གཟུར་གནས་བློ་ལྡན་ངོ་མཚར་སྐྱེད་བྱེད་གཟུངས་འབུལ་གྱི་ལག་ལེན་འཁྲུལ་སྤོང་ཉིན་མོར་བྱེད་པ་བཞུགས་སོ།།

ཨོཾ་སྭ་སྟཱི་སིདྡྷི། འགྱུར་མེད་ཆོས་སྐུ་དོན་དམ་མཁའ་ཁྱབ་སྤྲོས་དང་བྲལ་བའི་རང་བཞིན་ལས། །སྣ་ཚོགས་སྒྱུ་འཕྲུལ་དྲ་བའི་གར་མཁན་དཀྱིལ་འཁོར་བདག་པོར་མངོན་བཞེངས་པའི། །རིགས་ཀུན་ཁྱབ་བདག་རྡོ་རྗེ་འཆང་དངོས་འཇམ་མགོན་བླ་མ་ཙོང་ཁ་པ། །ཟུང་འཇུག་དབང་གི་རྒྱལ་པོའི་འབྱུང་གནས་ཁྱོད་ཞབས་སྙིང་གི་པད་མཚོར་བཞུགས། །ཅུང་ཟད་བསྟེན་ཀྱང་རྣམ་…

པའི་གནས་ལྔ་དག་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་ཉིད་ཐོབ་མི་འགྱུར། ཞེས་གསུངས་པ་ལྟར་གྱི་རིག་པའི་གནས་ལྔའི་ནང་ནས་གཞན་རྗེས་སུ་འཛིན་པར་བཟོ་རིག་པར་གྲགས་པ་འདི་ཉིད་ལུས་ཅན་ཀུན་གྱི་ཕན་པ་དང་བདེ་བ་མ་ལུས་པའི་འབྱུང་གནས་སུ་བླ་ན་མ་མཆིས་པའི་རྒྱུ་མཚན། མཉམ་མེད་ཇོ་བོ་ཆེན་པོས། འཕགས་པ་རྣམ་པར་གྲོལ་བའི་སྡེའི…

པ་ཡང་གསང་བླ་མེད། །རྗེ་ཡང་དགོན་པའི་རི་ཆོས་སོགས་ཡིག་ཆ་ཁུངས་ཐུབ་རྣམས་ལས་ཇི་ལྟར་འབྱུང་བ་བཞིན་ལེགས་པར་བརྟག་དགོས་ལ། གཙོ་བོ་ནི་ཡང་དག་པར་རྫོགས་པའི་སངས་རྒྱས་ཀྱིས་མཛད་པ་བཅུ་གཉིས་ལྟ་བུ་བསྟན་པའི་གནས་དང་། དཔའ་བོ་དང་མཁའ་འགྲོ་རྣམས་རང་བཞིན་གྱིས་འདུ་བའི་ཡུལ་ཉི་ཤུ་རྩ་བཞི་འམ་དེ་དང་འདྲ་བ། གཞན་ཡང་རྒྱ་བོད་ཀྱི་མཁས་གྲུབ་རྒ…

གི་སྟོན་པ་ལྟ་བུ་སྤྲུལ་སྐུའི་ཐ་སྙད་དུ་བྱེད་པ་ཡང་མི་རུང་བ་མ་ཡིན་མོད། འོན་ཀྱང་དེ་ཙམ་གྱིས་ལོངས་སྤྲུལ་གྱི་དབྱེ་བ་བྱ་བ་ནི་མ་ཡིན་ཏེ། འདུས་པ་དང་བདེ་དགྱེས་སོགས་དཀྱིལ་འཁོར་བའི་ལྷ་རྣམས་ནི་ངོ་བོ་ཡེ་ཤེས་ཀྱི་སྐུ། འབྱུང་ལུས་རགས་པ་དང་བྲལ་བའི་ལོངས་སྐུ་དེ་ལས་སྤྲུལ་བས་ན་སྤྲུལ་སྐུར་ངོས་འཛིན་པས་སོ། །དེ་ལྟར་དཀོན་མཆོག་གསུ…

མཆོད་རྟེན། རྒྱལ་པོའི་ཁབ་ཏུ་མངོན་པར་བྱང་ཆུབ་པའི་ཚེ་བྱང་ཆེན་མཆོད་རྟེན། ཝཱ་ར་ཎ་སིར་ཆོས་ཀྱི་འཁོར་ལོ་བསྐོར་བའི་ཚེ་ཡེ་ཤེས་མཆོད་རྟེན། མཉན་ཡོད་ཛེ་ཏའི་ཚལ་དུ་ཆོ་འཕྲུལ་བསྟན་པའི་ཚེ། །མུ་སྟེགས་ཕམ་བྱེད་ཀྱི་མཆོད་རྟེན། ཡངས་པ་ཅན་དུ་ལྷའི་དབྱར་གནས་མཛད་པའི་ཚེ། །སུམ་ཅུ་ལྷའི་མཆོད་རྟེན། རྒྱལ་པོའི་ཁབ་ཏུ་ལྷས་བྱིན་གྱིས་དགེ་འ…

