བགྱིས་པས་འབྲས་དང་། ཤུ་བའི་རིགས། གག་ལྷོག །རྨ་རྙིང་འཚོར་མི་འདོད་པ་སོགས་ཐམས་ཅད་ལ་ཕན་ནོ། །ལྟོ་སྲུང་ནི། ཐོ་རངས་དྲི་ཆུ་བར་པ་ལ་རྫས་ཉ་མིག་ཙམ་རེ་བཏབ་པའམ། ཡང་ན་སྔགས་ཉེར་གཅིག་བཟླས་ནས་བཏང་བས་བགེགས་རིགས་སྟོང་ཕྲག་བརྒྱད་ཅུས་མི་ཚུགས་ཤིང་། ཞུགས་པའང་ཕྱིར་ཐོན་པར་འགྱུར་རོ། །གཞན་ཡང་མངོན་སྤྱོད་ཀྱི་ལས་དང་། །སྲུང་འཁོར་ཆེན་…

ཀུན་ཏུ་དཔལ་མགོན་བདུན་ཅུ་རྩ་ལྔ་རྣམས་གུས་པས་འཁོད་པར་བསམས་ལ་བཀའ་བསྒོ་བའི་ཚུལ་གྱིས་བཟླ་བར་གསུངས་པའང་སྣང་། །མདོར་ན་ལྷག་པའི་ལྷ་འདིའི་བསྙེན་སྒྲུབ་ལས་གསུམ་ཚུལ་བཞིན་དུ་བྱས་ཏེ། རྒྱུན་དུའང་བསྙེན་པ་དང་། །ལས་སྦྱོར་བཞི་པོ་གཅིག་ཏུ་དྲིལ་བའི་བཟླས་པ་བྱས་ན་ཀླུ་གདོན་གཙོ་བོར་གྱུར་པའི་གདུག་པ་ཅན་ཐམས་ཅད་ཞི་ཞིང་ནུས་པ་བསམ་གྱ…

༈ དཔལ་ཕྱག་ན་རྡོ་རྗེ་གཏུམ་པོའི་རྗེས་གནང་སྒྲུབ་ཐབས་ཀྱི་ཡི་གེ་རྡོ་རྗེའི་མེ་ཕྲེང་ཞེས་བྱ་བ་བཞུགས་སོ། །རྒྱ་གར་སྐད་དུ། ཤྲཱི་བཛྲ་ཙཎྜ་སཱ་དྷ་ནཾ། བོད་སྐད་དུ། དཔལ་རྡོ་རྗེ་གཏུམ་པོའི་སྒྲུབ་ཐབས། བཅོམ་ལྡན་འདས་དཔལ་གསང་བ་འཛིན་པའི་བདག་པོ་ལ་ཕྱག་འཚལ་

ལོ། །རྒྱལ་ཀུན་ཐུགས་ཀྱི་གསང་བ་གཅིག་པུ་ཤིན་ཏུ་ཞི་བ་དམ་པའི་བདག །གདུལ་དཀའི་མུན་པ་སྟུག་པོ་འཇིལ་སླད་རྡོ་རྗེ་གཏུམ་པོའི་ཉིན་མོར་བྱེད། །གང་གི་ཡིད་མཁར་ཤར་བའི་མོད་ནས་གྲུབ་པ་བྱེ་བའི་སྣང་སྟེར་བ། །བླ་མ་མཆོག་དང་རྣམ་དབྱེར་མེད་པས་ཤིས་པའི་པདྨོ་རྒྱས་པར་མཛོད། །རྗེས་སུ་གནང་བས་རྒྱུད་སྨིན་ནས། །བསྙེན་དང་སྒྲུབ་དང་ལས་སྦྱོར་ག…

མདུན་དུ་རྡོ་རྗེ་དྲིལ་བུ་མེ་ཏོག་གི་སྣོད་སོགས་དགོས་པའི་ཡོ་བྱད་རྣམས་འདུ་བྱའོ། །གཉིས་པ་ལ་གསུམ། བདག་བསྐྱེད། མདུན་བསྐྱེད། རྗེས་སུ་གནང་བའོ། །དང་པོ་ནི། མཆོད་པ་བྱིན་རླབས་སྤྱི་ལྟར་སྔོན་དུ་འགྲོ་བས། སྐྱབས་འགྲོ་ནས་བཟུང་བཟླས་པ་བསྡུ་བའི་བར་འོག་ནས་འབྱུང་བ་ལྟར་ཉམས་སུ་བླང་ངོ་། །གཉིས་པ་ནི། མདུན་རྟེན་ཚོམ་བུ་དང་གཏོར་མ་བ…

