འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །ཞེས་གསུངས་པ་ལྟར། རང་གི་སེམས་ཀྱི་གནས་ལུགས་བློ་ཡིས་བསམ་པར་མི་ནུས་ཤིང་། ངག་ཏུ་བརྗོད་པ་དང་བྲལ་ཡང་གསལ་རིག་ཙམ་མི་འགགས་པར་ཉམས་སུ་མྱོང་བ་འདི་ཀ་ལྟ་བ་ཁས་ལེན་དང་བྲལ་བ་ཡིན། དེའི་ངང་ལས་རྣམ་པར་རྟོག་པ་ཅི་ཤར་ཡང་། ཤར་ཙམ་ཉིད་ནས་ཆུ་ལ་རི་མོ་བྲིས་པ་ལྟར་རང་ཡལ་རྗེ…

མ་གཉུག་མ་བསམ་བརྗོད་དང་བྲལ་བ་འདི་གའི་རང་ནས་བསྐྱེད་རིམ་བཟླས་བརྗོད། མཆོད་སྦྱིན་ཚོགས་གསོག་སོགས་བསོད་ནམས་ཀྱི་ཚོགས་སྤྱི་དང་། ཁྱད་པར་དུ་འཁོར་བ་ལ་ངེས་འབྱུང་། །སེམས་ཅན་ལ་སྙིང་རྗེ། བླ་མ་ལ་མོས་གུས། ནམ་འཆི་ཆ་མེད་ཀྱི་བློ་སྣ་དུང་དུང་པས་ལས་རྒྱུ་འབྲས་ཀྱི་འདོར་ལེན་ལ་ངོས་ལྐོག་མེད་པར་བསླབ་པ་ནི་རྒྱལ་བ་སྲས་བཅས་དགྱེས་པའི…

དབུ་མའི་གཏན་ཚིགས་ཆེན་པོ་རྣམ་པ་ལྔ་ལས་བརྩམས་པའི་ཟིན་བྲིས་རིགས་པའི་ས་བོན་ཅེས་བྱ་བ་བཞུགས་སོ། །ན་མོ་མཉྫགྷོ་ཥཱ་ཡ། དབུ་མའི་གཏན་ཚིགས་ཆེན་པོ་རྣམ་པ་ལྔ་ནི། རྒྱུ་ལ་དཔྱད་པ་རྡོ་རྗེ་གཟེགས་མ། འབྲས་བུ་ལ་དཔྱད་པ་ཡོད་མེད་སྐྱེ་བྲལ། གཉིས་ཀ་ལ་དཔྱད་པ་མུ་བཞི་སྐྱེ་འགོག །ངོ་བོ་ལ་དཔྱད་པ་གཅིག་དང་དུ་བྲལ་ཏེ་བཞི་ནི་ཡོད་པ་སྒྲོ་འདོག…

ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དག་གང་ལས་ཀྱང་། །སྐྱེ་བ་ནམ་ཡང་ཡོད་མ་ཡིན། ཞེས་པས། ཇི་ལྟར་སྣང་བཞིན་པ་ཆོས་ཅན། །དངོས་པོ་མེད་པར་ཐལ། དོན་དམ་པར་བདག་དང་གཞན་དང་། གཉིས་ཀ་དང་། རྒྱུ་མེད་པ་ལས་སྐྱེ་བ་དང་བྲལ་བའི་ཕྱིར་རྨི་ལམ་བཞིན་ནོ། །དེ་ཡང་རྒྱུ་ཡོད་པ་ལས་སྐྱེ་ན། བདག་ལས་བདག་སྐྱེ་བ་མ་གྲུབ…

ཆེད་དུ་ས་བོན་གདབ་པ་ལ་སོགས་པའང་དོན་མེད་པར་ཐལ་བའི་ཕྱིར་རོ། །གཉིས་པ་ནི། སྔ་མ་ལས། མེད་དམ་ཡོད་པའི་དོན་ལ་ཡང་། །རྐྱེན་ནི་རུང་བ་མ་ཡིན་ཏེ། །མེད་ན་གང་གིས་རྐྱེན་དུ་། འགྱུར༑ །ཡོད་ན་རྐྱེན་གྱིས་ཅི་ཞིག་བྱ། །ཞེས་པས། དངོས་སྣང་སྣ་ཚོགས་འདི་ཆོས་ཅན། དངོས་པོ་མེད་པར་ཐལ། ངོ་བོ་ཡོད་མེད་སྐྱེ་བ་དང་བྲལ་བའི་ཕྱིར ར་རོ། །དེ་ཡང་བུ…

