འཁོར་བདེ་བ་ཆེ་ཧོ། །ཞེས་བསྟན་ནོ། །དེ་ནས་བླ་མས་སློབ་བུ་ཉིད་ཀྱི་ལས་རྒྱར་རུང་བ་བླ་མས་གཏད་དེ། ཧཱུཾ། ཤེས་རབ་བཀྲ་ཤིས་མཚན་ལྡན་ཡུམ། །སྐྱེ་མེད་ཆོས་དབྱིངས་རིག་པའི་རྒྱ། །ཕྲིན་ལས་བཞི་ལྡན་མཆོག་གི་རྒྱ། །ཡབ་ཡུམ་གཉིས་མེད་རོལ་བ་ལས། །ལྷག་པ་བྱང་སེམས་དཀྱིལ་འཁོར་སྤྲོ། །འཕགས་ལམ་བདེ་སྒྲུབ་འབྲས་བུ་སྙེམས། །བདེན་པ་དབྱེར་མེད་བ…

ལེ་དབབ་ཚེ་བདེ་མཆོག་ལྷན་ཅིག་སྐྱེས་པ་བརྗོད་བྲལ་རང་འབྱུང་ཉམས་སུ་འཆར་བ་ངོས་བཟུང་སྟེ། བདེ་བ་ལ་བཟུང་སྟོང་ལ་སྦྱང་དབྱེར་མེད་དུ་རྒྱས་གདབ། །སེམས་ཀྱི་དྲི་མ་འདག་པས་སྨིག་རྒྱུ་དུ་བ་སྲིན་བུ་ནམ་མཁའ་ལྟ་བུའི་ཉམས་འབྱུང་སྐད་ཅིག་བཞི་བརྡ་བསྟན། རང་རིག་བདུད་རྩི་ལྔར་ལོངས་སྤྱོད། འཁོར་ལོ་བཞི་དང་རྫོགས་རིམ་བསྒོམས་པས། སྒྲིབ་འཇོམ…

བདེ་ཆེན་འབྱམ། །ཐུགས་མཆོག་འགྱུར་མེད་དེ་ལ་གནས། །དུས་གསུམ་དུས་མེད་དུས་ཀྱི་མཆོག །སེམས་ཉིད་གང་ཤེས་བླ་མར་མོས། །བསམ་གྱིས་མི་ཁྱབ་ཁྱེད་ཀྱི་སྲས། །གཉིས་མེད་ཡེ་ཤེས་དཀྱིལ་འཁོར་ཆེ། །རང་རིག་རང་མཐོང་རང་རིག་གསལ། །དེ་ཉིད་གང་མཐོང་སྤྱན་ཕྱེད་པ། །གོམ་སྟོབས་ལ་ནུས་དཀྱིལ་འཁོར་མཐོང་། །ཀུན་ལ་དབང་སྒྱུར་རང་རིག་ཆེ། །རྩལ་ཆེན་རྫོག…

རིག་སྐུ་གསུམ་ལྷུན་གྲུབ་ཡེ་ཤེས་ལྔ་ལ་ལོངས་སྤྱོད་པར་གྱུར་ཅིག །ཅེས་དཔེ་དོན་བསྐུར་ཚིག་གིས་ངོ་སྤྲད་དོ། །མན་ངག་ཨ་ཏིའི་སྒོམ་ཁོག་སྐབས་འདིར་བཤད་དོ། །དེ་ལྟར་གསང་བ་ཡོངས་སུ་རྫོགས་པས་ཉོན་མོངས་པ་སྤངས་རང་སར་དག་པར་འགྱུར་རོ། །དེ་ཡན་ཆད་ཀྱིས་གསང་བའི་དབང་བསྟན་པའོ། །གོང་དུ་བསྟན་པའི་དབང་རྣམས་ཀྱིས་མ་སྨིན་པ་སྨིན་པར་བྱས་པའི་…