སྔགས་ཀྱི་ཕྲེང་བ་བྱུང་། ཞལ་ནས་ཐོན། གཟུངས་ཐག་ལ་འཁྲིལ་ཏེ་བུམ་ནང་གི་ལྷའི་ཐུགས་ཀར་ཐིམ་པས་ཐུགས་རྒྱུད་བསྐུལ། དེ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། རྡོ་རྗེ་གཏུམ་པོའི་སྐུར་གྱུར། དེ་བཞིན་གཤེགས་པ་ཐམས་ཅད་ཀྱི་བྱིན་རླབས་བསྡུས་ཏེ་བུམ་པའི་ལྷ་ལ་ཐིམ། ཐུགས་ཀའི་སྔགས་ཕྲེང་དང་སྐུའི་ཆ་ཐམས་ཅད་ལས་བདུད་…

བདག་པོ་རྣམ་པར་སྣང་མཛད་ཀྱིས་རྡོ་རྗེའི་རིགས་སུ་མངོན་པར་དབང་བསྐུར། རྡོ་རྗེ་རིན་པོ་ཆེའི་མྱུ་གུའི་ཅོད་པན་བཅིངས། དེ་བཞིན་གཤེགས་པ་ཐམས་ཅད་ཀྱི་མཐུ་སྟོབས་གཅིག་ཏུ་གྱུར་པའི་རྡོ་རྗེ་༧ཕྱག་མཚན་དུ་གཏད། དེའི་ཚེ་འོག་མིན་གྱི་བར་གྱི་ལྷ་དང་ཞིང་ཁམས་ཐམས་ཅད་དུ་འདི་ནི་ལག་ན་རྡོ་རྗེའོ་ཞེས་མགྲིན་གཅིག་ཏུ་བསྒྲགས་པས་མིང་གི་དབང་བས…

དཔོན་ཛ་བ་རིས་ལེགས་པར་བཀྲལ་ཞིང་དབང་བཞི་དང་བསྐྱེད་རྫོགས་སོགས་ཞིབ་རྒྱས་སུ་ཡོད་པ་བླ་མེད་བརྒྱུད་མི་བསྐྱོད་པའི་རིགས་ཀྱི་ཁྲོ་བོར་གཏོགས་པ་དང་། བེ་ཅོན་རྒྱུད་ཀྱིས་ཆེ་བ་ཞེས་རྩ་བ་དང་བཤད་པའི་རྒྱུད་སྡེ་བཅོ་ལྔ་ཙམ་ཡོད་པར་གྲགས་པ་དང་གཏུམ་པོ་ཁྱུང་གིས་ཆེ་བ་ཞེས་གསང་བ་མངོན་པར་བསྟན་པ་སོགས་ཀྱི་རྒྱུད་ལ་བརྟེན་ནས་གྲུབ་ཆེན་ལས་…

རྗེས་སུ་འབྲེལ་བར་རྒྱལ་པོ་ཆེན་པོ་རྣམ་ཐོས་སྲས་ཞི་ཁྲོའི་སྒྲུབ་པའི་ཐབས་དང་མན་ངག་གི་བཀའ་སྲོལ་བསམ་གྱིས་མི་ཁྱབ་པར་བཞུགས་པ་དང་། གཞན་ཡང་ཕྱག་རྡོར་མདོ་ལུགས་མཛེ་གསོས་ཀྱིས་ཆེ་བ་ཞེས་གོས་སྔོན་ཅན་གྱི་གཟུངས་མདོ་ལ་བརྟེན་ནས་ཇོ་བོ་བཀའ་གདམས་པ་རྣམས་ཀྱིས་ཐུགས་དམ་གྱི་སྙིང་པོར་མཛད་པ་དང་། རྡོ་རྗེ་བདེ་ཁྲོས་ཀླུ་འདུལ་བའི་ཆེ་བ་ཞ…

