༈ སྔ་འགྱུར་རྡོ་རྗེ་ཐེག་པའི་བསྟན་འཛིན་ཆེན་པོ་རྣམས་ལ་བསྔགས་བརྗོད་ཨུཏྤལ་འཛུམ་ཕྲེང་ཞེས་བྱ་བ། ན་མོ་གུ་རུ་ཛྙཱ་ནཱ་ཡ། འཕགས་ཡུལ་ཆོས་ཀྱི་གན་མཛོད་ཆེན་པོ་ནས། །རིག་འཛིན་སྡེ་སྣོད་ནོར་བུའི་ཟ་མ་ཏོག །

ཡིད་འཕྲོག་རི་རྩེ་ཟླ་ཞུན་གྱིས་བཅིངས་ལྗོངས། །འདྲེན་པའི་བྱེད་པོ་ལོ་ཆེན་བཻ་རོའི་དྲིན། ༡ །སྨྲ་བའི་ཟླ་བར་གྲགས་པའི་མཁྱེན་རབ་ཀྱང་། །སྙིང་དབུས་ཀུནྡའི་བཅུད་ལེན་ལ་བཏུང་བས། །གསང་རྒྱུད་རྒྱ་མཚོའི་མཚར་སྡུག་རྫོགས་པའི་དཔྱིད། །ཡེ་ཤེས་གཞོན་ནུའི་མཚན་གྱིས་རྣམ་པར་གསལ། ༢ །ཀུན་ཏུ་སྦས་པའི་ལམ་མཆོག་གདུགས་དཀར་པོ། །ཐུགས་བསྐྱེད་…

གནོད་སྦྱིན་འཁོར་གྱིས་བསྟེན་པའི་ཁྱད་པར་ལས། །གཞན་དུ་དབྱེ་བ་མེད་དོ་སྒྲོ་ཕུག་པ། ༧ །སྡེ་སྣོད་བཞི་པའི་ཆུ་གཏེར་ཆེན་པོ་ཉིད། །བློ་མཆོག་རིན་ཆེན་གྲུ་བོས་བརྒལ་ནས་སླར། །གྲུབ་གཉིས་འབྱོར་པས་བཀང་བའི་དེད་དཔོན་ཆེ། །ཤེས་རབ་སེང་གེར་གྲགས་པའི་བ་དན་གཡོ། ༨ །གསན་བསམ་སྒོམ་པའི་ལང་ཚོའི་སྒྱུ་རྩལ་གྱིས། །རྒྱན་དྲུག་མཆོག་གཉིས་ཁྲི་ལ…

མཁྱེན་ཁྲི་ལ་འཛེགས་པ་འཇིགས་མེད་གླིང་། ༡༣ །འཇམ་དཔལ་གཞོན་ནུའི་སྤོབས་པའི་ཡེ་ཤེས་ཀྱང་། །ངུར་སྨྲིག་བླ་གོས་གསར་པ་ལ་ཆགས་ཕྱིར། །བཤད་སྒྲུབ་སྒྲ་དབྱངས་སྲིད་རྩེར་སྒྲོག་པའི་དཔལ། །འཇིགས་མེད་བློ་ལྡན་རྒྱ་མཚོར་གྲགས་པ་གཡོ། ༡༤ །དེ་སོགས་ཟླ་བའི་རྡུལ་བརྩེགས་གངས་རིའི་ཁྲོད། །བསྔགས་འོས་བདེ་འབྱུང་རལ་རྩེས་མངོན་བཏུད་པའི། །མཁས་ད…

༈ ཀུན་མཁྱེན་ཆེན་པོ་ལ་བསྟོད་པ་ཛམྦུའི་འཁྲི་ཤིང་ཞེས་བྱ་བ། ན་མོ་གུ་རུ་ཛྙཱ་ན་ཡེ། ཀ་དག་ཀློང་ཆེན་དགོངས་པར་དབང་བསྒྱུར་བས། །ཁ་ཙམ་མ་ཡིན་དོན་གྱི་ཐམས་ཅད་མཁྱེན། །ག་བུར་འཛིན་ལྟར་དྲི་མེད་ཐར་མཆོག་གིས། །ང་བདག་གདུང་སེལ་འོད་ཟེར་སྤྲོ་དེར་འདུད། ༡ །ཅ་ཅོ་རྣམ་སྤངས་གཞོམ་བྲལ་ནཱ་དའི་སྒྲ། །ཆུ་མེད་དབུ་མའི་དབྱིངས་སུ་སྒྲོག་པ་ལས། …