ཅེས་པའོ། །བསྐུར་ཐབས་དངོས་ལ་གཉིས་ཏེ། རྒྱལ་ཐབས་དཔེར་བརྗོད་ལ་བརྟེན་ནས་བསྐུར་བ་དང་། རིག་པ་རྩལ་དབང་ཆོ་གས་ངོ་སྤྲད་དེ་བསྐུར་བའོ། །དང་པོ་རྒྱལ་ཐབས་དཔེར་བརྗོད་ཀྱི་དབང་གང་ཞེ་ན། སྔོན་རྒྱ་གར་གྱི་ཡུལ་གྱི་མགོ་ཕར་འདས་ཨྱོན་གྱི་ཡུལ་དབུས་ཞིག་ན། རིན་ཆེན་ཁང་པ་སྒོ་ལྔ། ལོངས་སྤྱོད་ཟད་མི་ཤེས་པའི་ཕོ་བྲང་ན། རྒྱལ་པོ་ཆེན་པོ་ནམ་…

ཀྱིས། བློན་པོ་རིག་པ་ཅན་ཉི་མའི་འོད་ཟེར་གྱི་སྒོ་རྩར་འཁོར་བ་ལ། བློན་པོས་རྒྱལ་བུ་ཡིན་པར་ངོ་ཤེས་ནས། འོ་སྔོན་ངེད་ཀྱི་རྒྱལ་བུ་སྟོར་བ་འདིར་བྱུང་བས། ཁྱེད་སྤྲང་མི་དགོས་ཕོ་བྲང་དུ་འདེང་ཟེར་ཏེ་ཁྲིད་པ་ལས། རྒྱལ་སྤྲང་གིས་སྨྲས་པ། ང་ནི་རྒྱལ་བུ་མ་ཡིན་ཏེ། དྲན་པ་རྙེད་ནས་སྤྲང་པོ་ཁོ་ན་ཡིན་པས། ཕོ་བྲང་དུ་ཁྲིད་ཀྱང་རྒྱལ་པོ་མི…

ལུས་པར་མངར་འདུས་ཏེ། བདེ་སྐྱིད་ཕུན་སུམ་ཚོགས་པར་གྱུར་སྐད། དཔེ་མཐུན་དོན་བསྡུས་སུ་ངོ་སྤྲད་པའི་ལུང་ནི། དཔལ་ཆེན་གསང་བ་ཡོངས་རྫོགས་ལེའུ་བཅུ་གསུམ་པ་ནས། ཐོག་མར་ཀུན་བཞི་བཅོས་བསླད་མེད། །ཅིར་ཡང་རྒྱ་ཆད་ཕྱོགས་ལྷུང་བྲལ་སྟོང་ཁྱབ་ནམ་མཁའ་ལྟ་བུ་ལས། །རང་རྩལ་འགྱུ་བྱེད་རླུང་གིས་གཡོས། །མ་རིག་རྟོག་པའི་གཟུང་འཛིན་གྱིས། །ནན་གྱ…

ངན་སོང་ཐར་ཙམ་བྱས་ལ་བཞག་གོ །དེ་ནས་རིག་པའི་རྩལ་དབང་སྤྱི་འབྱམས་ཆོ་གས་ངོ་སྤྲད་དེ་ཡོངས་སུ་རྫོགས་པར་རང་དབང་ཐོབ་པར་བྱ་བ་ནི། སྙིང་པོ་སྐྱེ་མེད་རང་བྱུང་རྟོལ་སྐྱེས་རྒྱལ་ཐབས་ཀྱི་ངོ་འཕྲོད་ནས་སྤྱི་བླུགས་ཀུན་ཁྱབ་ཡོངས་རྫོགས་སུ་ནན་གྱིས་སྤྲད་དེ་ཆོས་མིན་རང་སར་གྲོལ་བ་ནི་འདི་དག་གོ །དེ་ཡང་དབང་རྟེན་ནི་སྣོད་བཅུད་འཛོམ་པ་གཅེ…

