བསླབ་པ་བླངས་པའི་རྗེས་སུ་རྙེད་བཀུར་དང་རྙེད་བཀུར་མ་ཡིན་པའི་གནས་ཤེས་དགོས་པས། དུས་ཚིགས་ཀྱི་རྣམ་གཞག་སྟག་ཚང་ལོ་ཙཱ་བའི་འདུལ་ཊཱིཀ་ཏུ་མདོར་བསྟན་ནི། གསོ་སྦྱོང་བྱའོ་དུས་ནམ་གྱི་ཚེ་ན་ཟླ་བ་ཕྱེད་ཕྱེད་ན་བྱ་སྟེ། དེ་ལས་འགྱངས་ན་ལྟུང་བ་བརྗེད་ཅིང་བག་མེད་དུ་འགྱུར་ལ། མ་གྱུར་ན་ཀློག་པ་དང་བསམ་གཏན་གྱི་བར་ཆད་དུ་འགྱུར་བས་སོ། །ད…

བཅུ་བཞི་པ་ཡིན་པས། གསོ་སྦྱོང་བཅུ་བཞི་པ་ཞེས་གསུང་བར་ཟད་ཀྱི། གསོ་སྦྱོང་བཅུ་བཞི་པ་ཞེས་བྱ་བའི་ཉི་མ་དེ་ཉིད་ཚེས་བཅོ་ལྔ་པ་ཡིན་པའི་ཕྱིར་རོ། །ཞེས་འགྲེལ་ཆེན་དུ་གསུངས་སོ། །དེས་ན་ཉ་ཤི་དང་བསྟུན་པའི་གསོ་སྦྱོང་ཡིན་ན་ཚེས་བཅོ་ལྔ་ལ་བྱེད་པས་ཁྱབ་པ་ཡིན་པས་འདི་མདོ་ཚིག་སོར་བཞག་པས་ཆོག་པ་ཡིན་ནོ། །འདི་ལ་རིགས་པ་ཅི་ཡོད་ཅེ་ན། ཞག…

ཆད་པ་ཡིན་པས་ཞེས་བཤད་པ་གང་ཞེ་ན། དེ་ནི་འགྱུར་གྱི་སྐྱོན་དུ་ཟད་དེ། དེ་ལྟ་མ་ཡིན་ན་ཡིག་ཕྲེང་གཅིག་གི་གོང་ན་ཉི་མ་གཅིག་ཆད་པས་སྤྱིར་ཞག་བཅུ་བཞི་ཡོད་པའི་ཕྱིར། ཞེས་བཤད་པ་དང་འགལ་ལོ། །ཚེས་བཅོ་ལྔ་ལ་མཚན་མ་གསལ་ཏེ། ཟླ་བ་ཉ་བའི་མཐར་ཐུག་དང་ཟད་པའི་མཐར་ཐུག་ཡིན་པའི་ཕྱིར་རོ། །སྤྲོ་བ་མཐུན་ཏེ། དགེ་བ་རྒྱས་པ་དང་སྡིག་པ་ཟད་པ་མཚོན་…

ཞག་དང་ཉིན་ཞག་མི་མཉམ་པའི་དབང་གིས་ཡིན་གྱི། སྔོན་གྱི་འདུལ་འཛིན་གང་དག་འཕུལ་བྱེད་ཀྱི་རླུང་ཟླ་བ་མགྱོགས་ལ་ཉི་མ་བུལ་བས་ཡིན་ནོ་གསུང་བ་ནི། གནམ་གང་ལ་ཉི་ཟླ་སྡོངས་ནས་ཕྱིན་པས་ཚེས་གཉིས་གསུམ་ན་ཟླ་བ་ཤུལ་ན་ལུས་པ་བླུན་པོའི་མངོན་སུམ་གྱིས་ཀྱང་གྲུབ་པས་གསལ་ལ། ས་ཟླ་དང་གནམ་ཟླ་མ་སྙོམས་པས་ཡིན་ནོ། །ཞེས་ཟེར་བ་དང་། སྐད་ཅིག་མའི་ན…

