བྲལ་ནས་ཡུལ་ཐམས་ཅད་དུ་དགེ་ཚུལ་གྱི་སྤང་བྱ་རྣམས་སྤོང་འདོད་ཡོད་པ་ཞིག་དགོས། དུས་ངེས་པ་ནི། ལོ་གཅིག་དང་ཟླ་བ་གཅིག་ལ་སོགས་པར་དགེ་ཚུལ་གྱི་བསླབ་བྱ་ལ་སློབ་ནུས། ཇི་སྲིད་འཚོའི་བར་སློབ་མི་ནུས་སྙམ་པ་ནི་དུས་ངེས་པ་ཡིན་ལ། དེ་དང་བྲལ་ནས། དུས་དེ་ནས་ཇི་སྲིད་མ་ཤིའི་བར་དུ་དགེ་ཚུལ་གྱི་བསླབ་བྱ་མཐའ་དག་ལ་སློབ་སྙམ་པ་ཞིག་དགོས། གན…

ཁྲིམས་དང་། ཕྱི་མར་ལྷ་མིའི་དཔལ་འདོད་ནས་རབ་བྱུང་ལེན་པ་ལེགས་སྨོན་གྱི་ཚུལ་ཁྲིམས་སུ་འགྱུར་གྱི། དེ་གཉིས་ངེས་འབྱུང་གི་བསམ་པས་མ་ཟིན་པས་སོ་ཐར་གྱི་སྡོམ་པར་མི་འགྱུར། དེ་ནས་སོ་ཐར་གྱི་སྡོམ་པར་འགྱུར་བ་ལ་མྱང་འདས་ཀྱི་བསམ་པ་བརྟན་པོས་ཟིན་པ་ཞིག་དགོས། མྱང་འདས་ཀྱི་བསམ་པའི་དོན་འཁོར་བའི་སྡུག་བསྔལ་ལ་ཡིད་འབྱུང་ནས་མྱང་འདས་དོ…

པ་ན། དམྱལ་བའི་སྡུག་བསྔལ་ལས་ཆེས་ཆེར་ཆེ་བའི་སྡུག་བསྔལ་ཡོད་དེ། ལྷ་རྣམས་འཆི་བར་གྱུར་པའི་ཚེ། །སྡུག་བསྔལ་འབྱུང་བ་ཇི་སྙེད་པ། །མནར་མེད་སེམས་ཅན་དམྱལ་བ་ཡིས། །བཅུ་དྲུག་ཆར་ཡང་མི་ཕོད་དོ། །ཞེས་གསུངས་ཐུན་མོང་དུ་འགྲོ་བ་དེ་ཐམས་ཅད་སྐྱེ་རྒ་ན་འཆིའི་སྡུག་བསྔལ་ལས་མ་ཐར་བས་སྡུག་བསྔལ་གྱི་རང་བཞིན་ཅན། སྡུག་བསྔལ་བའི་ཆོས་ཅན་ཡིན…

སངས་རྒྱས་ཐོབ་པ་ལ་བར་དུ་གཅོད་པས་ཤིང་ཚིག་པའི་མགལ་དུམ་བཞིན། སངས་རྒྱས་ཀྱི་རྒྱུ་མི་རུང་བའི་སྐྱོན་དང་བཅས་པ་ཡིན། རྒྱུ་མཚན་དེས་ན་རྫོགས་པའི་སངས་རྒྱས་ཐོབ་འདོད་པ་ཞིག་དགོས། དེ་ཡང་རང་གཅིག་པུའི་དོན་དུ་མ་ཡིན་གྱི། སེམས་ཅན་ཐམས་ཅད་ཀྱི་དོན་དུ་ཐོབ་པར་འདོད་པ་ཞིག་དགོས་ཏེ། ནམ་མཁའ་ལ་མཐའ་མེད་པ་བཞིན་དུ་སེམས་ཅན་ལ་མཐའ་མེད། མཐའ…

པའི་སངས་རྒྱས་ཀྱིས་སེམས་ཅན་རྣམས་ཀྱི་ཁམས་དང་བསམ་པ་དང་བག་ལ་ཉལ་མངོན་སུམ་དུ་མཁྱེན་པའི་སྒོ་ནས་སྐུ་ལས་འོད་ཟེར་སྣ་རེ་སྤྲོས་པས་ཀྱང་སེམས་ཅན་ཚད་མེད་པ་མྱང་འདས་ལ་འགོད་ནུས། གསུང་གིས་ཆོས་ཐུན་རེ་བཤད་པས་ཀྱང་སེམས་ཅན་ཚད་མེད་པ་མྱང་འདས་ལ་འགོད་ནུས། ཐུགས་ཏིང་ངེ་འཛིན་སྣ་རེ་ལ་བཞག་པས་ཀྱང་སེམས་ཅན་ཚད་མེད་པ་མྱང་འདས་ལ་འགོད་ནུས། …

