དེང་གི་ཆར་དགེ་ཞིང་ཤིས་པའི་ལེགས་བྱས་ཀྱི་སྒོ་འཕར་བརྒྱ་ཕྲག་ཏུ་དབྱེ་བའི་སྐབས་འདིར། རྗེ་བཙུན་བླ་མ་དམ་པ་རིམ་པར་བྱོན་པ་རྣམས་ཀྱིས་བྱིན་གྱིས་བརླབས་པའི་ཆོས་ཀྱི་ཁྲི་མི་འཇིགས་བཞི་དང་ལྡན་པའི་འཕྲོག་བྱེད་ཀྱི་དབང་པོ་དྲེགས་པས་བསྒྱིངས་པའི་དོ་ཀེར་གྱི་རྩེ་ལ་ཞབས་སེན་གྱི་པདྨོ་བཀོད་པས་ཡིད་སྲུབས་ཀྱི་དཔུང་ཚོགས་སྡེ་དང་བཅས་པའ…

གསུམ་དུ་བསགས་པའི་ལུས་ལོངས་སྤྱོད་དགེ་བའི་རྩ་བ་དང་བཅས་པ་འཕགས་པ་ཀུན་ཏུ་བཟང་པོའི་མཆོད་སྤྲིན་དུ་དད་པས་སྤྲུལ་ཏེ་འབུལ་བའི་མཎྜལ་མཚོན་བྱེད་དུ། ཐོག་མར་དྲི་མ་མེད་པའི་སྙིང་རྗེ་ཆེན་པོའི་འཇུག་པས་གཞན་ལ་ཕན་པར་དགོངས་པའི་ཐུགས་བསྐྱེད་ཡལ་བར་མི་འདོར་བའི་རྟེན་འབྱུང་དུ་ལྷ་རྫས་ཀྱི་ཝསྡུ་ཟླ་བ་ཞུན་མའི་མདོག་ཅན་དཀྱུས་སུ་རིང་བ། …

འབུལ་ལམ་ཞུས་པས་བརྩེ་ཆེན་ཡེ་ཤེས་ཀྱི་གཟིགས་པས་རྗེས་སུ་དགོངས་ཏེ་ཉེ་བར་བཞེས་པ་དང་། གུས་ལྡན་པ་ཁོ་བོ་ཅག་གིས་མཚོན་མཐའ་ཀླས་པའི་འགྲོ་བ་ཀུན་གྱི་ཆེད་དུ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ངེས་པ་ལྔ་ལྡན་གྱི་རང་བཞིན་ཆེན་པོར་འཚོ་ཞིང་གཞེས་ལ་ཆོས་ཀྱང་སྟོན་པ་ནས། བྱང་ཆུབ་སྙིང་པོའི་བར་དུ་ཐུགས་རྗེའི་ཕྱག་གིས་མི་འདོར་བ་…

བསམ་པའི་དངོས། །ཡིད་བཞིན་འཇོ་བའི་དགའ་སྟོན་སྦྱིན་ལ་ནོར་བུའི་རེག་བྱས་མཚོན་མིན་པའི། །མཆོག་གསུམ་རྒྱ་མཚོ་འདུས་པའི་ཞལ་སྐྱིན་མགོན་པོ་ཁྱོད་ཀྱི་ཐུགས་རྗེ་ཡི། །ཕུན་ཚོགས་བཀྲ་ཤིས་སྣང་བ་གསར་པས་སྲིད་ཞིའི་ཁམས་ཀུན་མཛེས་གྱུར་ཅིག །ཛ་ཡ་ཛ་ཡ་སུ་ཛ་ཡ་སརྦ་ཤེ་ཡོ་བྷ་བན། །ཞེས་སམ། གང་ཞིག་སྲིད་དང་ཞི་བའི་ཡོན་ཏན་གྱིས། །ཡོངས་སུ་གཏམས…

