ཅིག །སྐབས་འདིར་གཏོར་མ་འབུལ། དེ་ནས་བཤགས་པ་བྱ་བ་ནི། རང་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་རྡོ་རྗེ་གསུམ་གྱི་ལྷ་ཚོགས་སྤྱན་དྲངས། དམིགས་པ་དང་བཅས་པས་ཡི་གེ་བརྒྱ་པ་བཟླ། ཧཱུྃཿ རྡོ་རྗེ་འཆང་དང་དཔལ་ལྡན་ཤ་ཝ་རི། །མཻ་ཏྲི་རཱ་ཧུ་ཛོ་ཀི་རཏྣ་དང་། །བྲམ་ཟེ་མཆོག་སྲེད་ནོར་བུ་གླིང་པ་སོགས། །དངོས་དང་བརྒྱུད་པའི་བླ་མ་དགོངས་སུ་…

ནས་ཀྱང་། ལྷ་མཆོག་ཁྱོད་ཀྱི་སྤྱན་སྔར་མཐོལ་༝། །ཡེ་ཤེས་བཀའ་བསྒྲུབ་ལས་ཀྱི་ཕོ་ཉ་མཛད། །རེ་མ་ཏཱི་དང་གནོད་སྦྱིན་རྣམ་པ་བཞི། །པུ་ཏྲ་མཆེད་གསུམ་གནོད་སྦྱིན་མིང་སྲིང་གཉིས། །ཕྱོགས་སྐྱོང་བཅུ་དང་གཙང་རིས་དགོངས་སུ་གསོལ། །ཇི་ལྟར་ཁྱེད་ཀྱིས་ཁས་བླངས་དམ་བཅས་བཞིན། །བདག་གི་འཕྲིན་ལས་ཡེངས་མེད་སྒྲུབ་པ་ལ། །ཡི་ཆད་བགྱིས་ཤིང་ཤ་ཁྲག་ག…

པར་གྱུར་ཅིག །ཨོཾ་སརྦ་བིད་པཱུ་ར་པཱུ་ར། །སུ་ར་སུ་ར། ཨཱ་ཝ་རྟ་ཡ་ཨཱ་ཝ་རྟ་ཡ་ཧོཿ བཛྲ་སྥ་ར་ཎ་ཁཾ། ཨོཾ་སྭ་བྷཱ་ཝ་བི་ཤུདྡྷེ་དྷརྨཱ༔ཏེ་བཛྲ་སིདྡྷི་ཧཱུྃ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཨོཾ་ཨ་མྲི་ཏེ་ཧཱུྃ་ཕཊ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུ་ཏྤནྣ་ཏྭཱ་ཏ། …

སོགས་ཤླཽ་ཀ་གཅིག་པོ་འདི་མན་ཀུན་ལ་འགྲེའོ། །གདུག་པའི་དགྲ་བགེགས་རྣམས་ཀྱི་མིག་དང་ནི། །རྣ་བ་སྣ་དང་ལྕེ་དང་དེ་བཞིན་སྙིང་། །རི་ལྟར་སྤུངས་པ་དབང་པོའི་མེ་ཏོག་འདིས། །ཡེ་ཤེས་མགོན་པོ་རྣམ་གསུམ་རེ་མ་ཏཱི། །ཆོས་ཀྱི་རྒྱལ་པོ་བཀའ་སྡོད་བཅས་པ་ཡི། །འཁོར་དང་བཅས་པའི་ཐུགས་དམ་སྐོང་གྱུར་ནས། །བར་ཆད་བཟློག་ལ་མཐུན་པའི་དངོས་གྲུབ་སྩོལ…

པ་བཅུ་གསུམ་གྱིས། །ཡེ་ཤེས་མགོན་པོ་༝། །ལུག་ནག་སྤྱི་དཀར་དབང་པོ་མ་ཉམས་ཤིང་། །འཁྱིལ་ལེགས་ཆུ་གཉེར་མཛེས་པའི་རྭ་བཞི་པ། །འཇམ་ལེགས་སྤུ་ཡི་གོས་གྱོན་བཅུ་གསུམ་གྱིས། །ཡེ་ཤེས་མགོན་པོ་༝། །དགྲ་བོའི་སྙིང་འབྱིན་རྡོ་རྗེའི་མཆུ་སྡེར་ཅན། །དྲག་པོའི་སྐད་སྒྲོག་ཁ་ནས་གློག་འཁྱུག་ཅིང་། །ཁྱུང་ལྟར་ལྡིང་བའི་བྱ་ནག་བཅུ་གསུམ་གྱིས། །ཡེ…

