ཅན་དོན་དུ་བདག་འཚལ་བས། །བཟོད་པར་མཛད་དེ་དགོངས་སུ་གསོལ། །ཞེས་སོ། ༈ །རྡོ་རྗེ་སེམས་དཔའ་ནམ་མཁའ་ཆེ་བྲམ་ཟེ་རྒྱས་པའི་རྒྱུད་ཀྱི་རྒྱལ་པོ་ལས། མ་སྐྱེས་སྤྲོས་དང་བྲལ་བའི་རང་བཞིན་གྱི། །སྐྱེ་བའི་ཆོ་འཕྲུལ་སྣ་ཚོགས་ཡུལ་ཕྱུངས་ནས། །ཡུལ་མེད་རང་གི་རང་བཞིན་ཡིན་ཞེས་བྱ། །ཡུལ་ལ་མི་འཛིན་སྤངས་དང་ལེན་མེད་པས། །མེད་པ་ཕྱལ་བ་གཅིག་པུ་…

ལ་བཞག །མི་རྟོག་སྤྲོས་དང་བྲལ་བར་བཞག །གང་དུའང་ངོས་མི་བཟུང་བར་བཞག །སྣང་བ་མི་དགག་གང་ཤར་བཞག །རྟོག་མེད་གསལ་བའི་ངང་ལ་བཞག །གཉིས་མེད་མཉམ་པའི་ངང་ལ་བཞག ། ཀླུ ལུས་ངག་ཡིད་གསུམ་གློད་དེ་བཞག །དེ་བཞིན་མ་བཅོས་རང་སར་བཞག །མ་ཆགས་ཞེན་དང་བྲལ་བར་བཞག །བསམ་པ་གང་དུའང་མ་ཞུགས་བཞག །ཤེས་པ་བསམ་སྤྱོད་མེད་པར་བཞག །ཅེས་དང་། སེམས་ཉིད་ཀ…

པོ་ཀུན་ཏུ་རབ་ཏུ་གྲགས། །ཆོས་རྣམས་རང་བཞིན་འོད་གསལ་བས། །གདོད་ནས་དག་པས་ནམ་མཁའ་བཞིན། །བྱང་ཆུབ་མེད་ཅིང་སེམས་ཅན་མེད། །བདག་ཏུ་མེད་པའི་ཆོས་ལས་བྱུང་། །ཞེས་དང་། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། རིག་པ་གང་ལའང་མ་ཆགས་པར་རང་བྱུང་ཡེ་ཤེས་སུ་ཐལ་བྱུང་བ་ནི་ངོ་བོའི་གཞི་ལ་རིག་པ་ཉིད་ཅིར་ཡང་མི་གནས་པར་ལམ་རྐྱེན་གྱི་ཆོས་…

དུ་ལོག་ནས་བཙལ་བས་ཅི་ཡང་མ་མཐོང་ལ་གདགས་གཞི་དང་བྲལ་བའོ། །ཞེས་སོ། །རྨད་བྱུང་ལས། །དཀྱིལ་འཁོར་འཁོར་ལོ་ཞེས་བྱ་བ། །ཡེ་ཤེས་རྡོ་རྗེའི་ཐུགས་ལ་གནས། །རྡོ་རྗེ་ཡེ་ཤེས་མཆོག་ཉིད་ནི། །བདག་ཉིད་སྦྱོར་བས་བསྟན་པའོ། །ཞེས་དང་། ༈ །བང་མཛོད་འཕྲུལ་གྱི་ལྡེའུ་མིག་ལས། ཉན་ཐོས་ལྟ་བ་རྣམ་པ་གཉིས། །བྱེ་བྲག་པ་དང་མདོ་སྡེའོ། །བྱེ་བྲག་དོན་…

རྟག་པར་འདོད། །སྔ་མ་སྔ་མར་རྒྱུ་བྱས་ནས། །ཕྱི་མ་ཕྱི་མ་འབྲས་བུར་འདོད། །རྣམ་མེད་ལྟ་བའི་རྫུན་པ་ནི། །ཤེས་པ་བདེན་ཏེ་རྣམ་པ་རྫུན། །རྣམ་པར་ཤེས་དང་མགོ་མཉམ་དུ། །ཡང་དག་ཡོད་པ་མ་ཡིན་ཏེ། །དོན་དམ་དུ་ཡང་ཨ་ཅང་ཆེ། །ཀུན་རྫོབ་ཏུ་ཡང་འབྲེལ་མེད་འདོད། །ཤེས་པ་རང་རིག་རང་གསལ་ཙམ། །དེ་ལས་གཞན་པའི་ཆོས་མི་འདོད། །རྣམ་མེད་དག་གི་ལྟ་བ་ནི…

