བརྗེད་པའི་གནས་བཞིར་མི་བརྗེད་པར་བྱིན་གྱིས་བརླབ་ཏུ་གསོལ། འཆོར་བའི་གནས་བཞིར་མི་འཆོར་བར་བྱིན་གྱིས་བརླབ་ཏུ་གསོལ། དེ་ནས་འཆི་བ་རང་གི་དུས་སུ་ཕྱི་དབུགས་ཆད་པའི་དུས་སུ་སེམས་གསལ་ལ་རྟོག་པ་མེད་པ་སྟོན་ཀའི་ནམ་མཁའ་སྤྲིན་བྲལ་བ་ལྟ་བུ་སེམས་ཅན་ཐམས་ཅད་ལ་ཡོང་། དེ་ཡང་སྔར་གྱི་དེ་གཉིས་གུང་བསྒྲིགས་པ་ཡིན། གུང་འགྲིགས་ན་ཆུ་སྣ་དང…

འདིའི་བདུན་ནམ་བཅུ་དྲུག་ཐུག་པས་སངས་རྒྱས་པ་ཡིན་གསུངས་ཏེ། འཁོར་བ་ཐོགས་མཐའ་མེད་པ་ལ་ལྟོས་ནས་སང་གནངས་གྱི་ཚོད་ཙམ་ཡིན་གསུངས། ཤིན་ཏུ་ལེ་ལོ་ཅན་སྐྱེ་བ་བརྒྱུད་ནས་སངས་རྒྱས་པ་བྱ་བ་ཡིན་གསུངས། ཐུན་བརྒྱད་མའི་མན་ངག་དགེ་ལེགས་སུ་གྱུར་ཅིག །སརྦ་མངྒ་ལམ།། །།

༈ བློ་སྦྱོང་ཐུན་བརྒྱད་མའི་ཟིན་བྲིས་ཉུང་གསལ་བཞུགས་སོ། །ན་མོ་གུ་ར་བེ། འདི་ཐེག་པ་ཆེན་པོའི་བློ་སྦྱོང་གི་མན་ངག་ཐུན་བརྒྱད་མར་གྲགས་པའི་གདམས་པ་ཟབ་མོ་ལ། དང་པོ་ཟས་ལ་བརྟེན་པའི་བློ་སྦྱོང་ནི། སྦྱིན་བདག་གི་བསོད་ནམས་ཀྱི་ཚོགས་རྫོགས་པ་དང་། རང་ཉིད་ལ་ཟས་ཀྱི་བུ་ལོན་མི་འབྱུང་བ་དང་། ཐབས་དེ་ཙམ་ལ་བརྟེན་ནས་ཀྱང་རྫོགས་པའི་སངས…

བུས་པ་དང་མཉམ་དུ། རང་གི་བཏང་བྱའི་དགེ་བ་དང་དེའི་འབྲས་བུ་དང་བཅས་པ་འོད་དཀར་པོའི་རྣམ་པར་སོང་ནས་མའི་སྣ་བུག་གཡོན་པ་ནས་ཞུགས་པས་བདེ་བ་ཁྱད་པར་ཅན་དང་ལྡན་པར་བྱས་སོ་སྙམ་དུ་བསམ། ཚུར་རླུང་རྒྱུ་བ་དང་མཉམ་དུ་མ་དེའི་རྒྱུད་ཀྱི་སྡིག་སྒྲིབ་ཐམས་ཅད་དེའི་སྣ་བུག་གཡས་པ་ནས་རླུང་གིས་དྲངས་ཏེ་སྐྱི་གྲིས་སྐྲ་བཞར་བ་ལྟར་ནག་ཕུང་ངེ་བྱུ…

ཟད་ས་བཅུ་པ་ཚུན་ཆད་ཀྱི་ཡུལ་ལ་རེ་རེ་ཞིང་དམིགས་ནས་དེ་དང་དེའི་སྡིག་པ་དང་སྒྲིབ་པ་ཐམས་ཅད་ལེན་པ་དང་། རང་གི་བདེ་དགེ་ཁོང་རྣམས་ལ་ཕུལ་བའི་མོས་པ་བྱའོ། །བཞི་པ་ཤ་ཁྲག་ལ་བརྟེན་པའི་བློ་སྦྱོང་ནི། རང་དང་སེམས་ཅན་ཐམས་ཅད་ལ་འཚེ་ཞིང་། གྲོགས་ཆོས་མཛད་རྣམས་དང་། ཁྱད་པར་དཔལ་ལྡན་བླ་མ་དམ་པའི་སྐུ་ཚེ་མཛད་ཕྲིན་ལ་གནོད་པར་བྱེད་པའི་རིག…

