དོན་ཐམས་ཅད་དེ་དེ་བཞིན་འབད་མེད་དུ་འགྲུབ་པའི་གྲགས་སྙན་གྱི་སྣང་བ་དཀར་པོས་ཕྱོགས་ཀྱི་ཁོར་ཡུག་ཐམས་ཅད་རྒྱས་པར་འགེངས་པས་ཕན་བདེའི་སིམ་པ་བརྒྱ་ཕྲག་ཏུ་འབར་བ་དང་ཆབ་ཅིག །སླར་ཡང་མི་རིང་བར་བོད་ཆེན་སྐྱེ་འགྲོ་ཡོངས་ཀྱི་རྟེན་དང་། གླིང་དང་། སྐྱབས་དང་། དཔུང་གཉེན་གཅིག་པུར་རྒྱལ་ཐབས་ཀྱི་ཁྲི་འཕང་མཐོན་པོར་ཞབས་ཀྱི་པདྨོ་གེགས་མེ…

ཞེས་སྐབས་སུ་བབས་པའི་བརྗོད་པ་ཉུང་ངུས་མདུན་བདར་ཏེ། དེང་གི་ཆར་ཡང་། གྲངས་མེད་སྐྱེ་དགུའི་བསོད་ནམས་ཀྱི་ཕུང་པོས་མགྲོན་དུ་ཉེ་བར་ཁུགས་པའི་མི་རྗེ་སའི་ཚངས་པ་ཆེན་པོ་གང་ཉིད། །བསིལ་ལྡན་ནོར་འཛིན་གྱི་ལྟེ་བ་དབུས་གཙང་སྤྲུལ་པའི་ཞིང་ཁམས་སུ་ཆིབས་ཀྱི་ཁ་ལོ་བསྒྱུར་བ་ལ། ཡིད་སྲུབས་ཀྱི་བདག་པོས་བཏེག་པའི་ཉེ་ཞོ་ཕྲ་མོ་ཙམ་གྱིས་ཀྱང…

གཞན་དབང་གིས། །ལེགས་བྲིས་དགའ་ཚལ་སྟུག་པོར་ཡུད་ལ་ཤོར། །དེ་ཚེ་སྣ་ཚོགས་རྟོག་པའི་སྤྲིན་པ་ཡིས། །སེམས་ཀྱི་ཟླ་ཤེལ་གསར་པ་བསྒྲིབས་མཁས་ཕྱིར། །བཟོད་དཀའི་ཚེར་མ་རྩུབ་མོའི་ཉི་འོད་ཀྱིས། ཡིད་དབང་ཨུཏྤལ་དཀར་པོ་དམ་དུ་བཅིངས། །འོན་ཀྱང་འདུས་བྱས་ཆོས་ཀུན་སྐྱེ་འཇིག་གི །ཕྱག་རྒྱས་བཏབ་པའི་ངང་ཚུལ་ལ་སེམས་ནས། །གཅིག་ཏུ་རྣམ་པར་དཀར་བའ…

པའི་དགའ་སྟོན་གསལ་བའི་སླད། །རྐང་པས་འཐུངས་ལས་སྨིན་པའི་འབྲས་བཟང་སོགས། །རོ་བཅུད་ཕུན་སུམ་ཚོགས་པའི་ཟིལ་མངར་གྱིས། །ལེགས་བྲིས་བདུད་རྩིའི་དཔལ་ལ་ཕྲག་དོག་གང་། མི་འགྱུར་རྟགས་ཀྱི་རེ་ཁྭ་དགོད་བཞིན་ཕུལ། །ཞེས་པ་ཙམ་མམ་གཤམ་དུ་ཚིག་ལྷུག་སྦྱོར་བར་སྤྲོ་ན། ཅེས་ཚིགས་སུ་བཅད་པ་ཉུང་ངུས་མདུན་བསུས་ཏེ། དེང་གི་དུས་དགེ་བའི་ཆར་ཡང་། …

མའི་བུར་སྦྲང་བཞེས་སྤྲོའི་བྱེ་བྲག་སོགས་རྟགས་ཀྱི་རེ་ཁཱས་མཛེས་པར་བྱས་ཏེ་ཕུལ་བ་དགྱེས་པ་ཆེན་པོས་སྤྱན་རས་བཙའ་བར་གསོལ་བ་འདེབས་པ་དང་སླར་སྨྲས་པ། ཞེས་སོགས་དཀྱུས་ཀྱི་བརྟན་བཞུགས་ཤིས་སྨོན་ཇི་ལྟར་འོས་པ་སྦྱར་བར་བྱ་སྟེ། དེ་དག་རྣམས་ནི་གཙོ་བོར་རྒྱལ་ཁབས་ཆེན་པོའི་རིགས་ལ་འབུལ་བའི་དབང་དུ་བྱས་ཀྱི། གཞན་དུ་མི་དཔོན་ཕལ་པ་སོགས…

