རྒྱན་གྱི་འཆད་ཐབས་ཉུང་གསལ་གཞན་ཕན་ཉེར་མཁོ་བཞུགས། །ཨོཾ་སྭ་སྟི་སིདྡྷི། འདིར་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པ་རྒྱན་གྱི་དོན་བསྡུས་ཏེ་འཆད་པ་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། ཆོས་ཁུངས་བཙུན་པར་བསྟན་པའི་ཕྱིར་རྒྱ་གར་ན་སྐད་རིགས་བཞི་ཡོད་པའི་…

བཅོས་བརྩམས་པའི་དགོས་པ། བརྩམ་པའི་བསྟན་བཅོས་ཀྱི་ལུས་སོ། ༈ །དང་པོ་ནི། སྲིད་པ་ཐ་མའི་ཚེ་ཡང་དག་པའི་གདམས་ངག་གཞན་ལས་ཉན་ཅིང་ཚུལ་དེ་གཞན་ལའང་ངག་གིས་ཐོས་པར་བྱ་དགོས་པས་ཉན་ཐོས་སྲིད་པ་ཐ་མའི་ཚེ་གཞན་ལ་མ་ལྟོས་པར་རང་གི་བྱང་ཆུབ་མངོན་དུ་བྱ་ནུས་པའི་རང་བྱུང་རང་རྒྱལ་སོགས་ཞི་བ་ཐར་པ་འཚོལ་བ་རྣམས་ཕུང་སོགས་ཀྱི་གཞི་ཀུན་གང་ཟག་གི་…

དོན་སྒྲུབ་པ་ཆོས་འཁོར་བསྐོར་བ་སོགས་ནུས་པའི་ཡོན་ཏན་དང་ལྡན་པའི་སྒོ་ནས་བསྟོད་པའོ། །འདིར་གདུལ་བྱ་དབང་རྣོན་གྱིས་དབུ་མའི་ལྟ་བ་རྟོགས་པའི་སྒོ་ནས་ཡོན་ཏན་གཉིས་པོ་དེ་མི་འགལ་བར་ཚད་མའི་སྟོབས་ཀྱིས་ངེས་པ་རྙེད་ལ། དབང་བརྟུལ་གྱིས་ཚིག་ཙམ་གྱི་སྒོ་ནས་དད་པ་སྐྱེ་ལ་དེ་ལས་རྒྱན་ལ་ཐོས་སོགས་ཀྱིས་ཞུགས་ནས་རྣམ་མཁྱེན་ཐོབ་པར་འགྱུར་ར…

འབྲེལ། མཐར་ཐུག་གི་ཉིང་དགོས་རྣམ་མཁྱེན་དེ་གནས་སྐབས་ཀྱི་ཉིང་དགོས་དང་འབྲེལ་བ་དེ་རྣམས་འབྲེལ་པ་ཡིན་ནོ། །གསུམ་པ་བརྩམས་པའི་བསྟན་བཅོས་ཀྱི་ལུས་དངོས་ལ་གཉིས། མཁྱེན་གསུམ་མདོར་བསྟན་པ་དང་། ཡན་ལག་རྒྱས་པར་བཤད་པའོ། །དང་པོ་ལ་གཉིས། ལུས་མདོར་བསྟན་པ་དང་། ལུས་རྒྱས་པར་བཤད་པའོ། །དང་པོ་ནི། ཤེས་རབ་སོགས། གཉིས་པ་ལུས་རྒྱས་པར་བཤད…

ལྟར་དོན་བསྡུས་ཚུལ་གཞན་ཏེ་སྐབས་རྣམ་པ་གསུམ་དུ་བཤད་དོ། །བཤད་ཚུལ་གསུམ་པོ་དེ་ལ་སྐབས་ཀྱི་གྲངས་བློ་ལ་འཆར་ཚུལ་མང་ཉུང་ཡོད་ཀྱང་། དོན་ནི་སྔར་རྒྱས་པར་བཤད་པ་གཞན་དུ་ཤེས་པར་བྱ་དགོས་སོ། །བཞི་པ་མཇུག་གི་དོན་གཉིས་མཛད་པ་པོ་གང་ཡིན་པ་དང་། ལོ་པཎ་གང་གིས་བསྒྱུར་བའོ། །དང་པོ་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས…

ཐུབ་པ་དགོངས་གསལ་གྱི་མདོ་རྣམ་པར་བཤད་པ། རིགས་ཀྱི་སྐབས་སུ། ཆོས་བཅུ་པའི་མདོ་ལས། དུ་བ་ལས་ནི་མེར་ཤེས་ཤིང་། །ཆུ་སྐྱར་ལས་ནི་ཆུར་ཤེས་ལྟར། །བྱང་ཆུབ་སེམས་དཔའ་བློ་ལྡན་གྱིས། །རིགས་ནི་མཚན་མ་དག་ལས་ཤེས། །མི་རྩུབ་བརླང་བ་མ་ཡིན་ལ། །གཡོ་དང་སྒྱུ་ནི་རྣམ་སྤངས་ཤིང་། །སེམས་ཅན་ཀུན་ལ་རབ་དྭངས་པ། །དེ་ནི་བྱང་ཆུབ་སེམས་དཔའ་ཡིན། །ཅ…

སྐྱབས་སུ་འགྲོ་བའི་མདོ་སོགས་ལས་ཤེས་སོ། །སྐྱེས་བུ་དམ་པ་བསྟེན་པ་ནི། ཡེ་ཤེས་བསྟན་པ་ཐེག་པ་ཆེན་པོའི་མདོ་སོགས་ལས་དང་། སྡོང་པོ་བཀོད་པ། སངས་རྒྱས་ཕལ་པོ་ཆེ་སོགས་ལས་ཤེས་པར་བྱའོ། །སེམས་བསྐྱེད་ནི། སྡོང་པོ་བཀོད་པ་ལས། རིགས་ཀྱི་བུ་མདོར་ན་སངས་རྒྱས་ཀྱི་ཆོས་ཐམས་ཅད་དང་། སངས་རྒྱས་ཀྱི་ཡོན་ཏན་ཐམས་ཅད་ཇི་སྙེད་པ་དེ་སྙེད་དུ་བྱ…

ཤེས་རབ་ཀྱི་བསླབ་པ་ཡིན་ནོ། །བརྩོན་འགྲུས་ནི་ཀུན་ཏུ་འགྲོ་བ་འདི་ལས། ཡིན་པར་སྨྲའོ། །ཞེས་སོགས་ཤིན་ཏུ་རྒྱས་པར་བཤད་དོ། །དེ་ལས་སྦྱིན་པ་ནི་ཉེ་བར་འཁོར་གྱིས་ཞུས་པའི་ལེའུ་དང་། བསོད་ནམས་ཐམས་ཅད་ཡང་དག་པར་སྡུད་པ་སོགས་ལས་རྒྱ་ཆེར་ཤེས་པར་བྱའོ། །བསམ་གཏན་རྣམ་པ་གསུམ་ནི་རྣམ་པར་མི་རྟོག་ཅིང་། ཞི་ལ་རབ་ཏུ་ཞི་བས་ཉོན་མོངས་པ་དང་ས…

མདོ་ལས་བྱམས་སྙིང་རྗེ་བསྒོམས་པ་དང་། སྡོང་པོ་བཀོད་པ་ལས་བདག་གཞན་བརྗེ་བའི་ཚུལ་རྒྱལ་བུ་བི་ཛ་ཡའི་གཏམ་རྒྱུད་དང་སྦྱར་བ་དང་། དེ་སོ་སྐྱེའི་དུས་སུའང་བསྒོམས་པ་བློ་གྲོས་རྒྱ་མཚོས་ཞུས་པའི་མདོར་སེང་གེའི་རྒྱལ་པོ་ཡན་ལག་མ་སྨད་པ་ཞེས་པའི་གཏམ་རྒྱུད་དང་སྦྱར་བ་དང་། ཞི་ལྷག་བསྒོམ་ཚུལ་དགོངས་འགྲེལ་ལས་རྒྱ་ཆེར་བསྟན་པ་རྣམས་སོ། །ཤ…

པ་ཁྱད་པར་སེམས་ཀྱིས་ཞུས་པའི་མདོ་སོགས་ལས་རྒྱ་ཆེར་བསྟན་ལ། བློ་གྲོས་མི་ཟད་པས་ཞུས་པར། ཀུན་རྫོབ་ཀྱི་བདེན་པ་གང་ཞེ་ན། ཇི་ཙམ་དུ་འཇིག་རྟེན་གྱི་ཐ་སྙད་དུ་ཡི་གེ་དང་སྒྲ་དང་བཅས་བསྟན་པའོ། །དོན་དམ་པའི་བདེན་པ་གང་ཞེ་ན། གང་སེམས་ཀྱི་དཔྱོད་པའང་མེད་ན། ཡི་གེའི་རྣམ་པ་ལྟ་ཅི་སྨོས། །ཞེས་གསུངས། བསྒོམས་པས་ཉམས་སུ་བླང་བ་ནི། ཏིང་འཛ…

བློ་གྲོས་མི་ཟད་པའི་མདོ་ལས་ཤིན་ཏུ་གསལ་ལོ། །དེའི་ནང་དབང་པོ་ལྔ་ནི་དད་སོགས་ཏེ། སྟོབས་ལྔ་དེའི་བཟློག་ཕྱོགས་ཀྱིས་མི་བརྫི་བའོ། ༈ །སའི་ཡོན་ཏན་མདོ་སྡེ་ས་བཅུ་པ་ལས་བཤད་པའི་དོན་འཇུག་པ་རང་འགྲེལ་དང་སྦྱར་རོ། ༈ །སྐུ་གསུམ་དང་ཡེ་ཤེས་བཞི་ནི། སྐུ་གསུམ་བསྟན་པའི་མདོ་ལས། རིགས་ཀྱི་བུ་ཀུན་གཞིའི་རྣམ་པར་ཤེས་པ་གནས་སུ་དག་པ་ནི་མེ…

དུ་སྦྱོང་བ་ནི། དེ་དང་དེ་དངོས་མ་ཡིན་ཏེ། རྗེས་སུ་མོས་པ་དང་མཚུངས་པར་ལྡན་པ་ཡིན་པར་བཤད་ལ། ༈ །དགོངས་འགྲེལ་ལས། ཞི་གནས་ནི་སངས་རྒྱས་ཀྱི་སྐུ་གཟུགས་ལ་སྒྲུབ་པར་བཤད་ཅིང་། ལྷག་མཐོང་ནི་དང་པོ་ཕྱི་དོན་རྡུལ་ཕྲ་རབ་ཏུ་བཤིག་ཀྱང་མི་རྙེད་པས་སེམས་ཙམ་དུ་བསྒྲུབས། སེམས་ཀྱང་དུས་གསུམ་གྱི་རིག་པས་བརྟག་ན་སྐྱེ་འགག་མི་རྙེད་པས་སྐུ་གས…

བ་ལྟ་བུའོ། ༈ །རྒྱ་ནག་གི་བྱིས་པ་ཅེས་བྱ་བ་ནི། རྒྱ་ནག་ཏུ་བྱིས་པ་གཅིག་ལྷ་ཁང་དུ་ཁྲིད་ནས། ཁྱོད་རང་གི་ལྷ་གང་ཡིན་ངོས་ཟུང་ཞིག་སྨྲས་པ་ན། མིག་ཀྱང་བལྟར་མ་འདོད། དེར་ཕ་མས་ཐུགས་རྗེ་ཆེན་པོའི་སྐུ་གཅིག་ཕུ་བའི་ནང་དུ་བཅུག་ནས། ཁྱོད་རང་གི་ལྷ་ཕྲུ་བ་ན་ཡོད་ཀྱི་ལོངས་ཤོག་བྱས་པས། མིག་དང་སྣ་གོས་ཀྱིས་གཡོགས་ཏེ། ཁྱེད་རང་གི་ལྷ་དེ་ན…

ཕྱེད་དང་བཅས་པ་ལ་དབང་ཐོབ་ཀྱང་། ད་དུང་ཆོག་མ་ཤེས་པར་བརྒྱ་བྱིན་གྱི་དཔལ་ལ་འཁུ་བས་སླར་ས་ལ་ལྟུང་ངོ་། །ཞེས་པ་ཅུང་ཟད་འདྲ་མིན་ཙམ་ལས། སྔ་མ་ཡབ་སྲས་མཇལ་བའི་མདོ་དང་། ཕྱི་མ་འདུལ་བ་ལུང་གཞི་ལས་འབྱུང་། ༈ །ཐམས་ཅད་སྒྲོལ་གྱིས་བུ་དང་བུ་མོ་བྲམ་ཟེའི་གཡོག་ཏུ་བྱིན་པ་༩དང་། ཤི་བིའི་རྒྱལ་པོས་༢མིག་༢བྱིན་པ་དང་། རི་བོང་༦གིས་བརྒྱ་བ…

པའི་ཚེ། དཔྲལ་བར་དེའི་འདབ་མ་ཞིག་ཕོག་པས་ཁྲོས་ཏེ། དེ་བཅད་ནས། སྲོག་ཀྱང་མེད་ལ་འཚོ་བ་ཡང་མེད་པ་འདི་ལ་བཅོམ་ལྡན་འདས་ཀྱིས་ཉེས་པ་ཅི་ཞིག་གཟིགས་ནས་བསླབ་པ་གཞི་བཅས། ཞེས་སྨྲས་པ་ཙམ་གྱི་རྣམ་སྨིན་གྱིས། སྦྲུལ་གྱི་ལུས་མགོ་བདུན་པ། མགོ་བོ་རེར་ཨེ་ལའི་སྡོང་པོ་རེ་སྐྱེས་པ། འཇིགས་སུ་རུང་ཞིང་སྡུག་བསྔལ་བ་ཞིག་ཏུ་སྐྱེས་པ། འཁོར་རྣམ…

ནི། བདག་ཅག་གི་སྟོན་པ་འདིའི་སྔོན་རབས་ཏེ། དེས་གསེར་གླིང་དུ་ཚོང་པ་མང་པོ་དང་ལྷན་ཅིག་རྒྱ་མཚོར་ཞུགས་པས་དུས་མིན་གྱི་རླུང་ལངས་པས་འཇིགས་པ་ན། བདག་གི་ཤེད་བྱེ་ཚུན་ཆད་དུ་སྲོག་གཅོད་སྤངས་པའི་བདེན་པས་གྲུ་འདི་རྒྱ་མཚོའི་ཀློང་ནས་ལྡོག་པར་གྱུར་ཅིག་ཅེས་བདེན་ཚིག་བརྗོད་པས་འདོད་པའི་གནས་སུ་དབུགས་འབྱིན་པ་སྟེ། སྐྱེས་རབས་སོ་བཞི…

རྒྱལ་པོ་དཔལ་སྦྱིན་ཕྲག་དོག་སྐྱེས་ཏེ་ལུས་དུམ་བུར་བཅད་ཀྱང་དེའི་ཐུགས་རྗེའི་སྟོབས་ཀྱིས་རྒྱལ་པོ་དེ་ལ་སོགས་པ་དུ་མ་ཞིག་རྣམ་གྲོལ་ལ་བཀོད་པའི་ཚུལ་མདོ་ཏིང་འཛིན་རྒྱལ་པོར་བཤད། ༈ །བརྒྱ་བྱིན་མིག་མཛེས་ནི། བདག་ཅག་གི་སྟོན་པའི་སྔོན་རབས་དེ་སུམ་ཅུ་རྩ་གསུམ་དུ་སྐྱེ་བ་བཞེས་ཀྱང་། འཛམ་བུའི་གླིང་པའི་མི་རྣམས་ལ་ནད་ཀྱི་བསྐལ་པ་ཆེན…

ལ་བྱམས་པའི་བསོད་ནམས་ཀྱིས་ལྷར་སྐྱེས་ཞེས་མྱང་འདས་ལས་གསུངས། དེར་ཆུ་ཀླུང་དེའི་འགྲམ་ན་ཡོད་པའི་མུ་སྟེགས་ཀྱི་དྲངས་སྲོང་ཞིག་གིས་མངོན་ཤེས་ཀྱིས་རིག་སྟེ། ཆུའི་ཡོན་ཏན་ཡིན་པར་བསམ་ནས་ལྕེབ་བོ། །རྒྱུ་དེས་མུ་སྟེགས་པའི་བརྟུལ་ཞུགས་འཛིན་པ་འགའ་ཞིག་ཚུལ་དེ་ལྟ་བུ་ལ་སྤྱོད་དོ། །ཞེས་གྲགས། ༈ །དེད་དཔོན་མཛའ་བོའི་བུ་མོ་ནི། དང་པོ་…