རྩི་འཁྱིལ་བ་དང་མི་གཡོ་བས་དམ་སྲིའི་བར་ཆད་ཚར་བཅད། ནང་མཚམས་ལུས་ངག་ཡིད་གསུམ་སྐུ་གསུང་ཐུགས་ཀྱི་ཡེ་ཤེས་སུ་བསྒོམ། གསང་མཚམས་གསང་བའི་དམ་སྲི་བདུད་རྩི་གསང་གཏོར་གྱིས་རྡུལ་བཞིན་དུ་བརླག་པར་བྱའོ། །ཞེས་གསུངས་སྣང་ངོ་། ༈ །ཚེ་དབང་སྐབས། ལུས་ལ་མདའ་དང་ངག་ལ་དར་དམར་པོ། །ཡིད་ཀྱི་རྟེན་དུ་མེ་ལོང་གསུམ་འབྲེལ་བས། །བླ་ཚེ་སྲོག་གི་…

པ་ཏིང་འཛིན། བརྡ་སྤྲོད་པ་ཕྱག་རྒྱའི། བླངས་པ་སྒྲའི། ཟབ་མོ་སྔགས་ཀྱི་མཆོད་པ་དང་ལྔའོ། །ཨགྷོ་ཡན་ལག་བརྒྱད་ལྡན་ཆུ། །ཞལ་དུ་བཞེས་དང་སྐུ་ཁྲུས་གསོལ། །པཉྩམ་ནི་ཞེས་པ་ཡི། །ཞབས་བསིལ་ཆབ་དང་ལེན་མཚུངས་ཏེ། །པཱ་དྱེ་ཞབས་བསིལ་སྟན་ཉིད་ལ། །བཞུགས་ཁར་ཞབས་ཉིད་བཀྲུ་བའོ། ༈ །གནྡྷེ་དྲི་ཆབ་ཙནྡན་དང་། ག་བུར་གུར་གུམ་སི་ཧྥ་སོགས་ཆུ་གཙང་ད…

ནི་སྡོམ་པའི་དབང་བྱས་ན། དགེ་བསྙེན། དགེ་ཚུལ། དགེ་སློང་དང་གསུམ། དཔང་པོ་དང་སྦྱར་ན་སོ་བྱང་དང་སྔགས། ཉམས་སུ་བླང་བྱ་སྦྱར་ན། ཚུལ་ཏིང་ཤེས་རབ་གསུམ་སྟེ་དགུའོ། ༈ །མདོ་དང་། གཟུགས་ཀྱི་ཆོ་ག་ཞེས་པའི་མདོ་ཆོག་ནི། བཅུ་གཅིག་ཞལ་གྱི་སྨྱུང་གནས་སོགས་དང་། གཟུངས་ཆོག་ནི་རྣམ་འཇོམས་སོགས་ཡིན། སྔགས་ཆོག་ནི་སྔགས་ཕྱི་ནང་གི་རྒྱུད་ལས་ག…

ཐུགས་རྗེའི་སྣང་ཚུལ་ལམ་མིང་དུ་བཏགས་ཚུལ་ཙམ་དུ་ཡབ་ཡུམ་འཁོར་སོགས་སུ་དབྱེ་བ་དེ་ཉིད་དོན་དུ་སྣང་སྟོང་དབྱེར་མེད་རིག་པའི་ངོ་བོ་ཉིད་དང་། དེའི་རྩལ་མདངས་རྣམ་ཤེས་ཚོགས་བརྒྱད། ཉེ་ཉོན་ཉི་ཤུ། སེམས་བྱུང་ལྔ་བཅུ། རྟོག་ཚོགས་བརྒྱད་ཁྲི་བཞི་སྟོང་སོགས་སུ་ཤར་ཞིང་། དེ་དག་གི་རྒྱུ་སེམས་ཅན་གྱི་དུས་སུ་ལས་ཉོན་གྱི་རྟོག་ཚོགས། ལམ་རྣལ…

སྣང་ངོ་།། ༈ །།གཞི་བདག་གཉུག་གནས་ནི་རྟག་ཏུ་དེར་གནས་ཏེ་གཞན་དུ་མི་འཕོ་བའི་མིང་གི་བྱེ་བྲག་སྟེ་རྟག་ཆགས་ཀྱང་ཟེར་རོ། ༈ །རྒྱ་གར་ན་རབ་བྱུང་རྣམས་བསོད་སྙོམས་ལ་ཕེབས་ཚེ་ མཁར་བསིལ་གྱི་སྒྲ་དང་། རྣལ་འབྱོར་པ་ཡིན་ན་ཌ་མ་རུ་དང་། ཁྲི་སྙན་གྱི་རྭ་དུང་འབུད་པ་ཡིན་ནོ། །རྐང་གླིང་ལ་བཀའ་བརྒྱུད་པ་རྣམས་ཀྱིས། ཐོག་མར། ཨོཾ། ཨོཾ། ཨོ་ཞ…

