མའི་ལང་ཚོའི་སྟོབས། །རབ་འབར་གྲུབ་པའི་ཟློས་གར་རྒྱལ་གྱུར་ཅིག །གང་ཞིག་ཐོབ་ན་ཡོན་ཏན་གྱི། །དཔལ་དང་བདུད་རྩིའི་རླབས་གཡོ་བས། །གྲགས་པའི་ཆུ་གཏེར་འཕེལ་བགྱིད་པའི། །ཞབས་སེན་ཤར་གྱི་ཐིག་ལེའི་དྲུང་། ༡ །ཇི་ལྟར་ཟླ་བས་བརླན་པའི་ཀུ་མུད་དང་། །དཔྱིད་དཔལ་ཡོངས་སུ་དར་བའི་པདྨོ་བཞིན། །ཁྱོད་ཚུལ་བསྔག་ཕྱེད་དད་གདུང་ཉེ་བར་རྫོགས་པའི་…

གྱིས་འཛེགས། ༦ །རྣམ་གྱུར་གསོ་དང་གཅིག་ཤོས་རིང་གནས་པའི། །ཐབས་ཚུལ་ཡན་ལག་བརྒྱད་ལྡན་པདྨའི་ནགས། །འཆོལ་སྤྱོད་གདུང་བས་ཟུམ་ལ་ཉེར་ཕྱོགས་ཚེ། །གང་གི་མཁྱེན་རབ་དཔྱིད་ཀྱིས་སླར་ཡང་བཟུང་། ༧ །རང་བཞིན་ཁམས་ཀྱི་བདུད་རྩིའི་སྙིང་པོའི་སྤྲིན། །སྣ་ཚོགས་རྐྱེན་གྱི་སྦྱོར་བས་སྲུབ་མ་ཐག །མིང་དང་ཚིག་གི་རྣམ་འགྱུར་མཐའ་ཀླས་པའི། །གྲུ་ཆར…

མཛེས་མའི་སོར་རྩེས་བསྣུན་པ་ལས། །རྟེན་དང་བརྟེན་པར་བཅས་པའི་བསྤྲུལ། །འཛུམ་དཀར་གཡོ་བའི་ལང་ཚོ་གསར་པ་ཡིས། །ནང་གི་ལམ་ནས་གྲུབ་པའི་རྒྱལ་སར་གཤེགས། ༡༣ །མཐའ་དྲུག་ཚུལ་བཞིའི་རྒྱས་བཏབ་རྡོ་རྗེའི་ཚིག །ཇི་བཞིན་འགྲེལ་ལ་གསང་བ་འཛིན་པའི་བདག །ཟག་བྲལ་མཁྱེན་པའི་དཔྱིད་དང་སྙོམས་འཇུག་པས། །གྲངས་མེད་རྒྱུད་སྡེ་རྒྱ་མཚོ་འཆད་ལ་དབང་། …

པའི་རྣམ་དཔྱོད་ཅན་སྤངས་ན། །ལྷག་པ་ལྟ་ཡང་ག་ལ་ཞེས། །གཏམ་འདི་གཟུར་གནས་རྣ་བར་སྙན། ༡༩ །མདོར་ན་སྐྱེ་བའི་ཕ་རོལ་ཟད་ཀྱང་ཚུར་མཐོང་དག་པའི་སྒྱུ་འཕྲུལ་བཟུང་། །སྤྲོས་པ་དུ་མས་གཞར་ཡང་དབེན་མོད་སྣ་ཚོགས་བསམ་པའི་རྗེས་སུ་འཇུག །བློ་ལྡན་རྣམས་ལ་སྣང་བ་སྦྱིན་ཡང་ཡིད་སྲུབས་སྙིང་ལ་མུན་སྟེར་བའི། །བསམ་གྱིས་མི་ཁྱབ་མཁའ་འདྲའི་རྣམ་ཐར་བ…

གང་ཞབས་དཔྱིད་དཔལ་གྱིས། །བཟུང་བའི་ཀུན་རྨོངས་བྷུ་མ་རཿ ལང་ཚོའི་འདུ་བྱེད་མ་ཉམས་ཀྱང་། །སྙོམས་ལས་ཁོ་ནའི་གདུང་བས་མནར། ༢༥ །ཕྱི་ནང་རིག་པའི་མིང་ཙམ་ཡང་། །ལེགས་པར་རྟོགས་པ་མིན་མོད་ཀྱི། །གཞན་དབང་ལ་བརྟེན་ཉན་བཤད་ཀྱི། །གཟུགས་བརྙན་ཙམ་ཞིག་ཁུར་དུ་ཐོབ། ༢༦ །དེ་ལྟར་ན་ཡང་སྙིགས་མའི་མཐུས། །བཀབ་པའི་ངང་ཚུལ་ལ་སྐྱོ་ནས། །ཡིད་ནི་ཞ…

