ཁྱབ་བདག་འཁོར་ལོའི་དབང་ཕྱུག་དཔལ་འབྱོར་ལྷུན་གྲུབ་ཀྱི་རྣམ་ཐར་སྐལ་བཟང་དད་པའི་ཤིང་རྟ་ཞེས་བྱ་བ་བཞུགས་སོ།།

སྭ་སྟི་སིངྔྷི། རིགས་ཐམས་ཅད་ཀྱི་ཁྱབ་བདག་དང་པོའི་མགོན་པོ་ཀུན་བཟང་སྒྱུ་འཕྲུལ་དྲ་བའི་རོལ་གར་མཁན་འཁོན་སྟོན་ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་ཀྱི་རྣམ་པར་ཐར་པ་སྐལ་བཟང་དད་པའི་ཤིང་རྟ་ཞེས་བྱ་བ། དུས་གསུམ་རྒྱལ་བ་ཀུན་གྱི་མཁྱེན་བརྩེ་ནུས་པའི་དབང་ཕྱུག་དཔལ་ལྡན་བླ་མ་དམ་པའི་ཞབས་ཀྱི་པདྨོར་ཕྱག་འཚལ་ཞིང་སྐྱབས་སུ་མཆིའོ། …

པ་མ་ལུས་གཅིག་ཏུ་གྲུབ། །ཨིནྡྲ་བྷཱུ་ཏི་ཀླུ་སྒྲུབ་མདའ་བསྣུན་ཞབས། །རྒྱ་བོད་མཁས་གྲུབ་ཀུན་གྱིས་དམ་པ་འདིའི། །མཛད་པར་བསྒྲུན་ནུས་མིན་ཕྱིར་པད་འབྱུང་གི །རྣམ་པར་ཐར་དེ་དཔེ་རུ་བསྟན་ནམ་སྙམ། །རྒྱལ་རྣམས་སྐྱེ་སྤྲུལ་བགྲང་ཡས་སྟོན་པས་ན། །ཚུར་མཐོང་བློ་ཡིས་གཞལ་ལས་རབ་འགོངས་ཀྱང་། །ཐུན་མོང་གདུལ་བྱར་ལེགས་བསྟན་སྐྱེས་རབས་འཕྲེང་…

སྲས་ཡོན་ཏན་ཕྲ་མོ་དག །སྨྲ་བའི་ལེགས་བྱས་ཕ་མཐའ་ཡས་གྱུར་ན། །རྡོ་རྗེ་སློབ་དཔོན་བསྔགས་ལ་སུ་མི་དད། །རྒྱ་མཚོ་རྩྭ་ཡིས་འཇལ་ལྟར་བདག་བློ་ཡིས། །འཕགས་ཆེན་ཡོན་ཏན་རྫོགས་པ་ནུས་མིན་ཡང་། །ཐུན་མོང་གདུལ་བྱར་བསྟན་པའི་སྣང་ཚུལ་ཙམ། །སྤེལ་བ་བསྐལ་པར་བསོད་ནམས་ཟོང་གིས་བསྒྲུབས། །དེ་ཕྱིར་གཟུར་གནས་རྣམས་དང་ཆབས་གཅིག་ཏུ། །དཀར་ཕྱོགས་མ…

རྟོགས་པ་བརྗོད་པ་ཡི་གེའི་ཕྲེང་བར་ཅུང་ཟད་ཅིག་སྤེལ་བར་བྱའོ། །དེ་ཡང་སྤྱིར་ལོངས་སྤྱོད་རྫོགས་པའི་སྐུ་རྣམས་ཡེ་ཤེས་རང་སྣང་གི་གཞལ་ཡས་ལས་མི་གཡོ་བཞིན་དུ། སྤྲུལ་པ་གྲངས་མེད་པ་སྟོན་པ་ལྟར། བླ་མ་འདི་ཉིད་ཀྱི་སྐུའི་སྐྱེ་སྤྲུལ་ཡང་འདི་དང་འདིའོ་ཞེས་རང་ཉམས་ཀྱི་བློས་དཔྱོད་པའི་ཡུལ་ལས་ཆེས་འགོངས་ནའང་། གང་གི་ཞལ་ལུང་ལས་སྣོད་ལྡ…