ཁོར་ཡུག་མཉམ་པར་རོལ་དེར་འདུད། ༣ །པ་སངས་ལྟར་དཀར་སྨོན་འཇུག་བདུད་རྩིས་རོལ། །ཕ་རོལ་ཕྱིན་ལམ་སྟེང་འཐུང་བཞད་པ་ལས། །བ་མཆོག་ཙིནྟ་མ་ཎི་ཇི་བཞིན་དུ། །མ་ལུས་འགྲོ་བའི་རེ་འདོད་སྐོང་ལ་འདུད། ༤ །ཙ་རི་ཏྲ་སོགས་གནས་ཡུལ་ཕྱག་རྒྱ་རུ། །ཚ་གྲང་ཁུར་དུ་བཟོད་པའི་དཀའ་སྤྱད་ཀྱིས། །ཛ་ཧུའི་རྒྱུན་བཞིན་བསྐྱེད་རྫོགས་ཏིང་འཛིན་དང་། །ཝ་ལྟར་…

པའི་སྤྲོས་བྲལ་སྟོང་པ་ཉིད། །ཡུལ་ཅན་བདེ་བ་ཆེན་པོས་རབ་བསྡམས་པས། །བདེ་སྟོང་ཟུང་འཇུག་རྣམ་ཀུན་མཆོག་ལྡན་དང་། །འཕོ་འགྱུར་བྲལ་བའི་གོ་འཕང་བརྙེས་གྱུར་ཅིག ༡༠ །གུས་པའི་ཆུ་གཏེར་ལས་སྐྱེས་ཚིག་གི་སྤྲིན། །རྣམ་དཀར་ཆར་གྱིས་སྤུད་པའི་དགེ་མཚན་གྱིས། །སྡུག་བསྔལ་བདེན་པའི་ཚ་གདུང་རབ་བཅིལ་ཏེ། །ལྷན་སྐྱེས་ཐར་པའི་པདྨོ་བཞད་ཕྱིར་བསྔ…

གཏེར་ཆེན་ཆོས་ཀྱི་རྒྱལ་པོ་རིག་འཛིན་གཏེར་བདག་གླིང་པའི་རྣམ་པར་ཐར་པ་ལ་ཅུང་ཟད་བསྔགས་པ་རྒྱལ་བ་སྲས་བཅས་དགྱེས་པའི་རྒྱུད་མང་ཞེས་བྱ་བ་བཞུགས་སོ། །ཛ བུ ག ག ན ཤུ རྒྱུ རྒྱུ རྒྱུ ། སྡེབ་སྦྱོར་མཉམ་པའི་བྲྀཏྟ་ཡི་གེ་བཅུ་གཅིག་པ་གསུམ་བསྔགས་སམ་ཟླ་༢༢པའི་མཚམས་ནས་ཟིན་པའི་ཕྲ་སྣ་རས་མཛེས་པའོ། །དགབག་བཛྲ་ཀོ་ཊི་བི་དྱ་དྷ་ར་རྩྭ་ཌགྲ…

ནོར་འཛིན་དགའ་མ་ཡིས། །བསྟོད་ཚིག་མེ་ཏོག་གསར་པའི་དོ་ཤལ་ཅུང་ཟད་གཡོ་བས་བསྙེན་བཀུར་བྱ། ༢ །གཟོད་ནས་སྲིད་དང་ཞི་བའི་ཆུ་གཏེར་ལས། །ཕ་རོལ་སོན་པའི་སྙིང་རྗེའི་ཟླ་རིས་ནི། །གྲངས་མེད་འགྲོ་བའི་མོས་པ་དང་འཚམས་པར། །སྒྱུ་འཕྲུལ་དྲྭ་བའི་རོལ་རྩེད་ཅིར་ཡང་བསྒྱུར། ༣ །ཤིན་ཏུ་རྣམ་དག་འོད་གསལ་དབུ་མའི་དབྱིངས། །འཇུག་དང་ལྡང་བ་བྲལ་བར་…

སྨིན་དང་གྲོལ་བའི་དགའ་སྟོན་ཅིར་ཡང་འཕེལ། ༨ །ཁྱད་པར་བག་མེད་འགོག་པའི་བརྟུལ་ཞུགས་ཀྱིས། །ཉེས་པར་སྤྱོད་པའི་གཞན་དབང་རིང་བཏང་ནས། །ཨུ་པ་སཱི་ཀ་རྒྱ་མཚོའི་ཐོར་ཚུགས་རྩེར། །ཞབས་སེན་དམར་བའི་རྡུལ་ཕྲེང་ངང་གིས་བཏབ། ༩ །འཇམ་མགོན་དཔྱིད་ཀྱི་དཔལ་མོའི་བརླན་ཆགས་པའི། །བློ་མཆོག་སིནྡྲ་ཝཱ་རའི་འགྲམ་པ་རུ། །ལུགས་གཉིས་ཚོན་ཆགས་བཀྲ་བའ…