འཚོ་གཞེས་གསོལ། ༣༡ །གང་ཞིག་ཤར་རིའི་ཕྲག་པས་བསྟེན་བྱས་སྲིད་པའི་མིག་གཅིག་སྣང་བའི་མོད། །ཕུན་ཚོགས་དགའ་བའི་དགའ་ཚལ་སྟུག་པོ་རིང་ཡང་ཉེ་བས་བསྐྱང་བཞིན་དུ། །འཇམ་མགོན་ངུར་སྨྲིག་གར་དུ་ཟློས་པ་ཁྱོད་ཞབས་པདྨོ་བརླུང་བ་ཡིས། །བདག་ཀྱང་ཇི་སྲིད་བྱང་ཆུབ་བར་དུ་ཐུགས་རྗེའི་ཕྱག་རྒྱས་བསྡམས་ཤིག་ཀྱེ། ༣༢ །གཞན་ཡང་རྣམ་ཀུན་ལེགས་བཤད་ཀྱི…

༈ མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་པའི་ཞལ་སྔ་ལ་ཕུལ་བའི་ཞུ་ཡིག །བཅུ་སུས། ཤཱིཥསུཏརུཔརཱསིདྡྷཾ། ཚནྡོཛགཤིཤུསུཏེ། ཏྲིསསུརབནེཀཤྲཱིཛཡཏུནསམདྷརྨོདྷི། །མཁས་པས་བསྔགས་འོས་ཡོན་ཏན་མེ་ཏོག་གིས། །འཁྱུད་པའི་གྲུབ་པ་མཆོག་གི་ལྗོན་བཟང་ནི། །ལྷར་བཅས་འཇིག་རྟེན་གསུམ་གྱི་དཔྱིད་གཅིག་པུ། །མཚུངས་མེད་ཆོས་ཀྱི་བློ་གྲོས་༼འདིའི་ན…

རྒྱལ་གྱུར་ཅིག ༡ །འདི་ན་བསིལ་བའི་རེག་བྱ་མ་ཉམས་པ། །ཐང་ཆུ་དཀར་པོའི་འོད་ཀྱིས་རྒྱས་བཏབ་པའི། །སྨན་མཛད་ཐུགས་རྗེའི་ཟིལ་དངར་ཅུང་ཟད་ཙམ། །ཐོབ་པ་ཡིས་ཀྱང་གཞལ་དཀའི་གདུང་བ་འཕྲོག ༢ །འཛུམ་པའི་པདྨོ་དུད་པས་སཱ་ལའི་ཀླུང་། །མཛེས་སྟེར་འབྱུང་བའི་དུས་ཀྱི་ལྷན་སྐྱེས་ཏེ། །དམ་པའི་ངང་ཚུལ་རྟག་པར་འཆར་ལས་གཞན། །སྲིད་འདིར་སྣང་བ་སྦྱིན…

༈ མཆོག་སྤྲུལ་རིན་པོ་ཆེ་ཀརྨ་ངེས་དོན་དཔལ་བཟང་པོའི་སྤྱན་སྔར་ཕུལ་བའི་མཆིད་ལན། གུཎཀུསུམཔུཥརཛྫི། ཡཤསམྲྀཏསཀཱནྟིསཱཏ། ཙྪན ཤིཤུསུཏེ། ཨསམཔཊུསུསིདྡྷཤཱིཏྲིལོབྷུབནབསདཱཛཱིཡཱཏཱ། ཡོན་ཏན་མེ་ཏོག་རྒྱས་པའི་ཆུ་གཏེར་ནི། །གྲགས་པའི་བདུད་རྩིར་བཅས་པས་མཛེས་གྱུར་པ། །མཚུངས་མེད་མཁས་ཤིང་ཤིན་ཏུ་གྲུབ་པའི་དཔྱིད། །འཇིག་རྟེན་གསུམ་ན་རྟག…

སླད་ནས་ནང་གི་ཐུན་གསུམ་ཡེ་ཤེས་ཀྱི། །སྣང་བས་འགོགས་པའི་སྤྲིང་ཡིག་ཁུར་ལྕི་བ། །ལག་ན་རལ་གྲིའི་ངོ་བོར་བསྐལ་པ་བརྒྱར། །འཚོ་གཞེས་ཤིས་པའི་ཆོ་ག་བསྒྲུབ་བཞིན་དུ། ༦ །ལྷུན་པོའི་རྣ་རྒྱན་ཅན་གྱི་ཁོར་ཡུག་ན། །འཆད་རྩོད་རྩོམ་པའི་དབྱངས་བདུན་ཏམྦུ་ར། །མཁྱེན་དཔྱོད་སོར་མོས་བསྐུལ་བའི་ལེགས་བྱས་ཀྱིས། །རྨོངས་པའི་གདུང་བ་འཕྲོག་པའི་བ…

