འདོད་མོད་ཀྱི། །དག་དང་མཛེས་དང་གསལ་བ་ནི། །སངས་རྒྱས་རྣམས་ཀྱི་ཆར་མི་ཕོད། །ཅེས་གསུངས་པ་ལྟ་བུའོ། །གཉིས་པ་གསུང་གི་ཡོན་ཏན་ནི་ཡན་ལག་དྲུག་ཅུ་རྩ་བཞི་སྟེ། འདི་འཆད་པ་ལ་བཞི། གང་གིས་འགྲུབ་པའི་རྒྱུ། གང་འགྲུབ་པའི་ངོ་བོ། དེ་ལྟར་བརྗོད་པའི་རྒྱུ་མཚན། གཞན་ཡང་བསམ་གྱིས་མི་ཁྱབ་པར་བསྟན་པའོ། །དང་པོ་ནི། སྔར་སྨོས་པའི་གཙུག་ཏོར་བ…

བ་མ་བསྐྱེད་པ་སྐྱེད་པ་དང་། བསྐྱེད་པ་རྣམས་འཕེལ་ཞིང་རྒྱས་པར་བྱེད་པས་ན། གསུང་མངོན་རྟོགས་རྒྱན་ལས་དཔེ་བྱད་ཀྱི་གྲས་སུ་འབྱུང་། ལས་སུ་རུང་བའི་ཕྱིར་གསུང་མཉེན་༡པའམ་སྣུམ་པ་དང་། ལྷ་རྫས་ཀྱི་གོས་ལ་སོགས་པའི་རེག་བྱ་འཇམ་པོས་ལུས་ལ་རེག་པ་ན་བདེ་བར་བྱེད་པ་བཞིན་གང་གིས་ཐོས་པའི་མོད་ནས་ཡིད་བདེ་བས་ཚིམས་པའི་ཕྱིར་འཇམ་༢པ་དང་། བད…

ཇི་ལྟར་གསུངས་པ་བཞིན་བསྒྲུབས་པས་འཁོར་བ་ལས་ངེས་པར་འབྱུང་པའི་དོན་གྱིས་ལྕི་བའི་ཕྱིར་མཉན་པར་འོས་པ་༩དང་། མུ་སྟེགས་སོགས་ཕས་རྒོལ་གྱི་ཟིལ་གྱིས་མི་ནོན་པ་དང་། སུན་འབྱིན་པར་མི་ནུས་པས་མི་ཚུགས་པ་༡༠དང་། གསུང་ཐོས་པ་རྣམས་ཀྱི་ཡིད་ལ་དགའ་བ་མི་ཟད་པ་འཆར་བས་སྙན་པ་༡༡དང་། དུག་གསུམ་གྱི་སྤྱོད་པ་རྣམས་ཀྱི་གཉེན་པོ་བསྟན་པའི་སྒོ་ན…

བྱེད་པས་ན་རྣ་བར་སྙན་པ་༡༦དང་། སངས་རྒྱས་ཀྱི་གསུང་ཐོས་པ་ལས་སེམས་མཉམ་པར་འཇོག་པ་དང་། དེ་ལས་ཞི་གནས་དང་། དེ་ནས་ལུས་ལ་ཤིན་སྦྱང་གི་བདེ་བ་འབྱུང་བས་སིམ་པ་ཁྱད་པར་མྱོང་བའི་ཕྱིར་ལུས་ཚིམ་༡༧པར་བྱེད་པ་དང་། གསུང་དེས་བསྟན་པའི་ཆོས་རྣམས་རང་སྤྱིའི་མཚན་ཉིད་ལ་མཁས་པའི་ཤེས་རབ་བསྒོམས་པས་ལྷག་མཐོང་བསྐྱེད་ཅིང་། དེས་མི་ཤེས་པའི་མུ…

པའི་འགྱོད་པས་ནམ་ཡང་གདུང་བར་མི་འགྱུར་བས་ན་གདུང་བ་མེད་༢༢པ་དང་། གསུང་སྙན་ཅིང་ཐོས་པ་ལ་བརྟེན་ནས་ཐོས་བྱུང་གི་ཤེས་རབ་ཕུན་སུམ་ཚོགས་པ་སྐྱེ་བ་དང་གནས་པར་འགྱུར་བས་ན་ཀུན་ཏུ་ཤེས་པར་༢ ༣བྱ་བ་དང་། ཇི་ལྟར་ཐོས་པའི་དོན་དེ་ལ་རིགས་པ་བཞིའི་སྒོ་ནས་བསམས་ན་སྒྲོ་འདོགས་ལེགས་པར་ཆོད་ནས་དོན་ལ་ངེས་ཤེས་ལྷག་པར་རྙེད་པའི་བསམ་བྱུང་གི་ཤ…

