གཞུང་འདི་པཎྜི་ཏ་ཤཱནྟི་བྷ་དྲ་དང་། འགོས་ལྷས་བཙས་ཀྱིས་བསྒྱུར་བ་སྟེ། ཉེ་བར་མཁོ་བའི་དུམ་བུ་འགའ་ཞིག་གུད་དུ་ཕྱུང་བ་ཤུ་བྷཾ། །སློབ་དཔོན་ཨིནྡྲ་བྷཱུ་ཏིས་མཛད་པའི་ཡེ་ཤེས་གྲུབ་པ་ཞེས་བྱ་བའི་སྒྲུབ་ཐབས་ལས། ལེའུ་དང་པོ་ཕྱག་རྒྱ་ཆེན་པོ་བསྟན་པ་ཞེས་བྱ་བར། །སེམས་ཅན་ཀུན་གྱི་ཡིད་ཁྱབ་པར། །རྡོ་རྗེ་སེམས་དཔའ་རང་ཉིད་བཞུགས། །དེ་ལྟ…

འགྱུར། །དམ་ཚིག་ཉམས་པའི་སྡུག་བསྔལ་ནི། །ལུས་དང་དེ་བཞིན་ཡིད་དང་ནི། །དེ་ཡི་དོན་རྣམས་ཉམས་འགྱུར་ཞིང་། །མྱུར་བ་ཉིད་དུ་ཤི་བར་འགྱུར། །ཤི་ནས་དམྱལ་པའི་སྡུག་བསྔལ་ནི། །བསྐལ་པ་བྱེ་བ་བརྒྱ་ཕྲག་ཏུའང་། །མྱོང་ནས་གནས་ལས་འཕོས་གྱུར་ནའང་། །གདོལ་པའམ་དམན་པའི་རིགས་སུ་སྐྱེ། །ལྐུགས་པའམ་ཡང་ན་འོན་པའམ། །སྐྱེ་ཞིང་སྐྱེ་བར་དམུས་ལོང་…

བདུད་དང་བགེགས་སུ་གནས་པ་རྣམས། །དེ་ཡང་དེ་ལ་མི་བྱེད་དེ། །བགེགས་རྣམས་སྐྲག་ནས་འབྱེར་བར་འགྱུར། །ལྷ་ལ་སོགས་པ་གྲུབ་པ་རྣམས། །མཁའ་ལ་རྒྱུ་དང་མི་རྒྱུ་ཀུན། །ངན་འགྲོར་འགྲོ་བས་འཇིགས་པས་ན། །དེ་ཡང་དེ་ལ་མགོན་མི་བྱེད། །གལ་ཏེ་རྨོངས་པའི་དབང་གིས་ནི། །རྣམ་པར་རྨོངས་རྣམས་མགོན་བྱེད་ན། །བརྩོན་དང་ཡེ་ཤེས་རྣམ་ཤེས་དང་། །དངོས་གྲུབ…

མཉམ་ཉིད་ཡེ་ཤེས་ཞེས་བྱའོ། །གདོད་ནས་དག་ཅིང་སྐྱེ་བ་མེད། །རང་བཞིན་གྱིས་ནི་འོད་གསལ་བ། །ཕན་ཚུན་ཁྱབ་པའི་ཡེ་ཤེས་པས། །སོ་སོར་རྟོག་པ་ཅན་ཞེས་བཤད། །ཀུན་ཏུ་ཀུན་ནས་སངས་རྒྱས་ཀྱི། །མཛད་པ་ཐམས་ཅད་ལ་འཇུག་པ། །སངས་རྒྱས་ཐམས་ཅད་མཛད་གཅིག་པས། །བྱ་བ་གྲུབ་པ་ཞེས་བཤད་དོ། །གང་ཚེ་ཉོན་མོངས་ཤེས་བྱའི་སྒྲིབ། །ཐམས་ཅད་ལས་གྲོལ་དེ་ཡི་ཚེ།…

ལྟར། །དེ་བཞིན་ལོག་པའི་སྒོམ་པ་ཡིས། །སངས་རྒྱས་ཉིད་དུ་འགྱུར་མ་ཡིན། །ཞེས་དང་། གལ་ཏེ་བྱས་པའི་ལྷ་ཡི་གཟུགས། །རྡོ་རྗེ་སེམས་དཔར་གྱུར་ན་ཀོ །གང་ཕྱིར་འདུས་བྱས་ལས་བྱུང་བས། །བུམ་པ་ལ་སོགས་བཞིན་དུ་འཇིག །ཅེས་སོ། །ལེའུ་གསུམ་པ་རྣམ་པ་དང་བཅས་པའི་ཡེ་ཤེས་དགག་པ་ལས། །དེ་ལྟར་གཟུགས་སུ་བསྒོམས་པ་ཡིས། །རྡོ་རྗེ་སེམས་དཔའ་མི་འགྲུབ་…

