བྱང་ཆུབ་སྙིང་པོའི་རྒྱ་མཚོར་འཇུག་པར་བགྱི། ༡༤ །དགེ་ལེགས་དཔལ་གྱི་དུམ་བུས་འཇིག་རྟེན་གྱི། །རྨོངས་པའི་རབ་རིབ་མཐའ་དག་འཕྲོག་བྱས་ཏེ། །མཁྱེན་གཉིས་ལང་ཚོ་རྒྱས་པས་ས་གསུམ་ན། །བཀྲ་ཤིས་སྣང་བས་རྟག་ཏུ་མཛེས་གྱུར་ཅིག ༡༥ །སླར་ཡང་འཇིག་རྟེན་དགེ་བའི་ཕུལ། །དཀར་པོའི་ཕྱོགས་ཀྱི་ཟླ་ཤེལ་བཞིན། །གང་ཞབས་བསྐལ་བརྒྱར་འཚོ་གཞེས་སླད། །ཤི…

ཤོག ༤ །གང་ཞིག་མཚོན་གྱི་ཡི་གེས་རེག་པས་འདི་གཏན་ཕོངས་པ་སེལ་བ་ལ། དཔག་བསམ་རྐང་པས་འཐུང་བས་མཚོན་མིན་མཆོག་གསུམ་འདུས་ཞལ་བླ་མ་ཡི། །ཕུན་ཚོགས་བཀྲ་ཤིས་སྣང་བ་གསར་པས་རྒྱུ་དང་མི་རྒྱུའི་དངོས་པོ་ཀུན། །རྫོགས་ལྡན་གཞོན་ནུའི་དཔལ་གྱིས་འབྱོར་པའི་དགེ་མཚན་དུས་སྟོན་འབར་གྱུར་ཅིག །ཅེས་པའང་གསང་བདག་གྲུབ་པའི་དཔྱིད་རྨོག་སྟོན་རྡོ་རྗ…

༈ ས་སྐྱོང་ཆོས་རྒྱལ་ཆེན་པོ་སེ་ནཱ་ཤུ་བྷར་ལེགས་འབུལ་གྱི་ཡི་གེ་པུཎཱརཱི་ཀའི་དོ་ཤལ་ཅེས་བྱ་བ། ཀལྱཱཎཾནཱམཾསུངལནམྲྀཏཾཀཎྞཀིཤཱིཥབཱནེ ཀལྱཱཎཾཧིཏུཾསུཁབྲྀཡབནཾཔུཎཾབུཎཱརཱིཀཔྲབནྟཾ། མེ་ཏོག་གཡོ་བའི་འཁྲི་ཤིང་ཞེས་བྱ་བའི་ཕྲ་སྣ་རའོ། །ཀལྱཱཎཾཤཱཏྟིབྷབཡཤསིབྷཱàསུདཱནཊིརཏྟཱི ཀལཱཎཾ ཤེཡོབཔབརཡོཐཔུཏྠཾབྲྀཐཔྲཡཙྪ། བཀྲ་ཤིས་མཚན་གྱི་བདུད་རྩ…

ནོམྲྀཏྟཱནཱཐེནྡྲཀརུཙྪཛཱིཔཾ ནོམྲྀཏུཙཛཱནསཏགྲདེཉི། །འཆི་མེད་གྲུབ་པའི་ཆུ་གཏེར་གཡོ་བ་ལས་བྱུང་བའི། །འཆི་མེད་རྟག་པའི་བདུད་རྩི་སར་པས་མཛེས་བྱས་པ། །འཆི་མེད་མགོན་པོའི་ཐུགས་རྗེའི་ཤར་གྱི་ཐིག་ལེ་ཡིས། །འཆི་མེད་ཚེ་དང་ཡེ་ཤེས་དམ་པའི་མཆོག་སྩོལ་ཅིག ༢ །ལཀྵིམཙཏུ ཙསུབྷཱུཏིསེནཱལཀིདཤིཤོབྷནདཱིཔཱཤུཀྐི༔ ལཀྵིཏཱིདྷམཱུབྲིཡབཱརཱདཱནཾ…