བསྲུང་སྙམ་པའི་བསམ་པ་ཁྱད་པར་ཅན་དུངས་པ་བསྐྱེད་མཛོད། ངེས་འབྱུང་གསལ་འདེབས་ཤིན་ཏུ་བསྡུ་ན། མདོ་དྲན་པ་ཉེར་གཞག་ལས། སེམས་ཅན་དམྱལ་བ་དམྱལ་མེས་ཉམས། །ཞེས་སོགས་གསུངས་པ་ལྟར་ཁམས་གསུམ་འཁོར་བ་གང་དུ་གནས་ཀྱང་སྡུག་བསྔལ་གྱི་གནས། སུ་དང་འགྲོགས་ཀྱང་སྡུག་བསྔལ་གྱི་གྲོགས། ཅི་ལ་ལོངས་སྤྱོད་ཀྱང་སྡུག་བསྔལ་གྱི་ལོངས་སྤྱོད་ལས་མི་འདུག…

དུ་བཙུན་པས་བཟུང་དུ་གསོལ། འདི་རང་དོན་དུ་བརྗོད་པའི་སྔགས་ཡིན་པས་གཉིས་པའི་ཡང་རྗེས་ཟློག་གྱིས་ཞེས་བརྗོད། གསུམ་པའི་སྐབས་སུ་གསུམ་པ་འདི་ལ་སྐྱབས་བརྗོད་བདག་བརྗོད་གོང་དུ་སོང་། གཞན་བརྗོད་པའི་ཐོག་མར་དགེ་ཚུལ་གྱི་སྡོམ་པ་སྐྱེ་བ་ཡིན་ཏེ། མདོར། དཔེར་ན། གཞན་བརྗོད་པའི་དུས་ན་དགེ་ཚུལ་ཉིད་བཞིན་ནོ། །ཞེས་གསུངས་པས་དགེ་ཚུལ་དུ་ཞ…

ངེས་པོ་བྱས་ནས་ཁྱོད་དགེ་ཚུལ་དུ་བསྒྲུབ་པ་ལ་ཆོ་ག་སྦྱོར་དངོས་རྗེས་གསུམ་ཡོད་པའི་སྦྱོར་བ་དང་དངོས་གཞི་གཉིས་ཀྱིས་ཁྱོད་ཀྱི་རྒྱུད་ལ་དགེ་ཚུལ་གྱི་སྡོམ་པ་ལེགས་པར་ཐོབ་པ་ཡིན། མཇུག་གི་ཆོ་ག་ལ་གཉིས་ཡོད་པའི་དང་པོ་བསྙེན་བཀུར་གྱི་གནས་དང་། གནས་མ་ཡིན་དང་ཤེས་པའི་ཕྱིར་ཐོབ་པའི་དུས་གོ་བ་ལ། བསྙེན་བཀུར་གྱི་གནས་དང་གནས་མ་ཡིན་པ་དང…

ལོ་ཡིན། དེ་ལ་དུས་ཚོད་དགུན་དང་། དཔྱིད་དང་། དབྱར་དང་། དབྱར་ཐུང་ངུ་དང་། དབྱར་འབྲིང་པོའི་དུས་དང་ལྔ་ལས་དགུན་གྱི་དུས་ཡིན། དེ་ལ་དགུན་ཟླ་བཞི་ཡོད་པ་ལས་དགུན་ཟླ་ཆེ་གེ་ཡིན། དེ་ཐམས་ཅད་ལ་མར་ངོ་སྔོན་དུ་འགྲོ་བའི་མར་ངོ་ཡར་ངོ་གཉིས་ལས་ཆེ་གེ་ཡིན། དེ་ལ་ཚེས་བཅོ་ལྔ་ཡོད་པ་ལས་ཚེས་ཆེ་གེ་ཡིན། དེ་ཡང་ཉིན་མོའི་ཆ་ཤས་བཅུ་བཞི་དང་། …

ཡིན་པ་རྣམས་ཀྱི་གྲལ་འགོར་སྡོད། བསྙེན་བཀུར་དང་པོར་འགྲིམ་པ་བྱུང་ན་དང་དུ་ལོང་། དགེ་སློང་མ་དང་དགེ་སློབ་མའི་ཕྱག་མ་ལེན། དེ་མ་ཡིན་པ་རྣམས་ཀྱི་ཕྱག་དང་བསྙེན་བཀུར་སྟོབ་པ་དང་དུ་ལོང་། དགེ་ཚུལ་བསླབ་པ་མཉམ་པ་བྱུང་ན་གཅིག་གིས་གཅིག་ལ་ཕྱག་བྱ་མི་དགོས། གྲལ་མགྱོགས་གྲལ་བྱས་པས་ཆོག་སྟེ། མདོ་རྩ་བར། དུས་མཉམ་པ་རྣམས་ནི། གཅིག་གིས་…