ཐམས་ཅད་མི་གཟིགས་པས། །བེམ་པོ་ཉིད་དུ་ཐལ་བར་འགྱུར། །བེམ་མེད་རྟོག་པའི་ངོ་བོ་ནི། །རྣམ་པ་མེད་པ་ཡིན་པར་བཤད། །ཅེས་དང་། གལ་ཏེ་གཟུགས་སོགས་དངོས་པོ་རྣམས། །རྣམ་པ་ཀུན་ཏུ་ཡོད་མིན་ན། །སངས་རྒྱས་ཐུགས་རྗེའི་བདག་ཉིད་ཀྱི། །ལྷ་ཡི་སྤྱན་ནི་ཇི་ལྟར་འགྲུབ། །ལྷ་ཡི་སྙན་སོགས་ཐམས་ཅད་ཀྱང་། །དེ་བཞིན་དུ་ནི་ཡོད་མིན་པས། །མངོན་པར་ཤེས་པ…

ཞེས་དང་། ལུས་ཀྱིས་འབུད་པ་གང་ཡིན་པ། །སྦྱད་པ་འབུད་པར་བྱེད་པ་དག །དེ་དག་ཁྱད་པར་མ་མཐོང་སྟེ། །དེ་ཉིད་མཐོང་བའི་རྣལ་འབྱོར་པས། །འབུད་པ་ཡི་ནི་བྱ་བ་མིན། །ཞེས་དང་། ཡང་། མངོན་པར་རྨོངས་ཤིང་ལམ་ཉམས་རྣམས། །ལོག་པའི་དོན་ནི་རབ་སྒོམ་པ། །དེ་དག་བདེ་འགྲོར་མི་སྐྱེ་སྟེ། །དམྱལ་བ་གཅིག་པུར་འགྲོ་བ་ཉིད། །ཅེས་གསུངས། ལེའུ་བདུན་པ་བད…

པ་ཡི་དེ་ཉིད་མིན། ཅེས་གསུངས་སོ། །ལེའུ་བརྒྱད་པ་བསོད་ནམས་དང་ཡེ་ཤེས་ཀྱི་ཚོགས་རབ་ཏུ་འཕེལ་བར། །དེ་བས་ཐབས་ཤེས་རྣལ་འབྱོར་པ། །སེམས་ཅན་ཀུན་གྱི་གཉེན་གཅིག་པས། །ནམ་ཡང་བསླུ་བ་མེད་པའི་སེམས། །དེ་ནས་བརྟན་པ་བསྐྱེད་པར་བྱ། །འདི་བྱས་པས་ནི་རྫོགས་སངས་རྒྱས། །དགྱེས་པའི་བདག་ཉིད་ཅན་ཀུན་མཉེས། །ཞེས་དང་། ལམ་འདིར་གནས་པའི་རྣལ་འབྱོ…

ཆར་གྱི་ཚོགས་ནི་འབབ་པ་ཡིས། །སྨོད་པ་ཐམས་ཅད་བཀྲུ་བ་དང་། །འབྲུ་རྣམས་ཐམས་ཅད་བསྐྱེད་ནས་ནི། །དེ་ནས་རྒྱ་མཚོར་འབབ་པར་འགྱུར། །མི་གཙང་རྣམས་དང་ལྡན་པ་ཡི། །ཆུ་ནི་ཆུ་ཡིས་བླངས་ནས་ཀྱང་། །ཆུ་ནི་གང་དང་གང་ཡིན་པ། །ཐམས་ཅད་དེ་བཞིན་ཆར་དུ་འབབ། །རྫིང་བུ་ལ་སོགས་ཀུན་རྒྱས་ཤིང་། །ཐམས་ཅད་ཀྱིས་ནི་ཐམས་ཅད་འཁྲུད། །ཅེས་དང་། གཙང་བ་ཉིད་…

པ། །གཉིས་ཀའང་དེ་འདྲ་ལ་ལ་ཞིག །ཇི་ལྟར་གྲོང་དུ་འཇུག་པར་འགྱུར། །དེ་བཞིན་དམུས་ལོང་གྱུར་པ་དེས། །ཡང་དག་ཡེ་ཤེས་མ་མཐོང་བས། །གནས་དེ་ཐོབ་པར་མི་ནུས་ན། །ཇི་ལྟར་དེས་ནི་གཞན་གྲོལ་བྱེད། །དེ་བས་བླ་མ་བསྟེན་པ་ཡི། །ཡང་དག་དང་ལྡན་སློབ་མ་ཡིས། །ཡོངས་སུ་བརྟག་པར་བྱའོ་ཞེས། །རྒྱལ་བ་མཆོག་གིས་རབ་ཏུ་གསུངས། །དཀོན་མཆོག་གསུམ་ལ་ངང་གིས…

