དང་མཉམ། །མཐུ་སྟོབས་ཁྲོ་རྒྱལ་རྣམས་དང་མཉམ། །ཚེ་ཚད་ཉི་ཟླ་གཉིས་དང་མཉམ། །དང་པོའི་ལས་ཅན་རྣམས་དང་མཉམ། །ས་བརྒྱད་ལ་ནི་རབ་ཏུ་གནས། །ཞེས་གསུངས་སོ། །འདིའི་དབང་ཐོབ་ན་བསྙེན་པ་བྱས་པའི་ཕན་ཡོན་ནི། འབུམ་ཕྲག་གཅིག་གིས་བགེགས་རྣམས་བསྐད། ་རྣམ་རྟོག འབུམ་ཕྲག་གཉིས་ཀྱིས་གྲོང་ཁྱེར་བསྐྱོད། ་་ནང་གི་འབུ་སྲིན། །འབུམ་ཕྲག་གསུམ་གྱིས་ར…

མངོན་སུམ་དག་ཏུ་མཐོང་བར་འགྱུར། །དབང་པོ་རབ་ཀྱི་སྣང་བ་དེ། །ལས་འཕྲོ་ཅན་གྱི་སྣང་བ་ཡིན། །རང་གི་རིགས་དང་གང་མཐུན་པ། །རྨི་ལམ་དུ་མཆོག་ཏུ་གསལ། །བསྐལ་པ་འབྲིང་གི་མཚན་ལྟས་ཡིན། །ཚུལ་བཞིན་བྲིས་པའི་ཐང་སྐུ་དེ། །འོད་དང་སྒྲ་དང་འཛུམ་པ་དང་། །མཁའ་འགྲོའི་ལུང་བསྟན་འབྱུང་བ་དང་། །སྐྱེ་བ་འདི་ལ་ངེས་པར་འགྲུབ། །སྦྱོར་བ་དམན་པའི་གང…

ཆགས་པ་མེད། །ལས་ཀྱི་མཁའ་འགྲོའི་ཉམས་མྱོང་ཡིན། །ཞེས་གསུངས། འདིའི་སྒོམ་བསྒྲུབས་བྱས་པས་འཐོབ་བྱ་ཡེ་ཤེས་ལྔ་ཐོབ་སྟེ། འདིའི་རྒྱུད་ལས། སྤྲོས་བྲལ་ཆོས་དབྱིངས་ཡེ་ཤེས་དང་། །མེ་ལོང་ཡེ་ཤེས་གཟུགས་བརྙན་ལྟར། །བདག་གཞན་གཉིས་མེད་མཉམ་པ་ཉིད། །གསལ་ལ་མ་འདྲེས་སོ་སོར་རྟོག །ཕྲིན་ལས་མཐར་ཕྱིན་བྱ་བ་གྲུབ། །ཡེ་ཤེས་ལྔ་ནི་དེ་ལྟར་ཡིན། …

ཟུང་འཇུག་ཉམས་སུ་བླངས་བས། རྣལ་འབྱོར་པ་ལུས་རྒྱ་བྲལ་བའི་དུས་སུ། རྣམ་པར་ཤེས་པ་མཁའ་སྤྱོད་དུ་ལྷ་དང་ལྷ་མོ་དཔའ་བོ་མཁའ་འགྲོས་བསུ་ཞིང་བར་དོ་མེད་པར་སངས་རྒྱས། ལྷག་མ་ཕུང་པོ་སྐུ་གདུང་རིང་བསྲེལ་སོགས་སིལ་བུར་འགྲོ་སྟེ་ལུས་ལྷ་བསྐྱེད་པ་ལ་གོམས་ན། རྡོ་རྗེ་ཕག་མོའི་སྐུ་མི་འབྱོན་མི་སྲིད་དོ། །གཞན་ཡང་ཤ་ལས་གྲུབ་པའི་རིང་བསྲེལ་…

མའི་གསང་སྒྲུབ་ཁྲོས་མའི་སྙན་བརྒྱུད་ཀྱི་དབང་ཞུ་བའི་ཕྱིར་རྗེས་ཟློས་མཛོད། བདག་ནི་འཁོར་བའི་ཆོས་ལ་སྐྱོ་བ་སྐྱེས། །འཇིག་རྟེན་བྱ་བ་ཐམས་ཅད་སྤངས་ནས་ནི། །ཐར་པ་ཆེན་པོའི་གྲོང་མཆོག་འཇུག་འདོད་ན། །དམ་པས་བདག་ནི་ངེས་པར་བཞུགས་སུ་གསོལ། །གསུམ། དཀྱིལ་འཁོར་དུ་འཇུག་པའི་དོན་དུ་རས་དམར་པོའི་གདོང་གཡོགས་རེ་བཅིང་བའི་མོས་པ་མཛོད། ས…

