བ་ལུའི་མེ་ཏོག་སེ་འབྲུ་དང་། །སྡིག་སྲིན་ཨ་བ་བུ་རམ་སྦྱར། །ཟོས་ན་རོ་ཙ་ཤ་ཚག་དམ། །སྤྱི། རྨ་བཅོས་ནི་འཕོག་ས་དང་སྦྱར་ཏེ་ཉེ་རིང་སྒོ་བསྲེགས། ཕག་ཤ་འཛེམ། ནང་དུ་སོང་ན་དེ་འཕྲལ་བཙོད་བུལ་སྟར་བུ་མཛོ་མོ་ཤིང་རྣམས་གང་འཛོམས་ཀྱི་ཐང་མང་དུ་གཏང་། གཟེར་སྟེང་བཙོད་རོའི་དུགས་བྱ། དེ་འཕྲལ་ཁྲག་བཤལ་ནི། སྲད་དཀར་བུལ་ཏོག་ཚྭ་ལ་དན་རོག་དུ…

ཇི་ལྟར་བསྐུལ་བཞིན་ཚེ་དབང་ཞེས་བྱ་བས། །བླ་རྟར་བྲིས་པའི་དགེ་དེས་ཀུན་མཁྱེན་ཤོག། ཤུ་བྷཾ། །

༈ ཚེ་ལ་དབང་བའི་ཕོ་ནད་ཚ་གྲང་གི་སྤྱི་འཇོམས་བདེ་བའི་མྱུ་གུ་བཞུགས་སོ། །ན་མོ་མ་ཧཱ་གུ་ཎ་ཡེ། མེ་དྲོད་གསུམ་གྱིས་མྱག་བཞུ་དྭངས་སྙིགས་འབྱེད་པར་མ་ནུས་པའམ། དུས་གདོན་ཟས་སྤྱོད་རྐྱེན་གྱིས་མེ་དྲོད་ཀྱི་ལས་ལོག་པར་བྱས་པ་ལ་སྡེ་བཞིའི་ཅོང་གི་རྩ་བ་ཕོ་ནད་མང་དུ་འབྱུང་ནའང་།། ཁྲག་མཁྲིས་ཚ་བར་གྱུར་པ་དང་། བད་རླུང་གྲང་བར་གྱུར་པ་གཉ…

འཇུ་བ། ཟས་སྤྱོད་བརླན་གྲང་གིས་བསྐྱེད་པ་རྣམས་གྲང་བ་ཡིན་པས་དེའི་སྤྱི་སྨན་ནི། ཅོང་ཞི་སོལ་བའི་མེ་ལ་དཀར་པོར་མ་སོང་བར་དུ་བསྲེགས་པ་ཆང་དང་དར་བར་ངད་བསད་པས་གཞི་བྱ། དེ་སྟེང་ཨ་རུ་ར། བྱ་ཐལ། རྒྱམ་ཚྭ། སེ་འབྲུ། སུག་སྨེལ། པི་པི་ལིང་། བྱི་ཏང་ཀ ཚྭ་ལ། མ་ནུ། ཁ་ཆེ། སྟར་བུ། སྦྲུལ་ཤ་འདི་རྣམས་ཐུན་བཟང་རེ་འུ་སུའི་ཆུས་འདམ་འཐགས་…

༈ སྨན་མིང་དང་ངོས་འཛིན་ཐོར་བུ་མཁས་པའི་ངག་གི་བདུད་རྩིའི་ཟེག་མ་བཞུགས། ཨོཾ་ཨ་ཐཱ། མ་ཧཱ་པཎྜི་ཏ་དྷརྨ་ཀཱ་རའི་གསུང་རྒྱུན་ལོ་ཙཱ་བ་ཚེ་དབང་ཀུན་ཁྱབ་ཀྱིས་ཟིན་བྲིས་སུ་མཛད་པའི་སྨན་མིང་

དང་ངོས་འཛིན་ནོར་བུའི་དོ་ཤལ་༥༤ལས། བཅུད་ཀྱིས་ལེན་པ་སོགས་ལ་བསྔགས་པའི་སྡེ་ཚན་བརྒྱད་ནི། བྲི་ཙྪིདྷི། འཕེལ་བ། ཛཱི་བ་ཀཿ འཚོ་བྱེད་རི་ཥ་བྷ༔ ཁྱུ་མཆོག ཀ་ཀོ་ལི༔ ར་མཉེ་སྟེ༔ འདི་ལ་རིགས་མང་བ་ལས་སེར་པོ། ཡང་ཀླུ་ར་ཀ་ཀོ་ལི༔ ར་མོ་ཤག་འོ་མ་ཅན་སྟེ། ར་མཉེ་དཀར་པོ་སྟོབས་བསྐྱེད་ཀྱི་སྨན་ལ་མཆོག །རྒྱ་ནག་ཤར་ཕྱོགས་ལེའུ་ཏང་ནས་འབྱུང་…