གྱུར། ༥ །དེ་ཚེ་རང་སྡེ་བྱམས་པས་སྐྱོང་ཡང་མི་སྲུན་སྙིང་ལ་གདུང་བ་སྟེར། །ལྷར་བཅས་ཀུན་དགའི་དཔལ་དུ་གྱུར་ཀྱང་ཡིད་སྲུབས་སྡེར་བཅས་བརྟན་པ་འཕྲོག །གྲགས་དང་ཤེས་རབ་འབྱོར་པ་འཕེལ་ཡང་ཚུལ་མིན་རྒུད་པ་རིང་བཅད་པའི། །རྣམ་ཐར་ཡི་གེ་ལི་ཁྲིའི་ཚོན་རིས་ཕྱོགས་ཀྱི་བུ་མོའི་མཁུར་ཚོས་བྱིན། ༦ །ཨེ་མ་ཤར་རིའི་ཕྲག་པས་བསྟེན་བྱས་ཉིན་མོར་བྱ…

པུཎྜ་རཱི་ཀའི་འཁྲི་ཤིང་ཆེས་ཆེར་དར་བར་བྱས་པ་བཞིན། ༩ །བསོད་ནམས་བྱེ་བའི་གདེངས་ཅན་གྱིས་བཟུང་ཡོན་ཏན་ནོར་བུའི་སྤྲིན་ཆེན་ལས། །འདོད་དགུའི་གྲུ་ཆར་ལྷུག་པར་འབེབས་པས་བསྟན་དང་འགྲོ་ལ་ཕན་བདེའི་དཔལ། །ཅི་དགར་སྦྱིན་པའི་ངལ་འཚོ་སྟེར་སླད་རྒྱལ་སྲས་བྱང་ཆུབ་སེམས་དཔའ་ཞེས། །གྲགས་པའི་བ་དན་རྣམ་པར་དཀར་བས་འཛམ་གླིང་ཐ་གྲུར་ཡོངས་སུ་…

དགེ་ལེགས་བྱེ་བ་ཡིས། །ཆོས་སྲིད་རྒྱལ་ཐབས་མཆོག་ལ་དབང་བསྐུར་བ། །ས་སྤྱོད་བཞེད་པའི་དོན་ཀུན་བདེ་བླག་ཏུ། །འགྲུབ་སླད་བདེན་ཚིག་མེ་ཏོག་འདི་སྐད་འཐོར། །བཱི་ཤྲཱི་ཤྲཱི་བི་ཛ་ཡནྟུ། གང་ཞིག་སྐྱབས་སུ་སོང་བ་ཙམ་ནས་ཐུགས་རྗེའི་གདུགས་དཀར་སྣུམ་པོའི་གྲིབ། །རྨད་བྱུང་དོན་གཉིས་ངལ་འཚོ་སྦྱིན་མཁས་བསླུ་བ་སྤངས་པའི་སྐྱབས་རྣམས་ཀུན། །དེ…

བཀོད་པས། །ཤིན་ཏུ་ཞི་བ་ཆོས་སྐུའི་དབྱིངས་ལས་ཁ་སྦྱོར་ཡན་ལག་བདུན་གྱི་གར། །ཡི་དམ་ལྷ་ཚོགས་ཕྲིན་ལས་འཇུག་པ་ལེགས་བྲིས་ཟིལ་དངར་བཏུང་བ་ཡིས། །གྲུབ་གཉིས་བནྡྷ་ཛཱི་བའི་འཁྲི་ཤིང་ཀུན་ནས་ཀུན་ཏུ་རྒྱས་གྱུར་ཅིག ༤ །རྗེས་ཆགས་དབང་གི་མཆིལ་པ་རྣོན་པོས་ལན་གཅིག་ཙམ་ཞིག་རེག་པས་ཀྱང་། །ལྷར་བཅས་དྲེགས་ལྡན་ཡོངས་ཀྱི་ཐོར་ཚུགས་འཛིན་མའི་ཕ…