དཀོན་མཆོག་གསུམ་ལ་བདག་སྐྱབས་མཆི། །སྡིག་པ་མི་དགེ་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་གཟུང་། སངས་རྒྱས་ཆོས་དང་ཚོགས་མཆོད་ལ། །བྱང་ཆུབ་བར་དུ་སྐྱབས་སུ་མཆི། །རང་གཞན་དོན་གཉིས་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམ…

འདིའི་ནང་དུ་ཞུགས་པའི་མོས་པ་མཛོད། ཨོཾ་ཨ་ལཾ་ཝི་ར་ཧཱུཾ། དཀྱིལ་འཁོར་ལ་བསྐོར་བ་ལན་གསུམ་བྱས་ནས། ཤར་སྒོ་ནས་ལྷ་རྣམས་ལ་ཕྱག་འཚལ་བའི་མོས་པས་རྗེས་ཟློས་མཛོད། །ན་མ་ཏེ་ཧཱུྃ། ན་མ་མེ་ཧཱུཾ། ན་མོ་ན་མ་ཧཱུྃ། ལག་ཏུ་རྡོ་རྗེ་གདེང་ལ། ཁྱོད་ནི་རྣལ་འབྱོར་མ་རིགས་སྐྱེས། །ང་ཡི་ཡེ་ཤེས་རྡོ་རྗེ་སྦྱིན། །བྱིན་པས་དངོས་གྲུབ་ཐོབ་པར་འགྱུར…

བཀའ་སྩལ་པ། །ཁྱོད་ཀྱིས་སྐྱོ་བ་མེད་པར་བསྒྲུབ། །གང་ཡང་ང་ལ་མ་གུས་མིན། །དེ་ནི་གུས་པར་མ་བྱས་ན། །བདུད་ཀྱི་བཅོམ་ནས་ངན་འགྲོར་འགྲོ། །རྡོ་རྗེ་མགོར་བཞག་ཅིང་། དེ་བས་དམ་ཚིག་གནས་པར་གྱིས། ད་ཡེ་ཤེས་པ་འབེབས་པའི་དོན་དུ་རྗེས་ཟློས་མཛོད། བདག་དུས་འདི་ནས་བཟུང་སྟེ། བྱང་ཆུབ་སྙིང་ཀྵཔོ་ལ་མཆིས་ཀྱི་བར་དུ། དུས་གསུམ་སངས་རྒྱས་ཐམས་ཅ…

ཐོད་སྐམ་ལྔས་དབུ་རྒྱན་པ། སྤྱི་གཙུག་རལ་པའི་གསེབ་ནས་ཕག་ཞལ་གྱེན་དུ་ངུར་བ། རོའི་གདན་ལ་ཞབས་གཡས་བསྐུམས་ཤིང་། གཡོན་བརྐྱང་བའི་ཚུལ་གྱིས་བཞུགས་པའི༔ ལྟེ་བར་ཆོས་འབྱུང་སྔོན་པོའི་ལྟེ་བར། ཡི་གེ་ཨ་དཀར་པོ་ལས་འོད་འཕྲོས་པས། ནུབ་ཕྱོགས་ཨོ་རྒྱན་གྱི་ཡུལ་ནས་རྗེ་བཙུན་རྡོ་རྗེ་རྣལ་འབྱོར་མ་ཉི་ཤུ་བཞིའི་དཔའ་བོ་མཁའ་འགྲོ་སངས་རྒྱས་ད…

རྣམས་ལ་བྱིན་ཕོབ་ཅིག །ལུས་ལ་བདེ་དྲོད་འབར་བའི་བྱིན་ཕོབ་ཅིག །ངག་ལ་ནུས་པ་འབར་བའི་བྱིན་ཕོབ་ཅིག །སེམས་ལ་རྟོགས་པ་འབར་བའི་བྱིན་ཕོབ་ཅིག །འདུ་བ་གསུམ་གྱི་དངོས་གྲུབ་བསྩལ་དུ་གསོལ། །ཨོཾ་བཛྲ་བྷ་ར་ཧི་ཀྲོ་ཏི་ཀ་ལི་ཧ་རི་ནི་ས་ཨཱ་ཝེ་ཤ་ཡ་ཨ་ཨཱཿ སྔགས་དེ་གསུམ་མམ་བདུན་དྲག་ཏུ་བརྗོད། ད་ཡེ་ཤེས་པ་དེ་བརྟན་པར་བསྒོམ་ཞིང་། ཏིཥྛ་བཛྲ་…

