་གྲགས་ནས་ཆུང་ཚད་གདིང་བ་བཞི་བཅུ་གཤོང་བར་བཤད། ཊཱིཀ་ཆེན་རིན་ཅེན་ཕྲེང་བ་དང་། པཎ་ཆ…

དང་། མཚམས་བུ་ཆུང་གཅིག་པར་བཞེད་པ་དང་། མི་གཅིག་པར་བཞེད་པའི་ལུགས་གཉིས་བྱུང་ལ། མཚོ་སྣ་པ་ཆེན་པོ་ནི། སྤྱིར་དཀྱིལ་འཁོར་པ་དང་མཚམས་བུ་ཆུང་མི་གཅིག་སྟེ། དཀྱིལ་འཁོར་པ་ཡིན་ན་མཚམས་བུ་ཆུང་ཡིན་པས་ཁྱབ་ཀྱང་། མཚམས་བུ་ཆུང་ཡིན་ན་དཀྱིལ་འཁོར་པ་ཡིན་པས་མ་ཁྱབ་སྟེ། གདིང་བ་བཞི་བཅུ་བསྒྲུབ་བྱ་དང་བཅས་པ་ཤོང་བའི་ཚད་དེ་ལས་ཆེ་ལ། མཚམས…

མཚམས་གཉིས་ཀར་དགེ་འདུན་བཀོད་ནས་ལས་བྱེད་པའི་དགེ་སློང་གིས་མཚམས་གཉིས་ཀར་ཤིང་ངམ་དབྱུག་པའམ་རེ་ལྡེས་མནན་ནས་གསོལ་བ་བྱས་ཏེ་ལས་བྱའོ། །ཞེས་སོགས་གསུངས་སོ། །གསུམ་པ་རང་བཞིན་གྱིས་གྲུབ་པའི་མཚམས་ནི། མཚམས་བཅད་པའི་གནས་སུ་ནི། ལས་ལ་རྩིག་པ་མཚམས་ཡིན་ནོ། །ཝ་ཁ་ནས་ཆུ་འཛག་པ་གང་དུ་འབབ་པ་ཡང་ངོ་། །གྲོང་ལ་ནི་ཉེ་འཁོར་གྱི་མཐའ་ཚུན་ཆ…

འཛག་པའི་སྣས་གང་དུ་སླེབས་པ་ཚུན་ཆད་ཀྱང་མཚམས་ཀྱི་ཁོང་དུ་གཏོགས་པ་ཡིན་ནོ། །ཡང་དེ་ཞེས་བྱ་བའི་སྒྲས་ནི་གཅིག་གམ་གཉིས་སུ་བརྟག་པ་ཡིན་གྱི་འདིའང་མཚམས་གཅིག་ཡིན་ནོ། །ཞེས་བྱ་བར་བསྟན་ནོ། །དེ་ལྟར་ན་འདིར་ཚིག་གི་དོན་འདི་འབྱུང་སྟེ། མདོ་སྔ་མས་ནི་མཚམས་མ་བཅད་པའི་གནས་རྩིག་པས་བསྐོར་བ་ལ་ནི་གཙུག་ལག་གི་རྩིག་པ་ཉིད་ལས་ལ་མཚམས་ཡིན་…

བྱུང་བས་ཤེས་སོ། །ཞེས་དང་། དེའི་མཆན་བུར། བ་ལང་དྲུག་གིས་དྲང་དགོས་པའི་ཤིང་རྟའི་ལམ་གྱི་ཞེང་ཚད་ནི་འདོམ་དགུ་སྟེ། དེ་ཡང་བ་ལང་དྲུག་ལ་གཉའ་ཤིང་གཏད་དེ་གྲལ་བྱས་པ་ན་བ་ལང་དྲུག་གི་བར་ལ་འདོམ་གང་དང་། བ་ལང་རེའི་ངོས་ན་འདོམ་ཕྱེད་ཕྱེད་དེ་འདོམ་གང་དང་བཅས་པས་འདོམ་དགུའོ་ཞེས་གསུངས། ཤིང་རྟ་སྨྱིག་མ་ཅན་གྱི་ལམ་གྱིས་ཇི་ཙམ་དུ་ཁྱབ་…

