བཤད་པའི་ཐོག་མ་གསུམ་ནི། དཔལ་གསང་བ་འདུས་པ། ཟླ་གསང་ཐིག་ལེ། སངས་རྒྱས་མཉམ་སྦྱོར་རྣམས་ལ་ཐུགས་གསུང་སྐུའི་རྒྱུད་ཅེས་བྱས་ནས། ཞེས་གསུངས་པས་ཀྱང་རྟོགས་པར་ནུས་ཤིང་སྒྲུབ་པའི་ལག་ལེན་སྟོན་པའི་རྒྱུད་ལྔའི་སྐབས་སུ་ཡོན་ཏན་གྱི་རྒྱུད་བདུད་རྩི་རོལ་པའམ་བདུད་རྩི་མཆོག་ཏུ་གྲགས་པར་ངོས་འཛིན་ཅིང་སྤྱོད་པའི་ཡན་ལག་གི་རྒྱུད་ལྔའི་སྐུ…

བྲའོ་རམ་བུ་ནས་དམར་དང་། །ལྗང་བུ་སྲན་མ་ལ་སོགས་པ། །འབྲིང་ངམ་ཞི་བའི་ཚོན་དུ་བཤད། །དུར་ཁྲོད་ཐལ་ཆེན་ལྡོང་རོས་དང་། །དེ་ཡི་སོ་ཕག་དཱུརྦ་དང་། །སོལ་བས་བྲི་བ་ཁྲོ་བ་ཡི། །དཀྱིལ་འཁོར་དག་ལ་རབ་ཏུ་ཤིས། །རྡོ་ཐལ་ས་སེར་བ་བླ་ལྡོང་། །རྒྱ་སྐྱེགས་དམར་པོ་བྱ་བ་དང་། །རམས་ལས་བྱས་དང་འབྲུ་བསྲེགས་པ། །ཐ་མའི་རྡུལ་ཚོན་དག་ཏུ་བཤད། །ཅེས་…

པ་དབང་གཞུང་ལས། དེ་ཡང་ཐིག་ནི་ཕྱི་ནས་གདབ་ཅིང་ཚོན་ནི་ནང་ནས་བཀྱེ་སྟེ་དང་པོ་རྡོ་རྗེ་རྒྱལ་ཐེབས་ཀྱིས་འབྲི་ཞིང་ཕྱི་ནས་ཅི་དགའ་ཤེས་པས་བྲི་སྟེ་མཐོ་ཞིང་དྲང་བར་བྱའོ། །གང་ཞིག་རེ་ཁཱ་དམའ་བ་དང་ཡོ་བ་དང་ཆད་པ་དང་འཁྲུལ་པ་དག་གིས་ནི་མི་འགྲུབ་བོ། །ཞེས་བྱུང་ཞིང་རྟོགས་སླར་དམའ་ན་དངོས་གྲུབ་མེད་ཅིང་ཡོ་ན་བགེགས་ཞུགས་ལ། ཆད་ན་སློབ་…

རང་རང་གི་ཕྱག་མཚན་གཡས་པ་འདྲི་ཞིང་སོ་སོར་མེད་པ་ལ་ངོ་ཐོག་འགོད། གསུམ་པ་རྫས་དགོད་པ་ལ་རྟེན་རྫས། རྒྱན་མཆོད་ཚེ་རྫས། དབང་རྫས་དང་བཞིའི། དང་པོ་རྟེན་རྫས་ལ་ཕུར་པ། མར་མེ། ཐོད་སྐུ། བུམ་པ་དང་བཞི་ལས། དང་པོ་ཕུར་པ་དགོད་པ་ནི། དབང་གཞུང་དུ་དེའི་གནས་རྣམས་སུ་སྟེང་གི་མཚན་མ་གང་རུང་གཞག་གོ ། ཞེས་བྱུང་། རྩ་བར་སྣང་བའི་འོད་དང་བཅས…

འདིར། །མཆོག་ཕྲན་བསྣོལ་བའི་གདན་སྟེང་དུ། །དགྱེས་ཞིང་བརྟན་པར་བཞུགས་སུ་གསོལ། །ལྷ་མོ་སོ་སོའི་སྔགས་གཤམ་དུ་བཛྲ་ས་མ་ཡ་ཏིཥྛནྟུ་ཞེས་ཕྱོགས་མཚམས་བརྒྱད་དུ་དགོད་དོ། །གཉིས་པ་མར་མེ་དགུ་ཁྲག་འཐུང་གལ་པོའི་བརྟག་པ་བདུན་པ་ནས་གསལ་བར་བསྟན། དགོད་པ་ནི། དབང་གཞུང་ལས། ཧཱུཾ་ཞུན་ཆེན་མར་མེ་གསལ་བ་ནི། །སྐྱེ་མེད་བྱང་ཆུབ་སེམས་ཀྱི་དོན།…