ཐུགས་རྗེའི་དཔྱིད་དཔལ་དར་བས་བསྲུང་བ་ལ། །དོན་གཉིས་མཚར་སྡུག་རྫོགས་པའི་བཀའ་དྲིན་སྩོལ། གང་ཞིག་མཚན་ཙམ་ཐོས་པའི་ཟླ་བས་ཀྱང་། །དགེ་མཚན་སྣང་བ་སྟེར་ལ་མི་ངལ་བའི། །མཆོག་གསུམ་བཀྲ་ཤིས་གྲུབ་པའི་ཆོ་ག་ཡིས། །ལྷར་བཅས་དགའ་བའི་དགའ་སྟོན་རྒྱས་གྱུར་ཅིག །སརྦ་དཱ་ལཀཱི་ཀ་ལྱཱ་ཎཾ་ཤུ་བྷ་ལཀྵ་པ་རི་བནྡྷ་ཀུརླནྟུ། ཞེས་སམ། བགྲངས་ཡས་བསྐལ་…

ཁྲལ་བར་སྦྱིན་པ་ཡིས། །སྲིད་གསུམ་ཕན་བདེའི་དགའ་སྟོན་ལ། །ངོམས་མེད་ལོངས་སུ་སྤྱོད་པར་མཛོད། །གང་ལ་བརྟེན་ནས་མི་བསླུ་བའི། །མཆོག་གསུམ་བཀྲ་ཤིས་གདུགས་དཀར་པོའི། །དགེ་མཚན་གྲིབ་མ་སྣུམ་པོ་རུ། །ལྷར་བཅས་དགའ་སྟོན་འཕེལ་གྱུར་ཅིག །སརྦ་དཱ་མང་ག་ལཾ་བྷ་ཡཏྲ། །ཞེས་པ་ལྟ་བུ་སྐབས་དང་བསྟུན་སྟེ་ཇི་ལྟར་འོས་པ་དག་སྦྱར་བར་བྱའོ། ༈ །ཡང་ད…

པོ་ལས། །རྒྱལ་པོ་ལེགས་པར་བྱུང་བ་ཛམ་གླིང་དུ། །རིན་ཆེན་ཆར་པ་འབེབས་པ་དེ་མཐོང་ནས། །གླིང་བཞི་རིན་ཆེན་གང་བར་བྱས་ནས་ཀྱང་། །རིན་ཆེན་གཙུག་ཏོར་ཅན་གྱི་བསྟན་ལ་ཕུལ། །ཞེས་དང་། །དཔལ་གསང་བ་འདུས་པའི་རྩ་བའི་རྒྱུད་ལས། །ཞིང་འདི་རིན་ཆེན་སྣ་བདུན་གྱིས། །མཁས་པ་དག་གིས་ཡོངས་བཀངས་ཏེ། །བསོད་ནམས་འདོད་པས་བསོད་ནམས་ཕྱིར། །ཉིན་རེ་ཤེ…

པའི་གཟུགས་སྐུ་རྣམ་པ་གཉིས་ཐོབ་པའི་ཉེར་ལེན་དུ་གྱུར་པའི་ཕྱིར་འབྲས་མིང་རྒྱུ་ལ་བཏགས་པ་སྟེ། དེ་སྐད་དུའང་། སློབ་དཔོན་ནཱ་ག་རྫུ་ནས། སངས་རྒྱས་རྣམས་ཀྱི་གཟུགས་ཀྱི་སྐུ། །བསོད་ནམས་ཚོགས་ལས་སྐྱེས་པ་སྟེ། །ཞེས་སམ། ཁྱད་པར་འབྲས་བུ་གསང་སྔགས་རྡོ་རྗེ་ཐེག་པ་ལྟར་ན་ཡེ་ཤེས་ཐིག་ལེ་ལས། མ་ནི་ཡིག་འབྲུ་འདབ་མར་བརྗོད། །ཎ་ནི་ཡིག་འབྲུ…