པར་འཁྲུལ། ༡༤ །མངོན་སུམ་རྗེས་དཔག་ལུང་གི་ཚད་མ་སོགས། །དྲི་མེད་རིག་པའི་འོད་རྡུལ་ལྷུང་བའི་མོད། །ཚུལ་མིན་སྨྲ་བའི་མུན་སྟུག་ཀུན་བཅོམ་ནས། །དོན་མཁས་སྣང་བའི་རི་མོ་སྲིད་ན་འབར། ༡༥ །གང་ལ་གང་གིས་ཇི་ལྟར་ལོངས་སྤྱོད་པའི། །ཕྱི་རོལ་དུས་ཀྱི་འཁོར་ལོའི་གནད་གསང་དང་། །སྤོར་ཐང་དབྱངས་འཆར་བཅས་པའི་རྩིས་རིག་གིས། །ལྐོག་གྱུར་རྗེན་…

ཤ་ཚུགས་རྒྱས་པའི་གཉིས་འཐུང་དབང་། །ལེགས་བཤད་རིན་ཆེན་དྲྭ་བས་གདོང་གཡོགས་ཏེ། །ཁྱད་པར་རིག་པའི་སྤོ་ལ་རིངས་པར་གཤེགས། ༢༡ །ཤེས་པར་བྱ་བའི་ཆོས་ཁམས་ཇི་སྙེད་པ། །གཟུགས་སེམས་སེམས་བྱུང་ལྡན་མིན་འདུ་བྱེད་དང་། །འདུས་མ་བྱས་ཀྱི་གཞི་ལྔར་གཏན་དབབས་ནས། །ཟག་བཅས་ཟག་པ་མེད་པ་གཉིས་སུ་བསྡུ། ༢༢ །དེ་ཡང་ཐམས་ཅད་རྫས་གྲུབ་འདོད་པ་ཡི། །ཉན…

བདེ་གཤེགས་སྙིང་པོའི་ཞལ། །མངོན་སུམ་གཟིགས་པ་དམ་པའི་གོམ་སྟབས་ཀྱིས། །ཐམས་ཅད་མཁྱེན་པའི་རྒྱལ་སར་ཡུད་ལ་འགྲོད། ༢༧ །གཞན་ལ་ཕན་པར་དགོངས་པའི་དམ་བཅའ་དང་། །རབ་འགྲོགས་སྨོན་འཇུག་བྱང་ཆུབ་སེམས་ཀྱི་དངོས། །ལེགས་པར་བཟུང་བའི་དགེ་མཚན་ཡིད་འོང་དེར། །རྒྱལ་ཀུན་བསྔགས་པའི་མེ་ཏོག་འཐོར་ལ་བྲེལ། ༢༨ །ཆོས་དོན་གཉེར་ལ་ཞི་བའི་ལམ་མཆོག་དང…

པའི་གཞན་དབང་རིང་བཏང་ནས། །སེམས་བྱུང་འཇུག་པ་ཞི་བའི་བསམ་གཏན་གྲུབ། ༣༣ །གང་ཞིག་ཐོས་པས་ལམ་མིན་ལས་ལྡོག་ཅིང་། །བསམ་པས་དྲང་ངེས་དགོངས་པའི་གཏིང་འཇལ་ཏེ། །སྒོམ་བྱུང་སོ་སོར་རྟོག་པའི་ཡེ་ཤེས་ཀྱིས། །ལྷག་མཐོང་བདེན་པ་གཟིགས་པའི་ངོ་མཚར་འཛིན། ༣༤ །དེ་མཐུན་ལམ་ལྔ་ས་བཅུའི་ཆུ་གཏེར་ལས། །བྱང་ཆུབ་སྤྱོད་པའི་རིན་ཆེན་གྲུབ་བརྒལ་ཏེ། …

དུ། །ཡེ་ཤེས་རྣམ་ལྔའི་རོལ་རྩེད་གསར་དུ་བཟུང་། ༣༩ །རྩོད་ལྡན་གཉིས་གཉིས་འཁྱུད་སྦྱོར་ཆགས་པའི་སླད། །དབང་བཞིའི་རྗེས་མཐུན་བསྐྱེད་རྫོགས་སྡོམ་པ་དང་། །སྦྱོར་དང་ཉེ་རྒྱུའི་བརྟུལ་ཞུགས་ལ་gབརྟེན་ནས། །ཁ་སྦྱོར་ཡན་ལག་བདུན་གྱི་གསང་བ་འཛིན། ༤༠ །ཁྱད་པར་སྐུ་གསུམ་སྟོན་པའི་ས་འཛིན་ལས། །ལེགས་འོང་ནང་རྒྱུད་སྡེ་གསུམ་དགའ་བའི་ཚལ། །ས…