ཀྱང་བདག་གི་བྱ་བ་དང་རྣམ་རྟོག་མེད་པ་བཞིན་དུ་སེམས་ཅན་ཀུན་གྱི་ཉེ་བར་མཁོ་བའི་གསོས་ཆེན་པོར་བསམས་ལ་རེ་དོགས་མེད་པར་བྱས་ལ་བརྗོད་ཅིང་བཏང་བར་བྱའོ། །ལྔ་པ་གཏོར་མ་ལ་བརྟེན་པའི་བློ་སྦྱོང་ནི། ཕྱི་སྣོད་ཀྱི་འཇིག་རྟེན་རིན་པོ་ཆེའི་གཏོར་སྣོད་དུ་བསམ། དེའི་ནང་དུ་རང་གི་ལུས་དུམ་བུར་གཏུབ་པ། ཨོ་ཨཱཧཱུྃ་གིས་བདུད་རྩིར་བསྒྱུར། འཇི…

གྲུ་གཟིང་སོགས་ཀྱི་དངོས་པོར་སྤྲུལ་ནས་གང་ལ་གང་འདོད་དུ་གཏོང་བས་མཚོན་ནས་དམིགས་པའི་འཕྲུལ་ཅིར་ཡང་རྩེ་བར་བྱའོ། །བདུན་པ་ཡིད་བཞིན་གྱི་ནོར་བུ་རིན་པོ་ཆེར་བསྒྱུར་བའི་བློ་སྦྱོང་ནི། །ལྟརང་གི་ལུས་ཡིད་བཞིན་གྱི་ནོར་བུ་ལྟར་བསམས་ལ། དེ་ལས་ཕ་མ་སེམས་ཅན་ཀུན་ལ་གང་འདོད་པའི་དངོས་པོར་ཆར་བཞིན་དུ་འབབ་པ་དང་། དེ་ཡང་ལམ་ལ་མ་ཞུགས་པ་…

དུ་ཕྱོགས་པའི་ཚེ་ན། ཡོ་བྱད་ཆེ་ཕྲ་ཐམས་ཅད་སྤོང་ཐག་ལ་གཏང་། ཡན་ལག་བདུན་པ་སོགས་གསོག་པའི་སྒོ་དུ་མ་དང་། ཁྱད་པར་དུ་ཕུང་པོ་མཆོད་པ་ཕུལ་ནས་ཞེན་པ་བཅད། འཆི་ཁ། བར་དོ། མངལ་གནས། སྐྱེ་སྲིད་དེ་བརྗེད་པའི་གནས་བཞི་དང་། མི་དང་། མི་མ་ཡིན་དང་། ནད་དང་། ཉོན་མོངས་པ་དྲག་པོ་སྟེ་འཆོར་བའི་གནས་བཞི་རྣམས་ལ་བློ་སྦྱོང་བརྗེད་པ་དང་། །འཆོ…

གོམས་ནས་སོ་སོའི་དུས་དང་། དུས་མིན་པའི་གནས་སྐབས་ཐམས་ཅད་དུ་ལམ་ཁྱེར་ལ་བསླབ་པས་བྱང་ཆུབ་སེམས་གཉིས་ལ་སྐྱེས་བུའི་རྩལ་ཅི་ཡོད་ཀྱིས་སྦྱོང་བ་ནི་དལ་འབྱོར་གྱིས་རྟེན་ལ་སྙིང་པོ་ལེན་པའི་ཐབས་རྨད་དུ་བྱུང་བའོ། །ཞེས་པའང་རྗེ་བླ་མ་མཁས་ཤིང་གྲུབ་པའི་དབང་ཕྱུག་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ནས་ཚུལ་འདིའི་བཀའ་དྲིན་…

༈ གྲུབ་ཆེན་བིརྱ་པའི་མན་ངག་མཉམ་མེད་སྙིང་རྗེའི་རྣལ་འབྱོར་གྱི་བློ་སྦྱོང་བཞུགས་སོ།། ཨོཾ་སྭ་སྟི། མཉམ་མེད་སྙིང་རྗེའི་བདུད་རྩི་ཡིད་འོང་བས། །ས་གསུམ་འགྲོ་བའི་གདུང་བ་ཀུན་སེལ་བ། །བྱང་ཆུབ་སེམས་ཀྱི་ཟླ་བ་ལ་བརྟེན་ནས། །རྣམ་གྲོལ་ཀུ་མུ་དཱ་དཔལ་ཅི་དགར་འབྱེད། །དེ་སླད་གྲུབ་པའི་ཞལ་གྱི་ལུང་། །མ་ཉམས་གདམས་ངག་ཟིལ་དངར་ནི། །སྐལ…