སུམ་དུ་རྟོགས་པའི་ཡེ་ཤེས་སོ་སོའི་རང་གིས་རིག་པར་བྱ་བ་བསམ་གྱིས་མི་ཁྱབ་པའི་དོན་ཡང་དག་པར་སྟོན་པའམ། ཡང་ན་ལས་དང་། རྣལ་འབྱོར་པའི་ཏིང་ངེ་འཛིན་དང་། སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་དང་། སྨན་དང་སྔགས་ཀྱི་མཐུ་བསམ་གྱིས་མི་ཁྱབ་པ་སྟེ་བསམ་དུ་མེད་པ་བཞི་སྟོན་པར་བྱེད་པས་ན་ཀུན་ཤེས་པར་བྱེད་པ་༢༨དང་། ཕུང་ཁམས་སྐྱེ་མཆེད་དང་…

༣༢དང་། སེང་གེའི་སྒྲས་རི་དྭགས་རྣམས་སྐྲག་པར་བྱེད་པ་བཞིན་བདག་མེད་པར་གསུངས་པའི་སྒྲ་ཡིས་སྨྲ་བ་ངན་པའི་མུ་སྟེགས་རྣམས་སྐྲག་པར་བྱེད་པས་ན་སེང་གེའི་སྒྲ་ལྟ་བུ་༣༣དང་། ལྷའི་གླང་པོ་ཆེའི་སྒྲ་ནི་སུབ་སུབ་པོ་སྟེ་དོགས་པ་དང་འཛེར་བ་མ་ཡིན་པར་ཡངས་པར་གྲགས་པ་བཞིན་དུ་སངས་རྒྱས་ཀྱི་གསུང་ཡང་དེ་དང་མཚུངས་པས་ན་གླང་པོ་ཆེའི་སྒྲ་ལྟ་བུ…

གཞན་འབྱུང་བའམ། ཡང་ན་བྱ་ཀ་ལ་པིངྐའི་སྒྲ་དེ་ཉིད་ཤིན་ཏུ་སྙན་དྲགས་པས་རྒྱུན་བཅད་པའི་རྗེས་སུ་ཡང་ཉན་འདོད་སྐྱེ་བ་བཞིན། སངས་རྒྱས་ཀྱི་གསུང་ཡང་ཉན་པོའི་སྙིང་ལ་འབབ་དྲགས་པས་རྒྱུན་གཅོད་པའི་ཚུལ་བསྟན་པ་ན་སླར་ཡང་ཉན་འདོད་སྐྱེ་བས་ན་ཀ་ལ་པིངྐའི་དབྱངས་ལྟ་བུ་༣༨དང་། འཇིག་རྟེན་གྱི་མེས་པོ་ལྷ་ཚངས་པ་ཆེན་པོའི་དབྱངས་ནི་དུམ་བུ་དུམ་…

བཞིན་དེ་བཞིན་གཤེགས་པའི་གསུང་ལྷ་དང་བཅས་པའི་འཇིག་རྟེན་སུས་ཀྱང་འགལ་ཞིང་བཅག་པར་མི་ནུས་པས་ན་ལྷའི་དབང་པོའི་དབྱངས་ལྟར་༤༡སྙན་པ་དང་། འཇིག་རྟེན་ན་གཡུལ་འགྱེད་པ་ན་ཕས་རྒོལ་ཕམ་ནས་རང་ཕྱོགས་རྒྱལ་བར་གྱུར་པའི་ཚེ། དེའི་མཚན་མར་དང་པོར་རྔའི་སྒྲ་འབྱིན་པ་བཞིན་དུ་སངས་རྒྱས་ཀྱིས་ཀྱང་བདུད་དང་མུ་སྟེགས་སོགས་ལས་རྒྱལ་ནས་ཆོས་ཀྱི་འཁ…

པས་བཤད་དུ་མེད་དོ་ཞེས་པའམ། འདི་འདྲ་བ་བཤད་པར་བྱའོ་སྙམ་དུ་དགོངས་པ་ལ་བསྙེལ་ནས་མ་བཤད་པ་མེད་པས་ན་ཟུར་ཆག་པ་མེད་པར་ཚིག་ཟུར་ཕྱིན་པར་༤༦བཤད་པ་དང་། སེམས་ཅན་གང་ཞིག་དགེ་བའི་རྩ་བ་མ་སྐྱེས་པ་རྣམས་སྐྱེད། བསྐྱེད་པ་གོང་དུ་སྤེལ། འཕེལ་ཞིང་བརྟས་པ་རྣམ་གྲོལ་གྱི་སར་དབུགས་དབྱུང་བའི་གདུལ་བྱའི་དོན་ལ་སྐད་ཅིག་ཀྱང་མི་གཡེལ་བས་དེ་དག…