མདོ་སྔགས་ཀྱི་ཆོས་མཐའ་ཡས་པ་བསྒྱུར་ཅིང་། ལོ་ཙཱ་བ་བརྒྱ་དང་བརྒྱད་ཀྱི་ནང་ནས་མཆོག་ཏུ་གྱུར་པ་དེ་ཉིད་དོ། །དེ་རྗེས་སྒྲོ་ཕུག་པར་སྐྱེ་བ་བཞེས། དེ་ནི་སོ་ཟུར་སྣུབས་གསུམ་སྔགས་པའི་རྒྱལ་པོ་ཞེས་ཡོངས་སུ་གྲགས་པའི་ཟུར་གྱི་རྒྱུད་ལས་བྱུང་ཞིང་། གཞོན་ནུའི་དུས་སུ་ཡུམ་དང་ཞང་པོས་བསྐྱངས་ཏེ། མངའ་ཕུར་ལོ་བཅོ་ལྔ་དང་། དེ་ནས་ཆུ་བར་དུ…

བོད་ཆོལ་ཁ་གསུམ་དུ་གྲགས་པ་ཕུལ་ཏེ། ལུགས་གཉིས་ནས་མངོན་པར་མཐོ་བའི་བླ་མ་ཆོས་ཀྱི་རྒྱལ་པོ་ཀྭན་དིང་ཏའི་གུ་ཤྲི་ཞེས་གྲགས་སོ། །དེ་ནས་འགྲོ་མགོན་བསོད་ནམས་པར་སྐུ་བལྟམས། དེ་ནི་བླ་མ་བདག་ཉིད་ཆེན་པོ་བཟང་པོ་དཔལ་ཞེས་མགོན་པོས་རྗེས་སུ་བཟུང་བའི་འཁོན་རིགས་དམ་པ་གང་དེར་ཇོ་མོ་མང་དུ་ཡོད་པ་ལས། མ་གཅིག་གཞོན་ནུ་འབུམ་གྱི་སྲས་སུ་འཁྲ…

དེ་ནས་རྗེ་བཙུན་ཆོས་ཀྱི་རྒྱལ་མཚན་དུ་སྐུ་འཁྲུངས། དེ་ནི་མྱང་སྟོད་སྨིན་དྲུག་ཁྱུང་རྩེར་དཔོན་སྐྱ་ཞིག་གི་རིགས་སུ་བལྟམས། རྗེ་བཙུན་དམ་པ་དོན་ཡོད་པ་སོགས་ཡོངས་འཛིན་མང་དུ་བསྟེན་ནས་སྡེ་སྣོད་གསུམ་ལ་ཐོས་བསམ་ཕུལ་དུ་ཕྱིན། ཤཱཀ་ལན་དང་ཀར་ལན་སོགས་བསྟན་བཅོས་ཀྱི་རིགས་མང་དུ་མཛད་ཅིང་སྐུ་ཚེ་ཕལ་ཆེར་འཆད་རྩོད་རྩོམ་གསུམ་གྱིས་དུས་…

ཚད་གཟུང་ཅི། །མ་དག་ལྔ་བདོའི་མུན་པས་ཆེར་སྦགས་ཚེ། །གང་གི་སྐྱེས་རབས་འོད་དཀར་ཅན་གྱི་འཕྲེང་། །བསྟན་འགྲོའི་མཁའ་ལ་འགོག་མེད་འཆར་བ་འདི། །སེམས་བསྐྱེད་རླུང་གི་རྟ་ཡིས་དྲངས་པར་ངེས། །རྣམ་འདྲེན་མཐའ་དག་སྤངས་རྟོགས་མཉམ་མོ་ཞེས། །སྡེ་སྣོད་མང་པོར་ཡང་ཡང་གསུངས་གྱུར་ན། ཁྱོད་ཀྱི་ཐུགས་བསྐྱེད་སྙིང་སྟོབས་བླ་མེད་ལ། །ཀུན་མཁྱེན་གཞ…

འཛིན་རྣམས་ལས། ཀླུའི་དབང་པོས་མཁན་པོ་རིན་ཆེའི་དྲུང་དུ་རབ་ཏུ་བྱུང་ཞིང་། སློབ་དཔོན་ཆེན་པོ་པདྨའི་དངོས་ཀྱི་སློབ་མར་གྱུར། གཅུང་གི་སྲས་རྡོ་རྗེ་རིན་ཆེན་སློབ་དཔོན་པདྨས་རྡོ་རྗེ་ཕུར་པའི་དཀྱིལ་འཁོར་དུ་སྨིན་པར་མཛད། རིག་སྔགས་འཆང་བ་ཆེན་པོ་དེའི་སྲས་ཤེས་རབ་ཡོན་ཏན་གྱིས་གྲོམ་པར་བྱོན། དེའི་སྲས་ཡོན་ཏན་འབྱུང་གནས། དེའི་སྲས…