ཕྱོགས་ཐམས་ཅད་བསྐོར་རོ་ཞེས་དང་། པུཎྜ་རཱི་ཀའི་ལེའུ་དྲུག་པ་ནས་མདོ་ཙམ་བསྟན་ཞིང་རྩ་བར་རྫས་ཀྱིས་མཛེས་པར་འཁོར་བར་བཞག །ཅེས་པའི་སོ་མཆན་དུ་མཆོད་རྫས་བརྒྱད་དགོད་ཅེས་བྱུང་། ཚེ་རྫས་དགོད་པ་ནི། ཁྲག་འཐུང་གལ་པོ་ལས། ཧཱུཾ། ཞིང་བཅུ་རུ་དྲའི་ཚོགས་རྣམས་བསྒྲལ་བྱས་ནས། །ཤ་ཆེན་ལང་ལིང་རྐང་གི་དུམ་བུ་དང་། །ཞིང་གི་རས་རོས་དུར་ཁྲོད་…

དབང་དུ་བྱས་ན་སྣམ་བུ་རྣམས་དང་ཕྱོགས་མཚམས་སུ་གཞན་རྣམས་ཀྱང་འགོད་པར་རིགས་སམ་སྙམ། གསུམ་པ་དབང་རྫས་དགོད་པ་ནི། དབང་ཆོག་ལས་ཇི་ལྟར་བྱུང་བ་རྣམས་གོ་རིམ་མ་འཆོལ་བར་བསྒྲིག་གོ །བཞི་པ་བསྲེ་བསྣན་བྱ་བ་ནི། ཁྲག་འཐུང་གལ་པོ་ལས། དམ་ཚིག་བསྲེ་བསྣན་མ་བྱས་ན། །གསར་རྙིང་མཆེད་རྣམས་གང་ལ་འདྲེས། །ཞེས་དང་། དབང་གཞུང་ལས། གང་དག་དམ་ཚིག་མ་…

མངའ་རྩ་མཆན་ནས་ཀྱང་བསྟན། གསོལ་ནི། དབང་གཞུང་ལས། རྡོ་རྗེ་རྒྱལ་པོ་དེར། རྒྱལ་ཐེབས་དང་། ལས་ཀྱི་ཕྱག་རྒྱ་དང་། བརྡ་སྦྱོར་དང་། རྡུལ་ཕྱགས་ལ་སོགས་པ་སོ་སོར་ཕྱེ་སྟེ། སོ་སོར་གདན་བཤམས་ཤིང་བཀོད་པར་བྱའོ། །ཞེས་རྡོ་རྗེ་རྒྱལ་པོ་ནས་རྡུལ་ཕྱགས་ཀྱི་བར་མངའ་གསོལ་བ་བཀའ་གཏེར་ཕལ་ཆེར་དགོངས་པ་མཐུན་པས་སྤྲོ་ན་གཞན་ནས་ཁ་འགེང་དུ་རུང་ནའ…

ཉིད་ཡི་དམ་ཞི་ཁྲོ་བསྒོམ། །བཟའ་བ་ཚོགས་ཀྱི་འཁོར་ལོ་བསྐོར། །བཟླས་བརྗོད་བསྙེན་པའི་འཕྲོ་འདུ་བྱ། །ལྷག་མ་བསྐྱང་ཞིང་དཀྱིལ་འཁོར་བསྡུ། །སྒྲུབ་ཆེན་དབང་བསྐུར་སིདྡྷི་ལེན། །ཡི་དམ་ནུབ་གཅིག་ཆོ་ག་རྫོགས། །ཞེས་དང་། དབང་གཞུང་ལས། གཞན་དབང་གཞུང་ཆེན་པོའི་ཏིང་ངེ་འཛིན་ལས་བྲུཾ་གྱི་འཕྲོ་འདུས། གནས་བྱིན་གྱིས་བརླབ་པ་དང་། རྣལ་འབྱོར…

ཀའི་དུས་སུ་དཀྱིལ་འཁོར་གྱི་འགྲམ་དུ་ཆག་ཆག་གདབ། སློབ་དཔོན་ཁྲུས་བྱས་ལུས་ལ་དྲི་ཞིམ་པོས་བྱུགས་རྒྱན་གྱིས་བརྒྱན་ཏེ་ཤར་ཕྱོགས་སུ་སྟན་རྩ་བར་སློབ་དཔོན་ཇི་བཞིན་སྟན་བདེར་གནས་ཞེས་པར་སོ་མཆན་དུ་གདན་གསུམ་གྱི་དགོས་པ་སྟན་བདེ་ན་ལུས་བདེ། ལུས་བདེ་ན་སེམས། སེམས་བདེ་ན་ཏིང་ངེ་འཛིན་གསལ་ཞེས་བྱུང་། བདེ་བ་ལ་འདུག་སྟེ། སྐྱབས་འགྲོ་ན…