སྤྱིའི་མིང་ཏེ། ཕལ་སྐད་དུ་ཧ་རི་ཏ། དེ་ཟུར་ཆག་པས་ཨ་རུ་ར། དེ་ལས་རྣམ་རྒྱལ་ནི་རི་སྤོས་ངད་ལྡན་སོགས་སུ་སྐྱེ་བ་ཕལ་པས་མི་རྙེད། རྒྱ་གར་དུ་བྷ་ར་ཧ་ར་ཅེས་ཟེར་བ་རྒྱལ་པོ་འགའ་ཞིག་གི་སྐྱེད་ཚལ་དུ་ཤིང་སྡོང་རེ་རེ་ཆེད་དུ་བཙུགས་པ་ལས་འབྱུང་བ་ཡིན་ཅིང་། ཆེ་ཆུང་ནི་སྐམ་པོ་ལའང་མི་ཆེན་པོའི་ལག་མགོ་ཙམ་ཡོད། འཇིགས་མེད་ཟུར་ལྔ་ནི་ཟུར་…

མཁའ་འགྲོར། ཨ་རུ་ར་ནི་འབིགས་བྱེད་ཀྱི། །ནགས་དང་རི་བོ་དབང་ཆེན་སྐྱེས། །ནར་མ་ད་ཡི་ཆུ་སྐྱེས་མཆོག །གཞན་དག་དམན་དང་འབྲིང་པོ་ཡིན། །ཞེས་གསུངས་པ་མཆོག་དང་། །རྒྱ་གར་ནས་འབྱུང་བ་བཟང་ཞིང་། བལ་པོ་ནས་འབྱུང་བའི་མདོག་སེར་པོ་ཆུང་ངུ་འདི་ནི་ནུས་པ་དམན་པས་མི་བཏང་བར་གསུངས་སོ། ༈ །ཕལ་སྐད་དུ། བྷ་ཧུ་ལ། ཞེས་ཟུར་ཆག་པའི་བ་རུ་ར་ནི། ར…

ཏྲི་ཕ་ལཿ སྟེ་འབྲས་བུ་གསུམ་དང་། གཞན་ཡང་། བླ་མ་གསུམ་མཆོག་གསུམ་སོགས་ཀྱང་ངོ་། །བརྒྱད་པར། འབྲས་བུ་གསུམ་པོ་འདི་རྣམས་ནི། །བཅུད་ཀྱི་ལེན་མཆོག་མིག་ནད་སེལ། །རྨ་འཚོ་པགས་ནད་རྨ་རེངས་དང་། །ཚིལ་ཆེན་གཅིན་སྙི་བད་ཁྲག་སེལ། །ཞེས་སོ། །དེ་ཡང་ཨ་རུ་ནི་རྒྱ་གར་ཁོ་ན་དང་། བ་རུ་ནི་བལ་པོ་ལའང་རེ་གཉིས་འབྱུང་ཞིང་། སྐྱུ་རུ་ནི་དེ་དག་ཏ…

ཆེ་བར་འབྱུང་ཞིང་གཞན་མི་དང་། དུད་འགྲོ་ཕལ་ལས་ཀྱང་འབྱུང་བས། མི་ལས་བྱུང་ན་ནི་མཆོག་དང་། འབྲི་གཡག་དང་ར་ལུག་ལས་བྱུང་བ་དམན་པར་བཞེད། བདེ་མཆོག་རྩ་རྒྱུད་སོགས་ལས། མི་རྣམས་ཀྱི་སྙིང་གི་ཕྱོགས་སུ་རོ་ཙ་ན་སྟེ་བཅུད་ཡོད་པར་གསུངས་པ་འང་འདི་ཁོ་ན་འོ། ༈ །གེ་རི་ཡཾ། བྲག་ཞུན། འདི་རྒྱ་གར་དུ་མི་འབྱུང་བས། བོད་ནས་ཕར་འགྲོ་དགོས། འདི…

སོགས་ནི་འོལ་ཚོད་ཙམ་མོ། །དེ་མ་རྙེད་ན། ཆོས་རྒྱལ་སྲོང་བཙན་ཞབས་ཀྱིས། མཚང་མ་སྲེ་ཏ་པུ་རི་རུ། །རང་བྱུང་དྲི་ཆུའི་ཇུ་གང་ཡོད། །ཅེས་སྲེ་ཏ་པུ་རི་ལས་འབྱུང་བ་དང་། དེའང་མ་རྙེད་ན་བྲག་ཕུག་གཏིང་རིང་བ་འགའ་ཞིག་ཏུ་ཆུ་ལ་ཆགས་པ་སྔ་མ་དག་དང་མདོག་དབྱིབས་རོ་རྣམས་འདྲ་བ་དེ་གཏོང་བ་ལས་འོས་མེད། ཕྱི་མ་འདི་དག་ནི། ཟླ་ཟེར་སོགས་སུ། མངྒ་…

