དྭངས་ཡིད་མཁར་ཤར་བའི་དེ་མ་ཐག །གུས་གུས་སྤུ་སྡུག་ངོམས་པའི་རྣ་རྒྱན་ཅན། །འགྲིགས་འགྲིགས་ཚིག་གི་ཟློས་གར་བསྒྱུར་ལ་ཕྱོགས། །མགོན་ཁྱོད་སྔ་འགྱུར་བཀའ་གཏེར་བསྟན་པའི་སྲོལ། །སྲོལ་འབྱེད་སྐུ་གསུམ་སྟོན་པའི་རྒྱལ་ཚབ་ཆེར། །ཆེས་ཆེར་འཚོ་གཞེས་བརྟན་པའི་གྲགས་དཀར་ཕུལ། །ཕུལ་བྱུང་དགེ་མཚན་སྣང་བ་འབར་དེར་གུས། །རྣམ་མང་འཁྲུལ་པའི་ཤེ་མ…

སུ་དགོད་པ་ཡང་། །ཡེ་ཤེས་གཟིགས་པའི་འབབས་སྟེགས་ལགས། །འདི་ན་སྔ་འགྱུར་བཀའ་གཏེར་གྱི། །བསྟན་དང་སྟོན་པ་རྒྱ་མཚོའི་དབུས། །མངོན་པར་མཐོ་བའི་གདེངས་ཅན་དབང་། །འཚོ་གཞེས་ཤིས་པ་གསལ་ལགས་གྲང་། །ཇི་ལྟར་དཔྱིད་ཀྱིས་བཟུང་བ་ཡི། །པུཎྜ་རཱི་ཀའི་དཔལ་བཞིན་དུ། །མཆོག་གསུམ་ཐུགས་རྗེས་འཁྱུད་བདག་ཀྱང་། །དལ་རྟེན་ཉམས་པར་མ་གྱུར་ཙམ། །སླད་མ…

དྲིན་ཟླ་བའི་ཟེར་ལ་ལྟོས་མིན་པའི། །ཁྱབ་བདག་ཉི་མ་གཞོན་ནུའི་ཞབས་སྟེགས་སུ། །གུས་པའི་བློ་གྲོས་སྤྲིན་གྱི་མེ་ཏོག་གིས། །ཡང་ཡང་གསོས་པའི་དད་གསུམ་ཆུ་སྐྱེས་གསར། །སྙན་ཚིག་སྦྲང་རྩིའི་བསུང་ཞིམ་ལ་ཆགས་པས། །རྗེས་བརྩེའི་བུང་བ་གཡོ་བའི་འབབས་སྟེགས་གྱུར། །གང་གི་རྣམ་ཐར་ལི་ཁྲིའི་ཐིག་ལེ་ཡིས། །མཁུར་ཚོས་མཛེས་པའི་གཏམ་གྱི་གུར་གུམ…

དགའ་ཚལ་དམ་པར་ཆས། །ཡང་ན། རྨད་བྱུང་ཡོན་ཏན་བདུད་རྩིའི་དོགས་པ་ཡིས། །རབ་བརླན་ལུང་རྟོགས་མཚར་སྡུག་རྫོགས་པའི་དཔྱིད། །རྣམ་འདྲེན་ལྷ་ཡི་དཔག་བསམ་འདིའོ་ཞེས། །སྐལ་བཟང་རྣམ་སད་དགའ་བའི་དཔལ་དེའི་དྲུང་། །གུས་སྤྲོའི་ནམ་མཁའི་རྣ་རྒྱན་འཛུམ་པ་ལས། །ལེགས་པར་འབབས་པའི་སིམ་འོད་དཀར་པོ་ཡིས། །རབ་དྭངས་ཡིད་ཀྱི་ཀུ་མུད་བྱེ་བ་ལས། །སྙན་…

ཡང་ན། གྲུབ་པ་མཆོག་གི་ཟླ་ཤེལ་ནི། །གྲུབ་རིགས་ཤར་རིའི་གཙུག་ཏོར་དུ། །གྲུབ་པའི་རྣམ་འདྲེན་རྡོ་རྗེ་འཛིན། །གྲུབ་པ་རྒྱ་མཚོའི་དཔལ་དེའི་དྲུང་། །གང་གི་ཡོན་ཏན་རྨད་བྱུང་སྤྲིན། །གྲགས་པའི་ཆར་གྱིས་ལྕི་བ་ལ། །དད་གུས་མིག་གཏོད་མདོངས་མཐའ་མས། །ཞུ་མཆིད་ཟློས་གར་རྩེན་འདིའོ། །གང་ན་ངེས་དོན་བསྟན་པ་ཡི། །མགོན་དུ་གྱུར་པའི་རྣམ་འདྲེ…

