སོགས་དགོས་པའི་ཡོ་བྱད་ཐམས་ཅད་ཚང་བར་བྱས་ཏེ། མཆོད་པ་བྱིན་རླབས་སྔོན་དུ་འགྲོ་བས་བདག་བསྐྱེད་བཟླས་པ་དང་བཅས་པ་ཚར་ཆེན་རྡོ་རྗེ་འཆང་ཆེན་པོའི་གསུང་ཇི་ལྟ་བ་བཞིན་ཉམས་སུ་བླངས་རྗེས། མདུན་གྱི་གཏོར་མ། ཨོཾ་བཛྲ་ཀྲོ་དྷ་ཧ་ཡ་གཱི་བ་ཧུ་ལུ་ཧུ་ལུ་ཧཱུྃ་ཕཊ། ཀྱིས་བསང་། སྭ་བྷཱ་བས་སྦྱང་། སྟོང་པའི་ངང་ལས་ཟླ་གམ་སྨུག་ནག་སོགས་ནས། དབུར་…

བས། དེ་ལ་དུས་གསུམ་གྱི་རྒྱལ་བ་སྲས་དང་བཅས་པའི་སྙིང་རྗེ་ཆེན་པོའི་ཡེ་ཤེས་གཅིག་ཏུ་བསྡུས་པའི་རང་གཟུགས་འཕགས་མཆོག་སྤྱན་རས་གཟིགས་དབང་ཕྱུག་ཉིད་གདུལ་བྱ་གདུག་ཅིང་གཏུམ་པ་རྣམས་རྗེས་སུ་བཟུང་བའི་ཕྱིར་དཔལ་རྟ་མགྲིན་གྱི་སྐུར་བཞེངས་པ་ལ། རྒྱུད་དང་མན་ངག་རྣམས་ནས་སྒྲུབ་པའི་ཐབས་བསམ་གྱིས་མི་ཁྱབ་པ་ཞིག་གསུངས་པ་ལས། འདིར་སྐབས་སུ…

ནམ་མཁའི་གནས་སུ་དཔལ་རྟ་མགྲིན་ལ། རྩ་བརྒྱུད་ཀྱི་བླ་མ། ཡི་དམ་ལྷ་ཚོགས། སངས་རྒྱས་བྱང་སེམས་དཔག་ཏུ་མེད་པས་བསྐོར་བ་ཏིལ་གྱི་གོང་བུ་ཁ་ཕྱེ་བ་བཞིན་མངོན་སུམ་དུ་ཁྲ་ལམ་མེར་བཞུགས་པའི་སྤྱན་སྔར་རང་དང་གཞན་གྱི་སྡིག་པ་བཤགས་པ་ལ་སོགས་པ་ཡན་ལག་བདུན་དང་ལྡན་པའི་སྒོ་ནས་བྱང་ཆུབ་མཆོག་ཏུ་སེམས་བསྐྱེད་པ་འདིའི་རྗེས་ཟློས་ལན་གསུམ་མཛོད།…

བྱ། ཡང་མདུན་བསྐྱེད་ཀྱི་མགྲིན་པ་ནས་ཨཱདམར་པོ་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་མགྲིན་པར་ཐིམ། ངག་གི་སྒོ་ནས་བསགས་པའི་སྡིག་སྒྲིབ་དང་བར་ཆད་ཐམས་ཅད་དག །དཔལ་རྟ་མགྲིན་གྱི་གསུང་གི་བྱིན་རླབས་མ་ལུས་པ་རྒྱུད་ལ་ཞུགས་པའི་མོས་པ་མཛོད། སྔགས་རོལ་བྱ། སླར་ཡང་མདུན་བསྐྱེད་ཀྱི་ཐུགས་ཀ་ནས་ཧཱུྃ་སྔོན་པོ་དཔག་ཏུ་མེད་པ་འཕྲོས། ཁྱ…