༈ མཁའ་སྤྱོད་དཔལ་གྱི་མཚོ་ཕུར་རྡོ་རྗེ་འཛིན་དབང་བསོད་ནམས་གྲགས་པའི་མདུན་ཕུལ་བའི་འཕྲིན་ལན། ཡསྭཱཧཱུཏབིམོཀམཁྱབེ བྷཱབཱནཾཀཡནཾསམཾཧཧེ སྡེབ་སྦྱོར་དག་པའི་སྣང་བའོ། །སཾདཱིཔསྱཧིཏཾསུཁཾཤུབྷྲཱུྃ ལཀྵཎཏྲིབིབིཛིཡཏྭཾ། གང་གི་རྣམ་ཐར་རྨད་བྱུང་ནོར་གྱི་བུས། །སྲིད་པའི་རྒུད་པ་མཐའ་དག་འཇིལ་བ་དང་། །ཕན་བདེའི་སྣང་བ་རྫོགས་པའི་དགེ་མཚན་…

གིས་འདི་སྐད་གསོལ། ༢ །གཟོད་ནས་ཞི་བ་དམ་པའི་མཆོག་བརྙེས་ཀྱང་། །བྱང་ཆུབ་སྤྱོད་པ་རྒྱ་མཚོའི་ངོ་མཚར་ཕུལ། །མཐའ་ཀླས་ཡིད་ཅན་རྗེས་སུ་སོང་གྱུར་པས། །རྒྱལ་བ་དགྱེས་པའི་ལམ་སྲོལ་གཅིག་sཏུ་བཟུང་། ༣ །རྡུལ་དང་ཤེས་བྱའི་ཡུལ་ལས་རིང་འདས་པ། །སྐྱེ་འགག་བྲལ་བའི་འཕོ་ཆེན་རྡོ་རྗེའི་སྐུ། །ཚུར་མཐོང་སྐལ་པར་འཚམས་པའི་སྒྱུ་འཕྲུལ་གྱིས། །ད…

དང་མ་རིག་པས། །དམ་ལ་བཞག་པའི་འདུ་ཤེས་གསུམ་པ་ཡང་། །རིན་ཆེན་གསུམ་གྱི་ཐུགས་རྗེའི་གྲིབ་བསིལ་དུ། །ཉེར་འཚོ་ཚ་གདུང་སྐབས་ཙམ་བྲལ་བཞིན་མཆིས། ༩ །བཱི་ཤྲཱི་ཤྲཱི་བི་ཛ་ཡནྟུ། སླར་ཡང་སྲིད་དང་ཞི་བའི་ལེགས་བྱས་ཀྱི། །རིན་ཆེན་རྡུལ་མང་བརྩེགས་པའི་བ་གམ་རྩེར། །ཞབས་པད་རྡོ་རྗེའི་ཆོས་བདུན་ངོ་བོ་རུ། །འཚོ་གཞེས་བསྐལ་པ་རྒྱ་མཚོར་འབར་ག…

ཡི། །བདུད་རྩིའི་ཆུ་རྒྱུན་འགོགས་པ་མེད་སྤྲོ་བས། །ཕན་བདེའི་ཨུཏྤལ་རྒྱས་པའི་དགེ་མཚན་ནི། །བྱང་ཆུབ་སྙིང་པོར་སྨིན་པའི་བཀྲ་ཤིས་སྩོལ། ༡༥ །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

༈ རིག་པར་སྨྲ་བའི་བཤེས་གཉེན་ཆེན་པོ་མ་ཏི་ཤྭ་རའི་མཆིད་ལན། །དིཤཱིཀཎྜིཀརཏྣ༔ སམེཥཱཧསྱསཱརྦཀེ ཙྪརྗོབཱཏྟཾཧིཏེ། སུཀྲིཏོམཎིནཱལོཀེ ཤོབྷཱདཱཏེབིཛཱིཡཏུ། ཕྱོགས་ཀྱི་རྣ་རྒྱན་རིན་ཆེན་དང་། །མཚུངས་པར་བཀོད་པའི་དོན་མཐུན་གྱིས། །ལེགས་བྱས་ནོར་བུས་འཇིག་རྟེན་ན། །མཛེས་པ་སྦྱིན་ཁྱོད་རྒྱལ་གྱུར་ཅིག ༡ །ཙཱུ་ཏའི་བསུང་ཞིམ་ཡང་དག་རྒྱས་པའ…