ཆུབ་སྙིང་པོ་བདེ་བ་ཆེན་པོར་ཤར། །ཐམས་ཅད་མ་ལུས་ལྷུན་གྲུབ་ཆོས་ཀྱི་སྐུ། །ཆོས་རྣམས་ཐམས་ཅད་རང་གི་སེམས་སུ་འདུས། །སེམས་ཀྱི་བདག་ཉིད་ཅི་ཡང་མ་ཡིན་པས། །ཐིག་ལེ་སྤྲོས་པ་མེད་པའི་རང་བཞིན་ཉིད། །མཉམ་པའི་རྒྱལ་པོ་ཀུན་ལ་དབང་སྒྱུར་ཏེ། །ཆོས་ཉིད་རིག་པའི་རྒྱལ་པོ་རྫོགས་པ་ཆེ། །མ་འདྲེས་ཅིར་ཡང་སྟོན་པ་ཐེག་པའི་མཆོག །དེ་དག་མ་ལུས་མྱ…

གྱི་སེང་གེ་གཅིག་གཏད་ལ། ཧཱུཾ། ལྟོས་ཤིག་ལྟོས་ཤིག་སྐལ་ལྡན་བུ། །ཆོས་སྐུ་འགྱུར་མེད་དོན་ལ་ལྟོས། །སྨྲ་བསམ་བརྗོད་པའི་མཐའ་ལས་འདས། །མཁུར་བ་ཆུས་བཀང་སྨྲ་འདོད་འདྲ། །གང་ཡང་མ་གྲུབ་སྟོང་པའི་ངང་། །མི་སྐྱེ་མི་འགག་ཆོས་ཀྱི་སྐུ། །འབྲས་བུས་མི་འགྱུར་གདེངས་ལྡན་ཡིན། །འདི་ཡི་དོན་ལ་གནས་པར་གྱིས། །དུས་གསུམ་སངས་རྒྱས་འདི་ལ་གནས། །…

ཏེ། །ཐམས་ཅད་སེམས་ཀྱི་ཆོ་འཕྲུལ་ཡིན། །རང་སེམས་རྩལ་སྦྱོང་ཆེན་པོའོ། །ཧཱུཾ། ལྷ་རྣམས་གནས་སུ་རྫོགས་རིམ་ནི། །ཡིད་ནི་ཡབ་ལ་ཆོས་ནི་ཡུམ། །ཕུང་པོ་ཡབ་ལ་འབྱུང་བ་ཡུམ། །རྣམ་ཤེས་ཡབ་ལ་ཡུམ་ལྔ་ཡུམ། །དབང་པོ་ཡབ་ལ་དུས་བཞི་ཡུམ། །ཉོན་མོངས་དྲུག་ནི་སྤྲུལ་པའི་སྐུ། །ལུས་ཆོས་ཡབ་ལ་མུ་བཞི་ཡུམ། །ཐབས་ནི་ཡབ་ལ་ཤེས་རབ་ཡུམ། །རང་བཞིན་དེ་ལ…

ངག་གར་ཆང་འཐུངས་པ་ལྟར། །དོན་ནི་མན་ངག་ཟབ་མོས་བསྒྲུབ། །ལྟ་བ་ནམ་མཁའི་མདུང་བསྐོར་བཞིན། །ཐག་དང་འཕང་ནི་ལྟ་བས་བཅད། །སྦྱོར་བ་མི་ཤ་འདོན་པ་བཞིན། །ལ་ནི་སྤྱོད་པས་དོར་བར་བྱ། །ཟུང་དུ་འབྲེལ་ལ་གོལ་ས་མེད། །ཚིག་ཏུ་རྟོགས་ལ་མ་བརྟེན་པར། །སྐུ་གསུམ་དོན་པོ་གཅིག་ཏུ་དྲིལ། །མཐའ་དྲུག་རྒྱུད་ལ་རྫོགས་པར་གྱིས། །མཐར་ཐུག་དོན་དམ་ནང་ནས…