བུར་འདི་རྣམས་རྒྱ་དཀར་ནག་གཉིས་ཀྱི་མཚམས་བྲཧྨའི་ཡུལ་དག་ཉེ་བ་ནས་འབྱུང་ཞེས་རྒྱ་ནག་པ་རྣམས་ཟེར་རོ། །གབ་མིང་དུ་སེངྒེའི་འོ་མ་ཞེས་བཤད་པའང་འདི་ཁོ་ནའོ། ༈ །ཛཱ་ཏི། སྐྱེ་ལྡན་སྟེ། །བོད་དག །ཛཱ་ཏི། ཤིང་སྡོང་། ཛཱ་ཏི་མཱ་ལ། དེའི་མེ་ཏོག །ཛཱ་ཏི་ཕ་ལ། འབྲུའོ་ཞེས་ཟེར་བ་ནི་ཚོད་གཏམ་སྟེ། ཛཱ་ཏི་ལ་མེ་ཏོག་སེར་པོ་འཐུག་ཉམས་ཅན་ཛཱ་ཏིའ…

འབྲིང་པོ་ཡིན། ཞེས་གསུངས། དེ་ཡང་ཨུ་རྒྱན་དང་། ཁ་ཆེར་འབྱུང་བ་སྟེ། ཁ་ཆེ་གུར་གུམ་ཞེས་གྲགས་པ་འདི་ནི་དངོས་ཡིན། རྒྱ་གར་གྱི་ཡུལ་ཐམས་ཅད་དང་། དེའི་རིགས་གཅིག་བལ་པོ་དང་། བོད་ཀྱིའང་སྡུམ་རར་སྐྱེ་བའི་ལེབ་རྒན་རྩི་ཞེས་གྲགས་པ་འདི་རྣམས་ནི་ཚབ་རུང་ཙམ་མ་གཏོགས། གུར་གུམ་དངོས་མིན་ཏེ། བརྒྱད་པ་རྩ་འགྲེལ་སོགས་སུ་གུར་གུམ་དང་། ལེབ…

ནང་རུས་སོ། །འཇང་སོགས་ནས་འབྱུང་བའི་ཤིང་ཏོག་སེ་ཞགས་ཆགས་པ་འདི་ནི། ཤིང་ཏེན་ཏུ་ཀའི་འབྲས་བུ་ཡིན་གྱི། ཨ་འབྲས་མིན་ནོ། ༈ །སྲ་འབྲས་ནི། ཀཱ་ཀ་ཛམྦུ༔ སྟེ་བྱ་རོག་ཛམྦུ་ཟེར་བའི་ཤིང་འབྲས་ཡིན། ༈ །ཀ་ར་ཛ༔ འཇམ་འབྲས་འདི་ལ་རིགས་མང་ནའང་། ཐམས་ཅད་ཀ་རཉྫའི་ནང་གསེས་ཡིན་པས། འཇམ་འབྲས་དང་། ཀ་ར་ནའི་གཅིག་གོ ༈ །བལླེཛཾ། ཕོ་བ་རིས་ནག་པོ་…

འཇམ་པ་འདི་ནི། པི་ལིང་སྦོམ་པོ་སྟེ། འདི་གཉིས་རོ་ནུས་ཅུང་ཟད་མི་མཚུང་པས་ཟླ་ཟེར་སོགས་སུ་སྨན་སོ་སོར་མཛད། རྒྱ་ནག་ནས་འབྱུང་བའི་དབང་ཕྱོགས་པི་ལིང་ཞེས་གྲགས་པ་ནི་སྔ་མ་གཉིས་དང་རིགས་མཚུངས། ཀོང་པོ་སོགས་བོད་རོང་ནས་འབྱུང་བ་འདི་རྣམས་ཀྱིས་ཀྱང་ཚབ་རུང་བར་གསུངས་སོ། ༈ །ཤུཎཱི། སྨན་སྒ་ནི་སྒ་སྐམ་པོ། ཨཏྠ་ཀཾ། སྒེའུ་གཤེར་ནི་སྒ་…