པའི་རྒྱང་གསུམ་པོ་དེའང་མགོ་མ་སྐད་ཤེད་ཆེ་བ། མཇུག་ཏུ་རིམ་པར་ཆུང་ནར་གྱིས་བཞག་པ་ནི་བླ་མ་དྲན་པའི་མོས་གུས་གདུང་ཤུགས་སྐྱེ་ཕྱིར་ཡིན་ཞིང་། འདི་འབུད་ལུགས་མཁས་པ་ཞིག་བྱུང་ན་སྣང་བ་འགྱུར་ཏེ་སྐྱོ་ལྷང་གིས་གཏོང་ཐུབ་པ་འོང་། སྒྲུབ་གྲྭ་ལ་ཐུན་བཞིའི་ངེས་པ་བྱེད་ན། ཐོ་རངས་བླ་མའི་གསོལ་འདེབས་སྤྱི་ཐུན། ཉི་ཤར་ཆུ་གཏོར་གྱི་ཐུན། ཕ…

རྙིང་མའི་རྫོགས་ཆེན་གྱི་རྒྱུད་བཅུ་བདུན་སོགས་སུ། ཁ་ལྟ་བུ་ནི། རྩ་བའི་ཡིག་འབྲུ་ཛ་དེ་ལ་ཡན་ལག་བུ་དྲུག་མི་འདྲ་བ་ཅི་ཙམ་བཏགས་པ་དེ་སོ་སོའི་གྲངས་དང་མཉམ་བར་བཀླག་སྟེ། དཔེར་ན། ཚུ་ཛྲ་ཛུ་ཛོ་ཛོ་ཛི་ཛི་ཛི། ཞེས་པར་བཀླག་དགོས་ཞེས་བི་མ། རང་བྱུང་ཞབས། ཀློང་ཆེན། མཁའ་སྤྱོད་པ་སོགས་ཀྱིས་གསུངས། དོན་དུ་དཀྲུགས་ཡིག་འདི་འདྲ་བ་རྣམས་ན…

ལ་སེམས་སྐྱོ་བར་སྣང་ངོ་།། ༈ །།ཐོག་མར་བསྒྲུབ་བྱའི་གཞིའི་ལྷ་གང་ཡིན་མ་ངེས་ན། བསྒྲུབ་གཞི་མེད་པའི་སྒྲུབ་བྱེད་ཙམ་དུ་ཟད་པས། སྒྲུབ་གཞི་ནི་འདི་ལྟར་འགྲོ་བ་ཐམས་ཅད་རང་བཞིན་རྣམ་དག་ལྷའི་བདག་ཉིད་ཅན་དུ་ཁྱད་མེད་དུ་གནས་པའི་དམ་ཚིག་སེམས་དཔའ་དང་། སངས་རྒྱས་ཐམས་ཅད་ཆོས་ཀྱི་སྐུ་ནི་ཡེ་ཤེས་སེམས་དཔའ་སྟེ། དེ་གཉིས་གདོད་ནས་དབྱེར་མ…

ལས་ཁྱད་པར་འཕགས་པའོ། ༈ །ཨོཾ་ཨཱཧཱུྃ། སྐུ་གསུང་ཐུགས་ཀྱི་ས་བོན། སརྦ་ཐམས་ཅད། ས་མ་ཡ་དམ་ཚིག །ཨེ་འདིར། ཨ་རལླི་རོལ་པ། ཧྲིང་ཧྲིང་། འདུས་ཤིག་པའི་བརྡ་སྐད་དེ། རྡོ་རྗེ་གསུམ་གྱི་ལྷ་ཚོགས་ཐམས་ཅད་དམ་ཚིག་གི་རོལ་བས་འདིར་འདུས་ཤིག་ཅེས་བསྐུལ་བའོ། །ས་མ་དམ་ཚིག །ཛཛདགུག་པའི་ས་བོན་ཏེ། དམ་ཚིག་པ་ལྟར་བྱོན་ཅིག་པའི་སྔགས་ཀྱིས་ཡེ་ཤེས…

རྣལ་འབྱོར་མཆོག་གི་ཕྱག་རྒྱའོ། ༈ །དྭངས་མ་ལྔ་བརྟེན་པའི་སེམས་ཉིད་ཀྱི་དྭངས་མ་དང་བཅས་ཟུང་དུ་བསྡེབས་པས་དག་ཐོབ་འབྱུང་ཚུལ། ༡༢ས་ཆུའི་ཁམས་དག་པས་འཁོར་བའི་ལུས་ཀྱི་སྡུག་བསྔལ་ལས། ། རྣམ་གྲོལ་བདེ་བ་སྐྱེ་འཆི་བྲལ་བ་ནི། །ཆེན་སྐུ་ཆེན་པོ་པོའི་སྐུ་སྟེ་སྐུ་ཡི་རྡོ་རྗེའོ། །རླུང་མེའི་ཁམས་དག་ངག་གི་སྡུག་བསྔལ་ལས། །རྣམ་གྲོལ་བདེ་བ…