ནི། །གཞུང་རྩ་བ་རྡོ་རྗེའི་ཚིག་རྐང་ལས། །ཐོགས་མེད་བརྩེ་བས་བསྐྱངས་པ་ཡི། །ཞེས་པ་ནས། སྙིང་རྗེ་མཐར་ཕྱིན་འགྱུར་པ་ཡིན། །ཞེས་གསུངས་པའི་དོན་ཏེ། དེའང་བྱང་ཆུབ་ཀྱི་སེམས་དང་མི་ལྡན་ན་ཕ་རོལ་ཏུ་ཕྱིན་པ་དྲུག་དང་། བསྐྱེད་རྫོགས་ལ་སོགས་པ་ཇི་ཙམ་ཉམས་སུ་བླངས་ཀྱང་རྫོགས་པའི་སངས་རྒྱས་ཀྱི་རྒྱུར་མི་འགྲོ་བས་ན། །སྙིང་རྗེ་ཆེན་པོ་ནི་…

ངག་ཏུ་བརྗོད། །མ་ཡང་ལན་རེ་ཙམ་བྱས་པ་མ་ཡིན་པར་འཁོར་བ་ཐོག་མེད་ནས་ཚད་དང་གྲངས་ལས་འདས་པ་བྱས་པ་ཡིན་པས་སྙིང་རྗེ། །མ་བྱས་རེས་ཀྱིས་མ་རང་གི་ལུས་སྲོག་ཁྱད་དུ་བསད། །བསམ་རྒྱུ་བསྒོམ་རྒྱུ་བདག་ལས་མེད་པ་བྱས། ཕན་པ་བསམ་གྱིས་མི་ཁྱབ་པ་བཏགས། གནོད་པ་དཔག་ཏུ་མེད་པ་ལས་བསྐྱབས་པ་ཡིན་པས་དྲིན་ཅན་གྱི་མ་རྒན་མོ་འདི་སྙིང་རེ་རྗེ། །དེ་ལྟ…

ནས་བསམ་ཞིང་ངག་ཏུ་བརྒྱ་སྟོང་དུ་མ་རྗོད་པར་བྱེད། དེ་ལྟར་བརྗོད་པས་ཡུལ་དེ་ལ་མིག་ནས་མཆི་མ་འཁྲུགས་པའི་སྙིང་རྗེ་དུང་བ་སྐྱེས་པ་ན། །རིམ་བཞིན་དགྲ་གཞན་རྣམས་དང་གཉེན་བཤེས། ཁྱིམ་ཚེས་ཡུལ་སོགས་ནས་མཐར་མཁའ་ཁྱབ་ཀྱི་སེམས་ཅན་ལ་སྙིང་རྗེ་རྒྱུན་དང་འཐད་པ་སྔར་བཞིན་ལས་བཞི་པ་བདག་མ་བུ་རྣམས་སྐྱེ་ཤིང་འཕོས་པས་སྲན་ཕུང་ལ་རྡོ་རྒྱབ་པ་བ…

ནམས་ཐོབ་པའི་ས་བོན་དེས། །ཕན་བདེའི་དགའ་ཚལ་རྒྱས་གྱུར་ཅིག །ཅེས་པའང་གནས་གསར་པ་འཇམ་པའི་དབྱངས་མཁྱེན་བརྩེའི་དབང་ཕྱུག་གི་གསུང་རབ་ཤིན་ཏུ་སྤྲོས་པ་མེད་པའི་ཁྲིད་ཡིག་ལས་བྱ་བྲལ་བ་མཉྫགྷོ་ཥས་ཟུར་དུ་ཕྱུངས་ཏེ་བྲིས་པ་དགེ། །།

བཀའ་གདམས་ཐིག་ལེ་བཅུ་དྲུག་གི་ཟབ་འཁྲིད་ཀྱི་རིམ་པ་སྙིང་པོར་དྲིལ་བ་གྲུབ་གཉིས་མཆོག་སྦྱིན་ཅེས་བྱ་བ་བཞུགས་སོ།། །།