མངོན་སུམ་གྱིས་འགྲུབ་བོ། །འོ་ན་ཉིན་ཞག་གཅིག་པོ་དེ་ནམ་གྱི་ཚེ་འདོར་ཞེ་ན། དུས་ཚིགས་སོགས་ཏེ་འདི་ལ་སྤྱིར་དུས་ཚིགས་ཀྱི་སྤྲོས་པ་བཤད་པ་དང་། དེ་སྐབས་ཀྱི་ལག་ལེན་དང་སྦྱར་བའོ། །དང་པོ་ལ་གསུམ་ཡན་ལག་ཅན་ལོ་ཡི་རྣམ་གཞག །ཡན་ལག་ཟླ་བའི་དབྱེ་བ། དེ་ལ་དུས་ཚིགས་སུ་བཅད་པའོ། །དང་པོ་ནི། ཆོས་མངོན་པ་ནས་འབྱུང་བ་ལྟར་ན་གཟུགས་མིང་དུས་…

ནས་ལོ་གྲངས་འདི་ཙམ་ལོན་པའི་ལོ་ཞེས་སོགས་ལས་མི་འབྱུང་བའི་ཕྱིར་རོ། །བདེ་མཆོག་སྟོད་འགྲེལ་སོགས་དང་བསྟུན་ནས་རབ་བྱུང་རྣམ་བྱུང་དཀར་པོ་དང་། ཞེས་སོགས་ལོ་དྲུག་ཅུའི་མིང་འབྱུང་ངོ་། །རྒྱ་ནག་པ་བྱི་བ་སོགས་ལ་བཅུ་གཉིས་ལ་ལོ་སྐོར་དུ་བྱེད་ཅིང་། དེ་འབྱུང་བ་མེ་ས་ལྕགས་ཆུ་ཤིང་རྣམས་ལ་ཕོ་མོ་གཉིས་གཉིས་དང་སྦྱར་བས་དྲུག་ཅུ་ལོན་པ་ན…

བའི་མིང་ནི། གང་གིས་ཉ་བའི་སྐར་མ་དེའི་སྒོ་ནས་འདོགས་ལ། དེ་ཡང་བོད་ན། དཔྱིད་གསུམ་རྒྱལ་རྟ་ཁྲ་ལ་ཉ། །དབྱར་གསུམ་ས་རྩེ་མ་རུ་བྲེ། །སྟོན་གསུམ་སྦོ་སྒྲོགས་ཁྲུམས་ལ་ཉ། །དགུན་གསུམ་དབྱུག་སྨིན་མགོ་ལ་ཉ། །མཐའ་ཆུང་གསུམ་པོ་རང་ས་འཛིན། །ཞེས་ཟེར་ལ། དུས་འཁོར་བ། དཔྱིད་འབྲིང་ནག་པ་ལུག་གི་ཁྱིམ། །དཔྱིད་མཐའ་ས་ག་གླང་གི་ཁྱིམ། །དབྱར་མ…

བྱའོ། །དེ་དག་ནི་ཟླ་བའི་ཡར་ངོ་སྔོན་འགྲོར་བྱེད་པའི་ལོ་འགོ་འཛིན་ཚུལ་ཡིན་ལ། འདུལ་མངོན་གཞིར་བྱས་ཀྱི་རྒྱ་གར་བ་རྣམས་ནི། སངས་རྒྱས་པ་རྣམས་ཀྱི་དུས་ཀྱི་དང་པོ་ནི་དགུན་ཏེ། ཞེས་བཤད་པས་མར་ངོ་སྔོན་འགྲོའི་དགུན་ཟླ་ར་བ་མགོ་ཟླའི་ཚེས་གཅིག་ནས་འཛིན་ལ། དེ་དུས་ནམ་གྱི་ཚེ་འབྱུང་ན། ཧོར་ཟླ་བཅུ་པ་སྨིན་དྲུག་ཟླ་བའི་ཚེས་བཅུ་དྲུག་ཡི…