དུས་ཡིན། དེ་ལ་ཟླ་བ་བཞི་ཡོད་པ་ལས་དགུན་ཟླ་ཆེ་གེ་ཡིན། དེ་ལ་ཡར་ངོ་དང་མར་ངོ་གཉིས་ཡོད་པ་ལས་ཡར་ངོ་ཡིན། དེ་ལ་ཚེས་བཅོ་ལྔ་ཡོད་པ་ལས་ཆེ་གེ་ཡིན། དེ་ལ་ཉིན་མཚན་གྱི་ཆ་གཉིས་ལས་ཉིན་མོ་ཡིན། དེ་ལ་ཆ་ཤས་བཅུ་བཞི་ཡོད་པའི་ཆེ་གེའི་དུས་ཡིན། གྲིབ་ཚོད་སྐྱེས་བུ་ཆེ་གེ་དང་། རྐང་པ་ཆེ་གེའི་དུས་སུ། གཙུག་ལག་ཁང་ཆེ་གེ་མོ་རུ། མཁན་པོ་ཆེ་ག…

སློབ་དཔོན་གྱིས། དགེ་བའི་བཤེས་གཉེན་པས་གསུངས་པ་དེ་རྣམས་ཀྱང་སེམས་ལ་བཞག་ནས་ལག་ལེན་ལ་ཐེབས་པར་བྱེད་དགོས་པ་ཡིན། ད་མཇུག་ཆོག་གཉིས་པ་ཐོབ་པ་མི་ཉམས་ཤིང་འཕེལ་བར་བྱ་བའི་ཕྱིར་བསླབ་པ་བརྗོད་པ་ནི། སྡོམ་པ་ཐོབ་པ་ཙམ་གྱིས་མི་ཆོག་བསྲུང་དགོས། མ་བསྲུངས་ན་སྡུག་བསྔལ་ཆེན་པོ་འབྱུང་སྟེ། དགེ་སློང་ལ་རབ་ཏུ་གཅེས་པའི་མདོ་ལས། ལ་ལའི་ཚུ…

པ་དེ་དག་གིས་ཇི་སྲིད་འཚོའི་བར་དུ་མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། རྫུན་དུ་སྨྲ་བ་དང་། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་དང་། གླུ་གར་དང་རོལ་མོའི་སྒྲ་དང་། ཕྲེང་བ་དང་། སྤོས་ཉུག་པ་དང་། རྒྱན་དང་ཁ་དོག་འཆང་བ་དང་། ཁྲི་སྟན་མཐོན་པོ་དང་། ཁྲི་སྟན་ཆེན་པོ་དང་། དུས་མ་ཡིན་པའི་ཟས་དང་…

གཉིས་པ་ཚིགས་ཕྱི་མ་བསྙེན་རྫོགས་སུ་བསྒྲུབ་པའི་ཆོ་ག་ལ། སྡོམ་ནི། དང་པོར་བྱ་དང་མཁན་པོ་དང་། །ཆོས་གོས་གཉིས་དང་ལྷུང་བཟེད་གཉིས། །གསོལ་བའི་ལས་དང་བློ་མཐུན་དང་། །སྤྲོ་བྱ་གསོལ་བ་གསང་སྟོན་དང་། །ཞུ་དང་གསོལ་དང་གསོལ་བ་དང་། །དྲི་དང་ལས་དང་གྲིབ་ཚོད་དང་། །ཉིན་མཚན་དུས་ཚོད་གནས་རྣམས་དང་། །ལྟུང་དང་དགེ་སྦྱོང་མཆོག་འདོད་དང་། །…

བ། །མུ་སྟེགས་གནས་པ་བྱིན་པ་ཡི། །སྡེ་ཚན་ཡང་དག་བསྡུ་བ་ཡིན། །ཞེས་སོ། །དེ་དག་གི་དོན་བསྙེན་རྫོགས་སུ་བསྒྲུབ་པའི་ཆོ་ག་ལ། སྦྱོར་དངོས་རྗེས་གསུམ་ལས། དང་པོ་སྦྱོར་བའི་ཆོ་ག་ལ་དོན་ཚན་བརྒྱད་ཡོད་པའི། དང་པོར་བྱ་དང་ཞེས་པའི་དོན། ཡོ་བྱད་ཚགས་སུ་གཞུག་ཅིང་། དཀོན་ཅོག་གསུམ་དང་སློབ་དཔོན་མངོན་དུ་འགྱུར་བར་བྱ་བའི་ཕྱིར་དུ་དང་པོར་…