འདས་དཔལ་རྟ་མགྲིན། མ་གཅིག་གྲུབ་པའི་རྒྱལ་མོ། ཏི་ཕུ་གསང་སྔགས་སྡོང་པོ། རས་ཆུང་རྡོ་རྗེ་གྲགས་པ། མི་ལ་བཞད་པ་རྡོ་རྗེ། དྭགས་པོ་ཟླ་འོད་གཞོན་ནུ། ཕག་གྲུ་རྡོ་རྗེ་རྒྱལ་པོ། འབྲི་གུང་འཇིག་རྟེན་མགོན་པོ། སྤྱན་སྔ་གྲགས་པ་འབྱུང་གནས། ཡང་དགོན་པ་ཐུགས་ཀྱི་རྡོ་རྗེ། ཐུགས་སྲས་སྤྱན་སྔ་རིན་ལྡན། ཟུར་ཕུག་པ་རིན་ཆེན་དཔལ་བཟང་། འབར་ར་…

འཁོར་གྱི་ལྷ་ཚོགས། སངས་རྒྱས་བྱང་སེམས་དཔའ་བོ་དཔའ་མོའི་ཚོགས་དང་བཅས་པ་ཁྱེད་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པའི་སྒོ་ནས། རྡོ་རྗེ་སློབ་མ་འདི་རྣམས་ལ་དུས་ད་ལྟ་ཉིད་དུ་བྱིན་གྱིས་རློབས་ཤིག མྱུར་བ་ཉིད་དུ་བྱིན་གྱིས་རློབས་ཤིག །འདུག་ས་འདི་ཉིད་དུ་བྱིན་གྱིས་རློབས་ཤིག །ནད་གདོན་སྡིག་སྒྲིབ་འགལ་རྐྱེན་བར་ཆད་ཐམ…

གཉིས་པ་མར་མེ་གཅིག་ལས་གཉིས་ཀྱི་རྣམ་པར་ལན་གསུམ་དུ་ཆད་དེ་སློབ་དཔོན་གྱི་ཞལ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀའི་ས་བོན་གྱི་མཐར་དང་པོས་དམ་ཚིག་པའི་ཚུལ་དུ་འཁོད་། གཉིས་པས་ཡེ་ཤེས་པའི་ཚུལ་དུ་ཐིམ། གསུམ་པས་རིགས་ཀྱི་བདག་པོས་རྒྱས་འདེབས་པའི་ཚུལ་གྱིས་བརྟན་པར་བྱས་པའི་མོས་པ་དང་བཅས་ཏེ་སྔགས་འདིའི་རྗེས་ཟློས་ལན་ག…

སོགས་སྤྱི་དང་འདྲ། དགེ་བ་བསྔོས་ལ་སློབ་མ་རྣམས་རང་གནས་སུ་བཏང་། གསུམ་པ་རྗེས་ནི། མཆོད་པ་རྣམས་ཁ་གསོས་བསང་སྦྱང་བྱིན་གྱིས་བརླབ། བདག་བསྐྱེད་ལ་དམིགས་པའི་མཆོད་བསྟོད་དང་། ཡི་གེ་བརྒྱ་པ་ལན་གསུམ་གྱིས་ལྷག་ཆད་བསྐང་། མ་འབྱོར་པ་དང་སོགས་ཀྱིས་བཟོད་པར་གསོལ། རང་གི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་…

གཏད། སྐབས་སུ་སྔགས་ཕྲེང་ལས་འོད་འཕྲོས། འཕགས་པ་མཆོད། སེམས་ཅན་གྱི་དོན་བྱས། ཁྱད་པར་གནོད་བྱེད་གདུག་པ་ཅན་ཐམས་ཅད་ཚར་བཅད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་བྱིན་རླབས་དང་ནུས་མཐུ་ཐམས་ཅད་ཚུར་འདུས། སྙིང་གའི་ཧཱིཝལ་ཐིམ་པས་བདག་ཉིད་ཀྱི་རྒྱུད་བྱིན་གྱིས་བརླབས་ཏེ་གཟི་བརྗིད་…

བྃ་ཧོཿ པདྨ་ཀ་མ་ལཱ་ཡ་སྟྭྃ། གཏོར་འབུལ་སོགས་དཀྱུས་ལྟར། རྗེས་ལྷག་ཆད་ཁ་བསྐང་། ནོངས་པ་བཟོད་གསོལ། རྟེན་ཡོད་ན་བརྟན་བཞུགས་དང་། མེད་ན་གཤེགས་གསོལ་བྱ། །གནས་གསུམ་སྲུང་བ་སོགས་སྔར་ལྟར་རོ། །དེ་ལྟར་བརྩོན་པས་བར་ཆད་ཐམས་ཅད་ཞི་ཞིང་། དངོས་གྲུབ་རྣམ་པ་གཉིས་ཐོབ་པའི་ཚུལ་བརྒྱུད་ལྡན་བླ་མའི་རྣམ་ཐར་ལས་ཀྱང་མང་དུ་འབྱུང་བས་ཤེས་ལ། ལ…