གོས་དང་འབྲལ་བ་ཚེགས་ཆུང་ངུས་སྤོང་བ་དང་། དབྱར་འདྲལ་བའི་ཉེས་པ་སྤང་སླ་བ་དང་། གནས་གཞན་དུ་དབྱར་གནས་པར་ཁས་བླངས་པས་ཀྱང་སྲ་བརྐྱང་གི་ཕན་ཡོན་ཐོབ་པ་རྣམས་མཚམས་ཆུང་བཅད་པས་དགེ་འདུན་འདུ་བ་ཁྱབ་ཆེས་པ་སྤོང་ཞིང་། དགེ་སློང་རྣམས་ཀྱི་དགེ་བ་གཞན་ཉམས་པར་འགྱུར་བ་སྤང་བའི་དགོས་པ་ཡོད་ལ། གཙོ་བོའི་དགོས་པ་མི་འདུ་བ་དགག་དགོས་པ་ནི། མི…

མཚམས་བཅད་པ་ནི་མ་གཏོགས་སོ། །ཞེས་གསུངས། རྒྱུ་མཚན་ནི། མཚོ་སྣ་པས། བཅས་པའི་དབང་གིས་ཏེ། དེ་ལྟར་འཆའ་བ་ནི་མཚམས་བཅད་པ་འདིས་ཐག་འདི་ཙམ་ནས་འདུ་དགོས་ཀྱིས་མཚམས་འཛིན་པ་ཡིན་ལ། ལས་དེ་ལ་དངོས་སུ་ལུས་ན་ས་མཚམས་འདི་ཙམ་ནས་འདུ་དགོས་མི་དགོས་ཀྱི་ཚད་དེ་དངོས་སུ་ཤེས་པར་འགྱུར་གྱི་འདུན་པ་ཕུལ་ཏེ་དངོས་སུ་མ་འདུས་ན་ཚད་དེ་དངོས་སུ་ཤེས་…

རྩ་ལས། སྨྱོས་པའི་གནང་བ་ཐོབ་པས་ནི་མི་མཐུན་པ་ཉིད་དུ་མི་འགྱུར་རོ། །ཞེས་གསུངས། འཕྲིགས་པ་ནི། རྒྱ་ཆེར་འགྲེལ་ལས། འཕྲིགས་པས་མི་མཐུན་པ་ཉིད་དུ་འགྱུར་རོ། །ཞེས་བྱ་བ་ནི། མཚམས་ཀྱི་ནང་ན་དགེ་སློང་དངོས་སུ་འཁོད་པར་ཤེས་པ་རྣམས་ཀྱིས་འདུན་པ་ལ་སོགས་པ་མ་བླངས་པས་དགེ་འདུན་གྱི་ལས་མི་མཐུན་པ་ཉིད་ཀྱི་ཉེས་པར་འགྱུར་བ་འབའ་ཞིག་ཏུ་མ་…

པ་ཉིད་ནི་ཐེ་ཚོམ་ཟ་བའོ་ངེས་པར་བྱེད་པ་ལ་ནི་ཉེས་པར་བྱེད་པ་འབྱུང་བ་མ་ཡིན་ནོ། །ཞེས་གསུང་པ་ནི། རྟག་པ་ཉིད་འདི་ཅི་རུང་ངམ་འོན་ཏེ་མི་རུང་ངམ་སྙམ་དུ་རྣམ་པ་དེ་ལྟར་ཐེ་ཚོམ་དུ་གྱུར་ནས་ཐེ་ཚོམ་ཟ་ཞིང་ཡིད་གཉིས་བྱེད་པ་དང་ངེས་པ་མེད་པར་འདི་གདོན་མི་ཟ་བར་རུང་ངོ་ཞེས་ངེས་པར་བྱེད་པ་གང་ཡིན་པ་དེ་གཉིས་ལ་ནི་ཉེས་པའི་བྱེད་པ་མི་འབྱུང…