བྱས་ནས་ལོ་འགོ་ཧོར་ཟླ་བརྒྱད་པའམ་དགུ་པ་ནས་འཛིན་ལ། ཁ་ཅིག་འདུལ་མངོན་མི་མཐུན་པས་འདུལ་བའི་རྣམ་གཞག་ལ་མངོན་པས་མི་གནོད་དོ་ཞེས་ཟེར་མོད། དེ་ནི་ཡར་ངོ་སྔོན་འགྲོའི་དགུན་ཟླ་བཞི་པ་དབོའི་ཟླ་བ་ཧོར་ཟླ་གཉིས་པའི་སྨད་ལ་ཉིན་མཚན་མཉམ་བཞག་གཅིག་འབྱུང་ལ། དེའི་ཕྱི་ཉིན་ནས་མཚན་མོ་ལས་ཉིན་མོ་རིང་དུ་འགྲོ་ལ། དེ་ནས་ཟླ་བ་གསུམ་ལྷག་ཙམ་ལོ…

སོ་ཀ །དབྱར་སྟོན་གྱི་དུས་རྣམས་ལ་ཟླ་བ་གཉིས་གཉིས་སུ་བྱའོ། །དུས་ཚིགས་བཞི་པོའི་དང་པོ་གཉིས་ནི་ཡར་ངོ་སྔོན་འགྲོ་གཙོ་ཚེ་ལ། ལྔ་དང་དྲུག་ཏུ་བྱས་པ་གཉིས་ནི་མར་ངོ་སྔོན་འགྲོར་མ་བྱས་ན་འགྲིག་པའི་ཐབས་མེད་དོ། །གཉིས་པ་ནི་དཔེར་ན། ཧོར་ཟླ་བཅུ་པའི་ཟླ་སྨད་ལ་བཅོ་ལྔ་པ་དང་། བཅུ་གཅིག་པའི་ཟླ་སྨད་ལ་བཅུ་བཞི་པ་བྱ་ཞིང་། དེ་བཞིན་དུ་སྤ…

དགོས་ཀྱི། དུས་ཀྱི་གྲང་དྲོ་ལྟ་བུ་མཚན་མ་ལྟར་སྣང་འགའ་རེ་རྒྱུ་མཚན་དུ་བྱས་ནས་རང་བཟོ་བྱེད་པ་ནི་བཅས་པ་དང་འགལ་བར་ཤེས་པར་བྱའོ། །ཟླ་ཤོལ་འབྱུང་བའི་རྒྱུ་མཚན་ནི། བཤད་མ་ཐག་པ་ལྟར་ཚེས་ཟླས་ཁྱིམ་ཟླ་མ་ནོན་པས་ཚེས་ཟླ་བཅུ་གཉིས་ལ་ཁྱིམ་ཟླ་བཅུ་གཉིས་མི་ཡོང་བའི་ཆ་བསགས་པས་ཡིན་ལ། དེ་ཡང་ཞིབ་པར་བརྩིས་ན་ཚེས་ཟླ་སུམ་ཅུ་པོ་ཕྱེད་དང་གས…

སེམས་ལ་བཞག་པ་དང་གསོ་སྦྱོང་གི་ཉི་མ་ཤེས་པའི་ཆེད་ཡིན་ནོ། །ཞེས་འགྲེལ་ཆེན་ལས་གསུངས་པས་སོ། །སྤྲོས་པས་ཆོག་གོ །ཞེས་དང་། ནོར་བུའི་ཐེམ་སྐས་ཀྱི་རང་ལུགས་སྙིང་པོར་བསྡུས་པ་ལ། ལོ་འགོ་འཛིན་ཚུལ་འཇིག་རྟེན་ལུགས་ཀྱི་སྟོན་ཟླ་མཐའ་ཆུང་མར་ངོའི་ཚེས་བཅུ་དྲུག་ནས་ལོ་འགོ་འཛིན་པ་ཕལ་ཆེར་མཐུན་ལ། སྟོན་ཟླ་མཐའ་ཆུང་གི་ངོས་འཛིན་ཟླ་བ་བར…