རིམ་གྱིས་ཁ་བསྒྱུར་ཏེ་མཛད་པ་ནི་ཧེ་རུ་ཀཿ འདུས་རྒྱུད་ཧཱུཾ་ཀ་རའི་ཟླ་གམ་གཅིག་པའི་སྒྲུབ་པར་ཡང་བསྙེན་སྒྲུབ་ཀྱི་རྣམ་གཞག་རྒྱས་པར་གསུངས། ཀྱི་ཕྱི་མ་ལས། དམ་ཚིག་དབང་དང་ལྡན་པ་བཅས། །རྫས་དང་ཆོ་ག་ཚང་བ་ཡིས། །བག་ཆགས་དག་ཅིང་སྣོད་རུང་བ། །འདི་ནི་བསྙེན་པའི་ཆོ་གར་བཤད། །མཆོད་དང་བཤགས་དང་བཟླས་བསྐུལ་བས། །རྩེ་གཅིག་བསྒོམ་དང་ལྷ་ཉ…

བསྐལ་པའི་མེ་ལྟར་འབར་བའི་འོད་ཟེར་འཕྲོ། །ཆགས་བྱས་ཟླ་གམ་པདྨ་དབང་གི་ཚུལ། །རིན་ཅེན་འཁོར་ལོ་རྩིབས་བརྒྱད་རྒྱས་པའི་དབུས། །པདྨ་འདབ་བརྒྱད་དབུས་ཀྱི་དཀྱིལ་འཁོར་དུ། །དྲེགས་པ་ཁྱོ་ཤུག་བསྣོལ་བའི་ཞིང་རྐྱང་བཏིང་། །རབ་གསལ་ཉི་ཟླ་འབར་བའི་གནས་བཤམས་ལ། །བསོད་ནམས་མཐུས་གྲུབ་ཏིང་འཛིན་སྟོབས་ཀྱིས་བསྐྱེད། །ཡེ་ཤེས་རང་སྣང་དཀྱིལ་འཁ…

རྡོ་རྗེ་ཅན་གྱི་ལྷ་ཚོགས་འཁོར་དང་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་གཤིན་རྗེ་བདེན་བྲལ་སྲིན་པོའི་བདག །ཆུ་བདག་རླུང་བདག་ནོར་གྱི་བདག་པོ་སྟེ། །དབང་ལྡན་ལྷ་སྟེ་འབྱུང་པོའི་བདག་པོ་དང་། །སྟེང་གི་ཉི་ཟླ་ཚངས་པ་ཆེན་པོ་དང་། །ལྷ་རྣམས་ཀུན་དང་ས་ཡི་ཀླུ་རྣམས་དང་། །རི་ཡི་ལྷ་དང་གནོད་སྦྱིན་ཚོགས་རྣམས་ལ། །ས་ས་སོ་ས…

པའི། །ལྷ་བཟོ་མཁས་པས་བྲིས་པའི་སྐུ། །ལྷ་དགུའི་དཀྱིལ་འཁོར་བཟང་པོ་ནི། །སྒྲུབ་པ་པོ་རྣམས་བསྒོམ་པ་ཡང་། །ཏིང་འཛིན་གསལ་ཕྱིར་དམིགས་རྟེན་དགྲམ། །ཞེས་པ་ལྟར་རས་བྲིས་ཀྱི་དཀྱིལ་འཁོར་ལ་བརྟེན་པ་སྔ་འགྱུར་ལུགས་ཀྱི་སྒྲུབ་ཚུལ་རྡུལ་ཚོན་བསྡུས་པ་བྱེད་ན་འདིའི་སྟེང་དུ་ཐིག་ཚོན་གྱི་ཆོ་ག་བསྣན་པས་འགྲུབ་བོ། །རྒྱས་པ་ལ་འདི་ཙམ་ཞིག་དག…

ཅེས་པ་ལྟར་རང་གཙོ་བོ་དང་ཐ་མི་དད་པའི་ངང་ནས་གཙོ་བོ་ལས་གཉིས་པར་བྱེ་སྟེ་དཀྱིལ་འཁོར་གྱི་གཙོ་བོ་བླ་མར་མོས་པ་ལ་དབང་བཞི་རྫོགས་པར་བླངས་ནས་དམ་ཚིག་རྣམས་གསོ། རྡོར་དྲིལ་སྤོས་དང་བཅས་འགེངས་ལ། དེ་ཉིད་ལས། རང་བྱུང་ཡེ་ཤེས་ལྷ་རྣམས་ལ། །སྐུ་གསུང་ཐུགས་ཀྱི་དངོས་གྲུབ་མཆོག །ཕྱི་མའི་དུས་ལས་མི་བཞེངས་པར། །ད་ལྟ་ཉིད་དུ་བདག་ལ་སྩོལ།…

