གསུངས་སོ་བར་ཁྲིད་ཡིག་ལྟར། གཉིས་པ་དཔྱད་དོན་ཉམས་སུ་ལེན་པ་ལ་འཇུག་གནས་ལྡང་གསུམ་ལས། དང་པོ་འཇུག་པའི་རིམ་པ་ནི། སྐྱབས་འགྲོ་ནས་ཞར་བྱུང་གི་རྫོགས་རིམ་གྱི་བར་མངོན་རྟོགས་ནས་ཇི་ལྟར་འབྱུང་བ་བཞིན་རྣམ་རྟོག་གཞན་གྱིས་བར་མཆོད་པར་གསལ་ལ་དྲག་པར་ཤར་བསྒོམ་གྱི་ཚུལ་གྱིས་གསལ་བཏབ། གཉིས་པ་གནས་པའི་རིམ་པ་སེམས་འཛིན་དངོས་ལ། རྒྱན་མེད…

གསུང་ལུས་དཀྱིལ་སྙན་བརྒྱུད་ཡིད་བཞིན་ནོར་བུ་ལྟར་ལ། ཡང་ན། ཡེ་ཤེས་པ་གཞུག་པའི་རྐྱེན་གྱིས་ལུས་དཀྱིལ་གསལ་བཏབ། དེ་ནས་གོ་ཆ་བཀོད་པ་སོགས་དཀྱུས་བཞིན་བྱ་བར་གསུངས་ཏེ། ད་ལྟར་གྱི་བླ་མ་དམ་པ་རྣམ་ཀྱི་ཕྱག་བཞེས་སུ་ཕྱི་མ་ལྟར་མཛད་པ་ལགས། གཉིས་པ་དཔྱད་དོན་ཉམས་སུ་ལེན་པ་སེམས་འཛིན་གྱི་བྱ་བ་ལ། ལུས་དཀྱིལ་གྱི་གཙོ་མོ་ནས་འཁོར་གྱི་བར…

ཏེ་དེ་ལྟར་ན་དེ་རིང་གི་ཐུགས་དམ་དམིགས་པའི་རིམ་པ་དེ་ཙམ་ལ་མཛད་པར་ཞུ། བསོད་ནམས་འདི་ཡིས་སོགས། ༈ །ཉིན་ལྔ་པ་ལ། འོ་ནམ་མཁའ་ནས། དཔྱད་དོན་ཉམས་སུ་ལེན་པ་སེམས་འཛིན་གྱི་བྱ་བ་གཉིས་ཀྱི་བར་ཉིན་དང་པོ་ལྟར། དང་པོ་ལས། ཉལ་བའི་རྣལ་འབྱོར། ལྡང་བའི་རྣལ་འབྱོར། བདུད་རྩི་མྱོང་བའི་རྣལ་འབྱོར། ཚད་མེད་པའི་རྣལ་འབྱོར། བླ་མའི་རྣལ་འབྱོར།…

སྦྱར་བས། མཐར་ཐུག་གི་འབྲས་བུ་ཐོབ་པར་འགྱུར་བར་གསུངས་སོ། །ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། གཉིས་པ་རྫོགས་པའི་རིམ་པ་ལ། རྗེ་བཙུན་ཡུམ་གྱི་ངོ་བོ་ཏི་ལ་ཀ་ནས། འགྱུར་བར་གསུངས་སོ་བར། སླར་ཡང་ཐུགས་ངེས་པར་ནས། གསུངས་སོ་བར། ཐུན་དེ་ལས་ལྡང་བར་འདོད་ན་རང་ཉིད་ཐུན་མཚམས་ཀྱི་ལྷ་སྐུར་གསལ་བ་ལ་གོ་ཆ་བཀོད། དགེ་བའི་ར…

དམིགས་པ་ཡང་བསྐྱར་གྱི་ཚུལ་དུ་ཕུལ་བ་ཡིན། ད་དེ་རིང་གི་ཐུགས་དམ་དམིགས་པའི་རིམ་པ་གསར་དུ་འབུལ་བ་ལ། རྗེ་བཙུན་ནཱ་རོ་མཁའ་སྤྱོད་ཀྱི་འཕོ་བ་ལ་ནས། དབྱིངས་རིག་བསྲེའོ་བར་ཚར་ཆེན་རིན་པོ་ཆེའི་གསུང་རབ་ལྟར། ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། རྗེ་བཙུན་ནཱ་རོ་ནས། བསྲེ་འོ་བར། ཐུགས་ངེས་པར་ནས། བསྲེ་འོ་བར། སླར་ཡང་ཐ…