ཀྱི་འཁོར་ལོས་སྒྱུར། ༤༥ །ཉེ་རྒྱུའི་སྤྱོད་པའི་ཐབས་མཁས་ལ་བརྟེན་ནས། །སློབ་པ་མིན་པའི་གོ་སར་མྱུར་སྤྱད་ཏེ། །སྐུ་དང་ཡེ་ཤེས་མཛད་པ་ཕྲིན་ལས་རྣམས། །རྟག་ཅིང་ཁྱབ་དང་ལྷན་གྲུབ་རོལ་པར་སྤྱོད། ༤༦ །རྒྱུད་དང་མན་ངག་རྗེས་སུ་འགྲོ་བ་ཡི། །དབང་བསྐུར་ཟབ་མོའི་འཇུག་པས་སྨིན་བྱས་ཏེ། །ཡུལ་དང་ཡུལ་ཅན་གཉིས་སུ་མི་ཕྱེད་པའི། །བྱང་ཆུབ་སེམ…

དང་ཆོས་ཅན་འཇུག་ལྡང་མཐའ་ཀླས་ཀྱང་། །རང་གྲོལ་རིག་པ་ཀུན་ཏུ་བཟང་པོའི་ཀློང་། །འགྲོ་འོང་བྲལ་བའི་ངང་དུ་མཉམ་བཞག་པས། །དཔག་ཡས་ཀློང་དགུའི་ཟབ་དོན་འཆང་ལ་དབང་། ༥༢ །གཟོད་ནས་རྣམ་གྲོལ་ཀ་དག་རྡོ་རྗེ་སེམས། །ལྷུན་གྲུབ་མངོན་སུམ་མཐོང་བ་རྣམ་པ་བཞིར། །མི་ཕྱེད་འདྲེས་པའི་དབྱིངས་སུ་ངལ་བསོ་བ། །མན་ངག་སྙིང་པོའི་བསྟན་འཛིན་ཁྱོད་ཁོ་ན།…

པ་ཡིས། །ཉེ་བར་མཐོ་བའི་མཆོག་དམན་མཐའ་ཀླས་པས། །བསྔགས་པའི་རྔ་ཡབ་དལ་བུར་གཡོབ་པ་ཡིས། །གྲགས་སྙན་རི་བོའི་ཁོངས་སུ་རླུང་ལྟར་རྒྱུ། ༥༨ །དེས་ཀྱང་མི་མཚོན་ཕྱོགས་དུས་འདྲེན་པ་དང་། །ཡེ་ཤེས་ཌཱ་ཀིའི་ཚོགས་ཀྱི་དད་ཕྱག་གིས། །ཉིན་བཞིན་བཏུད་པའི་ཡ་མཚན་ཟླ་ཤེལ་ལ། །གུས་པའི་སྟེང་འཐུང་མི་གྲོལ་ཤེས་ལྡན་སུ། ༥༩ །ཁྱད་པར་ངེས་དོན་སྙིང་པོ…

འགྲོ་འོང་མེད་པའི་ངང་དུ་ཡང་དག་མཐོལ། ༦༣ །འཕགས་དང་སོ་སྐྱེའི་རྣམ་དཀར་ཇི་སྙེད་དང་། །གང་གི་བསྔགས་འོས་ཡོན་ཏན་རྒྱ་མཚོའི་སྤྲིན། །གདུལ་བྱའི་བསོད་ནམས་མཁའ་ལ་ཉེར་དཀྲིགས་པར། །རྗེས་སུ་ཡི་རང་མདོངས་མཐའ་སྙིང་ནས་དགོད། ༦༩ །འགོག་བདེན་རྟག་པ་དམ་པའི་ནཱ་དའི་སྒྲ། །ལམ་བདེན་མིང་ཚིག་ཡི་གེར་འཕོས་པ་ཡིས། །འགྲོ་ཀུན་མ་རིག་གཉིད་ལས་བས…

ཐོབ་གྱུར་ཅིག ༦༩ །ཐོག་མའི་འཇུག་སྒོ་བག་མེད་འགོག་པའི་ལམ། །ཡོན་ཏན་གཞི་རྟེན་སོ་སོར་ཐར་པ་ནི། །ཡང་དག་བླངས་ལ་ཉེས་པའི་སྐྱོན་བྲལ་ཞིང་། །དྲི་མེད་ཚུལ་ཁྲིམས་ཕུང་པོ་གོང་འཕེལ་ཤོག ༧༠ །གང་ན་སྲས་བཅས་རྒྱལ་བ་འཁྲུངས་པའི་གཞི། །སྨོན་འཇུག་བྱང་ཆུབ་སེམས་ལ་ལེགས་གོམས་པས། །ལམ་ལྔ་ས་བཅུའི་ཕ་མཐར་ཕྱིན་ནས་ཀྱང་། །བྱང་ཆུབ་སྙིང་པོ་མངོན…