སུའང་གྲགས་པའི་དཀྱིལ་ནི་དབུས་ཀྱི་ལྷུན་པོ་དང་། འཁོར་ནི་གླིང་བཞི་གླིང་ཕྲན་ལ་སོགས་པ་ཇི་སྙེད་པ་ལའང་བཤད་དུ་ཡོད་དོ།། །།གསུམ་པ་དག་པ་སྦྱོར་བ་ནི་སློབ་དཔོན་ཆེན་པོ་གཉིས་སུ་མེད་པའི་རྡོ་རྗེས། །བ་ལྕི་ཆུ་དང་བཅས་པ་སྦྱིན་པ་སྟེ། །ལེགས་པར་བྱུགས་པ་ཚུལ་ཁྲིམས་བཟོད་པ་ནི། །སྲོག་ཆགས་ཕྲ་མོ་སེལ་བར་བྱེད་པའོ། །བརྩོན་འགྲུས་བྱ་བ་ད…

གཞི་ཐམས་ཅད་ཙནྡན་དང་། ཨ་ག་རུ་དང་། ག་བུར་ལ་སོགས་པའི་དྲི་བཟང་པོའི་ཆུས་བྱུགས་ཏེ། ལྷའི་མེ་ཏོག་མན་ར་བ་དང་། པུཎྜ་རཱི་ཀ་དང་། ཨུཏྤལ་དང་། ཨུཏྤལ་ཆེན་པོ་ལ་སོགས་སིལ། མར་བཀྲམས་ཤིང་། ནོར་བུ་རིན་པོ་ཆེ་བཻཌཱུརྱ་དང་། ཨིནྡྲ་ནཱི་ལ་དང་། མརྒད་སོགས་ཀྱིས་མཛེས་པར་བྱས་པའི་གོ་མཚམས་རྣམས་སུ། འབྱོར་པ་དང་རིན་ཐང་གིས་ཁྱད་པར་དུ་བྱས་པ…

ཐར་པ་དང་རྗེས་སུ་མཐུན་པ་ཉིད་བྱེད་པ་པོ་རང་གིས་བྱང་དྲངས་པའི་སེམས་ཅན་ཐམས་ཅད་མི་གནས་པའི་བྱང་ཆུབ་དམ་པ་བླ་ན་མེད་པའི་གོ་འཕང་ལ་འགོད་པའི་སླད་དུ་ཕྱོགས་བཅུ་དུས་བཞིའི་མཆོད་འོས་ཐམས་ཅད་གཅིག་ཏུ་འདུས་པའི་མངའ་བདག་རྗེ་བཙུན་བླ་མ་འདིར་འབུལ་ཡུལ་དམིགས་གསལ་གྱི་ཁ་བསྒྱུར་ཇི་ལྟར་འོས་པ་བྱ། དམ་པ་གང་གི་ཞབས་པད་དུ་ཕུལ་ནས། བརྩེ་ཆེན…

མིག་གི་དཀྱུས་རིང་མཛེས་པར་འགྱུར། །ཞེས་པ་ལ་སོགས་པའི་བརྗོད་བྱ་ཟད་མི་ཤེས་པ་དང་ལྡན་པ་དེ་ལ་ཡང་། གནས་སྐབས་ལག་ཏུ་ལེན་པའི་དབང་དུ། ཚོམ་བུ་ལྔ་པ། བདུན་པ། བཅོ་ལྔ་པ། སོ་བདུན་པ་སོགས་དབྱེ་བསྡུ་ཐ་དད་པ་འབྱུང་བ་ལས་འདིར་ཕྱོགས་ཕྱི་མ་ལྟར་འབུལ་ན། ཞེས་པའི་མཚམས་མཎྜལ་དངོས་དབུལ་ཞིང་། མཐར། དེ་ལྟར་ཡིད་སྤྲུལ་མཎྜལ་གྱི་མཆོད་སྤྲིན་…