དབང་། །དབང་སེམས་གཉིས་སུ་མེད་པར་འབྲེལ། །གཉིས་མེད་གཅིག་ཏུ་འདྲེས་ཙམ་ན། །དབང་ནི་ཆོས་སྐུ་སྐྱེ་འཇིག་མེད། །བསྐུར་ནི་འཕོ་འགྱུར་མེད་པར་བསྐུར། །ཐོབ་ནི་འགྱུར་མེད་སྙིང་པོ་ཐོབ། །མཚན་མའི་དབང་བསྐུར་ཇི་སྙེད་པ། །ད་སོགས་དབང་གི་སྡེ་ཚན་རྣམས། །ཡིད་ལ་བྱར་མེད་སྤྲོས་པ་ཆོད། །ཅེས་པས། སྙིང་པོ་ཆོས་མིན་མིང་མེད་ཡུལ་འདས་ཀུན་བྲལ་ཡ…

དམྱལ་བར་འཚིག་ག །འོན་ཏེ་ལྟ་བའི་སོ་མ་ཉམས་ན། །མ་རིག་འཚིག་ཅིང་སྐྱེ་མེད་དོན་དམ་མོ། །དབྱེ་བ་ལ་བཞི། རྩ་བ་གསུམ། ཡན་ལག་ཉེར་ལྔ། སྤྱིའི་བཅུ་གཅིག །ཁྱད་པར་གྱི་གཅིག་གོ །ཇི་ལྟར་དམ་ཚིག་བསྲུང་ཐབས་རིམ་པ་ནི། །སྐུའི་དམ་ཚིག་ཏུ་རྡོ་རྗེ་སློབ་དཔོན་དང་མཆེད་དང་ལྕམ་དྲལ་ལ་བསྲུང་བྱའི་མདོ་ནི། བརྡེག་བརྩོག་དང་རྐུ་འཕྲོག་སྤྱ་སེམས་སྐ…

ན། བསྐལ་པ་ལྔར་རྡོ་རྗེའི་དམྱལ་བར་འགྲོ་བར་རྒྱུད་ལས་གསུངས་སོ། །དེ་ནས་ཡན་ལག་གི་དམ་ཚིག་ཉེར་ལྔ་བསྲུང་བར་བྱ་བའི་མདོ་ནི། ཤེས་པར་བྱ་བའི་དམ་ཚིག་ནི། ཕུང་པོ་ལྔ་དང་། འབྱུང་བ་ཆེན་པོ་ལྔ་དང་། ཡུལ་ལྔ་དང་། དབང་པོ་ལྔ་དང་། ཡེ་ཤེས་ལྔ་དང་། རིགས་ལྔ་ཡབ་ཡུམ་དུ་སྦྱོར་ཤེས་པར་བྱའོ། །སྤྱད་པར་བྱ་བའི་དམ་ཚིག་ལྔ་ནི། སྦྱོར་བ་དང་། སྒ…

ཅན་ཐམས་ཅད་སྙིང་རྗེས་དྲང་བ་དང་། ཉོན་མོངས་རང་དགར་མི་བཏང་བ་དང་། ཐེག་པ་དང་ཆོས་ཀྱི་ཞལ་ཟིན་ཕྱིར་གཞན་ལ་མི་སྨད་པ་དང་། ལེ་ལོ་གཉིད་དང་ཆང་དབང་སྤང་བ་དང་། ལྟ་སྤྱོད་ཟུང་དུ་འབྲེལ་བས་བསྙེན་སྒྲུབ་མཐར་དབྱུང་བར་བྱའོ། །ཞེས་རྒྱུད་ལས་གསུངས་པ་དེ་བཞིན་དུ་བསྲུང་བར་བྱའོ། །ཡང་ན་མཉམ་རྫོགས་རྒྱལ་པོར་གནས། །ཞེས་གསུངས་པ་ནི། ཁྱད་པར་…