བཞི་པ་འབྱུང་བ་སྟེ་འཐད་པར་ཐལ། དེའི་ཉིན་རྒྱལ་ཟླའི་མར་ངོའི་ཚེས་ཞག་བཅོ་ལྔ་པར་སླེབ་པའི་ཕྱིར་ཏེ། རྒྱལ་ཟླའི་མར་ངོའི་ཉིན་ཞག་བཅུ་བཞི་པའི་ཉིན་རྒྱལ་ཟླའི་མར་ངོའི་ཚེས་ཞག་བཅོ་ལྔ་པར་སླེབ་པ་གང་ཞིག །འཇིག་རྟེན་ལུགས་ཀྱི་མགོ་ཟླའི་ཉེར་དགུའི་ཞག་དེ་རྒྱལ་ཟླའི་མར་ངོའི་ཉིན་ཞག་བཅུ་བཞི་པ་ཡིན་པའི་ཕྱིར་རོ། །དང་པོ་དེར་ཐལ། སྨིན་དྲ…

པའི་ཞག་དེ་ནི་བསྟན་བཅོས་ལུགས་འདིར་རྒྱལ་ཟླའི་ཡར་ངོའི་ཚེས་གཅིག་ཏུ་སླེབ་པ་ཡིན་ནོ། །དེས་ན་ཞིབ་ཆ་འདི་སྐད་སྨྲ་དགོས། རྒྱལ་ཟླའི་མར་ངོའི་ཉིན་ཞག་བཅོ་ལྔ་པ་ནི་ཆད་ནས་མེད་ལ།འཇིག་རྟེན་ལུགས་ཀྱི་མགོ་ཟླའི་གནམ་གང་གི་ཞག་དེ་ཡོད་དུ་ཆུག་ཀྱང་དེ་ནི་རྒྱལ་ཟླའི་ཡར་ངོའི་ཚེས་གཅིག་ཏུ་སླེབ་པ་ཡིན་ནོ། །ཞེས་དཔྱོད་ལྡན་སྙིང་གི་བདུད་རྩིར…

དོན་དེ་ཉིད་ལས། གནད་འདི་ལྟར་ཡིན་ཏེ་ཞག་མི་ཐུབ་ཀྱི་ཞག་དྲུག་པོ་དེ། ཟླ་བ་རང་རང་དྲུག་པོ་དེར་ལྷག་ནས་བཞག་པའམ། ཟླ་བ་བཅུ་རྫོགས་རྗེས་ལྷག་པོར་ཞག་དྲུག་བསགས་ནས་འཇོག་པ་གང་ཡང་མ་ཡིན་གྱི། སྤྱིར་ཚེས་ཞག་དང་ཉིན་ཞག་གི་བར་ན་ཆུ་ཚོད་རེའམ། ཡུད་ཙམ་ཕྱེད་རེ་ཡོད་པའི་ཆུ་ཚོད་དམ་ཡུད་ཙམ་ཕྱེད་པོ་དེ་དག་བསྡོམས་ནས་ལོ་རེ་ལ་ཞག་དྲུག་རེར་འག…

བཞིན་རྒྱལ་པོ་དེ་ཉིད་ཚད་མར་བྱེད་པས་ཟླ་ཤོལ་འདོར་བ་སོགས་རྒྱལ་པོའི་རྗེས་སུ་འབྲང་བ་ཙམ་ཡིན་པའི་ཕྱིར་རོ། །དེས་ན་གོང་དུ་དཔྱད་པ་བྱས་པའི་དོན་འཇིག་རྟེན་ལུགས་ཀྱི་མགོ་ཟླ་བའི་གནམ་གང་དེ་ཆད་ཅེས་སམ། དེ་ཉིད་རྒྱལ་ཟླའི་ཡར་ངོའི་ཚེས་གཅིག་ཏུ་སླེབ་ཅེས་པའི་དོན་འཇིག་རྟེན་ལུགས་ཀྱི་མགོ་ཟླའི་གནམ་གང་ཞེས་པའོ། །རྒྱལ་ཟླའི་མར་ངོའི་ཉ…