ཚོགས་ལྷར་དག་ལ་ལྷ་ཡེ་ཤེས་སུ་དག་པས། ཡེ་ཤེས་ནི་གཟུང་འཛིན་དང་བྲལ་བ་ཡིན་ཕྱིར་བསྒོམས་ཤིང་བསྒྲུབས་པའི་ལྷ་དེ་ཡང་རང་གི་སེམས་ཀྱི་ཆོས་ཉིད་བདེ་གསལ་སྟོང་བ་ཉིད་ཆོས་སྐུའི་ངོ་བོར་གསལ་བར་ཐག་བཅད་དོ། ༈ །རོ་སྲེག་སོགས་ཀྱི་ཚེ་མེ་པྲ་བརྟག་པ་ནི། སྦྱོང་རྒྱུད་ལས། སྡིག་པ་བཅོམ་པའི་མཚན་མ་ནི། །དཀར་པོ་ཉིད་དང་གཡས་སུ་འབར། །གྱེན་དུ་འ…

པ་བསྐྱེད་རིམ་གྱི་སྔགས་སྡོམ་དང་། ལྷར་སྣང་ཞེན་གྱི་མཚན་རྟོག་སྡོམ་པར་བྱེད་པ་རྫོགས་རིམ་གྱི་སྔགས་སྡོམ་མོ། ༈ །ལྟ་སྒོམ་སྤྱོད་འབྲས་ཀྱི་དོན་བསྡུ་ན། སེམས་ཀྱི་རང་བཞིན་དག་པ་གཉུག་མའི་དོན་དེ་ལ་ཇི་ལྟར་བརྟག་ཀྱང་དངོས་པོ་དང་མཚན་མར་མ་གྲུབ་པས་རྟག་པ་རང་རྒྱུད་པ་མིན། རིག་ཙམ་དུ་མ་འགགས་ཆད་པ་ཅི་ཡང་མེད་པའང་མིན། དེ་གཉིས་ཀ་དང་གཉ…

བདེ་ཆེན་ལྷན་ཅིག་སྐྱེས་པའི་ཡེ་ཤེས་ཀྱི་གྲོགས་སུ་ཁྱེར་ཞིང་སྤྱོད་པ་ནི་སྤྱོད་པའོ། །རྟོགས་གོམས་མཐར་ཕྱིན་པས་གཞི་དེ་ཇི་ལྟ་བ་བཞིན་རྟོགས་པ་ལ་བརྟན་པ་ཐོབ་པ་ནི་སྤང་ཐོབ་མེད་པའི་འབྲས་བུའོ། ༈ །ཛྙཱ་ན་ཨ་ཝེ་ཤ་ཡ། ཞེས་པ་ནི། ཡེ་ཤེས་ཕོབ་ཅིག་པའོ། ༈ །བློ་ནི་བྷ་ག་སྟེ་ཆོས་དབྱིངས་དང་། ཨོཾ་ནི་ཡེ་ཤེས་ལྔ་ཡི་ངོ་བོ་མཚོན་པས་ན་སྣོད་ད…

བསྔལ་བསྐྱེད་ཀྱང་། ངོ་བོ་རང་བྱུང་གི་ཡེ་ཤེས་བདེ་བ་ཆེན་པོའི་གནས་ཉིད་ལས་གཞན་དུ་གྱུར་པ་རྡུལ་ཙམ་ཡང་མེད་དོ། །ཨོ་རྒྱན་ཆེན་པོས། རྟོག་པ་ཆོས་ཉིད་ཡིན་ཤེས་ན། །ཆོས་དབྱིངས་གཞན་ཞིག་བསྒོམ་རྒྱུ་མེད། །ཅེས་དང་། རྣམ་པར་རྟོག་པ་བགེགས་ཉིད་དེ། །བགེགས་ནི་རང་གི་སེམས་ལས་བྱུང་། །ཡེ་ནས་སེམས་ཉིད་དག་ཤེས་ན། །བགེགས་ཞེས་བྱ་བ་གཞན་ན་མེ…