མཐའ་ཀླས་ཤེས་དང་ཤེས་བྱའི་སྣང་བ་ཡིས། །ས་གསུམ་དཀར་པོར་བྱས་པའི་གཏམ་འདི་ཀ །བྱེད་པོ་ཤར་གྱི་ཐིག་ལེ་ཡིན་སྙམ་ན། །སྐལ་བཟང་སློབ་མའི་ཡིད་ཀྱི་ཀུན་བཞད། །འདི་ན་སྐྱེས་དང་སྦྱངས་པའི་བློ་གྲོས་ཀྱིས། །རང་རྒྱུད་དགེ་བར་བྱས་པ་མེད་མོད་ཀྱི། །མཆོག་གསུམ་ཐུགས་རྗེའི་སྤྲིན་དཀར་གྱིས་གསོས་པས། །ལང་ཚོའི་མྱུ་གུ་མ་ཉམས་བདེ་བར་མཆིས། །སླད…

དཀྲི་བའི་ལམ་སྟེགས་ཐུན་མོང་ཁྱད་པར་གྱི། །ལེགས་བཤད་བདུད་རྩི་གསར་པའི་དགའ་སྟོན་མཁན། །འཚོ་གཞེས་ཆོ་ག་མ་རྙིང་དགེ་ལགས་སམ། །འདི་ན་གཟོད་ནས་རྨོངས་དང་མ་རིག་པའི། །དྲ་བས་དམ་དུ་བཅིངས་པའི་གྱི་ན་བ། །དཀོན་མཆོག་ཐུགས་རྗེའི་རྭ་བར་རྟེན་འཆའ་བས། །གནས་སྐབས་ཉེར་འཚེས་ཉེན་པར་མ་གྱུར་ཙམ། །སླད་དུ་རིགས་གཟུགས་ལང་ཚོའི་འབྱོར་པ་ཡིས། ཁྱ…

ཤ་ཚུགས་རྒྱས་པའི་ལག་ལྡན་ཀྱང་། །ཚུལ་མིན་འདམ་ལ་བྱིངས་བཞིན་དུ། །འཚོ་བའི་འདུ་བྱེད་མ་ཉམས་ཙམ། །སླད་མར་ཆུ་གཏེར་རྣམ་པ་བཞིའི། །འོག་པགས་འཆང་བའི་རྟེན་འདི་རུ། །དཔྱོད་ལྡན་དུ་མའི་གཉེན་གྱུར་ཕྱིར། །འཚོ་གཞེས་ཆོ་ག་བརྟན་པར་མཛོད། །ཞུ་མཆིད་དགེ་བའི་མལླི་ཀ །གཟིགས་རྟེན་འདབ་གཤོགས་ཟུང་བསྐྱོད་དེ། །སྙན་ཚིག་རྐང་པའི་གདུ་བུའི་སྒྲ།…

ས་ལ་འཆི་མེད་གྲོང་ཁྱེར་དང་མཚུངས་པའི། །དགའ་སྟོན་སར་པ་འཕོས་སྙམ་སྤྲོ་བས་སིམ། །འདི་ན་སྐྱབས་གནས་རིན་ཆེན་རྣམ་གསུམ་གྱི། །ཐུགས་རྗེའི་གདུགས་དཀར་གྲིབ་མར་ངལ་བསོས་པས། །ཉེར་འཚེའི་ཚ་གདུང་རིང་དུ་བྱས་པ་དང་། །ལྷན་ཅིག་དད་གསུམ་ལང་ཚོ་ཅིར་ཡང་འཕེལ། །སླད་ཆར་འདོད་འབྱུང་དལ་རྟེན་དཔག་བསམ་དབང་། །ཐབས་ཚུལ་རིམ་གྲོའི་ཆར་གྱིས་བྲན་པ་…

གྲངས་མེད་རི་མོའི་འདུ་འགོད་འཕོས་པ་ཡིས། དཔྱོད་ལྡན་མིག་དང་སྙིང་ལ་བདུད་རྩིའི་རོ། །སྦྱིན་མཁས་གང་ཁྱོད་བདེ་བར་འཚོ་ལགས་སམ། །འདི་ན་རྨོངས་དང་མ་རིག་བརྒྱ་ཕྲག་གི །ཁུར་གྱིས་ནོན་པའི་འདུ་ཤེས་གསུམ་པ་ཡང་། །མཆོག་གསུམ་ཐུགས་རྗེའི་དཔྱངས་ཐག་གིས་བཟུང་བས། །སྲིད་པ་ཕྱི་མར་ཉིང་མཚམས་མ་སྦྱར་ཙམ། །སླད་ནས་ཟབ་གསང་མདོ་རྒྱུད་རྒྱ་མཚོ་ལ…