ཚོའི་གཏེར། །མ་ཉམས་རི་དྭགས་མིག་མའི་སོར་རྩེ་ཡིས། །བསྣུན་པའི་མོད་ནས་དད་གུས་ཨ་ཤོ་ཀ །ཞུ་མཆིད་མེ་ཏོག་གྲོལ་བའི་རྐྱེན་དུ་བྱས། །གང་ཚེ་རིག་གྲོལ་སྤྱོད་པའི་ཆུ་སྐྱེས་ཀྱིས། །རྣམ་པར་འཁྲིལ་བའི་གཟུགས་སྐུའི་གོ་བི་དཱ། །སྨིན་གྲོལ་འབྲས་བཟང་དུད་དང་ཆབས་ཅིག་པར། །སྐལ་བཟང་ཀུན་དགའི་བདུད་རྩི་གསར་པ་སྟོབ། །ཁྱད་པར་ནང་གི་དེ་ཉིད་ཕྱ…

བསྔགས་འོས་ཡོན་ཏན་དུ་མའི་གཏེར་གྱུར་པ། །ཁྱབ་བདག་དཔལ་ལྡན་བླ་མའི་ཞབས་དྲུང་དུ། །རྟག་པར་གུས་པའི་ཡིད་ཀྱི་རོལ་མོ་ནི། །ཚིག་སྦྱོར་སོར་རྩེའི་འཕྲུལ་གྱིས་བསྐུལ་བ་ལས། །ཞུ་མཆིད་དབྱངས་བདུན་རྫོགས་པའི་མཆོད་སྤྲིན་གྱིས། །ཡེ་ཤེས་གཟིགས་པའི་འབབས་སྟེགས་སར་པ་བྱས། །ལུང་རྟོགས་ཆུ་བོ་རྣམ་བཞིའི་རོལ་རྩེད་ཀྱིས། །རྣམ་པར་བཏུད་པའི་གས…

རིགས་མཆོག་གང་དེའི་དྲུང་། །གུས་པའི་ཆར་གྱིས་བྲན་པ་ལས། །ཁྱོད་ཡོན་ཉི་མར་རྗེས་ཆགས་བློ། །པདྨ་དཀར་པོ་བཞད་པའི་ཁོངས། །ཞུ་མཆིད་སྙན་པའི་དྲི་བསུང་འཐུལ། བྲལ་སྨིན་ཡོན་ཏན་ཨུཏྤ་ལ། །ངེས་དོན་འབྲས་བུས་ལྕི་བ་གང་། །སྒྲུབ་བརྒྱུད་བསྟན་འཛིན་དགའ་བའི་ཚལ། །མཛེས་པའི་རྒྱན་དུ་འབར་དེ་རྨད། །འདིར་ཡང་མཆོག་གསུམ་དབྱེར་མེད་པ། །དཔལ་ལྡན་…

རྣམ་པར་མཛེས་པའི་དོ་ཤལ་གསར་པ་ཡང་། །རྗེས་བརྩེའི་སྤྱན་ཟུར་གཡོ་བའི་མཆོད་སྤྲིན་ལགས། །གང་ཚེ་རྒྱལ་གསུང་ལམ་བདེན་མཐར་ཐུག་དབྱངས། །ནང་རྒྱུད་གསུམ་གྱི་རོལ་མོར་འཁྲོལ་བ་ལས། །སྔ་འགྱུར་ལོ་པཎ་དུ་མའི་ཐུགས་བསྐྱེད་ཀྱིས། །འཛིན་བཟོད་སྨིན་གྲོལ་རྒྱལ་ཐབས་ཁྱོད་ལ་མངའ། །ཁྱད་པར་གསང་གསུམ་དག་པའི་ཟླ་ཤེལ་ནི། །སྨོན་འཇུག་རི་དྭགས་མཚན་མ…

གཅིག་པུ། །མཚུངས་བྲལ་རིག་འཛིན་བླ་མའི་ཞབས་པད་དུ། །ལྷག་མ་ཅན་གྱི་ཕྲག་གོང་འཐུག་པོ་ཡིས། །ས་འདི་རིར་བཅས་འདེགས་བཟོད་ངོ་མཚར་བཞིན། །ཁྱོད་ཀྱི་བྲལ་སྨིན་ཡོན་ཏན་མི་ཟད་ལྕིད། །ཞུ་མཆིད་སྙན་པར་སྨྲ་བས་རྗེས་མཚོན་བྱས། །སྡེ་སྣོད་བཞི་པོའི་ཆུ་གཏེར་ཆེན་པོ་རུ། །རྣམ་པར་རོལ་པའི་རིག་འཛིན་གདེངས་ཅན་དབང་། །སྐུ་བཞིའི་རྒྱལ་ཐབས་སྔོན་…