ས་བཅུའི་རྒྱུན་གྱི་ཐ་མ་འོད་ཟེར་ཆེན་པོས་དབང་བསྐུར་བའི་ཚེ་རྡོ་རྗེ་ལྟ་བུའི་ཏིང་འཛིན་ཐོབ་ནས་སངས་རྒྱ་བར་བྱེད་དོ། ༈ །སྤྲུལ་པ་ཀུན་ཏུ་ཚད་མེད་པས་ཀུན་ཏུ་འོད་སྤྲུལ་སྐུའི་ས་དང་། རང་སྣང་ དག་པའི་སྣང་བ་ཚད་མེད་པས་པདྨ་ཅན་ལོངས་སྐུའི་ས་དང་གཉིས་སུ་མེད་པའི་ཡེ་ཤེས་ཚད་མེད་པས་སའི་མཆོག་འཁོར་ལོ་ཚོགས་ཆེན་ཆོས་སྐུའི་སའོ། །དེས་ན་…

སྣང་བས་དོན་མཛད་པ་ཙམ་ལ་དགོངས་པའོ། ༈ །རིག་མེ་དོར་བའི་སྔགས་དོན། ཨོཾ་བཛྲ་ས་མ་ཡ་ཨོ་ནི་སྐུའི་དམ་ཚིག་གིས་སྐུར་སྒྲུབ་པ་སྟེ་དེ་བཞིན་སྦྱར་རོ། ༈ །ཨོཾ་ཡེ་ཤེས་རྒྱལ་པོ་ཞེས་བཅོམ་ལྡན་འདས་ལ་བོས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་རྨད་དུ་བྱུང་བ་ཆེན་པོའི་དངོས་གྲུབ་ད་ལྟ་ཉིད་དུ་མཉམ་པར་སྦྱོར་བའི་བ…

ཆུ་བོ་ཤིན་ཏུ་མ་པོ་ཡང་། །མཉམ་ཞིང་ཡིད་འོང་ཁ་ཡི་ཆུ། །ཉི་མ་ཤིན་ཏུ་གནས་པ་ནི། །ནམ་མཁའི་མཚན་ཉིད་ཤེས་པར་བྱ། །མཐོ་དང་མདུན་ས་ནུབ་བྱང་ཡིན། །ཤར་ལྷོ་གཞོལ་ཞིང་འཇམ་པ་ལ། ། ཐོ་སྒོ་གྲོག་མདོ་ཆུ་སྣ་ཚོགས། །དལ་དབང་སྒྲ་ཡི་མཚམས་བརྟག་བྱ། །ལྷུན་སྡུག་རི་བོ་ནགས་ཚལ་ལྡན། །རབ་ཏུ་མཉམ་ཞིང་སྣུམ་བག་ཅན། །ཆུ་བོ་དབང་གི་ཕྱོགས་ཡིན་ཏེ། །ཅུ…

བརྒྱད་མ་ཐོབ་པར། །དེ་སྲིད་ཐེག་པ་དམན་པས་འཇིགས། །གསང་ཆེན་ཐེག་པ་འདི་རུ་ནི། །ཞུགས་པ་གང་དང་གང་ཡིན་པ། །དེ་ནི་རྒྱལ་སྲས་ས་པ་ཡིན། །ཞེས་སོ། ༈ །དམ་ཚིག་བཀོད་པའི་རྒྱུད་ལས། བླ་མ་རྡོ་རྗེ་འཛིན་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཉེས་ཟད་དངོས་གྲུབ་མཆོག་ཐོབ་འགྱུར། །ཞེས་སོ། ༈ །དགའ་བཞ…

ཚིག་དོན་རིན་པོ་ཆེའི་མཛོད་ལས། འགྲོ་བ་ཀུན་གྱི་ལུས་ལ་ཡེ་ཤེས་ཆེན་པོ་གནས་ཤིང་དེས་ཁྱབ་ཀྱང་བླ་མས་མ་བསྟན་ན་མཐོང་དུ་མི་རུང་ཞིང་། བྱང་ཆུབ་སེམས་དཔའ་ས་བཅུ་པས་ཀྱང་རྟོགས་ པར་དཀའ་བ་དང་། བླ་མས་བསྟན་ན་དངོས་སུ་མཐོང་ལ་རང་བཞིན་དུ་བར་དོར་རང་སྣང་མངོན་དུ་འཆར་རོ། །རྒྱུད་ལས། རྣམ་དག་ལུས་འདི་བོར་མ་ཐག །རང་སྣང་ཡུལ་དང་འཕྲད་པར་འག…

ནང་གི་ཤེས་པ་སྙོམས་བྱེད་དང་བྲལ་བར་རྗེན་ཡེ་རེ་བཞག་གོ །སྒོམ་པ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་འགུལ་འཕྲིག་མེད་པར་ཉམས་སུ་ལེན་པའོ། །སྤྱོད་པ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་བལྟ་དུས་གཉིས་སྣང་བློ་ཡི་ཞེན་པ་ལས་འདས་པར་སྤྱོད་པའོ། །འབྲས་བུ་རྣལ་འབྱོར་དུ་བྱེད་པ་ནི། ལུ་གུ་རྒྱུད་ལ་བལྟ་དུས་དེར་རེ་དོགས་མེད་…