སྟོང་བཞི་བརྒྱ་ལྔ་བཅུ། ཁོར་ཡུག་ཏུ་ས་ཡ་གསུམ་དང་དྲུག་འབུམ་ཆིག་ཁྲི་སུམ་བརྒྱ་ཡོད་པའི་མཐར་ལྕགས་ཀྱི་རི་བོ་གྲུ་བཞི་པ་དཔངས་སུ་དཔག་ཚད་སུམ་བརྒྱ་བཅུ་གཉིས་རྒྱང་གྲགས་བཞི་དང་ལྡན་པས་ཡོངས་སུ་བསྐོར་བའི་དབུས་སུ། ས་འཛིན་རྣམས་ཀྱི་མཆོག་ཏུ་གྱུར་པ་ཤར་རིན་པོ་ཆེ་ཀཱན། ལྷོ་བཻཌཱུརྨ། ནུབ་པདྨ་རཱ་ག །བྱང་སུ་བཎྜ་ལས་གྲུབ་པ་འཕངས་སུ་དཔ…

བརྟོལ། །ལྷོ་ནུབ་ཏུ་སྦྱིན་སྐྱེས་ཀྱི་ཚོགས་འདུན་གྲོས་བྱེད་པའི་གནས་ཆོས་བཟང་ལྷའི་མདུན་ས་སོགས་ཏེ་བཀོད་པ་ཕུན་སུམ་ཚོགས་པས་བརྒྱན་པ། དེའི་སྟེང་དུ་དཔག་ཚད་བརྒྱད་ཁྲི་འདས་པའི་ནམ་མཁར་མས་ནས་རིམ་པར་འཐབ་བྲལ། དགའ་ལྡན། འཕྲུལ་དགའ། གཞན་འཕྲུལ་དབང་བྱེད་དེ་འདོད་ཁམས་ཀྱི་ལྷའི་གནས་རྣམས་དང་། དེ་ནས་ཀྱང་ཚངས་རིས་སོགས་བསམ་གཏན་བཞིའི…

ཚད་ཉིས་སྟོང་དང་། ཡུ་བའི་ཕྱོགས་ལ་དཔག་ཚད་ཕྱེད་དང་བཞི་ཡོད་པ། ནུབ་བ་གླང་སྤྱོད་དབྱིབས་ཟླུམ་པོ། ཐད་ཀར་དཔག་ཚད་ཉིས་སྟོང་ལྔ་བརྒྱ་ལ་ཁོར་ཡུག་ཏུ་དཔག་ཚད་བདུན་སྟོང་ལྔ་བརྒྱ་ཡོད་པ། བྱང་སྒྲ་མི་སྙན་དབྱིབས་གྲུ་བཞི་པའི་ངོས་རེར་དཔག་ཚད་སྟོང་ཕྲག་གཉིས་གཉིས་རེ་ཡོད་པ། དེ་དག་གི་གཡས་གཡོན་དུ་གླིང་ཕྲན་ཀྱང་། ལུས་འཕགས་པོའི་གཡས་སུ་…

བཏབ་པར་རང་བཞིན་དུ་འཁྲུངས་པའི་ལོ་ཏོག །དེ་ནས་ཀྱང་ཤར་ནས་ཕྱོགས་བཞིར་འཁོར་ལོ་ནས་བརྩམས་པ་དང་། ཤར་ལྷོ་ནས་མཚམས་བཞིར་གླང་པོ་ནས་བརྩམས་ཏེ་རྒྱལ་སྲིད་རིན་པོ་ཆེ་སྣ་བདུན། གཏེར་གྱི་བུམ་བཟང་དང་བཅས་པ་སྟེ། །དེ་ཡང་ཤར་དུ་འཁོར་ལོ་རིན་པོ་ཆེ་ནི། ལྷ་རྫས་ཀྱི་དྭངས་མའི་གསེར་བཟང་པོ་ལས་བྱས་ཤིང་དབྱིབས་དང་། ལྟེ་བ་ཟླུམ་ལ་རྩིབས་སྟོང…