མཁས་དང་འཕགས་པའི་ཟུར་མིག་མི་ཕྱེད་ལྷུང་། ༥ །རིང་ནས་དག་པའི་ཡིད་ཀྱི་རྡོ་བ་ལ། །སྙིང་སྟོབས་གཟོང་གིས་བརྐོས་པའི་བྱང་ཆུབ་ཀྱི། །སྤྱོད་མཆོག་གཟུགས་སུ་འཆར་དེ་གཞན་རྐྱེན་གྱིས། །མི་འཕྲོག་ཆོས་ཀྱི་མདུན་སར་ལྷག་པར་དགྱེས། ༦ །གྲགས་པ་ནོར་བུའི་རྔ་ཡབ་ལྷར་བཅས་ཀྱིས། །གཟུང་བས་སྤྲིན་དཀར་དུམ་བུར་འཁྲུལ་བསྐྱེད་པ། །ཕྱོགས་ཀྱིས་མ་བསླ…

ན་མཛེས། ༡༡ །ཁྱད་པར་ཐུབ་པས་བསྟེན་པའི་ནགས་ཀླུང་དུ། །བསམ་གཏན་ཟིལ་དངར་བཞིན་དུ་འཐུང་བཟོད་པས། །སྲས་བཅས་རྣམ་འདྲེན་དགྱེས་པའི་དགེ་མཚན་དང་། །ཐར་མཆོག་སྲོག་གི་མདུད་པ་མི་ཕྱེད་གྱུར། ༡༢ །དེ་སླད་སེམས་ཅན་བསྒྲལ་ཕྱིར་ཚུགས་པ་ཡི། །དགེ་བའི་ཟམ་སྟེགས་ཆེན་པོ་འདིའོ་ཞེས། །ཡུན་རིང་མྱ་ངམ་ཐང་དུ་དུབ་པའི་འགྲོ། །མཐའ་དག་དགའ་བའི་འཛུམ…

པའི་སྤྱན། །སྒྲིབ་མེད་འཇམ་མགོན་བླ་མའི་བཀའ་དྲིན་གྱིས། །བཟུང་བས་བསམ་གཏན་ཁང་བུར་ངལ་འཚོ་བའི། །དགེ་སྦྱོང་གཞོན་ནུའི་གཟུགས་བརྙན་འཆང་བ་ཡང་། ༡༨ །བསླབ་དང་གྲོལ་དང་སྨྲ་བའི་དགེ་མཚན་གྱིས། །ཁྱད་པར་བྱས་པ་ཅུང་ཟད་མ་མཆིས་བཞིན། །འདུ་གསུམ་ཁོ་ནའི་མལ་དུ་བདེ་གནས་པའང་། །ཆོས་བརྒྱད་དབང་པོའི་གཞུ་ཡི་རྗེས་སུ་སོན། ༡༩ །ཇི་ལྟར་འཆད་ད…

༢༤ །ཨེ་མ་འཕགས་དང་མཁས་རྣམས་ཀྱི། །ཟུར་མིག་ཕྱོགས་དེར་མི་ཕྱེད་པ། །སྨྲ་དབང་ནོར་བུའི་རྫིང་བུ་ནི། །སླར་ཡང་དྲན་པས་བསྔགས་པར་འོས། ༢༥ །སརྦ་དཱ་ཀྲེ་ཡོ་བྷ་བ་ཏུ།། །།

༈ མ་ཧཱ་པཎྜི་ཏ་ཀརྨ་ངག་དབང་ཡོན་ཏན་རྒྱ་མཚོའི་སྤྱན་སྔར་ཕུལ་བའི་ཞུ་ཡིག །ཤྲཱི་བཱི་ཤྲཱི་བི་ཛ་ཡནྟུ། །ངག་གི་དབང་ཕྱུག་སྲིད་ལ་རྗེས་ཆགས་པའི། །ཡོན་ཏན་བློ་དང་ལྷན་ཅིག་མི་གནས་པས། །རྒྱ་མཚོའི་ཐ་གྲུར་ཁྱབ་པའི་གྲགས་དཀར་གྱིས། །འཇིག་རྟེན་གསུམ་ན་ཀུན་ནས་མཛེས་པ་དེར། ༡ །ཉམས་བརྒྱད་བདུད་རྩིས་དག་པའི་རྦ་རླབས་ཅན། །རྣམ་དཔྱོད་འབིགས་…