རང་གི་ཚེ་རབས་ལས་ཀྱི་ལྷ་ཡིན་ཅིང་། རིགས་དེ་དང་མཐུན་པའི་དངོས་གྲུབ་ཀྱང་ཐོབ། མེ་ཏོག་དེ་ཡང་ཁྱེད་རང་གི་སྤྱི་བོར་གནང་བའི་མོས་པ་མཛོད། བཅོམ་ལྡན་འདས་མ་ཁྱོད་ཀྱིས་ནི། །འདི་ནི་རྗེས་སུ་བཟུང་བར་མཛོད། །པྲ་ཏི་བྷིཏྟ་སོ་མི་མཾ་སཏཱ་མ་ཧཱ་བ་ལ་ཡ། ད་གསེར་གྱི་ཐུར་མས་རིག་པའི་ལིང་ཐོག་གསལ་བའི་མོས་པ་གྱིས། སྤྱན་ལྔ་རྣམ་དག་དབྱེ་དང་མ…

ཁང་གྲུ་བཞི། དེའི་དབུས་སུ་ཆོས་འབྱུང་གདན་ཐབས་ཀྱི་སྟེང་དུ། ཆོས་ཀྱི་འབྱུང་གནས་གདེང་ཁ་གྱེན་དུ་ཕྱོགས་པའི་དབུས། སྣ་ཚོགས་པདྨ་འདབ་བརྒྱད་དང་འདབ་བཞི་པདྨའི་གདན་ལ། དབུས་དང་ཕྱོགས་བཞིར་ཁྲོས་མ་རིགས་ལྔ། ཕྱི་རོལ་དུ་དུར་ཁྲོད་ཀྱི་མཁའ་འགྲོ་བརྒྱད་བཞུགས། གཙོ་མོ་ལྔ་ནི་ངོ་བོ་གཅིག་ལ་གང་འདུལ་གྱི་སྐུར་བསྟན་པ་ཡིན་ཏེ། ཁྲོས་མ་ཉིད…

དོན་དུ་མཎྜལ་ཕུལ། གསོལ་བ་འདེབས་པའི་རྗེས་ཟློས་མཛོད། །བྱང་ཆུབ་རྡོ་རྗེ་སངས་རྒྱས་ལ། །མཆོག་ཆེན་ཇི་ལྟར་བསྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར་། །ནམ་མཁའི་རྡོ་རྗེའི་དེང་བདག་སྩོལ། །གསུམ། དེ་ཡང་ཁྲོས་མའི་རྒྱུད་ཕག་མོ་མངོན་འབྱུང་ལས། དེ་ནས་དཀྱིལ་འཁོར་ཤར་གྱི་སྒོར། །བ་ཡི་རྣམ་ལྔའི་མཎྜལ་བྱ། །སྐལ་ལྡན་སློབ་མ་དེར་བཞ…

པའི་ངོར་ཞུ་བའི་ཆུས་དབང་བསྐུར་བར་སྒོམས་ཤིག །རྡོ་རྗེ་མཁའ་འགྲོ་ཆུ་ཡི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཐུགས་ནི་རབ་བསྒྲུབ་ཕྱིར། །རྡོ་རྗེ་མཁའ་འགྲོར་ཁྱོད་དབང་བསྐུར། །བུམ་པ་སྤྱི་གཙུག་ཏུ། བཛྲ་ཌཱཀི་ནཱི་ཨ་བྷི་ཥིཉྩ་ཧཱུཾ། སླར་ཡང་བུམ་པ་ཐོགས་ལ། ཇི་ལྟར་བལྟམས་པ་སོགས། ཨོཾ་སརྦ་ཏ་ཐཱ་ག་ཏ་ཨ་ཥིཉྩ་མཱི། བུམ་ཆུ་གཏ…

ཤིང་སློབ་མ་རྣམས་རིན་ཆེན་མཁའ་འགྲོ་དང་སངས་རྒྱས་ཐམས་ཅད་དབྱེར་མེད་པའི་ངོ་བོར་གྱུར་པ་ལ། དབུ་རྒྱན་འདི་ཡང་སངས་རྒྱས་རིན་ཆེན་འབྱུང་ལྡན་གྱི་ངོ་བོར་གྱུར་པ་ལ་དབང་བསྐུར། དབུ་བརྒྱན་པའི་མོས་པ་མཛོད། རིན་ཆེན་མཁའ་འགྲོའི་དབུ་རྒྱན་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཡོན་ཏན་རབ་བསྒྲུབ་ཕྱིར། །རིན་ཆེན་མཁའ་འགྲོར་ཁྱོ…

