གླང་ཆེན་འགྱིང་རི། འཇང་ཡུལ་རི་བོ་བྱ་རྐང་སོགས་གནས་ཆེན་མང་པོའི་སྨན་དང་། ས་སྣ། ཆུ་སྣ། ཀུན་མཁྱེན་སི་ཏུ་རིན་པོ་ཆེ་ནས་སྦྱར་བའི་རིན་ཆེན་རིལ་ནག་ཆེན་མོ་རྡོག་གསུམ། ཕྱིས་སུ་སྦྱར་བའི་རིལ་ནག་རྡོག་ལྔ། སི་ཏུ་རིན་པོ་ཆེ་ནས་སྦྱར་བའི་རིན་ཆེན་མང་སྦྱོར་ཆེན་མོ་རྡོག་གསུམ། ཡང་ཟབ་རིན་ཆེན་རིལ་བུ་རྡོག་གཅིག །སྤྲུལ་སྐུ་ཀརྨ་རཏྟས་…

ཙམ་གྱི་བུམ་ཆུ། རྡུལ་ཚོན། བཟླས་ལུང་གི་མེ་ཏོག་སོགས་ཀྱང་འདྲེས་པར་བྱས་ནས། རབ་བྱུང་བཅུ་བཞི་པའི་མཛེས་བྱེད་ཅེས་པ་ཆུ་ཡོས་ལོའི་ས་ག་ཟླ་བའི་ནང་དུ་གྲུབ་པར་བགྱིས་པ་ལས་སླར་ཡང་ཟིལ་གནོན་ཅེས་པ་མེ་ཕོ་རྟ་ཡི་ལོའི་སྔོན་ཟླ་བའི་དཀར་ཕྱོགས་ཀྱི་ཚེས་བཅུར་རྟེན་ཁྱད་པར་ཅན་འགའ་ཞིག་གསར་བསྣན་དང་བཅས་ཏེ་བླ་མ་གསང་བ་འདུས་པའི་དཀྱིལ་འཁོར…

སྲོག་སྒྲུབས་ཀྱི་ཚེ་རིལ་གཏེར་བྱོན་རྟ་སྤེལ་བསམ་ཡས་གཡའ་མ་ལུང་། འཆི་མེད་ཚེ་ཆུ་ཕུག །ཅོག་རོའི་ཚེ་ཆུ་འབུམ་པ། ལྷོ་བྲག་ཚེ་ལམ་དཔལ་རི། སྦས་ཡུལ་པདྨོ་བཀོད་སོགས་སྦས་གནས་མང་པོའི་ཚེ་ཆུ་རིལ་བུ། གསར་རྙིང་རིས་མེད་ཀྱི་ཚེ་ལྷ་མང་པོའི་སྒོ་ནས་སྒྲུབས་པའི་ཚེ་རིལ། ཚེ་ལྷ་རྣམ་གསུམ་གྱི་དཀྱིལ་འཁོར་དུ་ཡུན་རིང་སྒྲུབས་པའི་བུམ་ཆུ་རྣམ…

ཁོ་ཁོམ་སྒྲོལ་མ། འཕགས་པ་དབུ་གང་སོགས་ཀྱི་ས་སྣ་ཆུ་སྣ། སྟོན་པའི་སྐུ་ཆོས་འགེལ་བའི་ལྗོན་ཤིང་གི་ཤུན་པ། སྐྱིད་གྲོང་འཕགས་པ་ཝ་ཏི། པུ་རོང་ཁ་ཆར་ཇོ་བོ་སོགས་ཀྱི་ས་སྣ། བལ་ཡུལ་མཆོད་རྟེན་རྣམ་གསུམ་གྱི་སྐུ་དཀར། གངས་རིའི་གངས་ཏིག །སྲེ་ཏ་པུ་རིའི་ཅུ་གང་། གངས་རིའི་གནས་ས། གངས་རིའི་ལྷ་བཙག །ཁྲེ་ཏ་པུ་རིའི་སློབ་དཔོན་རིན་པོ་ཆེའི…