སྟེ། །དོན་དམ་སྐྱེ་འགགས་མེད་འདོད་པར། །ཀུན་ཀྱང་ཕྱག་རྒྱའི་དཀྱིལ་འཁོར་འདོད། །ཅུང་ཟད་ཕྱོགས་ཆ་མ་མཐུན་པས། །བྱ་བ་རྒྱུད་ཀྱི་ཐེག་པ་ནི། །ཆོ་ག་ཡན་ལག་བཅུ་གཅིག་གིས། །བྱིན་གྱིས་བརླབས་ནས་ལྷ་རུ་འདོད། །དེ་ཡང་རྗེ་དང་ཁོལ་གྱི་ཚུལ། །གཉིས་ཀའི་རྒྱུད་ནི་སྤུན་གྲོགས་ཚུལ། །རྣལ་འབྱོར་རྒྱུད་ཀྱི་ཐེག་པ་ནི། །བྱང་ཆུབ་ལྔ་དང་ཆོ་འཕྲུལ་…

ཆོ་ག་དག་གི་འཇུག་སྒོ་ནི། །མངོན་པར་བྱང་ཆུབ་ལྔའི་སྒོ་ནས། །མ་ཧཱ་ཡོ་གའི་འཇུག་སྒོ་ནི། །ཏིང་འཛིན་རྣམ་གསུམ་སྒོ་ནས་འཇུག །རྫོགས་དང་རྫོགས་པ་ཆེན་པོ་ནི། །དམིགས་མེད་དག་པའི་སྒོ་ནས་འཇུག །ཅེས་དང་། དབུ་མའི་ལྟ་བ་མི་མཐུན་ཏེ། །རྣམ་པར་ཤེས་དང་མགོ་མཉམ་དུ། །ལ་ལ་བདེན་པ་གཉིས་སུ་འདོད། །ལ་ལ་རང་རིག་འོད་གསལ་འདོད། །ལ་ལ་དག་གི་ལྟ་བ་…

ཞེས་སོ། །རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། རྡོ་རྗེ་སེམས་དཔའ་ལ་སོགས་པ་རྣམས་ཉོན། ཨ་ཏི་ཡོ་གའི་རྒྱུད་འདི་ཉིད་ལ་སོགས་པ་རྣམས་ཀྱི་འོག་མིན་གནས་ཡུམ་གྱི་མཁའ་ཉིད་དུ། ཉིད་ཀྱིས་ཁྱེད་འདུས་པའི་འཁོར་རྣམས་བཤད་དེ། སྡུད་པ་པོ་འཇམ་དཔལ་དང་། སྤྱན་རས་གཟིགས་དང་། ཕྱག་ན་རྡོ་རྗེས་བསྡུས་ཏེ། ལྷ་གནས་གས…

པར་བྱང་ཆུབ་ཤིང་དྲུང་དུ་གཏེར་དུ་སྦེད་པར་འགྱུར་ཏེ། དེ་ཅིའི་ཕྱིར་ཞེ་ན། འདུལ་བའི་སྣོད་དུ་མ་གྱུར་པའི་ཕྱིར་རོ། །དེ་ཉིད་ཀྱི་དུས་ནི། སླད་ནས་འབྱུང་བ་རྣམས་དང་། བྱང་ཕྱོགས་ཀྱི་གནས་སུ་ནི། སྔར་བྱུང་བའི་རྒྱུད་སྡེ་རྣམ་པ་གསུམ་དང་། སླད་ནས་འབྱུང་རྒྱུད་རྣམས་དང་། གཉི་ག་དར་ཞིང་རྒྱས་པར་འགྱུར་ཏེ། གཞུང་བཞིན་དུ་སྤྱད་པ་རྣམས་ན…

ཆོས་སྐུ་མངོན་སུམ་རྟོགས་པའི་ཚེ། །མཆོག་གི་དབང་དུ་དེ་ཉིད་དེས། །རྡུལ་ཚོན་ལུས་དང་བྱང་ཆུབ་སེམས། །དེ་བཞིན་ཉིད་ཀྱི་དཀྱིལ་འཁོར་མཆོག །བསྟེན་ནས་དབང་རྣམས་ཡང་དག་བསྐུར། །བུམ་པ་གསང་བ་ཤེས་རབ་དང་། །བཞི་པ་མཆོག་གི་དབང་ཆེན་ཡིན། །ཞེས་དང་། ཕུར་བ་རྣམ་པ་བཞི་ཡིན་ཏེ། །ཆོས་ཉིད་དོན་གྱི་ཕུར་བ་དང་། །རིག་པ་ཡེ་ཤེས་ཕུར་བ་དང་། འདུས་…