ལྕམ་ལོ་འདྲ་བ་རྩེ་མོ་ལྔ་དྲུག་བདུན་པ་ཁོ་ན་ཡོད་པ་སྟེ། རིགས་གཉིས་ཡོད། དན་རོག་འབྲས་བུ་དབྱིབས་རུ་སྦལ་འདྲ་བ་རུ་སྦལ་མ་ཞེས་གྲགས་པ་དེ་ནི་རྒྱ་ཡུལ་དུ་ལོ་མས་དར་གྱི་འབུ་གསོ་བའི་ཤིང་དར་ཤིང་ཟེར་བ་དེའི་འབྲས་བུ་སྟེ་དནྡ་དཀྱུས་མ་དང་མིང་གཅིག་གོ ༈ །བྲི་ཁཎྱ ནི་བལ་པོ་སོགས་སུ་ཞིང་གི་རིབ་མའི་དོན་དུ་བཙུགས་པའི་ཤིང་ཚེར་མ་ཅན་ལོ་…

གཉིས་ལས། ད་ལྟ་སྐྱ་སོབ་གསོ་མ་འདྲ་བ་ལ་སྨྱུག་མའི་རྩི་གཞོག་པ་འདྲ་བ་དང་། བསམ་པ་ཆུ་ནང་དུ་རུལ་བ་འདྲ་བ་འདི་རྣམས་རྒྱུ་གཅིག་ཅིང་ཨར་སྐྱ་ཞེས་ཟེར། དེ་ལས་སྔ་མ་བཟང་བར་བྱེད་མོད། གཙོ་ཆེར་བསྲེག་ན་དྲི་ཇི་ཙམ་བཟང་བ་རང་ལེགས། བོད་རྣམས་ཨར་སྐྱ་འདི་ལ། ཨ་གར་འབའ་ཞིག་ཅེས་བཏགས་པ་ནི། མདོ་རྣམས་ལས། ཨ་ག་རུ་ཁོ་ནས་བདུག་པའི་དོན་ལ་ཨ་ག་ར…

བ་ནི་ཏུ་རུ་ཥཝའོ། །ཞེས་གསུངས་པ་དང་རྒྱ་ཡི་སྐད་ཆ་འདི་ཕྱོགས་མཚུངས་པར་རྟོག་གོ །ཡང་། མངའ་རིས་དང་འཇང་རྒྱལ་རོང་ས་ངན་སྡེ་དགེ་སོགས་སུ་སྐྱེ་བའི་ཤོག་ཤིང་གི་རིགས་མེ་ཏོག་རེ་ལྕགས་འདྲ་བ་སེར་ཁ་ཡོད་པ་རྩ་བ་དང་སྡོང་པོའི་སྙིང་པོ་ཁམས་ནག་དང་། ནག་པོ་དང་། སེར་ཤས་ཅན་མེར་བསྲེགས་ན་དྲི་ཞིམ་པ་སྣུམ་ཁོལ་བ་འདི་རྣམས་ཀྱང་ཨར་ནག་ཏུ་ངོས…

བོད་ཀྱི་འདི་དང་མཚུངས་སོ། ༈ །ལཱཀྵ། རྒྱ་སྐག །ཐང་ཆུ་འདི་འབྱུང་བའི་ཤིང་གི་མིང་ལ། པ་ལ་ཤ། འདབ་ལྗང་། ཀིཾ་ཤུ་ཀ །ནེ་ཙོའམ་ཅི་ཞེས་གྲགས་པ་དེའོ། ༈ །ཞུ་མཁན་ལ་རིགས་གཉིས་ལས། ཤིང་སྡོང་ཆེན་པོ་ལྕང་མ་འདྲ་ཚད་པ་ལོ་མ་སྲབ་འཇམ་ནག་པ་ལ་ཞུ་མཁན་དཀར་པོ་དང་། ལོ་མ་འཐུག་ཅིང་ལྗང་ལ་གསེར་འོད་ཆགས་པར་ཞུ་མཁན་དམར་པོ་ཞེས་བཤད་དོ། །དེ་འང་ཞུ་…

མཛེས་པ། འབྲས་བུ་མཐོ་རེ་ལྷག་ཙམ་ཤིང་གི་པད་བརྩེགས་ནང་དུ་ཚིག་གུར་རིལ་ཙམ་སུམ་ཀྱོག་གི་ནང་དུ་སྟར་ག་ལྟ་བུར་ཞིམ་པའི་རྐང་མར་ཡོད། འདིའི་ཐང་ཆུས་གཤའ་དང་ཞ་ཉེའི་འབྱར་རྩི་བྱེད། འདིའི་རིགས་འབྲས་བུའི་རྐང་མར་མེད་པ་དེ་ལ་སྒྲོན་མེ་ཤིང་ཞེས་གྲགས་སོ། ༈ །པི་ཏ་དུ༔ ཤིང་སེར་སྟེ་སྐྱེར་པ་ནི། རྒྱ་བལ་དང་འཇང་དང་རོང་རྣམས་སུ་སྐྱེ་བ་ཤི…