སྐབས་འགར་མི་བཤད་དོ་སྙམ་པ་མེད་པར་རྒྱུན་དུ་འཆད་པར་མཛད་པའམ། ཆོས་འཆད་པའི་ཚེ་བཤད་པའི་རྒྱུན་གྱི་བར་ཐག་བཅད་ནས་ཡང་འཆད་པ་མ་ཡིན་པར་ཚིག་དང་གསུང་གི་རྒྱུན་མི་འཆད་པས་ན་རྒྱུན་ཆགས་པ་། ༢དང་། མིང་ཚིག་ཡི་གེ་གཅིག་ཁོ་ན་མ་ཡིན་པར་སྣ་ཚོགས་པའི་སྒོ་ནས་འཆད་པས་ན་འབྲེལ་བའམ་རོལ་པ་༥༣དང་། གསུང་གཅིག་ཁོ་ནར་ཕྱུང་ཡང་ལྷ་ཀླུ་དང་མི་དང་བྱ…

པས་ན་མི་འགྱུར་བ་༥༧དང་། ཆོས་འཆད་ལ་རིངས་པའི་སེམས་ཀྱིས་ཚིག་རྟབ་རྟབ་པོར་མི་གསུངས་པས་ན་མ་བརྟག་བའམ་བརྟན་པ་༥༨དང་། གང་གསུངས་པ་དེ་ཉིད་ཉེ་བ་དང་རིང་བ་མེད་པར་འཁོར་གྱི་དཀྱིལ་འཁོར་ཀུན་གྱི་དྲུང་ན་གནས་པ་ལྟར་ཐོས་པ་སྟེ། དཔེར་ན་བདག་ཅག་གི་སྟོན་པའི་གསུང་འཕགས་པ་མོངྒལ་གྱི་བུས་སངས་རྒྱས་ཀྱི་ཞིང་གངྒཱའི་ཀླུང་དགུ་བཅུ་རྩ་དགུའི་…

ཡན་ལག་བཞི་མེད་པས་གྲངས་དྲུག་ཅུར་འབྱུང་ཞིང་། དེ་ཡང་གསང་བ་བསམ་གྱིས་མི་ཁྱབ་པའི་མདོ་ལ་བརྟེན་པར་གསུངས་པས་མདོའི་དཔེ་ལ་རྒྱས་བསྡུས་ཀྱི་ཁྱད་འབྱུང་བར་སེམས་སོ། །གསུམ་པ་ནི། དེ་ལྟ་བུ་རྣམས་ལ་དབྱངས་ཀྱི་ཡན་ལག་ཅེས་བརྗོད་པ་ལ་རྒྱུ་མཚན་ཡོད་དེ། སངས་རྒྱས་ཀྱི་གསུང་གི་དཀྱིལ་འཁོར་རྣམ་པ་ཐམས་ཅད་པ་བརྗོད་པ་ཀུན་གྱི་རྒྱུར་གྱུར་པའི…

གསུམ་རང་རང་གི་མྱང་འདས་དང་། ཁྱད་པར་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསོད་ནམས་དང་ཡེ་ཤེས་ཀྱི་ཚོགས་གཉིས་རླབས་པོ་ཆེ་བསྐལ་པ་གྲངས་མེད་པ་གསུམ་ལ་སོགས་པར་ཡོངས་སུ་རྫོགས་པར་བསགས་ཏེ། ཐ་མར་མཐའ་གཉིས་ལས་མི་གནས་པའི་བྱང་ཆུབ་ཆེན་པོ་མངོན་དུ་མཛད་པའི་ཡེ་ཤེས་ཆོས་ཀྱི་སྐུ་ཉིད་ནི་གཙོ་བོར་ཡེ་ཤེས་ཀྱི་འབྲས་བུར་གྲུབ་པས།…

ཡོན་ཏན་བྲལ་སྨིན་གྱིས་བསྡུས་པ་མཐའ་དག་དེ་ལས་བྱུང་ཞིང་ཟག་མེད་ཀྱི་ཆོས་ཐམས་ཅད་ཀྱི་འབྱུང་གནས་ཉིད་ཡིན་ནོ། །གཉིས་པ་དོན་དམ་ཆོས་སྐུའི་བདག་རྐྱེན་ལས་བྱུང་བའམ་དེའི་ཡོན་ཏན་མདོ་སྡེ་སོ་སོའི་དགོངས་པ་ཐེག་ཆེན་རྒྱུད་བླ་མའི་བསྟན་བཅོས་དང་ཤེར་ཕྱིན་རྒྱན་གཉིས་ལས་སོ་སོར་བཤད་པ་ལས། འདིར་མངོན་རྟོགས་རྒྱན་འབྲས་བུ་ཆོས་སྐུ་བསྟན་པའི…