པར་ཐལ། གཅིག་དང་དུ་མ་ལས་འདས་པའི་ཕྱིར་ཆུ་ཟླ་བཞིན་ནོ། །དེའང་རང་བཞིན་གྱིས་གཅིག་ཏུ་གྲུབ་ན་ཆ་བཅས་ཀྱི་གཅིག་ཏུ་གྲུབ་དགོས་པའི་ཕྱིར་མི་འཐད་ལ། དེ་མ་གྲུབ་པས་དེས་བརྩམས་པའི་དུ་མའང་མི་འགྲུབ་པའི་ཕྱིར་རོ། །ལྔ་པ་ནི། རྩ་བ་ལས། རྟེན་ཅིང་འབྲེལ་འབྱུང་གང་ལགས་པ། །དེ་ནི་སྟོང་པ་ཉིད་དུ་བཤད། །དེ་ནི་བརྟེན་ནས་གདགས་པ་སྟེ། །དེ་ནི་ད…

མེད་པས་སྟོང་ལ། ཕྲ་བ་སྐད་ཅིག་གི་རང་བཞིན་རྒྱུན་གྱིས་སྟོང་པའི་ཕྱིར་རྟེན་འབྲེལ་གྱི་རྐྱེན་ལས་མ་འགག་པར་སྣང་ལ། སྣང་ཙམ་གྱི་དུས་ཉིད་ནས་རང་རང་གི་ངོ་བོས་གྲུབ་པའི་རང་བཞིན་རྡུལ་ཙམ་ཡང་མེད་པར་ཤེས་པ་ནི་སྣང་སྟོང་ཟུང་འཇུག་དབུ་མའི་ལམ་རྨད་དུ་བྱུང་བ་སྟེ། ཀླུའི་རྒྱལ་པོ་མ་དྲོས་པས་ཞུས་པའི་མདོ་ལས། གང་ཞིག་རྐྱེན་ལས་སྐྱེས་པ་དེ…

༈ དམ་པའི་ཆོས་འདུལ་བ་ལས་བརྩམས་པའི་ཚིགས་སུ་བཅད་པ་ནི། དམ་ཆོས་འདུལ་བ་གང་ཆེན་མཚོ། །དགག་སྒྲུབ་གནང་བའི་རླབས་ཕྲེང་ཅན། །གཏིང་མཐའ་མེད་པ་བདུད་རྩིའི་མཆོག །བྱང་ཆུབ་བར་དུ་ཐོབ་གྱུར་ཅིག །ས་གསུམ་འཇིག་རྟེན་སྣང་བའི་ཕུལ། །ཐུབ་མཆོག་ཞལ་གྱི་བུམ་བཟང་ལས། །དྲང་སྲོང་ལྷུང་བའི་ནགས་ཚལ་དུ། །བདེན་བཞིའི་ཟིལ་དངར་ཐོག་མར་དབྱེ། །སླར་ཡང…

གཞི་བཅུ་བདུན། །འཆད་དང་སྒྲུབ་ལ་ཐོགས་མེད་པས། །འགྱོད་པ་མེད་པའི་ཚུལ་ཁྲིམས་ཀྱིས། །སེམས་ནི་རྣམ་པར་གཡེང་ལས་བཟློག །དེ་ཚེ་ཆོས་རབ་རྣམ་འབྱེད་པའི། །སོ་སོར་རྟོག་པའི་ཡེ་ཤེས་མེས། །སྲིད་པའི་རྩ་བ་བསྲེགས་བྱས་ཏེ། །ཉོན་མོངས་དགྲ་རྣམས་བཅོམ་པ་ལས། །བྱང་ཆུབ་གསུམ་གྱི་འབྲས་བུར་འགྲུབ། །དེ་བས་ཡང་སྲིད་ཐམས་ཅད་དུ། །རྙེད་དཀའ་དལ་རྟེ…

༈ ཤེས་རབ་ཀྱི་ཕ་རོལ་ཏུ་ཕྱིན་པའི་ཚིགས་སུ་བཅད་པ་ནི། གང་དུ་ཆོས་རྣམས་རོ་གཅིག་པའི། །ཡེ་ཤེས་ཆེན་པོ་ཐུགས་ཆུད་པས། །བསམ་གྱིས་མི་ཁྱབ་སེང་གེའི་སྒྲ། །སྟོན་མཛད་ཐུབ་པའི་དབང་པོས་སྐྱོངས། །བྱིས་པའི་བློ་ཡིས་བརྟག་དཀའ་བ། །ཟབ་མོ་ཤེས་རབ་ཕ་རོལ་ཕྱིན། །སོ་སོ་རང་གིས་རིག་བྱ་གང་། །ཤེས་བྱ་ཀུན་གྱི་གནས་ལུགས་ཏེ། །ཡོད་མེད་རྟག་ཆད་སྐྱ…