དེ་སྟེང་སྣམ་སྦྱར་བརྒྱད་བལྟབ་བྱས་པ་རྣམས་བརྐྱང་སྟེ་མགོ་མཇུག་དང་ཕྱི་ནང་མ་ལོག་པར་བྱས་ནས་མགོ་བོ་མཁན་པོར་བསྟན་པ་བཞག ལྷུང་བཟེད་དང་། གདིང་བ་ཆུ་ཚགས་ཀྱང་དེའི་ལོགས་སུ་བཞག །མཁན་པོའི་མདུན་དུ་མེ་ཏོག་དང་། བསྒྲུབ་བྱའི་སྟན་དུ་རྩྭ་ཕ་གུ་དང་བཅས་པ་སྟ་གོན་བྱའོ། །དགེ་སློང་ཐམས་ཅད་འདུས་པ་དང་། བསྒྲུབ་བྱ་དེ་རྒན་པའི་མཐའ་ལོགས་ས…

དེ་ལྟ་བུའི་བསྙེན་རྫོགས་སུ་སྒྲུབ་པར་བྱེད་པ་ལ། སྔོན་གྱི་ཆོ་ག་དང་ད་ལྟར་གྱི་ཆོ་ག་གཉིས་སུ་གསུངས་པ་ལས། དང་པོ་ནི། ཤཱ་རིའི་བུ་ལ་སོགས་པ་སྔོན་གྱི་རྒྱུད་ཡོངས་སུ་སྨིན་པའི་གང་ཟག་རྣམས་ལ། དགེ་སློང་དག་ཚུར་ཤོག་ལ་(༢༠༣ན)

ཚངས་པར་སྤྱད་པ་སྤྱོད་ཅིག་ཅེས་གསུངས་པའི་མོད་ལ། སྐྲ་དང་ཁ་སྤུ་རང་གི་ངང་གིས་བྱི། ལུས་ལ་ཆོས་གོས་སྣམ་སྦྱར་གྱོན། ལག་ཏུ་ལྷུང་བཟེད་དང་བྱ་མ་བུམ་ཐོགས། བསྙེན་པར་རྫོགས་ནས་ལོ་བརྒྱ་ལོན་པ་ལྟ་བུའི་སྤྱོད་ལམ་ཅན་དུ་གྱུར་པ་ལ། བར་སྣང་གི་ལྷ་རྣམས་ངོ་མཚར་བའི་གནས་སུ་གྱུར་ཏེ། བཅོམ་ལྡན་འདས་ཀྱིས་ཚུར་ཤོག་བཀའ་སྩལ་པས། སྐྲ་བྱི་སྣམ་ས…

སྤྱོད་ལམ་རྒོད་བག་ཅན་དུ་གྱུར་པ་ལ་ཁྱིམ་པ་མ་དད་ཅིང་མུ་སྟེགས་ཅན་རྣམས་འཕྱ་བར་གྱུར་ལ། དགེ་སློང་འགའ་ཞིག་ནད་གཡོག་མེད་པར་ཤི་བར་གྱུར་པའི་སྐབས་དེ་སྟོན་པའི་སྙན་དུ་གསོལ་པས། སྔར་དགེ་ཚུལ་གྱི་སྐབས་བཤད་པ་ལྟར། ངའི་ཉན་ཐོས་རྣམས་གཅིག་གིས་གཅིག་བསྡུ་བར་བྱ་བའི་ཕྱིར་དང་། ཞེས་པ་ནས། དགག་སྒྲུབ་གནང་གསུམ་གྱི་བསླབ་པའི་གནས་རྣམས་ཉེ…

ཡིན་ནོ། །ལེགས་སོ་ཞེས་བརྗོད། ཤིན་ཏུ་བསྡུ་ན། ཁྱེད་བསྙེན་པར་རྫོགས་པ་བྱེད་པ་ལ་མཁན་པོ་ཞིག་དགོས། མཁན་པོ་ལ་ཅི་རུང་རུང་གི་མི་ཆོག་གིས། བསྙེན་པར་རྫོགས་ནས་ལོ་བཅུ་བར་མ་ཆད་དུ་ལོན་པ་བཙུན་པ་བརྟན་པའི་ཡོན་ཏན་ལྔ་ཕྲུགས་སུ་སྦྱར་བ་ཉི་ཤུ་རྩ་གཅིག་གང་རུང་དང་ལྡན་པ། མཁས་ཤིང་ཕན་ཐོགས་ཀྱི་ཡོན་ཏན་ཏེ། བརྟན་མཁས་ཀྱི་ཡོན་ཏན་གཉིས་དང་…