ཡངས་པའི་རྒྱལ་ཁམས་འདི་ཉིད་ཀྱིས་མཚོན་གངས་རིའི་ཕྲེང་བས་བསྐོར་བའི་ལྗོངས། །སྐྱེ་རྒུ་ཀུན་ཀྱང་བརྒྱད་གཉིས་འཇིགས་བྲལ་དགེ་བཅུའི་ལས་ལ་རྟག་སྤྱོད་མཐུས། །ཆར་ཆུ་དུས་བབས་འབྲུ་ནོར་དཔལ་འཕེལ་མཐོ་རིས་ཡོན་ཏན་བདུན་ལྡན་པའི། །ཆབ་སྲིད་རྫོགས་ལྡན་གཞོན་ནུའི་དགའ་སྟོན་ནུབ་མེད་སྲིད་མཐར་རྒྱས་གྱུར་ཅིག ༨ །མདོར་ན་ཡིད་མཁར་ཤར་བའི་མོད་ན…

པོས་ཞུ་གསོལ་འདེབས། །གང་ཚེ་བསོད་ནམས་ཡེ་ཤེས་མཐར་ཕྱིན་པའི། །རྣམ་འཕྲུལ་ཞི་བ་མཆོག་གི་གཟུགས་ཀྱི་ཟླ། །གདུལ་བྱའི་ཁམས་དང་མཐུན་པར་འཆར་བའི་སྐུ། །ལྷ་དབང་གཙུག་གི་ནོར་བུ་ལྟར་དྭངས་ཤིང་། །རླབས་ཆེན་ཕན་དང་བདེ་བའི་ཕྲིན་ལས་འོད། །ཕྱོགས་དུས་ཀུན་ནས་རྒྱས་པར་འགེངས་བཞིན་ཏུ། །བོད་ཆེན་བསྟན་འགྲོའི་ཉེར་འཚོར་ཞབས་བཀོད་པའི། །ངོ་མཚར…

གཉིས་རྐང་གདུབ་འགྲོས་བཞིན་དུ། །ཁྱོད་ཞབས་པད་རྫིང་རྗེས་དྲན་བློས། །དབོ་ཟླའི་༢གྲལ་ཚེས་༡༨དགེ་བར་སོང་།། ༈ །།ཡེ་ཤེས་གཟིགས་པ་རབ་འབྱམས་ཀྱི། །དངོས་ཀུན་དེ་ཉིད་ཐུགས་ཆུད་ནས། །ཆོས་ཀྱི་རྒྱལ་མཚན་སྒྲེང་མཛད་པའི། །རྣམ་འདྲེན་མཆོག་གི་ཞབས་པདྨོར། །རྫིང་ན་གནས་པའི་ཀུ་མུ་དཱ། །ཟླ་ཟེར་བདུད་རྩིས་ཕྱེ་བ་བཞིན། །གང་ཚུལ་བསྔགས་འོས་རྣམ…

འདི་ན་སྐྱབས་རྣམས་ཐུགས་རྗེའི་སྤྲིན། །གུས་པའི་ཡིད་མཁར་དཀྲིགས་པ་ལས། །ཉེར་འཚེའི་གདུང་བས་མ་སྨད་བཞིན། །འདུ་ཤེས་གསུམ་གྱི་མལ་དུ་བདེ། །མཚམས་ཞུས། སླད་མའི་ཆར་ཡང་འཇིག་རྟེན་ན། །ཕན་བདེའི་དངོས་ཀུན་སྩོལ་བའི་ཕུལ། །གསང་གསུམ་བསྐལ་བརྒྱར་འཚོ་གཞེས་ཤིང་། །བདག་ཀྱང་རྣམ་ཀུན་རྗེས་བཟུང་གསོལ། །ཞེས་པའི་ཞུ་མཚོན་ལྷའི་རེག་བྱ། ཚེ་རྫ…