དགེ་འདུན་གྲུབ་ཀྱིས་ཟིན་བྲིས་སུ་མཛད་པ་ལ་སྨན་བླ་དོན་གྲུབ་ཀྱིས་ཁ་འགེངས་སྦྱར་བྱང་དང་བཅས་བཀོད་པ་སོགས་མཁས་པའི་གསུང་རབ་རྣམས་ལས་བྱུང་བའི་ཕྱག་ཚད་ཇི་ལྟ་བ་བཞིན་དུ་བཞེངས་ཤིང་། གླེགས་བམ་དང་འཇམ་པའི་དབྱངས་ཐོན་མི་སམྦྷོ་ཊ་དང་། དོན་གྱི་པཎྜི་ཏ་ཆེན་པོ་ཆོས་སྐྱོང་བཟང་པོ་སོགས་ཀྱིས་ལེགས་པར་བཤད་པ་ལས་བྱུང་བའི་སྡེབས་དང་བརྡ་དག…

མི་འཚམ་པའི་སྣང་བ་ལ་གང་ཤར་གྱི་རང་བཟོ་ཆེན་པོ་ཞིག་བྱས་ཀྱང་། ཡང་དག་པར་འཛིན་པའི་དབང་གིས་བསྟན་པ་དང་རང་གཞན་མང་པོ་བསླུ་བའི་གཡང་ས་ཆེན་པོ་མཐོང་བ་དེའི་ཕྱིར། ཤེས་ལྡན་རྣམས་ཀྱིས་ཞིབ་མོར་དཔྱོད་པ་གནད་དུ་ཆེ་ཞིང་། སྐུ་གསུང་ཐུགས་རྟེན་འདི་ལྟ་བུ་བཞེངས་སོ་ཞེས་པའི་སྙན་གྲགས་ཙམ་འདོད་དེ་ལག་ཏུ་བླང་བའི་རིམ་པ་རྣམས་ཧྲལ་པོར་བྱེད་…

ནད་དང་འཇིགས་དང་མྱ་ངན་སྡུག་བསྔལ་བྲལ། །པདྨའི་ནང་བཞིན་འཇམ་དང་ཡངས་པར་འགྱུར། །འདི་ན་རྒྱལ་བའི་སྐུ་གཟུགས་བྱེད་པ་གང་། །བྲན་དུ་མི་འགྱུར་དབུལ་པོའི་རང་བཞིན་མིན། །ལས་བྱེད་མ་ཡིན་སྐྱེ་བ་དམན་པར་མིན། །དབང་པོ་མ་ཚང་མིན་ཏེ་སྐྱེས་མཆོག་འགྱུར། ཞེས་དང་། སྡུད་པ་ལས། ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། །སེམས་ཅན་ཇི་སྙེད་…

པའི་བསམ་གཏན་ཅན། །བརྟན་ཅིང་སྤྲོ་བའི་བརྩོན་འགྲུས་ཅན། །དཀའ་སྤྱད་མི་སྐྱོ་བཟོད་བསྲན་ཅན། །ངང་རིང་ཚིག་འཇམ་ཚུལ་ཁྲིམས་ཅན། །གཡོ་མེད་གཏོང་ཕོད་སྦྱིན་པར་ལྡན། །རིམ་གྱིས་དགའ་སྤྲོ་བསྒོམ་པའོ། །ཞེས་པའི་ཡོན་ཏན་དང་ལྡན་པ་ཞིག་དགོས་སོ། །དེ་བཞིན་དུ་བཟོ་བོ་ཡང་། །ཡོན་ཏན་མི་མཁས་ང་རྒྱལ་ཆེ། །འགྲོགས་པ་མི་བདེ་བཀུར་སྟི་འདོད། །འཕྲལ…