བྲག །ནེ་རིང་སེངྒེ་རྫོངས་སོགས་དབུས་དང་ལྷོ་མོན་ཕྱོགས་ཀྱི་སློབ་དཔོན་རིན་པོ་ཆེའི་སྒྲུབས་གནས་ཕལ་ཆེར་གྱི་ས་རྡོ་ཆུ་ཤིང་། འབྲས་ལྗོངས་བྲག་དཀར་བཀྲ་ཤིས་སྡིངས་སོགས་ཀྱི་ས་སྣ་ཆུ་སྣ། སྙེ་ཐང་། ་གསང་ཕུ། རྭ་བསྒྲེངས། ཐང་པོ་ཆེ། རྡོར་སྨིན་དཔལ་རི། མཚུར་ཕུ། གནས་ནང་། སྣ་ཕུ། གདན་ས་ཐེལ། ཟངས་རི་མཁར་དམར། དྭགས་ལ་སྒམས་པོ། འབྲུག་…

དབྱངས་རལ་གྲི་སོགས་དང་། གཞན་དགའ་ལྡན་མཁན་པ་དང་། རྭ་བསྒྲེངས་ཤུག་པ་སོགས་གྲུབ་གནས་མང་པོའི་བསང་ཤུག །གཡའ་མ་ལུང་དང་། ཚེ་ལམ་དཔལ་རི། བྲག་མཱ་ར་ཏི་ཀ་སོགས་གནས་། ཆེན་མང་པོའི་ཚེ་ཆུ། རྒྱ་བལ་བོད་ཡུལ་གྱི་དུག་རིགས་མ་འདྲེས་པའི་སྨན་སྣ་ཚོགས། རིན་ཆེན་སྣ་ཚོགས། འབྲུ་སྣ་ཚོགས། བུམ་རྫས་ཉེར་ལྔ། ཀླུ་སྨན། དཀྱིལ་འཁོར་མང་པོའི་རྡུལ་…

ནང་རས། མཁས་གྲུབ་རྗེའི་བཞུགས་གདིང་།། ༈ །།ཕ་དམ་པའི་སྐུ་རགས། མི་ལའི་སྤུར་རས། རྭ་ལོའི་ཕྱག་མཚན་མགུལ་དར། སྟག་ལོའི་དབུ་པཎ། ཞྭ་དམར་སྤྱན་སྔའི་ཞབས་ཆག། །རྗེ་རིན་པོ་ཆེའི་ཆོས་གོས་སྣམ་སྦྱར།། ༈ །།འབྲོམ་སྟོན་ཞབས་ཆག །རམ་ལྡིང་མ་བའི་ཞབས་ཆག །གཏུམ་སྟོན་ཆོས་གོས། སྐྱོ་སྟོན་སྐུ་འགགས། མཆིམས་ཆེན་ཞབས་ཆག །མཆིམས་བློ་བཟང་གྲགས་པའ…

འཆི་མེད་མགོན་པོའི་རྣམ་རོལ་ཏུ་འཚོ་ཞིང་གཞེས་ལ་ཕྲིན་ལས་འཇིག་རྟེན་གསུམ་གྱི་ངལ་འཚོར་འཆར་བའི་རྟེན་འབྱུང་གི་སྒོ་འཕར་དབྱེ་བས་མཚོན་དགོས་པ་དུ་མའི་ཆེད་དུ་འཕགས་མ་སྒྲོལ་མ་དཀར་མོ་ཡིད་བཞིན་འཁོར་ལོའི་སྒོ་ནས་བྱིན་གྱིས་བརླབས་པའི་བཅུད་ལེན་གྱི་རིལ་བུ་འདི་ནི། རྗེ་བཙུན་སྒྲོལ་མའི་ཡེ་ཤེས་ཀྱི་སྐུས་རྗེས་སུ་བཟུང་བའི་སློབ་དཔོན…

ཤིང་རིལ་བུར་འདུ་བགྱིས་པ་འདི་ལ་རྟེན་ཇི་ལྟར་འདྲེས་པའི་ཚུལ་ནི། དཔལ་ས་སྐྱ་པའི་སྙན་བརྒྱུད་རྒྱ་མཚོའི་བསྟན་པའི་མངའ་བདག །ཞྭ་ལུ་གསེར་ཁང་གི་མཁན་རབས་བཅུ་བཞི་པ། མཁས་ཤིང་དངོས་གྲུབ་བརྙེས་པ་གནས་གསར་བ་འཇམ་དབྱངས་མཁྱེན་བརྩེའི་དབང་ཕྱུག་གིས་བསྒྲུབས་པའི་སྒྲོལ་དཀར་གྱི་བུམ་ཆུ་རིལ་བུ་ཉིད། གནས་གསར་དབོན་རིན་པོ་ཆེ་ངག་དབང་ཀུན་…