སོར་རྩེས་བསྣུན་པ་ལས། །ཞུ་མཆིད་མྱ་ངན་མེད་པ་ཡི། །མེ་ཏོག་གྲོལ་དེ་སུ་ཡིས་བཟློག །གང་གི་མཁྱེན་པའི་ཨཱ་དརཱར། །རིམ་དགུའི་ཐེག་པའི་གཟུགས་བརྙན་ཀུན། །མ་འདྲེས་འཆར་བའི་རི་མོར་བཅས། །བསྟན་འགྲོའི་རྒྱལ་མཚན་ཏོག་ཏུ་སྦ། །དེ་སླད་དེ་ཡི་བཀའ་དྲིན་གྱིས། །ཉེ་བར་འཚོ་བའི་གུས་འབངས་ཀྱང་། །གྱི་ནའི་སྤྱོད་པས་དུས་འདའ་བཞིན། །ཉེར་འཚེ་བྲ…

གདུང་བའི་འགྲོ་བ་མཐའ་དག་ལ། །སྨིན་གྲོལ་བདུད་རྩིས་བརླན་པའི་ཆོ་ག་མཁན། །ཁྱེད་ནི་སྔོན་མེད་གྲུབ་པའི་རྣ་རྒྱན་འཛིན། །ཁྱད་པར་སྔ་འགྱུར་འོད་གསལ་རྡོ་རྗེའི་ཐེག །མཐའ་ཡས་དཔག་པར་དཀའ་བའི་རོལ་མཚོ་ཆེ། །བློ་མཆོག་ཧུབ་གཅིག་གིས་བཏུངས་གྲགས་དཀར་གྱིས། །དྲང་སྲོང་བུམ་པ་སྐྱེས་ཀྱི་སྙན་པ་འཕྲོགས། །འདི་ན་འདུ་ཤེས་གསུམ་གྱི་དམ་འོག་ཏུ། …

ཡེ་ཤེས་གཟིགས་པའི་རོལ་མོ་ནི། །རཡིག་གཉིས་པའི་ཚུལ་གྱིས་གཡོས་པ་བཞིན། །གངས་རིའི་ཁྲོད་འདིར་སྡེ་སྣོད་བཞི་པའི་གཞུང་། །སྔ་འགྱུར་རྡོ་རྗེའི་ཐེག་ཏུ་ཡོངས་རྫོགས་པའི། །བསྟན་འཛིན་གྲུབ་པ་མཆོག་གི་མྱུ་ག་ཁྱོད། །འཚོ་གཞེས་བརྟན་པའི་བཀའ་དྲིན་གཅིག་ཏུ་རྨད། །འདི་ན་གུས་འབངས་གྱི་ནའི་སྤྱོད་ཚུལ་གྱིས། །རྣམ་པར་མྱོས་པའི་ཉི་ཚེའི་བློ་…

ཐབས་ཀྱིས། །ཕན་བདེའི་མཆོག་སྟེར་དམ་པ་གང་། །འཚོ་གཞེས་སྤྱོད་ཡུལ་དགེ་ལགས་སམ། །འདིར་ཡང་སྲིད་དང་ཞི་བ་ཡི། །དཔལ་དང་འབྱོར་པས་མངོན་བཏངས་ཀྱང་། །དད་གསུམ་ཙིནྟ་མ་ཎི་ཡིས། །ཉེར་འཚེའི་དབུལ་བ་རིང་དུ་བསྐྲད། །སླད་ཆར་འཆི་མེད་རྡོ་རྗེའི་ཆོས། །གྲུབ་པའི་ཐིག་ལེར་རོལ་བཞིན་དུ། །སྔ་འགྱུར་འོད་གསལ་སྙིང་པོའི་ལམ། །ཕྱོགས་དུས་ཀུན་ཏུ་ར…

ལྷག་བསམ་དར་གྱི་སྲད་བུར་ལེགས་སྦྲེལ་ཏེ། །གང་ཞབས་རི་མོར་བགྱི་བའི་གཡར་དམ་བླངས། །འཕགས་རྣམས་གཟོད་ནས་རྣམ་གྲོལ་ཞི་བའི་དབྱིངས། །མི་ཕྱེད་ཟླ་བའི་མ་མར་གནས་བཅས་ཀྱང་། །གཞན་ཕན་སྙིང་རྗེའི་དཔུང་གིས་བསྲུབས་པ་ལས། །བསླབ་གསུམ་ཆ་ཤས་རྫོགས་པའི་ཟླ་གཞོན་ཤར། །དེ་ཚེ་འཚོ་གཞེས་བརྟན་པའི་གྲགས་དཀར་དང་། །མི་ཕྱེད་ཡོན་ཏན་དུ་མའི་བསིལ་འ…