བའི་རྗེས་སུ་འབྲངས་ཏེ་མང་དུ་ཐོས་པའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་སྦྱར་བ་སྟེ། འདིས་ཀྱང་མཐའ་ཡས་པའི་འགྲོ་ཀུན་ལམ་གྱི་བར་ཆད་ཐམས་ཅད་ཉེ་བར་ཞི་ཞིང་། དངོས་གྲུབ་རྣམ་པ་གཉིས་ལ་དབང་འབྱོར་བའི་རྒྱུར་གྱུར་ཅིག། ༈ །།ནི་རི་ཏི་པའི་ལུགས་ཀྱི་འཕགས་པ་བྱམས་པའི་སྒྲུབ་ཐབས་རྗེས་གནང་སོགས་ཀྱི་ཉེར་མཁོའི་ཡི་གེ་བདུད་རྩིའི…

ལམ་སོགས་སྨོན་ལམ་རྒྱ་ཆེར་གདབ། རྟགས་ནི། དངོས་སམ་རྨི་ལམ་དུ་དགའ་ལྡན་དུ་ཕྱིན་པ་དང་། ཀླུ་ཤིང་གི་མེ་ཏོག་དང་རིལ་བ་སྤྱི་བླུགས་རྙེད་པ། འཕགས་པ་དགྱེས་པའི་ཞལ་མཐོང་བ་རྣམས་བྱུང་ན་སྡིག་སྒྲིབ་དག་པ་དང་། ཐོས་པ་འཛིན་པ་སོགས་ཡོན་ཏན་དཔག་ཏུ་མེད་པ་དང་ལྡན་པར་འགྱུར་རོ། །རྩ་བའི་བསྙེན་པ་རྫོགས་ནས་ལས་སྦྱོར་གྱི་སྔགས་གཉིས་ཀྱང་ཇི་ལྟ…

མཆོད་སོགས་ཐུན་མཚམས་གྱི་བྱ་བ་ལྟར་བྱ། སློབ་མ་ཁྲུས་བྱས་མེ་ཏོག་དང་བཅས་ཏེ་འཁོད་པ་ལ། ཆོས་བཤད་ཅི་རིགས་པ་དང་། མཚམས་སྦྱོར་གྱི་ཁྱད་པར་དེ་ལ་འདིར་རྒྱལ་བ་མི་ཕམ་མགོན་པོ་ཞེས་སམ་རྒྱལ་ཚབ་ཆེན་པོ་བྱམས་པ་ཞེས་སྟོན་པ་ཤཱཀྱ་སེང་གེ་ཉིད་དགའ་ལྡན་ནས་འཛམ་གླིང་འདིར་བྱོན་པའི་ཚེ་རྒྱལ་ཚབ་ཏུ་མངའ་གསོལ་བའི་ཕྱིར་དགའ་ལྡན་གྱི་སྟོན་པ་ཆེན་…

དུ། །གཙོ་ཆེན་ཁྱེད་ལ་གསོལ་འདེབས་ཀྱི། །མ་ལུས་རྗེས་གནང་སྩལ་དུ་གསོལ། །ལན་གསུམ། རྒྱུད་དག་པར་བྱ་བའི་སླད་དུ་མདུན་བསྐྱེད་ཀྱི་ལྷ་དང་སངས་རྒྱས་བྱང་སེམས་རྣམས་ཀྱི་དྲུང་དུ་སྐྱབས་གསུམ་སྔོན་དུ་འགྲོ་བས་བྱང་ཆུབ་ཀྱི་སེམས་བཟུང་སྙམ་པས་འདིའི་རྗེས་ཟློས་མཛོད། །འགྲོ་རྣམས་བསྒྲལ་འདོད་བསམ་པ་ཡིས། །སངས་རྒྱས་ཆོས་དང་དགེ་འདུན་ལ། །བ…

