དཔལ་དུས་ཀྱི་འཁོར་ལོའི་བསྟོད་པ་ཚིགས་སུ་བཅད་པ་གཅིག་གི་འགྲེལ་པ་བཞུགས་སོ། །ན་མཿཤྲཱི་ཀཱ་ལ་ཙཀྲ་ཡ། མདོར་བསྡུས་དང་པོར་མཆོག་གི་འདོད་པའི་ལྷ་ལ་ཕྱག་འཚལ་བ། སྟོང་ཉིད་སྙིང་རྗེ་སོགས་ཀྱི་དོན་འཆད་པ་ལ། རྒྱལ་པོ་པད་དཀར་གྱིས་འགྲེལ་ཆེན་བརྩམས་པའི་ཐོག་མར་འདོད་པའི་ལྷ་ལ་ཕྱག་འཚལ་བའི་ཚུལ་ཡོད་དེ། ལུས་ཀྱི་ལག་པའི་ཐལ་མོ་སྤྱི་བོར་བཞ…

དེ་ལས་རླུང་ཕྱིར་འཕོ་བ་བཀག་པ་ནི་བསྟོད་ཚིག་གི་ངེས་དོན་དང་། དེ་ལས་རྡོ་རྗེ་ནོར་བུ་དང་གསང་བའི་པདྨོར་བྱང་སེམས་བཟུང་བ་ནི་པུས་མོའི་ལྷ་ང་ས་ལ་བཙུགས་པའི་ངེས་དོན་དང་། དེ་ལྟར་བཟུང་བ་ལས་བྱང་སེམས་གྱེན་དུ་དྲངས་པ་ནི་དོན་བསྒོམ་པའི་ངེས་དོན་དང་། དེ་ལས་རླུང་བཅུ་སྤྱི་བོར་བཅིངས་པ་ནི་ཐལ་མོ་བཅུ་སྤྱི་བོར་བཅིངས་པའི་ངེས་དོན། ད…

ཁྱད་ཆོས་ཇི་ལྟ་བུ་དང་ལྡན་ཞེ་ན། ཁྱད་ཆོས་གསུམ་དང་ལྡན་པ་ལས། དང་པོ་སྟོན་པ་ལ། སྟོང་ཉིད་སྙིང་རྗེའི་བདག་ཉིད་ཅན། །ཞེས་པ་འདི་བྱུང་། འདིའི་དོན་ནི། འབྲས་བུའི་དུས་ཀྱི་འཁོར་ལོ་ཆོས་ཅན། །ཁྱད་པར་དང་པོ་དང་ལྡན་པ་ཡིན་ཏེ། སྟོང་པ་ཉིད་དང་སྙིང་རྗེ་མི་འགྱུར་བའི་བདེ་བ་ཆེན་པོ་ངོ་བོ་དབྱེར་མི་ཕྱེད་པའི་བདག་ཉིད་ཅན་དུ་གྱུར་པའི་ཁྱད…

བསྡུས་པའི་ལྷན་སྐྱེས་ཀྱི་བདེ་ཆེན་ཏེ་སྔ་མ་དང་ངོ་བོ་གཅིག་གོ །ཁྱད་པར་གཉིས་པ་སྟོན་པ་ལ། སྲིད་གསུམ་སྐྱེ་དང་འཇིག་པ་མེད། །ཅེས་བྱུང་། དོན་ནི་ཕྱིས་ཀྱི་མཁས་པ་དག་དོན་དམ་སྲིད་ཞིའི་མཐའ་ལ་མི་གནས་པར་བཤད་པ་ནི་མི་ལེགས་ཏེ། དེ་དུས་འཁོར་གྱི་ཐུན་མོང་མ་ཡིན་པའི་ཡོན་ཏན་དུ་མི་རུང་བའི་ཕྱིར། རང་ལུགས་ནི། བཤད་སྦྱར་སྙིང་པོ་སྣང་བ་ལ…

དཔལ་དུས་ཀྱི་འཁོར་ལོའི་རྒྱུད་ཀྱི་དགོངས་པ་ཨེ་ཝཾ་གྱི་སྒྲ་སྒྲུབ་ཚུལ་མཚོན་དོན་དང་བཅས་པ་ཅུང་ཟད་བཤད་པ་བཞུགས་སོ། །ཨོ་སྭ་སྟི། དེའང་རྒྱུད་དོན་ཐམས་ཅད་མདོར་བསྡུ་ན་ཨེ་ཝཾ་གཉིས་སུ་འདུ་སྟེ། དཔལ་གསང་བ་འདུས་པའི་བཤད་རྒྱུད་ལས། ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་གི་ནི་གྲངས་སྙེད་ཀྱི། །ཀུན་གྱི་གཞི་དང་ཕ་མ་ནི། །ཡི་གེ་ག…

པ་ཅུང་ཟད་འཆད་ན། རྩ་རྒྱུད་ལས། ཐིག་ལེ་ཟླ་བ་ཁུ་བ་སྐྱ། །རྣམ་པར་བཅད་བྱ་རྡུལ་ཉི་གསུང་། །ཨ་ཡིག་མུན་ཅན་ཐུགས་རབ་བརྗོད། །མཁའ་ཁམས་ཨེ་ལ་རྣམ་པར་གནས། །ཞེས་པས། ཨ ཨ་མུ། ཞེས་བཞག །ཨ་ཏྲ་ལས་ཨ་ཏྲ་ལ་ཨུའོ་ཞེས་པས་རྣམ་བཅད་ཨུ་རུ་བསྒྱུར། ཨུ་བའོ་ཞེས་པས་ཨུ་ཝ་རུ་བསྒྱུར། དབྱངས་མེད་པ་ཕ་རོལ་ཏུ་ཡང་དག་པར་སྦྱར་རོ། །ཞེས་པས་བླ་སྲོག་མེད་…

དུ་གསུང་རྡོ་རྗེ། ཨ་ཡིག་ཕྱི་རོལ་ཏུ་སྒྲ་གཅན། ནང་དུ་བར་དོའི་རྣམ་པར་ཤེས་པ། གཞན་དུ་ཐུགས་རྡོ་རྗེ། ཨེ་ནི་དེ་ཐམས་ཅད་ཀྱི་རྟེན་མཚོན་པ་དང་། ཡང་ཐབས་ཤེས་ཟུང་འཇུག་གི་ཚུལ་དུ་སྦྱར་ན། །ཨེ་ཡིག་གིས་ཕྱི་རོལ་དུ་ནམ་མཁའ་དང་། ནང་དུ་མའི་པདྨ་དང་། གཞན་བསྐྱེད་རིམ་ལྟར་ན་རྟེན་དང་། རྫོགས་རིམ་ལྟར་ན་ཕྱག་རྒྱ་ཆེན་པོ་མཚོན་ལ། ཝཾ་ཡིག་གི…