ཕུལ། །འཕགས་བོད་ཡི་གེའི་རིག་བྱེད་མཐའ་དག་ལ། །མཉེན་ལྕུག་སོར་མོའི་འདུ་འགོད་མ་རྨོངས་པའི། ཁྱོད་ཀྱི་སྔོན་མེད་ངོ་མཚར་གསར་པའི་གཟུགས། །བལྟ་ཕྱིར་དབང་པོས་སྤྱན་སྟོང་སྤྲུལ་པ་བཞིན། །དེ་སླད་དོན་དང་བཅས་པའི་འཚོ་བ་ནི། །དུས་ལས་ཡོལ་མིན་གཏམ་གྱི་དགའ་སྟོན་གྱིས། །དབྱར་གྱི་རྔ་གསང་ཐོས་པའི་མདོངས་མཐའ་བཞིན། །བདག་ཀྱང་མི་ཕྱེད་དང་བ…

མོད་ནས་དགའ་བས་བྲེལ་བའི་བུ། །མགྲིན་སྔོན་མགྲིན་པ་བཏེགས་ནས་མཆིད་འདི་གསོལ། །དུག་གསུམ་བུད་ཤིང་འབར་བ་ལས་མཆེད་པའི། །མི་ཟད་ཟུག་རྔུའི་མེ་ལྕེ་གཡོ་བའི་དབལ། །གསོ་བྱེད་ཐབས་ཚུལ་དུ་མའི་ཆུ་གཏེར་གྱིས། །རྣམ་པར་སྨད་པའི་དྲིན་དེ་སུ་ཡིས་གཟོ། །དེ་ཕྱིར་གཞུང་མང་ཨུཏྤལ་ཆུན་པོ་ནི། །རྣ་བའི་རྒྱན་དུ་མཛེས་པ་མ་རྙིངས་བཞིན། །འཚོ་གཞེས…

མ་སེལ་དེའི་དྲུང་། །གང་གི་གཞན་ཕན་མེ་ཏོག་དགོད་པ་ལས། །ཉེ་བར་འོང་བའི་གཏམ་གྱི་སྦྲང་རྩི་ཡིས། །ཀུན་རྨོངས་རཡིག་གཉིས་པ་བདག་ཅག་ཀྱང་། །ཡི་རངས་ལང་ཚོ་རྒྱས་པས་མཆིད་འདི་གསོལ། །དམན་ལྷག་ལོག་པའི་ཞགས་པ་རིང་བཅད་པའི། །ངོ་མཚར་འཆི་གསོས་ལམ་མཆོག་གྲུབ་པའི་གཟིས། །རྣམ་འགྱུར་གདུང་བ་སེལ་བའི་དགའ་སྟོན་ཁྱོད། །འཚོ་གཞེས་བརྟན་པས་ཡིད་ལ…

པ་མཐོར་བཏེགས་ཏེ། །རྐང་པར་བཅད་ནས་ཞུ་བའི་མཆིད། །མི་ན་གནས་དང་རྣམ་འགྱུར་ཚོགས། །གསོ་བའི་ཐབས་ཚུལ་མ་རྨོངས་གང་། །ཡན་ལག་བརྒྱད་ཀྱི་འཇོ་སྒེག་བཅས། །འཚོ་གཞེས་ཆོ་ག་གསལ་ལགས་གྲང་། །གཟོད་ནས་རྣམ་པར་དཀར་བ་ཡི། །རྒྱུ་འབྲས་སྤངས་པའི་དམན་བདག་ཀྱང་། །འདུ་ཤེས་གསུམ་གྱི་དམ་འོག་ཏུ། །འདའ་བར་མ་ནུས་བཞིན་དུ་མཆིས། །སླད་མར་ཕན་བདེའི་གཏ…

དྭང་བས་ཞུ་བའི་མཆིད་འདི་ཕུལ། །སྣ་ཚོགས་བྱིངས་ཀྱི་གུར་གུམ་གཞོན་ནུའི་རྒྱུ། །སྣ་ཚོགས་རྐྱེན་གྱིས་ཉིན་བྱེད་ཀྱིས་ཕྱེ་ཚེ། །སྣ་ཚོགས་མིང་དང་ཚིག་གི་མཚར་སྡུག་ཅན། །སྣ་ཚོགས་བཞད་པའི་བྱེད་པོ་ཁྱོད་ལས་སུ། །དེ་སླད་དྲི་མེད་ལེགས་པར་སྦྱར་བའི་གཏམ། །རྐང་བཞིའི་ཚིགས་སུ་བཅད་པའི་གཞུང་ལུགས་ལ། །མི་བྱེད་འདྲེས་པའི་དགེ་མཚན་སར་པ་ཡིས།…