དཔྱོད་ལས་འདས་པ། །ཟུང་འཇུག་འགལ་མེད་རྟོགས་པ་ནི། །རྒྱལ་བ་རྣམས་ཀྱི་ཡུམ་ཞེས་བཤད། །གཞི་ལམ་རྣམ་མཁྱེན་ཤེས་པ་ཡི། །ཐོས་བསམ་ཕ་རོལ་སོན་པ་ན། །ཉམས་ལེན་སྦྱོར་བཞིའི་ཚུལ་ཅན་གྱིས། །ལམ་ལྔའི་དེ་ཉིད་མངོན་དུ་བྱེད། །རྟེན་དང་བརྟེན་པར་བཅས་པ་ཡི། །སྐུ་དང་ཡེ་ཤེས་ཕྲིན་ལས་ཀྱི། །འབྲས་བུ་མཁའ་དང་སྙོམས་འཇུག་པ། །རྒྱལ་བ་རྣམས་ཀྱི་སྤྱོད…

༈ ཏིང་འཛིན་རྣམ་གསུམ་ལས་བརྩམས་པའི་ཚིགས་སུ་བཅད་པ་ནི། སེམས་ཀྱི་རྡོ་རྗེ་འཇམ་པའི་དབྱངས། །དེ་དང་གཉིས་མིན་བླ་མ་ལ། །བཏུད་ནས་ཚིག་གི་བདུད་རྩི་ཡིས༑ །དོན་གྱི་པདྨོ་ཅུང་ཟད་དབྱེ། །བདག་དང་ཕུང་པོ་རྣམ་རིག་དང་། །དཔྱད་པ་ཙམ་གྱིས་མི་མཚོན་པའི། །གཟོད་ནས་སྟོང་ཉིད་འདུས་མ་བྱས། །འཁོར་འདས་ཀུན་ལ་ཁྱབ་པར་གནས། །དེ་

སླད་སྟོང་དང་རྟེན་འབྱུང་གཉིས། །འགལ་མེད་རྟོགས་པའི་རིག་ཤེས་དང་། །གང་གིས་མྱོང་བ་དབྱེར་མེད་པའི། །དེ་བཞིན་ཉིད་ལས་མཉམ་བཞག་པས། །ཆོས་ཅན་ཆོས་ཉིད་ལྟ་བ་ཀུན། །བློ་ཡི་མདུན་ན་མི་གནས་པ། །གཞི་དོན་གཉུག་མའི་ཡེ་ཤེས་ནི། །སྙིང་གི་དབུས་སུ་སད་པར་བྱ། །གང་ཚེ་སྣང་ཙམ་བདེ་ཆེན་གྱི། །རྣམ་རོལ་འགགས་པ་མ་མཆིས་ཀྱང་། །བདེན་ཞེན་དབུ་མར་འ…

བཟོད་པར་མཛོད། །དགེ་བས་བརྟན་གཡོ་ཀུན་གྱི་དངོས། །དེ་བཞིན་ཉིད་ཀྱི་དབྱིངས་སིམ་ནས། །ཟུང་འཇུག་བདེ་ཆེན་ཡེ་ཤེས་སྐུས། །ཡིད་ཅན་རྒྱ་མཚོ་སྨིན་གྱུར་ཅིག །སརྦ་དཱ་ཐེ་ཡོ་། བྷ་བ་ཏུ།། །།

༈ གཞི་ལམ་འབྲས་བུའི་སྨོན་ལམ་གྱི་ཚིགས་སུ་བཅད་པ་ནི། མཁའ་ཁྱབ་སྲས་བཅས་རྒྱལ་བའི་ཡེ་ཤེས་སྐུ། །དྲན་པས་རྨོངས་པའི་གདུང་བ་ཀུན་སེལ་བ། །དཔལ་ལྡན་བླ་མ་འཇམ་པའི་རྡོ་རྗེ་ཡིས། །དགེ་ལེགས་ཤིས་པའི་མེ་ཏོག་ཆར་དུ་བསྙིལ། །གང་དུ་དངོས་ཀུན་བྱེ་མདོ་སེམས་གསུམ་སྣང་དང་དབུ་མ་རང་རྒྱུད་སྟོང་པ་གཉིས། །ཐལ་འགྱུར་ཟུང་འཇུག་རྟེན་ཅིང་འབྲེལ་བར…