༈ ཀཿཐོག་སི་ཏུ་རིན་པོ་ཆེའི་མདུན། ཨོཾ་སྭསྟི་སིདྡྷཾ། རྟག་བརྟན་ཡོངས་གྲུབ་འགྱུར་མེད་ཚེ་མཐའ་ཡས། །བསྟན་པ་རྒྱ་མཚོའི་མགོན་དུ་ལེགས་བཞེངས་པ། །ཕྱོགས་ལས་རྣམ་པར་རྒྱལ་བའི་རྡོ་རྗེའི་སྐུ། །ངེས་པ་ལྔ་ལྡན་ཆེན་པོར་འཚོ་གཞེས་གསོལ། །ཨོ་རྒྱན་བླ་མའི་ཟབ་རྒྱས་བཀའ་བརྒྱུད་ཀྱི། །བསྟན་འཛིན་བྱེ་བའི་གཙུག་གི་ནོར་བུ་མཆོག །འཆད་རྩོད་རྩོ…

སྙིགས་དུས་རྒུད་པ་མཐའ་དག་འཇིལ་གྱུར་ཅིག །མདོར་ན་མཁས་པའི་ཚོགས་ཀྱིས་ཕྱག་བྱས་ཤིང་། །གྲུབ་རིགས་ཡོངས་ཀྱི་དཔལ་དུ་མངོན་མཐོ་བ། །བསྐལ་བརྒྱར་འཚོ་གཞེས་ཆོས་འཁོར་བསྐོར་བ་ཡི། །བཀྲ་ཤིས་སྣང་བས་ས་གསུམ་ཁྱབ་པར་ཤོག །ཅེས་གསོལ་བ་འདེབས་རྟེན་བཀྲ་ཤིས་པའི་ལྷ་རེག །འཆི་མེད་ཚེ་ལྷ་རྣམ་གསུམ་གྱི་བྲིས་སྐུ་སྒྲོས་ལེགས། དཔལ་ཀརྨ་ཀ་བཅུ་གས…

ཤིས་པའི་པདྨོ་ལྷག་པར་རྒྱས་མཛོད་ཀྱེ། །ཞེས་ལྷག་བསམ་དག་པས་རྩེ་གཅིག་གསོལ་བ་འདེབས་མཚོན་བཀྲ་ཤིས་པའི་ལྷ་གོས་རབ་དཀར། སྐུ་གསུང་ཐུགས་རྡོ་རྗེའི་སྣང་བརྙན། རིན་པོ་ཆེའི་བུམ་བཟང་བཅུད་ཀྱིས་གང་བ། མདུན་ལྕོག །དམ་ཚིག་གི་ཕྲེང་བ་རྒྱན་ལྡན་བཅས་གུས་པས་ཕུལ་བ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཤེ་ཡོ་བྷ་བ་ཏུ…

སྲས་དང་བཅས་པས་བྱིན་གྱིས་བརླབ་ཏུ་གསོལ། ༈ །ཨོཾ་སྭསྟི་སིདྡྷཾ། ཐུབ་དབང་མི་ཡི་སེང་གེ་སྲས་བཅས་ཀྱིས། །ཡེ་ཤེས་གཟིགས་པའི་བྱིན་རླབས་མཚན་དཔེའི་ཕུལ། །གང་གིས་མཐོང་བས་ཐར་བདེའི་དོན་ལྡན་པའི། །ཕྲིན་ལས་འཇིག་རྟེན་གསུམ་ན་སྣང་གྱུར་ཅིག །ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། …