རྣམ་དཔྱོད་མཚར་སྡུག་རྫོགས་མིན་ཀྱང་། །ལྷག་བསམ་བརླན་གྱིས་སྨིན་པའི་ས་བོན་ལས། །རབ་དྭངས་ལོ་འདབ་གཡོ་བའི་མཆིད་འདི་འབུལ། །ལེགས་པར་སྦྱར་བའི་ཆུ་གཏེར་མཐའ་དག་ཀུན། །རྣམ་དཔྱོད་ཧུབ་གཅིག་གིས་བཏུངས་གྲགས་དཀར་གྱིས། །ཛཧཱུའི་སྙན་པ་འཕྲོགས་པའི་མཁས་དབང་གང་། །འཚོ་གཞེས་བརྟན་པས་ཀུན་དགའི་མྱོང་བ་བྱིན། །འདི་ན་བློ་མཆོག་ཀུནྡྲའི་འཇོ…

གྱུར་མཚོ་བྱུང་མ། །ལེགས་བྱས་མགྲིན་པར་ཆགས་པའི་དཔྱིད་དཔལ་ལས། །དབྱངས་ལྡན་རྫོགས་པའི་སྙན་ཚིག་བདུད་རྩིའི་སྤྲིན། །སྤྲོ་མཛད་སྔོན་མེད་ཟླ་བ་གསར་པའི་དྲུང་། །འདི་ན་རྟག་དང་གུས་སྦྱོར་བརྟུན་པ་ཡིས། །གཞུང་མང་འདྲེན་པའི་ངལ་བ་ལྷོད་གྱུར་ཀྱང་། །ལྷག་བསམ་མ་དྲོས་ཆུ་གཏེར་གཡོ་བའི་ལྕེ། །ཞུ་མཆིད་ཛམྦུ་ནཱ་དའི་ཕྲེང་བ་སྤྲོས། །བརྗོད་…

སྤྲིང་ཡིག་མགྲིན་པའི་གླིང་བུ་འཁྲོལ་དང་བཅས། །རྟེན་དངོས་འདབ་ཟུང་བསྐྱོད་བཞིན་རིངས་པར་དེངས། །ཞེས་པ་ལྟ་བུ་སྦྱར་རོ། །རྟོག་གེའི་ཚིག་དོན་ཆེན་པོ་བརྒྱད་ལ་རྣམ་པར་དཔྱོད་པའི་སྤོབས་པ་རྨད་དུ་བྱུང་བས་དོན་ལ་འཁྲུལ་པའི་ལོག་པར་རྟོག་པ་ཐམས་ཅད་འཇོམས་པའི་ཚད་མ་སྨྲ་བའི་དབང་ཕྱུག་ཞིག་ལ་འབུལ་ན། །ཕྱི་དང་ནང་གི་གྲུབ་མཐའ་རྒྱ་མཚོའི་འ…

ཉེར་འཚེའི་གེགས་ཀྱིས་གཙེས་པར་མ་གྱུར་ཙམ། །སླད་མར་སྔགས་རིག་གྲུབ་པའི་དྲང་སྲོང་གི །རུས་པའི་ཕུང་པོ་རྡོ་རྗེའི་ལང་ཚོ་ཅན། །དེ་དང་གཉིས་སུ་མེད་པར་གསང་བ་གསུམ། །མི་ཕྱེད་ཕྱག་རྒྱས་དམ་དུ་སྡོམས་ཤིག་ཀྱེ། །དེ་སྐད་ཚིག་དང་དོན་གྱི་རྒྱན་བཟང་པོ། །བྲལ་ཡང་ལྷག་བསམ་དག་པའི་འོ་མཚོ་ལས། །དལ་གྱིས་ཐོན་པའི་འཕྲིན་ཡིག་ངང་མོ་དཀར། །རྟེན་…

མང་མཛེས་མའི་མགྲིན་པར་བརྟན་ཆགས་པར། །གཅིག་ཏུ་སྤྲོ་ཞིང་གྱི་ནས་འཚོ་བདག་ཀྱང་། །ཉེར་འཚོའི་འདུ་བྱེད་གཡོ་བར་མ་གྱུར་ཙམ། །སླད་མར་རྣམ་འདྲེན་སྟོབས་བཅུའི་མངའ་བདག་གི །བསྟན་མཆོག་ཉི་ཟླ་གསར་བའི་རྣ་ཆ་ནི། །གངས་ལྡན་རི་བོའི་མཁའ་ལ་ཡོལ་མེད་ཕྱིར། །གསང་གསུམ་ཤིང་རྟའི་སྒྱུ་ཐབས་རྟག་བརྟན་གསོལ། །དེ་སྐད་ཞུ་མཆིད་གང་ཚུལ་དགེ་བའི་སྤྲ…