པར་ཡང་ལས་བྱེད་པ། ཤིན་ཏུ་ཕུན་སུམ་ཚོགས་ཀྱང་ཆོས་མིན་གྱི་ལས་སྤངས་པ། ཉོན་མོངས་པ་མེད་པ། གཞན་ལ་གནོད་པ་མེད་པ། སྐྱེ་བོ་ལ་མི་འཚེ་བ། ཆོས་ཀྱི་བྱ་བ་དང་ལྡན་ཅིང་མ་འོངས་པའི་བྱ་བ་ཤེས་པ་དང་ལྡན་པ། ཐམས་ཅད་ཡོངས་སུ་འབུལ་བ་སོགས་ཀྱི་ཁྱད་ཆོས་ཅན་ནོ། །ཤར་ལྷོར་གླང་པོ་རིན་པོ་ཆེ་ནི། ཡན་ལག་བདུན་པོ་ས་ལ་ལེགས་པར་གནས་ཤིང་། གངས་རིའི་ཕ…

དེ་ནས་ཀྱང་ཤར་ནས་བརྩམས་ཏེ་སྒེག་སོགས་བཞི་དང་། ཤར་ལྷོ་ནས་བརྩམས་ཏེ་མེ་ཏོག་མ་སོགས་བཞི་སྟེ། དེ་ཡང་ཤར་དུ་སྒེག་མོ་མ་ནི། མཛེས་སྡུག་གི་རྣམ་འགྱུར་ཕ་མཐའ་ཡས་པས་ཡིད་ཀྱི་ཆོམ་རྐུན་དུ་བྱེད་པ། ལྷོར་ཕྲེང་བ་མ་ནི་ནོར་བུ་རིན་པོ་ཆེ་སྣ་ཚོགས་པའི་དོ་ཤལ་འཛིན་པ། ནུབ་ཏུ་གླུ་མ་ནི། དབྱངས་ཀྱི་ཡན་ལག་བདུན་དང་ལྡན་པའི་གདངས་སྙན་པོ་རྣ་བ…

ཉི་མ་འཁོར་དང་བཅས་པ་གྲོང་ཁྱེར་གྱི་བཀོད་པ་ཕུན་སུམ་ཚོགས་པ་དང་བཅས་པ། ལྷོ་གླིང་གི་ནམ་མཁར་སྔར་ལྟར་ཟླ་བའི་དཀྱིལ་འཁོར་འོག་གཞི་ཆུ་ཤེལ་དང་མཐའ་ཆུ་ཤེལ་གྱི་ར་བས་བསྐོར་བའི་ནང་དུ་ལྷའི་བུ་ཟླ་བ་འཁོར་དང་བཅས་པའི་གྲོང་ཁྱེར། ནུབ་གླིང་གི་ནང་དུ་གདུགས་དཀར་པོ་གསེར་གྱི་ཡུ་བ་ཅན་ཐུར་མ་བརྒྱ་དང་ལྡན་པ་སོགས་ཆེན་པོ་ལ་འོས་པའི་ཡོ་བྱད…

མཐུན་པར་སྦྱར། པ་དང་། །དགེ་མཚན་འཇོ་སྒེག་བརྒྱ་ཕྲག་བསྒྲུབས་པའི་མོད། །སླར་ཡང་འདི་ན་མོས་ལྡན་བདག་ཅག་གི །སྤྱི་ཏོར་རྩེ་མོར་ཞབས་སེན་ཨུཏྤ་ལ། །མི་རིང་བཀོད་པའི་གསོལ་འདེབས་ལེགས་སྐྱེས་སུ། །དངོས་རྫས་མེ་ཏོག་ཕྲ་མོའི་མཆོད་སྤྲིན་སྟོབ། །ཞེས་སྐབས་སུ་བབས་པའི་བརྗོད་པ་ཉུང་ངུས་མདུན་བསུས་ཏེ། ཐོག་མར་བཀྲ་ཤིས་ལྷ་གོས་དཀར་པོ་དཀྱུ…