དེ་ནས་བཟུང་སྟེ་དཔལ་ས་སྐྱ་པ་འཇམ་དབྱངས་འཁོན་གྱི་རིགས་ཞེས་གྲགས། དེ་ལ་སྲས་བཞི་བྱུང་བའི་ཆེ་བ་རྒྱ་གར་དུ་ཚད་པས་གཤེགས། དེ་འོག་སློབ་དཔོན་རིན་པོ་ཆེ་དང་རྗེ་བཙུན་རིན་པོ་ཆེ་གཉིས་རྡོ་རྗེ་འཛིན་པའི་ས་ཆེན་པོ་མངོན་དུ་མཛད་ལ། གཅུང་དཔལ་ཆེན་འོད་པོ་ཆེ་ལ་པཎ་ཆེན་སྐུ་མཆེད་གཉིས་བྱུང་བའི་ཆེ་བ་གནས་ལྔ་རིག་པའི་པཎྜི་ཏ་ཆེན་པོར་རྒྱ་…

གྲུབ་པའི་གང་བུ་ལྡེམ་པ་འདི། །ཐུབ་བསྟན་ནོར་འཛིན་མཛེས་པའི་རྒྱན་གྱི་དཔྱིད། །དམན་པའི་རིགས་བྲལ་འོད་གསལ་ལྷ་ཡི་གདུང་། །ནུས་མཐུའི་རྩལ་ལྡན་རིག་སྔགས་འཆང་བའི་རྒྱུད། །མཁྱེན་པའི་དཔལ་མངའ་འཇམ་དབྱངས་འཁོན་གྱི་རིགས། །ཚུལ་འདིས་ཤཱཀྱའི་གདུང་གི་བསྙེམས་པ་ཕྲོགས། །གང་གི་རིགས་ལས་མཁས་དང་གྲུབ་པའི་ཚོགས། །རྒྱུན་ཆད་མེད་པར་རྟག་ཏུ་འ…

བསྟུན་པ་ལྕགས་མོ་བྱའི་ལོ་ལ་སྐུ་བལྟམས་ཤིང་མཆེད་གསུམ་ལས་བགྲེས་པ་ཡིན་ཞེས་གྲག་གོ །རབ་དང་གཙང་མའི་ཆུ་རྒྱུན་སྦྲེང་བ་ཡིས། །མངལ་གྱི་དྲི་མ་འཁྲུད་པའི་རིམ་གྲོ་པ། །ཚངས་དང་བརྒྱ་བྱིན་ལྷགས་པར་ཉེ་འཁོར་གྱི། །སྐྱེ་བོས་མ་མཐོང་མ་རིག་སྒྲིབ་པའི་སྐྱོན། །ལེགས་བྲིས་བུ་མོའི་མཉེན་འཇམ་ལག་པད་ཀྱིས། །མནྡྷ་ར་དང་ཨུ་དུཾ་ཝཱ་ར་སོགས། །ཆུ…

ལྕི་བའི་ངོ་མཚར་འདིས། །ཀུན་མཁྱེན་ངང་ཚུལ་གསལ་བ་བཞིན། །དགུང་ལོ་བདུན་བརྒྱད་ཙམ་གྱི་དུས་ཡི་གེའི་འབྲི་ཀློག་རྣམས་དཀའ་ཚེགས་ཆེན་པོ་མ་དགོས་པར་མཁས་པར་མཁྱེན་ཞིང་། དེ་སྐབས་ཡིག་རིས་སྟོན་པའི་སློབ་དཔོན་དེའི་དཔེ་ཆའི་ཁྲོད་ན་ཐེག་པ་ཆེན་པོའི་བློ་སྦྱོང་གི་སྐོར་མང་དུ་འདུག་པས། འབྲི་ཀློག་གི་གསེང་དང་། སློབ་དཔོན་གྱིས་མ་གཟིགས་པ…

སྡུག་བསྔལ་དང་ལེན་པའི། །ཚུལ་འདིས་རྒྱལ་བའི་སྲས་ཀྱི་མཛད་པ་ཀུན། ཁྱོད་ཀྱི་རྣམ་ཐར་ཡིན་པར་ད་གདོད་ཁུམས། །རིམ་གྱིས་ཆུ་མིག་ལོ་ཙཱ་བས་མཛད་པའི་ལེགས་པར་སྦྱར་བ་ཀ་ལཱ་པའི་སྟེང་ནས་སྒྲའི་རི་མོ་དང་། གཞན་ཡང་མཁས་དབང་དཎྜིའི་གཙུག་ལག་སྙན་ངག་མེ་ལོང་གི་དཔེར་བརྗོད། མཁན་པོ་ཐོན་མིའི་གཞུང་སུམ་རྟགས། གསོ་རིག་གི་སྐོར་སོགས་ལ་བསླབ་སྦྱ…