བསྟུན་པར་བྱའོ་བར་སླར་ཡང་ཐུགས་ངེས་པར་ནས། སྐབས་དང་བསྟུན་པར་བྱའོ། །ཐུན་དེ་ལས་ལྡང་བར་འདོད་ན། བསམ་མི་ཁྱབ་པའི་འོད་གསལ་ཀྱི་ངང་ལས་རང་ཉིད་ཐུན་མཚམས་ཀྱི་ལྷ་རྡོ་རྗེ་རྣལ་འབྱོར་མའི་སྐུར་གསལ་བཏབ་ནས་གོ་ཆ་བཀོད། དགེ་བ་བསྔོ་ཞིང་སྨོན་ལམ་གདབ། སྤྱོད་ལམ་རྣམས་སུའང་དགའ་བ་གསུམ་གྱི་རྣལ་འབྱོར་དང་མ་བྲལ་བའི་ངང་ནས་ཆོས་མཐུན་གྱི་བྱ…

ཚོསླུ་བདུན་མ་ཕུལ། དེ་ལྟར་མཎྜལ་དུ་མ་ཟད་ལུས་ལོངས་སྤྱོད་ཐམས་ཅད་ཀྱང་འབུལ་ན་ཆ་ཤས་ནས་བཞེས་ལ་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས་མཛོད། དེང་ནས་བརྩམས་ཏེ་སོགས། དེ་རྣམས་ཀྱི་སྒོ་ནས་རྣལ་འབྱོར་གསང་མཐའི་ཉིང་ཁུ་གྲུབ་པ་མཆོག་གི་སློབ་དཔོན་དཔལ་ནཱ་རོ་ཏ་པ་ལ་རྗེ་བཙུན་རྡོ་རྗེ་རྣལ་འབྱོར་མས་དངོས་སུ་གནང་བ་ནས་བཟུང་། སྙན་ན…

བ་རྣམས་བྱང་ཆུབ་སྙིང་པོར་བསྔོ་བས་རྒྱས་གདབ་དགོས་པས། ཕུན་སུམ་ཚོགས་པའི་དགེ་འདུན་པ་རྣམས་ཀྱིས་བསྔོ་བ་དང་སྨོན་ལམ་ལ་སོགས་པའི་མཐུན་འགྱུར་ཐུགས་ལ་འདོགས་པར་ཞུ། ཞེས་མཚམས་སྦར་ལ་སྤྱི་བསྡོ་དང་། བསྟན་པ་རྒྱས་པའི་སྨོན་ལམ། ཤིས་བརྗོད་བཅས་རྒྱས་པར་བྱའོ། །དེ་ལྟར་རྗེ་བཙུན་རྡོ་རྗེ་རྣལ་འབྱོར་མ་ན་རོ་མཁའ་སྤྱོད་མའི་སྨིན་གྲོལ་གྱི…

པའི་ཉེ་ལམ་གྱི། །འཆད་ཐབས་ནོར་བུའི་ཆུན་འཕྱང་རབ་གཡོ་བ། །ཆོས་སྨྲ་མགྲིན་པ་མཛེས་པའི་རྒྱན་གྱུར་ཏེ། །ཕན་བདེའི་འདོད་རྒུ་རྟག་ཏུ་འཇོ་བར་ཤོག །ཅེས་པའང་ཆོས་རྗེ་བླ་མ་དམ་པ་ཨཱནནྡ་མཉྫགྷོ་ཥས་སྔ་ཕྱིར་ཡང་ཡང་བསྐུལ་བ་ལྟར། འཇམ་མགོན་ཀུན་དགའ་བློ་གྲོས་ཀྱིས་མཛད་པའི་འཆད་ཐབས་ལ་གཞི་བྱས། མཁན་ཆེན་རྡོ་རྗེ་འཆང་བྱམས་པ་རྣལ་འབྱོར་འཇམ་དཔ…

འཕགས་པ་སྤྱན་རས་གཟིགས་ཀྱིས་གྲུབ་ཆེན་མི་ཏྲ་ཛོ་ཀི་ལ་གསུངས་པའི་ཕྱག་རྒྱ་ཆེན་པོ་སེམས་ཉིད་ངལ་བསོའི་གཞུང་འགྲེལ་སྙིང་པོ་བསྡུས་པ་ཞེས་བྱ་བ་བཞུགས་སོ།། །

ཨོཾ་སྭ་སྟི་སིདྡྷཾ། །འཇིག་རྟེན་མགོན་པོ་སྙིང་རྗེའི་གཏེར། །བླ་མ་མཆོག་ལ་གུས་བཏུད་ནས། །རང་གི་སེམས་ཉིད་ངལ་བསོ་བའི། །གཞུང་འགྲེལ་སྙིང་པོ་ཅུང་ཟད་བསྡུད། །འདི་ལ་གཉིས། ལོ་རྒྱུས་དང་། གདམས་པ་དངོས་སོ། །དང་པོ་ནི། འཕགས་པ་སྤྱན་རས་གཟིགས་ཀྱི་རྣམ་པར་འཕྲུལ་པ་གྲུབ་ཆེན་མི་ཏྲ་ཛོ་ཀི་ཞེས་འཇིག་རྟེན་ན་ཡོངས་སུ་གྲགས་པ་དེ་ནི། རྒྱ་…