ཤེས་མངོན་དུ་བྱས་ཏེ། རིན་ཆེན་འབྱུང་ལྡན་དང་རིན་ཆེན་མཁའ་འགྲོའི་བག་ཆགས་དང་ས་བོན་རྒྱུད་ལ་བཞག་པའོ། ཡང་དཀྱིལ་འཁོར་གྱི་གཙོ་མོ་དང་མེ་ལོང་གི་ལྷ་ཚོགས་ཀྱི་འོད་ཀྱིས་དབང་ལྷ་རྣམས་སྤྱན་དྲངས། སློབ་མ་རྣམས་པདྨ་མཁའ་འགྲོ་དང་སངས་རྒྱས་ཐམས་ཅད་དབྱེར་མེད་དུ་གྱུར་པ་ལ། སངས་རྒྱས་ཐམས་ཅད་འོད་དཔག་མེད་ཀྱི་ངོ་བོར་ཞུ་བའི་རྡོ་རྗེ་ཁྱེད…

རྣམས་སློབ་མའི་ལུས་ལ་ཞུགས། དེས་འོད་དཔག་མེད་དང་པདྨ་མཁའ་འགྲོའི་སྒོ་ནས་རྡོ་རྗེའི་དབང་ཐོབ། ཉོན་མོངས་པ་འདོད་ཆགས་ཞི། འདུ་ཤེས་ཕུང་པོ་གནས་འགྱུར་ནས་སོ་སོར་རྟོག་པའི་ཡེ་ཤེས་མངོན་དུ་བྱས། འོད་དཔག་མེད་དང་པདྨ་མཁའ་འགྲོའི་བག་ཆགས་དང་ས་བོན་རྒྱུད་ལ་བཞག་པ་ཡིན། ཡང་དཀྱིལ་འཁོར་གྱི་གཙོ་མོ་དང་མེ་ལོང་གི་ལྷ་ཚོགས་ཀྱི་འོད་ཀྱིས་དབ…

ལས། དོན་ཡོད་གྲུབ་པས་དབུ་རྒྱན་པར་གྱུར། ལས་ཀྱི་མཁའ་འགྲོའི་ལེགས་བྱིན་པའི། །ཐོགས་པ་མེད་པའི་བཀྲ་ཤིས་ཤོག །དབང་གི་ལྷ་རྣམས་སློབ་མའི་ལུས་ལ་ཞུགས། དོན་ཡོད་གྲུབ་པ་དང་ལས་ཀྱི་མཁའ་འགྲོའི་སྒོ་ནས་དྲིལ་བུས་དབང་ཐོབ། ཉོན་མོངས་པ་ཕྲག་དོག་དག །འདུ་ཤེས་ཀྱི་ཕུང་པོ་གནས་འགྱུར། བྱ་བ་གྲུབ་པའི་ཡེ་ཤེས་མངོན་དུ་བྱས། དོན་ཡོད་གྲུབ་པ་ད…

སངས་རྒྱས་མཁའ་འགྲོ། རྡོ་རྗེ་མཁའ་འགྲོ་སོགས། མོ་ཡིན་ན། རྡོ་རྗེ་ཁྲོ་མོ་རིན་ཆེན་ཁྲོ་མོ་སོགས། ཞེས་བྱ་བའི་དེ་བཞིན་གཤེགས་པའམ་གཤེགས་མའོ། །བྱང་ཆུབ་སེམས་ཀྱིས་གང་བའི་བུམ་ཆུས་དབང་བསྐུར་བའི་མོས་པ་མཛོད། ཇི་ལྟར་བལྟམས་པ་སོགས། བུམ་པ་དཔྲལ་བར། ཨོཾ་སརྦ་ཏ་ཐཱ་ག་ཨ་བྷི་ཥིཉྩནྟཾ། བུམ་ཆུ་གཏོར་ཞིང་བཀྲུས་ལ་བླུད། ལུས་གང་བདེ་བ་ཆེན…

ཐུགས་ཀར་འཛིན་པ། ཁཊཾ་ག་མཆན་ཁུང་དུ་བཅུག་པ་ལ་འཁྱུད་པ། ཞབས་གཡས་བསྐུམས་པའི་རྟིང་པ་བྷ་ག་ལ་གཏད་པའོ། །གཡོན་བརྐྱང་རོའི་གདན་སྙིང་གར་མནན་པ། སྐུ་འཇིགས་ཤིང་རབ་ཏུ་ཁྲོས་པ། ཞེ་སྡང་རབ་ཏུ་འཇོམས་པའི་ཕྱིར། སྦྲུལ་གྱི་ག་ཤལ་བརྒྱན་པ། ང་རྒྱལ་འཇོམས་པའི་ཕྱིར། སྟག་གི་ཤམ་ཐབས་བྱས་པ། འབྱུང་པོ་ཚར་གཅོད་པའི་ཕྱིར། ཐོད་པའི་ཕྲེང་བས་བརྒ…