ལྡན་མ་ཧེའི་ཚོགས། །རྡོ་རྗེ་གོ་མཚོན་དུར་ཁྲོད་ཆས་བརྒྱད་ཀྱིས། །ཡེ་ཤེས་མགོན་པོ་༝། །མདོར་ན་ཕྱི་ནང་གསང་བའི་མཆོད་པའི་ཚོགས། །མཁའ་དབྱིངས་ནོར་འཛིན་མ་ལུས་རབ་བཀང་པའི། །ཟག་མེད་བདེ་ཆེན་རྣམ་རོལ་དམ་པ་འདིས། །ཡེ་ཤེས་མགོན་པོ་༝། ཧཱུྃཿ རིན་ཅེན་མང་སྤྲུལ་རྒྱལ་པོ་ཆེན་པོ་སྟེ། །བདེ་མཛད་སྲིད་གསུམ་ཕོངས་དང་རྒུད་པ་ལས། མྱུར་སྐྱོབ་…

དང་བཅས་པའི་༝། །ཐུགས་དམ་གཉན་པོ་དབྱིངས་སུ་སྐོང་གྱུར་ནས། །བདག་ཅག་སྒྲུབ་པ་པོ་ལ་དངོས་གྲུབ་སྩོལ། །དེ་ནས་བསྙེན་པ་བྱ་བ་ནི་རང་ཡི་དམ་གང་ཡིན་དུ་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས། མདུན་གྱི་ལྷ་སོ་སོའི་ཐུགས་ཀར་ཉི་གདན་གྱི་སྟེང་དུ་ས་བོན་ལ་སྔགས་ཀྱི་བསྐོར་བ་ལ་ཕོག །ཐུགས་རྒྱུད་བསྐུལ་བས་ལས་རབ་འབྱམས་བསྒྲུབ་པར་བསམ་པ་…

ཨོཾ་མ་ཎི་བྷ་དྲཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་སམྤྲ་ཛ་ནཱ་ཡ་སྭཱ་ཧཱ། ཨོཾ་གུ་ཧསྟ་ནཱ་ཡ་སྭཱ་ཧཱ། ཨོཾ་པཉྩི་ཀཱ་ཡ་སྭཱ་ཧཱ། ཨོཾ་བི་ཙི་ཀུ་ཎྜ་ལི་ཡེ་སྭཱ་ཧཱ། ཆོས་རྒྱལ་གྱི་སྙིང་པོ་ནི། ཨོཾ་ཀཱ་ལ་རཱུ་པ་ཧཱུྃ་ཕཊ། བད་རྦད་བསད་གསུམ་བསྒྲིལ་བའི་མགོན་པོ་རྣམས་ཀྱི་རྩ་སྔགས། ཨོཾ་ཤྲཱི་མ་ཧཱ་ཀཱ་ལཱ་ཡ་ཤཱ་ས་ན་ཨུ་བ་ཧ་རི་ཎི་ཨེ་ཥ་ཨ་…

རྣལ་འབྱོར་བདག་ལ་སྡང་བ་རྣམས། །དེ་དག་བསྟན་སྲུང་རྒྱ་མཚོས་སྒྲོལ། །ཨ་མུ་ཀ་མཱ་ར་ཡ་ཧཱུྃ་ཕཊ། དེ་ནས་གཞི་བདག་གཏོར་མ་བཏང་རྗེས་བསྟོད་པ་བྱ་བ་ནི། མྱུར་མཛད་སྤྱན་རས་གཟིགས་ལ་ཕྱག་འཚལ་ལོ། །ཞབས་གདུབ་དང་བཅས་བི་ནཱ་ཡ་ཀ་མནན། །ནག་པོ་ཆེན་པོ་སྟག་གི་ཤམ་ཐབས་ཅན། །ཕྱག་དྲུག་སྦྲུལ་གྱི་རྒྱན་གྱིས་རྣམ་པར་བརྒྱན། །གཡས་པ་གྲི་གུག་བར་པ་འཕྲ…

སྙན་གཡས་སེང་གེ་འཕྱོ། །སྙན་གཡོན་སྦྲུལ་གྱིས་འཁྲིལ་བའི་གདེངས་ཀ་ཅན། །སྤྱན་གསུམ་དམར་འཁྲུག་ཞལ་གདངས་མཆེ་བ་གཙིགས། །འཇིགས་བྱེད་ལྷ་མོ་ཁྱོད་ལ་བདག་བསྟོད་དོ། །གཡས་པ་རལ་གྲི་འབར་བས་དགྲ་སྲོག་གཅོད། །ཕྱག་གཡོན་ཐོད་རློན་རྒྱལ་མཚན་སྙིང་ཁྲག་གསོལ། །སྐུ་སྟོད་སྦྲུལ་ནག་ཞིང་ལྤགས་སྐ་རགས་བཅིངས། །སྐུ་སྨད་གླང་ཆེན་ཀོ་རློན་རེ་ལྡེ་དཀ…