དྲུག་རྫོགས། །སོར་གཅིག་ལྟེ་བ་གསུངས་པ་སྟེ། །སྒོ་བཞི་སྒོ་མ་བཞི་དང་ལྡན། །འོག་གི་སྟོབས་ཆེན་དེ་ཉིད་དོ། །སོར་གཅིག་བཙོས་པོ་མཚན་མ་སྟེ། །ཆུ་སྲིན་ཁ་རུ་ཡང་དག་རྫོགས། །དྲག་པོ་ མཁའ་འགྲོའི་དཀྱིལ་འཁོར་ཡིན། །སོར་གསུམ་དཔལ་དང་ལྡན་པ་སྟེ། །ཡུམ་ཆེན་ལྔ་ཡི་དཀྱིལ་འཁོར་ཡིན། །བཅུ་གཉིས་ལྡན་ན་དབུས་དེ་གཙོ། །གཙོ་བོའི། སོར་རེ་ཡིན་ཞ…

རྗེ་ཆེན་པོའི་ཕུར་པ་ཡིས། །ཁམས་གསུམ་སེམས་ཅན་ལ་གདབ་དང་། །གསང་བ་བྱང་སེམས་ཕུར་པ་ཡིས། །ཡུམ་གྱི་མཁའ་ལ་གདབ་པ་དང་། །མཚན་མ་རྫས་ཀྱི་ཕུར་པ་ཡིས། །ཉམས་པ་བདུན་ལ་གདབ་པའོ། །ཞེས་དང་། རྡོ་རྗེ་གཉིས་སུ་མེད་པ་སྟེ། །མི་འགྱུར་ཆོས་ཀྱི་སྐུ་རུ་བཤད། །ཕུར་པ་ཡེ་ཤེས་གཉིས་མེད་དོན། །དབྱིངས་དང་ཡེ་ཤེས་འབྲེལ་བར་བཤད། །ཅེས་དང་། སློབ་དཔོ…

བརྟུལ་ཞུགས་སྤྱད་པ་སྤྱོད་ནུས་པ། །ཡང་ན་མཚན་ལྡན་བུ་མོ་ནི། །ཨུཏྤལ་བཞིན་དུ་སྔོ་བསང་མ། །ར་བ་བཞི་ཡི་ཉ་བཞི་ལ། །བཟུང་ཐབས་བཞི་ཡི་འགྱུར་བྱེད་ཅིང་། །རྟོག་མེད་སྙིང་རྗེ་ཆོས་ལ་དད། །དེ་ལྡན་གསང་བའི་དབང་བསྐུར་རོ། །དངོས་གྲུབ་རྟགས་ཀྱི་ཕྱག་རྒྱ་ཡིས། །གསང་བའི་མན་ངག་དེ་དབང་བསྐུར། །དྲོད་གསུམ་དང་ནི་ལྡན་བྱས་པའི། །དབང་གསུམ་དམ་…

བྱེད་པའི་རླུང་ནི་གཉིས་ཡིན་ཏེ། །རྒྱུ་དང་འབྲས་བུ་རྣམ་གཉིས་སོ། །རྒྱུ་ནི་རྣམ་ལྔར་ཤེས་པར་བྱ། །ཁྱབ་བྱེད་ཐུར་དུ་སེལ་བ་དང་། །མེ་དང་མཉམ་དུ་གནས་པའི་རླུང་། །སྲོག་དང་གྱེན་དུ་འགྲོ་བའི་རླུང་། །རྒྱུ་ཞེས་རབ་ཏུ་བཤད་པ་ཡིན། །འབྲས་བུའི་རླུང་ནི་རྣམ་ལྔ་སྟེ། །རྒྱུ་དང་རྣམ་པར་རྒྱུ་བ་དང་། །ཡང་དག་རྒྱུ་དང་རབ་ཏུ་རྒྱུ། །དེ་བཞིན་…

གིས་བསྲེགས། །ཕྱི་རོལ་བར་ཆད་བྱེད་རྣམས་ལ། །འོད་ཟེར་དག་གིས་བསྲེག་པར་བྱ། །བརྟུལ་ཞུགས་ཆེན་པོའི་སྤྱོད་པ་ཡིས། ཚོགས་ཀྱི་འཁོར་ལོ་བྱ་བ་ཡིན། །རྟོག་པ་ཅན་ལ་ཚོགས་འཁོར་གསང་། །དཔའ་བོ་དཔའ་མོ་བརྟུལ་ཞུགས་ལྡན། །དམ་ཚིག་ཅན་གྱིས་ཚོགས་འཁོར་བྱ། །རྡོ་རྗེའི་གླུ་ནི་རབ་ཏུ་བླངས། །མཁའ་འགྲོའི་ཚོགས་ལ་གཏོར་མ་སྦྱིན། །ཅེས་དང་། དམ་ཚིག་…

རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། གནས་པ་རྩ་ལ་གཡོ་བ་རླུང་། །མི་ཤིགས་བྱང་ཆུབ་སེམས་སུ་བསྟན། །ཅེས་གསུངས། ༈ །རྫོགས་པ་ཆེན་པོ་ནམ་མཁའ་ཀློང་ཡངས་ཀྱི་རྒྱུད་ལས། ཕྱི་རོལ་ཡུལ་གྱི་ཐ་སྙད་ལ། །དམ་པར་ཞེན་པའི་རྟོག་པ་ཡིས། །བྱུང་ཚོར་རྗེས་སུ་མ་འབྲེངས་པས། །འཇིག་རྟེན་ཕལ་བར་དེ་མི་གོལ། །རང་རིག་སེམས་ཀྱི་སྙིང་པོ་འདི། །ད…

སུ་བློས་བསྡུས་ནས། །དོན་དམ་རང་གི་ཤེས་པའི་དོན། །རང་རིག་སྐད་ཅིག་མ་བསྒོམས་པས། །སེམས་ཙམ་ལྟ་བར་དེ༔ ཡུལ་འདི་ཀུན་རྫོབ་བློས་བྱས་ཏེ། །གཏན་ཚིགས་དག་གིས་གཞིག་བྱས་ ནས། །མཚན་མ་སྟོང་པར་མ་བསྒོམས་པས། །དབུ་མ་གཉིས་སུ་དེ་མི་གོལ། །ཞེས་དང་། ཆོས་ཉིད་དག་པའི་ངང་ལས་ནི། །རིགས་གསུམ་དཀྱིལ་འཁོར་ལྷར་མ་བསྐྱེད། དབང་བཞིའི་ཏིང་འཛིན་མ་…

བྱིང་རྒོད་གཉིས་ཀྱི་སྐྱོན་བྲལ་ནས། །ཞི་གནས་བསམ་གཏན་དེ་ལ་རྫོགས། །ཕྱི་ནང་ཆོས་རྣམས་ཐམས་ཅད་ཀུན། །སོ་སོར་རྟོག་པའི་ཡེ་ཤེས་ཀྱིས། །སྒྱུ་མ་ལྟ་བུར་རབ་ཤེས་པས། །རང་བཞིན་མེད་པའི་ལྷག་མཐོང་རྫོགས། །འཇིག་རྟེན་གོལ་བར་དོན་རྟོགས་པས། །སེར་སྣར་འཛིན་པའི་སེམས་མེད་ཕྱིར། །རེ་བ་མེད་པའི་བསམ་པ་ཡིས། །སྦྱིན་པའི་ཕ་རོལ་ཕྱིན་པ་རྫོགས། …

ཐབས་ཀྱི་ཕ་རོལ་ཕྱིན༔ ཚེ་རབས་སྔོན་ནས་སྦྱངས་པའི་ཕྱིར། །མི་གནས་བླ་མེད་དོན་རྟོགས་པས། །ད་ལྟ་ཉིད་དུ་རང་གི་སེམས། །སྨོན་ལམ་ཕ་རོལ་ཕྱིན༔ རང་སེམས་སྙིང་པོ་རྟོགས་པའི་ཕྱིར། ། མ་རིག་སྒྲིབ་པ་ཟིལ་གནོན་ནས། །ལུས་ངག་རྩོལ་བ་མི་དགོས་པས། །སྟོབས་ཀྱི་ཕ་རོལ་ཕྱིན༔ འཁོར་འདས་གཉིས་མེད་གོང་རོལ་ཏུ། །སྐྱེ་ཤི་མེད་པར་ཐག་ཆོད་པས། །བྱང་ཆ…

དྲན་པའི་དོན་གྱིས་ཟིན་པའི་ཕྱིར། །བསྒུལ་བསྐྱོད་ཐམས་ཅད་ཡེ་ཤེས་ལ། །ཕྱག་རྒྱའི་མཆོད་པ་དེ་ལ་རྫོགས། །ཞེས་དང་། འཁོར་དང་མྱ་ངན་འདས་པའི་ཆོས། །ཐིག་ལེ་གཅིག་ཏུ་འདུས་པའི་ཕྱིར། །ཅི་སློད་རང་གི་ལུས་ངག་ལ། །དཀྱིལ་འཁོར་བསྡུ་བ་དེ་ལ་རྫོགས། །ཞེས་སོ། ༈ །དཔལ་དུས་ཀྱི་འཁོར་ལོའི་རྒྱད་ལས། རྡུལ་ཚོན་དཀྱིལ་འཁོར་བྲིས་ནས་ནི། །གཤིན་ལ་ག…