རྫོགས་པ་གསན་ནས་གདུག་པའི་ཀླུ་གདོན་ལས་གྲོལ། བོད་དུ་ཕེབས་ནས་སློབ་མའི་མཆོག་དག་ལ་ཅི་རིགས་པ་སྩལ་བ་ལས་རིམ་པར་བརྒྱུད་པ་བར་མ་ཆད་པར་བྱོན་པ་ལའང་ཕྱི་ནང་གསང་བའི་སྒྲུབ་སྐོར་དང་། དབང་དང་རྗེས་གནང་མན་ངག་གི་བཀའ་སྲོལ་མང་དུ་ཡོད་པ་ལས། འདིར་ཕྱི་སྒྲུབ་ལྷ་ལྔ་བྱུང་ཤམ་ཅན་གྱི་རྗེས་སུ་གནང་བ་ཟབ་མོ་བགྱི་བ་ལ་སློབ་དཔོན་གྱི་བྱ་བ་གྲ…

ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཋདམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས་པས་བྱང་ཕྱོགས་ལྕང་ལོ་ཅན་གྱི་ཞིང་ཁམས་ནས་བཅོམ་ལྡན་འདས་རྡོ་རྗེ་གཏུམ་པོ་རིགས་ལྔ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་དཔག་ཏུ་མེད་པ་སྤྱན་དྲངས། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་…

དང་ཁྱེད་རང་རྣམས་ལྷར་གསལ་བའི་ཐུགས་ཀའི་ས་བོན་ལས་འོད་ཟེར་འཕྲོས་པས་རང་བཞིན་གྱི་གནས་ནས་དབང་གི་ལྷ་རིགས་ལྔ་འཁོར་དང་བཅས་པ། ཨོ་པཉྩ་ཀུ་ལ་ས་པ་རི་ཝཱ་ར་བཛྲ་ས་མཱ་ཛ༔ ཨོཾ་པཉྩ་ཀུ་ལ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། ཆོས་སྐུ་ནམ་མཁའ་བཞིན་དུ་སོགས་ཀྱིས་བསྟོད། བཅོམ་ལྡན་འདས་རིགས་ལྔ་འཁོར་བཅས་ཀྱིས་བདག་ལ་མངོན་པར་དབང་བསྐུར་དུ་…

བསྐྱེད་ཀྱི་ལྷའི་ཐུགས་ཀའི་སྔགས་ཕྲེང་དང་། སློབ་དཔོན་གྱི་ལྷའི་སྔགས་ཕྲེང་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱོན། བེ་ཌཱུརླའི་ཕྲེང་བ་ལྟར་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་ས་བོན་གྱི་མཐར་འཁོར་བར་མོས་ལ་འདིའི་རྗེས་ཟློས་མཛོད། ཨོཾ་བཛྲ་པཱ་ཎི་ཧཱུྃ་ཕཊ་སྭཱ་ཧཱ། །ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། བཅ…

ནས་འོད་ཟེར་གྱི་ཚོགས་དཔག་ཏུ་མེད་པ་འཕྲོས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་སྤྱན་དྲངས། ཁྱེད་རང་རྣམས་ཀྱི་གནས་གསུམ་དུ་ཐིམ་པས། བཅོམ་ལྡན་འདས་ཕྱག་ན་རྡོ་རྗེ་གཏུམ་པོའི་སྐུ་གསུང་ཐུགས་དང་། ཁྱེད་རང་རྣམས་ཀྱི་ལུས་ངག་ཡིད་གསུམ་དབྱེར་མེད་དུ་གྱུར་སོང་སྙམ་པ་མཛོད་ལ། སེ…

མེད་པར་བསམ། སྐུ་གསུང་ཐུགས་ཀྱི་བྱིན་རླབས་མ་ལུས་པ་ཞུགས་བྱུང་སྙམ་པའི་མོས་པ་མཛོད། ཨོཾ་བཛྲ་པཱ་ཎི་སོགས་དང་། སྤྲོ་ན་བརྒྱུད་པའི་རིམ་པའང་བརྗོད་དེ། རྡོ་རྗེ་འཆང་སོགས་ནས། རྗེ་gབཙུན་བླ་མ་ངག་དབང་ཀུན་དགའ་བཀྲ་ཤིས་ལ་སོགས་ཏེ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། བཅོམ་ལྡན་འདས་ཕྱག་ན་རྡོ་རྗེ་གཏུམ་པོའི་ལྷ…