ཅིང་སྡང་བའི་དགྲ་བོ་འདིས། །བླ་མ་དམ་པའི་སྐུ་དགྲ་བྱས། །རྡོ་རྗེ་ཐེག་པ་སུན་ཕྱུང་ཞིང་། །དགེ་འདུན་སྡེ་རྣམས་དཀྲུགས་ཤིང་འཇོམས། །སྡོམ་བརྩོན་ཀུན་ལ་བརྙས་ཤིང་སྨོད། །སྐྱེ་བོ་ཡོངས་ལ་གནོད་ཅིང་འཚེ། །རྣལ་འབྱོར་ལྷ་མེད་ཟེར་ནས་བརྙས། །ལྷ་ཁྱོད་མཐུ་མེད་ཟེར་ནས་སྨོད། །བསྟན་པའི་དགྲ་བོར་གྱུར་པ་ནི། །ལོ་དང་ཟླ་བར་མ་བཞག་པར། །ཡ་མ་ར…

ཧཱུྃཿ སྲིན་པོའི་གཟུགས་ཀྱིས་གདུག་པ་ཅན། །ཚར་གཅོད་བྱང་ཆུབ་སེམས་དཔའ་སྟེ། །གྲོང་ཁྱེར་སུམ་བརྩེགས་འཇིགས་བྱེད་པ། །གཏུམ་པོ་ཁྱོད་ལ་བདག་བསྟོད་དོ། །མདོག་ནག་གཟུགས་ཐུང་གཟི་བརྗིད་ཆེ། །གདུག་པ་ཚར་གཅོད་གྲི་གུག་གཡས། །གཡོན་ན་གདུག་པའི་ཁྲག་བཀང་སྣོད། །ཐོད་འཕྲེང་ཅན་ལ་བདག་བསྟོད་དོ། ཁྲོས་པའི་ཞབས་བརྡབས་ས་གཞི་གཡོ། །འཇིགས་པའི་ག…

གཞན་ཡང་རུ་འདྲེན་སྡེ་བཞི་ཕོ་ཉ་ལྔ། །ཕྱོགས་སྐྱོང་དམ་ཅན་ཞིང་སྐྱོང་སྡེ་བརྒྱད་སོགས། །སྤྲུལ་པ་ཡང་སྤྲུལ་བྱེ་བའི་ཚོགས་རྣམས་ཀྱིས། །སྣ་ཚོགས་འཕྲིན་ལས་ལྷུན་གྱིས་གྲུབ་པར་མཛོད། ཁྱད་པར་བསྟན་དང་བསྟན་འཛིན་དགེ་འདུན་ལ། །ལོག་པར་འཁུ་བའི་བསམ་སྦྱོར་ངན་རྩོམ་པའི། །བདུད་དགྲ་ནག་པོའི་སྡེ་རྣམས་སྤ་བཀོང་ལ། །མཐུན་རྐྱེན་དངོས་གྲུབ་མ་…

མི་ཕམ་སྲིད་གསུམ་བདག །དུང་སྐྱོང་རྒྱལ་མོའི་ཕོ་ཉ་ནི། །མདུན་ནས་རྒྱུག་ཅིང་དྲག་ཤུལ་ཆེ། །བུད་མེད་གྲི་ཐོད་ཐོགས་པ་བརྒྱ། །གཡས་ནས་རུ་འདྲེན་དཔའ་རྩལ་ཅན། །སྐྱེས་པ་རུ་མཚོན་ཐོགས་པ་བརྒྱ། །གཡོན་པ་རུ་འདྲེན་སྤྲུལ་པའི་སྐུ། །ཉན་ཐོས་འཁར་གསིལ་ཐོགས་པ་བརྒྱ། །སླད་ཀྱི་རྗེས་འབྲང་འཇིགས་སུ་རུང་། །སྔགས་པ་ཕུར་བུ་ཐོགས་པ་བརྒྱ། །ཕོ་ཉ་…

རུས་པའི་རྒྱན་འཕྱང་ཚེ། །སྲིད་གསུམ་ཅིག་ཅར་གཡོ་མཛད་ཁྱོད་ལ་བསྟོད། །ལང་ལོང་འཁོལ་བའི་ཁྲག་གི་རྒྱ་མཚོའི་དབུས། །གཏུམ་དྲག་མ་ཧེ་སྟེང་ན་མངོན་པར་འཕྱོ། །བདུད་ཞགས་དགྲ་བོའི་སྐེ་འཆིང་ཐོད་དབྱུག་གིས། །དགྲ་སྡེའི་ཚེ་སྲོག་ཅིག་ཅར་འཇོམས་ལ་བསྟོད། །མི་བཟད་དྲག་པོའི་འོ་དོད་ཆེར་བོས་ཚེ། །ས་འོག་རིམ་པ་བདུན་ཡང་འགས་སམ་བྱེད། །ཉེར་བཞི…