ཨོཾ་སྭསྟི་སིདྡྷཾ། །དཀོན་མཆོག་གསུམ་དངོས་ཐུགས་རྗེའི་ཟླ་རིས་ནི། །ཡོངས་རྫོགས་བསྟན་པའི་བདུད་རྩིའི་འོད་དཀར་བཅས། །ཤར་བའི་མོད་ལ་ཕན་བདེའི་ཆུ་གཏེར་ཆེ། །རབ་ཏུ་རྒྱས་མཛད་དཔལ་ལྡན་བླ་མར་འདུད། །གང་གི་བཀའ་དྲིན་ཁ་བ་ཡིས། །རེག་པས་བསིལ་བའི་གངྒཱ་ནི། །བདག་བློའི་ལམ་གསུམ་ལ་ཆགས་པས། །ཟབ་དོན་ངལ་འཚོ་ཅིར་ཡང་རྒྱས། །དེ་སླད་འདི་ན་འ…

མཐར་ཐུག་པ་དཔལ་གསང་བ་འདུས་པ་ཡེ་ཤེས་ཞབས་ལུགས་དང་མཐུན་པར་བཀྲལ་བ་དགེ་བའི་བཤེས་གཉེན་བཀའ་གདམས་པ་རྣམས་ཀྱི་གསང་ཆོས་མན་ངག་ཐུན་མོང་མ་ཡིན་པ་ཟབ་པ་ལས་ཀྱང་ཆེས་ཟབ་པའི་སྙན་བརྒྱུད་ཐིག་ལེ་བཅུ་དྲུག་གི་གདམས་པ་ཟབ་མོ་ཉམས་སུ་ལེན་པའི་ཚུལ་ལ་གཉིས། ད་ལྟར་གྱི་ཕྱག་བཞེས་ལྟར་ཟབ་ཁྲིད་ཀྱི་སྙིང་པོ་མདོར་བསྡུས་ཏེ་བསྟན་པ་དང་། དེ་ལས་རྒྱ…

ལ། །རྗེས་སུ་འབྲངས་ལ་བསྟན་པར་གྱིས། །སྐྱབས་གནས་བླ་མ་དྲན་པར་མཛོད། །ལུས་ནི་ལྷ་ཡི་རང་བཞིན་ཏེ། །ངག་ནི་བཟླས་བརྗོད་རྒྱུན་པར་མཛོད། །འགྲོ་བ་མ་ལུས་ཕ་མར་སེམས། །སེམས་ཀྱི་གནས་ལུགས་སྟོང་པར་དཔྱོད། །ལྔ་པོ་འདི་ཡི་སྐྱ་བར་ནས། །དགེ་རྩ་ཐམས་ཅད་དག་པར་མཛོད། །ཅེས་གསུངས་པ་ལྟར་རྗེས་དྲན་ལྔའི་སྒོ་ནས་ཉམས་སུ་ལེན་པ་ལ། ཐོག་མར་སྦྱོར་…

སྤྱིའི་སྔོན་འགྲོའོ།། །།གཉིས་པ་དངོས་གཞི་ལའང་རྗེས་དྲན་ལྔ་ལས། དང་པོ་སྐྱབས་གནས་བླ་མ་རྗེས་སུ་དྲན་པ་ནི། རང་ཉིད་ཐ་མལ་དུ་གནས་པའི་མདུན་གྱི་ནམ་མཁར་དྲན་པ་ཙམ་གྱིས་དགོས་འདོད་ཐམས་ཅད་ཡིད་བཞིན་དུ་སྩོལ་བར་ནུས་པའི་དཔག་བསམ་གྱི་ལྗོན་ཤིང་སྡོང་པོ་ཡལ་ག་ལོ་འདབ་བཀོད་པ་ཕུན་སུམ་ཚོགས་པའི་དབུས་སུ་རྩ་བའི་བླ་མ་འཕགས་པ་སྤྱན་རས་གཟིག…

གདམས་ལྷ་མཆོག་བཞི་ལ་གསོལ་བ་འདེབས། །བྱམས་པ་ཐོགས་མེད་དབྱིག་གཉེན་རྣམ་གྲོལ་སྡེ། །མཆོག་སྡེ་དུལ་བའི་སྡེ་དང་གྲགས་པའི་སྡེ། །སེང་བཟང་ཀུ་སཱ་ལི་གཉིས་གསེར་གླིང་པ། །རྒྱ་ཆེན་སྤྱོད་པའི་བརྒྱུད་པར་གསོལ་བ་འདེབས། །འཇམ་དབྱངས་ཡོད་མེད་ཕྱོགས་འཇིག་ཀླུ་སྒྲུབ་དང་། །ཟླ་བ་གྲགས་པ་རིག་པའི་ཁུ་བྱུག་ཆེ། །སངས་རྒྱས་དགོངས་སྐྱོབ་འཕགས་པ་…