བཤད། །བླ་མ་མཁས་པ་སྐྱ་བ་འཛིན། །གྲུ་ནི་ཐམས་ཅད་རབ་སྟོན་པ། །འཁོར་བའི་ཕ་རོལ་འགྲོ་རྣམས་ལ། །རྡོ་རྗེ་སེམས་དཔའ་གསུངས་པ་ཡིན། །སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་བགྲོད་མི་ནུས། །ཡོན་ཏན་ཐམས་ཅད་རབ་རྟོགས་ཀྱང་། །བླ་མ་མེད་ན་སྲིད་མཐར་མིན། ཞེས་དང་། །ཤེས་རབ་དད་པར་ཡང་དག་ལྡན། །ཁྲོ་བ་མེད་ཅིང་བསླུ་བ་མེད། །གཏོང་སོགས་ཡོ…

ན་ཉིད་ཡི་གེའི་ཚོགས་ངེས་པར་བསྟན་པ་ལས། ཐོག་མ་དང་ཐ་མ་མེད་ཅེས་པ་ནི་སྐྱེ་བ་དང་འཇིག་པ་མེད་པ་སྟེ། འདིས་ནི་ཁྱབ་པ་ཉིད་དང་། གཟུགས་ཅན་མ་ཡིན་པ་ཉིད་དང་། མི་འགྱུར་བ་ཉིད་དང་། དུས་ཐམས་ཅད་པ་ཉིད་དུ་ཡང་སྟོན་ཏེ། ཞེས་དང་། ཞི་བ་ཞེས་བྱ་བ་ནི་ཉོན་མོངས་པ་ཐམས་ཅད་གློ་བུར་བ་ཡིན་པའི་ཕྱིར་རབ་ཏུ་ཞི་བའོ། །ཞེས་དང་། འདུས་པ་ལས་ལུང་དྲང…

འདི་ནི་དེ་ཉིད་གྲུབ་པ་ཡིན། །བཞིན་ནོར་བུ་ལྟ་བུར་བཤད། །ཅེས་དང་། ཟླ་གསང་ཐིག་ལེ་ནོར་བུའི་རྒྱུད་ལས། །ཡན་ལག་ཀུན་བསྒོམ་ལས་འད། ག་དང་བརྟག་བྱ་རྣམ་པར་སྤངས། །གུག་སྐྱེད་ཐིག་ལེ་ཡང་དག་འདས། །འདི་ནི་དཀྱིལ་འཁོར་དམ་པ་ཡིན། །ཞེས་སོགས་དང་། སྒྱུ་འཕྲུལ་དྲྭ་བའི་ལེའུ་བདུན་པ་བྱང་ཆུབ་སེམས་ཀྱི་ལེའུ་ལས་དྲངས་པར། ཆོས་རྣམས་རང་བཞིན་འ…

བདུན་པ་དབང་བསྐུར་བའི་ཆོ་གའི་ལེའུར། ཐུགས་རྗེའི་བདག་ཉིད་བཀའ་དྲིན་གྱིས། །ཡང་དག་ཡེ་ཤེས་མཆོག་ཐོབ་སྟེ། །རང་རིག་པ་ཡི་ངོ་བོ་ལ། །བདག་ནི་ཤིན་ཏུ་ངོ་མཚར་སྐྱེས། །ཞེས་སོ། །ལེའུ་བཅོ་བརྒྱད་པ་དབང་པོ་མཆོག་ལེགས་པར་སྤྱོད་པའི་རིམ་པར། །སངས་རྒྱས་ཞིང་ནི་མ་ལུས་པར། །སངས་རྒྱས་སྤྲུལ་པ་སྒྲུབ་པར་བྱེད། །སངས་རྒྱས་སྤྲུལ་པ་སྒྱུ་མ་ཡི…

དགའ་བའི་ཨུཏྤ་ལ། །འབྱེད་པའི་ངེས་དོན་གྲུབ་པའི་གཏམ། ཞེས་ཀྱང་སྨྲས་སོ། །ཤུ་བྷཾ། །གཉིས་སུ་མེད་པར་གྲུབ་པ་ཞེས་བྱ་བའི་སྒྲུབ་ཐབས་ལས། །དམ་བཅའ་དཀའ་ཐུབ་སྨྱུང་བ་དང་། །སྙིང་པོ་བསྒོམ་པར་སྨྲ་བ་ལས། །འདི་ཉིད་མེད་པར་གྱུར་ན་ནི། །བསྐལ་པ་འབུམ་ཕྲག་བརྒྱར་མི་འགྱུར། ཞེས་དང་། །ཐམས་ཅད་རིག་ནས་བྱུང་བ་ཡི། །བུད་མེད་དག་ལ་བརྟག་མི་བྱ།…