ལྟ་བའི་རྣམ་ཐར་ཞེས་བྱ་བ་གཉིས་དང་། སྡུག་པའི་རྣམ་ཐར་ཏེ་ཡིད་དུ་འོང་བའི་རང་བཞིན་ལུས་ཀྱིས་མངོན་སུམ་དུ་བྱས་ཏེ་རྫོགས་པར་གནས་པ་ཞེས་བྱ་བ་གཅིག་དང་། ནམ་མཁའ་དང་རྣམ་ཤེས་དང་ཅི་ཡང་མེད་པ་དང་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཅེས་བྱ་བ་བཞི་དང་། འདུ་ཤེས་དང་ཚོར་བ་འགོག་པ་ཞེས་བྱ་བ་གཅིག་སྟེ། དེ་ལྟར་རྣམ་པར་ཐར་པ་བརྒྱད…

དང་། ནང་གཟུགས་མེད་པར་འདུ་ཤེས་པ་དག་ཁོ་ནས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་ཟིལ་གྱིས་མནན་ནས་མཐོང་བ་ཞེས་བྱ་བ་རྣམ་པ་བཞི་སྟེ། མདོར་ན་སྐལ་བ་མཉམ་པ་ལ་འབྱུང་བ་བཞི་ཁ་དོག་བཞིར་སྣང་བ་དེ་དག་འགོག་པ་ལ་མཐུ་ཐོབ་སྟེ་མི་སྣང་བར་བྱས་ནས། ཡུལ་ཐམས་ཅད་གསེར་ལྟ་བུ་ཁོ་ནའམ་འབའ་ཞིག་གམ་ཟད་པར་སྣང་བར་བྱེད་པའི་ཏིང་ངེ་འཛ…

གོ་བ་ལྷའི་རྣ་བ་དང་། སེམས་ཅན་གྱི་བསམ་པ་དང་བག་ལ་ཉལ་ཤས་ཆེ་ཆུང་ཀུན་ཤེས་པ་སེམས་ཀྱི་རྣམ་གྲངས་ཤེས་པ་དང་། འབར་བ་དང་། འཕུར་བ་དང་། མང་ཉུང་དང་། བཟང་ངན་དང་། ཆུ་ལ་འགྲོ་ཞིང་ས་ལ་བྱིང་བ་དག་ཤེས་པ་ལུས་ཀྱི་རྫུ་འཕྲུལ་ཤེས་པ་དང་། ད་ལྟར་གྱི་ལུས་ནས་བཟུང་སྟེ། ཚེ་རབས་སྔ་མ་ལ་གནས་གང་ན་གནས། ལས་ཅི་བྱེད་པའི་ལོ་རྒྱུས་དྲན་པ་ནི་སྔོན…

དང་། དམིགས་པ་དང་། ཐུགས་དང་། ཡེ་ཤེས་ཡོངས་སུ་དག་པ་ཞེས་བྱ་བ་དག་པ་བཞི་དང་། བཅུ་གཉིས་པ། ཚེ་དང་སེམས་དང་ཡོ་བྱད་ལས། །སྐྱེ་བ་མོས་པ་སྨོན་ལམ་དང་། །རྫུ་འཕྲུལ་ཡེ་ཤེས་། ཆོས་ལ་དབང་། །ཞེས་པའི་དབང་བཅུ་དང་སོ་གསུམ་ནི་སྦྱིན་པའི་འབྲས་བུ་དང་། ལས་དང་སྐྱེ་བ་ནི་ཚུལ་ཁྲིམས་ཀྱི་དང་། མོས་པ་ནི་བཟོད་པའི་དང་། སྨོན་ལམ་ནི་བརྩོན་འགྲུ…

བཏང་སྙོམས་སུ་དྲན་པ་དང་ལྡན་པར་གནས་པ་ཞེས་བྱ་བ་དྲན་པ་ཉེ་བར་བཞག་པ་གསུམ། བཅུ་བདུན་པ་སེམས་ཅན་གྱི་དོན་མཛད་པའི་དུས་ལས་མི་འདའ་བར་གང་ལ་གང་འདུལ་དུ་སྟོན་པས་སྐབས་དེར་མཛད་པ་ཡོལ་མི་སྲིད་པའི་མཚན་ཉིད་ཅེས་བྱ་བ་བསྙེལ་བ་སྟེ། བརྗེད་པ་མི་མངའ་བའི་ཆོས་ཉིད་དང་། བཅོ་བརྒྱད་པ་ཉོན་མོངས་པ་དང་ཤེས་བྱའི་སྒྲིབ་པའི་བག་ལ་ཉལ་གྱི་ངོ་བོའ…