ལ། །ཡལ་བར་སེམས་ཤིང་ཅུང་ཟད་འདའ་བྱེད་པ། །དེ་ནི་དེ་བས་སྡུག་བསྔལ་གཞན་དབང་ཐོབ། །སྨྱིག་ཚལ་བྲེགས་པས་ཨ་མྲའི་ཚལ་ཉམས་བཞིན། །འདི་ན་ལ་ལ་རྒྱལ་པོའི་ཚིག་ཆེན་ཡང་། །ལན་འགའ་འདས་ན་ཆད་པ་ཐོབ་མི་འགྱུར། །ཐུབ་པའི་བཀའ་ལུང་ཚུལ་མིན་འདའ་བྱེད་པ། །དུད་འགྲོར་སྐྱེ་འགྱུར་ཨེ་ལའི་འདབ་ཀླུ་བཞིན། །ཞེས་སྡོམ་པ་བླངས་ཀྱང་ཚུལ་བཞིན་མ་བསྲུངས་ན…

འགྲེལ་སྤྱི་དོན་གྱི་རིགས་དང་། གླེང་འབུམ་ཆེན་མོ། གནམ་ཙེ་ལྡེང་དུ་མཁས་མཆོག་རེ་མདའ་པ་གཞོན་ནུ་བློ་གྲོས། སྐད་གཉིས་སྨྲ་བ་སྐྱབས་མཆོག་དཔལ་བཟང་། ཐམས་ཅད་མཁྱེན་ངེས་བློ་བཟང་གྲགས་པ་སྟེ་མཁས་པ་རྣམ་གསུམ་གྱིས་འདུལ་བའི་བསླབ་བྱ་ཕྲ་རགས་ཐམས་ཅད་གཏན་ལ་ཕབ་པའི་ཚེ། རྒྱལ་བའི་རྒྱལ་ཚབ་དར་མ་རིན་ཅེན་གྱིས་ཟིན་བྲིས་སུ་མཛད་པ། འདུལ་བ་འ…

བཅོས་པའོ། །དང་པོ་ལ་ལྔ་སྟེ། ཡུལ་དང་། གང་ཟག་དང་། བསམ་པ་དང་། ཆོ་ག་དང་། དགོས་པའོ། །དང་པོ་ལ། མཐོལ་བྱ་བསྒོ་གྱུར་དང་། སོར་བཤགས་དང་། དེ་ལས་གཞན་པའི་མཐོལ་ཡུལ་རྣམས་རིམ་པ་བཞིན་དགེ་སློང་ཆོས་དགུ་ལྡན་གཞིར་བྱས་མཚམས་ནང་དེར་གཏོགས་ཚད་དང་། གནས་ཁང་དེར་གཏོགས་ཚད་དང་གཅིག་ཡན་ཆད་དོ། །དགུ་ནི། རྫོགས་སྡོམ་རྣམ་དག་དང་ལྡན། མཚན་མཐུ…

བོ། །མཐོལ་ན་བདག་བདེ་བ་ལ་རེག་པར་གནས་པར་འགྱུར་གྱི། མ་མཐོལ་ན་མི་འགྱུར་རོ། །ཐབས་ལེགས་བྱ། འདི་ལ་འཆགས་སོ་ཞེས་སོགས་མི་སྦྱར་རོ། །འདིས་ནི་འཆབ་ཉེས་ཁེགས་སོ། །ཞེས་སོགས་སྦྱར་རོ། །སོར་བཤགས་ཡིན་ན་བདག་ལ་དམད་པའི་གནས་མི་རིགས་པ་དགེ་སློང་མ་ལ་ཟས་ལེན་པའི་སོ་སོར་བཤགས་པ་བྱུང་གི །ཆོས་དེ་སོ་སོར་འཆགས་སོ་ཞེས་ལན་གཅིག་གོ །བཅབས་པ…