༈ ཤྲཱི་བཱི་ཤྲཱི་སིདྡྷི་ཛ་ཡནྟ། རང་བྱུང་གདོད་མའི་སངས་རྒྱས་ཆོས་ཀྱི་སྐུ། །འོད་གསལ་ཡེ་ཤེས་ལྔ་ལྡན་ལོངས་སྤྱོད་རྫོགས། །གང་འདུལ་རྣམ་པར་འཕྲུལ་པས་དོན་མཛད་པ། །རིགས་བརྒྱའི་

ཁྱབ་བདག་ཆེན་པོ་ཞབས་བརྟན་གསོལ། །སངས་རྒྱས་ཀུན་དངོས་དམ་ཆོས་འབྱུང་བའི་གནས། །འཕགས་ཚོགས་རིས་སུ་མ་ཆད་འདྲེན་པ་སྟེ། །མཆོག་གསུམ་ཀུན་འདུས་སུམ་ལྡན་བཀའ་དྲིན་ཅན། །ཐར་ལམ་སྣང་བའི་སྒྲོན་མེ་ཞབས་བརྟན་གསོལ། །རྒྱུད་གསུམ་བླ་མ་ཀུན་དངོས་བྱིན་རླབས་གཏེར། །དཀྱིལ་འཁོར་རྒྱ་མཚོའི་དབང་ཕྱུག་འཁོར་ལོའི་མགོན། །ཕྲིན་ལས་རབ་འབྱམས་བདག་ཉི…

བར་མཛད་དུ་གསོལ། །ཚེ་དབང་འཆི་མེད་པདྨའི་བྱིན་རླབས་དང་། །ཚེ་བདག་རྣམ་པར་རྒྱལ་མས་དངོས་གྲུབ་སྩོལ། །ཚེ་སྦྱིན་ཡིད་བཞིན་འཁོར་ལོའི་ནུས་མཐུ་ཡིས། །དགེ་ལེགས་རྟག་བརྟན་བཀྲ་ཤིས་དཔལ་། འབར་ཤོག །སརྦ་ཐཱ་ཨ་མཱ་ར་ཎི་ཛི་བནྟུ།། །།

༈ དགེ་ལེགས་རྟག་པ་དམ་པའི་སྣང་བ་ཡིས། །ཕུན་ཚོགས་ཚེ་ཡི་ཨུཏྤལ་རྒྱས་པ་དང་། །ཡེ་ཤེས་མཆོག་གི་འབྲས་བུ་དར་མཛད་པ། །འཆི་མེད་མགོན་

པོས་རྟག་ཏུ་སྐྱོངས་གྱུར་ཅིག ༡ །གང་ཞིག་གཟོད་ནས་རབ་ཞིའི་བདུད་རྩི་དང་། །མི་ཕྱེད་བྱང་ཆུབ་སྙིང་པོར་རོ་གཅིག་ཀྱང་། །རྒྱལ་བའི་མྱུ་གུ་གཞོན་ནུའི་ཚུལ་འཆང་བ། །བསྐལ་པ་རྒྱ་མཚོར་འཚོ་གཞེས་བརྟན་གྱུར་ཅིག ༢ །བསོད་ནམས་བྱེ་བའི་ཆ་ཤས་ཡོངས་རྫོགས་པའི། །མཚན་དཔེ་ཟླ་བ་ནོར་བུའི་སྒེག་འཆང་བ། །སྲིད་ཞིའི་བདེ་འབྱུང་རལ་པའི་ནགས་ཀླུང་དུ…