སོ། དེ་ཡང་ཐོག་མར་བཞེང་པའི་ཚེ། ས་འམ་ཡོ་བྱད་འཚོལ་བ་ན། ཕྱི་ལྟས་སྐྱེས་བུའི་བྱ་སྤྱོད། རྫས་དང་། སྐད་དང་། སྒྲ་ལ་སོགས་པ་བཟང་ངན་གྱི་རིམ་པ་ལ་བརྟེན་ནས་རྟེན་འབྲེལ་བརྟག་པ། དཔལ་གཡུལ་ལས་རྣམ་པར་རྒྱལ་བ་སོགས་རྩིས་ཀྱི་གཞུང་ལུགས་དང་། གཞན་ཡང་ལྟས་ཀྱི་བསྟན་བཅོས་རྣམས་ལས་ཤེས་དགོས་ཤིང་། དེའི་རྒྱུ་མཚན་ཡང་། སྤྱིར་ཆོས་ཐམས་ཅད་རང…

གྲངས་མང་ཡང་། གཙོ་བོར་རྡོ་རྗེ་འཆང་ཆེན་པོའི་ལམ་གྱི་རིམ་པ་ལས་བཤད་པ་བཞིན་བྱས་ན་ལེགས་ཤིང་། ས་དང་། ལྷ་དང་། བུམ་པ་སྟ་གོན་ཡང་དཀྱིལ་འཁོར་གྱི་ཆོ་ག་ནས་བཤད་པ་ལྟར་བྱ་བར་རིགས་སོ། །དེ་བཞིན་དུ་བཟོ་བོ་དང་། སྐུ་རྒྱུ་དང་། ལག་ཆའི་རིམ་པ་རྣམས་བྱིན་གྱིས་བརླབ་པའི་སྟ་གོན་གྱི་ལག་ལེན་དང་། ངག་འདོན་གྱི་རིམ་པ་ནི་ཟུར་དུ་ཤེས་དགོས་…

དང་མཆོད་རྟེན་སོགས་བཞེངས་པ་ལ་གཟུངས་གཞུག་འབུལ་བ་འདི་དག་བོད་ཀྱི་བླ་མ་རྣམས་ཀྱིས་བྱས་ཀྱི། རྒྱ་གར་ན་མེད་དོ་སྙམ་པའི་ལོག་རྟོག་གི་ངན་སྨྲས་སྒྲོག་ཅིང་། དེའི་ཁུངས་སུ། རྒྱ་གཞུང་འགའ་ཞིག་ན་རྟེན་འབྲེལ་སྙིང་པོ་ལྟ་བུའི་གཟུངས་དམིགས་བསལ་རེ་རེ་ཙམ་འཇུག་ཟེར་བ་ལས། དེང་སང་ཡོངས་སུ་གྲགས་པ་འདི་འདྲ་བྱེད་པའི་འཕྲོས་ཟུར་ཙམ་ཡང་མི་ས…

སྐུ་གཟུགས་ཤིང་ལས་ཀྱང་། །བགྱིས་པ་ཅི་འདྲའང་རུང་སྟེ་མཁས་པས་མཆོད། ཅེས་པ་ལྟར་དེ་བཞིན་གཤེགས་པའི་སྐུ་གཟུགས་གྲུབ་ཙམ་ཉིད་ནས་མཆོད་པའི་ཡུལ་དུ་གསུངས་ཀྱི། རབ་ཏུ་གནས་པར་མ་བཤད་པས། མདོ་ལུགས་ནས་མ་གསལ་བའི་རྒྱུ་མཚན་གྱིས་རབ་གནས་མི་འཐད་པར་ཁས་ལེན་དགོས་པར་འགྱུར་ཞིང་། གཞན་ཡང་མན་ངག་ཏུ་བྱས་ཏེ་ཞལ་དང་སྙན་ནས་བརྒྱུད་དགོས་པ་རྣམས་…

ཡང་ཁེགས་པར་འགྱུར་རོ་སྙམ་ན། ད་ལྟའི་གང་ཟག་རྣམས་ཀྱི་སངས་རྒྱས་འོད་སྲུངས་དང་ཤཱཀྱ་ཐུབ་པ་སོགས་ཀྱི་གསང་བ་བསམ་གྱིས་མི་ཁྱབ་པའི་མཛད་པ་དེ་དག་དངོས་སུ་སྟོན་ཞིག་དང་། ཁོ་བོས་སྙིང་ནས་རྗེས་སུ་ཡི་རང་བར་བྱེད་དོ། །སྔོན་གྱི་ལྡེར་བཟོ་རྙིང་པ་འགའ་ཞིག་ལ་གཟུངས་གཞུག་ཚད་ལྡན་མི་འདུག་གོ་ཞེས་ཟེར་བ་ནི་ཤིན་ཏུ་མི་རིགས་ཏེ། སྔ་རབས་ཀྱི་…