ཁྲག་དྲོན་མོ་འཐུང་ལ་འཕྲིན་ལས་མཛོད། །དེ་ནས་བསྐུལ་བ་ནི། ཧཱུྃཿ འཆི་བདག་ནག་པོ་ལྷོ་ཕྱོགས་ཀྱི། །རིམ་པ་བདུན་གྱི་ས་འོག་ན། །སྲོག་ལ་རྔམ་པའི་གཤིན་རྗེ་ནི། །ནག་པོ་མ་ཧེ་གདན་སྟེང་དུ། །ཡ་ལས་བྱུང་བའི་དབྱུག་པ་ནི། །ཐོད་པས་མཚན་པ་ལས་བྱུང་བའི། །གཏིང་ནས་ཁྲོས་པ་མ་ཧེ་གདོང་། །ཟ་བྱེད་ཞལ་གདངས་མཆེ་བ་གཙིགས། །ཁྲོས་པའི་སྤྱན་རྩ་དམར་…

གསོལ། །བསྔོ་བ་སྨོན་ལམ་ཉེར་བསྡུ་སོགས་ཀྱང་བྱ། །རྟེན་ཡོད་ན་དེ་ཉིད་ལ་བརྟན་བཞུགས་བྱ་ཞིང་། །མེད་ན་རང་གནས་སུ་གཤེགས་པར་གྱུར། །དམ་ཚིག་པ་རང་ལ་བསྡུས་ཏེ། ཡོན་ཏན་རབ་རྫོགས་གངས་ཀྱི་རི་བོ་བཞིན། །བྱིན་རླབས་ཆུ་བོས་སྐལ་ལྡན་ཚིམ་མཛད་ཅིང་། །རང་སེམས་ལྷན་ཅིག་སྐྱེས་པ་སྟོན་མཛད་པའི། །ཆོས་རྗེ་བླ་མ་རྣམས་ཀྱི་བཀྲ་ཤིས་ཤོག །སྒྲུབ་པ…

དབང་གི་རྒྱལ་པོའི་གཏེར་ཆེན་ཞེས་བྱ་བ་འདིའང་གསང་ཆེན་རྡོ་རྗེ་ཐེག་པའི་ལམ་གྱི་གནད། བསྙེན་སྒྲུབ་ལས་གསུམ་ལ་རབ་ཏུ་གཞོལ་བའི་བྱ་བའི་ཁུར་གྱིས་མངོན་པར་མཛེས་པའི་རིག་སྔགས་འཆང་བའི་ཁྲིམས་ལྡན་འདུས་པའི་སྡེ་ཕན་བདེ་ལེགས་བཤད་གླིང་པ་རྣམས་ཀྱི་ཉམས་བཞེས་སུ། ཆད་ལྷག་མེད་ཅིང་འཁྱེར་བདེ་བར་བསམས་ཏེ། དམ་པ་གོང་མའི་གསུང་རྣམས་འཁྲུགས་ས…

ཟླུམ་སྤྱན་བགྲད་ཞལ་གདངས་མཆེ་བ་གཙིགས། །ཉི་འོད་འབུམ་འཕྲོག་རིན་ཅེན་རྩེ་ཕྲན་ཅན། །ཕྱག་གཉིས་ཡིད་བཞིན་ནོར་བུ་བུམ་པ་བསྣམས། །སུམ་བརྩེགས་དར་ནག་ཕོད་ཀ་གསེར་སྐེད་ཅན། །གར་དགུའི་ཉམས་ལྡན་ཞབས་ཟུང་སག་ལྷམ་གསོལ། །རྒྱལ་པོ་རོལ་པའི་ཚུལ་གྱིས་རྣམ་པར་འགྱིང་། །གཡོན་དུ་ཡུམ་ཆེན་ནག་མོ་ཕྱག་གཉིས་ཀྱིས། །ནད་རྐྱལ་རཏྣའི་གཞོང་ཐོགས་དར་དཀ…

ལྔ་ལྡན་གྱུར། །ཆོས་དབྱིངས་བདེ་ཆེན་ངང་ལས་མ་གཡོས་ཀྱང་། །ཞི་རྒྱས་དབང་དྲག་འཕྲིན་ལས་བསྒྲུབ་པའི་ཆེད། །ཞང་བློན་ཆེན་པོ་འཁོར་བཅས་སྤྱན་འདྲེན་ན། །ཐོགས་པ་མེད་པར་གནས་འདིར་ད་ཚུར་སྤྱོན། །གནོད་སྦྱིན་ཆེན་པོ་མཐིང་ནག་ཕྱག་གཉིས་ཀྱིས། །ནོར་བུ་བུམ་པ་རབ་འཛིན་དར་ནག་གི ། འཇོལ་བེར་གསོལ་ཞིང་རིན་ཅེན་རྒྱན་གྱིས་སྤྲས། །གསང་ཡུམ་བློན…