དཔལ་ཕྱག་ན་རྡོ་རྗེ་དྲག་པོ་གསུམ་སྒྲིལ་གྱི་རྗེས་སུ་གནང་བའི་ཆོ་ག་རྡོ་རྗེའི་མེ་ཕྲེང་ཞེས་བྱ་བ་བཞུགས་སོ། །ན་མོ་གུ་

རུ་བཛྲ་པཱ་ཎི་ཡེ། དཔལ་ཕྱག་ན་རྡོ་རྗེ་དྲག་པོ་སུམ་སྒྲིལ་གྱི་རྗེས་གནང་ཇི་ལྟར་བྱ་བའི་ཚུལ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། གནས་དབེན་པར་སྟེགས་བུའི་དབུས་སུ་མཎྜ་ལར་སྣ་ཚོགས་པདྨའི་ལྟེ་བར་ཉི་གདན་ལ་ཚོམ་བུ་སྔོན་པོ་གཅིག་དགོད། དེའི་མདུན་དུ་གཏོར་མ་དཀར་ཟླུམ་བཞི། བདག་མདུན་སོ་སོར་ཆུ་གཉིས་སྔོན་འགྲོའི་ཉེར་སྤ…

གདན་དང་བཅས་པའང་འོད་དུ་ཞུ་ནས་བུམ་ཆུ་དང་དབྱེར་མེད་དུ་གྱུར་པར་མོས། དེ་ནས་བདག་བསྐྱེད་བཟླས་པ་དང་བཅས་པ་རྒྱལ་དབང་རྡོ་རྗེ་འཆང་སྐལ་བཟང་རྒྱ་མཚོས་མཛད་པའི་སྒྲུབ་ཐབས་རྡོ་རྗེ་ཕ་ལམ་ལྟར་ཉམས་སུ་བླངས་རྗེས་ཡི་གེ་བརྒྱ་པས་ལྷག་ཆད་ཁ་བསྐང་། མདུན་གྱི་མཎྜལ་ཚོམ་བུ་དང་བཅས་པ་ཨ་མྲྀ་ཏས་བསང་སྭ་བྷཱ་ཝས་སྦྱང་། སྟོང་པ་ཉིད་དུ་གྱུར། སྟོ…

བརླབ། མདུན་བསྐྱེད་ཀྱི་ལྷའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་བསམས་ལ། ཨོཾ་བཛྲ་པཱ་ཎི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི། །གསུམ་མམ་བདུན་གྱིས་ཕུལ། ༀ་བཛྲ་པཱ་ཎི་ས་པ་རི་ཝཱ་ར་ཨབྷཾ་སོགས་ཀྱིས་མཆོད། ཕྱོགས་བཅུའི་རྒྱལ་བ་ཀུན་གྱི་སྐུ་གསུང་ཐུགས། །སོགས་ཤློ་ཀ་གཅིག་གིས་བསྟོད། མཆོད་སྦྱིན་གྱི་གཏོར་…

སྲུང་ཞིང་སྐྱོང་བར་ཞལ་བཞེས་པའི། །ཆོས་སྐྱོང་སྲུང་མ་རྣམས་ལ་ཕྱག་འཚལ་བསྟོད། །ཅེས་བསྟོད། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་དཔལ་ཕྱག་ན་རྡོ་རྗེའི་སྤྱན་སྔར་སྲོག་སྙིང་ཕུལ་ནས་བསྟན་པ་སྲུང་བར་དམ་བཅས་པའི་སྲུང་མ་རྣམས་ལ་འབུལ་ལོ། །རྡོ་རྗེ་སློབ་མའི་མཐུན་རྐྱེན་སྒྲུབ་པ་དང་། རྗེས་སུ་གནང་བ་སྒྲུབ་པ་ལ་བར་དུ་གཅོད་པ་ཐམས་ཅད…