བའི་རྒྱན་དུ་གྱུར་པ་ནི་འདི་ཡིན་ཏེ། ཐོག་མར་ཏིལླི་པ་དངོས་ཀྱི་སློབ་མ་རོལ་པའི་རྡོ་རྗེས་རྗེས་སུ་བཟུང་ནས་ཁ་སརྱ་ཎའི་རི་བོར་ལོ་བཅུ་གཉིས་སུ་བསྒོམས་པས་རྡོ་རྗེའི་ཤིང་གཏན་ཏེ་ཤིང་གི་མཎྜལ་མེ་ལོང་ལྟར་འཇམ་པའི་སྟེང་དུ་འཕགས་པ་སྤྱན་རས་གཟིགས་འཁོར་དང་བཅས་པ་མངོན་སུམ་དུ་བྱོན་ནས་ཆོས་བསྟན་པས་གྲུབ་པ་བརྙེས་པ་ནི་དང་པོ་སྟེ། མཚན་…

པོས་བྱས་ཏེ་དམག་དྲངས་པ་ལ་འཁོར་ལོ་འཕངས་པས་དམག་ཐམས་ཅད་སྐྲག་པར་གྱུར་ཏེ་བྲོས། དགེ་འདུན་དང་གཙུག་ལག་ཁང་ལ་གནོད་པ་མེད་པ་ནི་གསུམ་པའོ། །རྒྱལ་པོ་ཤིང་རྟ་ཅན་གྱི་རིང་ལ་བཱ་ར་ཎ་སིའི་དཔུང་ཚོགས་རྡུལ་གྱིས་ཉི་མ་འགྲིབ་པ་ལྟ་བུས་མ་ག་དྷའི་སངས་རྒྱས་ཀྱི་བསྟན་པ་གཞོམ་པར་རྩོམ་པ་ལ་སྐུ་གཅེར་བུར་བྱས་ནས་གད་རྒྱངས་བསྒྲགས་པས་ས་གཡོས་ཤིང…

མེ་སྦར་ཡང་མ་ཚིག་པ་ནི་བདུན་པའོ། །བཱ་ར་ཎ་སཱིའི་རྒྱལ་པོ་ལ་ཟབ་མོའི་ཚིགས་སུ་བཅད་པ་ལྔ་པ་བཀའ་སྩལ་པས་ནམ་མཁའ་ལས་མེ་ཏོག་གི་ཆར་ཕབ། ལྷའི་བུས་བདུད་རྩིའི་བུམ་པ་འདྲེན་པའི་སྣང་བ་བསྟན་ཏེ་བརྒྱད་པའོ། རྒྱལ་པོས་དབང་ཞུས་པས་རྡུལ་ཚོན་ཐམས་ཅད་རིན་པོ་ཆེ་ལས་བྱ་དགོས་པར་བཀའ་སྩལ་པ་ནས། རྒྱལ་པོ་སྒྱུ་མས་བསླུས་ཀྱིས་དོགས་པས་འགྱོད་པ་སྐ…

གཏད་པ་ཙམ་གྱིས་ཀེང་རུས་སོགས་ཀྱི་འདུ་ཤེས་སྐྱེས་ནགས་སུ་ཕྱིན་ཏེ་འཇིག་རྟེན་པའི་འདུ་ཤེས་ལས་སེམས་རྣམ་པར་གྲོལ་བ་ནི་བཅུ་བཞི་པའོ། །དེ་ནས་རྒྱལ་པོ་ཛ་ཡ་སེ་ན་དང་པཎྜི་ཏ་ཨཱ་ནནྡ་གཉིས་མ་དད་ཅིང་སྐུ་ལ་བསྡོ་བ་ལ་མཉམ་བཞག་གི་ཕྱག་རྒྱ་འཆའ་རུ་བཅུག །ཚིགས་བཅད་གཅིག་གི་དོན་ལ་ཐུགས་གཏད་པས་སྟན་དེ་ཉིད་ལས་མ་ལངས་པར་གྲོལ་བ་ནི་བཅོ་ལྔ་པའོ…