མཚན་པའི་ཀླུ་ཤིང་གི་ཡལ་ག་མོ་གྱིས་མཚན་པ། དེའི་འོད་ཀྱི་འཕྲོ་འདུ་ལས་ཁྱེད་རང་རྣམས་འཕགས་པ་བྱམས་པ་སོགས་ནས། རིན་པོ་ཆེའི་རྒྱན་ཅན། ཐུགས་ཀར་ཟླ་བའི་དཀྱིལ་འཁོར་ལ་མཻ་ཡིག་དང་བཅས་པ་རྣམས་གསལ་ལམ་སྟེ་གྱུར་པའི་མོས་པ་མཛོད། དེ་ནས་རྗེས་གནང་དངོས་གཞི་ལ་གསུམ་ལས། དང་པོ་སྐུའི་རྗེས་གནང་ནི། སློབ་དཔོན་ཡང་རང་གིས་བསྒོམས་པ་དང་འདྲ་བའ…

ཕྲེང་བ་བྱུང་། སློབ་དཔོན་གྱི་ཁ་ནས་ཐོན། ཁྱེད་རང་རྣམས་ཀྱི་ཞལ་དུ་ཞུགས། ཐུགས་ཀར་ཟླ་བའི་སྟེང་དུ་མཻ་སེར་པོ་གནས་པ་ལ་ཐིམ། དེའི་དུས་སུ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་མཁྱེན་བརྩེ་ནུས་མཐུ་ཐམས་ཅད་འོད་ཟེར་གྱི་རྣམ་པར་སྔགས་ཕྲེང་དང་ལྷན་ཅིག་ཞལ་དུ་ཞུགས། སྙིང་གའི་མེ་ལ་ཐིམ་པའི་མོས་པ་མཛོད་ལ། སྔགས་འདིའི་…

ཅིག་རྟགསུམ་པ་ཐུགས་ཀྱི་རྗེས་གནང་ནི། མདུན་བསྐྱེད་ཀྱི་ལྷ་ལ་མོས་གུས་དུང་དུང་བ་དང་། བདག་གི་རྒྱུད་བྱིན་གྱིས་བརླབ་ཏུ་གསོལ་སྙམ་པ་མཛད་པས། མདུན་གྱི་ལྷའི་ཐུགས་ཀ་ནས། ཕྱག་མཚན་གྱི་ཚོགས་དཔག་ཏུ་མེད་པ་རྒྱང་སྟེ་བྱོན། ཁྱེད་རང་རྣམས་ཀྱི་སྙིང་གའི་ས་བོན་དང་དབྱེར་མེད་དུ་འདྲེས། རྒྱུད་བྱིན་གྱིས་བརླབས་པའི་མོས་པ་མཛོད། དེ་ནས་རྒ…

བྱུང་བས་བུམ་པའི་ཡི་གེ་ལ་ཐིམ་པས་ཡི་གེ་འོད་དུ་ཞུ་བ་ལས་བུམ་པའི་ནང་བདུད་རྩིས་ཁེངས་པར་བསམ་ཞིང་སྔགས་བཟླ། བཟླས་པ་ཚར་བ་དང་། འཕགས་པ་བྱམས་པ་ལ་མཆོད་པ་དང་གཏོར་མ་འབྲུ་གསུམ་གྱིས་བརླབ། རྩ་སྔགས་ལན་གསུམ་གྱིས་ཕུལ་ལ་མཆོད་བསྟོད་གསོལ་བ་གདབ་ལ་གཤེགས་སུ་གསོལ། ཆུ་དེས་རང་གཞན་ལ་ཁྲུས་བྱ་བ་སོགས་ཕན་གདགས་པར་བྱས་ན་ཕན་ཡོན་དཔག་ཏུ་མེ…

སྐྱེས་རྟག་ཏུ་རྒྱས་པར་གྱུར་ཅིག །མངྒ་ལཾ།། །།དགེའོ།། །།དགེའོ།། །།དགེའོ།།

༄༅། །རྟེན་འབྲེལ་སྲུང་བའི་བྱིན་རླབས་བྱ་ཚུལ་མན་ངག་དང་བཅས་པ་ཕན་བདེའི་ཆར་སྤྲིན་ཞེས་བྱ་བ་བཞུགས་སོ།། །།