བྱས་བཤགས། ཐུགས་ཀྱི་དམ་འགལ་བླ་མ་མཉེས་བྱས་དོན་ཁྲིད་ཞུས་ཏེ་ལྟ་བས་བཤགས། ཐུན་མོང་དུ་དབང་བསྙེན་སྒྲུབ་ཆེན་པོས་བཤགས། རྒྱུན་དུ་རྒྱུན་བཤགས་ནར་མས་སྐོངས་བར་འགྱུར་རོ། །བསྐང་བཤགས་ལ་བརྩོན་པ་ནི་མན་ངག་གི་དམ་པའོ། །དེ་རྗེས་དམ་བཅའ་རྒྱུན་པས་དམ་བཅའོ། །དམ་ཚིག་བསྲུང་བའི་དགོས་ཆེད་ནི། ཡོངས་རྫོགས་རྒྱུད་ལས། སྔར་བས་འདས་པའི་སངས་…

བརླག་པར་གསུངས་སོ། །དབང་ཡོན་མ་ཕུལ་ཤིན་ཏུ་ཉམས་ཞེས་གསུངས་པས་དབང་ཞུས་ནས་ཡོན་མ་ཕུལ་ན་དམ་ཚིག་ཉམས་པའི་ཉེས་ལྟུང་ཐམས་ཅད་འབྱུང་བར་རྒྱུད་ལས་བཤད་དོ། །སྤྱི་དོན་བརྒྱད་པ་དབང་ཆེན་ཡོངས་རྫོགས་སུ་ཐོབ་པའི་དགོས་ཆེད་དམ་རྟགས་སམ་ཡོན་ཏན་ནི། རྩ་རྒྱུད་ལས། དེ་ལྟར་དབང་རྣམས་ཡོངས་རྫོགས་པར། །བསྐུར་བའི་ཡོན་ཏན་བསམ་མི་ཁྱབ། །གསང་སྔགས་…

པའི་དབང་ཐུན་མོང་ཁྱད་པར་མ་ལུས་པའི་དབང་ཐོབ་ཅིང་། མདོར་ན་བཀའ་རབ་འབྱམས་ཀྱི་དབང་ཐོབ་པ་ཡིན་པས་དབང་ཡོངས་རྫོགས་སུ་ཐོབ་པ་དང་སངས་རྒྱས་དགོངས་པ་ལོན་པ་དུས་མཉམ་པར་འབྱུང་ངོ་། །དེའི་ཕྱིར་ན་ཐེག་པ་ཡོངས་རྫོགས་དབང་བཀའ་འདི་ཐོབ་པའི་དགོས་པ་ཡོན་ཏན་བསམ་གྱིས་མི་ཁྱབ་བོ། །སྤྱི་དོན་དགུ་པ་དབང་ཡོན་དབུལ་བར་བསྟན་པ་ནི། རྒྱུད་ལས། བྱི…

རྫོགས་སྐུ། །རྡོ་རྗེའི་གླུ་གཅིག་གནམ་ནས་ལེན། །སྟེང་གི་ལྷ་རྣམས་ཟིལ་གྱིས་གནོན། །རྡོ་རྗེའི་གླུ་གཅིག་ས་ནས་ལེན། །ཀླུ་གཉན་ས་བདག་ཟིལ་གྱིས་གནོན། །རྡོ་རྗེའི་གླུ་གཅིག་ཕྱོགས་བཅུར་སྒྲོགས། །ཕྱོགས་སྐྱོང་དྲེགས་པ་ཞབས་འོག་གཟིར། །རྡོ་རྗེའི་གླུ་སྐད་རྩེར་རེ་རེ། །ཧཱུཾ་གི་འབྲུག་སྒྲ་དིར་རི་རི། །ཕཊ་ཀྱི་གནམ་ལྕགས་ཚལ་ལེ་ཚལ། །དྲ…