འཇམ་པའི་དབྱངས་ངག་དབང་ལེགས་གྲུབ་ཀྱི་ཞལ་སྔ་ནས་གཙོ་བོར་གྱུར་པའི་རིག་པ་འཛིན་པའི་དགེ་འདུན་རྣམས་ཀྱིས་སྒྲོལ་དཀར་ཡིད་བཞིན་འཁོར་ལོ་འོད་ཟེར་དྲུག་སྦྲག་གི་ལྷ་ཡི་རྣལ་འབྱོར་དང་བཅས་ཏེ་རིག་སྔགས་འབུམ་ཕྲག་གི་སྦྱོར་བས་བསྒྲུབས་པའི་བུམ་ཆུ་ཉིད། སྤོང་བ་བསམ་གཏན་གྱི་འཁོར་ལོ་ལ་གཅིག་ཏུ་ཐུགས་གཞོལ་བའི་རྡོ་རྗེ་འཛིན་པ་མཉྫ་ཤཱི་ཤ་ས…

མ་སྐྲ་དཀར་རྣམས་དང་བྲལ། །རྡོ་རྗེ་ཡི་ནི་གཟུགས་བཟང་ལྡན། །བསྐལ་པ་ཡི་ནི་གྲགས་རྙེད་དུ། །འཆི་བ་ངེས་པར་བཟློག་པ་ཡིན། །ཅེས་རྣམ་པར་གྱུར་པའི་ནད་ཀྱི་རིགས་ཐམས་ཅད་ལ་ཕན་ཞིང་། །རྣམ་པ་མ་གྱུར་པའི་ལུས་ཟུངས་ཀྱི་དྭང་མ་བདུད་རྩིར་འགྱུར་བ་དང་། །དེ་ཡི་ནུས་པས་གཉེར་མ་དང་སྐྲ་དཀར་ལ་སོགས་པ་རྒས་པའི་རྟགས་རྣམས་དང་བྲལ་ཞིང་། ཁ་དོག་གསལ…

པ་སྟེ། བརྗོད་བྱ་དང་ལྡན་པའི་རིལ་བུ་འདི་ཉིད་ཀྱི་མཐུ་ལ་བརྟེན་ནས། དཔལ་ལྡན་བླ་མ་མཆོག་རྣམས་ཞབས་པད་བསྐལ་བརྒྱར་བརྟན་ཅིང་ཕྲིན་ལས་ཕྱོགས་བཅུར་རྒྱས་པ་དང་། ཡིད་ཅན་ཐམས་ཅད་འཆི་བདག་གི་གཡུལ་ལས་རྣམ་པར་རྒྱལ་ཞིང་ཚེ་བསོད་དཔལ་འབྱོར་ཡེ་ཤེས་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པའི་རྒྱུར་གྱུར་ཅིག ༈ །འདུས་མདོའི་སྨན་ཁྲོལ…

སྣོད་རེ་རེ། ༈ ཡང་། ཤར་ལྷོར་བ་དམར་མོའི་འོ་མ། ལྷོ་ནུབ་རིན་པོ་ཆེའི་ཆུ། ནུབ་བྱང་དུ་ཆང་སྣ། བྱང་ཤར་དུ་ཆུ་སྣ་དགུ་ལ་ས་སྣ་ཆུ་སོ། །སརྦ་དཱ་མངྒ་ལཾ་བྷ་བ་ཏུ། །དགེ་ལེགས་འཕེལ། ཤུ་བྷཾ། །

༄༅། །ཛྷ ན བྲྀ ཋ བེ བྱཱ ཏི ནཱ མ ཏཱི ཀཱ ཡ གུ རོ རྨོ གཱ སྟི།། ༄༅། །སྐུ་གསུམ་བླ་མའི་རྣལ་འབྱོར་ཡེ་ཤེས་ཆར་འབེབས་ཞེས་བྱ་བ་བཞུགས་སོ། །