བར་དུའང་རྒྱུད་སྡེ་ཆེན་པོ་བརྒྱ་དང་རྩ་བརྒྱད་ཀྱི་དབང་གི་ཆུ་བོ་མ་ནུབ་བར་བྱུང་བ་ནི་བཅུ་དགུ་པའོ། །བཱ་ར་ཎ་སཱིའི་རྒྱལ་པོས་ཞག་བདུན་དུ་གསོལ་བ་བཏབ་པས་དཀྱིལ་འཁོར་གཅིག་ཏུ་རྒྱུད་སྡེ་ཐམས་ཅད་ཀྱི་དབང་དུས་གཅིག་ལ་བསྐུར་བའི་གསུང་རྡོ་རྗེ་རྣམ་པ་ཐམས་ཅད་པའི་རྫུ་འཕྲུལ་བསྟན་པ་ནི་ཉི་ཤུ་པའོ། །དེ་ལྟར་བུའི་ངོ་མཚར་བ་དང་ལྡན་པའི་གྲ…

ཞལ་གྱིས་མ་བཞེས། དེར་ལོ་ཙཱ་བའི་བསམ་པ་ལ་འདི་ལྟ་བུའི་གྲུབ་ཐོབ་དང་མཇལ་ནས་སྤྱན་མ་འདྲོངས་བར་བོད་དུ་ལོག་འགྲོ་བ་བས་ཤི་ན་རུང་སྙམ་ནས། སྐྱེ་བ་ཕྱི་མ་ལ་རྗེས་སུ་འཛིན་པའི་སྨོན་ལམ་མང་པོ་བཏབ། ཐེ་ཚོམ་མེད་པར་མཁར་གྱི་རྩེ་ནས་མཆོང་བས་གྲུབ་ཐོབ་ཆེན་པོའི་ཕྱག་གིས་བཟུང་ནས་ཧ་ཧ་དེ་འདྲ་མ་བྱེད་གསུངས་ནས་སྐུ་དྲུང་དུ་བཞག་སྟེ། ང་བོད་…

བརྩེ་བ་རིན་ཆེན་སེང་གེ །དེ་ལས་རྩོད་པའི་དུས་ཀྱི་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་ཀྱིས་གསན་ཏེ་ཐུགས་ཉམས་སུ་བཞེས། སློབ་མའི་མཆོག་རྣམས་ལ་སྙིང་གཏམ་གྲོས་འདེབས་ཀྱི་ཚུལ་དུ་རྩ་བ་ནས་བཟུང་ད་ལྟའི་བར་ཉམས་ཁྲིད་ཀྱི་བརྒྱུད་པ་བར་མ་ཆད་དུ་བྱུང་བའི་གདམས་པ་ཁྱད་པར་འཕགས་པ་ཡིན་ནོ། །གྲུབ་ཆེན་ཉིད་ནི་སླར་ཡང་རྒྱ་གར་དུ་བྱོན། སྒ…

མ་ནས་རང་བཞིན་གྱི་རྣམ་པར་དག་ཀྱང་། དེ་ལྟར་མ་རྟོགས་པས་གཟུང་འཛིན་གྱི་གཞན་དབང་ལ་བརྟེན་ནས་འཁོར་བའི་རྒྱ་མཚོར་ཡུན་རིང་དུ་དུབ་བར་གྱུར་པ། གཉུག་མ་ཕྱག་རྒྱ་ཆེན་པོ་རིན་པོ་ཆེའི་གླིང་དུ་ངལ་བསོ་བར་བྱེད་པའི་གཞུང་། ཚེགས་ཆུང་ངུས་དོན་ཆེན་པོ་དཔག་པར་དཀའ་བར་བདེ་བླག་ཏུ་སྟོན་པའི་མན་ངག །གཞུང་གི་ཚད་ཚིགས་སུ་བཅད་པ་ཉི་ཤུ་རྩ་ལྔ་ཡོ…

ལ། ལུས་ཀྱི་ཕྱག་རྒྱ་གནས་དབེན་པར་སྟན་བདེ་བ་ལ་འདུག་ནས་བསམ་གཏན་གྱི་ཡན་ལག་དང་ལྡན་པར་བཅའ། ངག་གི་ཕྱག་རྒྱ་ནི་དབུགས་འགྱུ་བ་སོར་བཞག །ཡིད་ཀྱི་ཕྱག་རྒྱ་དང་པོ་ལྷོད་ཀྱིས་ཀློད། བར་དུ་ཧྲིག་གེ་བཞག །མཐའ་མ་ཕྱམ་ཙེར་བཏང་ངོ་། །དང་པོ་ཀློད་པ་གསུམ་སྟེ། ཀློད་པའི་ཡོན་ཏན་དང་། མ་ཀློད་པའི་སྐྱོན་དང་། ཇི་ལྟར་ཀློད་པའི་ཚུལ་ལོ། །ཀློད་…