བས་བཅད། སློབ་མ་རྣམས་ལ་ཇི་ལྟར་བལྟམས་པ་སོགས་ཀྱིས་ཁྲུས་བྱ། ཕྱག་བྱས་གྲལ་ལ་འཁོད། བགེགས་གཏོར་གཏོང་། དབང་གཞུང་དུ་རས་དམར་པོའམ་དཀར་པོ་ཞེས་བཤད་ཅིང་རྟོགས་སླར་དར་དམར་པོའམ་རིགས་དང་བསྟུན་ན་ནག་པོ་སློབ་མའི་མིག་ལ་དགབ་གསུང་བ་དཀར་ནག་གི་མཚམས་ལ་དགོངས་པ་ཅུང་ཟད་མི་མཐུན་ཀྱང་དར་དམར་པོ་ལས་སྔགས་ཀྱིས་བསངས། ཨོཾ་ཨཱཿཧཱུཾ་གིས་བྱིན…

སྐྱབས་མཆི། །སྐལ་བཟང་ལྷ་མོ་ཚོགས་བཅས་པའི། །དཀྱིལ་འཁོར་ཚོགས་ལ་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་གཞུག་ཏུ་གསོལ། །ཞེས་ལན་གསུམ་གྱིས་གསོལ་བ་གདབ་བོ། །བཞི་པ་གནང་བ་ཞུ་བ་ནི། སློབ་དཔོན་གྱིས་དཀྱིལ་འཁོར་ལ་མངོན་དུ་ཕྱོགས་ཏེ་ཞྭ་ཕུད་རྡོར་དྲིལ་བཟུང་ནས། རྒྱལ་བ་ཀུན་གྱི་གནས་བཞུགས་པའི། །དཀྱིལ་འཁོར་ཆེ…

བྱ། དྲུག་པ་གསང་བར་གདམས་པ་ནི། དེ་ཉིད་ལས། མེ་ཏོག་དང་བཅས་རྡོ་རྗེ་སྙིང་གར་བཞག་ལ། ཨོཾ་བདེ་གཤེགས་ཀུན་གྱིས་ཁྱོད་ཉིད་དེ། །དེ་རིང་བྱིན་གྱིས་བརླབས་པས་ན། །དེ་བཞིན་གཤེགས་པའི་གསང་ཆེན་འདི། །དཀྱིལ་འཁོར་དག་ཏུ་མ་ཞུགས་ཤིང་། །དད་པ་མེད་པའི་མི་རྣམས་ལ། །ནམ་ཡང་སྨྲ་བར་བྱ་བ་མིན། །ཨོཾ་སུ་ར་ཏེ་ས་མ་ཡ་སྟྭཾ་ཧོཿསིདྡྷི་བཛྲ་ཡ་ཐཱ་སུ…

ཡེ་ཤེས་དབབ་པའི་གསོལ་འདེབས་དབང་གཞུང་ལས། ཨོཾ། རྡོ་རྗེ་སེམས་དཔའ་ཁྱོད་ཉིད་ཀྱི། །སྙིང་ལ་ཡང་དག་ཞུགས་མཛད་དེ། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་བྲལ་ཏེ་གཤེགས། །ཨོཾ་ས་མ་ཡ་ཨུཏྟ་ག་ཐཱ། ཞེས་བརྗོད། གསུམ་པ་དམ་ཚིག་བསྲུངས་བ་དང་མ་བསྲུངས་པའི་ཕན་ཡོན་ཉེས་དམིགས་གཉི་གའི་སྒོ་ནས་དམ་ལ་བཞག་པ་ནི། ཐོད་པའི་སྣོད་དུ་བདུད་རྩི་ལྔ…

ཡིན་པར་གྲགས། །ཉིན་རེ་བཞིན་ནི་དུས་དྲུག་ཏུ། །ཆོས་དང་ཟང་ཟིང་མི་འཇིགས་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །རིན་ཅེན་རིགས་ཀྱི་དམ་ཚིག་གོ །ཕྱི་དང་གསང་བ་ཐེག་པ་གསུམ། །དམ་པའི་ཆོས་ཀྱང་མ་ལུས་གཟུང་། །འདི་ནི་པདྨའི་རིགས་དག་པའི། །དམ་ཚིག་ཡིད་དུ་འོང་བའོ། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉི…