མ་ནིང་དང་མཚན་གཉིས་པ་མ་ཡིན་པ་ལ། ཟག་མེད་ཀྱི་ཡོན་ཏན་བཟང་པོ་ཡོད་པར་ཤེས་པའི་ཚིག་གོ །བསམ་པ། འདུ་ཤེས་མ་འཁྲུལ་བ། སྦྱོར་བ། རང་གི་མི་ཆོས་བླ་མ་རང་གིས་ཐོབ་པར་སྨྲ་བར་བརྩམས་པ། མཐར་ཐུག་སྨྲས་ཤིང་ཡུལ་དེས་གོ་བའོ། །ལྔ་པ་ཆང་སོགས་ནི། ཕབ་བཏབ་པ་འབྲུའི་ཆང་དང་། མ་བཏབ་པ་བུ་རམ་དང་། རྒུན་ཆང་ལ་སོགས་པ་མྱོས་པར་འགྱུར་པའི་ཆང་ཧུབ་གཅ…

ལྡན་གྱི་རྐྱེན་མེད་བཞིན་དུ་བདག་ཏུ་བཟུང་ནའོ། །འདི་རྣམས་ལ་རྩ་བ་བཞི་ཉམས་ན་སླར་གསོ་རྒྱུ་མེད། ལྷག་མ་དྲུག་ཉམས་ན། སྡོམ་པ་དང་ལྡན་པའི་དྲུང་དུ་བཤགས་ལ་ཉེས་པས་མ་གོས་པར་བྱའོ། ། དགེ་ཚུལ་གྱི་བསླབ་བྱ་མདོར་བསྡུས་པ་སྟེ། རྒྱས་པར་འོད་ལྡན་དུ་ཤེས་པར་བྱའོ། །མངྒ་ལཾ་བྷ་ཝ་ཏུ།། ༈ །།སྤྱོད་པ་སྤྱིར་སོ་ཐར་འདུལ་བ། བྱང་སེམས་མདོ་སྡེ།…

སྤྱོད་པ་གཅིག་བྱ་དགོས་ཀྱི། འདི་གཙོ་མཐའ་གཅིག་ཏུ་ངེས་པ་མེད་ཅེས་གསུངས།། ༈ །།དགེ་བཤེས་གྲོ་ལུང་པའི་བསྟན་རིམ། ཕྱ་པའི་རྒྱལ་སྲས་འཇུག་ངོགས། ས་པཎ་རྒྱལ་སྲས་ལམ་བཟང་། །གྲགས་པའི་ལྗོན་ཤིང་། འགོས་ཀྱི་གསང་འདུས་སྟོང་ཐུན། འབྲོམ་གྱི་དུས་འཁོར་འོད་ཟེར་གྱི་ཕྲེང་བ། ཞལ་ལུང་འགྲེལ་སོགས་ལ་བལྟའོ།། ༈ །།ལྟ་བ་ཡུལ་སྤྲོས་བྲལ། ཡུལ་ཅན།…

པའམ་ཆགས་ཀྱང་ཉམས་པས་དགེ་འདུན་གྱི་ལས་ལན་གཉིས་སུ་མྱོང་བ་ཡིན་ལ། གསོ་སྦྱོང་ལ་གསུངས་པ་མཚོན་པ་ཙམ་མོ། །ཐ་དད་དུ་གནས་པ་ནི། །གནས་ནས་དབྱུང་བའི་ལས་བྱས་པའམ། ལྷས་སྦྱིན་ཆོས་མིན་ལ་དམིགས་པའི་ཕྱོགས་དང་ལྡན་པའོ། །གནས་པར་མི་བྱ་བ་ནི་ཉམས་པའོ། །ཟ་མ་ནི་རླིག་པ་ཕྱུང་བས་མཐུ་ཉམས་པའམ། །ས་བོན་མེད་པར་བཤད་ལ། དབང་པོ་ལས་སུ་མི་རུང་བ་དང…

བཀུག་པ། རྙེད་བརྩོན་ནི་གཏའི་ཚུལ་གྱིས་ཕྱིན་པའོ། །རྩོད་པ་ཅན་ནི་སྐྱིན་པ་སོགས་བླངས་ནས་ཕྱིས་འཚོབ་བར་མི་ནུས་པས་བྲན་ཉིད་དུ་བསྐོས་པའོ། །འབྲས་ནི་འབྲུམ་བུ་ཆེན་པོ་ཡོད་པ། ཕོལ་ མིག་ནི་འབྲུམ་བུ་ཕྲ་མོ་ཡོད་པ། འབྲུམ་ཕྲན་ནི་འབྲུམ་བུ་ཕྲ་མོ་མང་པོ་ཡོད་པའི་བར་རྡོལ་ཞིང་རྨ་བྱུང་བ། ཤ་བཀྲ་ནི་ཁྲ་ཁྲ་བོ་སྟེ་གཟི་བུ། ཁྱི་རྡོ་ནི་གཡ…

གཏོང་བ་ཡིན་ཞེས་བུ་སྟོན་རིན་པོ་ཆེས་བཞེད་དོ། །དུས་བསྒོའི་ཉི་མ་བརྒྱད་ཆ་ཤར་བ་ནི་ཉི་མ་ཤར་ནས་ནུབ་པའི་བར་གྱི་ཆ་བརྒྱད་དུ་བགོས་པའི་ཆ་གཅིག་ཤར་བའོ། །མཁྱེན་ཅིང་གཟིགས་པ་ཞེས་པའི་མཁྱེན་པ་ནི། ཟག་བཅས་འཇིག་རྟེན་པའི་ཡེ་ཤེས་ཀྱིས་མཁྱེན་པ་དང་། གཟིགས་པ་ཟག་མེད་མྱང་འདས་པའི་ཡེ་ཤེས་ཀྱིས་གཟིགས་པའོ། །དར་རས་ཡུག་ཆེན་ནི། དར་གྱི་སྲ…

པོ་ནི་ཡི་དྭགས་ཀྱི་བྱེ་བྲག །ཡུལ་སྲུལ་པོ་ནི་རེ་སྡེ་གྱོན་པ་ཐུང་དུ་དྲི་ང་བ། དུར་ཁྲོད་ཀྱི་ཤ་ཟ་ནི་ཕྱགས་དར་ཁྲོད་དམ་རྡུལ་འཚུབས་ཀྱི་དཀྱིལ་ན་འདུག་པའི་འདྲེའོ། །ལྷན་ཅིག་གཏམ་འདྲེ་བ་ནི་ཚུར་ཤོག་སོགས་དང་། ཕེབས་པར་སྨྲ་བ་ནི་ཡིད་འདྲེས་པའི་ཚིག །བཀླགས་པ་ནི་བློར་འཛིན་པ་དང་། ཁ་ཏོན་ནི་དེ་བརྗེད་དུ་མི་འཇུག་པ། མ་ཐོབ་པ་ཐོབ་པ་ས…

པ་དང་། བསྙེན་པར་རྫོགས་པ་དངོས་གཞི་ལ་སོགས་པའི་སྐབས་ཐམས་ཅད་དུ་བསྒྲུབ་བྱ་དེ་ཡུན་རིང་པོར་ཙོག་ཙོག་པུར་འདུག་པས་སྡུག་བསྔལ་བ་འདི་ལ་ཕ་གུ་གནང་སྟེ། ཕ་གུ་ཞེས་བྱ་བ་ནི་བོང་བ་ཡིན་པར་ཤེས་པར་བྱའོ། །འདི་ལ་བདག་གི་བླ་མ་ལོ་ཙཱ་བ་ཆེན་པོའི་ཞལ་ནས། རྒྱ་གར་དང་བལ་པོ་གཉིས་ཀྱི་ཕྱག་ལེན་ལ། ཕ་གུ་སོ་བཏང་བ་རི་མོ་བྲིས་པ་ལ་བྱེད་གསུངས། འ…

འོག་ཏུ་རྣམ་པར་གྲོལ་བའི་ཕུང་པོ་དང་། རྣམ་པར་གྲོལ་བའི་ཡེ་ཤེས་ཀྱི་ཕུང་པོ་འབྲས་བུ་ལྟ་བུ་འབྱུང་ངོ་། །ཞེས་དང་། དེ་ལ་འདོད་ཆགས་ལ་སྤྱོད་པའི་གང་ཟག་གིས་ནི་མི་གཙང་བ་བསྒོམ་མོ། །ཞེ་སྡང་ལ་སྤྱོད་པའི་གང་ཟག་གིས་ནི་སེམས་ཅན་ཐམས་ཅད་ལ་གཉེན་དང་ཉེ་དུ་བཞིན་དུ་སྡུག་པ་དང་ཕངས་པར་བསྒོམ་མོ། །གཏི་མུག་ལ་སྤྱོད་པའི་གང་ཟག་གིས་ནི་རྟེན་…

དམ་པར་ཡང་དེ་བཞིན་དུ་ལྟ་བས་ན་ཐམས་ཅད་ཡོད་པར་སྨྲ་བ་ཞེས་བྱའོ། །ཞེས་དང་། ཆང་འཐུངས་པས་མྱོས་པ་ཙམ་དུ་མ་ཟད་ཉེས་པ་གཞན་ཡང་འཕེལ་བར་འགྱུར་གྱི། རྩྭ་མཆོག་ཙམ་ཡང་མི་བཏུང་ངོ་། །དེ་བས་ན་རྩྭའི་ཐོར་ཏོ་ལ་ཆགས་པ་ཙམ་ཡང་མི་བཏུང་ན་མང་དུ་འཐུང་བ་ལྟ་ཅི་སྨོས། ཞེས་དང་། དགེ་༡༥ཚུལ་གྱི་བསླབ་པའི་གཞིའི་མདོ་༥༧ཀ་ལྱཱ་ཎ་མི་ཏྲས་མཛད་པར། དགོན…

བྷ་དྲས་མཛད་པ། ཇོ་བོ་དང་གཞོན་ནུ་མཆོག་གིས་བསྒྱུར་བ་ཡོད། དགེ་ཚུལ་དང་དགེ་སློང་གི་ལོ་དྲི་བ་དཱི་པཾ་ཀ་༧༠རས་བསྒྱུར་བ། འདུལ་བ་དྲི་བའི་ཚིག་ལེའུར་བྱས་པ་སློབ་དཔོན་ཀ་ལྱཱཎ་མི་ཏྲས་མཛད་པ་ལེའུ་ལྔ་པའི་རྒྱ་ཆེར་འགྲེལ་དེ་ཉིད་ཀྱིས་མཛད་པར། གསོལ་བ་ནི་བྱེད་པར་འགྱུར་བའི་ལས་གོ་བར་བྱེད་པའོ། །གསོལ་བ་ཉིད་ལས་ཡིན་པས་ན་གསོལ་བའི་ལས་…

རྩོད་དང་ངེས་ཉིད་མ་ཡིན་དང་། །དེ་ཡི་དོན་དུ་ལྔ་པོ་དག །ཐམས་ཅད་དགག་དབྱེར་གཏོགས་པ་ཡིན། །དབྱར་གནས་ཁས་བླངས་ཉིད་དང་ནི། །ཤི་བའི་རྫས་དང་ནོར་འདྲ་དང་། །ཆོས་གོས་སྦྱིན་པར་བྱ་བ་དང་། །གནས་ངན་ལེན་ནི་བརྗོད་པ་དང་། །གྲོང་དུ་གཞུག་པ་བཞི་དག་དང་། །ཁྱིམ་ནི་སྡོམ་དང་དེ་གཞིག་དང་། །ལྷུང་བཟེད་ཁ་བུབ་བྱ་བ་དང་། །དེ་ཉིད་བཟློག་པར་བྱ་བ…

མཐུན་ཞི་གསོ་སྦྱོང་བདུན་པོ་དང་། །བརྒྱད་དང་དྲན་དང་མ་སྨྱོས་དང་། །དེ་ཉིད་ཚོལ་དུ་གཞུག་པ་དང་། །བསྒོ་བར་བྱ་བ་རྣམས་དང་ནི། །ཉམས་པ་སྦྱིན་པར་བྱ་བ་དག །གསོལ་དང་བཞི་ཡི་ལས་ཡིན་ནོ། །འདི་ཉིད་ལ་བརྒལ་བ་དང་ལན་དུ་བཅས་པའི་ཚིག་ལེའུར་བྱས་པ་དག་གཅིག་ཀྱང་ཡོད་དོ། །ཁོ་བོས་བྱས་པའི་ལས་བརྒྱ་རྩ་གཅིག་རྣམ་པར་དབྱེ་བ་ཡོད་པས་དེ་ཡང་བལྟ་བ…

ནི་ངོ་བོ་ཉིད་གཅིག་ལས་གཉིས་སུ་གྱུར་པ་ཡིན་ཏེ། སྟོན་པ་དང་བསྟན་བཅོས་ཀྱི་ངོ་བོ་ཉིད་དུ་གྱུར་པ་ཡིན་པས་འདུལ་བ་འདི་ནི་ཕྱག་བྱ་བའི་འོས་ཡིན་ཏེ། འདི་ལ་ངེས་པ་ཁོ་ནར་ཕྱག་བྱའོ། །ཅི་ཞིག་དང་འདྲ་བར་གཉིས་སུ་གྱུར་པ་ཡིན་ཞེ་ན། ཆོས་མཐུན་པའི་དཔེ་བསྟན་པའི་ཕྱིར་སངས་རྒྱས་ཆོས་གཅིག་བཞིན། ཞེས་བྱ་བའི་དཔེ་གསུངས། དཔེར་ན་སངས་རྒྱས་བཅོམ…

ཏུ་ཡང་འགྲོ་བར་འགྱུར་རོ། །ཞེས་དང་། གཞུང་༡༤༡ལུགས་བྱེ་བྲག་ཏུ་བཀོད་པའི་འཁོར་ལོ་ཞེས་བཙུན་པ་བ་སུ་མི་ཏྲས་མཛད་པ་༡༤ ༧ལས། སྡེ་པ་ཐ་དད་༡༤ ༧པར་བྱེད་པ་རྣམ་པར་བཤད་པ་སློབ་ དཔོན་བྷ་བྱས་མཛད་༡༥༤པར་དེ་ལ་དགེ་འདུན་ཡང་ཡིན་ལ། ཕལ་ཆེན་པ་ཡང་ཡིན་པས་དགེ་འདུན་ཕལ་ཆེན་ཏེ། དེ་ཉེ་བར་སྟོན་པར་བྱེད་པ་ནི་དགེ་འདུན་ཕལ་ཆེན་༡པའོ། །ཁ་ཅིག་ནི་…

གནས་བརྟན་འཕགས་པའི་རིགས་ཡིན་པར་སྟོན་པ་ནི་གནས་བརྟན་པའོ། །དེ་ཉིད་ལ་གངས་རི་བཞེས་ཀྱང་ཟེར་ཏེ། གངས་ཀྱི་རི་ལ་བརྟེན་ནས་གནས་པའི་ཕྱིར་རོ། །གང་ཅུང་ཞིག་འདས་པ་དང་། མ་འོངས་པ་དང་། ད་ལྟ་བར་བྱུང་བ་ཡོད་དོ་ཞེས་སྨྲ་བའི་ཕྱིར། ཐམས་ཅད་ཡོད་པར་སྨྲ་༡༠བའོ། །དེ་དག་ལས་འགའ་ཞིག་ནི་ཡོད་དེ། འདས་པའི་ལས་དང་འབྲས་བུ་མ་བྱུང་བ་གང་ཡིན་པའོ།…

ཁྱེར་དུ་ཡང་དག་པར་བསྡུ་བ་བྱས་པའི་ཕྱིར་ཨ་པནྟ་ཀ་པའོ། །ཁ་ཅིག་ཀུ་རུ་ཀུལླེའི་རི་ལ་གནས་པའི་ཕྱིར་ཀུ་རུ་ཀུལླེ་པའོ། །ཤཱ་སུའི་སྐད་ཀྱི་བྱིངས་ལས་རྗེས་སུ་སྟོན་དུ་བསྒྱུར་ཏེ། སྐྱེ་བོའི་ཚོགས་ཆེན་པོ་ལ་སྲིད་མི་འབྱུང་བར་རྗེས་སུ་སྟོན་པར་བྱེད་པ་ནི་མང་སྟོན་པའོ། །སློབ་དཔོན་ཆོས་སྦས་ཀྱི་ཡིན་པར་སྨྲ་བ་ནི་ཆོས་སྦས་པའོ། །རབ་ཏུ་བས…

རྣམ་པར་ཤེས་པ་དྲུག་གིས་ཤེས་པར་བྱ་བ་འཁོར་བར་འགྱུར་བ་ཡོངས་སུ་གསལ་བར་གྱུར་པ་ཡིན་ནོ། །ཞེས་ཟེར་རོ། །དེ་དག་ནི་སྡེ་བ་བཅོ་བརྒྱད་ཀྱི་དབྱེ་བ་ཡིན་ནོ། །ཞེས་བཤད། གཞན་ཡང་༡༥༤སྡེ་པ་ཐ་། དད་དུ་བསྡུས་པ་ཞེས་སློབ་དཔོན་དུལ་བའི་ལྷས་མཛད་༡༥༦་པར་སོ་སོའི་གྲུབ་པའི་མཐའ་གསལ་བར་སྣང་ངོ་། །བར་༡༥༦འདིར་དགེ་བསྙེན་གྱི་སྡོམ་བརྒྱད་རྩ་འགྲེ…

དགོན་པ་ཉིད་ནི་གྲོང་མཐའ་གནས་པ་སྤོང་བ་ཡིན་ནོ། །ཤིང་དྲུང་པ་ཉིད་ནི་གཡོགས་པར་གནས་པ་སྤོང་བ་ཡིན་ནོ། །བླ་གབ་མེད་པ་ནི་གཡོགས་པ་དང་ཤིང་དྲུང་དུ་གནས་པ་སྤོང་བ་ཡིན་ནོ། །དུར་ཁྲོད་པ་ཉིད་ནི་གཞན་དུ་གནས་པ་སྤོང་བ་ཡིན་ནོ། །ཙོག་པུ་པ་ཉིད་ནི་ཉལ་བ་སྤོང་བ་ཡིན་ནོ། །ཞེས་སོགས་དང་། དེ་དག་གི་རྣམ་པ་དུ་ཡིན་པ་དང་། ངོ་བོ་གང་ཡིན་པ་དང་།…

དེ་ལ་ན་ཚོད་དང་པོ་ལ་ནི་འདོད་པའི་ཨ་ཤོ་ཀར་གྱུར་ཏོ། །ན་ཚོད་གཉིས་པ་ལ་ནི་གཏུམ་པའི་ཨ་ཤོ་ཀར་གྱུར་ཏེ། གང་གིས་བཙོན་ར་བཟང་པོ་བྱས་ནས་སྐྱེ་བོ་བྱེ་བའི་སྲོག་བརླག་པར་གྱུར་ཏོ། །ན་ཚོད་གསུམ་པ་ལ་ནི་ཆོས་ཀྱི་ཨ་ཤོ་ཀར་གྱུར་ཏེ། གང་གིས་ཆོས་ཀྱི་རྒྱལ་པོ་ལ་བརྒྱད་ཁྲི་བཞི་སྟོང་རབ་ཏུ་གནས་ཤིང་སྤྱན་ཕྱེའོ། །ཞེས་དང་། དེའི་སྲས་བྱ་ཀུ་ན་…