མྱུར་དུ་ཐོབ་གྱུར་ཅིག །སྡེ་སྣོད་དང་རྒྱུད་སྡེ་རྒྱ་མཚོའི་གཞི་ལམ་འབྲས་བུའི་དེ་ཁོ་ན་ཉིད་ཕྱིན་ཅི་མ་ལོག་པར་རྟོགས་པའི་སྐལ་པ་བཟང་པོར་གྱུར་ཅིག།

རྒྱུ་དང་འབྲས་བུའི་ཐེག་པའི་མཐར་ཐུག་གི་འབྲས་བུའི་རྣམ་པར་བཞག་པ་ངོ་མཚར་སྣང་བ་ཞེས་བྱ་བ་བཞུགས་སོ། །ན་མོ་གུ་རུ་བྷྱ༔ ཐེག་པ་ཆེན་པོ་དང་གསང་སྔགས་ཀྱི་འབྲས་བུའི་ཐོབ་ཚུལ་ཅུང་ཟད་བཤད་ན་གཉིས་ལས། དང་པོ་ནི། །སྤོང་ལམ་གྱི་དབང་དུ་བྱས་པ་དག་ལ་ཀུན་ཏུ་འོད་སངས་རྒྱས་ཀྱི་སར་བཞག་ནས་བཤད་པར་བྱ་སྟེ། འདི་སངས་རྒྱས་པ་ངོ་བོ་ཉིད་ཀྱི་སྐུ…

ཕྱིར། སྨོན་ལམ་དང་ཐུགས་རྗེའི་འཕེན་པ་ཚད་མེད་པས་ཡིད་བཞིན་གྱི་ནོར་བུས་རེ་བ་བཀང་བ་ལྟར། ཡེ་ཤེས་ཀྱི་སྐུ་དེ་ཉིད་བདག་པོར་གྱུར་པའི་ཚུལ་གྱིས་སྐུ་གསུང་ཐུགས་ཀྱི་སྣང་བརྙན་སེམས་ཅན་རང་གི་རྒྱུད་ཀྱི་ཁྱད་པར་ཡོངས་སུ་སྨིན་པའི་ཉེར་ལེན་ལས་སྣང་བ་དག་འབྱུང་བ་ཡིན་ཏེ། རེ་ཞིག་ཉོན་སྒྲིབ་རྣམ་པར་དག་ཀྱང་། ཤེས་སྒྲིབ་ཀྱིས་བཟུང་བའི་ཁྱ…

པ་ཇི་ཙམ་པས་མངོན་རྟགས་སུ་གྱུར་པའི་ཆོས་བདེན་བཞིས་བསྡུས་པ་དག་གསུངས་ཤིང་། ཡོངས་སུ་མྱ་ངན་འདས་པ་ན་ཕུང་པོ་ལྷག་མ་མེད་པའི་དབྱིངས་སུ་ཤེས་བརྗོད་ཀྱི་རྒྱུན་ཆད་དེ་སྙོམས་པར་ཞུགས་བ་ཙམ་དུ་སྣང་ལ། དེ་ལས་ཀྱང་སྐལ་བ་དམན་པ་རང་ཅག་ལྟ་བུ་རྣམས་ལ་ནི་ད་ལྟར་སློབ་དཔོན་གྱི་གཟུགས་སུ་སྣང་བ་ལས་ཆོས་དེ་དང་དེ་སྟོན་པ་ལའང་སངས་རྒྱས་ཀྱི་ཡེ་…

སྤྲུལ་སྐུའམ་མཛད་པའི་དབྱེ་བས་དེ་དག་གི་འཁོར་འཇིག་རྟེན་པའི་རིགས་གསུམ་སྟེ་དྲུག་གིས་བསྡུས་ཤིང་། དེའི་གཙོ་བོའི་དབང་བསྟན་པ་ཉེ་བར་བཟུང་ནས། རྗོད་བྱེད་གྱི་རྒྱུད་རྣམས་ཀྱང་དྲུག་ལ་སོགས་པར་སྔོན་གྱི་སློབ་དཔོན་རྣམས་ཀྱིས་ཕྱེ་བ་ཡིན་ནོ། །གཉིས་པ་སྤྱོད་རྒྱུད་དུ། འཇིག་རྟེན་པའི་སེམས་བརྒྱ་དྲུག་ཅུ་ལ་སོགས་པ་ལས་ཡང་དག་པར་འདས་ཏ…