རྙིང་མའི་རིན་པོ་ཆེ་ནོར་བུ་ཡོངས་གྲགས་ལ་ཚེ་སྒྲུབ་གསང་བ་འདུས་པ། ཟུར་རི་སློབ་དཔོན་པར་ཀརྨ་ཀཾ་ཚང་ནས་བརྒྱུད་པའི་ཚེ་དབང་གྲུབ་རྒྱལ་ལུགས། སྔགས་གྲྭ་ཆེ་ཆུང་གི་བླ་མ་གཉིས་ལ་འབྲུག་པ་ནས་བརྒྱུད་པའི་རས་ཆུང་སྙན་རྒྱུད་ལུགས་ཀྱི་ཚེ་རྟ་ཟུང་འབྲེལ་ཏིང་འཛིན་གྱི་དབང་དང་བཅས་པ། ཡབ་ལ་རྒྱུད་གསང་བ་སྙིང་པོ་དང་། དེའི་འགྲེལ་པ་གཡུང་སྟ…

ལོང་པོ་ཞིག་ཡོད་འདུག་པས་ཕལ་ཆེར་བདེན་པ་འདྲ། རྒྱལ་བ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ་ནང་སོ་རྒྱ་རི་བས་གདན་དྲངས། གཙུག་ཕུད་འབུལ་མི་ཤིན་ཏུ་མང་བ་འདུག་པ་དང་ལྷན་ཅིག་པར། རྗེ་འདི་པའི་ཐུགས་དགོངས་ལ། རྒྱལ་བ་འདི་ལྟ་བུ་ལ་རབ་ཏུ་བྱུང་ཐུབ་ན་སྐལ་བ་རེ་བཟང་སྙམ་པའི་ཐུན་མོང་མ་ཡིན་པའི་ཐུགས་དད་འཁྲུངས་ཏེ། རབ་ཏུ་བྱུང་…

རྙིང་མའི་རྟོགས་ལྡན་གངས་ཀྱི་སེང་གེ་འདྲ་བ་ཞིག་ཡོད་པ་དེ་དང་ལྷན་དུ། སློབ་དཔོན་ཆེན་པོའི་དངོས་ཀྱི་སློབ་མ། ཡང་དག་ཐུགས་ཀྱི་བཀའ་བབས་སྣུབས་ནམ་མཁའི་སྙིང་པོའི་རྣམ་འཕྲུལ། རིག་འཛིན་ཆེན་པོ་ཉི་ཟླ་སངས་རྒྱས་པའི་དྲུང་དུ་ཐེག་པ་རིམ་དགུའི་ཡང་རྩེ། རྒྱུད་སྡེ་ཀུན་གྱི་གཙོ་བོ། རྫོགས་པ་ཆེན་པོ་ཀློང་གསལ་སྙིང་ཐིག་ཅེས་རྒྱལ་བློན་གྱ…

སྒྲུབ། མངའ་བདག་དུང་མཚོ་རས་པའི་ཚེ་སྒྲུབ་ཉི་ཟླ་ཁ་སྦྱོར། མ་འོངས་ལུང་བསྟན་སོགས་ལྷོ་བྱང་གི་གཏེར་མའི་དབང་ལུང་མང་དུ་གསན། ཉམས་ལེན་གྱི་ཚེ་ཐང་ལྷོད་ཕྲན་ཚེགས་བྱུང་དུས། ཁུ་བོས། སྐས་ཁའི་འོག་གི་ལྗང་བུ་དང་འདྲ་བ་ཁྱོད་གསུང་ཞིང་། བཀའ་སྐྱོན་དང་ཕྱག་འབེབས་ཡང་ཡང་མཛད། ཚན་གྱི་བཅུད་ལེན་འབའ་ཞིག་ལ་བརྟེན་ནས་བསྒོམས་པས་ཉམས་རྟོགས་…

གྲབ་ཏུ་རྗེ་ཉི་ཟླ་སངས་རྒྱས་ཀྱི་སྐུ་ཞབས་སུ་ཕེབས་པས། སྒོ་དྲུང་དུ་གྲྭ་པ་ཞིག་གིས་ཡབ་གྲོངས་པ་ཡིན་ནམ་ཞེས་དྲིས་བྱུང་བར། སྐད་ཆ་ཡོང་ཚོད་མིན་པར་སུས་གླེངས་གསུངས་པས། རིན་པོ་ཆེས་ཐུགས་དམ་འོད་གསལ་གྱི་ངང་ནས་གཟིགས་པས་བཀའ་ཕེབས་གནང་ཟེར་བས། སྔར་ནས་ཐུགས་དད་བླ་ན་མ་མཆིས་པ་ཡོད་པའི་སྟེང་དུ་སླར་ཡང་བརྗོད་དུ་མེད་པའི་གོང་འཕེལ་དུ…