གཏན་སཱ་ལའི་ལྗོན་པ་ནི། །སེང་གེ་རྒྱབ་བསྣོལ་བྲག་ཕུག་ཏུ། །འཁྲུངས་པས་རབ་ཞིའི་འབྲས་བཟང་མངར། །མ་འོངས་གདུལ་དཀའི་ཞིང་འདི་རུ། །རྣམ་འདྲེན་དོན་ལ་འགྱུར་མེད་མཆོག །ལྷ་དང་མི་ཡི་མགོན་གཅིག་པུར། །ལུང་བསྟན་ནོར་བུའི་ཅོད་པན་འབར། །ཨེ་མ་དེ་ལྟའི་ངོ་མཚར་ཅན། །ཟག་མེད་ཞི་བ་འོད་ཀྱི་ལུས། །འདི་ན་ངུར་སྨྲིག་འཛིན་པའི་ཟོལ། །ཁྱོད་ལས་གཞ…

བསྟན་མཛེས་པའི་རྒྱན་གཅིག་པུར། །བསྐལ་པ་རྒྱ་མཚོར་ཛཱི་བནྟུའི། །ཤིས་བརྗོད་རོལ་མོ་རྟག་ཏུ་འཁྲོལ། །ཅེས་པའི་ཞུ་མཚོན་ཨུན་ཆེན་མདངས་ལྡན་ལྷ་ཡི་རེག་བྱ་བཅས་རྒྱལ་བའི་མྱུ་གུ་ཞི་བའི་བློ་གྲོས་ཀྱིས་སྨྲས་ཤིང་བྲིས་ཏེ་ཕུལ་བ་ཤུབྷྲཱུྃ།། ༈ །།ཨོཾ་སྭསྟི་སིདྡྷཾ། གང་གི་མཚན་གྱི་རྒྱལ་རྔ་བརྡུང་ཙམ་གྱིས། །སྲིད་དང་ཞི་བའི་རྒུད་པ་དྲུངས་…

ཤོག །ཕས་རྒོལ་མི་སྲུན་རི་བོའི་རྒྱུན་ལུགས་ཀུན། །གཅོད་བྱེད་བརྒྱ་བྱིན་རྡོ་རྗེའི་ཤུགས་འཆང་བ། །གསང་བ་འཛིན་པའི་ནུས་པ་མ་སྨད་པས། །ཡིད་སྲུབས་དཔུང་བཅས་ཁེངས་པ་འཇོམས་གྱུར་ཅིག ། ཕྱོགས་དང་དུས་དང་གནས་སྐབས་ཐམས་ཅད་དུ། །མཚུངས་ཟླ་བྲལ་བ་རིག་འཛིན་རྒྱལ་པོའི་སྲས། །མེས་དབོན་གསུམ་གྱི་རྣམ་ཐར་དང་མཚུངས་པའི། །སྐལ་པ་བཟང་པོའི་དུས་…

གང་ཐུགས་རྣམ་པ་ཀུན་ཏུ་མི་ཕྱེད་པ། །མཁྱེན་གཉིས་ཡོན་ཏན་ཕྲིན་ལས་མཐའ་ཡས་པའི། །སྐལ་བཟང་མངོན་སུམ་སྩོལ་ཅིག་རྣམ་པར་རྒྱལ། །ཞེས་བདེན་ཚིག་ཏུ་གསོལ་བའི་རྟེན་འབྱུང་བཀྲ་ཤིས་པའི་ལྷ་རེག །ཡུན་རིང་དུ་བསྒྲུབས་པའི་རིག་པའི་འཁོར་ལོ། ཚེ་རྫས་ཟུང་བཅས་མཉྫགྷོ་ཥས་ཕུལ་བ་དོན་དང་ལྡན་པར་གྱུར་ཅིག། ༈ །ཨོཾ་སྭསྟི་བིཛ་ཡནྟ། དགེ་ལེགས་དཔྱིད་…