རྟེན་ལ་སྲོག་ཤིང་གི་མངའ་དབུལ་བྱུང་ཞིང་། སྐུ་གཟུགས་ལ་མ་བྱུང་བའི་རྒྱུ་མཚན་གྱིས། སྐུ་གཟུགས་ལ་སྲོག་ཤིང་མེད་དུ་མི་རུང་བ་ནི་མ་ཡིན་ལ། འོན་ཀྱང་བརྡུངས་མ་སྐུ་ཚད་ཆེ་བའི་རིགས་ལ་སྐུའི་ཚོ་འཛིན་པར་འགྱུར་ཞིང་ལེགས་པ་ཡིན་ནོ། །ལྡེར་བཟོ་རུས་ཤིང་འཇོག་པའི་ཚད་ལ། རུས་ཤིང་སྲོག་ཤིང་གཅིག་པར་བསྒྲུབས་ན་ལེགས་པར་སེམས་ཤིང་། འཕགས་པ་…

བཛྲ་ཨཱ་ཡུ་ཥེ་སྭཱ་ཧཱ། ཞེས་པ་དང་། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ་ཞེས་པ་བྲི། གནས་ལྔར་ཨོཾ་ཨཱཿཧཱུཾ་ཏྲཾ་ཧྲི་ཞེས་པ་བཀོད། གཞན་ཡང་ཤར་ངོས་ལ་གཙུག་ཏོར་རྣམ་རྒྱལ། ལྷོར་དྲི་མེད། ནུབ་ཏུ་གསང་བ་རིང་བསྲེལ། བྱང་དུ་བྱང་ཆུབ་རྒྱན་འབུམ་གྱི་གཟུངས་ཐུང་རྣམས་བྲི་ཞིང་། བཞི་གའི་གཤམ་དུ་རྟེན་འབྲེལ་སྙིང་པོ་དང་། བཟོད་པ་དཀའ་ཐུབ་དམ་པ་སོ…

རིག །མི་འཁྲུགས་པ་སོགས་རང་གང་མོས་ཀྱི་ངན་སོང་སྦྱོང་བའི་ལྷའི་སྐུ་དང་། དེའི་མཐའ་སྐོར་དུ་སྔགས་ཕྲེང་སྤེལ་ཚིག་དང་བཅས་པ་ཡང་དགོས་པ་ཡིན་ནོ། །གསོན་པོའི་དོན་དུ་བཞེངས་པ་ལ་ཆེ་གེ་མོ་ཞེས་བགྱི་བ་ལ་གནས་སྐབས་སུ་ནད་གདོན་བར་ཆད་མི་མཐུན་པའི་ཕྱོགས་རྣམས་ཉེ་བར་ཞི་ཞིང་། ཚེ་དང་བསོད་ནམས་དཔལ་འབྱོར་ལོངས་སྤྱོད་སྙན་གྲགས་མཐུ་སྟོབས་ས…

རིང་བསྲེལ། ཡུངས་འབྲུ་ལྟ་བུའི་རིང་བསྲེལ། སྐུ་བལ་གྱི་རིང་བསྲེལ། ཆོས་སྐུའི་རིང་བསྲེལ་རྣམས་ལས། སྐུ་གདུང་ནི། སངས་རྒྱས། བྱང་སེམས། ཉན་རང་། བླ་མ་བརྒྱུད་པ་རྣམས་ཀྱི་གདུང་རུས་ལྟ་བུ། ཡུངས་འབྲུ་ནི། དེ་བཞིན་གཤེགས་པའི་འཕེལ་གདུང་དང་། མཁས་གྲུབ་རྣམས་ཀྱི་རིང་བསྲེལ། སྐུ་བལ་ནི་དབུ་སྐྲ། སེན་མོ་སོགས། ཆོས་སྐུའི་རིང་བསྲེལ་ན…

རས་སེར་པོས་གཏུམས། གང་ཟག་དམན་པའི་རུས་པ་ནི་དེར་བཅུག་ན། གང་ཟག་ཁྱད་པར་ཅན་གྱིས་ཕྱག་མཆོད་མཛད་པ་སོགས་ཀྱིས་ཤིན་ཏུ་གནོད་པར་འོད་སྲུངས་རྫོགས་བྱེད་ཀྱི་གཏམ་རྒྱུད་ལས་འབྱུང་བ་ལྟར་མི་རུང་བས། རུས་ཆོག་བྱས་པའི་སོལ་བ་སྣག་ཚར་བསྲེས་ནས་གཟུངས་པར་འདེབས་པ་སོགས་ཀྱི་རྒྱུ་བྱས་ན་ལེགས་སོ། །བླ་མའི་སྐུ་ཆོས་དང་བེར་སོགས་ན་བཟའ་གཏོས་ཆེ…