དབུལ་གྱུར་རྒྱལ་གྱུར་ཅིག །ཅེས་དང་། །སྐྱེ་བ་སྔ་མར་བྱས་པའི་ལས་ཀྱི་རྒྱུ་ལས་ནི། །སེམས་དེ་འདི་རུ་སྐྱེ་བ་ཡོངས་སུ་ལེན་ཅིང་འགྲོ། །དེ་ཡི་རྒྱུ་ཡིས་མ་ལུས་འདི་དག་ཐམས་ཅད་ནི། །བག་ཆགས་བཅས་པའི་སེམས་ཀྱིས་ཉེ་བར་བརྩམ་པར་འགྱུར། །ཞེས་གསུངས་ཤིང་། འདི་ཉིད་ཞི་བཟང་དང་། འགོས་ཀྱིས་བསྒྱུར་པའོ།། ༈ །།ཌོམྦྷི་ཧེ་རུ་ཀས་མཛད་པའི་ལྷན་ཅ…

ཞེས་སོ།། ༈ །།ཨོ་རྒྱན་གྱི་ས་སྤྱོད་དབང་པོའི་བློས་མཛད་པའི་ལྷན་ཅིག་སྐྱེས་གྲུབ་ལས། །རྟོག་དང་བྲལ་ཞིང་མངོན་སུམ་པ། །རྒྱལ་བས་ཡིད་ནི་ནང་གནས་གསུངས། །རྟག་དང་ཆད་པ་བྲལ་བ་ཉིད། །མཚོན་དང་མཚན་གཞི་སྤངས་པ་ཉིད། །ཅེས་དང་། དེ་ཉིད་སྲོག་ཆགས་རྣམས་ཀྱི་སྲོག །དེ་ཉིད་མཆོག་ཏུ་མི་འགྱུར་བ། །དེ་ཉིད་ཀུན་ལ་ཁྱབ་པ་ཡི། །ལུས་ཀུན་ལ་ནི་རྣམ་…

སྤངས་པ་ཉིད། །ལྷན་ཅིག་སྐྱེས་པ་དེ་ལྟ་བུར། །བླ་མ་མཆོག་གིས་སྔོན་དུ་གསུངས། །ཞེས་དང་། །ཟ་བའམ་ནི་འཁྲིག་པ་ན། །གནས་སྐབས་ཀུན་ལ་ཐམས་ཅད་དུ། །གསང་བ་མེད་ཅིང་འཇིག་པ་སྤངས། །ཡེ་ཤེས་ཆེན་པོ་རང་གིས་རིག །ཅེས་གསུངས་སོ། །གཞུང་འདི་ཟླ་བའི་མགོན་པོ་དང་། །པྲཛྙཱ་ཀཱིརྟིས་བསྒྱུར་བ་སྟེ། །ཉེར་མཁོའི་དུམ་བུ་ཅུང་ཟད་ཙམ་མོ། །འདི་ལ་གཞུང་…

རྒྱས་གདབ་ཅིང་། །འབྲས་བུ་ལ་ཡང་རྒྱུས་རྒྱས་གདབ། །རྒྱུ་འབྲས་གཅིག་ཏུ་རྒྱས་གདབ་པས། །ཕྱག་རྒྱ་ཆེན་པོ་སྐྱེ་བར་འགྱུར། །ཞེས་སོགས་གསུངས་སོ། །དེ་ལྟར་རྒྱུད་སྡེ་སྤྱིའི་དགོངས་འགྲེལ་དུ་གྱུར་ཅིང་།། ལྷན་ཅིག་སྐྱེས་པ་གཙོ་བོར་སྟོན་པའི་བསྟན་བཅོས། འཕགས་ཡུལ་གྱི་རྣལ་འབྱོར་མཆོག་རྣམས་ཀྱི་དགོངས་བཅུད་སྙིང་པོར་དྲིལ་བ། གྲུབ་པ་སྡེ་…

བཅོས་མ་མ་ཡིན་པ་ཇི་ལྟར་འགྱུར་ཞིང་སྐྱེ་བར་འགྱུར། རིགས་མཐུན་པའི་རྒྱུ་ལས་རིགས་མཐུན་པའི་འབྲས་བུ་སྐྱེ་བར་འགྱུར་གྱི་རིགས་མི་མཐུན་པ་ལས་ནི་མ་ཡིན་ནོ། །ཇི་ལྟར་འབྲས་སཱ་ལུའི་ས་བོན་ལས་སཱ་ལུའི་མྱུ་གུ་སྐྱེ་བར་འགྱུར་གྱི། དྲུག་ཅུ་པ་ལས་ནི་མ་ཡིན་ནོ། །དེ་བཞིན་དུ་མ་བཅོས་པའི་ཆོས་ཀྱི་ཕྱག་རྒྱའི་རང་བཞིན་ལས་མ་བཅོས་པའི་ལྷན་ཅིག…