༄༅། །ན་མོ་གུ་རུ་བྷྱ༔ དེ་ལ་འདིར་སྐུ་གསུམ་བླ་མའི་རྣལ་འབྱོར་ལ་བརྟེན་ནས་ཟུང་འཇུག་གི་གོ་འཕང་མྱུར་དུ་འགྲུབ་པར་འདོད་ན། དབང་ཐོབ་ཅིང་དམ་ཚིག་དང་སྡོམ་པར་ལྡན་པས། དད་པ་དང་། ངེས་འབྱུང་གི་བསམ་པ་དང་། བྱང་ཆུབ་ཀྱི་སེམས་ཤུགས་དྲག་ཏུ་བསྐྱེད་བཞིན་པའི་ངང་། མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་ལྟ་བུར་དམིགས་ཏེ་སྐྱབས་སེམས…

དོ། །ལན་གསུམ། རྡོར་སེམས་སྒོམ་བཟླས་ནི། རང་གི་སྤྱི་བོར་བླ་མ་རྡོ་རྗེ་སེམས། །དཀར་གསལ་རྡོ་རྗེ་དྲིལ་འཛིན་ཡུམ་དང་འཁྲིལ། །ཐུགས་ཀར་ཟླ་སྟེང་ཧཱུཾ་མཐར་སྔགས་ཕྲེང་འཁོར། །བདུད་རྩིའི་རྒྱུན་བབས་ནད་གདོན་སྡིག་སྒྲིབ་སྦྱངས། །སྟོབས་བཞིའི་གནད་དང་ལྡན་པས་ཡི་གེ་བརྒྱ་པ་ཉེར་གཅིག་ལ་ཉུང་མཐའ་བྱས་པ་བཟླས་ནས། བཤགས་སྡོམ་གྱི་མཐར་རང་ལ་…

བཀོད་མཚན་ཉིད་ཡོངས་སུ་རྫོགས། །དེ་དབུས་པདྨ་ཉི་མ་བམ་རོའི་སྟེང་། །རང་ཉིད་གཞི་ལུས་དབང་ཆེན་རྟ་མཆོག་དཔལ། །དམར་སྨུག་གྲི་ཐོད་གར་དགུའི་ཉམས་དང་ལྡན། །རྡོ་རྗེ་ཕག་མོ་ཡུམ་དང་གཉིས་མེད་སྦྱོར། །ཁྲོ་བོའི་ཆས་རྫོགས་མེ་དཔུང་དབུས་ན་འགྱིང་། །བདེ་ཆེན་འཁོར་ལོ་འཇའ་ཟེར་ཐིག་ལེའི་ཀློང་། །རྩ་བའི་བླ་མ་སྤྲུལ་སྐུ་ཐོད་ཕྲེང་རྩལ། །མཐིང…

རབ་འཕྲོས་པས། །ཡེ་ཤེས་སྤྱན་དྲངས་གཉིས་སུ་མེད་པར་གྱུར། །ཧཱུྃ༔ ཨོ་རྒྱན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ ཁྱེད་ཀྱི་རྗེས་སུ་བདག་བསྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ ཨོཾ་ཨཱཿ༔ཧཱུྃ་བཛྲ་གུ་རུ་པདྨ་ཐོད་ཕྲ…

སྨྲ་ར་ཎ་ས་མ་ཡེ་ཨཱཿཧཱུཾ། གསོལ་འདེབས་རྒྱས་པ་ཇི་ལྟར་རིགས་པའི་མཐར། བདེ་ཆེན་ཞིང་ན་ཆོས་སྐུ་སྣང་མཐའ་ཡས། །གྲུ་འཛིན་རི་བོར་ལོངས་སྐུ་སྤྱན་རས་གཟིགས། །པདྨོ་བཀོད་པར་སྤྲུལ་སྐུ་ཐོད་ཕྲེང་རྩལ། །དབྱེར་མེད་དྲིན་ཅན་རྩ་བའི་བླ་མ་ལ། །མི་ཕྱེད་གདུང་ཤུགས་དྲག་པོས་གསོལ་འདེབས་ན། །འདི་ནས་བཟུང་སྟེ་བྱང་ཆུབ་སྙིང་པོའི་བར། །འབྲལ་བ་མེ…