བཅས། །ལྷར་བཅས་སྐྱེ་དགུས་བཏུད་དེའི་ཞབས་པད་མོར། །གང་གི་བཀའ་དྲིན་དཔྱིད་དཔལ་ཁོ་ན་ཡིས། །ལང་ཚོ་བསྒྲུབས་པའི་གུས་འབངས་སྦྲང་རྩི་འཛིན། །མོས་གུས་འདབ་རྒྱ་གྲོལ་བའི་མཆུ་སྒྲོས་ལས། །ཞུ་མཆིད་སྙན་པའི་འབྲས་བཟང་གསར་པས་མཛེས། །ཚོགས་གསུམ་སྤྱོད་པ་རྒྱ་མཚོའི་མདའ་གཅིག་གིས། །ཕས་རྒོལ་འབོད་གྲོགས་མགོ་བོ་བྲེགས་ཏེ་སླར། །ལུགས་གཉིས་ས…

ཀྱི་སྤྲིན་ལམ་ལས། །གུས་གུས་ཞུ་མཆིད་མེ་ཏོག་རྡུལ། །ཟིམ་ཟིམ་འབབས་པའི་དགའ་སྟོན་གྱིས། །ཡང་ཡང་རང་རྒྱུད་བརླན་འདིའོ། །གྲགས་དང་ཡོན་ཏན་འབྲས་བུ་ཡིས། །མ་ཉམས་བསུང་བའི་རྔ་ཡབ་ལྷཅན། །སྐལ་བཟང་རྣམ་སད་ཚོགས་གཉིས་ཀྱི། །ཉེར་འཚོར་གཅིག་ཏུ་བརྟན་ཆགས་པའི། །རྨད་བྱུང་བཀའ་དྲིན་གྲིབ་མ་ཡིས། །རིང་ན་གནས་ཀྱང་ཁྱབ་པ་བདག །སྤྲོ་དགའི་ལང་ཚོ…

རིག་པར་སྨྲ་བའི་དབང་ཕྱུག་མཆོག་གི་དྲུང་། །སྐྱེས་ཐོབ་སྦྱོར་བྱུང་བློ་གྲོས་ཉི་ཟླ་ཡིས། །གསོས་པ་མིན་ཀྱང་ཁྱོད་ཚུལ་རྨད་བྱུང་གཏམ། །སྨིན་ལེགས་མཛེས་མའི་འགྲམ་ཆང་གིས་ཕྱེ་བས། །ཞུ་མཆིད་བ་ཀུ་ལ་ཡི་འདབ་རྒྱ་གྲོལ། །སྔོན་སྨོན་རྣམ་པར་དཀར་བའི་ཟླ་འོད་ཀྱིས། །བློ་མཆོག་ཆུ་གཏེར་འཕེལ་བའི་ཟློས་གར་ལས། །གཞུང་མང་འཆད་རྩོད་རྩོམ་པའི་རི…

རིགས་པའི་རིན་ཆེན་གྲུས། །ལམ་བདེན་རྒྱ་མཚོའི་ཕ་མཐར་ལེགས་བརྒལ་བས། །གཞུང་མང་འབྱོར་པས་མཐོ་བའི་དེད་དཔོན་མཆོག །དཔྱོད་ལྡན་ཀུན་དགའི་མེ་ཏོག་སྦྱིན་དེའི་དྲུང་། །གུས་དང་རྟག་ཏུ་སྦྱོར་བའི་བརྩོན་པ་ཡིས། །ཐོས་བསམ་སྒོམ་པའི་འཇུག་པ་རབ་ཕྲ་ཡང་། །ལྷག་པའི་ལེགས་སྤྱད་སེམས་ནི་རྣམ་དཀར་བས། །དྭང་བས་ཞུ་མཆིད་ཚིག་གི་ཕྲེང་བ་སྤེལ། །དེང…

དཔྱོད་ལྡན་ཡི་ག་འགུགས་མཛད་པ། །སྨྲ་བའི་ཉི་མ་གང་དྲུང་དུ། །རབ་དྭངས་བློ་གྲོས་ཨུཏྲ་ལས། །རབ་སྙན་ཚིག་གི་བསུང་ཞིམ་རྒྱུན། །རབ་ཏུ་འཐུལ་བའི་འཕྲིན་ཡིག་འདིར། །རབ་ཡངས་མཁྱེན་པས་གཟིགས་སུ་གསོལ། །གང་ཚེ་བསླབ་གསུམ་རིན་ཆེན་དང་། །ལེགས་འགྲོགས་ཡང་དག་སྤོབས་པའི་རྒྱུན། །གྲགས་པ་ས་འཛིན་རྣ་བ་ཡིས། །མཛེས་པས་ཀུན་དགའི་དཔྱིད་དུ་བྱས། །…